| Library / Tipiṭaka / ਤਿਪਿਟਕ • Tipiṭaka / ਉਦਾਨ-ਅਟ੍ਠਕਥਾ • Udāna-aṭṭhakathā |
੪. ਕੁਮਾਰਕਸੁਤ੍ਤવਣ੍ਣਨਾ
4. Kumārakasuttavaṇṇanā
੪੪. ਚਤੁਤ੍ਥੇ ਕੁਮਾਰਕਾਤਿ ਤਰੁਣਪੁਗ੍ਗਲਾ। ਯੇ ਸੁਭਾਸਿਤਦੁਬ੍ਭਾਸਿਤਸ੍ਸ ਅਤ੍ਥਂ ਜਾਨਨ੍ਤਿ, ਤੇ ਇਧ ਕੁਮਾਰਕਾਤਿ ਅਧਿਪ੍ਪੇਤਾ। ਇਮੇ ਹਿ ਸਤ੍ਤਾ ਜਾਤਦਿવਸਤੋ ਪਟ੍ਠਾਯ ਯਾવ ਪਞ੍ਚਦਸવਸ੍ਸਕਾ, ਤਾવ ‘‘ਕੁਮਾਰਕਾ, ਬਾਲਾ’’ਤਿ ਚ વੁਚ੍ਚਨ੍ਤਿ, ਤਤੋ ਪਰਂ વੀਸਤਿવਸ੍ਸਾਨਿ ‘‘ਯੁવਾਨੋ’’ਤਿ। ਮਚ੍ਛਕੇ ਬਾਧੇਨ੍ਤੀਤਿ ਮਗ੍ਗਸਮੀਪੇ ਏਕਸ੍ਮਿਂ ਤਲ਼ਾਕੇ ਨਿਦਾਘਕਾਲੇ ਉਦਕੇ ਪਰਿਕ੍ਖੀਣੇ ਨਿਨ੍ਨਟ੍ਠਾਨੇ ਠਿਤਂ ਉਦਕਂ ਉਸ੍ਸਿਞ੍ਚਿਤ੍વਾ ਖੁਦ੍ਦਕਮਚ੍ਛੇ ਗਣ੍ਹਨ੍ਤਿ ਚੇવ ਹਨਨ੍ਤਿ ਚ ‘‘ਪਚਿਤ੍વਾ ਖਾਦਿਸ੍ਸਾਮਾ’’ਤਿ। ਤੇਨੁਪਸਙ੍ਕਮੀਤਿ ਮਗ੍ਗਤੋ ਥੋਕਂ ਤਲ਼ਾਕਂ ਅਤਿਕ੍ਕਮਿਤ੍વਾ ਠਿਤੋ, ਤਸ੍ਮਾ ‘‘ਉਪਸਙ੍ਕਮੀ’’ਤਿ વਦਤਿ। ਕਸ੍ਮਾ ਪਨ ਉਪਸਙ੍ਕਮਿ? ਤੇ ਕੁਮਾਰਕੇ ਅਤ੍ਤਨਿ વਿਸ੍ਸਾਸਂ ਜਨੇਤੁਂ ਉਪਸਙ੍ਕਮਿ। ਭਾਯਥ વੋਤਿ ਏਤ੍ਥ વੋਤਿ ਨਿਪਾਤਮਤ੍ਤਂ। ਦੁਕ੍ਖਸ੍ਸਾਤਿ ਨਿਸ੍ਸਕ੍ਕੇ ਸਾਮਿવਚਨਂ, ਦੁਕ੍ਖਸ੍ਮਾਤਿ ਅਤ੍ਥੋ। ਅਪ੍ਪਿਯਂ વੋ ਦੁਕ੍ਖਨ੍ਤਿ ‘‘ਕਿਂ ਤੁਮ੍ਹਾਕਂ ਸਰੀਰੇ ਉਪ੍ਪਜ੍ਜਨਕਦੁਕ੍ਖਂ ਅਪ੍ਪਿਯਂ ਅਨਿਟ੍ਠ’’ਨ੍ਤਿ ਪੁਚ੍ਛਤਿ।
44. Catutthe kumārakāti taruṇapuggalā. Ye subhāsitadubbhāsitassa atthaṃ jānanti, te idha kumārakāti adhippetā. Ime hi sattā jātadivasato paṭṭhāya yāva pañcadasavassakā, tāva ‘‘kumārakā, bālā’’ti ca vuccanti, tato paraṃ vīsativassāni ‘‘yuvāno’’ti. Macchake bādhentīti maggasamīpe ekasmiṃ taḷāke nidāghakāle udake parikkhīṇe ninnaṭṭhāne ṭhitaṃ udakaṃ ussiñcitvā khuddakamacche gaṇhanti ceva hananti ca ‘‘pacitvā khādissāmā’’ti. Tenupasaṅkamīti maggato thokaṃ taḷākaṃ atikkamitvā ṭhito, tasmā ‘‘upasaṅkamī’’ti vadati. Kasmā pana upasaṅkami? Te kumārake attani vissāsaṃ janetuṃ upasaṅkami. Bhāyatha voti ettha voti nipātamattaṃ. Dukkhassāti nissakke sāmivacanaṃ, dukkhasmāti attho. Appiyaṃ vo dukkhanti ‘‘kiṃ tumhākaṃ sarīre uppajjanakadukkhaṃ appiyaṃ aniṭṭha’’nti pucchati.
