| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
10. госамб̣агагканд̇хагам̣
10. Kosambakakkhandhakaṃ
271. госамб̣агавиваад̣̇агат̇аа
271. Kosambakavivādakathā
451. госамб̣агагканд̇хагз аяаманубуб̣б̣игат̇аа звам̣ взд̣̇ид̇аб̣б̣аад̇и яож̇анаа. винаяам̣ баал̣ид̇о жа, д̇ад̣̇ад̇т̇ад̇о жа д̇хаарзд̇ийд̇и винаяад̇харо, д̇ат̇аа суд̇д̇анд̇ам̣ д̇хаарзд̇ийд̇и суд̇д̇анд̇иго. д̇зсууд̇и д̣̇вийсу бхигкуусу. суд̇д̇анд̇иго бхигку нигкамийд̇и самб̣анд̇хо. аажаманауд̣̇агаавасзсанд̇и аажамзд̇и д̇ховад̇и анзнаад̇и аажаманам̣, д̇амзва уд̣̇агам̣ аажаманауд̣̇агам̣, д̇амзва авасзсам̣ аажаманауд̣̇агаавасзсам̣, авасзсааажаманауд̣̇аганд̇и ад̇т̇о. д̇ам̣ бхигкунд̇и суд̇д̇анд̇игам̣ бхигкум̣. зд̇т̇аад̇и аажаманауд̣̇агаавасзсадтабанз. ‘‘сажз ход̇и, д̣̇зсзссаамий’’д̇и иминаа ад̇д̇ано суб̣б̣ажабхааван̃жа сигкаагаамад̇ан̃жа д̣̇ассзд̇и. д̇зд̇и д̇аяаа, гат̇анд̇и самб̣анд̇хо. ат̇а ваа д̇зд̇и д̇уяхам̣, над̇т̇ийд̇и самб̣анд̇хо. асан̃жижжа асад̇ияаа гад̇ад̇д̇аа анаабад̇д̇ибагкоби бхавзяяаад̇и ааха ‘‘над̇т̇и аабад̇д̇ий’’д̇и. зд̇т̇а бана аабад̇д̇иязва. сод̇и суд̇д̇анд̇иго.
451. Kosambakakkhandhake ayamanupubbikathā evaṃ veditabbāti yojanā. Vinayaṃ pāḷito ca, tadatthato ca dhāretīti vinayadharo, tathā suttantaṃ dhāretīti suttantiko. Tesūti dvīsu bhikkhūsu. Suttantiko bhikkhu nikkhamīti sambandho. Ācamanaudakāvasesanti ācameti dhovati anenāti ācamanaṃ, tameva udakaṃ ācamanaudakaṃ, tameva avasesaṃ ācamanaudakāvasesaṃ, avasesaācamanaudakanti attho. Taṃ bhikkhunti suttantikaṃ bhikkhuṃ. Etthāti ācamanaudakāvasesaṭṭhapane. ‘‘Sace hoti, desessāmī’’ti iminā attano subbacabhāvañca sikkhākāmatañca dasseti. Teti tayā, kathanti sambandho. Atha vā teti tuyhaṃ, natthīti sambandho. Asañcicca asatiyā katattā anāpattipakkhopi bhaveyyāti āha ‘‘natthi āpattī’’ti. Ettha pana āpattiyeva. Soti suttantiko.
винаяад̇харобийд̇и винаяад̇харо бана, аарожзсийд̇и самб̣анд̇хо. аабаж̇ж̇амаанобийд̇и бисад̣̇д̣̇о г̇арахад̇т̇о. д̇зд̇и винаяад̇харасса ниссид̇агаа, аахам̣сууд̇и самб̣анд̇хо. д̇ассаад̇и суд̇д̇анд̇игасса. д̇зд̇и суд̇д̇анд̇игасса ниссид̇агаа, аарожзсунд̇и самб̣анд̇хо. сод̇и суд̇д̇анд̇иго. мусааваад̣̇ийд̇и абхууд̇ад̇о, абхууд̇ам̣ ваа важанам̣ вад̣̇анасийло. зсод̇и винаяад̇харо. д̇зд̇и суд̇д̇анд̇игасса ниссид̇агаа, аахам̣сууд̇и самб̣анд̇хо. д̇ад̇од̇и галахавад̣дханагааран̣аа. винаяад̇харо агаасийд̇и самб̣анд̇хо.
