| Library / Tipiṭaka / તિપિટક • Tipiṭaka / મહાવગ્ગપાળિ • Mahāvaggapāḷi |
૧૩૧. કુક્કુચ્ચપકતપન્નરસકં
131. Kukkuccapakatapannarasakaṃ
૨૨૫. ઇધ પન, ભિક્ખવે, અઞ્ઞતરસ્મિં આવાસે તદહુ પવારણાય સમ્બહુલા આવાસિકા ભિક્ખૂ સન્નિપતન્તિ, પઞ્ચ વા અતિરેકા વા. તે જાનન્તિ ‘‘અત્થઞ્ઞે આવાસિકા ભિક્ખૂ અનાગતા’’તિ. તે ‘‘કપ્પતેવ અમ્હાકં પવારેતું, નામ્હાકં ન કપ્પતી’’તિ કુક્કુચ્ચપકતા પવારેન્તિ. તેહિ પવારિયમાને અથઞ્ઞે આવાસિકા ભિક્ખૂ આગચ્છન્તિ બહુતરા. તેહિ, ભિક્ખવે, ભિક્ખૂહિ પુન પવારેતબ્બં. પવારિતાનં આપત્તિ દુક્કટસ્સ.
225. Idha pana, bhikkhave, aññatarasmiṃ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā. Te jānanti ‘‘atthaññe āvāsikā bhikkhū anāgatā’’ti. Te ‘‘kappateva amhākaṃ pavāretuṃ, nāmhākaṃ na kappatī’’ti kukkuccapakatā pavārenti. Tehi pavāriyamāne athaññe āvāsikā bhikkhū āgacchanti bahutarā. Tehi, bhikkhave, bhikkhūhi puna pavāretabbaṃ. Pavāritānaṃ āpatti dukkaṭassa.
ઇધ પન, ભિક્ખવે, અઞ્ઞતરસ્મિં આવાસે તદહુ પવારણાય સમ્બહુલા આવાસિકા ભિક્ખૂ સન્નિપતન્તિ, પઞ્ચ વા અતિરેકા વા. તે જાનન્તિ ‘‘અત્થઞ્ઞે આવાસિકા ભિક્ખૂ અનાગતા’’તિ. તે ‘‘કપ્પતેવ અમ્હાકં પવારેતું, નામ્હાકં ન કપ્પતી’’તિ કુક્કુચ્ચપકતા પવારેન્તિ. તેહિ પવારિયમાને અથઞ્ઞે આવાસિકા ભિક્ખૂ આગચ્છન્તિ સમસમા. પવારિતા સુપ્પવારિતા, અવસેસેહિ પવારેતબ્બં. પવારિતાનં આપત્તિ દુક્કટસ્સ.
Idha pana, bhikkhave, aññatarasmiṃ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā. Te jānanti ‘‘atthaññe āvāsikā bhikkhū anāgatā’’ti. Te ‘‘kappateva amhākaṃ pavāretuṃ, nāmhākaṃ na kappatī’’ti kukkuccapakatā pavārenti. Tehi pavāriyamāne athaññe āvāsikā bhikkhū āgacchanti samasamā. Pavāritā suppavāritā, avasesehi pavāretabbaṃ. Pavāritānaṃ āpatti dukkaṭassa.
ઇધ પન, ભિક્ખવે, અઞ્ઞરસ્મિં આવાસે તદહુ પવારણાય સમ્બહુલા આવાસિકા ભિક્ખૂ સન્નિપતન્તિ, પઞ્ચ વા અતિરેકા વા. તે જાનન્તિ ‘‘અત્થઞ્ઞે આવાસિકા ભિક્ખૂ અનાગતા’’તિ. તે ‘‘કપ્પતેવ અમ્હાકં પવારેતું, નામ્હાકં ન કપ્પતી’’તિ કુક્કુચ્ચપકતા પવારેન્તિ. તેહિ પવારિયમાને અથઞ્ઞે આવાસિકા ભિક્ખૂ આગચ્છન્તિ થોકતરા. પવારિતા સુપ્પવારિતા, અવસેસેહિ 1 પવારેતબ્બં. પવારિતાનં આપત્તિ દુક્કટસ્સ.
Idha pana, bhikkhave, aññarasmiṃ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā. Te jānanti ‘‘atthaññe āvāsikā bhikkhū anāgatā’’ti. Te ‘‘kappateva amhākaṃ pavāretuṃ, nāmhākaṃ na kappatī’’ti kukkuccapakatā pavārenti. Tehi pavāriyamāne athaññe āvāsikā bhikkhū āgacchanti thokatarā. Pavāritā suppavāritā, avasesehi 2 pavāretabbaṃ. Pavāritānaṃ āpatti dukkaṭassa.
ઇધ પન, ભિક્ખવે, અઞ્ઞતરસ્મિં આવાસે તદહુ પવારણાય સમ્બહુલા આવાસિકા ભિક્ખૂ સન્નિપતન્તિ, પઞ્ચ વા અતિરેકા વા. તે જાનન્તિ ‘‘અત્થઞ્ઞે આવાસિકા ભિક્ખૂ અનાગતા’’તિ. તે ‘‘કપ્પતેવ અમ્હાકં પવારેતું, નામ્હાકં ન કપ્પતી’’તિ કુક્કુચ્ચપકતા પવારેન્તિ. તેહિ પવારિતમત્તે,…પે॰… અવુટ્ઠિતાય પરિસાય…પે॰… એકચ્ચાય વુટ્ઠિતાય પરિસાય…પે॰… સબ્બાય વુટ્ઠિતાય પરિસાય, અથઞ્ઞે આવાસિકા ભિક્ખૂ આગચ્છન્તિ બહુતરા…પે॰… સમસમા…પે॰… થોકતરા. પવારિતા સુપ્પવારિતા, તેસં સન્તિકે પવારેતબ્બં. પવારિતાનં આપત્તિ દુક્કટસ્સ.
Idha pana, bhikkhave, aññatarasmiṃ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā. Te jānanti ‘‘atthaññe āvāsikā bhikkhū anāgatā’’ti. Te ‘‘kappateva amhākaṃ pavāretuṃ, nāmhākaṃ na kappatī’’ti kukkuccapakatā pavārenti. Tehi pavāritamatte,…pe… avuṭṭhitāya parisāya…pe… ekaccāya vuṭṭhitāya parisāya…pe… sabbāya vuṭṭhitāya parisāya, athaññe āvāsikā bhikkhū āgacchanti bahutarā…pe… samasamā…pe… thokatarā. Pavāritā suppavāritā, tesaṃ santike pavāretabbaṃ. Pavāritānaṃ āpatti dukkaṭassa.
કુક્કુચ્ચપકતપન્નરસકં નિટ્ઠિતં.
Kukkuccapakatapannarasakaṃ niṭṭhitaṃ.
Footnotes:
