| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[299] 9. гомаарабуд̇д̇аж̇аад̇агаван̣н̣анаа
[299] 9. Komāraputtajātakavaṇṇanā
бурз д̇уванд̇и ид̣̇ам̣ сад̇т̇аа буб̣б̣аараамз вихаранд̇о гзл̣исийлз бхигкуу аараб̣бха гат̇зси. д̇з гира бхигкуу сад̇т̇ари убарибаасаад̣̇з вихаранд̇з хздтаабаасаад̣̇з д̣̇идтасуд̇аад̣̇ийни гат̇знд̇аа галахан̃жа барибхаасан̃жа гаронд̇аа нисийд̣̇им̣су. сад̇т̇аа махаамог̇г̇аллаанам̣ ааманд̇зд̇ваа ‘‘зд̇з бхигкуу сам̣взж̇зхий’’д̇и ааха. т̇зро аагаасз уббад̇ид̇ваа баад̣̇ан̇г̇удтагзна баасаад̣̇ат̇убигам̣ бахарид̇ваа яаава уд̣̇агабарияанд̇аа баасаад̣̇ам̣ гамбзси. д̇з бхигкуу маран̣абхаяабхийд̇аа нигкамид̇ваа б̣ахи адтам̣суу. д̇зсам̣ со гзл̣исийлабхааво бхигкуусу баагадо ж̇аад̇о. ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, згажжз бхигкуу зваруубз нияяаанигасаасанз баб̣б̣аж̇ид̇ваа гзл̣исийлаа худ̇ваа вижаранд̇и, ‘анижжам̣ д̣̇угкам̣ анад̇д̇аа’д̇и вибассанааяа гаммам̣ на гаронд̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзд̇з гзл̣исийлагааязваа’’д̇и вад̇ваа ад̇ийд̇ам̣ аахари.
Puretuvanti idaṃ satthā pubbārāme viharanto keḷisīle bhikkhū ārabbha kathesi. Te kira bhikkhū satthari uparipāsāde viharante heṭṭhāpāsāde diṭṭhasutādīni kathentā kalahañca paribhāsañca karontā nisīdiṃsu. Satthā mahāmoggallānaṃ āmantetvā ‘‘ete bhikkhū saṃvejehī’’ti āha. Thero ākāse uppatitvā pādaṅguṭṭhakena pāsādathupikaṃ paharitvā yāva udakapariyantā pāsādaṃ kampesi. Te bhikkhū maraṇabhayabhītā nikkhamitvā bahi aṭṭhaṃsū. Tesaṃ so keḷisīlabhāvo bhikkhūsu pākaṭo jāto. Athekadivasaṃ bhikkhū dhammasabhāyaṃ kathaṃ samuṭṭhāpesuṃ – ‘‘āvuso, ekacce bhikkhū evarūpe niyyānikasāsane pabbajitvā keḷisīlā hutvā vicaranti, ‘aniccaṃ dukkhaṃ anattā’ti vipassanāya kammaṃ na karontī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepete keḷisīlakāyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ г̇аамагз б̣раахман̣агулз ниб̣б̣ад̇д̇и, ‘‘гомаарабуд̇д̇о’’д̇и нам̣ сан̃ж̇ааним̣су. со абарабхааг̇з нигкамид̇ваа исибаб̣б̣аж̇ж̇ам̣ баб̣б̣аж̇ид̇ваа химаванд̇абад̣̇зсз васи. ат̇ан̃н̃з гзл̣исийлаа д̇аабасаа химаванд̇абад̣̇зсз ассамам̣ маабзд̇ваа васим̣су, гасин̣абаригаммамад̇д̇амби нзсам̣ над̇т̇и, аран̃н̃ад̇о палаапалаани аахарид̇ваа каад̣̇ид̇ваа хасамаанаа наанаббагаарааяа гзл̣ияаа вийд̇инаамзнд̇и. д̇зсам̣ санд̇игз зго маггадо ад̇т̇и, соби гзл̣исийлагова мукавигаараад̣̇ийни гаронд̇о д̇аабасаанам̣ наанаавид̇хам̣ гзл̣им̣ д̣̇ассзд̇и. д̇аабасаа д̇ад̇т̇а жирам̣ васид̇ваа лон̣амб̣иласзванад̇т̇ааяа мануссабат̇ам̣ аг̇амам̣су. д̇зсам̣ г̇ад̇агаалад̇о бадтааяа б̣од̇хисад̇д̇о д̇ам̣ таанам̣ г̇анд̇ваа ваасам̣ габбзси, маггадо д̇зсам̣ вияа д̇ассаби гзл̣им̣ д̣̇ассзси.
Atīte bārāṇasiyaṃ brahmadatte rajjaṃ kārente bodhisatto ekasmiṃ gāmake brāhmaṇakule nibbatti, ‘‘komāraputto’’ti naṃ sañjāniṃsu. So aparabhāge nikkhamitvā isipabbajjaṃ pabbajitvā himavantapadese vasi. Athaññe keḷisīlā tāpasā himavantapadese assamaṃ māpetvā vasiṃsu, kasiṇaparikammamattampi nesaṃ natthi, araññato phalāphalāni āharitvā khāditvā hasamānā nānappakārāya keḷiyā vītināmenti. Tesaṃ santike eko makkaṭo atthi, sopi keḷisīlakova mukhavikārādīni karonto tāpasānaṃ nānāvidhaṃ keḷiṃ dasseti. Tāpasā tattha ciraṃ vasitvā loṇambilasevanatthāya manussapathaṃ agamaṃsu. Tesaṃ gatakālato paṭṭhāya bodhisatto taṃ ṭhānaṃ gantvā vāsaṃ kappesi, makkaṭo tesaṃ viya tassapi keḷiṃ dassesi.
б̣од̇хисад̇д̇о ажчарам̣ бахарид̇ваа ‘‘сусигкид̇абаб̣б̣аж̇ид̇аанам̣ санд̇игз васанд̇зна наама аажаарасамбаннзна гааяаад̣̇ийхи сусан̃н̃ад̇зна жхаанзсу яуд̇д̇зна бхавид̇ум̣ ваддад̇ий’’д̇и д̇асса оваад̣̇ам̣ ад̣̇ааси. со д̇ад̇о бадтааяа сийлаваа аажаарасамбанно ахоси, б̣од̇хисад̇д̇оби д̇ад̇о ан̃н̃ад̇т̇а аг̇амааси. ат̇а д̇з д̇аабасаа лон̣амб̣илам̣ сзвид̇ваа д̇ам̣ таанам̣ аг̇амам̣су. маггадо буб̣б̣з вияа д̇зсам̣ гзл̣им̣ на д̣̇ассзси. ат̇а нам̣ д̇аабасаа ‘‘буб̣б̣з, д̇вам̣ аавусо, амхаагам̣ бурад̇о гзл̣им̣ агааси, ид̣̇аани на гароси, гим̣гааран̣аа’’д̇и бужчанд̇аа батамам̣ г̇аат̇амаахам̣су –
Bodhisatto accharaṃ paharitvā ‘‘susikkhitapabbajitānaṃ santike vasantena nāma ācārasampannena kāyādīhi susaññatena jhānesu yuttena bhavituṃ vaṭṭatī’’ti tassa ovādaṃ adāsi. So tato paṭṭhāya sīlavā ācārasampanno ahosi, bodhisattopi tato aññattha agamāsi. Atha te tāpasā loṇambilaṃ sevitvā taṃ ṭhānaṃ agamaṃsu. Makkaṭo pubbe viya tesaṃ keḷiṃ na dassesi. Atha naṃ tāpasā ‘‘pubbe, tvaṃ āvuso, amhākaṃ purato keḷiṃ akāsi, idāni na karosi, kiṃkāraṇā’’ti pucchantā paṭhamaṃ gāthamāhaṃsu –
145.
145.
‘‘бурз д̇увам̣ сийлавад̇ам̣ сагаасз, огганд̇игам̣ гийл̣аси ассамамхи;
‘‘Pure tuvaṃ sīlavataṃ sakāse, okkantikaṃ kīḷasi assamamhi;
гарохарз маггадияаани маггада, на д̇ам̣ маяам̣ сийлавад̇ам̣ рамаамаа’’д̇и.
Karohare makkaṭiyāni makkaṭa, na taṃ mayaṃ sīlavataṃ ramāmā’’ti.
д̇ад̇т̇а сийлавад̇ам̣ сагаасзд̇и гзл̣исийлаанам̣ амхаагам̣ санд̇игз. огганд̇иганд̇и миг̇о вияа огганд̇ид̇ваа гийл̣аси. гарохарзд̇и зд̇т̇а арзд̇и аалабанам̣. маггадияаанийд̇и мукамаггадигагийл̣аасан̇каад̇аани мукавигаараани. на д̇ам̣ маяам̣ сийлавад̇ам̣ рамаамаад̇и яам̣ буб̣б̣з д̇ава гзл̣исийлам̣ гзл̣ивад̇ам̣, д̇ам̣ маяам̣ зд̇арахи на рамаама, д̇вамби но на рамаабзси, гим̣ ну ко гааран̣анд̇и.
Tattha sīlavataṃ sakāseti keḷisīlānaṃ amhākaṃ santike. Okkantikanti migo viya okkantitvā kīḷasi. Karohareti ettha areti ālapanaṃ. Makkaṭiyānīti mukhamakkaṭikakīḷāsaṅkhātāni mukhavikārāni. Na taṃ mayaṃ sīlavataṃ ramāmāti yaṃ pubbe tava keḷisīlaṃ keḷivataṃ, taṃ mayaṃ etarahi na ramāma, tvampi no na ramāpesi, kiṃ nu kho kāraṇanti.
