| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. कोरण्डपुप्फियत्थेरअपदानं
5. Koraṇḍapupphiyattheraapadānaṃ
६८.
68.
पसुमारेन जीवामि, कुसलं मे न विज्जति॥
Pasumārena jīvāmi, kusalaṃ me na vijjati.
६९.
69.
‘‘मम आसयसामन्ता, तिस्सो लोकग्गनायको।
‘‘Mama āsayasāmantā, tisso lokagganāyako;
पदानि तीणि दस्सेसि, अनुकम्पाय चक्खुमा॥
Padāni tīṇi dassesi, anukampāya cakkhumā.
७०.
70.
‘‘अक्कन्ते च पदे दिस्वा, तिस्सनामस्स सत्थुनो।
‘‘Akkante ca pade disvā, tissanāmassa satthuno;
हट्ठो हट्ठेन चित्तेन, पदे चित्तं पसादयिं॥
Haṭṭho haṭṭhena cittena, pade cittaṃ pasādayiṃ.
७१.
71.
‘‘कोरण्डं पुप्फितं दिस्वा, पादपं धरणीरुहं।
‘‘Koraṇḍaṃ pupphitaṃ disvā, pādapaṃ dharaṇīruhaṃ;
सकोसकं गहेत्वान, पदसेट्ठमपूजयिं॥
Sakosakaṃ gahetvāna, padaseṭṭhamapūjayiṃ.
७२.
72.
‘‘तेन कम्मेन सुकतेन, चेतनापणिधीहि च।
‘‘Tena kammena sukatena, cetanāpaṇidhīhi ca;
जहित्वा मानुसं देहं, तावतिंसमगच्छहं॥
Jahitvā mānusaṃ dehaṃ, tāvatiṃsamagacchahaṃ.
७३.
73.
‘‘यं यं योनुपपज्जामि, देवत्तं अथ मानुसं।
‘‘Yaṃ yaṃ yonupapajjāmi, devattaṃ atha mānusaṃ;
कोरण्डवण्णकोयेव, सुप्पभासो भवामहं॥
Koraṇḍavaṇṇakoyeva, suppabhāso bhavāmahaṃ.
७४.
74.
‘‘द्वेनवुते इतो कप्पे, यं कम्ममकरिं तदा।
‘‘Dvenavute ito kappe, yaṃ kammamakariṃ tadā;
दुग्गतिं नाभिजानामि, पदपूजायिदं फलं॥
Duggatiṃ nābhijānāmi, padapūjāyidaṃ phalaṃ.
७५.
75.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
७६.
76.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
७७.
77.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा कोरण्डपुप्फियो थेरो इमा गाथायो अभासित्थाति।
Itthaṃ sudaṃ āyasmā koraṇḍapupphiyo thero imā gāthāyo abhāsitthāti;
कोरण्डपुप्फियत्थेरस्सापदानं पञ्चमं।
Koraṇḍapupphiyattherassāpadānaṃ pañcamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-६०. सकिंसम्मज्जकत्थेरअपदानादिवण्णना • 1-60. Sakiṃsammajjakattheraapadānādivaṇṇanā