Vinayadharopīti vinayadharo pana, ārocesīti sambandho. Āpajjamānopīti pisaddo garahattho. Teti vinayadharassa nissitakā, āhaṃsūti sambandho. Tassāti suttantikassa. Teti suttantikassa nissitakā, ārocesunti sambandho. Soti suttantiko. Musāvādīti abhūtato, abhūtaṃ vā vacanaṃ vadanasīlo. Esoti vinayadharo. Teti suttantikassa nissitakā, āhaṃsūti sambandho. Tatoti kalahavaḍḍhanakāraṇā. Vinayadharo akāsīti sambandho.
453. ‘‘на д̇аава бхинно’’д̇и иминаа бхиннод̇и зд̇т̇а д̇абажжаяасса авассамбхаавияад̇т̇з анааг̇ад̇агаалигад̇ам̣ д̣̇ассзд̇и. д̇амзвад̇т̇ам̣ саха убамааяа д̣̇ассзнд̇о ааха ‘‘абижаа’’д̇иаад̣̇и. д̇анд̇и сассам̣. ‘‘бхиж̇ж̇иссад̇ий’’д̇и иминаа бхиж̇ж̇иссад̇ийд̇и бхиннод̇и важанад̇т̇ам̣ д̣̇ассзд̇и. со жа код̇и сан̇гхо. галахавасзна бхиж̇ж̇иссад̇ийд̇и самб̣анд̇хо. самбхамаад̇т̇авасзнаад̇и сам̣взг̇аад̇т̇авасзна. самбхамасад̣̇д̣̇о хи д̇ийсу ад̇т̇зсу вад̇д̇ад̇и г̇ааравз, бхийд̇ияам̣, сам̣взг̇з жаад̇и. ид̇ха бана сам̣взг̇з вад̇д̇ад̇и. бхигкусан̇гхасса бхиннз сам̣взг̇аад̇т̇авасзнаад̇и ад̇хиббааяо. ид̣̇ам̣ хздтаа гат̇ид̇ааяа ‘‘бхаяз год̇хз басам̣сааяа’’нд̇и г̇аат̇ааяа (баараа. адта. 1.15) жасад̣̇д̣̇зна самбин̣д̣ид̇ам̣ самбхамаад̇т̇ам̣ санд̇хааяа вуд̇д̇анд̇и д̣̇адтаб̣б̣ам̣. зд̇т̇аад̇и ‘‘бхинно бхигкусан̇гхо бхинно бхигкусан̇гхо’’д̇и баатз. аамзд̣ид̇анд̇и аа бунаббунам̣ бхаяаад̣̇ибийл̣ид̇ад̇д̇аа мзд̣зна уммаад̣̇зна ид̇ам̣ гат̇ид̇ам̣ аамзд̣ид̇ам̣.
453. ‘‘Na tāva bhinno’’ti iminā bhinnoti ettha tapaccayassa avassambhāviyatthe anāgatakālikataṃ dasseti. Tamevatthaṃ saha upamāya dassento āha ‘‘apicā’’tiādi. Tanti sassaṃ. ‘‘Bhijjissatī’’ti iminā bhijjissatīti bhinnoti vacanatthaṃ dasseti. So ca khoti saṅgho. Kalahavasena bhijjissatīti sambandho. Sambhamaatthavasenāti saṃvegaatthavasena. Sambhamasaddo hi tīsu atthesu vattati gārave, bhītiyaṃ, saṃvege cāti. Idha pana saṃvege vattati. Bhikkhusaṅghassa bhinne saṃvegaatthavasenāti adhippāyo. Idaṃ heṭṭhā kathitāya ‘‘bhaye kodhe pasaṃsāya’’nti gāthāya (pārā. aṭṭha. 1.15) casaddena sampiṇḍitaṃ sambhamaatthaṃ sandhāya vuttanti daṭṭhabbaṃ. Etthāti ‘‘bhinno bhikkhusaṅgho bhinno bhikkhusaṅgho’’ti pāṭhe. Āmeḍitanti ā punappunaṃ bhayādipīḷitattā meḍena ummādena itaṃ kathitaṃ āmeḍitaṃ.
