| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[383] 8. гуггудаж̇аад̇агаван̣н̣анаа
[383] 8. Kukkuṭajātakavaṇṇanā
сужид̇д̇абад̇д̇ачад̣̇анаад̇и ид̣̇ам̣ сад̇т̇аа ж̇зд̇аванз вихаранд̇о згам̣ угган̣тид̇абхигкум̣ аараб̣бха гат̇зси. д̇ан̃хи бхигкум̣ сад̇т̇аа ‘‘гасмаа угган̣тид̇осий’’д̇и бужчид̇ваа ‘‘згам̣ алан̇гад̇абадияад̇д̇ам̣ ид̇т̇им̣ д̣̇исваа гилзсавасзна, бханд̇з’’д̇и вуд̇д̇з ‘‘бхигку ид̇т̇ияо наама ван̃жзд̇ваа убалаабзд̇ваа ад̇д̇ано васам̣ г̇ад̇агаалз винаасам̣ баабзнд̇и, лолаб̣ил̣аарий вияа хонд̇ий’’д̇и вад̇ваа ад̇ийд̇ам̣ аахари.
Sucittapattachadanāti idaṃ satthā jetavane viharanto ekaṃ ukkaṇṭhitabhikkhuṃ ārabbha kathesi. Tañhi bhikkhuṃ satthā ‘‘kasmā ukkaṇṭhitosī’’ti pucchitvā ‘‘ekaṃ alaṅkatapaṭiyattaṃ itthiṃ disvā kilesavasena, bhante’’ti vutte ‘‘bhikkhu itthiyo nāma vañcetvā upalāpetvā attano vasaṃ gatakāle vināsaṃ pāpenti, lolabiḷārī viya hontī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о аран̃н̃з гуггудаяонияам̣ ниб̣б̣ад̇д̇ид̇ваа анзгасад̇агуггудабаривааро аран̃н̃з васад̇и. д̇асса авид̣̇уурз згаа б̣ил̣ааригааби васад̇и. саа табзд̇ваа б̣од̇хисад̇д̇ам̣ авасзсз гуггудз убааязна ван̃жзд̇ваа каад̣̇и. б̣од̇хисад̇д̇о д̇ассаа г̇ахан̣ам̣ на г̇ажчад̇и. саа жинд̇зси ‘‘аяам̣ гуггудо ад̇ивияа сато амхааган̃жа сатабхаавам̣ убааяагусалабхааван̃жа на ж̇аанаад̇и, имам̣ маяаа ‘ахам̣ бхарияаа д̇з бхависсаамий’д̇и убалаабзд̇ваа ад̇д̇ано васам̣ ааг̇ад̇агаалз каад̣̇ид̇ум̣ ваддад̇ий’’д̇и. саа д̇зна нисиннаругкасса муулам̣ г̇анд̇ваа ван̣н̣асамбхаасанабуб̣б̣ан̇г̇амааяа ваажааяа д̇ам̣ яаажамаанаа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto araññe kukkuṭayoniyaṃ nibbattitvā anekasatakukkuṭaparivāro araññe vasati. Tassa avidūre ekā biḷārikāpi vasati. Sā ṭhapetvā bodhisattaṃ avasese kukkuṭe upāyena vañcetvā khādi. Bodhisatto tassā gahaṇaṃ na gacchati. Sā cintesi ‘‘ayaṃ kukkuṭo ativiya saṭho amhākañca saṭhabhāvaṃ upāyakusalabhāvañca na jānāti, imaṃ mayā ‘ahaṃ bhariyā te bhavissāmī’ti upalāpetvā attano vasaṃ āgatakāle khādituṃ vaṭṭatī’’ti. Sā tena nisinnarukkhassa mūlaṃ gantvā vaṇṇasambhāsanapubbaṅgamāya vācāya taṃ yācamānā paṭhamaṃ gāthamāha –
58.
58.
‘‘сужид̇д̇абад̇д̇ачад̣̇ана, д̇амб̣ажуул̣а вихан̇г̇ама;
‘‘Sucittapattachadana, tambacūḷa vihaṅgama;
ороха д̣̇умасаакааяа, муд̇хаа бхарияаа бхаваами д̇з’’д̇и.
Oroha dumasākhāya, mudhā bhariyā bhavāmi te’’ti.
д̇ад̇т̇а сужид̇д̇абад̇д̇ачад̣̇анаад̇и сужид̇д̇зхи бад̇д̇зхи гад̇ажчад̣̇ана. муд̇хаад̇и винаа муулзна на гин̃жи г̇ахзд̇ваа ахам̣ бхарияаа д̇з бхаваами.
Tattha sucittapattachadanāti sucittehi pattehi katacchadana. Mudhāti vinā mūlena na kiñci gahetvā ahaṃ bhariyā te bhavāmi.
