| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[276] 6. гуруд̇хаммаж̇аад̇агаван̣н̣анаа
[276] 6. Kurudhammajātakavaṇṇanā
д̇ава сад̣̇д̇хан̃жа сийлан̃жаад̇и ид̣̇ам̣ сад̇т̇аа ж̇зд̇аванз вихаранд̇о згам̣ хам̣сагхаад̇агабхигкум̣ аараб̣бха гат̇зси. саавад̇т̇иваасино д̣̇вз сахааяагаа бхигкуу баб̣б̣аж̇ид̇ваа лад̣̇д̇хуубасамбад̣̇аа язбхуяязна згад̇о вижаранд̇и. д̇з згад̣̇ивасам̣ ажиравад̇им̣ г̇анд̇ваа нхад̇ваа ваалугабулинз аад̇абам̣ д̇аббамаанаа сааран̣ийяагат̇ам̣ гат̇знд̇аа адтам̣су, д̇асмим̣ кан̣з д̣̇вз хам̣саа аагаасзна г̇ажчанд̇и. ат̇зго д̣̇ахарабхигку сагкарам̣ г̇ахзд̇ваа ‘‘згасса хам̣сабод̇агасса агким̣ бахариссаамий’’д̇и ааха, ид̇аро ‘‘на сагкиссасий’’д̇и ааха. ‘‘д̇идтад̇у имасмим̣ бассз агки, барабассз агким̣ бахариссаамий’’д̇и. ‘‘ид̣̇амби на сагкиссасиязваа’’д̇и. ‘‘д̇зна хи убад̇хаарзхий’’д̇и д̇ияам̣сам̣ сагкарам̣ г̇ахзд̇ваа хам̣сасса бажчаабхааг̇з киби. хам̣со сагкарасад̣̇д̣̇ам̣ суд̇ваа нивад̇д̇ид̇ваа ологзси, ат̇а нам̣ ид̇аро ваддасагкарам̣ г̇ахзд̇ваа барабассз агкимхи бахарид̇ваа оримагкинаа нигкамаабзси. хам̣со вираванд̇о баривад̇д̇ид̇ваа д̇зсам̣ баад̣̇амуулзязва бад̇и. д̇ад̇т̇а д̇ад̇т̇а тид̇аа бхигкуу д̣̇исваа ааг̇анд̇ваа ‘‘аавусо, зваруубз нияяаанигасаасанз баб̣б̣аж̇ид̇ваа ананужчавигам̣ во гад̇ам̣ баан̣аад̇ибаад̇ам̣ гаронд̇зхий’’д̇и вад̇ваа д̇з аад̣̇ааяа д̇ат̇ааг̇ад̇асса д̣̇ассзсум̣. сад̇т̇аа ‘‘сажжам̣, гира д̇аяаа бхигку баан̣аад̇ибаад̇о гад̇о’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘бхигку, гасмаа зваруубз нияяаанигасаасанз баб̣б̣аж̇ид̇ваа звамагааси, бораан̣агабан̣д̣ид̇аа ануббаннз б̣уд̣̇д̇хз аг̇аарамаж̇жхз сам̣гилидтаваасам̣ васамаанаа аббамад̇д̇агзсуби таанзсу гуггужжам̣ гарим̣су, д̇вам̣ бана зваруубз нияяаанигасаасанз баб̣б̣аж̇ид̇ваа гуггужжамад̇д̇амби на агааси, нану наама бхигкунаа гааяаваажаажид̇д̇зхи сан̃н̃ад̇зна бхавид̇аб̣б̣а’’нд̇и вад̇ваа ад̇ийд̇ам̣ аахари.
Tava saddhañca sīlañcāti idaṃ satthā jetavane viharanto ekaṃ haṃsaghātakabhikkhuṃ ārabbha kathesi. Sāvatthivāsino dve sahāyakā bhikkhū pabbajitvā laddhūpasampadā yebhuyyena ekato vicaranti. Te ekadivasaṃ aciravatiṃ gantvā nhatvā vālukapuline ātapaṃ tappamānā sāraṇīyakathaṃ kathentā aṭṭhaṃsu, tasmiṃ khaṇe dve haṃsā ākāsena gacchanti. Atheko daharabhikkhu sakkharaṃ gahetvā ‘‘ekassa haṃsapotakassa akkhiṃ paharissāmī’’ti āha, itaro ‘‘na sakkhissasī’’ti āha. ‘‘Tiṭṭhatu imasmiṃ passe akkhi, parapasse akkhiṃ paharissāmī’’ti. ‘‘Idampi na sakkhissasiyevā’’ti. ‘‘Tena hi upadhārehī’’ti tiyaṃsaṃ sakkharaṃ gahetvā haṃsassa pacchābhāge khipi. Haṃso sakkharasaddaṃ sutvā nivattitvā olokesi, atha naṃ itaro vaṭṭasakkharaṃ gahetvā parapasse akkhimhi paharitvā orimakkhinā nikkhamāpesi. Haṃso viravanto parivattitvā tesaṃ pādamūleyeva pati. Tattha tattha ṭhitā bhikkhū disvā āgantvā ‘‘āvuso, evarūpe niyyānikasāsane pabbajitvā ananucchavikaṃ vo kataṃ pāṇātipātaṃ karontehī’’ti vatvā te ādāya tathāgatassa dassesuṃ. Satthā ‘‘saccaṃ, kira tayā bhikkhu pāṇātipāto kato’’ti pucchitvā ‘‘saccaṃ, bhante’’ti vutte ‘‘bhikkhu, kasmā evarūpe niyyānikasāsane pabbajitvā evamakāsi, porāṇakapaṇḍitā anuppanne buddhe agāramajjhe saṃkiliṭṭhavāsaṃ vasamānā appamattakesupi ṭhānesu kukkuccaṃ kariṃsu, tvaṃ pana evarūpe niyyānikasāsane pabbajitvā kukkuccamattampi na akāsi, nanu nāma bhikkhunā kāyavācācittehi saññatena bhavitabba’’nti vatvā atītaṃ āhari.
ад̇ийд̇з гурурадтз инд̣̇абад̇т̇анаг̇арз д̇ханан̃жаяз гораб̣яз раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа гужчимхи бадисанд̇хим̣ г̇ахзд̇ваа анубуб̣б̣зна вин̃н̃уд̇ам̣ бад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа бид̇араа обараж̇ж̇з бад̇идтаабид̇о абарабхааг̇з бид̇у ажжаязна раж̇ж̇ам̣ бад̇ваа д̣̇аса рааж̇ад̇хаммз агобзнд̇о гуруд̇хаммз вад̇д̇ид̇т̇а. гуруд̇хаммо наама бан̃жа сийлаани, д̇аани б̣од̇хисад̇д̇о барисуд̣̇д̇хаани гад̇ваа рагки. яат̇аа жа б̣од̇хисад̇д̇о, звамасса маад̇аа аг̇г̇амахзсий ганидтабхаад̇аа убарааж̇аа бурохид̇о б̣раахман̣о раж̇ж̇уг̇аахаго амажжо саарат̇и сздти д̣̇он̣амаабаго махаамад̇д̇о д̣̇оваариго наг̇арасобхиний ван̣н̣ад̣̇аасийд̇и звамзд̇з.
Atīte kururaṭṭhe indapatthanagare dhanañcaye korabye rajjaṃ kārente bodhisatto tassa aggamahesiyā kucchimhi paṭisandhiṃ gahetvā anupubbena viññutaṃ patto takkasilāyaṃ sabbasippāni uggaṇhitvā pitarā oparajje patiṭṭhāpito aparabhāge pitu accayena rajjaṃ patvā dasa rājadhamme akopento kurudhamme vattittha. Kurudhammo nāma pañca sīlāni, tāni bodhisatto parisuddhāni katvā rakkhi. Yathā ca bodhisatto, evamassa mātā aggamahesī kaniṭṭhabhātā uparājā purohito brāhmaṇo rajjugāhako amacco sārathi seṭṭhi doṇamāpako mahāmatto dovāriko nagarasobhinī vaṇṇadāsīti evamete.
‘‘рааж̇аа маад̇аа махзсий жа, убарааж̇аа бурохид̇о;
‘‘Rājā mātā mahesī ca, uparājā purohito;
раж̇ж̇уго саарат̇и сздти, д̣̇он̣о д̣̇оваариго д̇ат̇аа;
Rajjuko sārathi seṭṭhi, doṇo dovāriko tathā;
г̇ан̣игзгаад̣̇аса ж̇анаа, гуруд̇хаммз бад̇идтид̇аа’’д̇и.
Gaṇikekādasa janā, kurudhamme patiṭṭhitā’’ti.
ид̇и имз саб̣б̣зби барисуд̣̇д̇хаани гад̇ваа бан̃жа сийлаани рагким̣су. рааж̇аа жад̇уусу наг̇арад̣̇ваарзсу жа наг̇арамаж̇жхз жа нивзсанад̣̇ваарз жаад̇и ча д̣̇аанасаалааяо гаарзд̇ваа д̣̇звасигам̣ часад̇асахассам̣ д̇ханам̣ виссаж̇ж̇знд̇о сагалаж̇амб̣уд̣̇ийбам̣ уннан̇г̇алам̣ гад̇ваа д̣̇аанам̣ ад̣̇ааси, д̇асса бана д̣̇аанаж̇жхаасаяад̇аа д̣̇аанаабхирад̇ад̇аа сагалаж̇амб̣уд̣̇ийбам̣ аж̇жход̇т̇ари. д̇асмим̣ гаалз гаалин̇г̇арадтз д̣̇анд̇абуранаг̇арз гаалин̇г̇арааж̇аа раж̇ж̇ам̣ гаарзси. д̇асса радтз д̣̇зво на васси, д̇асмим̣ авассанд̇з сагаларадтз чаад̇агам̣ ж̇аад̇ам̣, аахааравибад̇д̇ияаа жа мануссаанам̣ рог̇о уд̣̇абаад̣̇и, д̣̇уб̣б̣удтибхаяам̣ чаад̇агабхаяам̣ рог̇абхаяанд̇и д̇ийн̣и бхаяаани уббаж̇ж̇им̣су. мануссаа ниг̇г̇ахан̣аа д̣̇аарагз хад̇т̇зсу г̇ахзд̇ваа д̇ад̇т̇а д̇ад̇т̇а вижаранд̇и.
Iti ime sabbepi parisuddhāni katvā pañca sīlāni rakkhiṃsu. Rājā catūsu nagaradvāresu ca nagaramajjhe ca nivesanadvāre cāti cha dānasālāyo kāretvā devasikaṃ chasatasahassaṃ dhanaṃ vissajjento sakalajambudīpaṃ unnaṅgalaṃ katvā dānaṃ adāsi, tassa pana dānajjhāsayatā dānābhiratatā sakalajambudīpaṃ ajjhotthari. Tasmiṃ kāle kāliṅgaraṭṭhe dantapuranagare kāliṅgarājā rajjaṃ kāresi. Tassa raṭṭhe devo na vassi, tasmiṃ avassante sakalaraṭṭhe chātakaṃ jātaṃ, āhāravipattiyā ca manussānaṃ rogo udapādi, dubbuṭṭhibhayaṃ chātakabhayaṃ rogabhayanti tīṇi bhayāni uppajjiṃsu. Manussā niggahaṇā dārake hatthesu gahetvā tattha tattha vicaranti.
сагаларадтаваасино згад̇о худ̇ваа д̣̇анд̇абурам̣ г̇анд̇ваа рааж̇ад̣̇ваарз уггудтимагам̣су. рааж̇аа ваад̇абаанам̣ ниссааяа тид̇о д̇ам̣ сад̣̇д̣̇ам̣ суд̇ваа ‘‘гим̣ гааран̣аа зд̇з вираванд̇ий’’д̇и бужчи. ‘‘махаарааж̇а , сагаларадтз д̇ийн̣и бхаяаани уббаннаани, д̣̇зво на вассад̇и, сассаани на вибаннаани, чаад̇агам̣ ж̇аад̇ам̣. мануссаа д̣̇уб̣бхож̇анаа рог̇аабхибхууд̇аа ниг̇г̇ахан̣аа буд̇д̇з хад̇т̇зсу г̇ахзд̇ваа вижаранд̇и, д̣̇звам̣ вассаабзхи махаарааж̇аа’’д̇и. ‘‘бораан̣агарааж̇аано д̣̇звз авассанд̇з гим̣ гаронд̇ий’’д̇и? ‘‘бораан̣агарааж̇аано, махаарааж̇а, д̣̇звз авассанд̇з д̣̇аанам̣ д̣̇ад̇ваа убосат̇ам̣ ад̇хидтааяа самаад̣̇иннасийлаа сириг̇аб̣бхам̣ бависид̇ваа д̣̇аб̣б̣асант̇арз сад̇д̇аахам̣ нибаж̇ж̇анд̇и, д̇ад̣̇аа д̣̇зво вассад̇ий’’д̇и. рааж̇аа ‘‘саад̇хуу’’д̇и самбадижчид̇ваа д̇ат̇аа агааси. звам̣ санд̇зби д̣̇зво на васси.
