| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[206] 6. гурун̇г̇амиг̇аж̇аад̇агаван̣н̣анаа
[206] 6. Kuruṅgamigajātakavaṇṇanā
ин̇гха ваддамаяам̣ баасанд̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇ам̣ аараб̣бха гат̇зси. д̇ад̣̇аа хи сад̇т̇аа ‘‘д̣̇звад̣̇ад̇д̇о вад̇хааяа барисаггад̇ий’’д̇и суд̇ваа ‘‘на, бхигкавз, д̣̇звад̣̇ад̇д̇о ид̣̇аанзва маяхам̣ вад̇хааяа барисаггад̇и, буб̣б̣зби барисаггиязваа’’д̇и вад̇ваа ад̇ийд̇ам̣ аахари.
Iṅgha vaṭṭamayaṃ pāsanti idaṃ satthā veḷuvane viharanto devadattaṃ ārabbha kathesi. Tadā hi satthā ‘‘devadatto vadhāya parisakkatī’’ti sutvā ‘‘na, bhikkhave, devadatto idāneva mayhaṃ vadhāya parisakkati, pubbepi parisakkiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гурун̇г̇амиг̇о худ̇ваа аран̃н̃з згасса сарасса авид̣̇уурз згасмим̣ г̇умб̣з ваасам̣ габбзси. д̇ассзва сарасса авид̣̇уурз згасмим̣ ругкаг̇г̇з сад̇абад̇д̇о, сарасмим̣ бана гажчабо ваасам̣ габбзси. звам̣ д̇з д̇аяоби сахааяагаа ан̃н̃аман̃н̃ам̣ бияасам̣ваасам̣ васим̣су. ат̇зго миг̇алуд̣̇д̣̇аго аран̃н̃з жаранд̇о баанийяад̇ид̇т̇з б̣од̇хисад̇д̇асса бад̣̇авалан̃ж̇ам̣ д̣̇исваа лоханиг̇ал̣асад̣̇исам̣ ваддамаяам̣ баасам̣ од̣д̣зд̇ваа аг̇амааси. б̣од̇хисад̇д̇о баанийяам̣ баад̇ум̣ ааг̇ад̇о батамаяаамзязва баасз б̣аж̇жхид̇ваа б̣ад̣̇д̇харавам̣ рави. д̇асса д̇зна сад̣̇д̣̇зна ругкаг̇г̇ад̇о сад̇абад̇д̇о уд̣̇агад̇о жа гажчабо ааг̇анд̇ваа ‘‘гим̣ ну ко гаад̇аб̣б̣а’’нд̇и манд̇аяим̣су. ат̇а сад̇абад̇д̇о гажчабам̣ ааманд̇зд̇ваа ‘‘самма, д̇ава д̣̇анд̇аа ад̇т̇и, д̇вам̣ имам̣ баасам̣ чинд̣̇а, ахам̣ г̇анд̇ваа яат̇аа со нааг̇ажчад̇и, д̇ат̇аа гариссаами, звам̣ амхзхи д̣̇вийхиби гад̇абараггамзна сахааяо но ж̇ийвид̇ам̣ лабхиссад̇ий’’д̇и имамад̇т̇ам̣ багаасзнд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto kuruṅgamigo hutvā araññe ekassa sarassa avidūre ekasmiṃ gumbe vāsaṃ kappesi. Tasseva sarassa avidūre ekasmiṃ rukkhagge satapatto, sarasmiṃ pana kacchapo vāsaṃ kappesi. Evaṃ te tayopi sahāyakā aññamaññaṃ piyasaṃvāsaṃ vasiṃsu. Atheko migaluddako araññe caranto pānīyatitthe bodhisattassa padavalañjaṃ disvā lohanigaḷasadisaṃ vaṭṭamayaṃ pāsaṃ oḍḍetvā agamāsi. Bodhisatto pānīyaṃ pātuṃ āgato paṭhamayāmeyeva pāse bajjhitvā baddharavaṃ ravi. Tassa tena saddena rukkhaggato satapatto udakato ca kacchapo āgantvā ‘‘kiṃ nu kho kātabba’’nti mantayiṃsu. Atha satapatto kacchapaṃ āmantetvā ‘‘samma, tava dantā atthi, tvaṃ imaṃ pāsaṃ chinda, ahaṃ gantvā yathā so nāgacchati, tathā karissāmi, evaṃ amhehi dvīhipi kataparakkamena sahāyo no jīvitaṃ labhissatī’’ti imamatthaṃ pakāsento paṭhamaṃ gāthamāha –
111.
