| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. гуласуд̇д̇ам̣
9. Kulasuttaṃ
361. згам̣ самаяам̣ бхаг̇аваа госалзсу жааригам̣ жарамаано махад̇аа бхигкусан̇гхзна сад̣̇д̇хим̣ язна наал̣анд̣̇аа д̇ад̣̇авасари . д̇ад̇ра суд̣̇ам̣ бхаг̇аваа наал̣анд̣̇ааяам̣ вихарад̇и баавааригамб̣аванз.
361. Ekaṃ samayaṃ bhagavā kosalesu cārikaṃ caramāno mahatā bhikkhusaṅghena saddhiṃ yena nāḷandā tadavasari . Tatra sudaṃ bhagavā nāḷandāyaṃ viharati pāvārikambavane.
д̇зна ко бана самаязна наал̣анд̣̇аа д̣̇уб̣бхигкаа ход̇и д̣̇вийхид̇игаа сзд̇адтигаа салаагаавуд̇д̇аа. д̇зна ко бана самаязна ниг̇ан̣то наадабуд̇д̇о наал̣анд̣̇ааяам̣ бадивасад̇и махад̇ияаа ниг̇ан̣табарисааяа сад̣̇д̇хим̣. ат̇а ко асиб̣анд̇хагабуд̇д̇о г̇ааман̣и ниг̇ан̣тасааваго язна ниг̇ан̣то наадабуд̇д̇о д̇знубасан̇гами; убасан̇гамид̇ваа ниг̇ан̣там̣ наадабуд̇д̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко асиб̣анд̇хагабуд̇д̇ам̣ г̇ааман̣им̣ ниг̇ан̣то наадабуд̇д̇о зд̇ад̣̇авожа – ‘‘зхи д̇вам̣, г̇ааман̣и, саман̣асса г̇од̇амасса ваад̣̇ам̣ ааробзхи. звам̣ д̇з галяаан̣о гид̇д̇исад̣̇д̣̇о аб̣бхуг̇г̇ажчиссад̇и – ‘асиб̣анд̇хагабуд̇д̇зна г̇ааман̣инаа саман̣асса г̇од̇амасса звам̣махид̣̇д̇хигасса звам̣махаанубхаавасса ваад̣̇о ааробид̇о’’’д̇и.
Tena kho pana samayena nāḷandā dubbhikkhā hoti dvīhitikā setaṭṭhikā salākāvuttā. Tena kho pana samayena nigaṇṭho nāṭaputto nāḷandāyaṃ paṭivasati mahatiyā nigaṇṭhaparisāya saddhiṃ. Atha kho asibandhakaputto gāmaṇi nigaṇṭhasāvako yena nigaṇṭho nāṭaputto tenupasaṅkami; upasaṅkamitvā nigaṇṭhaṃ nāṭaputtaṃ abhivādetvā ekamantaṃ nisīdi. Ekamantaṃ nisinnaṃ kho asibandhakaputtaṃ gāmaṇiṃ nigaṇṭho nāṭaputto etadavoca – ‘‘ehi tvaṃ, gāmaṇi, samaṇassa gotamassa vādaṃ āropehi. Evaṃ te kalyāṇo kittisaddo abbhuggacchissati – ‘asibandhakaputtena gāmaṇinā samaṇassa gotamassa evaṃmahiddhikassa evaṃmahānubhāvassa vādo āropito’’’ti.
‘‘гат̇ам̣ банаахам̣, бханд̇з, саман̣асса г̇од̇амасса звам̣махид̣̇д̇хигасса звам̣махаанубхаавасса ваад̣̇ам̣ ааробзссаамий’’д̇и ? ‘‘зхи д̇вам̣, г̇ааман̣и, язна саман̣о г̇од̇амо д̇знубасан̇гама; убасан̇гамид̇ваа саман̣ам̣ г̇од̇амам̣ звам̣ вад̣̇зхи – ‘нану, бханд̇з, бхаг̇аваа анзгабарияааязна гулаанам̣ ануд̣̇д̣̇аяам̣ 1 ван̣н̣зд̇и, анурагкам̣ ван̣н̣зд̇и, анугамбам̣ ван̣н̣зд̇ий’д̇и? сажз ко, г̇ааман̣и, саман̣о г̇од̇амо звам̣ будто звам̣ б̣яаагарод̇и – ‘звам̣, г̇ааман̣и, д̇ат̇ааг̇ад̇о анзгабарияааязна гулаанам̣ ануд̣̇д̣̇аяам̣ ван̣н̣зд̇и, анурагкам̣ ван̣н̣зд̇и, анугамбам̣ ван̣н̣зд̇ий’д̇и, д̇амзнам̣ д̇вам̣ звам̣ вад̣̇зяяааси – ‘ат̇а гин̃жарахи, бханд̇з, бхаг̇аваа д̣̇уб̣бхигкз д̣̇вийхид̇игз сзд̇адтигз салаагаавуд̇д̇з махад̇аа бхигкусан̇гхзна сад̣̇д̇хим̣ жааригам̣ жарад̇и? ужчзд̣̇ааяа бхаг̇аваа гулаанам̣ бадибанно, анаяааяа бхаг̇аваа гулаанам̣ бадибанно, убагхаад̇ааяа бхаг̇аваа гулаанам̣ бадибанно’д̇и! имам̣ ко