| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[109] 9. гун̣д̣агабууваж̇аад̇агаван̣н̣анаа
[109] 9. Kuṇḍakapūvajātakavaṇṇanā
яат̇анно бурисо ход̇ийд̇и ид̣̇ам̣ сад̇т̇аа саавад̇т̇ияам̣ вихаранд̇о махаад̣̇уг̇г̇ад̇ам̣ аараб̣бха гат̇зси. саавад̇т̇ияан̃хи гад̣̇аажи згамзва гулам̣ б̣уд̣̇д̇хаббамукасса бхигкусан̇гхасса д̣̇аанам̣ д̣̇зд̇и, гад̣̇аажи д̇ийн̣и жад̇д̇аари згад̇о худ̇ваа, гад̣̇аажи г̇ан̣аб̣анд̇ханзна, гад̣̇аажи вийт̇исабхааг̇зна, гад̣̇аажи сагаланаг̇арам̣ чанд̣̇агам̣ сам̣харид̇ваа. д̇ад̣̇аа бана вийт̇ибхад̇д̇ам̣ наама ахоси. ат̇а мануссаа б̣уд̣̇д̇хаббамукасса бхигкусан̇гхасса яааг̇ум̣ д̣̇ад̇ваа ‘‘каж̇ж̇агам̣ аахарат̇аа’’д̇и аахам̣су. д̇ад̣̇аа банзго барзсам̣ бхад̇игаараго д̣̇уг̇г̇ад̇амануссо д̇ассам̣ вийт̇ияам̣ васамаано жинд̇зси ‘‘ахам̣ яааг̇ум̣ д̣̇аад̇ум̣ на сагкиссаами, каж̇ж̇агам̣ бана д̣̇ассаамий’’д̇и сан̣хасан̣хам̣ гун̣д̣агам̣ вад̣дхаабзд̇ваа уд̣̇агзна д̇змзд̇ваа аггабан̣н̣зна взтзд̇ваа гуггул̣з бажид̇ваа ‘‘ид̣̇ам̣ б̣уд̣̇д̇хасса д̣̇ассаамий’’д̇и д̇ам̣ аад̣̇ааяа г̇анд̇ваа сад̇т̇у санд̇игз тид̇о ‘‘каж̇ж̇агам̣ аахарат̇аа’’д̇и згасмим̣ важанз вуд̇д̇амад̇д̇з саб̣б̣абатамам̣ г̇анд̇ваа д̇ам̣ буувам̣ сад̇т̇у бад̇д̇з бад̇идтаабзси, сад̇т̇аа ан̃н̃зхи д̣̇ийяамаанам̣ каж̇ж̇агам̣ аг̇г̇ахзд̇ваа д̇амзва буувакаж̇ж̇агам̣ барибхун̃ж̇и.
Yathanno puriso hotīti idaṃ satthā sāvatthiyaṃ viharanto mahāduggataṃ ārabbha kathesi. Sāvatthiyañhi kadāci ekameva kulaṃ buddhappamukhassa bhikkhusaṅghassa dānaṃ deti, kadāci tīṇi cattāri ekato hutvā, kadāci gaṇabandhanena, kadāci vīthisabhāgena, kadāci sakalanagaraṃ chandakaṃ saṃharitvā. Tadā pana vīthibhattaṃ nāma ahosi. Atha manussā buddhappamukhassa bhikkhusaṅghassa yāguṃ datvā ‘‘khajjakaṃ āharathā’’ti āhaṃsu. Tadā paneko paresaṃ bhatikārako duggatamanusso tassaṃ vīthiyaṃ vasamāno cintesi ‘‘ahaṃ yāguṃ dātuṃ na sakkhissāmi, khajjakaṃ pana dassāmī’’ti saṇhasaṇhaṃ kuṇḍakaṃ vaḍḍhāpetvā udakena temetvā akkapaṇṇena veṭhetvā kukkuḷe pacitvā ‘‘idaṃ buddhassa dassāmī’’ti taṃ ādāya gantvā satthu santike ṭhito ‘‘khajjakaṃ āharathā’’ti ekasmiṃ vacane vuttamatte sabbapaṭhamaṃ gantvā taṃ pūvaṃ satthu patte patiṭṭhāpesi, satthā aññehi dīyamānaṃ khajjakaṃ aggahetvā tameva pūvakhajjakaṃ paribhuñji.
