| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
(૧૨) ૨. અન્ધકવિન્દવગ્ગો
(12) 2. Andhakavindavaggo
૧. કુલૂપકસુત્તં
1. Kulūpakasuttaṃ
૧૧૧. ‘‘પઞ્ચહિ , ભિક્ખવે, ધમ્મેહિ સમન્નાગતો કુલૂપકો ભિક્ખુ કુલેસુ અપ્પિયો ચ હોતિ અમનાપો ચ અગરુ ચ અભાવનીયો ચ. કતમેહિ પઞ્ચહિ? અસન્થવવિસ્સાસી 1 ચ હોતિ, અનિસ્સરવિકપ્પી ચ, વિસ્સટ્ઠુપસેવી 2 ચ, ઉપકણ્ણકજપ્પી ચ, અતિયાચનકો ચ. ઇમેહિ ખો, ભિક્ખવે, પઞ્ચહિ ધમ્મેહિ સમન્નાગતો કુલૂપકો ભિક્ખુ કુલેસુ અપ્પિયો ચ હોતિ અમનાપો ચ અગરુ ચ અભાવનીયો ચ.
111. ‘‘Pañcahi , bhikkhave, dhammehi samannāgato kulūpako bhikkhu kulesu appiyo ca hoti amanāpo ca agaru ca abhāvanīyo ca. Katamehi pañcahi? Asanthavavissāsī 3 ca hoti, anissaravikappī ca, vissaṭṭhupasevī 4 ca, upakaṇṇakajappī ca, atiyācanako ca. Imehi kho, bhikkhave, pañcahi dhammehi samannāgato kulūpako bhikkhu kulesu appiyo ca hoti amanāpo ca agaru ca abhāvanīyo ca.
‘‘પઞ્ચહિ, ભિક્ખવે, ધમ્મેહિ સમન્નાગતો કુલૂપકો ભિક્ખુ કુલેસુ પિયો ચ હોતિ મનાપો ચ ગરુ ચ ભાવનીયો ચ. કતમેહિ પઞ્ચહિ? ન અસન્થવવિસ્સાસી ચ હોતિ, ન અનિસ્સરવિકપ્પી ચ, ન વિસ્સટ્ઠુપસેવી ચ, ન ઉપકણ્ણકજપ્પી ચ, ન અતિયાચનકો ચ. ઇમેહિ ખો, ભિક્ખવે, પઞ્ચહિ ધમ્મેહિ સમન્નાગતો કુલૂપકો ભિક્ખુ કુલેસુ પિયો ચ હોતિ મનાપો ચ ગરુ ચ ભાવનીયો ચા’’તિ. પઠમં.
‘‘Pañcahi, bhikkhave, dhammehi samannāgato kulūpako bhikkhu kulesu piyo ca hoti manāpo ca garu ca bhāvanīyo ca. Katamehi pañcahi? Na asanthavavissāsī ca hoti, na anissaravikappī ca, na vissaṭṭhupasevī ca, na upakaṇṇakajappī ca, na atiyācanako ca. Imehi kho, bhikkhave, pañcahi dhammehi samannāgato kulūpako bhikkhu kulesu piyo ca hoti manāpo ca garu ca bhāvanīyo cā’’ti. Paṭhamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧. કુલૂપકસુત્તવણ્ણના • 1. Kulūpakasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૪. કુલૂપકસુત્તાદિવણ્ણના • 1-4. Kulūpakasuttādivaṇṇanā