д̇з, г̇ааман̣и, саман̣о г̇од̇амо убхад̇огодигам̣ бан̃хам̣ будто нзва сагкад̇и 2 уг̇г̇илид̇ум̣, нзва сагкад̇и ог̇илид̇у’’нд̇и. ‘‘звам̣ , бханд̇з’’д̇и ко асиб̣анд̇хагабуд̇д̇о г̇ааман̣и ниг̇ан̣тасса наадабуд̇д̇асса бадиссуд̇ваа удтааяаасанаа ниг̇ан̣там̣ наадабуд̇д̇ам̣ абхиваад̣̇зд̇ваа бад̣̇агкин̣ам̣ гад̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко асиб̣анд̇хагабуд̇д̇о г̇ааман̣и бхаг̇аванд̇ам̣ зд̇ад̣̇авожа –
‘‘Kathaṃ panāhaṃ, bhante, samaṇassa gotamassa evaṃmahiddhikassa evaṃmahānubhāvassa vādaṃ āropessāmī’’ti ? ‘‘Ehi tvaṃ, gāmaṇi, yena samaṇo gotamo tenupasaṅkama; upasaṅkamitvā samaṇaṃ gotamaṃ evaṃ vadehi – ‘nanu, bhante, bhagavā anekapariyāyena kulānaṃ anuddayaṃ 3 vaṇṇeti, anurakkhaṃ vaṇṇeti, anukampaṃ vaṇṇetī’ti? Sace kho, gāmaṇi, samaṇo gotamo evaṃ puṭṭho evaṃ byākaroti – ‘evaṃ, gāmaṇi, tathāgato anekapariyāyena kulānaṃ anuddayaṃ vaṇṇeti, anurakkhaṃ vaṇṇeti, anukampaṃ vaṇṇetī’ti, tamenaṃ tvaṃ evaṃ vadeyyāsi – ‘atha kiñcarahi, bhante, bhagavā dubbhikkhe dvīhitike setaṭṭhike salākāvutte mahatā bhikkhusaṅghena saddhiṃ cārikaṃ carati? Ucchedāya bhagavā kulānaṃ paṭipanno, anayāya bhagavā kulānaṃ paṭipanno, upaghātāya bhagavā kulānaṃ paṭipanno’ti! Imaṃ kho te, gāmaṇi, samaṇo gotamo ubhatokoṭikaṃ pañhaṃ puṭṭho neva sakkhati 4 uggilituṃ, neva sakkhati ogilitu’’nti. ‘‘Evaṃ , bhante’’ti kho asibandhakaputto gāmaṇi nigaṇṭhassa nāṭaputtassa paṭissutvā uṭṭhāyāsanā nigaṇṭhaṃ nāṭaputtaṃ abhivādetvā padakkhiṇaṃ katvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho asibandhakaputto gāmaṇi bhagavantaṃ etadavoca –
‘‘нану, бханд̇з, бхаг̇аваа анзгабарияааязна гулаанам̣ ануд̣̇д̣̇аяам̣ ван̣н̣зд̇и, анурагкам̣ ван̣н̣зд̇и, анугамбам̣ ван̣н̣зд̇ий’’д̇и? ‘‘звам̣, г̇ааман̣и, д̇ат̇ааг̇ад̇о анзгабарияааязна гулаанам̣ ануд̣̇д̣̇аяам̣ ван̣н̣зд̇и, анурагкам̣ ван̣н̣зд̇и, анугамбам̣ ван̣н̣зд̇ий’’д̇и. ‘‘ат̇а гин̃жарахи, бханд̇з, бхаг̇аваа д̣̇уб̣бхигкз д̣̇вийхид̇игз сзд̇адтигз салаагаавуд̇д̇з махад̇аа бхигкусан̇гхзна сад̣̇д̇хим̣ жааригам̣ жарад̇и? ужчзд̣̇ааяа бхаг̇аваа гулаанам̣ бадибанно, анаяааяа бхаг̇аваа гулаанам̣ бадибанно, убагхаад̇ааяа бхаг̇аваа гулаанам̣ бадибанно’’д̇и. ‘‘ид̇о со, г̇ааман̣и, зганавуд̇игаббз 5 яамахам̣ ануссараами, наабхиж̇аанаами гин̃жи гулам̣ баггабхигкаануббад̣̇аанамад̇д̇зна убахад̇абуб̣б̣ам̣. ат̇а ко яаани д̇аани гулаани ад̣дхаани махад̣̇д̇ханаани махаабхог̇аани бахууд̇аж̇аад̇аруубараж̇ад̇аани бахууд̇авид̇д̇уубагаран̣аани бахууд̇ад̇ханад̇хан̃н̃аани, саб̣б̣аани д̇аани д̣̇аанасамбхууд̇аани жзва сажжасамбхууд̇аани жа сааман̃н̃асамбхууд̇аани жа. адта ко, г̇ааман̣и, хзд̇уу, адта бажжаяаа гулаанам̣ убагхаад̇ааяа. рааж̇ад̇о ваа гулаани убагхаад̇ам̣ г̇ажчанд̇и, жорад̇о ваа гулаани убагхаад̇ам̣ г̇ажчанд̇и, аг̇г̇ид̇о ваа гулаани убагхаад̇ам̣ г̇ажчанд̇и , уд̣̇агад̇о ваа гулаани убагхаад̇ам̣ г̇ажчанд̇и, нихид̇ам̣ ваа таанаа виг̇ажчад̇и 6, д̣̇уббаяуд̇д̇аа ваа гамманд̇аа вибаж̇ж̇анд̇и, гулз ваа гулан̇г̇аарод̇и 7 уббаж̇ж̇ад̇и, яо д̇з бхог̇з вигирад̇и вид̇хамад̇и вид̣̇д̇хам̣сзд̇и, анижжад̇ааяз адтамийд̇и. имз ко, г̇ааман̣и, адта хзд̇уу, адта бажжаяаа гулаанам̣ убагхаад̇ааяа . имзсу ко, г̇ааман̣и, адтасу хзд̇уусу, адтасу бажжаязсу сам̣виж̇ж̇амаанзсу яо мам̣ звам̣ вад̣̇зяяа – ‘ужчзд̣̇ааяа бхаг̇аваа гулаанам̣ бадибанно, анаяааяа бхаг̇аваа гулаанам̣ бадибанно, убагхаад̇ааяа бхаг̇аваа гулаанам̣ бадибанно’д̇и, д̇ам̣, г̇ааман̣и, ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа яат̇аабхад̇ам̣ нигкид̇д̇о звам̣ нираяз’’д̇и. звам̣ вуд̇д̇з, асиб̣анд̇хагабуд̇д̇о г̇ааман̣и бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з, абхигганд̇ам̣, бханд̇з…бз… убаасагам̣ мам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. навамам̣.
‘‘Nanu, bhante, bhagavā anekapariyāyena kulānaṃ anuddayaṃ vaṇṇeti, anurakkhaṃ vaṇṇeti, anukampaṃ vaṇṇetī’’ti? ‘‘Evaṃ, gāmaṇi, tathāgato anekapariyāyena kulānaṃ anuddayaṃ vaṇṇeti, anurakkhaṃ vaṇṇeti, anukampaṃ vaṇṇetī’’ti. ‘‘Atha kiñcarahi, bhante, bhagavā dubbhikkhe dvīhitike setaṭṭhike salākāvutte mahatā bhikkhusaṅghena saddhiṃ cārikaṃ carati? Ucchedāya bhagavā kulānaṃ paṭipanno, anayāya bhagavā kulānaṃ paṭipanno, upaghātāya bhagavā kulānaṃ paṭipanno’’ti. ‘‘Ito so, gāmaṇi, ekanavutikappe 8 yamahaṃ anussarāmi, nābhijānāmi kiñci kulaṃ pakkabhikkhānuppadānamattena upahatapubbaṃ. Atha kho yāni tāni kulāni aḍḍhāni mahaddhanāni mahābhogāni pahūtajātarūparajatāni pahūtavittūpakaraṇāni pahūtadhanadhaññāni, sabbāni tāni dānasambhūtāni ceva saccasambhūtāni ca sāmaññasambhūtāni ca. Aṭṭha kho, gāmaṇi, hetū, aṭṭha paccayā kulānaṃ upaghātāya. Rājato vā kulāni upaghātaṃ gacchanti, corato vā kulāni upaghātaṃ gacchanti, aggito vā kulāni upaghātaṃ gacchanti , udakato vā kulāni upaghātaṃ gacchanti, nihitaṃ vā ṭhānā vigacchati 9, duppayuttā vā kammantā vipajjanti, kule vā kulaṅgāroti 10 uppajjati, yo te bhoge vikirati vidhamati viddhaṃseti, aniccatāye aṭṭhamīti. Ime kho, gāmaṇi, aṭṭha hetū, aṭṭha paccayā kulānaṃ upaghātāya . Imesu kho, gāmaṇi, aṭṭhasu hetūsu, aṭṭhasu paccayesu saṃvijjamānesu yo maṃ evaṃ vadeyya – ‘ucchedāya bhagavā kulānaṃ paṭipanno, anayāya bhagavā kulānaṃ paṭipanno, upaghātāya bhagavā kulānaṃ paṭipanno’ti, taṃ, gāmaṇi, vācaṃ appahāya taṃ cittaṃ appahāya taṃ diṭṭhiṃ appaṭinissajjitvā yathābhataṃ nikkhitto evaṃ niraye’’ti. Evaṃ vutte, asibandhakaputto gāmaṇi bhagavantaṃ etadavoca – ‘‘abhikkantaṃ, bhante, abhikkantaṃ, bhante…pe… upāsakaṃ maṃ bhagavā dhāretu ajjatagge pāṇupetaṃ saraṇaṃ gata’’nti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. гуласуд̇д̇аван̣н̣анаа • 9. Kulasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. гуласуд̇д̇аван̣н̣анаа • 9. Kulasuttavaṇṇanā
