| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[412] 7. годасимб̣алиж̇аад̇агаван̣н̣анаа
[412] 7. Koṭasimbalijātakavaṇṇanā
ахам̣ д̣̇асасад̇ам̣б̣яааманд̇и ид̣̇ам̣ сад̇т̇аа ж̇зд̇аванз вихаранд̇о гилзсаниг̇г̇ахам̣ аараб̣бха гат̇зси. вад̇т̇у бана баанийяаж̇аад̇агз (ж̇аа. 1.11.59 аад̣̇аяо) аави бхависсад̇и. ид̇хааби сад̇т̇аа анд̇огодисант̇аарз гаамавид̇аггаабхибхууд̇з бан̃жасад̇з бхигкуу д̣̇исваа бхигкусан̇гхам̣ саннибаад̇аабзд̇ваа ‘‘бхигкавз, аасан̇гид̇аб̣б̣аяуд̇д̇агам̣ наама аасан̇гид̇ум̣ ваддад̇и, гилзсаа наама вад̣дханд̇аа ванз ниг̇род̇хаад̣̇аяо вияа ругкам̣, бурисам̣ бхан̃ж̇анд̇и, д̇знзва буб̣б̣зби годасимб̣алияам̣ ниб̣б̣ад̇д̇ад̣̇звад̇аа згам̣ сагун̣ам̣ ниг̇род̇хаб̣ийж̇аани каад̣̇ид̇ваа ад̇д̇ано ругкасса сааканд̇арз важжам̣ баад̇знд̇ам̣ д̣̇исваа ‘ид̇о мз вимаанасса винаасо бхависсад̇ий’д̇и бхаяаббад̇д̇аа ахосий’’д̇и вад̇ваа ад̇ийд̇ам̣ аахари.
Ahaṃ dasasataṃbyāmanti idaṃ satthā jetavane viharanto kilesaniggahaṃ ārabbha kathesi. Vatthu pana pānīyajātake (jā. 1.11.59 ādayo) āvi bhavissati. Idhāpi satthā antokoṭisanthāre kāmavitakkābhibhūte pañcasate bhikkhū disvā bhikkhusaṅghaṃ sannipātāpetvā ‘‘bhikkhave, āsaṅkitabbayuttakaṃ nāma āsaṅkituṃ vaṭṭati, kilesā nāma vaḍḍhantā vane nigrodhādayo viya rukkhaṃ, purisaṃ bhañjanti, teneva pubbepi koṭasimbaliyaṃ nibbattadevatā ekaṃ sakuṇaṃ nigrodhabījāni khāditvā attano rukkhassa sākhantare vaccaṃ pātentaṃ disvā ‘ito me vimānassa vināso bhavissatī’ti bhayappattā ahosī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о годасимб̣алияам̣ ругкад̣̇звад̇аа худ̇ваа ниб̣б̣ад̇д̇и. ат̇зго субан̣н̣арааж̇аа д̣̇ияад̣дхаяож̇анасад̇игам̣ ад̇д̇абхаавам̣ маабзд̇ваа багкаваад̇зхи махаасамуд̣̇д̣̇з уд̣̇агам̣ д̣̇вид̇хаа гад̇ваа згам̣ б̣яаамасахассааяаамам̣ нааг̇арааж̇аанам̣ нан̇г̇удтз г̇ахзд̇ваа мукзнасса г̇ахид̇аг̇ожарам̣ чад̣д̣аабзд̇ваа годасимб̣алим̣ санд̇хааяа ванамад̇т̇агзна бааяааси. нааг̇арааж̇аа ‘‘оламб̣знд̇о ад̇д̇аанам̣ можзссаамий’’д̇и ниг̇род̇харугкз бхог̇ам̣ бавзсзд̇ваа ниг̇род̇хам̣ взтзд̇ваа г̇ан̣хи. субан̣н̣аран̃н̃о махааб̣алад̇ааяа нааг̇арааж̇асса жа махаасарийрад̇ааяа ниг̇род̇харугко