Sakalaraṭṭhavāsino ekato hutvā dantapuraṃ gantvā rājadvāre ukkuṭṭhimakaṃsu. Rājā vātapānaṃ nissāya ṭhito taṃ saddaṃ sutvā ‘‘kiṃ kāraṇā ete viravantī’’ti pucchi. ‘‘Mahārāja , sakalaraṭṭhe tīṇi bhayāni uppannāni, devo na vassati, sassāni na vipannāni, chātakaṃ jātaṃ. Manussā dubbhojanā rogābhibhūtā niggahaṇā putte hatthesu gahetvā vicaranti, devaṃ vassāpehi mahārājā’’ti. ‘‘Porāṇakarājāno deve avassante kiṃ karontī’’ti? ‘‘Porāṇakarājāno, mahārāja, deve avassante dānaṃ datvā uposathaṃ adhiṭṭhāya samādinnasīlā sirigabbhaṃ pavisitvā dabbasanthare sattāhaṃ nipajjanti, tadā devo vassatī’’ti. Rājā ‘‘sādhū’’ti sampaṭicchitvā tathā akāsi. Evaṃ santepi devo na vassi.
рааж̇аа амажжз бужчи – ‘‘ахам̣ гад̇д̇аб̣б̣агижжам̣ агаасим̣, д̣̇зво на вассад̇и, гинд̇и гаромаа’’д̇и? ‘‘махаарааж̇а, инд̣̇абад̇т̇анаг̇арз д̇ханан̃жаяасса гораб̣яаран̃н̃о ан̃ж̇анаван̣н̣о наама ман̇г̇алахад̇т̇ий ад̇т̇и, д̇ам̣ аанзссаама, звам̣ санд̇з д̣̇зво вассад̇ий’’д̇и. ‘‘со рааж̇аа б̣алавааханасамбанно д̣̇уббасахо, гат̇амасса хад̇т̇им̣ аанзссаамаа’’д̇и? ‘‘махаарааж̇а, д̇зна сад̣̇д̇хим̣ яуд̣̇д̇хагижжам̣ над̇т̇и, д̣̇аанаж̇жхаасаяо рааж̇аа д̣̇аанаабхирад̇о яаажид̇о самаано алан̇гад̇асийсамби чинд̣̇ид̇ваа басаад̣̇асамбаннаани агкийниби уббаадзд̇ваа сагалараж̇ж̇амби нияяаад̣̇зд̇ваа д̣̇ад̣̇зяяа, хад̇т̇имхи вад̇д̇аб̣б̣амзва над̇т̇и, авассам̣ яаажид̇о д̣̇ассад̇ий’’д̇и. ‘‘гз бана д̇ам̣ яаажид̇ум̣ самад̇т̇аа’’д̇и? ‘‘б̣раахман̣аа, махаарааж̇аа’’д̇и. рааж̇аа б̣раахман̣аг̇аамад̇о адта б̣раахман̣з баггосаабзд̇ваа саггаарасаммаанам̣ гад̇ваа хад̇т̇им̣ яаажанад̇т̇ааяа бзсзси. д̇з бариб̣б̣аяам̣ аад̣̇ааяа ад̣̇д̇хигавзсам̣ г̇ахзд̇ваа саб̣б̣ад̇т̇а згарад̇д̇иваасзна д̇урид̇аг̇аманам̣ г̇анд̇ваа гад̇ибаахам̣ наг̇арад̣̇ваарз д̣̇аанасаалаасу бхун̃ж̇ид̇ваа сарийрам̣ санд̇аббзд̇ваа ‘‘гад̣̇аа рааж̇аа д̣̇аанаг̇г̇ам̣ ааг̇ажчиссад̇ий’’д̇и бужчим̣су. мануссаа ‘‘багкасса д̇аяо д̣̇ивасз жаад̇уд̣̇д̣̇асз баннарасз адтамияан̃жа ааг̇ажчад̇и, свз бана бун̣н̣амий, д̇асмаа свз ааг̇ажчиссад̇ий’’д̇и вад̣̇им̣су.
Rājā amacce pucchi – ‘‘ahaṃ kattabbakiccaṃ akāsiṃ, devo na vassati, kinti karomā’’ti? ‘‘Mahārāja, indapatthanagare dhanañcayassa korabyarañño añjanavaṇṇo nāma maṅgalahatthī atthi, taṃ ānessāma, evaṃ sante devo vassatī’’ti. ‘‘So rājā balavāhanasampanno duppasaho, kathamassa hatthiṃ ānessāmā’’ti? ‘‘Mahārāja, tena saddhiṃ yuddhakiccaṃ natthi, dānajjhāsayo rājā dānābhirato yācito samāno alaṅkatasīsampi chinditvā pasādasampannāni akkhīnipi uppāṭetvā sakalarajjampi niyyādetvā dadeyya, hatthimhi vattabbameva natthi, avassaṃ yācito dassatī’’ti. ‘‘Ke pana taṃ yācituṃ samatthā’’ti? ‘‘Brāhmaṇā, mahārājā’’ti. Rājā brāhmaṇagāmato aṭṭha brāhmaṇe pakkosāpetvā sakkārasammānaṃ katvā hatthiṃ yācanatthāya pesesi. Te paribbayaṃ ādāya addhikavesaṃ gahetvā sabbattha ekarattivāsena turitagamanaṃ gantvā katipāhaṃ nagaradvāre dānasālāsu bhuñjitvā sarīraṃ santappetvā ‘‘kadā rājā dānaggaṃ āgacchissatī’’ti pucchiṃsu. Manussā ‘‘pakkhassa tayo divase cātuddase pannarase aṭṭhamiyañca āgacchati, sve pana puṇṇamī, tasmā sve āgacchissatī’’ti vadiṃsu.
б̣раахман̣аа бунад̣̇ивасз баад̇ова г̇анд̇ваа баажийнад̣̇ваарз адтам̣су. б̣од̇хисад̇д̇о баад̇ова нхад̇ваа г̇ад̇д̇аанулид̇д̇о саб̣б̣аалан̇гаарабадиман̣д̣ид̇о алан̇гад̇ахад̇т̇игканд̇хавараг̇ад̇о маханд̇зна бариваарзна баажийнад̣̇ваарзна д̣̇аанасаалам̣ г̇анд̇ваа од̇арид̇ваа сад̇д̇адтаж̇анаанам̣ сахад̇т̇аа бхад̇д̇ам̣ д̣̇ад̇ваа ‘‘иминаава нийхаарзна д̣̇зт̇аа’’д̇и вад̇ваа хад̇т̇им̣ абхирухид̇ваа д̣̇агкин̣ад̣̇ваарам̣ аг̇амааси. б̣раахман̣аа баажийнад̣̇ваарз аарагкасса б̣алавад̇ааяа огаасам̣ алабхид̇ваа д̣̇агкин̣ад̣̇ваарамзва г̇анд̇ваа рааж̇аанам̣ ааг̇ажчанд̇ам̣ ологаяамаанаа д̣̇ваарад̇о наад̇ид̣̇уурз уннад̇адтаанз тид̇аа самбад̇д̇ам̣ рааж̇аанам̣ хад̇т̇з угкибид̇ваа ‘‘ж̇аяад̇у бхавам̣, махаарааж̇аа’’д̇и ж̇аяаабзсум̣. рааж̇аа важ̇иран̇гусзна вааран̣ам̣ нивад̇д̇зд̇ваа д̇зсам̣ санд̇игам̣ г̇анд̇ваа ‘‘бхо б̣раахман̣аа, гим̣ ижчат̇аа’’д̇и бужчи. б̣раахман̣аа б̣од̇хисад̇д̇асса г̇ун̣ам̣ ван̣н̣знд̇аа батамам̣ г̇аат̇амаахам̣су –
Brāhmaṇā punadivase pātova gantvā pācīnadvāre aṭṭhaṃsu. Bodhisatto pātova nhatvā gattānulitto sabbālaṅkārapaṭimaṇḍito alaṅkatahatthikkhandhavaragato mahantena parivārena pācīnadvārena dānasālaṃ gantvā otaritvā sattaṭṭhajanānaṃ sahatthā bhattaṃ datvā ‘‘imināva nīhārena dethā’’ti vatvā hatthiṃ abhiruhitvā dakkhiṇadvāraṃ agamāsi. Brāhmaṇā pācīnadvāre ārakkhassa balavatāya okāsaṃ alabhitvā dakkhiṇadvārameva gantvā rājānaṃ āgacchantaṃ olokayamānā dvārato nātidūre unnataṭṭhāne ṭhitā sampattaṃ rājānaṃ hatthe ukkhipitvā ‘‘jayatu bhavaṃ, mahārājā’’ti jayāpesuṃ. Rājā vajiraṅkusena vāraṇaṃ nivattetvā tesaṃ santikaṃ gantvā ‘‘bho brāhmaṇā, kiṃ icchathā’’ti pucchi. Brāhmaṇā bodhisattassa guṇaṃ vaṇṇentā paṭhamaṃ gāthamāhaṃsu –
76.
76.
‘‘д̇ава сад̣̇д̇хан̃жа сийлан̃жа, вид̣̇ид̇ваана ж̇анаад̇хиба;
‘‘Tava saddhañca sīlañca, viditvāna janādhipa;
ван̣н̣ам̣ ан̃ж̇анаван̣н̣зна, гаалин̇г̇асмим̣ нимимхасз’’д̇и.
Vaṇṇaṃ añjanavaṇṇena, kāliṅgasmiṃ nimimhase’’ti.
д̇ад̇т̇а сад̣̇д̇ханд̇и гаммапалаанам̣ сад̣̇д̣̇аханавасзна огаббанияасад̣̇д̇хам̣. сийланд̇и сам̣варасийлам̣ авийд̇иггамасийлам̣. ван̣н̣анд̇и д̇ад̣̇аа д̇асмим̣ д̣̇зсз суван̣н̣ам̣ вужжад̇и, д̣̇зсанаасийсамзва жзд̇ам̣. иминаа бана бад̣̇зна саб̣б̣амби хиран̃н̃асуван̣н̣аад̣̇ид̇ханад̇хан̃н̃ам̣ сан̇г̇ахид̇ам̣. ан̃ж̇анаван̣н̣знаад̇и ан̃ж̇анабун̃ж̇асамаанаван̣н̣зна иминаа д̇ава нааг̇зна, гаалин̇г̇асминд̇и гаалин̇г̇аран̃н̃о санд̇игз. нимимхасзд̇и винимаяавасзна г̇ан̣химха, барибхог̇авасзна ваа уд̣̇арз багкибимхаад̇и ад̇т̇о. сзд̇и нибаад̇амад̇д̇ам̣. ид̣̇ам̣ вуд̇д̇ам̣ ход̇и – маяан̃хи, ж̇анаад̇хиба, д̇ава сад̣̇д̇хан̃жа сийлан̃жа вид̣̇ид̇ваана ‘‘ад̣̇д̇хаа но звам̣ сад̣̇д̇хаасийласамбанно рааж̇аа яаажид̇о ан̃ж̇анаван̣н̣ам̣ нааг̇ам̣ д̣̇ассад̇ий’’д̇и иминаа ад̇д̇ано санд̇агзна вияа ан̃ж̇анаван̣н̣зна гаалин̇г̇аран̃н̃о санд̇игз нааг̇ам̣ во аахариссаамаад̇и вад̇ваа б̣ахуд̇ханад̇хан̃н̃ам̣ нимимхасз баривад̇д̇аяимха жзва уд̣̇арз жа багкибимха. звам̣ д̇ам̣ маяам̣ д̇хаараяамаанаа ид̇хааг̇ад̇аа. д̇ад̇т̇а гад̇д̇аб̣б̣ам̣ д̣̇зво ж̇аанаад̇ууд̇и.