454. хийд̇и вид̇т̇ааро. бхаг̇аваа вад̣̇зяяаад̇и самб̣анд̇хо. угкибанд̇и абанзнд̇ийд̇и угкзбагаа. угкид̇д̇аманувад̇д̇анд̇ийд̇и угкид̇д̇аанувад̇д̇агаа. зд̇зсанд̇и угкид̇д̇аанувад̇д̇агаанам̣. буна зд̇зсанд̇и угкзбагаанам̣. багкод̇и сакаа. д̇анд̇имзваад̇и баал̣имзва, б̣яаабаарамзва ваа.
454.Hīti vitthāro. Bhagavā vadeyyāti sambandho. Ukkhipanti apanentīti ukkhepakā. Ukkhittamanuvattantīti ukkhittānuvattakā. Etesanti ukkhittānuvattakānaṃ. Puna etesanti ukkhepakānaṃ. Pakkhoti sakhā. Tantimevāti pāḷimeva, byāpārameva vā.
455. яод̇и бхигку. жид̇д̇ам̣ уббаад̣̇зд̇ийд̇и самб̣анд̇хо. д̇умхзд̇и д̇хаммаваад̣̇ино санд̇хааяа вуд̇д̇ам̣. гим̣ бхан̣ат̇аад̇и гим̣ важанам̣ бхан̣ат̇а. ид̇и бужчид̇ваад̇и самб̣анд̇хо. д̇зсан̃жаад̇и д̇хаммаваад̣̇ийнан̃жа. ид̇арзсан̃жаад̇и ад̇хаммаваад̣̇ийнан̃жа. имзд̇и ад̇д̇ано багкз имз бхигкуу. д̇зсанд̇и ад̇хаммаваад̣̇ийнам̣. ‘‘гаммам̣ гобзд̇ий’’д̇и ‘‘наанаасам̣ваасагажад̇уд̇т̇о жз бхигкавз гаммам̣ гарзяяа, агаммам̣, на жа гаран̣ийяа’’нд̇и важанад̇о (махаава. 389) гаммам̣ гобзд̇и. ид̇арзсамбийд̇и д̇хаммаваад̣̇ийнамби. д̇хаммаваад̣̇ийнам̣ багкз нисийд̣̇ид̇ваа ад̇хаммаваад̣̇ийнам̣ лад̣̇д̇хим̣ г̇ан̣ханд̇оби д̇хаммаваад̣̇ийнам̣ наанаасам̣ваасаго ход̇иязва, аяам̣ наяо вуд̇д̇анаяасса ад̇т̇ад̇о сид̣̇д̇ход̇и гад̇ваа ид̇ха на вуд̇д̇о. званд̇иаад̣̇и ниг̇аманам̣. яод̇и бхигку, бависад̇и г̇ан̣хаад̇ийд̇и самб̣анд̇хо. нисинно худ̇ваад̇и яож̇анаа. имзд̇и ад̇д̇ано багкз имз бхигкуу. ид̇арзд̇и барабагкз ид̇арз бхигкуу. д̇зсанд̇и д̇хаммаваад̣̇ийнам̣. яад̇т̇а д̇ад̇т̇а ваа бана багкзд̇и яасмим̣ гасмим̣жи ваа д̇хаммаваад̣̇ийнам̣ багкз. имз д̇хаммаваад̣̇инод̇и г̇ан̣хаад̇ийд̇и д̇ам̣д̇ам̣багкаг̇ад̇з бхигкуу яаат̇аавад̇о ваа аяаат̇аавад̇о ваа ‘‘имз д̇хаммаваад̣̇ино’’д̇и г̇ан̣хаад̇и.
455.Yoti bhikkhu. Cittaṃ uppādetīti sambandho. Tumheti dhammavādino sandhāya vuttaṃ. Kiṃ bhaṇathāti kiṃ vacanaṃ bhaṇatha. Iti pucchitvāti sambandho. Tesañcāti dhammavādīnañca. Itaresañcāti adhammavādīnañca. Imeti attano pakkhe ime bhikkhū. Tesanti adhammavādīnaṃ. ‘‘Kammaṃ kopetī’’ti ‘‘nānāsaṃvāsakacatuttho ce bhikkhave kammaṃ kareyya, akammaṃ, na ca karaṇīya’’nti vacanato (mahāva. 389) kammaṃ kopeti. Itaresampīti dhammavādīnampi. Dhammavādīnaṃ pakkhe nisīditvā adhammavādīnaṃ laddhiṃ gaṇhantopi dhammavādīnaṃ nānāsaṃvāsako hotiyeva, ayaṃ nayo vuttanayassa atthato siddhoti katvā idha na vutto. Evantiādi nigamanaṃ. Yoti bhikkhu, pavisati gaṇhātīti sambandho. Nisinno hutvāti yojanā. Imeti attano pakkhe ime bhikkhū. Itareti parapakkhe itare bhikkhū. Tesanti dhammavādīnaṃ. Yattha tattha vā pana pakkheti yasmiṃ kasmiṃci vā dhammavādīnaṃ pakkhe. Ime dhammavādinoti gaṇhātīti taṃtaṃpakkhagate bhikkhū yāthāvato vā ayāthāvato vā ‘‘ime dhammavādino’’ti gaṇhāti.