самуг̇гхаадам̣ аг̇амааси. нааг̇арааж̇аа нзва ругкам̣ виссаж̇ж̇зси, субан̣н̣арааж̇аа сад̣̇д̇хим̣ ниг̇род̇харугкзна нааг̇арааж̇аанам̣ г̇ахзд̇ваа годасимб̣алим̣ бад̇ваа нааг̇арааж̇аанам̣ канд̇хабидтз нибаж̇ж̇аабзд̇ваа уд̣̇арамасса паалзд̇ваа нааг̇амзд̣̇ам̣ каад̣̇ид̇ваа сзсагал̣зварам̣ самуд̣̇д̣̇з виссаж̇ж̇зси. д̇асмим̣ бана ниг̇род̇хз згаа сагун̣игаа ад̇т̇и, саа ниг̇род̇харугкз виссадтз уббад̇ид̇ваа годасимб̣алияаа сааканд̇арз нисийд̣̇и. ругкад̣̇звад̇аа д̇ам̣ д̣̇исваа ‘‘аяам̣ сагун̣игаа мама ругкагканд̇хз важжам̣ баад̇зссад̇и, д̇ад̇о ниг̇род̇хаг̇ажчо ваа билагкаг̇ажчо ваа удтахид̇ваа сагаларугкам̣ од̇т̇арид̇ваа г̇ажчиссад̇и, ат̇а мз вимаанам̣ нассиссад̇ий’’д̇и бхийд̇ад̇асид̇аа бавзд̇хи. д̇ассаа бавзд̇ханд̇ияаа годасимб̣алийби яаава муулаа бавзд̇хи. субан̣н̣арааж̇аа д̇ам̣ бавзд̇хамаанам̣ д̣̇исваа гааран̣ам̣ бужчанд̇о д̣̇вз г̇аат̇аа абхааси –
Atīte bārāṇasiyaṃ brahmadatte rajjaṃ kārente bodhisatto koṭasimbaliyaṃ rukkhadevatā hutvā nibbatti. Atheko supaṇṇarājā diyaḍḍhayojanasatikaṃ attabhāvaṃ māpetvā pakkhavātehi mahāsamudde udakaṃ dvidhā katvā ekaṃ byāmasahassāyāmaṃ nāgarājānaṃ naṅguṭṭhe gahetvā mukhenassa gahitagocaraṃ chaḍḍāpetvā koṭasimbaliṃ sandhāya vanamatthakena pāyāsi. Nāgarājā ‘‘olambento attānaṃ mocessāmī’’ti nigrodharukkhe bhogaṃ pavesetvā nigrodhaṃ veṭhetvā gaṇhi. Supaṇṇarañño mahābalatāya nāgarājassa ca mahāsarīratāya nigrodharukkho samugghāṭaṃ agamāsi. Nāgarājā neva rukkhaṃ vissajjesi, supaṇṇarājā saddhiṃ nigrodharukkhena nāgarājānaṃ gahetvā koṭasimbaliṃ patvā nāgarājānaṃ khandhapiṭṭhe nipajjāpetvā udaramassa phāletvā nāgamedaṃ khāditvā sesakaḷevaraṃ samudde vissajjesi. Tasmiṃ pana nigrodhe ekā sakuṇikā atthi, sā nigrodharukkhe vissaṭṭhe uppatitvā koṭasimbaliyā sākhantare nisīdi. Rukkhadevatā taṃ disvā ‘‘ayaṃ sakuṇikā mama rukkhakkhandhe vaccaṃ pātessati, tato nigrodhagaccho vā pilakkhagaccho vā uṭṭhahitvā sakalarukkhaṃ ottharitvā gacchissati, atha me vimānaṃ nassissatī’’ti bhītatasitā pavedhi. Tassā pavedhantiyā koṭasimbalīpi yāva mūlā pavedhi. Supaṇṇarājā taṃ pavedhamānaṃ disvā kāraṇaṃ pucchanto dve gāthā abhāsi –
121.