111.
‘‘ин̇гха ваддамаяам̣ баасам̣, чинд̣̇а д̣̇анд̇зхи гажчаба;
‘‘Iṅgha vaṭṭamayaṃ pāsaṃ, chinda dantehi kacchapa;
ахам̣ д̇ат̇аа гариссаами, яат̇аа нзхид̇и луд̣̇д̣̇аго’’д̇и.
Ahaṃ tathā karissāmi, yathā nehiti luddako’’ti.
ат̇а гажчабо жаммаварад̇д̇ам̣ каад̣̇ид̇ум̣ аарабхи, сад̇абад̇д̇о луд̣̇д̣̇агасса васанаг̇аамам̣ г̇ад̇о авид̣̇уурз ругкз нисийд̣̇и. луд̣̇д̣̇аго бажжуусагаалзязва сад̇д̇им̣ г̇ахзд̇ваа нигками. сагун̣о д̇асса нигкаманабхаавам̣ н̃ад̇ваа вассид̇ваа багкз бабподзд̇ваа д̇ам̣ буримад̣̇ваарзна нигкаманд̇ам̣ мукз бахари. луд̣̇д̣̇о ‘‘гаал̣аган̣н̣инаа сагун̣знамхи бахадо’’д̇и нивад̇д̇ид̇ваа т̇огам̣ саяид̇ваа буна сад̇д̇им̣ г̇ахзд̇ваа удтааси. сагун̣о ‘‘аяам̣ батамам̣ буримад̣̇ваарзна нигканд̇о ид̣̇аани бажчимад̣̇ваарзна нигкамиссад̇ий’’д̇и н̃ад̇ваа г̇анд̇ваа бажчимаг̇зхз нисийд̣̇и. луд̣̇д̣̇оби ‘‘буримад̣̇ваарзна мз нигканд̇зна гаал̣аган̣н̣ий сагун̣о д̣̇идто, ид̣̇аани бажчимад̣̇ваарзна нигкамиссаамий’’д̇и бажчимад̣̇ваарзна нигками, сагун̣о буна вассид̇ваа г̇анд̇ваа мукз бахари. луд̣̇д̣̇о ‘‘бунаби гаал̣аган̣н̣ийсагун̣зна бахадо, на д̣̇аани мз зса нигкамид̇ум̣ д̣̇зд̇ий’’д̇и нивад̇д̇ид̇ваа яаава арун̣уг̇г̇аманаа саяид̇ваа арун̣уг̇г̇аманавзлааяа сад̇д̇им̣ г̇ахзд̇ваа нигками. сагун̣о взг̇зна г̇анд̇ваа ‘‘луд̣̇д̣̇о ааг̇ажчад̇ий’’д̇и б̣од̇хисад̇д̇асса гат̇зси.