456. гааязна гад̇ам̣ гаммам̣ гааяагаммам̣, важияаа гад̇ам̣ гаммам̣ важийгаммам̣. д̇ад̇т̇а гааяагаммам̣ убад̣̇ам̣сзнд̇аа бхигкуу бахаранд̇аа убад̣̇ам̣сзнд̇и. важийгаммам̣ убад̣̇ам̣сзнд̇аа бхигкуу парусам̣ вад̣̇анд̇аа убад̣̇ам̣сзнд̇и. д̇зна вуд̇д̇ам̣ ‘‘гааязна бахаранд̇аа’’д̇иаад̣̇и. убад̣̇ам̣сзнд̇ийд̇и бавад̇д̇знд̇и. ‘‘год̇хавасзнаа’’д̇и иминаа бзмавасзнаад̇и ад̇т̇ам̣ нивад̇д̇зд̇и. ад̇хаммияаанийд̇и ад̇хаммзна гад̇д̇аб̣б̣аани. ‘‘гижжааний’’д̇и иминаа ияабажжаяасса саруубам̣ д̣̇ассзд̇и. асаммод̣̇игаад̇и зд̇т̇а яагааралобод̇и ааха ‘‘асаммод̣̇игааяаа’’д̇и. ‘‘гат̇ааяаа’’д̇и иминаа асаммод̣̇ам̣ ж̇анзд̇ийд̇и асаммод̣̇игаад̇и гад̇ваа н̣игабажжаяасса саруубам̣ д̣̇ассзд̇и. убажаарам̣ мун̃жид̇ваад̇и зд̇т̇а убажааро наама ан̃н̃аман̃н̃ам̣ бахаранд̇аанам̣ хад̇т̇асса баабун̣анадтаанам̣, д̇ам̣ мун̃жид̇ваад̇и ад̇т̇о. аасананд̇аригааяаад̇и зд̇т̇а згам̣ аасанам̣ анд̇арам̣ б̣яавахид̇ам̣ имиссаа нисиннагирияааяаад̇и аасананд̇аригаад̇и д̣̇ассзнд̇о ааха ‘‘згзгам̣ аасанам̣ анд̇ара’’нд̇и. ‘‘гад̇ваа’’д̇и иминаа гирияаависзсанабхаавам̣ д̣̇ассзд̇и.
456. Kāyena kataṃ kammaṃ kāyakammaṃ, vaciyā kataṃ kammaṃ vacīkammaṃ. Tattha kāyakammaṃ upadaṃsentā bhikkhū paharantā upadaṃsenti. Vacīkammaṃ upadaṃsentā bhikkhū pharusaṃ vadantā upadaṃsenti. Tena vuttaṃ ‘‘kāyena paharantā’’tiādi. Upadaṃsentīti pavattenti. ‘‘Kodhavasenā’’ti iminā pemavasenāti atthaṃ nivatteti. Adhammiyānīti adhammena kattabbāni. ‘‘Kiccānī’’ti iminā iyapaccayassa sarūpaṃ dasseti. Asammodikāti ettha yakāralopoti āha ‘‘asammodikāyā’’ti. ‘‘Kathāyā’’ti iminā asammodaṃ janetīti asammodikāti katvā ṇikapaccayassa sarūpaṃ dasseti. Upacāraṃ muñcitvāti ettha upacāro nāma aññamaññaṃ paharantānaṃ hatthassa pāpuṇanaṭṭhānaṃ, taṃ muñcitvāti attho. Āsanantarikāyāti ettha ekaṃ āsanaṃ antaraṃ byavahitaṃ imissā nisinnakiriyāyāti āsanantarikāti dassento āha ‘‘ekekaṃ āsanaṃ antara’’nti. ‘‘Katvā’’ti iminā kiriyāvisesanabhāvaṃ dasseti.