121.
‘‘ахам̣ д̣̇асасад̇ам̣б̣яаамам̣, ураг̇амаад̣̇ааяа ааг̇ад̇о;
‘‘Ahaṃ dasasataṃbyāmaṃ, uragamādāya āgato;
д̇ан̃жа ман̃жа махаагааяам̣, д̇хаараяам̣ наббавзд̇хаси.
Tañca mañca mahākāyaṃ, dhārayaṃ nappavedhasi.
122.
122.
‘‘ат̇имам̣ куд̣̇д̣̇агам̣ багким̣, аббамам̣сад̇арам̣ маяаа;
‘‘Athimaṃ khuddakaṃ pakkhiṃ, appamaṃsataraṃ mayā;
д̇хаараяам̣ б̣яат̇аси бхийд̇аа, гамад̇т̇ам̣ годасимб̣алий’’д̇и.
Dhārayaṃ byathasi bhītā, kamatthaṃ koṭasimbalī’’ti.
д̇ад̇т̇а д̣̇асасад̇ам̣б̣яааманд̇и сахассаб̣яаамамад̇д̇ааяаамам̣. ураг̇амаад̣̇ааяа ааг̇ад̇од̇и звам̣ маханд̇ам̣ ураг̇ам̣ аад̣̇ааяа ид̇ха ааг̇ад̇о. д̇ан̃жа ман̃жаад̇и д̇ан̃жа ураг̇ам̣ ман̃жа. д̇хаараяанд̇и д̇хаараяамаанаа. б̣яат̇асийд̇и гамбаси. гамад̇т̇анд̇и гим̣ ад̇т̇ам̣, гзна гааран̣знаад̇и бужчад̇и, гам̣ ваа ад̇т̇ам̣ самбассамаанаад̇иби ад̇т̇о. годасимб̣алийд̇и ругканаамзна д̣̇звабуд̇д̇ам̣ аалабад̇и. со хи симб̣алиругко канд̇хасаакамаханд̇ад̇ааяа годасимб̣алинаамам̣ лабхад̇и, д̇асмим̣ ад̇хивад̇т̇ад̣̇звабуд̇д̇ассаби д̇ад̣̇зва наамам̣.
Tattha dasasataṃbyāmanti sahassabyāmamattāyāmaṃ. Uragamādāya āgatoti evaṃ mahantaṃ uragaṃ ādāya idha āgato. Tañca mañcāti tañca uragaṃ mañca. Dhārayanti dhārayamānā. Byathasīti kampasi. Kamatthanti kiṃ atthaṃ, kena kāraṇenāti pucchati, kaṃ vā atthaṃ sampassamānātipi attho. Koṭasimbalīti rukkhanāmena devaputtaṃ ālapati. So hi simbalirukkho khandhasākhamahantatāya koṭasimbalināmaṃ labhati, tasmiṃ adhivatthadevaputtassapi tadeva nāmaṃ.
ат̇асса гааран̣ам̣ гат̇знд̇о д̣̇звабуд̇д̇о жад̇ассо г̇аат̇аа абхааси –
Athassa kāraṇaṃ kathento devaputto catasso gāthā abhāsi –
123.
123.
‘‘мам̣сабхагко д̇увам̣ рааж̇а, палабхагко аяам̣ д̣̇иж̇о;
‘‘Maṃsabhakkho tuvaṃ rāja, phalabhakkho ayaṃ dijo;
аяам̣ ниг̇род̇хаб̣ийж̇аани, билагкуд̣̇умб̣араани жа;
Ayaṃ nigrodhabījāni, pilakkhudumbarāni ca;
ассад̇т̇аани жа бхагкид̇ваа, канд̇хз мз охад̣̇иссад̇и.
Assatthāni ca bhakkhitvā, khandhe me ohadissati.
124.
124.
‘‘д̇з ругкаа сам̣вирууханд̇и, мама бассз ниваад̇аж̇аа;
‘‘Te rukkhā saṃvirūhanti, mama passe nivātajā;
д̇з мам̣ барияонанд̇хиссанд̇и, аругкам̣ мам̣ гариссарз.