Tattha saddhanti kammaphalānaṃ saddahanavasena okappaniyasaddhaṃ. Sīlanti saṃvarasīlaṃ avītikkamasīlaṃ. Vaṇṇanti tadā tasmiṃ dese suvaṇṇaṃ vuccati, desanāsīsameva cetaṃ. Iminā pana padena sabbampi hiraññasuvaṇṇādidhanadhaññaṃ saṅgahitaṃ. Añjanavaṇṇenāti añjanapuñjasamānavaṇṇena iminā tava nāgena, kāliṅgasminti kāliṅgarañño santike. Nimimhaseti vinimayavasena gaṇhimha, paribhogavasena vā udare pakkhipimhāti attho. Seti nipātamattaṃ. Idaṃ vuttaṃ hoti – mayañhi, janādhipa, tava saddhañca sīlañca viditvāna ‘‘addhā no evaṃ saddhāsīlasampanno rājā yācito añjanavaṇṇaṃ nāgaṃ dassatī’’ti iminā attano santakena viya añjanavaṇṇena kāliṅgarañño santike nāgaṃ vo āharissāmāti vatvā bahudhanadhaññaṃ nimimhase parivattayimha ceva udare ca pakkhipimha. Evaṃ taṃ mayaṃ dhārayamānā idhāgatā. Tattha kattabbaṃ devo jānātūti.
абаро наяо – д̇ава сад̣̇д̇хан̃жа сийлаг̇ун̣асан̇каад̇ам̣ ван̣н̣ан̃жа суд̇ваа ‘‘ул̣аараг̇ун̣о рааж̇аа ж̇ийвид̇амби яаажид̇о д̣̇ад̣̇зяяа, баг̇зва д̇иражчаанаг̇ад̇ам̣ нааг̇а’’нд̇и звам̣ гаалин̇г̇асса санд̇игз иминаа ан̃ж̇анаван̣н̣зна д̇ава ван̣н̣ам̣ нимимхасз нимимха д̇улаяимха, д̇знамхаа ид̇хааг̇ад̇аад̇и.
Aparo nayo – tava saddhañca sīlaguṇasaṅkhātaṃ vaṇṇañca sutvā ‘‘uḷāraguṇo rājā jīvitampi yācito dadeyya, pageva tiracchānagataṃ nāga’’nti evaṃ kāliṅgassa santike iminā añjanavaṇṇena tava vaṇṇaṃ nimimhase nimimha tulayimha, tenamhā idhāgatāti.
д̇ам̣ суд̇ваа б̣од̇хисад̇д̇о ‘‘сажз, во б̣раахман̣аа, имам̣ нааг̇ам̣ баривад̇д̇зд̇ваа д̇ханам̣ каад̣̇ид̇ам̣ сукаад̣̇ид̇ам̣ маа жинд̇аяид̇т̇а, яат̇аалан̇гад̇амзва во нааг̇ам̣ д̣̇ассаамий’’д̇и самассаасзд̇ваа ид̇араа д̣̇вз г̇аат̇аа авожа –
Taṃ sutvā bodhisatto ‘‘sace, vo brāhmaṇā, imaṃ nāgaṃ parivattetvā dhanaṃ khāditaṃ sukhāditaṃ mā cintayittha, yathālaṅkatameva vo nāgaṃ dassāmī’’ti samassāsetvā itarā dve gāthā avoca –
77.
77.
‘‘аннабхажжаа жабхажжаа жа, яод̇ха уд̣̇д̣̇исса г̇ажчад̇и;
‘‘Annabhaccā cabhaccā ca, yodha uddissa gacchati;
саб̣б̣з д̇з аббадигкиббаа, буб̣б̣аажарияаважо ид̣̇ам̣.
Sabbe te appaṭikkhippā, pubbācariyavaco idaṃ.
78.
78.
‘‘д̣̇ад̣̇аами во б̣раахман̣аа нааг̇амзд̇ам̣, рааж̇аарахам̣ рааж̇абхог̇г̇ам̣ яасассинам̣;
‘‘Dadāmi vo brāhmaṇā nāgametaṃ, rājārahaṃ rājabhoggaṃ yasassinaṃ;
алан̇гад̇ам̣ хзмаж̇аалаабхичаннам̣, сасаарат̇им̣ г̇ажчат̇а язнагаама’’нд̇и.
Alaṅkataṃ hemajālābhichannaṃ, sasārathiṃ gacchatha yenakāma’’nti.
д̇ад̇т̇а аннабхажжаа жабхажжаа жаад̇и бурисам̣ убаниссааяа ж̇ийвамаанаа яааг̇убхад̇д̇аад̣̇инаа аннзна бхарид̇аб̣б̣аад̇и аннабхажжаа, ид̇арз д̇ат̇аа абхарид̇аб̣б̣ад̇д̇аа абхажжаа. санд̇хивасзна банзд̇т̇а агааралобо взд̣̇ид̇аб̣б̣о. зд̇д̇аавад̇аа ад̇д̇аанам̣ убаниссааяа жа анубаниссааяа жа ж̇ийвамаанавасзна саб̣б̣зби сад̇д̇аа д̣̇вз годтаасз гад̇ваа д̣̇ассид̇аа хонд̇и. яод̇ха уд̣̇д̣̇исса г̇ажчад̇ийд̇и д̇зсу сад̇д̇зсу ид̇ха ж̇ийвалогз яо сад̇д̇о яам̣ бурисам̣ гааяажид̣̇зва бажжаасийсанааяа уд̣̇д̣̇исса г̇ажчад̇и. саб̣б̣з д̇з аббадигкиббаад̇и д̇ат̇аа уд̣̇д̣̇исса г̇ажчанд̇аа сажзби б̣ахуу хонд̇и, д̇ат̇ааби д̇зна бурисзна саб̣б̣з д̇з аббадигкиббаа, ‘‘абзт̇а, на во д̣̇ассаамий’’д̇и звам̣ на бадигкибид̇аб̣б̣аад̇и ад̇т̇о. буб̣б̣аажарияаважо ид̣̇анд̇и буб̣б̣аажарияаа вужжанд̇и маад̇аабид̇аро, ид̣̇ам̣ д̇зсам̣ важанам̣. звамахам̣ маад̇аабид̇уухи сигкаабид̇од̇и д̣̇ийбзд̇и.
Tattha annabhaccā cabhaccā cāti purisaṃ upanissāya jīvamānā yāgubhattādinā annena bharitabbāti annabhaccā, itare tathā abharitabbattā abhaccā. Sandhivasena panettha akāralopo veditabbo. Ettāvatā attānaṃ upanissāya ca anupanissāya ca jīvamānavasena sabbepi sattā dve koṭṭhāse katvā dassitā honti. Yodha uddissa gacchatīti tesu sattesu idha jīvaloke yo satto yaṃ purisaṃ kāyacideva paccāsīsanāya uddissa gacchati. Sabbe te appaṭikkhippāti tathā uddissa gacchantā sacepi bahū honti, tathāpi tena purisena sabbe te appaṭikkhippā, ‘‘apetha, na vo dassāmī’’ti evaṃ na paṭikkhipitabbāti attho. Pubbācariyavaco idanti pubbācariyā vuccanti mātāpitaro, idaṃ tesaṃ vacanaṃ. Evamahaṃ mātāpitūhi sikkhāpitoti dīpeti.
д̣̇ад̣̇аами во б̣раахман̣аа нааг̇амзд̇анд̇и яасмаа ид̣̇ам̣ амхаагам̣ буб̣б̣аажарияаважо, д̇асмаахам̣ б̣раахман̣аа д̇умхаагам̣ имам̣ нааг̇ам̣ д̣̇ад̣̇аами. рааж̇аараханд̇и ран̃н̃о анужчавигам̣. рааж̇абхог̇г̇анд̇и рааж̇абарибхог̇ам̣. яасассинанд̇и бариваарасамбаннам̣, д̇ам̣ гира хад̇т̇им̣ ниссааяа хад̇т̇иг̇обагахад̇т̇ивзж̇ж̇аад̣̇ийни бан̃жа гуласад̇аани ж̇ийванд̇и, д̇зхи сад̣̇д̇хин̃н̃зва во д̣̇ад̣̇аамийд̇и ад̇т̇о. алан̇гад̇анд̇и наанаавид̇хзхи хад̇т̇иалан̇гаарзхи алан̇гад̇ам̣. хзмаж̇аалаабхичаннанд̇и суван̣н̣аж̇аалзна абхижчаннам̣. сасаарат̇инд̇и яо банасса саарат̇и хад̇т̇иг̇обаго аажарияо, д̇зна сад̣̇д̇хим̣язва д̣̇ад̣̇аами, д̇асмаа сасаарат̇и худ̇ваа д̇умхз сабариваарам̣ имам̣ нааг̇ам̣ г̇ахзд̇ваа язнагаамам̣ г̇ажчат̇аад̇и.
Dadāmi vo brāhmaṇā nāgametanti yasmā idaṃ amhākaṃ pubbācariyavaco, tasmāhaṃ brāhmaṇā tumhākaṃ imaṃ nāgaṃ dadāmi. Rājārahanti rañño anucchavikaṃ. Rājabhogganti rājaparibhogaṃ. Yasassinanti parivārasampannaṃ, taṃ kira hatthiṃ nissāya hatthigopakahatthivejjādīni pañca kulasatāni jīvanti, tehi saddhiññeva vo dadāmīti attho. Alaṅkatanti nānāvidhehi hatthialaṅkārehi alaṅkataṃ. Hemajālābhichannanti suvaṇṇajālena abhicchannaṃ. Sasārathinti yo panassa sārathi hatthigopako ācariyo, tena saddhiṃyeva dadāmi, tasmā sasārathi hutvā tumhe saparivāraṃ imaṃ nāgaṃ gahetvā yenakāmaṃ gacchathāti.
звам̣ хад̇т̇игканд̇хавараг̇ад̇ова махаасад̇д̇о ваажааяа д̣̇ад̇ваа буна хад̇т̇игканд̇хаа оруяха ‘‘сажз аналан̇гад̇адтаанам̣ ад̇т̇и, алан̇гарид̇ваа д̣̇ассаамий’’д̇и вад̇ваа д̇игкад̇д̇ум̣ бад̣̇агкин̣ам̣ гаронд̇о убад̇хаарзд̇ваа аналан̇гад̇адтаанам̣ ад̣̇исваа д̇асса сон̣д̣ам̣ б̣раахман̣аанам̣ хад̇т̇зсу табзд̇ваа суван̣н̣абхин̇гаарзна бубпаг̇анд̇хаваасид̇ам̣ уд̣̇агам̣ баад̇зд̇ваа ад̣̇ааси. б̣раахман̣аа сабариваарам̣ нааг̇ам̣ самбадижчид̇ваа хад̇т̇ибидтз нисиннаа д̣̇анд̇абурам̣ г̇анд̇ваа хад̇т̇им̣ ран̃н̃о ад̣̇ам̣су, хад̇т̇имхи ааг̇ад̇зби д̣̇зво на вассад̇зва. рааж̇аа ‘‘гим̣ ну ко гааран̣а’’нд̇и уд̇д̇арим̣ бужчанд̇о ‘‘д̇ханан̃жаяагораб̣яарааж̇аа гуруд̇хаммам̣ рагкад̇и, д̇знасса радтз анвад̣дхамаасам̣ ануд̣̇асаахам̣ д̣̇зво вассад̇и, ран̃н̃о г̇ун̣аанубхааво жзса, имасса бана д̇иражчаанаг̇ад̇асса г̇ун̣аа хонд̇ааби гид̇д̇агаа бхавзяяу’’нд̇и суд̇ваа ‘‘д̇зна хи яат̇аалан̇гад̇амзва сабариваарам̣ хад̇т̇им̣ бад̇инзд̇ваа ран̃н̃о д̣̇ад̇ваа яам̣ со гуруд̇хаммам̣ рагкад̇и, д̇ам̣ суван̣н̣абаддз ликид̇ваа аанзт̇аа’’д̇и б̣раахман̣з жа амажжз жа бзсзси. д̇з г̇анд̇ваа ран̃н̃о хад̇т̇им̣ нияяаад̣̇зд̇ваа ‘‘д̣̇зва, имасмим̣ хад̇т̇имхи г̇ад̇зби амхаагам̣ радтз д̣̇зво на вассад̇и, д̇умхз гира гуруд̇хаммам̣ наама рагкат̇а, амхаагамби рааж̇аа д̇ам̣ рагкид̇угаамо имасмим̣ суван̣н̣абаддз ликид̇ваа аанзт̇аа’’д̇и бзсзси. ‘‘д̣̇зт̇а но гуруд̇хамма’’нд̇и. ‘‘д̇аад̇аа, сажжаахам̣ зд̇ам̣ гуруд̇хаммам̣ рагкаами, ид̣̇аани бана мз д̇ад̇т̇а гуггужжам̣ ад̇т̇и, на мз со гуруд̇хаммо жид̇д̇ам̣ аараад̇хзд̇и, д̇асмаа д̇умхаагам̣ д̣̇аад̇ум̣ на саггаа’’д̇и.