Atha kacchapo cammavarattaṃ khādituṃ ārabhi, satapatto luddakassa vasanagāmaṃ gato avidūre rukkhe nisīdi. Luddako paccūsakāleyeva sattiṃ gahetvā nikkhami. Sakuṇo tassa nikkhamanabhāvaṃ ñatvā vassitvā pakkhe papphoṭetvā taṃ purimadvārena nikkhamantaṃ mukhe pahari. Luddo ‘‘kāḷakaṇṇinā sakuṇenamhi pahaṭo’’ti nivattitvā thokaṃ sayitvā puna sattiṃ gahetvā uṭṭhāsi. Sakuṇo ‘‘ayaṃ paṭhamaṃ purimadvārena nikkhanto idāni pacchimadvārena nikkhamissatī’’ti ñatvā gantvā pacchimagehe nisīdi. Luddopi ‘‘purimadvārena me nikkhantena kāḷakaṇṇī sakuṇo diṭṭho, idāni pacchimadvārena nikkhamissāmī’’ti pacchimadvārena nikkhami, sakuṇo puna vassitvā gantvā mukhe pahari. Luddo ‘‘punapi kāḷakaṇṇīsakuṇena pahaṭo, na dāni me esa nikkhamituṃ detī’’ti nivattitvā yāva aruṇuggamanā sayitvā aruṇuggamanavelāya sattiṃ gahetvā nikkhami. Sakuṇo vegena gantvā ‘‘luddo āgacchatī’’ti bodhisattassa kathesi.
д̇асмим̣ кан̣з гажчабзна згамзва жаммавад̣̇д̇хам̣ табзд̇ваа сзсаварад̇д̇аа каад̣̇ид̇аа хонд̇и. д̣̇анд̇аа банасса бад̇анаагаараббад̇д̇аа ж̇аад̇аа, мукад̇о лохид̇ам̣ баг̇гхарад̇и. б̣од̇хисад̇д̇о луд̣̇д̣̇абуд̇д̇ам̣ сад̇д̇им̣ г̇ахзд̇ваа асанивзг̇зна ааг̇ажчанд̇ам̣ д̣̇исваа д̇ам̣ вад̣̇д̇хам̣ чинд̣̇ид̇ваа ванам̣ баависи, сагун̣о ругкаг̇г̇з нисийд̣̇и, гажчабо бана д̣̇уб̣б̣алад̇д̇аа д̇ад̇т̇зва нибаж̇ж̇и. луд̣̇д̣̇о гажчабам̣ г̇ахзд̇ваа басиб̣б̣агз багкибид̇ваа згасмим̣ каан̣угз лаг̇г̇зси. б̣од̇хисад̇д̇о нивад̇д̇ид̇ваа ологзнд̇о гажчабасса г̇ахид̇абхаавам̣ н̃ад̇ваа ‘‘сахааяасса ж̇ийвид̇ад̣̇аанам̣ д̣̇ассаамий’’д̇и д̣̇уб̣б̣ало вияа худ̇ваа луд̣̇д̣̇асса ад̇д̇аанам̣ д̣̇ассзси. со ‘‘д̣̇уб̣б̣ало зса бхависсад̇и, маарзссаами на’’нд̇и сад̇д̇им̣ аад̣̇ааяа ануб̣анд̇хи. б̣од̇хисад̇д̇о наад̇ид̣̇уурз наажжаасаннз г̇ажчанд̇о д̇ам̣ аад̣̇ааяа аран̃н̃ам̣ баависи, д̣̇уурам̣ г̇ад̇абхаавам̣ н̃ад̇ваа бад̣̇ам̣ ван̃жзд̇ваа ан̃н̃зна маг̇г̇зна ваад̇авзг̇зна г̇анд̇ваа син̇г̇зна басиб̣б̣агам̣ угкибид̇ваа бхуумияам̣ баад̇зд̇ваа паалзд̇ваа гажчабам̣ нийхари. сад̇абад̇д̇оби ругкаа од̇ари. б̣од̇хисад̇д̇о д̣̇виннамби оваад̣̇ам̣ д̣̇ад̣̇амаано ‘‘ахам̣ д̇умхз ниссааяа ж̇ийвид̇ам̣ лабхим̣, д̇умхзхи сахааяагасса гад̇д̇аб̣б̣ам̣ маяхам̣ гад̇ам̣, ид̣̇аани луд̣̇д̣̇о ааг̇анд̇ваа д̇умхз г̇ан̣хзяяа, д̇асмаа, самма сад̇абад̇д̇а, д̇вам̣ ад̇д̇ано буд̇д̇агз г̇ахзд̇ваа ан̃н̃ад̇т̇а яаахи, д̇вамби, самма гажчаба, уд̣̇агам̣ бависаахий’’д̇и ааха. д̇з д̇ат̇аа агам̣су.