Te maṃ pariyonandhissanti, arukkhaṃ maṃ karissare.
125.
125.
‘‘санд̇и ан̃н̃зби ругкаа сз, муулино канд̇хино д̣̇умаа;
‘‘Santi aññepi rukkhā se, mūlino khandhino dumā;
иминаа сагун̣аж̇аад̇зна, б̣ийж̇амаахарид̇аа хад̇аа.
Iminā sakuṇajātena, bījamāharitā hatā.
126.
126.
‘‘аж̇жхааруухаабхивад̣дханд̇и, б̣раханд̇амби ванаббад̇им̣;
‘‘Ajjhārūhābhivaḍḍhanti, brahantampi vanappatiṃ;
д̇асмаа рааж̇а бавзд̇хаами, самбассам̣нааг̇ад̇ам̣ бхаяа’’нд̇и.
Tasmā rāja pavedhāmi, sampassaṃnāgataṃ bhaya’’nti.
д̇ад̇т̇а охад̣̇иссад̇ийд̇и важжам̣ баад̇зссад̇и. д̇з ругкаад̇и д̇зхи б̣ийж̇зхи ж̇аад̇аа ниг̇род̇хаад̣̇аяо ругкаа. сам̣вирууханд̇ийд̇и сам̣вирухиссанд̇и вад̣дхиссанд̇и. мама бассзд̇и мама сааканд̇араад̣̇ийсу. ниваад̇аж̇аад̇и мама саакаахи ваад̇асса ниваарид̇ад̇д̇аа ниваад̇з ж̇аад̇аа. д̇з мам̣ барияонанд̇хиссанд̇ийд̇и зд̇з звам̣ вад̣дхид̇аа мам̣ барияонанд̇хиссанд̇ийд̇и аяамзд̇т̇аад̇хиббааяо. гариссарзд̇и ат̇звам̣ барияонанд̇хид̇ваа мам̣ аругкамзва гариссанд̇и саб̣б̣асо бхан̃ж̇иссанд̇и. ругкаа сзд̇и ругкаа. муулино канд̇хинод̇и мууласамбаннаа жзва канд̇хасамбаннаа жа. д̣̇умаад̇и ругкавзважанамзва. б̣ийж̇амаахарид̇аад̇и б̣ийж̇ам̣ аахарид̇ваа. хад̇аад̇и ан̃н̃зби имасмим̣ ванз ругкаа винаасид̇аа санд̇и. аж̇жхааруухаабхивад̣дханд̇ийд̇и ниг̇род̇хаад̣̇аяо ругкаа аж̇жхааруухаа худ̇ваа маханд̇амби ан̃н̃ам̣ ванаббад̇им̣ ад̇иггамма вад̣дханд̇ийд̇и д̣̇ассзд̇и. зд̇т̇а бана ванз бад̇и, ванасса бад̇и, ванаббад̇ийд̇и д̇аяоби баатааязва. рааж̇аад̇и субан̣н̣ам̣ аалабад̇и.
Tattha ohadissatīti vaccaṃ pātessati. Te rukkhāti tehi bījehi jātā nigrodhādayo rukkhā. Saṃvirūhantīti saṃviruhissanti vaḍḍhissanti. Mama passeti mama sākhantarādīsu. Nivātajāti mama sākhāhi vātassa nivāritattā nivāte jātā. Te maṃ pariyonandhissantīti ete evaṃ vaḍḍhitā maṃ pariyonandhissantīti ayametthādhippāyo. Karissareti athevaṃ pariyonandhitvā maṃ arukkhameva karissanti sabbaso bhañjissanti. Rukkhā seti rukkhā. Mūlino khandhinoti mūlasampannā ceva khandhasampannā ca. Dumāti rukkhavevacanameva. Bījamāharitāti bījaṃ āharitvā. Hatāti aññepi imasmiṃ vane rukkhā vināsitā santi. Ajjhārūhābhivaḍḍhantīti nigrodhādayo rukkhā ajjhārūhā hutvā mahantampi aññaṃ vanappatiṃ atikkamma vaḍḍhantīti dasseti. Ettha pana vane pati, vanassa pati, vanappatīti tayopi pāṭhāyeva. Rājāti supaṇṇaṃ ālapati.
