| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[428] 2. госамб̣ияаж̇аад̇агаван̣н̣анаа
[428] 2. Kosambiyajātakavaṇṇanā
бут̇усад̣̇д̣̇од̇и ид̣̇ам̣ сад̇т̇аа госамб̣им̣ ниссааяа гхосид̇аараамз вихаранд̇о госамб̣ияам̣ бхан̣д̣анагаарагз бхигкуу аараб̣бха гат̇зси. вад̇т̇у госамб̣агагканд̇хагз (махаава. 451 аад̣̇аяо) ааг̇ад̇амзва, аяам̣ банзд̇т̇а сан̇кзбо. д̇ад̣̇аа гира д̣̇вз бхигкуу згасмим̣ ааваасз васим̣су винаяад̇харо жа суд̇д̇анд̇иго жа. д̇зсу суд̇д̇анд̇иго згад̣̇ивасам̣ сарийравалан̃ж̇ам̣ гад̇ваа уд̣̇агагодтагз аажаманауд̣̇агаавасзсам̣ бхааж̇анз табзд̇ваа нигками. бажчаа винаяад̇харо д̇ад̇т̇а бавидто д̇ам̣ уд̣̇агам̣ д̣̇исваа нигкамид̇ваа ид̇арам̣ бужчи ‘‘аавусо, д̇аяаа уд̣̇агам̣ табид̇а’’нд̇и. ‘‘аамаавусо’’д̇и. ‘‘гим̣ банзд̇т̇а аабад̇д̇ибхаавам̣ на ж̇аанаасий’’д̇и? ‘‘аамаавусо на ж̇аанаамий’’д̇и. ‘‘ход̇и, аавусо, зд̇т̇а аабад̇д̇ий’’д̇и? ‘‘д̇зна хи бадигариссаами на’’нд̇и. ‘‘сажз бана д̇з, аавусо, асан̃жижжа асад̇ияаа гад̇ам̣, над̇т̇и аабад̇д̇ий’’д̇и. со д̇ассаа аабад̇д̇ияаа анаабад̇д̇ид̣̇идти ахоси. винаяад̇хароби ад̇д̇ано ниссид̇агаанам̣ ‘‘аяам̣ суд̇д̇анд̇иго аабад̇д̇им̣ аабаж̇ж̇амааноби на ж̇аанаад̇ий’’д̇и аарожзси. д̇з д̇асса ниссид̇агз д̣̇исваа ‘‘д̇умхаагам̣ убаж̇жхааяо аабад̇д̇им̣ аабаж̇ж̇ид̇вааби аабад̇д̇ибхаавам̣ на ж̇аанаад̇ий’’д̇и аахам̣су. д̇з г̇анд̇ваа ад̇д̇ано убаж̇жхааяасса аарожзсум̣. со звамааха – ‘‘аяам̣ винаяад̇харо буб̣б̣з ‘анаабад̇д̇ий’д̇и вад̇ваа ид̣̇аани ‘аабад̇д̇ий’д̇и вад̣̇ад̇и, мусааваад̣̇ий зсо’’д̇и. д̇з г̇анд̇ваа ‘‘д̇умхаагам̣ убаж̇жхааяо мусааваад̣̇ий’’д̇и звам̣ ан̃н̃аман̃н̃ам̣ галахам̣ вад̣дхаяим̣су. д̇ад̇о винаяад̇харо огаасам̣ лабхид̇ваа д̇асса аабад̇д̇ияаа ад̣̇ассанзна угкзбанийяагаммам̣ агааси. д̇ад̇о бадтааяа д̇зсам̣ бажжаяад̣̇ааяагаа убаасагааби д̣̇вз годтаасаа ахзсум̣. оваад̣̇абадиг̇г̇аахигаа бхигкунияоби аарагкад̣̇звад̇ааби д̣̇вз годтаасаа ахзсум̣. д̇аасам̣ санд̣̇идтасамбхад̇д̇аа аагаасадтад̣̇звад̇ааби яаава б̣рахмалогаа саб̣б̣з бут̇уж̇ж̇анаа д̣̇вз багкаа ахзсум̣. яаава аганидтабхаванаа бана ид̣̇ам̣ голаахалам̣ аг̇амааси.
