| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१८. कुमुदवग्गो
18. Kumudavaggo
१. कुमुदमालियत्थेरअपदानं
1. Kumudamāliyattheraapadānaṃ
१.
1.
‘‘पब्बते हिमवन्तम्हि, महाजातस्सरो अहु।
‘‘Pabbate himavantamhi, mahājātassaro ahu;
तत्थजो रक्खसो आसिं, घोररूपो महब्बलो॥
Tatthajo rakkhaso āsiṃ, ghorarūpo mahabbalo.
२.
2.
‘‘कुमुदं पुप्फते तत्थ, चक्कमत्तानि जायरे।
‘‘Kumudaṃ pupphate tattha, cakkamattāni jāyare;
ओचिनामि च तं पुप्फं, बलिनो समितिं तदा॥
Ocināmi ca taṃ pupphaṃ, balino samitiṃ tadā.
३.
3.
‘‘अत्थदस्सी तु भगवा, द्विपदिन्दो नरासभो।
‘‘Atthadassī tu bhagavā, dvipadindo narāsabho;
४.
4.
‘‘उपागतञ्च सम्बुद्धं, देवदेवं नरासभं।
‘‘Upāgatañca sambuddhaṃ, devadevaṃ narāsabhaṃ;
सब्बञ्च पुप्फं पग्गय्ह, बुद्धस्स अभिरोपयिं॥
Sabbañca pupphaṃ paggayha, buddhassa abhiropayiṃ.
५.
5.
तावच्छदनसम्पन्नो, अगमासि तथागतो॥
Tāvacchadanasampanno, agamāsi tathāgato.
६.
6.
‘‘अट्ठारसे कप्पसते, यं पुप्फमभिरोपयिं।
‘‘Aṭṭhārase kappasate, yaṃ pupphamabhiropayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
७.
7.
‘‘इतो पन्नरसे कप्पे, सत्ताहेसुं जनाधिपा।
‘‘Ito pannarase kappe, sattāhesuṃ janādhipā;
सहस्सरथनामा ते, चक्कवत्ती महब्बला॥
Sahassarathanāmā te, cakkavattī mahabbalā.
८.
8.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा कुमुदमालियो थेरो इमा गाथायो अभासित्थाति।
Itthaṃ sudaṃ āyasmā kumudamāliyo thero imā gāthāyo abhāsitthāti.
कुमुदमालियत्थेरस्सापदानं पठमं।
Kumudamāliyattherassāpadānaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १. कुमुदमालियत्थेरअपदानवण्णना • 1. Kumudamāliyattheraapadānavaṇṇanā
