| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[209] 9. гуггудаж̇аад̇агаван̣н̣анаа
[209] 9. Kukkuṭajātakavaṇṇanā
д̣̇идтаа маяаа ванз ругкаад̇и ид̣̇ам̣ сад̇т̇аа ж̇зд̇аванз вихаранд̇о д̇хаммасзнаабад̇исаарибуд̇д̇ад̇т̇зрасса сад̣̇д̇хивихааригам̣ д̣̇ахарабхигкум̣ аараб̣бха гат̇зси. со гира ад̇д̇ано сарийрасса г̇уд̇д̇игаммз чзго ахоси. ‘‘сарийрасса мз на сукам̣ бхавзяяаа’’д̇и бхаязна ад̇исийд̇ам̣ ажжун̣хам̣ барибхог̇ам̣ на гарод̇и, ‘‘сийд̇ун̣хзхи сарийрам̣ гиламзяяаа’’д̇и бхаязна б̣ахи на нигкамад̇и, ад̇игилиннауд̇д̇ан̣д̣улаад̣̇ийни на бхун̃ж̇ад̇и. д̇асса саа сарийраг̇уд̇д̇игусалад̇аа сан̇гхамаж̇жхз баагадаа ж̇аад̇аа. бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, асуго д̣̇ахаро гира бхигку сарийраг̇уд̇д̇игаммз чзго’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, аяам̣ д̣̇ахаро ид̣̇аанзва сарийраг̇уд̇д̇игаммз чзго, буб̣б̣зби чзгова ахосий’’д̇и вад̇ваа ад̇ийд̇ам̣ аахари.
Diṭṭhāmayā vane rukkhāti idaṃ satthā jetavane viharanto dhammasenāpatisāriputtattherassa saddhivihārikaṃ daharabhikkhuṃ ārabbha kathesi. So kira attano sarīrassa guttikamme cheko ahosi. ‘‘Sarīrassa me na sukhaṃ bhaveyyā’’ti bhayena atisītaṃ accuṇhaṃ paribhogaṃ na karoti, ‘‘sītuṇhehi sarīraṃ kilameyyā’’ti bhayena bahi na nikkhamati, atikilinnauttaṇḍulādīni na bhuñjati. Tassa sā sarīraguttikusalatā saṅghamajjhe pākaṭā jātā. Bhikkhū dhammasabhāyaṃ kathaṃ samuṭṭhāpesuṃ – ‘‘āvuso, asuko daharo kira bhikkhu sarīraguttikamme cheko’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, ayaṃ daharo idāneva sarīraguttikamme cheko, pubbepi chekova ahosī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о аран̃н̃ааяад̇анз ругкад̣̇звад̇аа ахоси. ат̇зго сагун̣алуд̣̇д̣̇аго згам̣ д̣̇ийбагагуггудамаад̣̇ааяа ваалараж̇ж̇ун̃жа яадтин̃жа г̇ахзд̇ваа аран̃н̃з гуггудз б̣анд̇ханд̇о згам̣ балааяид̇ваа аран̃н̃ам̣ бавидтам̣ бораан̣агуггудам̣ б̣анд̇хид̇ум̣ аарабхи. со ваалабаасз гусалад̇ааяа ад̇д̇аанам̣ б̣анд̇хид̇ум̣ на д̣̇зд̇и, удтааяудтааяа нилийяад̇и. луд̣̇д̣̇аго ад̇д̇аанам̣ саакаабаллавзхи бадижчаад̣̇зд̇ваа бунаббунам̣ яадтин̃жа баасан̃жа од̣д̣зд̇и. гуггудо д̇ам̣ лаж̇ж̇аабзд̇угаамо маанусим̣ ваажам̣ нижчаарзд̇ваа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto araññāyatane rukkhadevatā ahosi. Atheko sakuṇaluddako ekaṃ dīpakakukkuṭamādāya vālarajjuñca yaṭṭhiñca gahetvā araññe kukkuṭe bandhanto ekaṃ palāyitvā araññaṃ paviṭṭhaṃ porāṇakukkuṭaṃ bandhituṃ ārabhi. So vālapāse kusalatāya attānaṃ bandhituṃ na deti, uṭṭhāyuṭṭhāya nilīyati. Luddako attānaṃ sākhāpallavehi paṭicchādetvā punappunaṃ yaṭṭhiñca pāsañca oḍḍeti. Kukkuṭo taṃ lajjāpetukāmo mānusiṃ vācaṃ nicchāretvā paṭhamaṃ gāthamāha –
117.