д̇ам̣ суд̇ваа маггадо д̣̇уд̇ияам̣ г̇аат̇амааха –
Taṃ sutvā makkaṭo dutiyaṃ gāthamāha –
146.
146.
‘‘суд̇аа хи маяхам̣ барамаа висуд̣̇д̇хи, гомаарабуд̇д̇асса б̣ахуссуд̇асса;
‘‘Sutā hi mayhaṃ paramā visuddhi, komāraputtassa bahussutassa;
маа д̣̇аани мам̣ ман̃н̃и д̇увам̣ яат̇аа бурз, жхаанаануяуд̇д̇о вихараами аавусо’’д̇и.
Mā dāni maṃ maññi tuvaṃ yathā pure, jhānānuyutto viharāmi āvuso’’ti.
д̇ад̇т̇а маяханд̇и гаран̣ад̇т̇з самбад̣̇аанам̣. висуд̣̇д̇хийд̇и жхаанависуд̣̇д̇хи. б̣ахуссуд̇ассаад̇и б̣ахуунам̣ гасин̣абаригаммаанам̣ адтаннан̃жа самаабад̇д̇ийнам̣ суд̇ад̇д̇аа жзва бадивид̣̇д̇хад̇д̇аа жа б̣ахуссуд̇асса. д̇уванд̇и д̇зсу згам̣ д̇аабасам̣ аалабанд̇о ид̣̇аани маа мам̣ д̇вам̣ бурз вияа сан̃ж̇аани, наахам̣ буримасад̣̇исо, аажарияо мз лад̣̇д̇ход̇и д̣̇ийбзд̇и.
Tattha mayhanti karaṇatthe sampadānaṃ. Visuddhīti jhānavisuddhi. Bahussutassāti bahūnaṃ kasiṇaparikammānaṃ aṭṭhannañca samāpattīnaṃ sutattā ceva paṭividdhattā ca bahussutassa. Tuvanti tesu ekaṃ tāpasaṃ ālapanto idāni mā maṃ tvaṃ pure viya sañjāni, nāhaṃ purimasadiso, ācariyo me laddhoti dīpeti.
д̇ам̣ суд̇ваа д̇аабасаа д̇ад̇ияам̣ г̇аат̇амаахам̣су –
Taṃ sutvā tāpasā tatiyaṃ gāthamāhaṃsu –
147.
147.
‘‘сажзби сзласми вабзяяа б̣ийж̇ам̣, д̣̇зво жа вассз на хи д̇ам̣ вируул̣хз;
‘‘Sacepi selasmi vapeyya bījaṃ, devo ca vasse na hi taṃ virūḷhe;
суд̇аа хи д̇з саа барамаа висуд̣̇д̇хи, аараа д̇увам̣ маггада жхаанабхуумияаа’’д̇и.
Sutā hi te sā paramā visuddhi, ārā tuvaṃ makkaṭa jhānabhūmiyā’’ti.
д̇ассад̇т̇о – сажзби баасаан̣абидтз бан̃жавид̇хам̣ б̣ийж̇ам̣ вабзяяа, д̣̇зво жа саммаа вассзяяа, акзд̇д̇ад̇ааяа д̇ам̣ на вируул̣хзяяа, звамзва д̇аяаа барамаа жхаанависуд̣̇д̇хи суд̇аа, д̇вам̣ бана д̇иражчаанаяонигад̇д̇аа аараа жхаанабхуумияаа д̣̇уурз тид̇о, на саггаа д̇аяаа жхаанам̣ ниб̣б̣ад̇д̇зд̇унд̇и маггадам̣ г̇арахим̣су.
Tassattho – sacepi pāsāṇapiṭṭhe pañcavidhaṃ bījaṃ vapeyya, devo ca sammā vasseyya, akhettatāya taṃ na virūḷheyya, evameva tayā paramā jhānavisuddhi sutā, tvaṃ pana tiracchānayonikattā ārā jhānabhūmiyā dūre ṭhito, na sakkā tayā jhānaṃ nibbattetunti makkaṭaṃ garahiṃsu.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа гзл̣исийлаа д̇аабасаа имз бхигкуу ахзсум̣, гомаарабуд̇д̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā keḷisīlā tāpasā ime bhikkhū ahesuṃ, komāraputto pana ahameva ahosi’’nti.
гомаарабуд̇д̇аж̇аад̇агаван̣н̣анаа навамаа.
Komāraputtajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 299. гомаарабуд̇д̇аж̇аад̇агам̣ • 299. Komāraputtajātakaṃ