ਏਤਮਤ੍ਥਂ વਿਦਿਤ੍વਾਤਿ ਇਮੇ ਸਤ੍ਤਾ ਅਤ੍ਤਨੋ ਦੁਕ੍ਖਂ ਅਨਿਚ੍ਛਨ੍ਤਾ ਏવ ਹੁਤ੍વਾ ਦੁਕ੍ਖਹੇਤੁਂ ਪਟਿਪਜ੍ਜਨ੍ਤਾ ਅਤ੍ਤਨੋ ਤਂ ਇਚ੍ਛਨ੍ਤਾ ਏવ ਨਾਮ ਹੋਨ੍ਤੀਤਿ ਏਤਮਤ੍ਥਂ ਸਬ੍ਬਾਕਾਰਤੋ વਿਦਿਤ੍વਾ। ਇਮਂ ਉਦਾਨਨ੍ਤਿ ਇਮਂ ਪਾਪਕਿਰਿਯਾਯ ਨਿਸੇਧਨਂ ਆਦੀਨવવਿਭਾવਨਞ੍ਚ ਉਦਾਨਂ ਉਦਾਨੇਸਿ।
Etamatthaṃ viditvāti ime sattā attano dukkhaṃ anicchantā eva hutvā dukkhahetuṃ paṭipajjantā attano taṃ icchantā eva nāma hontīti etamatthaṃ sabbākārato viditvā. Imaṃ udānanti imaṃ pāpakiriyāya nisedhanaṃ ādīnavavibhāvanañca udānaṃ udānesi.
ਤਸ੍ਸਤ੍ਥੋ – ਯਦਿ ਤੁਮ੍ਹਾਕਂ ਸਕਲਮਾਪਾਯਿਕਂ, ਸੁਗਤਿਯਞ੍ਚ ਅਪ੍ਪਾਯੁਕਤਾਮਨੁਸ੍ਸਦੋਭਗ੍ਗਿਯਾਦਿਭੇਦਂ ਦੁਕ੍ਖਂ ਅਪ੍ਪਿਯਂ ਅਨਿਟ੍ਠਂ, ਯਦਿ ਤੁਮ੍ਹੇ ਤਤੋ ਭਾਯਥ, ਆવਿ વਾ ਪਰੇਸਂ ਪਾਕਟਭਾવવਸੇਨ ਅਪ੍ਪਟਿਚ੍ਛਨ੍ਨਂ ਕਤ੍વਾ ਕਾਯੇਨ વਾ વਾਚਾਯ વਾ ਪਾਣਾਤਿਪਾਤਾਦਿਪ੍ਪਭੇਦਂ ਯਦਿ વਾ ਰਹੋ ਅਪਾਕਟਭਾવવਸੇਨ ਪਟਿਚ੍ਛਨ੍ਨਂ ਕਤ੍વਾ ਮਨੋਦ੍વਾਰੇ ਏવ ਅਭਿਜ੍ਝਾਦਿਪ੍ਪਭੇਦਂ ਅਣੁਮਤ੍ਤਮ੍ਪਿ ਪਾਪਕਂ ਲਾਮਕਧਮ੍ਮਂ ਮਾਕਤ੍ਥ ਮਾ ਕਰਿਤ੍ਥ, ਅਥ ਪਨ ਤਂ ਪਾਪਕਮ੍ਮਂ ਏਤਰਹਿ ਕਰੋਥ, ਆਯਤਿਂ વਾ ਕਰਿਸ੍ਸਥ, ਨਿਰਯਾਦੀਸੁ ਚਤੂਸੁ ਅਪਾਯੇਸੁ ਮਨੁਸ੍ਸੇਸੁ ਚ ਤਸ੍ਸ ਫਲਭੂਤਂ ਦੁਕ੍ਖਂ ਇਤੋ વਾ ਏਤ੍ਤੋ વਾ ਪਲਾਯਨ੍ਤੇ ਅਮ੍ਹੇ ਨਾਨੁਬਨ੍ਧਿਸ੍ਸਤੀਤਿ ਅਧਿਪ੍ਪਾਯੇਨ ਉਪੇਚ੍ਚ ਅਪੇਚ੍ਚ ਪਲਾਯਤਮ੍ਪਿ ਤੁਮ੍ਹਾਕਂ ਤਤੋ ਮੁਤ੍ਤਿ ਮੋਕ੍ਖੋ ਨਤ੍ਥਿ। ਗਤਿਕਾਲਾਦਿਪਚ੍ਚਯਨ੍ਤਰਸਮવਾਯੇ વਿਪਚ੍ਚਿਸ੍ਸਤਿਯੇવਾਤਿ ਦਸ੍ਸੇਤਿ। ‘‘ਪਲਾਯਨੇ’’ਤਿਪਿ ਪਠਨ੍ਤਿ, વੁਤ੍ਤਨਯੇਨ ਯਤ੍ਥ ਕਤ੍ਥਚਿ ਗਮਨੇ ਪਕ੍ਕਮਨੇ ਸਤੀਤਿ ਅਤ੍ਥੋ। ਅਯਞ੍ਚ ਅਤ੍ਥੋ ‘‘ਨ ਅਨ੍ਤਲਿਕ੍ਖੇ ਨ ਸਮੁਦ੍ਦਮਜ੍ਝੇ…ਪੇ॰… ਪਾਪਕਮ੍ਮਾ’’ਤਿ (ਧ॰ ਪ॰ ੧੨੭; ਮਿ॰ ਪ॰ ੪.੨.੪) ਇਮਾਯ ਗਾਥਾਯ ਦੀਪੇਤਬ੍ਬੋ।