д̇асмим̣язва бана кан̣з ‘‘саммаасамб̣уд̣̇д̇хзна гира махаад̣̇уг̇г̇ад̇асса гун̣д̣агакаж̇ж̇агам̣ аж̇иг̇ужчид̇ваа амад̇ам̣ вияа барибхуд̇д̇а’’нд̇и сагаланаг̇арам̣ згаголаахалам̣ ахоси. рааж̇арааж̇амахаамад̇д̇аад̣̇аяо анд̇амасо д̣̇овааригз убаад̣̇ааяа саб̣б̣зва саннибад̇ид̇ваа сад̇т̇аарам̣ ванд̣̇ид̇ваа махаад̣̇уг̇г̇ад̇ам̣ убасан̇гамид̇ваа ‘‘ханд̣̇а бхо, сад̇ам̣ г̇ахзд̇ваа, д̣̇вз сад̇аани г̇ахзд̇ваа, бан̃жа сад̇аани г̇ахзд̇ваа амхаагам̣ бад̇д̇им̣ д̣̇зхий’’д̇и вад̣̇им̣су. со ‘‘сад̇т̇аарам̣ бадибужчид̇ваа ж̇ааниссаамий’’д̇и сад̇т̇у санд̇игам̣ г̇анд̇ваа д̇амад̇т̇ам̣ аарожзси. сад̇т̇аа ‘‘д̇ханам̣ г̇ахзд̇ваа ваа аг̇г̇ахзд̇ваа ваа саб̣б̣асад̇д̇аанам̣ бад̇д̇им̣ д̣̇зхий’’д̇и ааха. со д̇ханам̣ г̇ахзд̇ум̣ аарабхи. мануссаа д̣̇иг̇ун̣ажад̇уг̇г̇ун̣аадтаг̇ун̣аад̣̇ивасзна д̣̇ад̣̇анд̇аа нава хиран̃н̃агодияо ад̣̇ам̣су. сад̇т̇аа анумод̣̇анам̣ гад̇ваа вихаарам̣ г̇анд̇ваа бхигкуухи вад̇д̇з д̣̇ассид̇з суг̇ад̇оваад̣̇ам̣ д̣̇ад̇ваа г̇анд̇хагудим̣ баависи. рааж̇аа сааяанхасамаяз махаад̣̇уг̇г̇ад̇ам̣ баггосаабзд̇ваа сздтидтаанзна бууж̇зси.
Tasmiṃyeva pana khaṇe ‘‘sammāsambuddhena kira mahāduggatassa kuṇḍakakhajjakaṃ ajigucchitvā amataṃ viya paribhutta’’nti sakalanagaraṃ ekakolāhalaṃ ahosi. Rājarājamahāmattādayo antamaso dovārike upādāya sabbeva sannipatitvā satthāraṃ vanditvā mahāduggataṃ upasaṅkamitvā ‘‘handa bho, sataṃ gahetvā, dve satāni gahetvā, pañca satāni gahetvā amhākaṃ pattiṃ dehī’’ti vadiṃsu. So ‘‘satthāraṃ paṭipucchitvā jānissāmī’’ti satthu santikaṃ gantvā tamatthaṃ ārocesi. Satthā ‘‘dhanaṃ gahetvā vā aggahetvā vā sabbasattānaṃ pattiṃ dehī’’ti āha. So dhanaṃ gahetuṃ ārabhi. Manussā diguṇacatugguṇaaṭṭhaguṇādivasena dadantā nava hiraññakoṭiyo adaṃsu. Satthā anumodanaṃ katvā vihāraṃ gantvā bhikkhūhi vatte dassite sugatovādaṃ datvā gandhakuṭiṃ pāvisi. Rājā sāyanhasamaye mahāduggataṃ pakkosāpetvā seṭṭhiṭṭhānena pūjesi.
бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, сад̇т̇аа махаад̣̇уг̇г̇ад̇зна д̣̇иннам̣ гун̣д̣агабуувам̣ аж̇иг̇ужчанд̇о амад̇ам̣ вияа барибхун̃ж̇и, махаад̣̇уг̇г̇ад̇оби б̣ахуд̇ханан̃жа сздтидтаанан̃жа лабхид̇ваа махаасамбад̇д̇им̣ бад̇д̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва маяаа аж̇иг̇ужчанд̇зна д̇асса гун̣д̣агабууво барибхуд̇д̇о, буб̣б̣зби ругкад̣̇звад̇ааяа худ̇ваа барибхуд̇д̇оязва, д̇ад̣̇ааби жзса мам̣ ниссааяа сздтидтаанам̣ алад̇т̇зваа’’д̇и вад̇ваа ад̇ийд̇ам̣ аахари.
