| Library / Tipiṭaka / തിപിടക • Tipiṭaka / കങ്ഖാവിതരണീ-അഭിനവ-ടീകാ • Kaṅkhāvitaraṇī-abhinava-ṭīkā |
൫. കുലമച്ഛരിനീസിക്ഖാപദവണ്ണനാ
5. Kulamaccharinīsikkhāpadavaṇṇanā
കുലേ മച്ഛരോ കുലമച്ഛരോതി പുരിമസ്മിം പക്ഖേ സകത്ഥേ ഇനീപച്ചയോ, തം കുലം അസ്സദ്ധം അപ്പസന്നന്തി കുലസ്സ അഗുണം, അയസം വാ ഭാസന്തിയാതി അത്ഥോ. ഭിക്ഖുനീനം അവണ്ണം ഭാസന്തിയാതി ‘‘ഭിക്ഖുനിയോ ദുസ്സീലാ പാപധമ്മാ’’തി (പാചി॰ അട്ഠ॰ ൧൦൪൩) ഭിക്ഖുനീനം അഗുണം, അയസം വാ ഭാസന്തിയാ.
Kule maccharo kulamaccharoti purimasmiṃ pakkhe sakatthe inīpaccayo, taṃ kulaṃ assaddhaṃ appasannanti kulassa aguṇaṃ, ayasaṃ vā bhāsantiyāti attho. Bhikkhunīnaṃ avaṇṇaṃ bhāsantiyāti ‘‘bhikkhuniyo dussīlā pāpadhammā’’ti (pāci. aṭṭha. 1043) bhikkhunīnaṃ aguṇaṃ, ayasaṃ vā bhāsantiyā.
സന്തംയേവ ആദീനവന്തി കുലസ്സ വാ ഭിക്ഖുനീനം വാ സന്തംയേവ അഗുണം.
Santaṃyevaādīnavanti kulassa vā bhikkhunīnaṃ vā santaṃyeva aguṇaṃ.
കുലമച്ഛരിനീസിക്ഖാപദവണ്ണനാ നിട്ഠിതാ.
Kulamaccharinīsikkhāpadavaṇṇanā niṭṭhitā.