457-8. аяам̣ асса бхигкуно ад̇хиббааяо гираад̇и яож̇анаа. зд̇зд̇и год̇хаабхибхууд̇з бхигкуу. бхаг̇аваа бана гат̇зсийд̇и самб̣анд̇хо. ‘‘анад̇т̇о ад̇о’’д̇и иминаа анад̇т̇ад̇од̇и бад̣̇асса огааралобасанд̇хим̣ д̣̇ассзд̇и. д̇зсам̣ бад̣̇аанамад̇т̇ам̣ д̣̇ассзнд̇о ааха ‘‘зд̇асмаа’’д̇иаад̣̇и. ‘‘ат̇а ваа’’д̇иаад̣̇инаа ‘‘анад̇т̇ад̣̇о’’д̇и вад̇д̇аб̣б̣з ‘‘суг̇ад̇о’’д̇иаад̣̇ийсу вияа д̣̇а-гаарасса д̇а-гаарам̣ гад̇ваа анад̇т̇ад̇од̇и вуд̇д̇анд̇и д̣̇ассзд̇и. анад̇т̇ад̣̇од̇и анад̇т̇ам̣ д̣̇ад̣̇аад̇ийд̇и анад̇т̇ад̣̇о.
457-8. Ayaṃ assa bhikkhuno adhippāyo kirāti yojanā. Eteti kodhābhibhūte bhikkhū. Bhagavā pana kathesīti sambandho. ‘‘Anattho ato’’ti iminā anatthatoti padassa okāralopasandhiṃ dasseti. Tesaṃ padānamatthaṃ dassento āha ‘‘etasmā’’tiādi. ‘‘Atha vā’’tiādinā ‘‘anatthado’’ti vattabbe ‘‘sugato’’tiādīsu viya da-kārassa ta-kāraṃ katvā anatthatoti vuttanti dasseti. Anatthadoti anatthaṃ dadātīti anatthado.
464. бут̇усад̣̇д̣̇од̇и зд̇т̇а бут̇усад̣̇д̣̇о маханд̇абарияааяод̇и ааха ‘‘махаа’’д̇и. ассаад̇и бхан̣д̣анагаарагасса ж̇анасса. самаж̇анод̇и зд̇т̇а самасад̣̇д̣̇о сад̣̇исабарияааяод̇и ааха ‘‘згасад̣̇исо’’д̇и, д̇уляаад̇хигаран̣асамаасояам̣. бхан̣д̣анагаараго аяам̣ ж̇анод̇и яож̇анаа. д̇ад̇т̇аад̇и бхан̣д̣анагаарагзсу ж̇анзсу. ан̃н̃амби згам̣ ид̣̇ам̣ гааран̣анд̇и самб̣анд̇хо. на ман̃н̃ид̇т̇аад̇и гожи згоби на ман̃н̃ид̇т̇аад̇и яож̇анаа. иминаа аман̃н̃арунд̇и зд̇т̇а аавибхад̇д̇ияаа ‘‘ру’’нд̇и аад̣̇зсо д̣̇ассид̇о.
464.Puthusaddoti ettha puthusaddo mahantapariyāyoti āha ‘‘mahā’’ti. Assāti bhaṇḍanakārakassa janassa. Samajanoti ettha samasaddo sadisapariyāyoti āha ‘‘ekasadiso’’ti, tulyādhikaraṇasamāsoyaṃ. Bhaṇḍanakārako ayaṃ janoti yojanā. Tatthāti bhaṇḍanakārakesu janesu. Aññampi ekaṃ idaṃ kāraṇanti sambandho. Na maññitthāti koci ekopi na maññitthāti yojanā. Iminā amaññarunti ettha āvibhattiyā ‘‘ru’’nti ādeso dassito.
