Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೦೮. ಕುಮ್ಭಕಾರಜಾತಕಂ (೭-೨-೩)
408. Kumbhakārajātakaṃ (7-2-3)
೯೦.
90.
ಅಮ್ಬಾಹಮದ್ದಂ ವನಮನ್ತರಸ್ಮಿಂ, ನೀಲೋಭಾಸಂ ಫಲಿತಂ 1 ಸಂವಿರೂಳ್ಹಂ।
Ambāhamaddaṃ vanamantarasmiṃ, nīlobhāsaṃ phalitaṃ 2 saṃvirūḷhaṃ;
ತಮದ್ದಸಂ ಫಲಹೇತು ವಿಭಗ್ಗಂ, ತಂ ದಿಸ್ವಾ ಭಿಕ್ಖಾಚರಿಯಂ ಚರಾಮಿ॥
Tamaddasaṃ phalahetu vibhaggaṃ, taṃ disvā bhikkhācariyaṃ carāmi.
೯೧.
91.
ಸೇಲಂ ಸುಮಟ್ಠಂ ನರವೀರನಿಟ್ಠಿತಂ 3, ನಾರೀ ಯುಗಂ ಧಾರಯಿ ಅಪ್ಪಸದ್ದಂ।
Selaṃ sumaṭṭhaṃ naravīraniṭṭhitaṃ 4, nārī yugaṃ dhārayi appasaddaṃ;
ದುತಿಯಞ್ಚ ಆಗಮ್ಮ ಅಹೋಸಿ ಸದ್ದೋ, ತಂ ದಿಸ್ವಾ ಭಿಕ್ಖಾಚರಿಯಂ ಚರಾಮಿ॥
Dutiyañca āgamma ahosi saddo, taṃ disvā bhikkhācariyaṃ carāmi.
೯೨.
92.
ದಿಜಾ ದಿಜಂ ಕುಣಪಮಾಹರನ್ತಂ, ಏಕಂ ಸಮಾನಂ ಬಹುಕಾ ಸಮೇಚ್ಚ।
Dijā dijaṃ kuṇapamāharantaṃ, ekaṃ samānaṃ bahukā samecca;
ಆಹಾರಹೇತೂ ಪರಿಪಾತಯಿಂಸು, ತಂ ದಿಸ್ವಾ ಭಿಕ್ಖಾಚರಿಯಂ ಚರಾಮಿ॥
Āhārahetū paripātayiṃsu, taṃ disvā bhikkhācariyaṃ carāmi.
೯೩.
93.
ಉಸಭಾಹಮದ್ದಂ ಯೂಥಸ್ಸ ಮಜ್ಝೇ, ಚಲಕ್ಕಕುಂ ವಣ್ಣಬಲೂಪಪನ್ನಂ।
Usabhāhamaddaṃ yūthassa majjhe, calakkakuṃ vaṇṇabalūpapannaṃ;
ತಮದ್ದಸಂ ಕಾಮಹೇತು ವಿತುನ್ನಂ, ತಂ ದಿಸ್ವಾ ಭಿಕ್ಖಾಚರಿಯಂ ಚರಾಮಿ॥
Tamaddasaṃ kāmahetu vitunnaṃ, taṃ disvā bhikkhācariyaṃ carāmi.
೯೪.
94.
ನಿಮಿರಾಜಾ ವಿದೇಹಾನಂ, ಪಞ್ಚಾಲಾನಞ್ಚ ದುಮ್ಮುಖೋ।
Nimirājā videhānaṃ, pañcālānañca dummukho;
ಏತೇ ರಟ್ಠಾನಿ ಹಿತ್ವಾನ, ಪಬ್ಬಜಿಂಸು ಅಕಿಞ್ಚನಾ॥
Ete raṭṭhāni hitvāna, pabbajiṃsu akiñcanā.
೯೫.
95.
ಸಬ್ಬೇಪಿಮೇ ದೇವಸಮಾ ಸಮಾಗತಾ, ಅಗ್ಗೀ ಯಥಾ ಪಜ್ಜಲಿತೋ ತಥೇವಿಮೇ।
Sabbepime devasamā samāgatā, aggī yathā pajjalito tathevime;
ಅಹಮ್ಪಿ ಏಕೋ ಚರಿಸ್ಸಾಮಿ ಭಗ್ಗವಿ, ಹಿತ್ವಾನ ಕಾಮಾನಿ ಯಥೋಧಿಕಾನಿ॥
Ahampi eko carissāmi bhaggavi, hitvāna kāmāni yathodhikāni.
೯೬.
96.
ಅಯಮೇವ ಕಾಲೋ ನ ಹಿ ಅಞ್ಞೋ ಅತ್ಥಿ, ಅನುಸಾಸಿತಾ ಮೇ ನ ಭವೇಯ್ಯ ಪಚ್ಛಾ।
Ayameva kālo na hi añño atthi, anusāsitā me na bhaveyya pacchā;
ಅಹಮ್ಪಿ ಏಕಾ ಚರಿಸ್ಸಾಮಿ ಭಗ್ಗವ, ಸಕುಣೀವ ಮುತ್ತಾ ಪುರಿಸಸ್ಸ ಹತ್ಥಾ॥
Ahampi ekā carissāmi bhaggava, sakuṇīva muttā purisassa hatthā.
೯೭.
97.
ಆಮಂ ಪಕ್ಕಞ್ಚ ಜಾನನ್ತಿ, ಅಥೋ ಲೋಣಂ ಅಲೋಣಕಂ।
Āmaṃ pakkañca jānanti, atho loṇaṃ aloṇakaṃ;
ತಮಹಂ ದಿಸ್ವಾನ ಪಬ್ಬಜಿಂ, ಚರೇವ ತ್ವಂ ಚರಾಮಹನ್ತಿ॥
Tamahaṃ disvāna pabbajiṃ, careva tvaṃ carāmahanti.
ಕುಮ್ಭಕಾರಜಾತಕಂ ತತಿಯಂ।
Kumbhakārajātakaṃ tatiyaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೦೮] ೩. ಕುಮ್ಭಕಾರಜಾತಕವಣ್ಣನಾ • [408] 3. Kumbhakārajātakavaṇṇanā