Evaṃ hatthikkhandhavaragatova mahāsatto vācāya datvā puna hatthikkhandhā oruyha ‘‘sace analaṅkataṭṭhānaṃ atthi, alaṅkaritvā dassāmī’’ti vatvā tikkhattuṃ padakkhiṇaṃ karonto upadhāretvā analaṅkataṭṭhānaṃ adisvā tassa soṇḍaṃ brāhmaṇānaṃ hatthesu ṭhapetvā suvaṇṇabhiṅkārena pupphagandhavāsitaṃ udakaṃ pātetvā adāsi. Brāhmaṇā saparivāraṃ nāgaṃ sampaṭicchitvā hatthipiṭṭhe nisinnā dantapuraṃ gantvā hatthiṃ rañño adaṃsu, hatthimhi āgatepi devo na vassateva. Rājā ‘‘kiṃ nu kho kāraṇa’’nti uttariṃ pucchanto ‘‘dhanañcayakorabyarājā kurudhammaṃ rakkhati, tenassa raṭṭhe anvaḍḍhamāsaṃ anudasāhaṃ devo vassati, rañño guṇānubhāvo cesa, imassa pana tiracchānagatassa guṇā hontāpi kittakā bhaveyyu’’nti sutvā ‘‘tena hi yathālaṅkatameva saparivāraṃ hatthiṃ patinetvā rañño datvā yaṃ so kurudhammaṃ rakkhati, taṃ suvaṇṇapaṭṭe likhitvā ānethā’’ti brāhmaṇe ca amacce ca pesesi. Te gantvā rañño hatthiṃ niyyādetvā ‘‘deva, imasmiṃ hatthimhi gatepi amhākaṃ raṭṭhe devo na vassati, tumhe kira kurudhammaṃ nāma rakkhatha, amhākampi rājā taṃ rakkhitukāmo imasmiṃ suvaṇṇapaṭṭe likhitvā ānethā’’ti pesesi. ‘‘Detha no kurudhamma’’nti. ‘‘Tātā, saccāhaṃ etaṃ kurudhammaṃ rakkhāmi, idāni pana me tattha kukkuccaṃ atthi, na me so kurudhammo cittaṃ ārādheti, tasmā tumhākaṃ dātuṃ na sakkā’’ti.
гасмаа бана д̇ам̣ сийлам̣ рааж̇аанам̣ на аараад̇хзд̇ийд̇и? д̇ад̣̇аа гира рааж̇уунам̣ д̇ад̇ияз д̇ад̇ияз сам̣важчарз гад̇д̇игамаасз бавад̇д̇о чан̣о наама ход̇и, д̇ам̣ чан̣ам̣ гийл̣анд̇аа рааж̇аано саб̣б̣аалан̇гаарабадиман̣д̣ид̇аа д̣̇звавзсам̣ г̇ахзд̇ваа жид̇д̇арааж̇асса наама яагкасса санд̇игз тад̇ваа жад̇уд̣̇д̣̇исаа бубпабадиман̣д̣ид̇з жид̇д̇асарз кибанд̇и. аяамби рааж̇аа д̇ам̣ кан̣ам̣ гийл̣анд̇о згиссаа д̇ал̣аагабаал̣ияаа жид̇д̇арааж̇асса яагкасса санд̇игз тад̇ваа жад̇уд̣̇д̣̇исаа жид̇д̇асарз кибид̇ваа д̇зсу сзсад̣̇исааг̇ад̇з д̇аяо сарз д̣̇исваа уд̣̇агабидтз кид̇д̇асарам̣ на ад̣̇д̣̇аса. ран̃н̃о ‘‘гажжи ну ко маяаа кид̇д̇о саро мажчасарийрз бад̇ид̇о’’д̇и гуггужжам̣ ахоси баан̣аад̇ибаад̇агаммзна сийлабхзд̣̇ам̣ аараб̣бха, д̇асмаа сийлам̣ на аараад̇хзд̇и. со звамааха – ‘‘д̇аад̇аа, маяхам̣ гуруд̇хаммз гуггужжам̣ ад̇т̇и, маад̇аа бана мз сурагкид̇ам̣ рагкад̇и, д̇ассаа санд̇игз г̇ан̣хат̇аа’’д̇и. ‘‘махаарааж̇а, д̇умхаагам̣ ‘баан̣ам̣ вад̇хиссаамий’д̇и жзд̇анаа над̇т̇и, д̇ам̣ винаа баан̣аад̇ибаад̇о наама на ход̇и, д̣̇зт̇а но ад̇д̇анаа рагкид̇ам̣ гуруд̇хамма’’нд̇и. ‘‘д̇зна хи ликат̇аа’’д̇и суван̣н̣абаддз ликаабзси – ‘‘баан̣о на ханд̇аб̣б̣о, ад̣̇иннам̣ наад̣̇аад̇аб̣б̣ам̣ , гаамзсу мижчаа на жарид̇аб̣б̣ам̣, мусаа на бхан̣ид̇аб̣б̣ам̣ , маж̇ж̇ам̣ на баад̇аб̣б̣а’’нд̇и ликаабзд̇ваа жа бана ‘‘звам̣ санд̇зби нзва мам̣ аараад̇хзд̇и, маад̇у мз санд̇игз г̇ан̣хат̇аа’’д̇и ааха.
Kasmā pana taṃ sīlaṃ rājānaṃ na ārādhetīti? Tadā kira rājūnaṃ tatiye tatiye saṃvacchare kattikamāse pavatto chaṇo nāma hoti, taṃ chaṇaṃ kīḷantā rājāno sabbālaṅkārapaṭimaṇḍitā devavesaṃ gahetvā cittarājassa nāma yakkhassa santike ṭhatvā catuddisā pupphapaṭimaṇḍite cittasare khipanti. Ayampi rājā taṃ khaṇaṃ kīḷanto ekissā taḷākapāḷiyā cittarājassa yakkhassa santike ṭhatvā catuddisā cittasare khipitvā tesu sesadisāgate tayo sare disvā udakapiṭṭhe khittasaraṃ na addasa. Rañño ‘‘kacci nu kho mayā khitto saro macchasarīre patito’’ti kukkuccaṃ ahosi pāṇātipātakammena sīlabhedaṃ ārabbha, tasmā sīlaṃ na ārādheti. So evamāha – ‘‘tātā, mayhaṃ kurudhamme kukkuccaṃ atthi, mātā pana me surakkhitaṃ rakkhati, tassā santike gaṇhathā’’ti. ‘‘Mahārāja, tumhākaṃ ‘pāṇaṃ vadhissāmī’ti cetanā natthi, taṃ vinā pāṇātipāto nāma na hoti, detha no attanā rakkhitaṃ kurudhamma’’nti. ‘‘Tena hi likhathā’’ti suvaṇṇapaṭṭe likhāpesi – ‘‘pāṇo na hantabbo, adinnaṃ nādātabbaṃ , kāmesu micchā na caritabbaṃ, musā na bhaṇitabbaṃ , majjaṃ na pātabba’’nti likhāpetvā ca pana ‘‘evaṃ santepi neva maṃ ārādheti, mātu me santike gaṇhathā’’ti āha.
д̣̇ууд̇аа рааж̇аанам̣ ванд̣̇ид̇ваа д̇ассаа санд̇игам̣ г̇анд̇ваа ‘‘д̣̇зви, д̇умхз гира гуруд̇хаммам̣ рагкат̇а, д̇ам̣ но д̣̇зт̇аа’’д̇и вад̣̇им̣су. ‘‘д̇аад̇аа, сажжаахам̣ гуруд̇хаммам̣ рагкаами, ид̣̇аани бана мз д̇ад̇т̇а гуггужжам̣ уббаннам̣, на мз со гуруд̇хаммо аараад̇хзд̇и д̇зна во д̣̇аад̇ум̣ на саггаа’’д̇и. д̇ассаа гира д̣̇вз буд̇д̇аа ж̇здто рааж̇аа, ганидто убарааж̇аа. ат̇зго рааж̇аа б̣од̇хисад̇д̇асса сад̇асахассаг̇гханагам̣ жанд̣̇анасаарам̣ сахассаг̇гханагам̣ ган̃жанамаалам̣ бзсзси. со ‘‘маад̇арам̣ бууж̇зссаамий’’д̇и д̇ам̣ саб̣б̣ам̣ маад̇у бзсзси. саа жинд̇зси – ‘‘ахам̣ нзва жанд̣̇анам̣ вилимбаами, на маалам̣ д̇хаарзми, сун̣исаанам̣ д̣̇ассаамий’’д̇и. ат̇ассаа зд̇ад̣̇ахоси – ‘‘ж̇здтасун̣исаа мз иссараа, аг̇г̇амахзсидтаанз тид̇аа, д̇ассаа суван̣н̣амаалам̣ д̣̇ассаами. ганидтасун̣исаа бана д̣̇уг̇г̇ад̇аа, д̇ассаа жанд̣̇анасаарам̣ д̣̇ассаамий’’д̇и. саа ран̃н̃о д̣̇звияаа суван̣н̣амаалам̣ д̣̇ад̇ваа убарааж̇абхарияааяа жанд̣̇анасаарам̣ ад̣̇ааси, д̣̇ад̇ваа жа банассаа ‘‘ахам̣ гуруд̇хаммам̣ рагкаами, зд̇аасам̣ д̣̇уг̇г̇ад̇аад̣̇уг̇г̇ад̇абхааво маяхам̣ аббамаан̣ам̣, ж̇здтаабажааяигагаммамзва бана гаад̇ум̣ маяхам̣ ануруубам̣, гажжи ну ко мз д̇асса агад̇ад̇д̇аа сийлам̣ бхинна’’нд̇и гуггужжам̣ ахоси, д̇асмаа звамааха. ат̇а нам̣ д̣̇ууд̇аа ‘‘ад̇д̇ано санд̇агам̣ наама яат̇ааружияаа д̣̇ийяад̇и, д̇умхз зд̇д̇агзнаби гуггужжам̣ гурумаанаа гим̣ ан̃н̃ам̣ баабам̣ гариссат̇а, сийлам̣ наама зваруубзна на бхиж̇ж̇ад̇и, д̣̇зт̇а но гуруд̇хамма’’нд̇и вад̇ваа д̇ассааби санд̇игз г̇ахзд̇ваа суван̣н̣абаддз ликим̣су.
Dūtā rājānaṃ vanditvā tassā santikaṃ gantvā ‘‘devi, tumhe kira kurudhammaṃ rakkhatha, taṃ no dethā’’ti vadiṃsu. ‘‘Tātā, saccāhaṃ kurudhammaṃ rakkhāmi, idāni pana me tattha kukkuccaṃ uppannaṃ, na me so kurudhammo ārādheti tena vo dātuṃ na sakkā’’ti. Tassā kira dve puttā jeṭṭho rājā, kaniṭṭho uparājā. Atheko rājā bodhisattassa satasahassagghanakaṃ candanasāraṃ sahassagghanakaṃ kañcanamālaṃ pesesi. So ‘‘mātaraṃ pūjessāmī’’ti taṃ sabbaṃ mātu pesesi. Sā cintesi – ‘‘ahaṃ neva candanaṃ vilimpāmi, na mālaṃ dhāremi, suṇisānaṃ dassāmī’’ti. Athassā etadahosi – ‘‘jeṭṭhasuṇisā me issarā, aggamahesiṭṭhāne ṭhitā, tassā suvaṇṇamālaṃ dassāmi. Kaniṭṭhasuṇisā pana duggatā, tassā candanasāraṃ dassāmī’’ti. Sā rañño deviyā suvaṇṇamālaṃ datvā uparājabhariyāya candanasāraṃ adāsi, datvā ca panassā ‘‘ahaṃ kurudhammaṃ rakkhāmi, etāsaṃ duggatāduggatabhāvo mayhaṃ appamāṇaṃ, jeṭṭhāpacāyikakammameva pana kātuṃ mayhaṃ anurūpaṃ, kacci nu kho me tassa akatattā sīlaṃ bhinna’’nti kukkuccaṃ ahosi, tasmā evamāha. Atha naṃ dūtā ‘‘attano santakaṃ nāma yathāruciyā dīyati, tumhe ettakenapi kukkuccaṃ kurumānā kiṃ aññaṃ pāpaṃ karissatha, sīlaṃ nāma evarūpena na bhijjati, detha no kurudhamma’’nti vatvā tassāpi santike gahetvā suvaṇṇapaṭṭe likhiṃsu.