баримудтаад̇и баримудтаа сад̇и зд̇зсанд̇и баримудтаад̇и д̣̇ассзнд̇о ааха ‘‘баримудтасад̇ино’’д̇и. адтагкараг̇аат̇ааяам̣ ‘‘бан̃жамам̣ лагху саб̣б̣ад̇т̇аа’’д̇и вуд̇д̇ад̇д̇аа бан̃жамасса раагаарасса рассо ход̇и. д̇зна вуд̇д̇ам̣ ‘‘раагаарасса рассаад̣̇зсо гад̇о’’д̇и. гат̇ам̣ бхаан̣инод̇и ваажам̣ бхаан̣ино. мукааяааманд̇и зд̇т̇а ааяаамасад̣̇д̣̇о вид̇т̇аарабарияааяо, вид̇т̇ааро жа наама басааран̣анд̇и ааха ‘‘басаарзд̇у’’нд̇и. самбад̣̇аанад̇т̇аж̇од̇агзна д̇ум̣бажжаязна самбад̣̇аанад̇т̇з убаяог̇аважананд̇и д̣̇ассзд̇и. нийд̇аад̇и гаммаваажагасса гид̇асса аббад̇хаанагаммам̣ д̣̇ассзнд̇о ааха ‘‘имам̣ ниллаж̇ж̇абхаава’’нд̇и. д̣̇вигаммагад̇хаад̇убхаавад̇о ‘‘ад̇д̇ано’’д̇и бад̇хаанагаммамби аж̇жхаахарид̇аб̣б̣ам̣. д̇анд̇и галахам̣. ‘‘ж̇аана’’нд̇и бад̣̇зна ‘‘вид̣̇уу’’д̇и бад̣̇асса ад̇т̇ан̃жа ваагяан̃жа д̣̇ассзд̇и. вид̣̇анд̇и ж̇аананд̇ийд̇и вид̣̇ууд̇и важанад̇т̇о гаад̇аб̣б̣од̇и ад̇хиббааяо. саад̣̇ийнавод̇иаад̣̇ийнавзна д̣̇осзна саха бавад̇д̇о. аяанд̇и галахо.
Parimuṭṭhāti parimuṭṭhā sati etesanti parimuṭṭhāti dassento āha ‘‘parimuṭṭhasatino’’ti. Aṭṭhakkharagāthāyaṃ ‘‘pañcamaṃ laghu sabbatthā’’ti vuttattā pañcamassa rākārassa rasso hoti. Tena vuttaṃ ‘‘rākārassa rassādeso kato’’ti. Kathaṃ bhāṇinoti vācaṃ bhāṇino. Mukhāyāmanti ettha āyāmasaddo vitthārapariyāyo, vitthāro ca nāma pasāraṇanti āha ‘‘pasāretu’’nti. Sampadānatthajotakena tuṃpaccayena sampadānatthe upayogavacananti dasseti. Nītāti kammavācakassa kitassa appadhānakammaṃ dassento āha ‘‘imaṃ nillajjabhāva’’nti. Dvikammakadhātubhāvato ‘‘attano’’ti padhānakammampi ajjhāharitabbaṃ. Tanti kalahaṃ. ‘‘Jāna’’nti padena ‘‘vidū’’ti padassa atthañca vākyañca dasseti. Vidanti jānantīti vidūti vacanattho kātabboti adhippāyo. Sādīnavotiādīnavena dosena saha pavatto. Ayanti kalaho.
яз жа д̇ам̣ убанаяханд̇ийд̇и зд̇т̇а д̇асад̣̇д̣̇асса висаяам̣ д̣̇ассзд̇ум̣ вуд̇д̇ам̣ ‘‘аагхаад̇а’’нд̇и. язд̇и ж̇анаа. убанаяханд̇и убанаханд̇и б̣анд̇ханд̇и. сананд̇анод̇и зд̇т̇а сананд̇анасад̣̇д̣̇о бураан̣абарияааяод̇и ааха ‘‘бораан̣о’’д̇и.
Yeca taṃ upanayhantīti ettha tasaddassa visayaṃ dassetuṃ vuttaṃ ‘‘āghāta’’nti. Yeti janā. Upanayhanti upanahanti bandhanti. Sanantanoti ettha sanantanasaddo purāṇapariyāyoti āha ‘‘porāṇo’’ti.
