| Library / Tipiṭaka / తిపిటక • Tipiṭaka / జాతకపాళి • Jātakapāḷi |
౪౧౨. కోటసిమ్బలిజాతకం (౭-౨-౭)
412. Koṭasimbalijātakaṃ (7-2-7)
౧౨౧.
121.
అహం దససతంబ్యామం, ఉరగమాదాయ ఆగతో;
Ahaṃ dasasataṃbyāmaṃ, uragamādāya āgato;
౧౨౨.
122.
అథిమం ఖుద్దకం పక్ఖిం, అప్పమంసతరం మయా;
Athimaṃ khuddakaṃ pakkhiṃ, appamaṃsataraṃ mayā;
౧౨౩.
123.
మంసభక్ఖో తువం రాజ, ఫలభక్ఖో అయం దిజో;
Maṃsabhakkho tuvaṃ rāja, phalabhakkho ayaṃ dijo;
అయం నిగ్రోధబీజాని, పిలక్ఖుదుమ్బరాని చ;
Ayaṃ nigrodhabījāni, pilakkhudumbarāni ca;
అస్సత్థాని చ భక్ఖిత్వా, ఖన్ధే మే ఓహదిస్సతి.
Assatthāni ca bhakkhitvā, khandhe me ohadissati.
౧౨౪.
124.
తే రుక్ఖా సంవిరూహన్తి, మమ పస్సే నివాతజా;
Te rukkhā saṃvirūhanti, mama passe nivātajā;
తే మం పరియోనన్ధిస్సన్తి, అరుక్ఖం మం కరిస్సరే.
Te maṃ pariyonandhissanti, arukkhaṃ maṃ karissare.
౧౨౫.
125.
సన్తి అఞ్ఞేపి రుక్ఖా సే, మూలినో ఖన్ధినో దుమా;
Santi aññepi rukkhā se, mūlino khandhino dumā;
ఇమినా సకుణజాతేన, బీజమాహరితా హతా.
Iminā sakuṇajātena, bījamāharitā hatā.
౧౨౬.
126.
తస్మా రాజ పవేధామి, సమ్పస్సంనాగతం భయం.
Tasmā rāja pavedhāmi, sampassaṃnāgataṃ bhayaṃ.
౧౨౭.
127.
సఙ్కేయ్య సఙ్కితబ్బాని, రక్ఖేయ్యానాగతం భయం;
Saṅkeyya saṅkitabbāni, rakkheyyānāgataṃ bhayaṃ;
అనాగతభయా ధీరో, ఉభో లోకే అవేక్ఖతీతి.
Anāgatabhayā dhīro, ubho loke avekkhatīti.
కోటసిమ్బలిజాతకం సత్తమం.
Koṭasimbalijātakaṃ sattamaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / జాతక-అట్ఠకథా • Jātaka-aṭṭhakathā / [౪౧౨] ౭. కోటసిమ్బలిజాతకవణ్ణనా • [412] 7. Koṭasimbalijātakavaṇṇanā