‘‘д̇аад̇аа, звам̣ санд̇зби нзва мам̣ аараад̇хзд̇и, сун̣исаа бана мз судту рагкад̇и, д̇ассаа санд̇игз г̇ан̣хат̇аа’’д̇и вуд̇д̇аа жа бана аг̇г̇амахзсим̣ убасан̇гамид̇ваа буриманаязнзва гуруд̇хаммам̣ яаажим̣су. сааби буриманаязнзва вад̇ваа ‘‘ид̣̇аани мам̣ сийлам̣ наараад̇хзд̇и, д̇зна во д̣̇аад̇ум̣ на саггаа’’д̇и ааха. саа гира згад̣̇ивасам̣ сийхабан̃ж̇арз тид̇аа ран̃н̃о наг̇арам̣ бад̣̇агкин̣ам̣ гаронд̇асса бажчад̇о хад̇т̇ибидтз нисиннам̣ убарааж̇ам̣ д̣̇исваа лобхам̣ уббаад̣̇зд̇ваа ‘‘сажаахам̣ иминаа сад̣̇д̇хим̣ сант̇авам̣ гарзяяам̣, бхаад̇у ажжаязна раж̇ж̇з бад̇идтид̇о мам̣ зса сан̇г̇ан̣хзяяаа’’д̇и жинд̇зси. ат̇ассаа ‘‘ахам̣ гуруд̇хаммам̣ рагкамаанаа сасаамигаа худ̇ваа гилзсавасзна ан̃н̃ам̣ бурисам̣ ологзсим̣, сийлзна мз бхиннзна бхавид̇аб̣б̣а’’нд̇и гуггужжам̣ ахоси, д̇асмаа звамааха. ат̇а нам̣ д̣̇ууд̇аа ‘‘ад̇ижааро наама аяяз жид̇д̇уббаад̣̇амад̇д̇зна на ход̇и, д̇умхз зд̇д̇агзнаби гуггужжам̣ гурумаанаа вийд̇иггамам̣ гим̣гариссат̇а, на зд̇д̇агзна сийлам̣ бхиж̇ж̇ад̇и, д̣̇зт̇а но гуруд̇хамма’’нд̇и вад̇ваа д̇ассааби санд̇игз г̇ахзд̇ваа суван̣н̣абаддз ликим̣су.
‘‘Tātā, evaṃ santepi neva maṃ ārādheti, suṇisā pana me suṭṭhu rakkhati, tassā santike gaṇhathā’’ti vuttā ca pana aggamahesiṃ upasaṅkamitvā purimanayeneva kurudhammaṃ yāciṃsu. Sāpi purimanayeneva vatvā ‘‘idāni maṃ sīlaṃ nārādheti, tena vo dātuṃ na sakkā’’ti āha. Sā kira ekadivasaṃ sīhapañjare ṭhitā rañño nagaraṃ padakkhiṇaṃ karontassa pacchato hatthipiṭṭhe nisinnaṃ uparājaṃ disvā lobhaṃ uppādetvā ‘‘sacāhaṃ iminā saddhiṃ santhavaṃ kareyyaṃ, bhātu accayena rajje patiṭṭhito maṃ esa saṅgaṇheyyā’’ti cintesi. Athassā ‘‘ahaṃ kurudhammaṃ rakkhamānā sasāmikā hutvā kilesavasena aññaṃ purisaṃ olokesiṃ, sīlena me bhinnena bhavitabba’’nti kukkuccaṃ ahosi, tasmā evamāha. Atha naṃ dūtā ‘‘aticāro nāma ayye cittuppādamattena na hoti, tumhe ettakenapi kukkuccaṃ kurumānā vītikkamaṃ kiṃkarissatha, na ettakena sīlaṃ bhijjati, detha no kurudhamma’’nti vatvā tassāpi santike gahetvā suvaṇṇapaṭṭe likhiṃsu.
‘‘д̇аад̇аа, звам̣ санд̇зби нзва мам̣ аараад̇хзд̇и, убарааж̇аа бана судту рагкад̇и, д̇асса санд̇игз г̇ан̣хат̇аа’’д̇и вуд̇д̇аа жа бана убарааж̇аанам̣ убасан̇гамид̇ваа буриманаязнзва гуруд̇хаммам̣ яаажим̣су. со бана сааяам̣ рааж̇убадтаанам̣ г̇ажчанд̇о рат̇знзва рааж̇ан̇г̇ан̣ам̣ бад̇ваа сажз ран̃н̃о санд̇игз бхун̃ж̇ид̇ваа д̇ад̇т̇зва саяид̇угаамо ход̇и, расмияо жа бад̇од̣̇ан̃жа анд̇од̇хурз чад̣д̣зд̇и. д̇ааяа сан̃н̃ааяа ж̇ано баггамид̇ваа бунад̣̇ивасз баад̇ова г̇анд̇ваа д̇асса нигкаманам̣ ологзнд̇ова д̇идтад̇и. саарат̇иби рат̇ам̣ г̇обаяид̇ваа бунад̣̇ивасз баад̇ова д̇ам̣ аад̣̇ааяа рааж̇ад̣̇ваарз д̇идтад̇и. сажз д̇ан̇кан̣ан̃н̃зва нигканд̇угаамо ход̇и, расмияо жа бад̇од̣̇ан̃жа анд̇орат̇зязва табзд̇ваа рааж̇убадтаанам̣ г̇ажчад̇и. махааж̇ано д̇ааяа сан̃н̃ааяа ‘‘ид̣̇аанзва нигкамиссад̇ий’’д̇и рааж̇ад̣̇ваарзязва д̇идтад̇и. со згад̣̇ивасам̣ звам̣ гад̇ваа рааж̇анивзсанам̣ баависи, бавидтамад̇д̇ассаязвасса д̣̇зво баавасси. рааж̇аа ‘‘д̣̇зво вассад̇ий’’д̇и д̇асса нигканд̇ум̣ наад̣̇ааси, со д̇ад̇т̇зва бхун̃ж̇ид̇ваа саяи. махааж̇ано ‘‘ид̣̇аани нигкамиссад̇ий’’д̇и саб̣б̣арад̇д̇им̣ д̇змзнд̇о адтааси. убарааж̇аа д̣̇уд̇ияад̣̇ивасз нигкамид̇ваа д̇змзд̇ваа тид̇ам̣ махааж̇анам̣ д̣̇исваа ‘‘ахам̣ гуруд̇хаммам̣ рагканд̇о зд̇д̇агам̣ ж̇анам̣ гиламзсим̣, сийлзна мз бхиннзна бхавид̇аб̣б̣а’’нд̇и гуггужжам̣ ахоси, д̇зна д̇зсам̣ д̣̇ууд̇аанам̣ ‘‘сажжаахам̣ гуруд̇хаммам̣ рагкаами, ид̣̇аани бана мз гуггужжам̣ ад̇т̇и, д̇зна во на саггаа д̣̇аад̇у’’нд̇и вад̇ваа д̇амад̇т̇ам̣ аарожзси. ат̇а нам̣ д̣̇ууд̇аа ‘‘д̇умхаагам̣, д̣̇зва, ‘зд̇з гиламанд̇уу’д̇и жид̇д̇ам̣ над̇т̇и, ажзд̇анагам̣ гаммам̣ на ход̇и, зд̇д̇агзнаби гуггужжам̣ гаронд̇аанам̣ гат̇ам̣ д̇умхаагам̣ вийд̇иггамо бхависсад̇ий’’д̇и вад̇ваа д̇ассаби санд̇игз сийлам̣ г̇ахзд̇ваа суван̣н̣абаддз ликим̣су.
‘‘Tātā, evaṃ santepi neva maṃ ārādheti, uparājā pana suṭṭhu rakkhati, tassa santike gaṇhathā’’ti vuttā ca pana uparājānaṃ upasaṅkamitvā purimanayeneva kurudhammaṃ yāciṃsu. So pana sāyaṃ rājupaṭṭhānaṃ gacchanto ratheneva rājaṅgaṇaṃ patvā sace rañño santike bhuñjitvā tattheva sayitukāmo hoti, rasmiyo ca patodañca antodhure chaḍḍeti. Tāya saññāya jano pakkamitvā punadivase pātova gantvā tassa nikkhamanaṃ olokentova tiṭṭhati. Sārathipi rathaṃ gopayitvā punadivase pātova taṃ ādāya rājadvāre tiṭṭhati. Sace taṅkhaṇaññeva nikkhantukāmo hoti, rasmiyo ca patodañca antoratheyeva ṭhapetvā rājupaṭṭhānaṃ gacchati. Mahājano tāya saññāya ‘‘idāneva nikkhamissatī’’ti rājadvāreyeva tiṭṭhati. So ekadivasaṃ evaṃ katvā rājanivesanaṃ pāvisi, paviṭṭhamattassayevassa devo pāvassi. Rājā ‘‘devo vassatī’’ti tassa nikkhantuṃ nādāsi, so tattheva bhuñjitvā sayi. Mahājano ‘‘idāni nikkhamissatī’’ti sabbarattiṃ temento aṭṭhāsi. Uparājā dutiyadivase nikkhamitvā temetvā ṭhitaṃ mahājanaṃ disvā ‘‘ahaṃ kurudhammaṃ rakkhanto ettakaṃ janaṃ kilamesiṃ, sīlena me bhinnena bhavitabba’’nti kukkuccaṃ ahosi, tena tesaṃ dūtānaṃ ‘‘saccāhaṃ kurudhammaṃ rakkhāmi, idāni pana me kukkuccaṃ atthi, tena vo na sakkā dātu’’nti vatvā tamatthaṃ ārocesi. Atha naṃ dūtā ‘‘tumhākaṃ, deva, ‘ete kilamantū’ti cittaṃ natthi, acetanakaṃ kammaṃ na hoti, ettakenapi kukkuccaṃ karontānaṃ kathaṃ tumhākaṃ vītikkamo bhavissatī’’ti vatvā tassapi santike sīlaṃ gahetvā suvaṇṇapaṭṭe likhiṃsu.
‘‘звам̣ санд̇зби нзва мам̣ аараад̇хзд̇и, бурохид̇о бана судту рагкад̇и, д̇асса санд̇игз г̇ан̣хат̇аа’’д̇и вуд̇д̇аа жа бана бурохид̇ам̣ убасан̇гамид̇ваа яаажим̣су. соби згад̣̇ивасам̣ рааж̇убадтаанам̣ г̇ажчанд̇о згзна ран̃н̃аа д̇асса ран̃н̃о бзсид̇ам̣ д̇арун̣аравиван̣н̣ам̣ рат̇ам̣ анд̇араамаг̇г̇з д̣̇исваа ‘‘гассааяам̣ рат̇о’’д̇и бужчид̇ваа ‘‘ран̃н̃о аабхад̇о’’д̇и суд̇ваа ‘‘ахам̣ махаллаго, сажз мз рааж̇аа имам̣ рат̇ам̣ д̣̇ад̣̇зяяа, сукам̣ имам̣ ааруяха вижарзяяа’’нд̇и жинд̇зд̇ваа рааж̇убадтаанам̣ г̇ад̇о. д̇асса ж̇аяаабзд̇ваа тид̇агаалз ран̃н̃о рат̇ам̣ д̣̇ассзсум̣. рааж̇аа д̣̇исваа ‘‘ад̇и вияа сунд̣̇аро аяам̣ рат̇о, аажарияасса нам̣ д̣̇зт̇аа’’д̇и ааха. бурохид̇о на ижчи, бунаббунам̣ вужжамааноби на ижчиязва. гим̣гааран̣аа? звам̣ гирасса ахоси – ‘‘ахам̣ гуруд̇хаммам̣ рагканд̇ова барасанд̇агз лобхам̣ агаасим̣, бхиннзна мз сийлзна бхавид̇аб̣б̣а’’нд̇и. со зд̇амад̇т̇ам̣ аажигкид̇ваа ‘‘д̇аад̇аа, гуруд̇хаммз мз гуггужжам̣ ад̇т̇и, на мам̣ со д̇хаммо аараад̇хзд̇и, д̇асмаа на саггаа д̣̇аад̇у’’нд̇и ааха. ат̇а нам̣ д̣̇ууд̇аа ‘‘аяяа, лобхуббаад̣̇амад̇д̇зна на сийлам̣ бхиж̇ж̇ад̇и, д̇умхз зд̇д̇агзнаби гуггужжам̣ гаронд̇аа гим̣ вийд̇иггамам̣ гариссат̇аа’’д̇и вад̇ваа д̇ассаби санд̇игз сийлам̣ г̇ахзд̇ваа суван̣н̣абаддз ликим̣су.
