| Library / Tipiṭaka / తిపిటక • Tipiṭaka / అఙ్గుత్తరనికాయ (టీకా) • Aṅguttaranikāya (ṭīkā) |
౩. కుహకసుత్తవణ్ణనా
3. Kuhakasuttavaṇṇanā
౮౩. తతియే తీహి కుహనవత్థూహీతి సామన్తజప్పనఇరియాపథసన్నిస్సితపచ్చయప్పటిసేవనభేదతో తిప్పభేదేహి కుహనవత్థూహి. తివిధేన కుహనవత్థునా లోకం కుహయతి విమ్హాపయతి ‘‘అహో అచ్ఛరియపురిసో’’తి అత్తని పరేసం విమ్హయం ఉప్పాదేతీతి కుహకో. లాభసక్కారత్థికో హుత్వా లపతి అత్తానం దాయకం వా ఉక్ఖిపిత్వా యథా సో కిఞ్చి దదాతి, ఏవం ఉక్కాచేత్వా కథేతీతి లపకో. నిమిత్తం సీలం తస్సాతి నేమిత్తికో, నిమిత్తేన వా చరతి, నిమిత్తం వా కరోతీతి నేమిత్తికో. నిమిత్తన్తి చ పరేసం పచ్చయదానసఞ్ఞుప్పాదకం కాయవచీకమ్మం వుచ్చతి . నిప్పేసో సీలమస్సాతి నిప్పేసికో. నిప్పిసతీతి వా నిప్పేసో, నిప్పేసోయేవ నిప్పేసికో. నిప్పేసోతి చ సఠపురిసో వియ లాభసక్కారత్థం అక్కోసనుప్పణ్డనపరపిట్ఠిమంసికతాది.
83. Tatiye tīhi kuhanavatthūhīti sāmantajappanairiyāpathasannissitapaccayappaṭisevanabhedato tippabhedehi kuhanavatthūhi. Tividhena kuhanavatthunā lokaṃ kuhayati vimhāpayati ‘‘aho acchariyapuriso’’ti attani paresaṃ vimhayaṃ uppādetīti kuhako. Lābhasakkāratthiko hutvā lapati attānaṃ dāyakaṃ vā ukkhipitvā yathā so kiñci dadāti, evaṃ ukkācetvā kathetīti lapako. Nimittaṃ sīlaṃ tassāti nemittiko, nimittena vā carati, nimittaṃ vā karotīti nemittiko. Nimittanti ca paresaṃ paccayadānasaññuppādakaṃ kāyavacīkammaṃ vuccati . Nippeso sīlamassāti nippesiko. Nippisatīti vā nippeso, nippesoyeva nippesiko. Nippesoti ca saṭhapuriso viya lābhasakkāratthaṃ akkosanuppaṇḍanaparapiṭṭhimaṃsikatādi.
కుహకసుత్తవణ్ణనా నిట్ఠితా.
Kuhakasuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౩. కుహకసుత్తం • 3. Kuhakasuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౩. కుహకసుత్తవణ్ణనా • 3. Kuhakasuttavaṇṇanā