Tassattho – yadi tumhākaṃ sakalamāpāyikaṃ, sugatiyañca appāyukatāmanussadobhaggiyādibhedaṃ dukkhaṃ appiyaṃ aniṭṭhaṃ, yadi tumhe tato bhāyatha, āvi vā paresaṃ pākaṭabhāvavasena appaṭicchannaṃ katvā kāyena vā vācāya vā pāṇātipātādippabhedaṃ yadi vā raho apākaṭabhāvavasena paṭicchannaṃ katvā manodvāre eva abhijjhādippabhedaṃ aṇumattampi pāpakaṃ lāmakadhammaṃ mākattha mā karittha, atha pana taṃ pāpakammaṃ etarahi karotha, āyatiṃ vā karissatha, nirayādīsu catūsu apāyesu manussesu ca tassa phalabhūtaṃ dukkhaṃ ito vā etto vā palāyante amhe nānubandhissatīti adhippāyena upecca apecca palāyatampi tumhākaṃ tato mutti mokkho natthi. Gatikālādipaccayantarasamavāye vipaccissatiyevāti dasseti. ‘‘Palāyane’’tipi paṭhanti, vuttanayena yattha katthaci gamane pakkamane satīti attho. Ayañca attho ‘‘na antalikkhe na samuddamajjhe…pe… pāpakammā’’ti (dha. pa. 127; mi. pa. 4.2.4) imāya gāthāya dīpetabbo.
ਚਤੁਤ੍ਥਸੁਤ੍ਤવਣ੍ਣਨਾ ਨਿਟ੍ਠਿਤਾ।
Catutthasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਉਦਾਨਪਾਲ਼ਿ • Udānapāḷi / ੪. ਕੁਮਾਰਕਸੁਤ੍ਤਂ • 4. Kumārakasuttaṃ