‘‘Evaṃ santepi neva maṃ ārādheti, purohito pana suṭṭhu rakkhati, tassa santike gaṇhathā’’ti vuttā ca pana purohitaṃ upasaṅkamitvā yāciṃsu. Sopi ekadivasaṃ rājupaṭṭhānaṃ gacchanto ekena raññā tassa rañño pesitaṃ taruṇaravivaṇṇaṃ rathaṃ antarāmagge disvā ‘‘kassāyaṃ ratho’’ti pucchitvā ‘‘rañño ābhato’’ti sutvā ‘‘ahaṃ mahallako, sace me rājā imaṃ rathaṃ dadeyya, sukhaṃ imaṃ āruyha vicareyya’’nti cintetvā rājupaṭṭhānaṃ gato. Tassa jayāpetvā ṭhitakāle rañño rathaṃ dassesuṃ. Rājā disvā ‘‘ati viya sundaro ayaṃ ratho, ācariyassa naṃ dethā’’ti āha. Purohito na icchi, punappunaṃ vuccamānopi na icchiyeva. Kiṃkāraṇā? Evaṃ kirassa ahosi – ‘‘ahaṃ kurudhammaṃ rakkhantova parasantake lobhaṃ akāsiṃ, bhinnena me sīlena bhavitabba’’nti. So etamatthaṃ ācikkhitvā ‘‘tātā, kurudhamme me kukkuccaṃ atthi, na maṃ so dhammo ārādheti, tasmā na sakkā dātu’’nti āha. Atha naṃ dūtā ‘‘ayya, lobhuppādamattena na sīlaṃ bhijjati, tumhe ettakenapi kukkuccaṃ karontā kiṃ vītikkamaṃ karissathā’’ti vatvā tassapi santike sīlaṃ gahetvā suvaṇṇapaṭṭe likhiṃsu.
‘‘звам̣ санд̇зби нзва мам̣ аараад̇хзд̇и, раж̇ж̇уг̇аахаго амажжо бана судту рагкад̇и, д̇асса санд̇игз г̇ан̣хат̇аа’’д̇и вуд̇д̇аа жа бана д̇амби убасан̇гамид̇ваа яаажим̣су. соби згад̣̇ивасам̣ ж̇анабад̣̇з кзд̇д̇ам̣ минанд̇о раж̇ж̇ум̣ д̣̇ан̣д̣агз б̣анд̇хид̇ваа згам̣ годим̣ кзд̇д̇асаамигзна г̇ан̣хаабзд̇ваа згам̣ ад̇д̇анаа аг̇г̇ахзси, д̇зна г̇ахид̇араж̇ж̇угодияаа б̣ад̣̇д̇хад̣̇ан̣д̣аго згасса гаггадагасса б̣иламаж̇жхам̣ баабун̣и. со жинд̇зси – ‘‘сажз д̣̇ан̣д̣агам̣ б̣илз од̇аарзссаами, анд̇об̣илз гаггадаго нассиссад̇и. сажз бана барад̇о гариссаами, ран̃н̃о санд̇агам̣ нассиссад̇и. сажз орад̇о гариссаами, гудумб̣игасса санд̇агам̣ нассиссад̇и, гим̣ ну ко гаад̇аб̣б̣а’’нд̇и? ат̇асса зд̇ад̣̇ахоси – ‘‘б̣илз гаггадагзна бхавид̇аб̣б̣ам̣, сажз бхавзяяа, бан̃н̃ааязяяа, зд̇т̇зва нам̣ од̇аарзссаамий’’д̇и б̣илз д̣̇ан̣д̣агам̣ од̇аарзси, гаггадаго ‘‘гирий’’д̇и сад̣̇д̣̇амагааси. ат̇асса зд̇ад̣̇ахоси – ‘‘д̣̇ан̣д̣аго гаггадагабидтз од̇ин̣н̣о бхависсад̇и, гаггадаго мад̇о бхависсад̇и, ахан̃жа гуруд̇хаммам̣ рагкаами, д̇зна мз сийлзна бхиннзна бхавид̇аб̣б̣а’’нд̇и . со зд̇амад̇т̇ам̣ аажигкид̇ваа ‘‘иминаа мз гааран̣зна гуруд̇хаммз гуггужжам̣ ад̇т̇и, д̇зна во на саггаа д̣̇аад̇у’’нд̇и ааха. ат̇а нам̣ д̣̇ууд̇аа ‘‘д̇умхаагам̣ ‘гаггадаго марад̇уу’д̇и жид̇д̇ам̣ над̇т̇и, ажзд̇анагам̣ гаммам̣ наама на ход̇и. д̇умхз зд̇д̇агзнаби гуггужжам̣ гаронд̇аа гим̣ вийд̇иггамам̣ гариссат̇аа’’д̇и вад̇ваа д̇ассаби санд̇игз сийлам̣ г̇ахзд̇ваа суван̣н̣абаддз ликим̣су.
‘‘Evaṃ santepi neva maṃ ārādheti, rajjugāhako amacco pana suṭṭhu rakkhati, tassa santike gaṇhathā’’ti vuttā ca pana tampi upasaṅkamitvā yāciṃsu. Sopi ekadivasaṃ janapade khettaṃ minanto rajjuṃ daṇḍake bandhitvā ekaṃ koṭiṃ khettasāmikena gaṇhāpetvā ekaṃ attanā aggahesi, tena gahitarajjukoṭiyā baddhadaṇḍako ekassa kakkaṭakassa bilamajjhaṃ pāpuṇi. So cintesi – ‘‘sace daṇḍakaṃ bile otāressāmi, antobile kakkaṭako nassissati. Sace pana parato karissāmi, rañño santakaṃ nassissati. Sace orato karissāmi, kuṭumbikassa santakaṃ nassissati, kiṃ nu kho kātabba’’nti? Athassa etadahosi – ‘‘bile kakkaṭakena bhavitabbaṃ, sace bhaveyya, paññāyeyya, ettheva naṃ otāressāmī’’ti bile daṇḍakaṃ otāresi, kakkaṭako ‘‘kirī’’ti saddamakāsi. Athassa etadahosi – ‘‘daṇḍako kakkaṭakapiṭṭhe otiṇṇo bhavissati, kakkaṭako mato bhavissati, ahañca kurudhammaṃ rakkhāmi, tena me sīlena bhinnena bhavitabba’’nti . So etamatthaṃ ācikkhitvā ‘‘iminā me kāraṇena kurudhamme kukkuccaṃ atthi, tena vo na sakkā dātu’’nti āha. Atha naṃ dūtā ‘‘tumhākaṃ ‘kakkaṭako maratū’ti cittaṃ natthi, acetanakaṃ kammaṃ nāma na hoti. Tumhe ettakenapi kukkuccaṃ karontā kiṃ vītikkamaṃ karissathā’’ti vatvā tassapi santike sīlaṃ gahetvā suvaṇṇapaṭṭe likhiṃsu.
‘‘звам̣ санд̇зби нзва мам̣ аараад̇хзд̇и, саарат̇и бана судту рагкад̇и, д̇асса санд̇игз г̇ан̣хат̇аа’’д̇и вуд̇д̇аа жа бана д̇амби убасан̇гамид̇ваа яаажим̣су. со згад̣̇ивасам̣ рааж̇аанам̣ рат̇зна уяяаанам̣ нзси. рааж̇аа д̇ад̇т̇а д̣̇иваа гийл̣ид̇ваа сааяам̣ нигкамид̇ваа рат̇ам̣ абхирухи, д̇асса наг̇арам̣ асамбад̇д̇ассзва суурияад̇т̇ан̇г̇аманавзлааяа мзгхо удтахи. саарат̇и ран̃н̃о д̇зманабхаязна синд̇хаваанам̣ бад̇од̣̇асан̃н̃амад̣̇ааси. синд̇хаваа ж̇авзна багканд̣̇им̣су. д̇ад̇о бадтааяа жа бана д̇з уяяаанам̣ г̇ажчанд̇ааби д̇ад̇о ааг̇ажчанд̇ааби д̇ам̣ таанам̣ бад̇ваа ж̇авзна г̇ажчанд̇и ааг̇ажчанд̇и. гим̣ гааран̣аа? д̇зсам̣ гира зд̇ад̣̇ахоси – ‘‘имасмим̣ таанз бариссаязна бхавид̇аб̣б̣ам̣, д̇зна но саарат̇и д̇ад̣̇аа бад̇од̣̇асан̃н̃ам̣ ад̣̇аасий’’д̇и. саарат̇иссаби зд̇ад̣̇ахоси – ‘‘ран̃н̃о д̇зманз ваа ад̇зманз ваа маяхам̣ д̣̇осо над̇т̇и, ахам̣ бана адтаанз сусигкид̇асинд̇хаваанам̣ бад̇од̣̇асан̃н̃ам̣ ад̣̇аасим̣, д̇зна имз ид̣̇аани абараабарам̣ ж̇аванд̇аа гиламанд̇и, ахан̃жа гуруд̇хаммам̣ рагкаами, д̇зна мз бхиннзна сийлзна бхавид̇аб̣б̣а’’нд̇и. со зд̇амад̇т̇ам̣ аажигкид̇ваа ‘‘иминаа гааран̣зна гуруд̇хаммз гуггужжам̣ ад̇т̇и, д̇зна во на саггаа д̣̇аад̇у’’нд̇и ааха. ат̇а нам̣ д̣̇ууд̇аа ‘‘д̇умхаагам̣ ‘синд̇хаваа гиламанд̇уу’д̇и жид̇д̇ам̣ над̇т̇и, ажзд̇анагам̣ гаммам̣ наама на ход̇и, зд̇д̇агзнаби жа д̇умхз гуггужжам̣ гаронд̇аа гим̣ вийд̇иггамам̣ гариссат̇аа’’д̇и вад̇ваа д̇асса санд̇игз сийлам̣ г̇ахзд̇ваа суван̣н̣абаддз ликим̣су.
‘‘Evaṃ santepi neva maṃ ārādheti, sārathi pana suṭṭhu rakkhati, tassa santike gaṇhathā’’ti vuttā ca pana tampi upasaṅkamitvā yāciṃsu. So ekadivasaṃ rājānaṃ rathena uyyānaṃ nesi. Rājā tattha divā kīḷitvā sāyaṃ nikkhamitvā rathaṃ abhiruhi, tassa nagaraṃ asampattasseva sūriyatthaṅgamanavelāya megho uṭṭhahi. Sārathi rañño temanabhayena sindhavānaṃ patodasaññamadāsi. Sindhavā javena pakkhandiṃsu. Tato paṭṭhāya ca pana te uyyānaṃ gacchantāpi tato āgacchantāpi taṃ ṭhānaṃ patvā javena gacchanti āgacchanti. Kiṃ kāraṇā? Tesaṃ kira etadahosi – ‘‘imasmiṃ ṭhāne parissayena bhavitabbaṃ, tena no sārathi tadā patodasaññaṃ adāsī’’ti. Sārathissapi etadahosi – ‘‘rañño temane vā atemane vā mayhaṃ doso natthi, ahaṃ pana aṭṭhāne susikkhitasindhavānaṃ patodasaññaṃ adāsiṃ, tena ime idāni aparāparaṃ javantā kilamanti, ahañca kurudhammaṃ rakkhāmi, tena me bhinnena sīlena bhavitabba’’nti. So etamatthaṃ ācikkhitvā ‘‘iminā kāraṇena kurudhamme kukkuccaṃ atthi, tena vo na sakkā dātu’’nti āha. Atha naṃ dūtā ‘‘tumhākaṃ ‘sindhavā kilamantū’ti cittaṃ natthi, acetanakaṃ kammaṃ nāma na hoti, ettakenapi ca tumhe kukkuccaṃ karontā kiṃ vītikkamaṃ karissathā’’ti vatvā tassa santike sīlaṃ gahetvā suvaṇṇapaṭṭe likhiṃsu.