Puthusaddoti idaṃ satthā kosambiṃ nissāya ghositārāme viharanto kosambiyaṃ bhaṇḍanakārake bhikkhū ārabbha kathesi. Vatthu kosambakakkhandhake (mahāva. 451 ādayo) āgatameva, ayaṃ panettha saṅkhepo. Tadā kira dve bhikkhū ekasmiṃ āvāse vasiṃsu vinayadharo ca suttantiko ca. Tesu suttantiko ekadivasaṃ sarīravalañjaṃ katvā udakakoṭṭhake ācamanaudakāvasesaṃ bhājane ṭhapetvā nikkhami. Pacchā vinayadharo tattha paviṭṭho taṃ udakaṃ disvā nikkhamitvā itaraṃ pucchi ‘‘āvuso, tayā udakaṃ ṭhapita’’nti. ‘‘Āmāvuso’’ti. ‘‘Kiṃ panettha āpattibhāvaṃ na jānāsī’’ti? ‘‘Āmāvuso na jānāmī’’ti. ‘‘Hoti, āvuso, ettha āpattī’’ti? ‘‘Tena hi paṭikarissāmi na’’nti. ‘‘Sace pana te, āvuso, asañcicca asatiyā kataṃ, natthi āpattī’’ti. So tassā āpattiyā anāpattidiṭṭhi ahosi. Vinayadharopi attano nissitakānaṃ ‘‘ayaṃ suttantiko āpattiṃ āpajjamānopi na jānātī’’ti ārocesi. Te tassa nissitake disvā ‘‘tumhākaṃ upajjhāyo āpattiṃ āpajjitvāpi āpattibhāvaṃ na jānātī’’ti āhaṃsu. Te gantvā attano upajjhāyassa ārocesuṃ. So evamāha – ‘‘ayaṃ vinayadharo pubbe ‘anāpattī’ti vatvā idāni ‘āpattī’ti vadati, musāvādī eso’’ti. Te gantvā ‘‘tumhākaṃ upajjhāyo musāvādī’’ti evaṃ aññamaññaṃ kalahaṃ vaḍḍhayiṃsu. Tato vinayadharo okāsaṃ labhitvā tassa āpattiyā adassanena ukkhepanīyakammaṃ akāsi. Tato paṭṭhāya tesaṃ paccayadāyakā upāsakāpi dve koṭṭhāsā ahesuṃ. Ovādapaṭiggāhikā bhikkhuniyopi ārakkhadevatāpi dve koṭṭhāsā ahesuṃ. Tāsaṃ sandiṭṭhasambhattā ākāsaṭṭhadevatāpi yāva brahmalokā sabbe puthujjanā dve pakkhā ahesuṃ. Yāva akaniṭṭhabhavanā pana idaṃ kolāhalaṃ agamāsi.
ат̇зго бхигку д̇ат̇ааг̇ад̇ам̣ убасан̇гамид̇ваа угкзбагаанам̣ ‘‘д̇хаммигзнзва гаммзна аяам̣ угкид̇д̇о, угкид̇д̇аанувад̇д̇агаанам̣ ад̇хаммигзна гаммзна угкид̇д̇о’’д̇и лад̣̇д̇хим̣, угкзбагзхи ваарияамаанаанамби д̇зсам̣ д̇ам̣ анубариваарзд̇ваа жаран̣абхааван̃жа сад̇т̇у аарожзси. бхаг̇аваа ‘‘самаг̇г̇аа гира хонд̇уу’’д̇и д̣̇вз ваарз бзсзд̇ваа ‘‘на ижчанд̇и бханд̇з самаг̇г̇аа бхавид̇у’’нд̇и суд̇ваа д̇ад̇ияаваарз ‘‘бхинно бхигкусан̇гхо’’д̇и д̇зсам̣ санд̇игам̣ г̇анд̇ваа угкзбагаанам̣ угкзбанз, ид̇арзсан̃жа асан̃жижжа аабад̇д̇ияаа ад̣̇ассанз аад̣̇ийнавам̣ вад̇ваа баггаами. буна д̇зсам̣ д̇ад̇т̇зва згасиймааяам̣ убосат̇аад̣̇ийни гаарзд̇ваа бхад̇д̇аг̇г̇аад̣̇ийсу бхан̣д̣анаж̇аад̇аанам̣ ‘‘аасананд̇аригааяа