| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
8. горан̣д̣абубпияад̇т̇зраабад̣̇аанам̣
8. Koraṇḍapupphiyattheraapadānaṃ
35.
35.
‘‘агганд̇ан̃жа бад̣̇ам̣ д̣̇исваа, жаггаалан̇гаарабхуусид̇ам̣;
‘‘Akkantañca padaṃ disvā, cakkālaṅkārabhūsitaṃ;
бад̣̇знаанубад̣̇ам̣ яанд̇о, вибассисса махзсино.
Padenānupadaṃ yanto, vipassissa mahesino.
36.
36.
‘‘горан̣д̣ам̣ бубпид̇ам̣ д̣̇исваа, самуулам̣ бууж̇ид̇ам̣ маяаа;
‘‘Koraṇḍaṃ pupphitaṃ disvā, samūlaṃ pūjitaṃ mayā;
хадто хадтзна жид̇д̇зна, аванд̣̇им̣ бад̣̇амуд̇д̇амам̣.
Haṭṭho haṭṭhena cittena, avandiṃ padamuttamaṃ.
37.
37.
‘‘зганавуд̇ид̇о габбз, яам̣ бубпамабхибууж̇аяим̣;
‘‘Ekanavutito kappe, yaṃ pupphamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
38.
38.
‘‘сад̇д̇абан̃н̃аасагаббамхи, зго вийд̇амало ахум̣;
‘‘Sattapaññāsakappamhi, eko vītamalo ahuṃ;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
39.
39.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа горан̣д̣абубпияо т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā koraṇḍapupphiyo thero imā gāthāyo abhāsitthāti.
горан̣д̣абубпияад̇т̇зрассаабад̣̇аанам̣ адтамам̣.
Koraṇḍapupphiyattherassāpadānaṃ aṭṭhamaṃ.