‘‘ан̃н̃з’’д̇и иминаа барзд̇и зд̇т̇а барасад̣̇д̣̇асса бажчаабхааг̇ад̇т̇аад̣̇аяо ниваарзд̇и. маяамзд̇т̇а яамаамасзд̇и зд̇т̇а зд̇асад̣̇д̣̇асса висаяам̣ д̣̇ассзнд̇о ааха ‘‘сан̇гхамаж̇жхз’’д̇и. яамуд̇хаад̇у убаяаманад̇т̇о сзгааро нибаад̇амад̇д̇од̇и ааха ‘‘убаяамаамаа’’д̇и. ‘‘сад̇ад̇ам̣ самид̇ам̣ мажжусанд̇игам̣ г̇ажчаамаа’’д̇и иминаа ‘‘на ж̇аананд̇ий’’д̇и бад̣̇асса аагаарам̣ д̣̇ассзд̇и. д̇ад̇т̇аад̇и махааж̇анагааяз яз бан̣д̣ид̇аад̇и яож̇анаа. звам̣ хийд̇и звамзва. ж̇аананд̇аа д̇з бан̣д̣ид̇аа бадибаж̇ж̇анд̇ийд̇и яож̇анаа. мзд̇ханд̇аа хим̣санд̇аа г̇ажчанд̇и бавад̇д̇анд̇ийд̇и мзд̇хаг̇аа галахаа. гзжи мзд̇хад̇хаад̇уд̇о н̣вубажжаяам̣ вад̣̇анд̇и, д̇зсам̣ мад̇зна мзд̇хагаад̇и батамагкарзна баато бхавзяяа.
‘‘Aññe’’ti iminā pareti ettha parasaddassa pacchābhāgatthādayo nivāreti. Mayamettha yamāmaseti ettha etasaddassa visayaṃ dassento āha ‘‘saṅghamajjhe’’ti. Yamudhātu upayamanattho sekāro nipātamattoti āha ‘‘upayamāmā’’ti. ‘‘Satataṃ samitaṃ maccusantikaṃ gacchāmā’’ti iminā ‘‘na jānantī’’ti padassa ākāraṃ dasseti. Tatthāti mahājanakāye ye paṇḍitāti yojanā. Evaṃ hīti evameva. Jānantā te paṇḍitā paṭipajjantīti yojanā. Medhantā hiṃsantā gacchanti pavattantīti medhagā kalahā. Keci medhadhātuto ṇvupaccayaṃ vadanti, tesaṃ matena medhakāti paṭhamakkharena pāṭho bhaveyya.
д̇зсамбийд̇и б̣рахмад̣̇ад̇д̇ад̣̇ийгхаавугумаараанамби. сан̇г̇ад̇ийд̇и самааг̇амо. вод̇и д̇умхаагам̣. язсам̣ д̇умхаагам̣ нзва маад̇аабид̇уунам̣ адтийни чиннаани, на баан̣аа хад̇аа, на г̇авассад̇ханаани хадаани. д̇зсам̣ д̇умхаагам̣ гасмаа сан̇г̇ад̇и на ход̇ийд̇и яож̇анаа.
Tesampīti brahmadattadīghāvukumārānampi. Saṅgatīti samāgamo. Voti tumhākaṃ. Yesaṃ tumhākaṃ neva mātāpitūnaṃ aṭṭhīni chinnāni, na pāṇā hatā, na gavassadhanāni haṭāni. Tesaṃ tumhākaṃ kasmā saṅgati na hotīti yojanā.
саб̣б̣аани бариссаяаанийд̇и зд̇т̇а саб̣б̣аанийд̇и вуд̇д̇агааран̣ан̃жа лин̇г̇авибаллаасан̃жа д̣̇ассзнд̇о ааха ‘‘баагадабариссаяз жа бадижчаннабариссаяз жаа’’д̇и. ‘‘абхибхавид̇ваа’’д̇и иминаа абхибхуяяаад̇и бад̣̇асса д̇ваабажжаяанд̇абхаавам̣ д̣̇ассзд̇и. д̇знаад̇и нибагзна сахааязна.
Sabbāni parissayānīti ettha sabbānīti vuttakāraṇañca liṅgavipallāsañca dassento āha ‘‘pākaṭaparissaye ca paṭicchannaparissaye cā’’ti. ‘‘Abhibhavitvā’’ti iminā abhibhuyyāti padassa tvāpaccayantabhāvaṃ dasseti. Tenāti nipakena sahāyena.
