| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၀. ကုမ္ဘဏ္ဍသုတ္တံ
10. Kumbhaṇḍasuttaṃ
၂၁၁. ‘‘ဣဓာဟံ, အာဝုသော, ဂိဇ္ဈကူဋာ ပဗ္ဗတာ ဩရောဟန္တော အဒ္ဒသံ ကုမ္ဘဏ္ဍံ ပုရိသံ ဝေဟာသံ ဂစ္ဆန္တံ။ သော ဂစ္ဆန္တောပိ တေဝ အဏ္ဍေ ခန္ဓေ အာရောပေတ္ဝာ ဂစ္ဆတိ။ နိသီဒန္တောပိ တေသ္ဝေဝ အဏ္ဍေသု နိသီဒတိ။ တမေနံ ဂိဇ္ဈာပိ ကာကာပိ ကုလလာပိ အနုပတိတ္ဝာ အနုပတိတ္ဝာ ဝိတစ္ဆေန္တိ ဝိရာဇေန္တိ။ သော သုဒံ အဋ္ဋသ္သရံ ကရောတိ။ပေ.။ ဧသော, ဘိက္ခဝေ, သတ္တော ဣမသ္မိံယေဝ ရာဇဂဟေ ဂာမကူဋကော အဟောသိ။ပေ.။။ ဒသမံ။
211. ‘‘Idhāhaṃ, āvuso, gijjhakūṭā pabbatā orohanto addasaṃ kumbhaṇḍaṃ purisaṃ vehāsaṃ gacchantaṃ. So gacchantopi teva aṇḍe khandhe āropetvā gacchati. Nisīdantopi tesveva aṇḍesu nisīdati. Tamenaṃ gijjhāpi kākāpi kulalāpi anupatitvā anupatitvā vitacchenti virājenti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe gāmakūṭako ahosi…pe…. Dasamaṃ.
ပဌမော ဝဂ္ဂော။
Paṭhamo vaggo.
တသ္သုဒ္ဒာနံ –
Tassuddānaṃ –
အဋ္ဌိ ပေသိ ဥဘော ဂာဝဃာတကာ၊
Aṭṭhi pesi ubho gāvaghātakā,
ပိဏ္ဍော သာကုဏိယော နိစ္ဆဝောရဗ္ဘိ။
Piṇḍo sākuṇiyo nicchavorabbhi;
အသိ သူကရိကော သတ္တိမာဂဝိ၊
Asi sūkariko sattimāgavi,
ဥသု ကာရဏိကော သူစိ သာရထိ။
Usu kāraṇiko sūci sārathi;
ယော စ သိဗ္ဗိယတိ သူစကော ဟိ သော၊
Yo ca sibbiyati sūcako hi so,
အဏ္ဍဘာရိ အဟု ဂာမကူဋကောတိ။
Aṇḍabhāri ahu gāmakūṭakoti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၀. ကုမ္ဘဏ္ဍသုတ္တဝဏ္ဏနာ • 10. Kumbhaṇḍasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၀. ကုမ္ဘဏ္ဍသုတ္တဝဏ္ဏနာ • 10. Kumbhaṇḍasuttavaṇṇanā
