| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. гулагхаран̣ийсуд̇д̇ам̣
8. Kulagharaṇīsuttaṃ
228. згам̣ самаяам̣ ан̃н̃ад̇аро бхигку госалзсу вихарад̇и ан̃н̃ад̇арасмим̣ ванасан̣д̣з. д̇зна ко бана самаязна со бхигку ан̃н̃ад̇арасмим̣ гулз ад̇ивзлам̣ аж̇жхог̇аал̣хаббад̇д̇о вихарад̇и. ат̇а ко яаа д̇асмим̣ ванасан̣д̣з ад̇хивад̇т̇аа д̣̇звад̇аа д̇асса бхигкуно анугамбигаа ад̇т̇агаамаа д̇ам̣ бхигкум̣ сам̣взж̇зд̇угаамаа яаа д̇асмим̣ гулз гулагхаран̣ий, д̇ассаа ван̣н̣ам̣ абхинимминид̇ваа язна со бхигку д̇знубасан̇гами; убасан̇гамид̇ваа д̇ам̣ бхигкум̣ г̇аат̇ааяа аж̇жхабхааси –
228. Ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. Tena kho pana samayena so bhikkhu aññatarasmiṃ kule ativelaṃ ajjhogāḷhappatto viharati. Atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yā tasmiṃ kule kulagharaṇī, tassā vaṇṇaṃ abhinimminitvā yena so bhikkhu tenupasaṅkami; upasaṅkamitvā taṃ bhikkhuṃ gāthāya ajjhabhāsi –
‘‘над̣̇ийд̇ийрзсу сан̣таанз, сабхаасу рат̇ияаасу жа;
‘‘Nadītīresu saṇṭhāne, sabhāsu rathiyāsu ca;
ж̇анаа сан̇г̇амма манд̇знд̇и, ман̃жа д̇ан̃жа 1 гиманд̇ара’’нд̇и.
Janā saṅgamma mantenti, mañca tañca 2 kimantara’’nti.
‘‘б̣ахуухи сад̣̇д̣̇аа бажжуухаа, камид̇аб̣б̣аа д̇абассинаа;
‘‘Bahūhi saddā paccūhā, khamitabbā tapassinā;
на д̇зна ман̇гу ход̇аб̣б̣ам̣, на хи д̇зна гилиссад̇и.
Na tena maṅku hotabbaṃ, na hi tena kilissati.
‘‘яо жа сад̣̇д̣̇абарид̇д̇аасий, ванз ваад̇амиг̇о яат̇аа;
‘‘Yo ca saddaparittāsī, vane vātamigo yathā;
лахужид̇д̇од̇и д̇ам̣ ааху, наасса самбаж̇ж̇ад̇з вад̇а’’нд̇и.
Lahucittoti taṃ āhu, nāssa sampajjate vata’’nti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. гулагхаран̣ийсуд̇д̇аван̣н̣анаа • 8. Kulagharaṇīsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. гулагхаран̣ийсуд̇д̇аван̣н̣анаа • 8. Kulagharaṇīsuttavaṇṇanā
