| Library / Tipiṭaka / તિપિટક • Tipiṭaka / જાતકપાળિ • Jātakapāḷi |
૪૧૨. કોટસિમ્બલિજાતકં (૭-૨-૭)
412. Koṭasimbalijātakaṃ (7-2-7)
૧૨૧.
121.
અહં દસસતંબ્યામં, ઉરગમાદાય આગતો;
Ahaṃ dasasataṃbyāmaṃ, uragamādāya āgato;
૧૨૨.
122.
અથિમં ખુદ્દકં પક્ખિં, અપ્પમંસતરં મયા;
Athimaṃ khuddakaṃ pakkhiṃ, appamaṃsataraṃ mayā;
૧૨૩.
123.
મંસભક્ખો તુવં રાજ, ફલભક્ખો અયં દિજો;
Maṃsabhakkho tuvaṃ rāja, phalabhakkho ayaṃ dijo;
અયં નિગ્રોધબીજાનિ, પિલક્ખુદુમ્બરાનિ ચ;
Ayaṃ nigrodhabījāni, pilakkhudumbarāni ca;
અસ્સત્થાનિ ચ ભક્ખિત્વા, ખન્ધે મે ઓહદિસ્સતિ.
Assatthāni ca bhakkhitvā, khandhe me ohadissati.
૧૨૪.
124.
તે રુક્ખા સંવિરૂહન્તિ, મમ પસ્સે નિવાતજા;
Te rukkhā saṃvirūhanti, mama passe nivātajā;
તે મં પરિયોનન્ધિસ્સન્તિ, અરુક્ખં મં કરિસ્સરે.
Te maṃ pariyonandhissanti, arukkhaṃ maṃ karissare.
૧૨૫.
125.
સન્તિ અઞ્ઞેપિ રુક્ખા સે, મૂલિનો ખન્ધિનો દુમા;
Santi aññepi rukkhā se, mūlino khandhino dumā;
ઇમિના સકુણજાતેન, બીજમાહરિતા હતા.
Iminā sakuṇajātena, bījamāharitā hatā.
૧૨૬.
126.
તસ્મા રાજ પવેધામિ, સમ્પસ્સંનાગતં ભયં.
Tasmā rāja pavedhāmi, sampassaṃnāgataṃ bhayaṃ.
૧૨૭.
127.
સઙ્કેય્ય સઙ્કિતબ્બાનિ, રક્ખેય્યાનાગતં ભયં;
Saṅkeyya saṅkitabbāni, rakkheyyānāgataṃ bhayaṃ;
અનાગતભયા ધીરો, ઉભો લોકે અવેક્ખતીતિ.
Anāgatabhayā dhīro, ubho loke avekkhatīti.
કોટસિમ્બલિજાતકં સત્તમં.
Koṭasimbalijātakaṃ sattamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / જાતક-અટ્ઠકથા • Jātaka-aṭṭhakathā / [૪૧૨] ૭. કોટસિમ્બલિજાતકવણ્ણના • [412] 7. Koṭasimbalijātakavaṇṇanā