д̇ам̣ суд̇ваа б̣од̇хисад̇д̇о ‘‘имааяа мама саб̣б̣з н̃аад̇агаа каад̣̇ид̇аа, ид̣̇аани мам̣ убалаабзд̇ваа каад̣̇ид̇угаамаа ахоси, уяяож̇зссаами на’’нд̇и жинд̇зд̇ваа д̣̇уд̇ияам̣ г̇аат̇амааха –
Taṃ sutvā bodhisatto ‘‘imāya mama sabbe ñātakā khāditā, idāni maṃ upalāpetvā khāditukāmā ahosi, uyyojessāmi na’’nti cintetvā dutiyaṃ gāthamāha –
59.
59.
‘‘жад̇уббад̣̇ий д̇вам̣ галяаан̣и, д̣̇вибад̣̇аахам̣ манорамз;
‘‘Catuppadī tvaṃ kalyāṇi, dvipadāhaṃ manorame;
миг̇ий багкий асан̃н̃уд̇д̇аа, ан̃н̃ам̣ бариязса саамига’’нд̇и.
Migī pakkhī asaññuttā, aññaṃ pariyesa sāmika’’nti.
д̇ад̇т̇а миг̇ийд̇и б̣ил̣аарим̣ санд̇хааяааха. асан̃н̃уд̇д̇аад̇и ж̇аяамбад̇игаа бхавид̇ум̣ аяуд̇д̇аа асамб̣анд̇хаа, над̇т̇и д̇зсам̣ ийд̣̇исо самб̣анд̇ход̇и д̣̇ийбзд̇и.
Tattha migīti biḷāriṃ sandhāyāha. Asaññuttāti jayampatikā bhavituṃ ayuttā asambandhā, natthi tesaṃ īdiso sambandhoti dīpeti.
д̇ам̣ суд̇ваа д̇ад̇о саа ‘‘аяам̣ ад̇ивияа сато, язна гзнажи убааязна ван̃жзд̇ваа нам̣ каад̣̇иссаамий’’д̇и жинд̇зд̇ваа д̇ад̇ияам̣ г̇аат̇амааха –
Taṃ sutvā tato sā ‘‘ayaṃ ativiya saṭho, yena kenaci upāyena vañcetvā naṃ khādissāmī’’ti cintetvā tatiyaṃ gāthamāha –
60.
60.
‘‘гомааригаа д̇з хзссаами, ман̃ж̇угаа бияабхаан̣иний;
‘‘Komārikā te hessāmi, mañjukā piyabhāṇinī;
винд̣̇а мам̣ ариязна взд̣̇зна, сааваяа мам̣ яад̣̇ижчасий’’д̇и.
Vinda maṃ ariyena vedena, sāvaya maṃ yadicchasī’’ti.
д̇ад̇т̇а гомааригаад̇и ахам̣ зд̇д̇агам̣ гаалам̣ ан̃н̃ам̣ бурисам̣ на ж̇аанаами, д̇ава гомааригаа бхарияаа бхависсаамийд̇и вад̣̇ад̇и. ман̃ж̇угаа бияабхаан̣инийд̇и д̇ава мад̇хурагат̇аа бияабхаан̣инийязва бхависсаами. винд̣̇а манд̇и бадилабха мам̣. ариязна взд̣̇знаад̇и сунд̣̇арзна бадилаабхзна. ахамби хи ид̇о буб̣б̣з бурисасампассам̣ на ж̇аанаами, д̇вамби ид̇т̇исампассам̣ на ж̇аанааси, ид̇и багад̇ияаа б̣рахмажаарий б̣рахмажаариним̣ мам̣ нид̣̇д̣̇осзна лаабхзна лабха. яад̣̇и мам̣ ижчаси, ат̇а мз важанам̣ на сад̣̇д̣̇ахаси, д̣̇ваад̣̇асаяож̇анааяа б̣аараан̣асияаа бхзрим̣ жараабзд̇ваа ‘‘аяам̣ мз д̣̇аасий’’д̇и сааваяа, мам̣ ад̇д̇ано д̣̇аасам̣ гад̇ваа г̇ан̣хаахийд̇и вад̣̇ад̇и.
Tattha komārikāti ahaṃ ettakaṃ kālaṃ aññaṃ purisaṃ na jānāmi, tava komārikā bhariyā bhavissāmīti vadati. Mañjukā piyabhāṇinīti tava madhurakathā piyabhāṇinīyeva bhavissāmi. Vinda manti paṭilabha maṃ. Ariyena vedenāti sundarena paṭilābhena. Ahampi hi ito pubbe purisasamphassaṃ na jānāmi, tvampi itthisamphassaṃ na jānāsi, iti pakatiyā brahmacārī brahmacāriniṃ maṃ niddosena lābhena labha. Yadi maṃ icchasi, atha me vacanaṃ na saddahasi, dvādasayojanāya bārāṇasiyā bheriṃ carāpetvā ‘‘ayaṃ me dāsī’’ti sāvaya, maṃ attano dāsaṃ katvā gaṇhāhīti vadati.