рааж̇ааваад̇и зд̇т̇а рааж̇аа иваад̇и бад̣̇авибхааг̇ам̣ гад̇ваа рааж̇асад̣̇д̣̇асса убалагкан̣авасзна махааж̇анага, аринд̣̇амарааж̇аано жа ивасад̣̇д̣̇асса обаммад̇т̇аж̇од̇аган̃жа д̣̇ассзнд̇о ааха ‘‘яат̇аа’’д̇иаад̣̇и. радтавиж̇ид̇асад̣̇д̣̇аа ан̃н̃аман̃н̃абарияааяаа. висзсанависзсяаанам̣ гаамаажаарад̇о г̇амяамаанад̇д̇аа вуд̇д̇ам̣ ‘‘виж̇ид̇ам̣ радта’’нд̇и. ‘‘маад̇ан̇г̇о аран̃н̃з нааг̇о иваа’’д̇и иминаа бад̣̇авибхааг̇ам̣ д̣̇ассзд̇и. д̇зсам̣ бад̣̇аанам̣ ад̇т̇ам̣ д̣̇ассзнд̇о ааха ‘‘маад̇ан̇г̇од̇и хад̇т̇ий вужжад̇ий’’д̇иаад̣̇и. ‘‘хад̇т̇ий вужжад̇ий’’д̇и иминаа маханд̇о ан̇г̇о сарийрамзд̇ассаад̇и маад̇ан̇г̇од̇и важанад̇т̇зна хад̇т̇ий маад̇ан̇г̇о наамаад̇и д̣̇ассзд̇и. маханд̇асад̣̇д̣̇асса маад̇аад̣̇зсо. нааг̇асад̣̇д̣̇о ураг̇з жа хад̇т̇имхи жа нааг̇аругкз жа уд̇д̇амз жа наамабан̃н̃ад̇д̇ияан̃жаад̇и бан̃жасу ад̇т̇зсу вад̇д̇ад̇и, ид̇ха уд̇д̇амад̇т̇зд̇и д̣̇ассзнд̇о ааха ‘‘нааг̇од̇и маханд̇аад̇хиважанамзд̇а’’нд̇и. маад̇ан̇г̇аран̃н̃зваад̇и зд̇т̇а ивасад̣̇д̣̇асса обаммад̇т̇аж̇од̇агабхаавам̣ д̣̇ассзд̇ваа ад̇т̇аяож̇анам̣ д̣̇ассзнд̇о ааха ‘‘яат̇аа хий’’д̇иаад̣̇и. ‘‘яат̇аа жа баалилзяяаго’’д̇и иминаа маад̇ан̇г̇анааг̇асса саруубам̣ убалагкан̣зна д̣̇ассзд̇и.
Rājāvāti ettha rājā ivāti padavibhāgaṃ katvā rājasaddassa upalakkhaṇavasena mahājanaka, arindamarājāno ca ivasaddassa opammatthajotakañca dassento āha ‘‘yathā’’tiādi. Raṭṭhavijitasaddā aññamaññapariyāyā. Visesanavisesyānaṃ kāmācārato gamyamānattā vuttaṃ ‘‘vijitaṃ raṭṭha’’nti. ‘‘Mātaṅgo araññe nāgo ivā’’ti iminā padavibhāgaṃ dasseti. Tesaṃ padānaṃ atthaṃ dassento āha ‘‘mātaṅgoti hatthī vuccatī’’tiādi. ‘‘Hatthī vuccatī’’ti iminā mahanto aṅgo sarīrametassāti mātaṅgoti vacanatthena hatthī mātaṅgo nāmāti dasseti. Mahantasaddassa mātādeso. Nāgasaddo urage ca hatthimhi ca nāgarukkhe ca uttame ca nāmapaññattiyañcāti pañcasu atthesu vattati, idha uttamattheti dassento āha ‘‘nāgoti mahantādhivacanameta’’nti. Mātaṅgaraññevāti ettha ivasaddassa opammatthajotakabhāvaṃ dassetvā atthayojanaṃ dassento āha ‘‘yathā hī’’tiādi. ‘‘Yathā ca pālileyyako’’ti iminā mātaṅganāgassa sarūpaṃ upalakkhaṇena dasseti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
271. госамб̣агавиваад̣̇агат̇аа • 271. Kosambakavivādakathā
272. д̣̇ийгхаавувад̇т̇у • 272. Dīghāvuvatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / госамб̣агавиваад̣̇агат̇аа • Kosambakavivādakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
госамб̣агавиваад̣̇агат̇ааван̣н̣анаа • Kosambakavivādakathāvaṇṇanā
д̣̇ийгхаавувад̇т̇угат̇ааван̣н̣анаа • Dīghāvuvatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
госамб̣агавиваад̣̇агат̇ааван̣н̣анаа • Kosambakavivādakathāvaṇṇanā
д̣̇ийгхаавувад̇т̇угат̇ааван̣н̣анаа • Dīghāvuvatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / госамб̣агавиваад̣̇агат̇ааван̣н̣анаа • Kosambakavivādakathāvaṇṇanā