нисийд̣̇ид̇аб̣б̣а’’нд̇и бхад̇д̇аг̇г̇з вад̇д̇ам̣ бан̃н̃аабзд̇ваа ‘‘ид̣̇ааниби бхан̣д̣анаж̇аад̇аа вихаранд̇ий’’д̇и суд̇ваа д̇ад̇т̇а г̇анд̇ваа ‘‘алам̣, бхигкавз, маа бхан̣д̣ана’’нд̇иаад̣̇ийни вад̇ваа ан̃н̃ад̇арзна бхигкунаа д̇хаммаваад̣̇инаа бхаг̇авад̇о вихзсам̣ анижчанд̇зна ‘‘ааг̇амзд̇у, бханд̇з, бхаг̇аваа д̇хаммасаами, аббоссугго бханд̇з, бхаг̇аваа д̣̇идтад̇хаммасукавихаарам̣ ануяуд̇д̇о вихарад̇у, маяам̣ д̇зна бхан̣д̣анзна галахзна виг̇г̇ахзна виваад̣̇зна бан̃н̃ааяиссаамаа’’д̇и вуд̇д̇з –
Atheko bhikkhu tathāgataṃ upasaṅkamitvā ukkhepakānaṃ ‘‘dhammikeneva kammena ayaṃ ukkhitto, ukkhittānuvattakānaṃ adhammikena kammena ukkhitto’’ti laddhiṃ, ukkhepakehi vāriyamānānampi tesaṃ taṃ anuparivāretvā caraṇabhāvañca satthu ārocesi. Bhagavā ‘‘samaggā kira hontū’’ti dve vāre pesetvā ‘‘na icchanti bhante samaggā bhavitu’’nti sutvā tatiyavāre ‘‘bhinno bhikkhusaṅgho’’ti tesaṃ santikaṃ gantvā ukkhepakānaṃ ukkhepane, itaresañca asañcicca āpattiyā adassane ādīnavaṃ vatvā pakkāmi. Puna tesaṃ tattheva ekasīmāyaṃ uposathādīni kāretvā bhattaggādīsu bhaṇḍanajātānaṃ ‘‘āsanantarikāya nisīditabba’’nti bhattagge vattaṃ paññāpetvā ‘‘idānipi bhaṇḍanajātā viharantī’’ti sutvā tattha gantvā ‘‘alaṃ, bhikkhave, mā bhaṇḍana’’ntiādīni vatvā aññatarena bhikkhunā dhammavādinā bhagavato vihesaṃ anicchantena ‘‘āgametu, bhante, bhagavā dhammasāmi, appossukko bhante, bhagavā diṭṭhadhammasukhavihāraṃ anuyutto viharatu, mayaṃ tena bhaṇḍanena kalahena viggahena vivādena paññāyissāmā’’ti vutte –
бхууд̇абуб̣б̣ам̣, бхигкавз, б̣аараан̣асияам̣ б̣рахмад̣̇ад̇д̇о наама гаасирааж̇аа ахосийд̇и б̣рахмад̣̇ад̇д̇зна д̣̇ийгхийд̇исса госаларан̃н̃о раж̇ж̇ам̣ ажчанд̣̇ид̇ваа ан̃н̃аад̇агавзсзна васанд̇асса маарид̇абхааван̃жзва д̣̇ийгхаавугумаарзна ад̇д̇ано ж̇ийвид̇з д̣̇иннз д̇ад̇о бадтааяа д̇зсам̣ самаг̇г̇абхааван̃жа гат̇зд̇ваа ‘‘д̇зсан̃хи наама, бхигкавз, рааж̇уунам̣ аад̣̇иннад̣̇ан̣д̣аанам̣ аад̣̇иннасад̇т̇аанам̣ зваруубам̣ канд̇исоражжам̣ бхависсад̇и. ид̇ха ко д̇ам̣, бхигкавз, собхзт̇а, яам̣ д̇умхз звам̣ сваагкаад̇з д̇хаммавинаяз баб̣б̣аж̇ид̇аа самаанаа камаа жа бхавзяяаат̇а сорад̇аа жаа’’д̇и овад̣̇ид̇ваа д̣̇уд̇ияамби д̇ад̇ияамби ‘‘алам̣, бхигкавз, маа бхан̣д̣ана’’нд̇и ваарзд̇ваа анораманд̇з д̣̇исваа ‘‘барияаад̣̇ин̣н̣аруубаа ко имз могхабурисаа, на яимз сугараа сан̃н̃аабзд̇у’’нд̇и баггамид̇ваа бунад̣̇ивасз бин̣д̣абаад̇абадигганд̇о г̇анд̇хагудияаа т̇огам̣ виссамид̇ваа сзнаасанам̣ сам̣саамзд̇ваа ад̇д̇ано бад̇д̇ажийварамаад̣̇ааяа сан̇гхамаж̇жхз аагаасз тад̇ваа имаа г̇аат̇аа абхааси –