Bhikkhū dhammasabhāyaṃ kathaṃ samuṭṭhāpesuṃ ‘‘āvuso, satthā mahāduggatena dinnaṃ kuṇḍakapūvaṃ ajigucchanto amataṃ viya paribhuñji, mahāduggatopi bahudhanañca seṭṭhiṭṭhānañca labhitvā mahāsampattiṃ patto’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva mayā ajigucchantena tassa kuṇḍakapūvo paribhutto, pubbepi rukkhadevatāya hutvā paribhuttoyeva, tadāpi cesa maṃ nissāya seṭṭhiṭṭhānaṃ alatthevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ таанз зран̣д̣аругкз ругкад̣̇звад̇аа худ̇ваа ниб̣б̣ад̇д̇и. д̇ад̣̇аа д̇асмим̣ г̇аамагз мануссаа д̣̇звад̇ааман̇г̇алигаа хонд̇и. ат̇згасмим̣ чан̣з самбад̇д̇з мануссаа ад̇д̇ано ад̇д̇ано ругкад̣̇звад̇аанам̣ б̣алигаммам̣ агам̣су. ат̇зго д̣̇уг̇г̇ад̇амануссо д̇з мануссз ругкад̣̇звад̇аа бадиж̇аг̇г̇анд̇з д̣̇исваа згам̣ зран̣д̣аругкам̣ бадиж̇аг̇г̇и. д̇з мануссаа ад̇д̇ано ад̇д̇ано д̣̇звад̇аанам̣ наанаббагаараани маалааг̇анд̇хавилзбанаад̣̇ийни жзва каж̇ж̇абхож̇ж̇аани жа аад̣̇ааяа г̇ажчим̣су. со бана гун̣д̣агабууван̃жзва ул̣ун̇гзна жа уд̣̇агам̣ аад̣̇ааяа г̇анд̇ваа зран̣д̣аругкасса авид̣̇уурз тад̇ваа жинд̇зси ‘‘д̣̇звад̇аа наама д̣̇иб̣б̣акаж̇ж̇агаани каад̣̇анд̇и, маяхам̣ д̣̇звад̇аа имам̣ гун̣д̣агабуувам̣ на каад̣̇иссад̇и, гим̣ имам̣ агааран̣зна наасзми, ахамзва нам̣ каад̣̇иссаамий’’д̇и д̇ад̇ова нивад̇д̇и. б̣од̇хисад̇д̇о канд̇хавидабз тад̇ваа ‘‘бхо буриса, сажз д̇вам̣ иссаро бхавзяяааси, маяхам̣ мад̇хуракаж̇ж̇агам̣ д̣̇ад̣̇зяяааси. д̇вам̣ бана д̣̇уг̇г̇ад̇о, ахам̣ д̇ава буувам̣ на каад̣̇ид̇ваа ан̃н̃ам̣ гим̣ каад̣̇иссаами, маа мз годтаасам̣ наасзхий’’д̇и вад̇ваа имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto ekasmiṃ ṭhāne eraṇḍarukkhe rukkhadevatā hutvā nibbatti. Tadā tasmiṃ gāmake manussā devatāmaṅgalikā honti. Athekasmiṃ chaṇe sampatte manussā attano attano rukkhadevatānaṃ balikammaṃ akaṃsu. Atheko duggatamanusso te manusse rukkhadevatā paṭijaggante disvā ekaṃ eraṇḍarukkhaṃ paṭijaggi. Te manussā attano attano devatānaṃ nānappakārāni mālāgandhavilepanādīni ceva khajjabhojjāni ca ādāya gacchiṃsu. So pana kuṇḍakapūvañceva uḷuṅkena ca udakaṃ ādāya gantvā eraṇḍarukkhassa avidūre ṭhatvā cintesi ‘‘devatā nāma dibbakhajjakāni khādanti, mayhaṃ devatā imaṃ kuṇḍakapūvaṃ na khādissati, kiṃ imaṃ akāraṇena nāsemi, ahameva naṃ khādissāmī’’ti tatova nivatti. Bodhisatto khandhaviṭape ṭhatvā ‘‘bho purisa, sace tvaṃ issaro bhaveyyāsi, mayhaṃ madhurakhajjakaṃ dadeyyāsi. Tvaṃ pana duggato, ahaṃ tava pūvaṃ na khāditvā aññaṃ kiṃ khādissāmi, mā me koṭṭhāsaṃ nāsehī’’ti vatvā imaṃ gāthamāha –
109.
109.