117.
‘‘д̣̇идтаа маяаа ванз ругкаа, ассаган̣н̣аа вибхийдагаа;
‘‘Diṭṭhā mayā vane rukkhā, assakaṇṇā vibhīṭakā;
на д̇аани звам̣ сагганд̇и, яат̇аа д̇вам̣ ругка саггасий’’д̇и.
Na tāni evaṃ sakkanti, yathā tvaṃ rukkha sakkasī’’ti.
д̇ассад̇т̇о – самма луд̣̇д̣̇ага, маяаа имасмим̣ ванз ж̇аад̇аа б̣ахуу ассаган̣н̣аа жа вибхийдагаа жа ругкаа д̣̇идтабуб̣б̣аа, д̇аани бана ругкаани яат̇аа д̇вам̣ саггаси сан̇гамаси ид̇о жид̇о жа вижараси, звам̣ на сагганд̇и на сан̇гаманд̇и на вижаранд̇ийд̇и.
Tassattho – samma luddaka, mayā imasmiṃ vane jātā bahū assakaṇṇā ca vibhīṭakā ca rukkhā diṭṭhapubbā, tāni pana rukkhāni yathā tvaṃ sakkasi saṅkamasi ito cito ca vicarasi, evaṃ na sakkanti na saṅkamanti na vicarantīti.
звам̣ вад̇ваа жа бана со гуггудо балааяид̇ваа ан̃н̃ад̇т̇а аг̇амааси. д̇асса балааяид̇ваа г̇ад̇агаалз луд̣̇д̣̇аго д̣̇уд̇ияам̣ г̇аат̇амааха –
Evaṃ vatvā ca pana so kukkuṭo palāyitvā aññattha agamāsi. Tassa palāyitvā gatakāle luddako dutiyaṃ gāthamāha –
118.
118.
‘‘бораан̣агуггудо аяам̣, бхзд̇ваа бан̃ж̇арамааг̇ад̇о;
‘‘Porāṇakukkuṭo ayaṃ, bhetvā pañjaramāgato;
гусало ваалабаасаанам̣, абаггамад̇и бхаасад̇ий’’д̇и.
Kusalo vālapāsānaṃ, apakkamati bhāsatī’’ti.
д̇ад̇т̇а гусало ваалабаасаананд̇и вааламаязсу баасзсу гусало ад̇д̇аанам̣ б̣анд̇хид̇ум̣ ад̣̇ад̇ваа абаггамад̇и жзва бхаасад̇и жа, бхаасид̇ваа жа бана балаад̇од̇и звам̣ вад̇ваа луд̣̇д̣̇аго аран̃н̃з жарид̇ваа яат̇аалад̣̇д̇хамаад̣̇ааяа г̇зхамзва г̇ад̇о.
Tattha kusalo vālapāsānanti vālamayesu pāsesu kusalo attānaṃ bandhituṃ adatvā apakkamati ceva bhāsati ca, bhāsitvā ca pana palātoti evaṃ vatvā luddako araññe caritvā yathāladdhamādāya gehameva gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа луд̣̇д̣̇аго д̣̇звад̣̇ад̇д̇о ахоси, гуггудо гааяаг̇уд̇д̇игусало д̣̇ахарабхигку, д̇асса бана гааран̣асса бажжагкагааригаа ругкад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā luddako devadatto ahosi, kukkuṭo kāyaguttikusalo daharabhikkhu, tassa pana kāraṇassa paccakkhakārikā rukkhadevatā pana ahameva ahosi’’nti.
гуггудаж̇аад̇агаван̣н̣анаа навамаа.
Kukkuṭajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 209. гуггудаж̇аад̇агам̣ • 209. Kukkuṭajātakaṃ