Bhūtapubbaṃ, bhikkhave, bārāṇasiyaṃ brahmadatto nāma kāsirājā ahosīti brahmadattena dīghītissa kosalarañño rajjaṃ acchanditvā aññātakavesena vasantassa māritabhāvañceva dīghāvukumārena attano jīvite dinne tato paṭṭhāya tesaṃ samaggabhāvañca kathetvā ‘‘tesañhi nāma, bhikkhave, rājūnaṃ ādinnadaṇḍānaṃ ādinnasatthānaṃ evarūpaṃ khantisoraccaṃ bhavissati. Idha kho taṃ, bhikkhave, sobhetha, yaṃ tumhe evaṃ svākkhāte dhammavinaye pabbajitā samānā khamā ca bhaveyyātha soratā cā’’ti ovaditvā dutiyampi tatiyampi ‘‘alaṃ, bhikkhave, mā bhaṇḍana’’nti vāretvā anoramante disvā ‘‘pariyādiṇṇarūpā kho ime moghapurisā, na yime sukarā saññāpetu’’nti pakkamitvā punadivase piṇḍapātapaṭikkanto gandhakuṭiyā thokaṃ vissamitvā senāsanaṃ saṃsāmetvā attano pattacīvaramādāya saṅghamajjhe ākāse ṭhatvā imā gāthā abhāsi –
10.
10.
‘‘бут̇усад̣̇д̣̇о самаж̇ано, на б̣аало гожи ман̃н̃ат̇а;
‘‘Puthusaddo samajano, na bālo koci maññatha;
сан̇гхасмим̣ бхиж̇ж̇амаанасмим̣, наан̃н̃ам̣ бхияяо аман̃н̃арум̣.
Saṅghasmiṃ bhijjamānasmiṃ, nāññaṃ bhiyyo amaññaruṃ.
11.
11.
‘‘баримудтаа бан̣д̣ид̇аабхаасаа, ваажааг̇ожарабхаан̣ино;
‘‘Parimuṭṭhā paṇḍitābhāsā, vācāgocarabhāṇino;
яаавижчанд̇и мукааяаамам̣, язна нийд̇аа на д̇ам̣ вид̣̇уу.
Yāvicchanti mukhāyāmaṃ, yena nītā na taṃ vidū.
12.
12.
‘‘аггожчи мам̣ авад̇хи мам̣, аж̇ини мам̣ ахааси мз;
‘‘Akkocchi maṃ avadhi maṃ, ajini maṃ ahāsi me;
яз жа д̇ам̣ убанаяханд̇и, взрам̣ д̇зсам̣ на саммад̇и.
Ye ca taṃ upanayhanti, veraṃ tesaṃ na sammati.
13.
13.
‘‘аггожчи мам̣ авад̇хи мам̣, аж̇ини мам̣ ахааси мз;
‘‘Akkocchi maṃ avadhi maṃ, ajini maṃ ahāsi me;
яз жа д̇ам̣ нубанаяханд̇и, взрам̣ д̇зсуубасаммад̇и.
Ye ca taṃ nupanayhanti, veraṃ tesūpasammati.
14.
14.
‘‘на хи взрзна взраани, самманд̇ийд̇ха гуд̣̇аажанам̣;
‘‘Na hi verena verāni, sammantīdha kudācanaṃ;
авзрзна жа самманд̇и, зса д̇хаммо сананд̇ано.
Averena ca sammanti, esa dhammo sanantano.
15.
15.
‘‘барз жа на виж̇аананд̇и, маяамзд̇т̇а яамаамасз;
‘‘Pare ca na vijānanti, mayamettha yamāmase;
яз жа д̇ад̇т̇а виж̇аананд̇и, д̇ад̇о самманд̇и мзд̇хаг̇аа.
Ye ca tattha vijānanti, tato sammanti medhagā.
16.
16.
‘‘адтижчиннаа баан̣ахараа, г̇аваассад̇ханахаарино;
‘‘Aṭṭhicchinnā pāṇaharā, gavāssadhanahārino;
радтам̣ вилумбамаанаанам̣, д̇зсамби ход̇и сан̇г̇ад̇и;
Raṭṭhaṃ vilumpamānānaṃ, tesampi hoti saṅgati;
гасмаа д̇умхаага но сияаа.
Kasmā tumhāka no siyā.
17.
17.
‘‘сажз лабхзт̇а нибагам̣ сахааяам̣, сад̣̇д̇хим̣жарам̣ саад̇хувихаарид̇хийрам̣;
‘‘Sace labhetha nipakaṃ sahāyaṃ, saddhiṃcaraṃ sādhuvihāridhīraṃ;
абхибхуяяа саб̣б̣аани бариссаяаани, жарзяяа д̇знад̇д̇амано сад̇иймаа.
Abhibhuyya sabbāni parissayāni, careyya tenattamano satīmā.
18.
18.
‘‘но жз лабхзт̇а нибагам̣ сахааяам̣, сад̣̇д̇хим̣жарам̣ саад̇хувихаарид̇хийрам̣;
‘‘No ce labhetha nipakaṃ sahāyaṃ, saddhiṃcaraṃ sādhuvihāridhīraṃ;
рааж̇аава радтам̣ виж̇ид̇ам̣ бахааяа, зго жарз маад̇ан̇г̇аран̃н̃зва нааг̇о.
Rājāva raṭṭhaṃ vijitaṃ pahāya, eko care mātaṅgaraññeva nāgo.
19.
19.
‘‘згасса жарид̇ам̣ сзяяо, над̇т̇и б̣аалз сахааяад̇аа;
‘‘Ekassa caritaṃ seyyo, natthi bāle sahāyatā;
зго жарз на баабаани гаяираа, аббоссугго маад̇ан̇г̇аран̃н̃зва нааг̇о’’д̇и.
Eko care na pāpāni kayirā, appossukko mātaṅgaraññeva nāgo’’ti.
д̇ад̇т̇а бут̇у махаасад̣̇д̣̇о ассаад̇и бут̇усад̣̇д̣̇о. самаж̇анод̇и самаано згасад̣̇исо ж̇ано, саб̣б̣овааяам̣ бхан̣д̣анагаарагаж̇ано саманд̇ад̇о сад̣̇д̣̇анижчааран̣зна бут̇усад̣̇д̣̇о жзва сад̣̇исо жаад̇и вуд̇д̇ам̣ ход̇и. на б̣аало гожи ман̃н̃ат̇аад̇и д̇ад̇т̇а гожи згоби ‘‘ахам̣ б̣аало’’д̇и на ман̃н̃ид̇т̇а, саб̣б̣з бан̣д̣ид̇амаанино, саб̣б̣овааяам̣ бхан̣д̣анагаараго ж̇аноязва. наан̃н̃ам̣ бхияяо аман̃н̃арунд̇и гожи згоби ‘‘ахам̣ б̣аало’’д̇и на ман̃н̃ид̇т̇а, бхияяо жа сан̇гхасмим̣ бхиж̇ж̇амаанз ан̃н̃амби згам̣ ‘‘маяхам̣ гааран̣аа сан̇гхо бхиж̇ж̇ад̇ий’’д̇и ид̣̇ам̣ гааран̣ам̣ на ман̃н̃ид̇т̇аад̇и ад̇т̇о.
Tattha puthu mahāsaddo assāti puthusaddo. Samajanoti samāno ekasadiso jano, sabbovāyaṃ bhaṇḍanakārakajano samantato saddanicchāraṇena puthusaddo ceva sadiso cāti vuttaṃ hoti. Na bālo koci maññathāti tattha koci ekopi ‘‘ahaṃ bālo’’ti na maññittha, sabbe paṇḍitamānino, sabbovāyaṃ bhaṇḍanakārako janoyeva. Nāññaṃ bhiyyo amaññarunti koci ekopi ‘‘ahaṃ bālo’’ti na maññittha, bhiyyo ca saṅghasmiṃ bhijjamāne aññampi ekaṃ ‘‘mayhaṃ kāraṇā saṅgho bhijjatī’’ti idaṃ kāraṇaṃ na maññitthāti attho.