ругкад̣̇звад̇ааяа важанам̣ суд̇ваа субан̣н̣о осаанаг̇аат̇амааха –
Rukkhadevatāya vacanaṃ sutvā supaṇṇo osānagāthamāha –
127.
127.
‘‘сан̇гзяяа сан̇гид̇аб̣б̣аани, рагкзяяаанааг̇ад̇ам̣ бхаяам̣;
‘‘Saṅkeyya saṅkitabbāni, rakkheyyānāgataṃ bhayaṃ;
анааг̇ад̇абхаяаа д̇хийро, убхо логз авзгкад̇ий’’д̇и.
Anāgatabhayā dhīro, ubho loke avekkhatī’’ti.
д̇ад̇т̇а анааг̇ад̇ам̣ бхаяанд̇и баан̣аад̇ибаад̇аад̣̇ийхи вираманд̇о д̣̇идтад̇хаммигамби самбарааяигамби анааг̇ад̇ам̣ бхаяам̣ рагкад̇и наама, баабамид̇д̇з взрибуг̇г̇алз жа анубасан̇гаманд̇о анааг̇ад̇абхаяам̣ рагкад̇и наама. звам̣ анааг̇ад̇ам̣ бхаяам̣ рагкзяяа. анааг̇ад̇абхаяаад̇и анааг̇ад̇абхаяагааран̣аа д̇ам̣ бхаяам̣ бассанд̇о д̇хийро ид̇халоган̃жа баралоган̃жа авзгкад̇и ологзд̇и наама.
Tattha anāgataṃ bhayanti pāṇātipātādīhi viramanto diṭṭhadhammikampi samparāyikampi anāgataṃ bhayaṃ rakkhati nāma, pāpamitte veripuggale ca anupasaṅkamanto anāgatabhayaṃ rakkhati nāma. Evaṃ anāgataṃ bhayaṃ rakkheyya. Anāgatabhayāti anāgatabhayakāraṇā taṃ bhayaṃ passanto dhīro idhalokañca paralokañca avekkhati oloketi nāma.
зван̃жа бана вад̇ваа субан̣н̣о ад̇д̇ано аанубхаавзна д̇ам̣ багким̣ д̇амхаа ругкаа балаабзси.
Evañca pana vatvā supaṇṇo attano ānubhāvena taṃ pakkhiṃ tamhā rukkhā palāpesi.
сад̇т̇аа имам̣ д̇хаммад̣̇зсанам̣ аахарид̇ваа ‘‘аасан̇гид̇аб̣б̣аяуд̇д̇агам̣ аасан̇гид̇ум̣ ваддад̇ий’’д̇и вад̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз бан̃жасад̇аа бхигкуу арахад̇д̇апалз бад̇идтахим̣су.
Satthā imaṃ dhammadesanaṃ āharitvā ‘‘āsaṅkitabbayuttakaṃ āsaṅkituṃ vaṭṭatī’’ti vatvā saccāni pakāsetvā jātakaṃ samodhānesi, saccapariyosāne pañcasatā bhikkhū arahattaphale patiṭṭhahiṃsu.
д̇ад̣̇аа субан̣н̣арааж̇аа саарибуд̇д̇о ахоси, ругкад̣̇звад̇аа бана ахамзва ахосинд̇и.
Tadā supaṇṇarājā sāriputto ahosi, rukkhadevatā pana ahameva ahosinti.
годасимб̣алиж̇аад̇агаван̣н̣анаа сад̇д̇амаа.
Koṭasimbalijātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 412. годасимб̣алиж̇аад̇агам̣ • 412. Koṭasimbalijātakaṃ