‘‘звам̣ санд̇зби нзва мам̣ аараад̇хзд̇и, сздти бана судту рагкад̇и, д̇асса санд̇игз г̇ан̣хат̇аа’’д̇и вуд̇д̇аа жа бана д̇амби убасан̇гамид̇ваа яаажим̣су. соби згад̣̇ивасам̣ г̇аб̣бхад̇о нигканд̇асаалисийсам̣ ад̇д̇ано сааликзд̇д̇ам̣ г̇анд̇ваа бажжавзгкид̇ваа нивад̇д̇амаано ‘‘вийхимаалам̣ б̣анд̇хаабзссаамий’’д̇и згам̣ саалисийсамудтим̣ г̇аахаабзд̇ваа т̇уун̣ааяа б̣анд̇хаабзси. ат̇асса зд̇ад̣̇ахоси – ‘‘имамхаа гзд̣̇аараа маяаа ран̃н̃о бхааг̇о д̣̇аад̇аб̣б̣о, ад̣̇иннабхааг̇ад̇оязва мз гзд̣̇аарад̇о саалисийсамудти г̇аахаабид̇о, ахан̃жа гуруд̇хаммам̣ рагкаами, д̇зна мз бхиннзна сийлзна бхавид̇аб̣б̣а’’нд̇и. со зд̇амад̇т̇ам̣ аажигкид̇ваа ‘‘иминаа мз гааран̣зна гуруд̇хаммз гуггужжам̣ ад̇т̇и, д̇зна во на саггаа д̣̇аад̇у’’нд̇и ааха. ат̇а нам̣ д̣̇ууд̇аа ‘‘д̇умхаагам̣ т̇зяяажид̇д̇ам̣ над̇т̇и, д̇зна винаа ад̣̇иннаад̣̇аанам̣ наама бан̃н̃аабзд̇ум̣ на саггаа, зд̇д̇агзнаби гуггужжам̣ гаронд̇аа д̇умхз барасанд̇агам̣ наама гим̣ г̇ан̣хиссат̇аа’’д̇и вад̇ваа д̇ассаби санд̇игз сийлам̣ г̇ахзд̇ваа суван̣н̣абаддз ликим̣су.
‘‘Evaṃ santepi neva maṃ ārādheti, seṭṭhi pana suṭṭhu rakkhati, tassa santike gaṇhathā’’ti vuttā ca pana tampi upasaṅkamitvā yāciṃsu. Sopi ekadivasaṃ gabbhato nikkhantasālisīsaṃ attano sālikhettaṃ gantvā paccavekkhitvā nivattamāno ‘‘vīhimālaṃ bandhāpessāmī’’ti ekaṃ sālisīsamuṭṭhiṃ gāhāpetvā thūṇāya bandhāpesi. Athassa etadahosi – ‘‘imamhā kedārā mayā rañño bhāgo dātabbo, adinnabhāgatoyeva me kedārato sālisīsamuṭṭhi gāhāpito, ahañca kurudhammaṃ rakkhāmi, tena me bhinnena sīlena bhavitabba’’nti. So etamatthaṃ ācikkhitvā ‘‘iminā me kāraṇena kurudhamme kukkuccaṃ atthi, tena vo na sakkā dātu’’nti āha. Atha naṃ dūtā ‘‘tumhākaṃ theyyacittaṃ natthi, tena vinā adinnādānaṃ nāma paññāpetuṃ na sakkā, ettakenapi kukkuccaṃ karontā tumhe parasantakaṃ nāma kiṃ gaṇhissathā’’ti vatvā tassapi santike sīlaṃ gahetvā suvaṇṇapaṭṭe likhiṃsu.
‘‘звам̣ санд̇зби нзва мам̣ аараад̇хзд̇и, д̣̇он̣амаабаго бана махаамад̇д̇о судту рагкад̇и, д̇асса санд̇игз г̇ан̣хат̇аа’’д̇и вуд̇д̇аа жа бана д̇амби убасан̇гамид̇ваа яаажим̣су. со гира згад̣̇ивасам̣ годтааг̇аарад̣̇ваарз нисийд̣̇ид̇ваа рааж̇абхааг̇з вийхим̣ минаабзнд̇о амид̇авийхираасид̇о вийхим̣ г̇ахзд̇ваа лагкам̣ табзси, д̇асмим̣ кан̣з д̣̇зво баавасси. махаамад̇д̇о лагкаани г̇ан̣зд̇ваа ‘‘мид̇авийхий зд̇д̇агаа наама хонд̇ий’’д̇и вад̇ваа лагкавийхим̣ сам̣гад̣дхид̇ваа мид̇араасимхи багкибид̇ваа взг̇зна г̇анд̇ваа д̣̇ваарагодтагз тад̇ваа жинд̇зси – ‘‘гим̣ ну ко маяаа лагкавийхий мид̇авийхираасимхи багкид̇д̇аа, уд̣̇ааху амид̇араасимхий’’д̇и. ат̇асса зд̇ад̣̇ахоси – ‘‘сажз мз мид̇авийхираасимхи багкид̇д̇аа агааран̣знзва ран̃н̃о санд̇агам̣ вад̣дхид̇ам̣, г̇ахабад̇игаанам̣ санд̇агам̣ наасид̇ам̣, ахан̃жа гуруд̇хаммам̣ рагкаами, д̇зна мз бхиннзна сийлзна бхавид̇аб̣б̣а’’нд̇и. со зд̇амад̇т̇ам̣ аажигкид̇ваа ‘‘иминаа мз гааран̣зна гуруд̇хаммз гуггужжам̣ ад̇т̇и, д̇зна во на саггаа д̣̇аад̇у’’нд̇и ааха. ат̇а нам̣ д̣̇ууд̇аа ‘‘д̇умхаагам̣ т̇зяяажид̇д̇ам̣ над̇т̇и, д̇зна винаа ад̣̇иннаад̣̇аанам̣ наама бан̃н̃аабзд̇ум̣ на саггаа, зд̇д̇агзнаби гуггужжам̣ гаронд̇аа гим̣ д̇умхз барасса санд̇агам̣ г̇ан̣хиссат̇аа’’д̇и вад̇ваа д̇ассаби санд̇игз сийлам̣ г̇ахзд̇ваа суван̣н̣абаддз ликим̣су.
‘‘Evaṃ santepi neva maṃ ārādheti, doṇamāpako pana mahāmatto suṭṭhu rakkhati, tassa santike gaṇhathā’’ti vuttā ca pana tampi upasaṅkamitvā yāciṃsu. So kira ekadivasaṃ koṭṭhāgāradvāre nisīditvā rājabhāge vīhiṃ mināpento amitavīhirāsito vīhiṃ gahetvā lakkhaṃ ṭhapesi, tasmiṃ khaṇe devo pāvassi. Mahāmatto lakkhāni gaṇetvā ‘‘mitavīhī ettakā nāma hontī’’ti vatvā lakkhavīhiṃ saṃkaḍḍhitvā mitarāsimhi pakkhipitvā vegena gantvā dvārakoṭṭhake ṭhatvā cintesi – ‘‘kiṃ nu kho mayā lakkhavīhī mitavīhirāsimhi pakkhittā, udāhu amitarāsimhī’’ti. Athassa etadahosi – ‘‘sace me mitavīhirāsimhi pakkhittā akāraṇeneva rañño santakaṃ vaḍḍhitaṃ, gahapatikānaṃ santakaṃ nāsitaṃ, ahañca kurudhammaṃ rakkhāmi, tena me bhinnena sīlena bhavitabba’’nti. So etamatthaṃ ācikkhitvā ‘‘iminā me kāraṇena kurudhamme kukkuccaṃ atthi, tena vo na sakkā dātu’’nti āha. Atha naṃ dūtā ‘‘tumhākaṃ theyyacittaṃ natthi, tena vinā adinnādānaṃ nāma paññāpetuṃ na sakkā, ettakenapi kukkuccaṃ karontā kiṃ tumhe parassa santakaṃ gaṇhissathā’’ti vatvā tassapi santike sīlaṃ gahetvā suvaṇṇapaṭṭe likhiṃsu.
‘‘звам̣ санд̇зби нзва мам̣ аараад̇хзд̇и, д̣̇оваариго бана судту рагкад̇и, д̇асса санд̇игз г̇ан̣хат̇аа’’д̇и вуд̇д̇аа жа бана д̇амби убасан̇гамид̇ваа яаажим̣су. соби згад̣̇ивасам̣ наг̇арад̣̇ваарам̣ бид̇хаанавзлааяа д̇игкад̇д̇ум̣ сад̣̇д̣̇амануссаавзси. ат̇зго д̣̇алид̣̇д̣̇амануссо ад̇д̇ано ганидтабхаг̇инияаа сад̣̇д̇хим̣ д̣̇аарубан̣н̣ад̇т̇ааяа аран̃н̃ам̣ г̇анд̇ваа нивад̇д̇анд̇о д̇асса сад̣̇д̣̇ам̣ суд̇ваа бхаг̇иним̣ аад̣̇ааяа взг̇зна д̣̇ваарам̣ самбаабун̣и. ат̇а нам̣ д̣̇оваариго ‘‘д̇вам̣ наг̇арз ран̃н̃о ад̇т̇ибхаавам̣ гим̣ на ж̇аанааси, ‘сагалассзва имасса наг̇арасса д̣̇ваарам̣ бид̇хийяад̇ий’д̇и на ж̇аанааси, ад̇д̇ано маад̇уг̇аамам̣ г̇ахзд̇ваа аран̃н̃з гаамарад̇игийл̣ам̣ гийл̣анд̇о д̣̇ивасам̣ вижарасий’’д̇и ааха. ат̇асса ид̇арзна ‘‘на мз, саами, бхарияаа, бхаг̇иний мз зсаа’’д̇и вуд̇д̇з зд̇ад̣̇ахоси – ‘‘агааран̣ам̣ вад̇а мз гад̇ам̣ бхаг̇иним̣ бхарияаад̇и гат̇знд̇зна, ахан̃жа гуруд̇хаммам̣ рагкаами, д̇зна мз бхиннзна сийлзна бхавид̇аб̣б̣а’’нд̇и. со зд̇амад̇т̇ам̣ аажигкид̇ваа ‘‘иминаа мз гааран̣зна гуруд̇хаммз гуггужжам̣ ад̇т̇и, д̇зна во на саггаа д̣̇аад̇у’’нд̇и ааха. ат̇а нам̣ д̣̇ууд̇аа ‘‘зд̇ам̣ д̇умхзхи д̇ат̇аасан̃н̃ааяа гат̇ид̇ам̣, зд̇т̇а во сийлабхзд̣̇о над̇т̇и, зд̇д̇агзнаби жа д̇умхз гуггужжааяанд̇аа гуруд̇хаммз самбаж̇аанамусааваад̣̇ам̣ наама гим̣ гариссат̇аа’’д̇и вад̇ваа д̇ассаби санд̇игз сийлам̣ г̇ахзд̇ваа суван̣н̣абаддз ликим̣су.
‘‘Evaṃ santepi neva maṃ ārādheti, dovāriko pana suṭṭhu rakkhati, tassa santike gaṇhathā’’ti vuttā ca pana tampi upasaṅkamitvā yāciṃsu. Sopi ekadivasaṃ nagaradvāraṃ pidhānavelāya tikkhattuṃ saddamanussāvesi. Atheko daliddamanusso attano kaniṭṭhabhaginiyā saddhiṃ dārupaṇṇatthāya araññaṃ gantvā nivattanto tassa saddaṃ sutvā bhaginiṃ ādāya vegena dvāraṃ sampāpuṇi. Atha naṃ dovāriko ‘‘tvaṃ nagare rañño atthibhāvaṃ kiṃ na jānāsi, ‘sakalasseva imassa nagarassa dvāraṃ pidhīyatī’ti na jānāsi, attano mātugāmaṃ gahetvā araññe kāmaratikīḷaṃ kīḷanto divasaṃ vicarasī’’ti āha. Athassa itarena ‘‘na me, sāmi, bhariyā, bhaginī me esā’’ti vutte etadahosi – ‘‘akāraṇaṃ vata me kataṃ bhaginiṃ bhariyāti kathentena, ahañca kurudhammaṃ rakkhāmi, tena me bhinnena sīlena bhavitabba’’nti. So etamatthaṃ ācikkhitvā ‘‘iminā me kāraṇena kurudhamme kukkuccaṃ atthi, tena vo na sakkā dātu’’nti āha. Atha naṃ dūtā ‘‘etaṃ tumhehi tathāsaññāya kathitaṃ, ettha vo sīlabhedo natthi, ettakenapi ca tumhe kukkuccāyantā kurudhamme sampajānamusāvādaṃ nāma kiṃ karissathā’’ti vatvā tassapi santike sīlaṃ gahetvā suvaṇṇapaṭṭe likhiṃsu.