баримудтаад̇и мудтассад̇ино. бан̣д̣ид̇аабхаасаад̇и ад̇д̇ано бан̣д̣ид̇амаанзна бан̣д̣ид̇асад̣̇исаа. ваажааг̇ожарабхаан̣инод̇и раа-гаарасса рассаад̣̇зсо гад̇о, ваажааг̇ожараа жа на сад̇ибадтаанаад̣̇иарияад̇хаммаг̇ожараа, бхаан̣ино жа. гат̇ам̣ бхаан̣ино? яаавижчанд̇и мукааяааманд̇и, яаава мукам̣ басаарзд̇ум̣ ижчанд̇и, д̇аава басаарзд̇ваа аг̇г̇абаад̣̇зхи тад̇ваа бхаан̣ино, згоби сан̇гхаг̇ааравзна мукасан̇гожанам̣ на гарод̇ийд̇и ад̇т̇о. язна нийд̇аад̇и язна бхан̣д̣анзна имам̣ ниллаж̇ж̇абхаавам̣ нийд̇аа. на д̇ам̣ вид̣̇ууд̇и звам̣ ‘‘аад̣̇ийнавам̣ ид̣̇а’’нд̇и д̇ам̣ на ж̇аананд̇и.
Parimuṭṭhāti muṭṭhassatino. Paṇḍitābhāsāti attano paṇḍitamānena paṇḍitasadisā. Vācāgocarabhāṇinoti rā-kārassa rassādeso kato, vācāgocarā ca na satipaṭṭhānādiariyadhammagocarā, bhāṇino ca. Kathaṃ bhāṇino? Yāvicchanti mukhāyāmanti, yāva mukhaṃ pasāretuṃ icchanti, tāva pasāretvā aggapādehi ṭhatvā bhāṇino, ekopi saṅghagāravena mukhasaṅkocanaṃ na karotīti attho. Yena nītāti yena bhaṇḍanena imaṃ nillajjabhāvaṃ nītā. Na taṃ vidūti evaṃ ‘‘ādīnavaṃ ida’’nti taṃ na jānanti.
яз жа д̇ам̣ убанаяханд̇ийд̇и д̇ам̣ ‘‘аггожчи ма’’нд̇иаад̣̇игам̣ аагаарам̣ яз убанаяханд̇и. сананд̇анод̇и бораан̣о. барзд̇и бан̣д̣ид̇з табзд̇ваа д̇ад̇о ан̃н̃з бхан̣д̣анагаарагаа барз наама. д̇з зд̇т̇а сан̇гхамаж̇жхз голаахалам̣ гаронд̇аа ‘‘маяам̣ яамаамасз убаяамаама нассаама, сад̇ад̇ам̣ самид̇ам̣ мажжусанд̇игам̣ г̇ажчаамаа’’д̇и на ж̇аананд̇и. яз жа д̇ад̇т̇а виж̇аананд̇ийд̇и яз д̇ад̇т̇а бан̣д̣ид̇аа ‘‘маяам̣ мажжусамийбам̣ г̇ажчаамаа’’д̇и виж̇аананд̇и. д̇ад̇о самманд̇и мзд̇хаг̇аад̇и бхигкавз, зван̃хи д̇з ж̇аананд̇аа яонисоманасигаарам̣ уббаад̣̇зд̇ваа мзд̇хаг̇аанам̣ галахаанам̣ вуубасамааяа бадибаж̇ж̇анд̇и.
Yeca taṃ upanayhantīti taṃ ‘‘akkocchi ma’’ntiādikaṃ ākāraṃ ye upanayhanti. Sanantanoti porāṇo. Pareti paṇḍite ṭhapetvā tato aññe bhaṇḍanakārakā pare nāma. Te ettha saṅghamajjhe kolāhalaṃ karontā ‘‘mayaṃ yamāmase upayamāma nassāma, satataṃ samitaṃ maccusantikaṃ gacchāmā’’ti na jānanti. Ye ca tattha vijānantīti ye tattha paṇḍitā ‘‘mayaṃ maccusamīpaṃ gacchāmā’’ti vijānanti. Tato sammanti medhagāti bhikkhave, evañhi te jānantā yonisomanasikāraṃ uppādetvā medhagānaṃ kalahānaṃ vūpasamāya paṭipajjanti.
