| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੪੦੮. ਕੁਮ੍ਭਕਾਰਜਾਤਕਂ (੭-੨-੩)
408. Kumbhakārajātakaṃ (7-2-3)
੯੦.
90.
ਅਮ੍ਬਾਹਮਦ੍ਦਂ વਨਮਨ੍ਤਰਸ੍ਮਿਂ, ਨੀਲੋਭਾਸਂ ਫਲਿਤਂ 1 ਸਂવਿਰੂਲ਼੍ਹਂ।
Ambāhamaddaṃ vanamantarasmiṃ, nīlobhāsaṃ phalitaṃ 2 saṃvirūḷhaṃ;
ਤਮਦ੍ਦਸਂ ਫਲਹੇਤੁ વਿਭਗ੍ਗਂ, ਤਂ ਦਿਸ੍વਾ ਭਿਕ੍ਖਾਚਰਿਯਂ ਚਰਾਮਿ॥
Tamaddasaṃ phalahetu vibhaggaṃ, taṃ disvā bhikkhācariyaṃ carāmi.
੯੧.
91.
ਸੇਲਂ ਸੁਮਟ੍ਠਂ ਨਰવੀਰਨਿਟ੍ਠਿਤਂ 3, ਨਾਰੀ ਯੁਗਂ ਧਾਰਯਿ ਅਪ੍ਪਸਦ੍ਦਂ।
Selaṃ sumaṭṭhaṃ naravīraniṭṭhitaṃ 4, nārī yugaṃ dhārayi appasaddaṃ;
ਦੁਤਿਯਞ੍ਚ ਆਗਮ੍ਮ ਅਹੋਸਿ ਸਦ੍ਦੋ, ਤਂ ਦਿਸ੍વਾ ਭਿਕ੍ਖਾਚਰਿਯਂ ਚਰਾਮਿ॥
Dutiyañca āgamma ahosi saddo, taṃ disvā bhikkhācariyaṃ carāmi.
੯੨.
92.
ਦਿਜਾ ਦਿਜਂ ਕੁਣਪਮਾਹਰਨ੍ਤਂ, ਏਕਂ ਸਮਾਨਂ ਬਹੁਕਾ ਸਮੇਚ੍ਚ।
Dijā dijaṃ kuṇapamāharantaṃ, ekaṃ samānaṃ bahukā samecca;
ਆਹਾਰਹੇਤੂ ਪਰਿਪਾਤਯਿਂਸੁ, ਤਂ ਦਿਸ੍વਾ ਭਿਕ੍ਖਾਚਰਿਯਂ ਚਰਾਮਿ॥
Āhārahetū paripātayiṃsu, taṃ disvā bhikkhācariyaṃ carāmi.
੯੩.
93.
ਉਸਭਾਹਮਦ੍ਦਂ ਯੂਥਸ੍ਸ ਮਜ੍ਝੇ, ਚਲਕ੍ਕਕੁਂ વਣ੍ਣਬਲੂਪਪਨ੍ਨਂ।
Usabhāhamaddaṃ yūthassa majjhe, calakkakuṃ vaṇṇabalūpapannaṃ;
ਤਮਦ੍ਦਸਂ ਕਾਮਹੇਤੁ વਿਤੁਨ੍ਨਂ, ਤਂ ਦਿਸ੍વਾ ਭਿਕ੍ਖਾਚਰਿਯਂ ਚਰਾਮਿ॥
Tamaddasaṃ kāmahetu vitunnaṃ, taṃ disvā bhikkhācariyaṃ carāmi.
੯੪.
94.
ਨਿਮਿਰਾਜਾ વਿਦੇਹਾਨਂ, ਪਞ੍ਚਾਲਾਨਞ੍ਚ ਦੁਮ੍ਮੁਖੋ।
Nimirājā videhānaṃ, pañcālānañca dummukho;
ਏਤੇ ਰਟ੍ਠਾਨਿ ਹਿਤ੍વਾਨ, ਪਬ੍ਬਜਿਂਸੁ ਅਕਿਞ੍ਚਨਾ॥
Ete raṭṭhāni hitvāna, pabbajiṃsu akiñcanā.
੯੫.
95.
ਸਬ੍ਬੇਪਿਮੇ ਦੇવਸਮਾ ਸਮਾਗਤਾ, ਅਗ੍ਗੀ ਯਥਾ ਪਜ੍ਜਲਿਤੋ ਤਥੇવਿਮੇ।
Sabbepime devasamā samāgatā, aggī yathā pajjalito tathevime;
ਅਹਮ੍ਪਿ ਏਕੋ ਚਰਿਸ੍ਸਾਮਿ ਭਗ੍ਗવਿ, ਹਿਤ੍વਾਨ ਕਾਮਾਨਿ ਯਥੋਧਿਕਾਨਿ॥
Ahampi eko carissāmi bhaggavi, hitvāna kāmāni yathodhikāni.
੯੬.
96.
ਅਯਮੇવ ਕਾਲੋ ਨ ਹਿ ਅਞ੍ਞੋ ਅਤ੍ਥਿ, ਅਨੁਸਾਸਿਤਾ ਮੇ ਨ ਭવੇਯ੍ਯ ਪਚ੍ਛਾ।
Ayameva kālo na hi añño atthi, anusāsitā me na bhaveyya pacchā;
ਅਹਮ੍ਪਿ ਏਕਾ ਚਰਿਸ੍ਸਾਮਿ ਭਗ੍ਗવ, ਸਕੁਣੀવ ਮੁਤ੍ਤਾ ਪੁਰਿਸਸ੍ਸ ਹਤ੍ਥਾ॥
Ahampi ekā carissāmi bhaggava, sakuṇīva muttā purisassa hatthā.
੯੭.
97.
ਆਮਂ ਪਕ੍ਕਞ੍ਚ ਜਾਨਨ੍ਤਿ, ਅਥੋ ਲੋਣਂ ਅਲੋਣਕਂ।
Āmaṃ pakkañca jānanti, atho loṇaṃ aloṇakaṃ;
ਤਮਹਂ ਦਿਸ੍વਾਨ ਪਬ੍ਬਜਿਂ, ਚਰੇવ ਤ੍વਂ ਚਰਾਮਹਨ੍ਤਿ॥
Tamahaṃ disvāna pabbajiṃ, careva tvaṃ carāmahanti.
ਕੁਮ੍ਭਕਾਰਜਾਤਕਂ ਤਤਿਯਂ।
Kumbhakārajātakaṃ tatiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੪੦੮] ੩. ਕੁਮ੍ਭਕਾਰਜਾਤਕવਣ੍ਣਨਾ • [408] 3. Kumbhakārajātakavaṇṇanā