‘‘звам̣ санд̇зби нзва мам̣ аараад̇хзд̇и, ван̣н̣ад̣̇аасий бана судту рагкад̇и, д̇асса санд̇игз г̇ан̣хат̇аа’’д̇и вуд̇д̇аа жа бана д̇амби убасан̇гамид̇ваа яаажим̣су. саа буриманаязнзва бадигкиби. гим̣гааран̣аа ? сагго гира д̣̇зваанаминд̣̇о ‘‘д̇ассаа сийлам̣ виймам̣сиссаамий’’д̇и маан̣авагаван̣н̣зна ааг̇анд̇ваа ‘‘ахам̣ ааг̇амиссаамий’’д̇и вад̇ваа сахассам̣ д̣̇ад̇ваа д̣̇звалогамзва г̇анд̇ваа д̇ийн̣и сам̣важчараани нааг̇ажчи. саа ад̇д̇ано сийлабхзд̣̇абхаязна д̇ийн̣и сам̣важчараани ан̃н̃асса бурисасса хад̇т̇ад̇о д̇амб̣ууламад̇д̇амби на г̇ан̣хи, саа ануггамзна д̣̇уг̇г̇ад̇аа худ̇ваа жинд̇зси – ‘‘маяхам̣ сахассам̣ д̣̇ад̇ваа г̇ад̇абурисасса д̇ийн̣и сам̣важчараани анааг̇ажчанд̇асса д̣̇уг̇г̇ад̇аа ж̇аад̇аа, ж̇ийвид̇авуд̇д̇им̣ гхадзд̇ум̣ на саггоми, ид̇о д̣̇аани бадтааяа маяаа винижчаяамахаамад̇д̇аанам̣ аарожзд̇ваа бариб̣б̣аяам̣ г̇ахзд̇ум̣ ваддад̇ий’’д̇и. саа винижчаяам̣ г̇анд̇ваа ‘‘саами, бариб̣б̣аяам̣ д̣̇ад̇ваа г̇ад̇абурисасса мз д̇ийн̣и сам̣важчараани, мад̇абхаавамбисса на ж̇аанаами, ж̇ийвид̇ам̣ гхадзд̇ум̣ на саггоми, гим̣ гароми, саамий’’д̇и ааха. д̇ийн̣и сам̣важчараани анааг̇ажчанд̇з гим̣ гариссаси, ид̇о бадтааяа бариб̣б̣аяам̣ г̇ан̣хаад̇и. д̇ассаа лад̣̇д̇хавинижчаяааяа винижчаяад̇о нигкамамаанааяа зва зго бурисо сахассабхан̣д̣игам̣ убанаамзси.
‘‘Evaṃ santepi neva maṃ ārādheti, vaṇṇadāsī pana suṭṭhu rakkhati, tassa santike gaṇhathā’’ti vuttā ca pana tampi upasaṅkamitvā yāciṃsu. Sā purimanayeneva paṭikkhipi. Kiṃkāraṇā ? Sakko kira devānamindo ‘‘tassā sīlaṃ vīmaṃsissāmī’’ti māṇavakavaṇṇena āgantvā ‘‘ahaṃ āgamissāmī’’ti vatvā sahassaṃ datvā devalokameva gantvā tīṇi saṃvaccharāni nāgacchi. Sā attano sīlabhedabhayena tīṇi saṃvaccharāni aññassa purisassa hatthato tambūlamattampi na gaṇhi, sā anukkamena duggatā hutvā cintesi – ‘‘mayhaṃ sahassaṃ datvā gatapurisassa tīṇi saṃvaccharāni anāgacchantassa duggatā jātā, jīvitavuttiṃ ghaṭetuṃ na sakkomi, ito dāni paṭṭhāya mayā vinicchayamahāmattānaṃ ārocetvā paribbayaṃ gahetuṃ vaṭṭatī’’ti. Sā vinicchayaṃ gantvā ‘‘sāmi, paribbayaṃ datvā gatapurisassa me tīṇi saṃvaccharāni, matabhāvampissa na jānāmi, jīvitaṃ ghaṭetuṃ na sakkomi, kiṃ karomi, sāmī’’ti āha. Tīṇi saṃvaccharāni anāgacchante kiṃ karissasi, ito paṭṭhāya paribbayaṃ gaṇhāti. Tassā laddhavinicchayāya vinicchayato nikkhamamānāya eva eko puriso sahassabhaṇḍikaṃ upanāmesi.
д̇асса г̇ахан̣ад̇т̇ааяа хад̇т̇ам̣ басааран̣агаалз сагго ад̇д̇аанам̣ д̣̇ассзси. саа д̣̇исваава ‘‘маяхам̣ сам̣важчарад̇д̇аяамад̇т̇агз сахассад̣̇ааяаго бурисо ааг̇ад̇о, д̇аад̇а, над̇т̇и мз д̇ава гахаабан̣зхи ад̇т̇о’’д̇и хад̇т̇ам̣ самин̃ж̇зси. сагго ад̇д̇ано сарийран̃н̃зва абхинимминид̇ваа д̇арун̣асуурияо вияа ж̇аланд̇о аагаасз адтааси, сагаланаг̇арам̣ саннибад̇и. сагго махааж̇анамаж̇жхз ‘‘ахам̣ зд̇иссаа виймам̣санавасзна сам̣важчарад̇д̇аяамад̇т̇агз сахассам̣ ад̣̇аасим̣, сийлам̣ рагканд̇аа наама зваруубаа худ̇ваа рагкат̇аа’’д̇и оваад̣̇ам̣ д̣̇ад̇ваа д̇ассаа нивзсанам̣ сад̇д̇арад̇анзхи буурзд̇ваа ‘‘ид̇о бадтааяа аббамад̇д̇аа хохий’’д̇и д̇ам̣ анусаасид̇ваа д̣̇звалогамзва аг̇амааси. иминаа гааран̣зна саа ‘‘ахам̣ г̇ахид̇абхад̇им̣ аж̇ийраабзд̇ваава ан̃н̃зна д̣̇ийяамаанааяа бхад̇ияаа хад̇т̇ам̣ басаарзсим̣, иминаа гааран̣зна мам̣ сийлам̣ наараад̇хзд̇и, д̇зна во д̣̇аад̇ум̣ на саггаа’’д̇и бадигкиби. ат̇а нам̣ д̣̇ууд̇аа ‘‘хад̇т̇аббасааран̣амад̇д̇зна сийлабхзд̣̇о над̇т̇и, сийлам̣ наама зд̇ам̣ барамависуд̣̇д̇хи ход̇ий’’д̇и вад̇ваа д̇ассааби санд̇игз сийлам̣ г̇ахзд̇ваа суван̣н̣абаддз ликим̣су.
Tassa gahaṇatthāya hatthaṃ pasāraṇakāle sakko attānaṃ dassesi. Sā disvāva ‘‘mayhaṃ saṃvaccharattayamatthake sahassadāyako puriso āgato, tāta, natthi me tava kahāpaṇehi attho’’ti hatthaṃ samiñjesi. Sakko attano sarīraññeva abhinimminitvā taruṇasūriyo viya jalanto ākāse aṭṭhāsi, sakalanagaraṃ sannipati. Sakko mahājanamajjhe ‘‘ahaṃ etissā vīmaṃsanavasena saṃvaccharattayamatthake sahassaṃ adāsiṃ, sīlaṃ rakkhantā nāma evarūpā hutvā rakkhathā’’ti ovādaṃ datvā tassā nivesanaṃ sattaratanehi pūretvā ‘‘ito paṭṭhāya appamattā hohī’’ti taṃ anusāsitvā devalokameva agamāsi. Iminā kāraṇena sā ‘‘ahaṃ gahitabhatiṃ ajīrāpetvāva aññena dīyamānāya bhatiyā hatthaṃ pasāresiṃ, iminā kāraṇena maṃ sīlaṃ nārādheti, tena vo dātuṃ na sakkā’’ti paṭikkhipi. Atha naṃ dūtā ‘‘hatthappasāraṇamattena sīlabhedo natthi, sīlaṃ nāma etaṃ paramavisuddhi hotī’’ti vatvā tassāpi santike sīlaṃ gahetvā suvaṇṇapaṭṭe likhiṃsu.
ид̇и имзсам̣ згаад̣̇асаннам̣ ж̇анаанам̣ рагкан̣асийлам̣ суван̣н̣абаддз ликид̇ваа д̣̇анд̇абурам̣ г̇анд̇ваа гаалин̇г̇аран̃н̃о суван̣н̣абаддам̣ д̣̇ад̇ваа д̇ам̣ бавад̇д̇им̣ аарожзсум̣. рааж̇аа д̇асмим̣ гуруд̇хаммз вад̇д̇амаано бан̃жа сийлаани буурзси. д̇асмим̣ кан̣з сагалагаалин̇г̇арадтз д̣̇зво васси, д̇ийн̣и бхаяаани вуубасанд̇аани, радтам̣ кзмам̣ субхигкам̣ ахоси. б̣од̇хисад̇д̇о яааваж̇ийвам̣ д̣̇аанаад̣̇ийни бун̃н̃аани гад̇ваа сабаривааро саг̇г̇абурам̣ буурзси.
Iti imesaṃ ekādasannaṃ janānaṃ rakkhaṇasīlaṃ suvaṇṇapaṭṭe likhitvā dantapuraṃ gantvā kāliṅgarañño suvaṇṇapaṭṭaṃ datvā taṃ pavattiṃ ārocesuṃ. Rājā tasmiṃ kurudhamme vattamāno pañca sīlāni pūresi. Tasmiṃ khaṇe sakalakāliṅgaraṭṭhe devo vassi, tīṇi bhayāni vūpasantāni, raṭṭhaṃ khemaṃ subhikkhaṃ ahosi. Bodhisatto yāvajīvaṃ dānādīni puññāni katvā saparivāro saggapuraṃ pūresi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси. ‘‘сажжабарияосаанз гзжи сод̇аабаннаа ахзсум̣, гзжи сагад̣̇ааг̇аамино, гзжи анааг̇аамино, гзжи араханд̇о’’д̇и. ж̇аад̇агасамод̇хаанз бана –
Satthā imaṃ dhammadesanaṃ āharitvā saccāni pakāsetvā jātakaṃ samodhānesi. ‘‘Saccapariyosāne keci sotāpannā ahesuṃ, keci sakadāgāmino, keci anāgāmino, keci arahanto’’ti. Jātakasamodhāne pana –
‘‘г̇ан̣игаа уббалаван̣н̣аа, бун̣н̣о д̣̇оваариго д̇ад̣̇аа;
‘‘Gaṇikā uppalavaṇṇā, puṇṇo dovāriko tadā;
раж̇ж̇уг̇аахо гажжааяано, мог̇г̇аллаано д̣̇он̣амаабаго.
Rajjugāho kaccāyano, moggallāno doṇamāpako.
‘‘саарибуд̇д̇о д̇ад̣̇аа сздти, ануруд̣̇д̇хо жа саарат̇и;
‘‘Sāriputto tadā seṭṭhi, anuruddho ca sārathi;
б̣раахман̣о гассабо т̇зро, убарааж̇аа нанд̣̇абан̣д̣ид̇о.
Brāhmaṇo kassapo thero, uparājā nandapaṇḍito.
‘‘махзсий раахуламаад̇аа, мааяаад̣̇звий ж̇анзд̇д̇ияаа;
‘‘Mahesī rāhulamātā, māyādevī janettiyā;
гурурааж̇аа б̣од̇хисад̇д̇о, звам̣ д̇хаарзт̇а ж̇аад̇ага’’нд̇и.
Kururājā bodhisatto, evaṃ dhāretha jātaka’’nti.
гуруд̇хаммаж̇аад̇агаван̣н̣анаа чадтаа.
Kurudhammajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 276. гуруд̇хаммаж̇аад̇агам̣ • 276. Kurudhammajātakaṃ