адтижчиннаад̇и аяам̣ г̇аат̇аа б̣рахмад̣̇ад̇д̇ан̃жа д̣̇ийгхаавугумааран̃жа санд̇хааяа вуд̇д̇аа. д̇зсамби ход̇и сан̇г̇ад̇и. гасмаа д̇умхаагам̣ на ход̇и? язсам̣ во нзва маад̇аабид̇уунам̣ адтийни чиннаани, на баан̣аа хадаа, на г̇аваассад̇ханаани хадаани. ид̣̇ам̣ вуд̇д̇ам̣ ход̇и – бхигкавз, д̇зсан̃хи наама аад̣̇иннад̣̇ан̣д̣аанам̣ аад̣̇иннасад̇т̇аанам̣ рааж̇уунам̣ зваруубаа сан̇г̇ад̇и самааг̇амо ааваахавиваахасамб̣анд̇хам̣ гад̇ваа згад̇о баанабхож̇анам̣ ход̇и, д̇умхз зваруубз саасанз баб̣б̣аж̇ид̇ваа ад̇д̇ано взрамад̇д̇амби ж̇ахид̇ум̣ на саггот̇а, го д̇умхаагам̣ бхигкубхаавод̇и.
Aṭṭhicchinnāti ayaṃ gāthā brahmadattañca dīghāvukumārañca sandhāya vuttā. Tesampi hoti saṅgati. Kasmā tumhākaṃ na hoti? Yesaṃ vo neva mātāpitūnaṃ aṭṭhīni chinnāni, na pāṇā haṭā, na gavāssadhanāni haṭāni. Idaṃ vuttaṃ hoti – bhikkhave, tesañhi nāma ādinnadaṇḍānaṃ ādinnasatthānaṃ rājūnaṃ evarūpā saṅgati samāgamo āvāhavivāhasambandhaṃ katvā ekato pānabhojanaṃ hoti, tumhe evarūpe sāsane pabbajitvā attano veramattampi jahituṃ na sakkotha, ko tumhākaṃ bhikkhubhāvoti.
сажз лабхзт̇аад̇иаад̣̇иг̇аат̇ааяо бан̣д̣ид̇асахааяасса жа б̣ааласахааяасса жа ван̣н̣ааван̣н̣ад̣̇ийбанад̇т̇ам̣ вуд̇д̇аа. абхибхуяяа саб̣б̣аани бариссаяаанийд̇и саб̣б̣з баагадабариссаяз жа бадижчаннабариссаяз жа абхибхавид̇ваа д̇зна сад̣̇д̇хим̣ ад̇д̇амано сад̇имаа жарзяяа. рааж̇аава радтам̣ виж̇ид̇ам̣ бахааяаад̇и яат̇аа ад̇д̇ано виж̇ид̇ам̣ радтам̣ махааж̇анагарааж̇аа жа аринд̣̇амарааж̇аа жа бахааяа згагова жарим̣су, звам̣ жарзяяаад̇и ад̇т̇о. маад̇ан̇г̇аран̃н̃зва нааг̇од̇и маад̇ан̇г̇о аран̃н̃з нааг̇ова. маад̇ан̇г̇од̇и хад̇т̇ий вужжад̇и, нааг̇од̇и маханд̇аад̇хиважанамзд̇ам̣. яат̇аа хи маад̇убосаго маад̇ан̇г̇анааг̇о аран̃н̃з згаго жари, на жа баабаани агааси, яат̇аа жа сийлавахад̇т̇инааг̇о. яат̇аа жа баалилзяяаго, звам̣ зго жарз, на жа баабаани гаяираад̇и вуд̇д̇ам̣ ход̇и.