‘‘яат̇анно бурисо ход̇и, д̇ат̇аннаа д̇асса д̣̇звад̇аа;
‘‘Yathanno puriso hoti, tathannā tassa devatā;
аахарзд̇ам̣ гун̣д̣абуувам̣, маа мз бхааг̇ам̣ винаасаяаа’’д̇и.
Āharetaṃ kuṇḍapūvaṃ, mā me bhāgaṃ vināsayā’’ti.
д̇ад̇т̇а яат̇аннод̇и яат̇ааруубабхож̇ано ход̇и. д̇ат̇аннаад̇и д̇асса бурисасса д̣̇звад̇ааби д̇ат̇ааруубабхож̇анаава ход̇и. аахарзд̇ам̣ гун̣д̣абууванд̇и зд̇ам̣ гун̣д̣агзна баггабуувам̣ аанзхи, маяхам̣ бхааг̇ам̣ маа винаасзхийд̇и.
Tattha yathannoti yathārūpabhojano hoti. Tathannāti tassa purisassa devatāpi tathārūpabhojanāva hoti. Āharetaṃ kuṇḍapūvanti etaṃ kuṇḍakena pakkapūvaṃ ānehi, mayhaṃ bhāgaṃ mā vināsehīti.
со нивад̇д̇ид̇ваа б̣од̇хисад̇д̇ам̣ ологзд̇ваа б̣алигаммамагааси. б̣од̇хисад̇д̇о д̇ад̇о ож̇ам̣ барибхун̃ж̇ид̇ваа ‘‘буриса, д̇вам̣ гимад̇т̇ам̣ мам̣ бадиж̇аг̇г̇асий’’д̇и ааха. ‘‘д̣̇уг̇г̇ад̇омхи, саами, д̇ам̣ ниссааяа д̣̇уг̇г̇ад̇абхаавад̇о мужжид̇угаамад̇ааяа бадиж̇аг̇г̇аамий’’д̇и. ‘‘бхо буриса, маа жинд̇аяи, д̇аяаа гад̇ан̃н̃усса гад̇авзд̣̇ино бууж̇аа гад̇аа, имам̣ зран̣д̣ам̣ баригкибид̇ваа нид̇хигумбхияо г̇ийвааяа г̇ийвам̣ аахажжатид̇аа. д̇вам̣ ран̃н̃о аажигкид̇ваа сагадзхи д̇ханам̣ аахараабзд̇ваа рааж̇ан̇г̇ан̣з раасим̣ гаарзхи, рааж̇аа д̇з д̇уссид̇ваа сздтидтаанам̣ д̣̇ассад̇ий’’д̇и вад̇ваа б̣од̇хисад̇д̇о анд̇арад̇хааяи. со д̇ат̇аа агааси. рааж̇ааби д̇асса сздтидтаанам̣ ад̣̇ааси. ид̇и со б̣од̇хисад̇д̇ам̣ ниссааяа махаасамбад̇д̇им̣ бад̇ваа яат̇аагаммам̣ г̇ад̇о.
So nivattitvā bodhisattaṃ oloketvā balikammamakāsi. Bodhisatto tato ojaṃ paribhuñjitvā ‘‘purisa, tvaṃ kimatthaṃ maṃ paṭijaggasī’’ti āha. ‘‘Duggatomhi, sāmi, taṃ nissāya duggatabhāvato muccitukāmatāya paṭijaggāmī’’ti. ‘‘Bho purisa, mā cintayi, tayā kataññussa katavedino pūjā katā, imaṃ eraṇḍaṃ parikkhipitvā nidhikumbhiyo gīvāya gīvaṃ āhaccaṭhitā. Tvaṃ rañño ācikkhitvā sakaṭehi dhanaṃ āharāpetvā rājaṅgaṇe rāsiṃ kārehi, rājā te tussitvā seṭṭhiṭṭhānaṃ dassatī’’ti vatvā bodhisatto antaradhāyi. So tathā akāsi. Rājāpi tassa seṭṭhiṭṭhānaṃ adāsi. Iti so bodhisattaṃ nissāya mahāsampattiṃ patvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̣̇уг̇г̇ад̇о зд̇арахи д̣̇уг̇г̇ад̇ова, зран̣д̣аругкад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā duggato etarahi duggatova, eraṇḍarukkhadevatā pana ahameva ahosi’’nti.
гун̣д̣агабууваж̇аад̇агаван̣н̣анаа навамаа.
Kuṇḍakapūvajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 109. гун̣д̣абууваж̇аад̇агам̣ • 109. Kuṇḍapūvajātakaṃ
