| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਕੋਟਿਗਾਮੇ ਸਚ੍ਚਕਥਾવਣ੍ਣਨਾ
Koṭigāme saccakathāvaṇṇanā
੨੮੭. ਕੋਟਿਗਾਮੋਤਿ ਮਹਾਪਨਾਦਸ੍ਸ ਰਞ੍ਞੋ ਪਾਸਾਦਕੋਟਿਯਂ ਕਤਗਾਮੋ, ਪਤਿਤਸ੍ਸ ਪਾਸਾਦਸ੍ਸ ਥੁਪਿਕਾਯ ਪਤਿਟ੍ਠਿਤਟ੍ਠਾਨੇ ਨਿવਿਟ੍ਠਗਾਮੋਤਿ ਅਤ੍ਥੋ। ਅਰਿਯਸਚ੍ਚਾਨਨ੍ਤਿ ਯੇ ਪਟਿવਿਜ੍ਝਨ੍ਤਿ, ਤੇਸਂ ਅਰਿਯਭਾવਕਰਾਨਂ ਸਚ੍ਚਾਨਂ। ਅਨਨੁਬੋਧਾਤਿ ਅਬੁਜ੍ਝਨੇਨ ਅਜਾਨਨੇਨ। ਅਪ੍ਪਟਿવੇਧਾਤਿ ਅਪ੍ਪਟਿવਿਜ੍ਝਨੇਨ। ਅਨੁਬੋਧੋ ਚੇਤ੍ਥ ਪੁਬ੍ਬਭਾਗਿਯਞਾਣਂ, ਪਟਿવੇਧੋ ਮਗ੍ਗਞਾਣੇਨ ਅਭਿਸਮਯੋ। ਤਤ੍ਥ ਯਸ੍ਮਾ ਅਨੁਬੋਧਪੁਬ੍ਬਕੋ ਪਟਿવੇਧੋ ਅਨੁਬੋਧੇਨ વਿਨਾ ਨ ਹੋਤਿ, ਅਨੁਬੋਧੋਪਿ ਏਕਚ੍ਚੋ ਪਟਿવੇਧਸਮ੍ਬਨ੍ਧੋ ਤਦੁਭਯਾਭਾવਹੇਤੁਕਞ੍ਚ વਟ੍ਟੇ ਸਂਸਰਣਂ, ਤਸ੍ਮਾ વੁਤ੍ਤਂ ‘‘ਅਨਨੁਬੋਧਾ…ਪੇ॰… ਤੁਮ੍ਹਾਕਞ੍ਚਾ’’ਤਿ। ਤਤ੍ਥ ਸਨ੍ਧਾવਿਤਨ੍ਤਿ ਪਟਿਸਨ੍ਧਿਗ੍ਗਹਣવਸੇਨ ਭવਤੋ ਭવਨ੍ਤਰੁਪਗਮਨੇਨ ਸਨ੍ਧਾવਿਤਂ। ਸਂਸਰਿਤਨ੍ਤਿ ਅਪਰਾਪਰਂ ਚવਨੁਪਪਜ੍ਜਨવਸੇਨ ਸਂਸਰਿਤਂ। ਮਮਞ੍ਚੇવ ਤੁਮ੍ਹਾਕਞ੍ਚਾਤਿ ਮਯਾ ਚ ਤੁਮ੍ਹੇਹਿ ਚ। ਅਥ વਾ ਸਨ੍ਧਾવਿਤਂ ਸਂਸਰਿਤਨ੍ਤਿ ਸਨ੍ਧਾવਨਂ ਸਂਸਰਣਂ ਮਮਞ੍ਚੇવ ਤੁਮ੍ਹਾਕਞ੍ਚ ਅਹੋਸੀਤਿ ਏવਮੇਤ੍ਥ ਅਤ੍ਥੋ વੇਦਿਤਬ੍ਬੋ।
287.Koṭigāmoti mahāpanādassa rañño pāsādakoṭiyaṃ katagāmo, patitassa pāsādassa thupikāya patiṭṭhitaṭṭhāne niviṭṭhagāmoti attho. Ariyasaccānanti ye paṭivijjhanti, tesaṃ ariyabhāvakarānaṃ saccānaṃ. Ananubodhāti abujjhanena ajānanena. Appaṭivedhāti appaṭivijjhanena. Anubodho cettha pubbabhāgiyañāṇaṃ, paṭivedho maggañāṇena abhisamayo. Tattha yasmā anubodhapubbako paṭivedho anubodhena vinā na hoti, anubodhopi ekacco paṭivedhasambandho tadubhayābhāvahetukañca vaṭṭe saṃsaraṇaṃ, tasmā vuttaṃ ‘‘ananubodhā…pe… tumhākañcā’’ti. Tattha sandhāvitanti paṭisandhiggahaṇavasena bhavato bhavantarupagamanena sandhāvitaṃ. Saṃsaritanti aparāparaṃ cavanupapajjanavasena saṃsaritaṃ. Mamañceva tumhākañcāti mayā ca tumhehi ca. Atha vā sandhāvitaṃ saṃsaritanti sandhāvanaṃ saṃsaraṇaṃ mamañceva tumhākañca ahosīti evamettha attho veditabbo.
ਸਂਸਿਤਨ੍ਤਿ ਸਂਸਰਿਤਂ। ਭવਨੇਤ੍ਤਿ ਸਮੂਹਤਾਤਿ ਦੀਘਰਜ੍ਜੁਯਾ ਬਦ੍ਧਸਕੁਣਂ વਿਯ ਰਜ੍ਜੁਹਤ੍ਥੋ ਪੁਰਿਸੋ ਦੇਸਨ੍ਤਰਂ, ਤਣ੍ਹਾਰਜ੍ਜੁਯਾ ਬਦ੍ਧਸਤ੍ਤਸਨ੍ਤਾਨਂ ਅਭਿਸਙ੍ਖਾਰੋ ਭવਨ੍ਤਰਂ ਨੇਤਿ ਏਤਾਯਾਤਿ ਭવਨੇਤ੍ਤਿ, ਸਾ ਭવਤੋ ਭવਂ ਨਯਨਸਮਤ੍ਥਾ ਤਣ੍ਹਾਰਜ੍ਜੁ ਅਰਿਯਮਗ੍ਗਸਤ੍ਥੇਨ ਸੁਟ੍ਠੁ ਹਤਾ ਛਿਨ੍ਨਾ ਅਪ੍ਪવਤ੍ਤਿਕਤਾਤਿ ਭવਨੇਤ੍ਤਿ ਸਮੂਹਤਾ।
Saṃsitanti saṃsaritaṃ. Bhavanetti samūhatāti dīgharajjuyā baddhasakuṇaṃ viya rajjuhattho puriso desantaraṃ, taṇhārajjuyā baddhasattasantānaṃ abhisaṅkhāro bhavantaraṃ neti etāyāti bhavanetti, sā bhavato bhavaṃ nayanasamatthā taṇhārajju ariyamaggasatthena suṭṭhu hatā chinnā appavattikatāti bhavanetti samūhatā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੭੫. ਕੋਟਿਗਾਮੇ ਸਚ੍ਚਕਥਾ • 175. Koṭigāme saccakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪਾਟਲਿਗਾਮવਤ੍ਥੁਕਥਾ • Pāṭaligāmavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕੋਟਿਗਾਮੇਸਚ੍ਚਕਥਾવਣ੍ਣਨਾ • Koṭigāmesaccakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੭੩. ਪਾਟਲਿਗਾਮવਤ੍ਥੁਕਥਾ • 173. Pāṭaligāmavatthukathā