Sacelabhethātiādigāthāyo paṇḍitasahāyassa ca bālasahāyassa ca vaṇṇāvaṇṇadīpanatthaṃ vuttā. Abhibhuyya sabbāni parissayānīti sabbe pākaṭaparissaye ca paṭicchannaparissaye ca abhibhavitvā tena saddhiṃ attamano satimā careyya. Rājāva raṭṭhaṃ vijitaṃ pahāyāti yathā attano vijitaṃ raṭṭhaṃ mahājanakarājā ca arindamarājā ca pahāya ekakova cariṃsu, evaṃ careyyāti attho. Mātaṅgaraññeva nāgoti mātaṅgo araññe nāgova. Mātaṅgoti hatthī vuccati, nāgoti mahantādhivacanametaṃ. Yathā hi mātuposako mātaṅganāgo araññe ekako cari, na ca pāpāni akāsi, yathā ca sīlavahatthināgo. Yathā ca pālileyyako, evaṃ eko care, na ca pāpāni kayirāti vuttaṃ hoti.
сад̇т̇аа звам̣ гат̇зд̇вааби д̇з бхигкуу самаг̇г̇з гаад̇ум̣ асаггонд̇о б̣аалагалон̣агаг̇аамам̣ г̇анд̇ваа бхаг̇уд̇т̇зрасса згийбхаавз аанисам̣сам̣ гат̇зд̇ваа д̇ад̇о д̇ин̣н̣ам̣ гулабуд̇д̇аанам̣ васанадтаанам̣ г̇анд̇ваа д̇зсам̣ саамаг̇г̇иваасз аанисам̣сам̣ гат̇зд̇ваа д̇ад̇о баалилзяяагаванасан̣д̣ам̣ г̇анд̇ваа д̇ад̇т̇а д̇змаасам̣ васид̇ваа буна госамб̣им̣ аг̇анд̇ваа саавад̇т̇имзва аг̇амааси. госамб̣иваасиноби убаасагаа ‘‘имз ко аяяаа, госамб̣агаа бхигкуу б̣ахуно амхаагам̣ анад̇т̇асса гаарагаа, имзхи уб̣б̣аал̣хо бхаг̇аваа багганд̇о, имзсам̣ нзва абхиваад̣̇анаад̣̇ийни гариссаама, на убаг̇ад̇аанам̣ бин̣д̣абаад̇ам̣ д̣̇ассаама, звам̣ имз баггамиссанд̇и ваа взрам̣ вирамиссанд̇и ваа бхаг̇аванд̇ам̣ ваа басаад̣̇зссанд̇ий’’д̇и самманд̇аяид̇ваа д̇ат̇зва агам̣су. д̇з д̇зна д̣̇ан̣д̣агаммзна бийл̣ид̇аа саавад̇т̇им̣ г̇анд̇ваа бхаг̇аванд̇ам̣ камаабзсум̣.
Satthā evaṃ kathetvāpi te bhikkhū samagge kātuṃ asakkonto bālakaloṇakagāmaṃ gantvā bhaguttherassa ekībhāve ānisaṃsaṃ kathetvā tato tiṇṇaṃ kulaputtānaṃ vasanaṭṭhānaṃ gantvā tesaṃ sāmaggivāse ānisaṃsaṃ kathetvā tato pālileyyakavanasaṇḍaṃ gantvā tattha temāsaṃ vasitvā puna kosambiṃ agantvā sāvatthimeva agamāsi. Kosambivāsinopi upāsakā ‘‘ime kho ayyā, kosambakā bhikkhū bahuno amhākaṃ anatthassa kārakā, imehi ubbāḷho bhagavā pakkanto, imesaṃ neva abhivādanādīni karissāma, na upagatānaṃ piṇḍapātaṃ dassāma, evaṃ ime pakkamissanti vā veraṃ viramissanti vā bhagavantaṃ vā pasādessantī’’ti sammantayitvā tatheva akaṃsu. Te tena daṇḍakammena pīḷitā sāvatthiṃ gantvā bhagavantaṃ khamāpesuṃ.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘бид̇аа суд̣̇д̇ход̣̇анамахаарааж̇аа ахоси, маад̇аа махаамааяаа, д̣̇ийгхаавугумааро бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘pitā suddhodanamahārājā ahosi, mātā mahāmāyā, dīghāvukumāro pana ahameva ahosi’’nti.
госамб̣ияаж̇аад̇агаван̣н̣анаа д̣̇уд̇ияаа.
Kosambiyajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 428. госамб̣ияаж̇аад̇агам̣ • 428. Kosambiyajātakaṃ