д̇ад̇о б̣од̇хисад̇д̇о ‘‘имам̣ д̇аж̇ж̇зд̇ваа балаабзд̇ум̣ ваддад̇ий’’д̇и жинд̇зд̇ваа жад̇уд̇т̇ам̣ г̇аат̇амааха –
Tato bodhisatto ‘‘imaṃ tajjetvā palāpetuṃ vaṭṭatī’’ti cintetvā catutthaṃ gāthamāha –
61.
61.
‘‘гун̣абаад̣̇ини лохид̇абз, жори гуггудабот̇ини;
‘‘Kuṇapādini lohitape, cori kukkuṭapothini;
на д̇вам̣ ариязна взд̣̇зна, мамам̣ бхад̇д̇аарамижчасий’’д̇и.
Na tvaṃ ariyena vedena, mamaṃ bhattāramicchasī’’ti.
д̇ад̇т̇а на д̇вам̣ ариязнаад̇и д̇вам̣ ариязна б̣рахмажарияаваасалаабхзна мам̣ бхад̇д̇аарам̣ на ижчаси, ван̃жзд̇ваа бана мам̣ каад̣̇ид̇угаамааси, насса баабзд̇и д̇ам̣ балаабзси. саа бана балааяид̇ваава г̇ад̇аа, на буна ологзд̇умби висахи.
Tattha na tvaṃ ariyenāti tvaṃ ariyena brahmacariyavāsalābhena maṃ bhattāraṃ na icchasi, vañcetvā pana maṃ khāditukāmāsi, nassa pāpeti taṃ palāpesi. Sā pana palāyitvāva gatā, na puna oloketumpi visahi.
62.
62.
‘‘звамби жад̇ураа наарий, д̣̇исваана сад̇ханам̣ нарам̣;
‘‘Evampi caturā nārī, disvāna sadhanaṃ naraṃ;
нзнд̇и сан̣хаахи ваажаахи, б̣ил̣аарий вияа гуггудам̣.
Nenti saṇhāhi vācāhi, biḷārī viya kukkuṭaṃ.
63.
63.
‘‘яо жа уббад̇ид̇ам̣ ад̇т̇ам̣, на киббамануб̣уж̇жхад̇и;
‘‘Yo ca uppatitaṃ atthaṃ, na khippamanubujjhati;
амид̇д̇авасаманвзд̇и, бажчаа жа ануд̇аббад̇и.
Amittavasamanveti, pacchā ca anutappati.
64.
64.
‘‘яо жа уббад̇ид̇ам̣ ад̇т̇ам̣, киббамзва ниб̣од̇хад̇и;
‘‘Yo ca uppatitaṃ atthaṃ, khippameva nibodhati;
мужжад̇з сад̇д̇усамб̣аад̇хаа, гуггудова б̣ил̣аарияаа’’д̇и. – имаа абхисамб̣уд̣̇д̇хаг̇аат̇аа;
Muccate sattusambādhā, kukkuṭova biḷāriyā’’ti. – imā abhisambuddhagāthā;
д̇ад̇т̇а жад̇ураад̇и жаад̇уриязна саманнааг̇ад̇аа. наарийд̇и ид̇т̇ияо. нзнд̇ийд̇и ад̇д̇ано васам̣ убанзнд̇и. б̣ил̣аарий вияаад̇и яат̇аа саа б̣ил̣аарий д̇ам̣ гуггудам̣ нзд̇ум̣ вааяамад̇и, звам̣ ан̃н̃ааби наарияо нзнд̇иязва. уббад̇ид̇ам̣ ад̇т̇анд̇и уббаннам̣ гин̃жид̣̇зва ад̇т̇ам̣. на ануб̣уж̇жхад̇ийд̇и яат̇аасабхаавзна на ж̇аанаад̇и, бажчаа жа ануд̇аббад̇и. гуггудоваад̇и яат̇аа со н̃аан̣асамбанно гуггудо б̣ил̣аарид̇о муд̇д̇о, звам̣ сад̇д̇усамб̣аад̇хад̇о мужжад̇ийд̇и ад̇т̇о.
Tattha caturāti cāturiyena samannāgatā. Nārīti itthiyo. Nentīti attano vasaṃ upanenti. Biḷārī viyāti yathā sā biḷārī taṃ kukkuṭaṃ netuṃ vāyamati, evaṃ aññāpi nāriyo nentiyeva. Uppatitaṃ atthanti uppannaṃ kiñcideva atthaṃ. Na anubujjhatīti yathāsabhāvena na jānāti, pacchā ca anutappati. Kukkuṭovāti yathā so ñāṇasampanno kukkuṭo biḷārito mutto, evaṃ sattusambādhato muccatīti attho.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. д̇ад̣̇аа гуггударааж̇аа ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi. Tadā kukkuṭarājā ahameva ahosinti.
гуггудаж̇аад̇агаван̣н̣анаа адтамаа.
Kukkuṭajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 383. гуггудаж̇аад̇агам̣ • 383. Kukkuṭajātakaṃ