Tasmiṃ khaṇe kacchapena ekameva cammavaddhaṃ ṭhapetvā sesavarattā khāditā honti. Dantā panassa patanākārappattā jātā, mukhato lohitaṃ paggharati. Bodhisatto luddaputtaṃ sattiṃ gahetvā asanivegena āgacchantaṃ disvā taṃ vaddhaṃ chinditvā vanaṃ pāvisi, sakuṇo rukkhagge nisīdi, kacchapo pana dubbalattā tattheva nipajji. Luddo kacchapaṃ gahetvā pasibbake pakkhipitvā ekasmiṃ khāṇuke laggesi. Bodhisatto nivattitvā olokento kacchapassa gahitabhāvaṃ ñatvā ‘‘sahāyassa jīvitadānaṃ dassāmī’’ti dubbalo viya hutvā luddassa attānaṃ dassesi. So ‘‘dubbalo esa bhavissati, māressāmi na’’nti sattiṃ ādāya anubandhi. Bodhisatto nātidūre nāccāsanne gacchanto taṃ ādāya araññaṃ pāvisi, dūraṃ gatabhāvaṃ ñatvā padaṃ vañcetvā aññena maggena vātavegena gantvā siṅgena pasibbakaṃ ukkhipitvā bhūmiyaṃ pātetvā phāletvā kacchapaṃ nīhari. Satapattopi rukkhā otari. Bodhisatto dvinnampi ovādaṃ dadamāno ‘‘ahaṃ tumhe nissāya jīvitaṃ labhiṃ, tumhehi sahāyakassa kattabbaṃ mayhaṃ kataṃ, idāni luddo āgantvā tumhe gaṇheyya, tasmā, samma satapatta, tvaṃ attano puttake gahetvā aññattha yāhi, tvampi, samma kacchapa, udakaṃ pavisāhī’’ti āha. Te tathā akaṃsu.
сад̇т̇аа абхисамб̣уд̣̇д̇хо худ̇ваа д̣̇уд̇ияам̣ г̇аат̇амааха –
Satthā abhisambuddho hutvā dutiyaṃ gāthamāha –
112.
112.
‘‘гажчабо баависий ваарим̣, гурун̇г̇о баависий ванам̣;
‘‘Kacchapo pāvisī vāriṃ, kuruṅgo pāvisī vanaṃ;
сад̇абад̇д̇о д̣̇умаг̇г̇амхаа, д̣̇уурз буд̇д̇з абаанаяий’’д̇и.
Satapatto dumaggamhā, dūre putte apānayī’’ti.
д̇ад̇т̇а абаанаяийд̇и аанаяи, г̇ахзд̇ваа аг̇амаасийд̇и ад̇т̇о;
Tattha apānayīti ānayi, gahetvā agamāsīti attho;
луд̣̇д̣̇оби д̇ам̣ таанам̣ ааг̇анд̇ваа ган̃жи абассид̇ваа чиннабасиб̣б̣агам̣ г̇ахзд̇ваа д̣̇оманассаббад̇д̇о ад̇д̇ано г̇зхам̣ аг̇амааси. д̇з д̇аяоби сахааяаа яааваж̇ийвам̣ виссаасам̣ ажчинд̣̇ид̇ваа яат̇аагаммам̣ г̇ад̇аа.
Luddopi taṃ ṭhānaṃ āgantvā kañci apassitvā chinnapasibbakaṃ gahetvā domanassappatto attano gehaṃ agamāsi. Te tayopi sahāyā yāvajīvaṃ vissāsaṃ acchinditvā yathākammaṃ gatā.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа луд̣̇д̣̇аго д̣̇звад̣̇ад̇д̇о ахоси, сад̇абад̇д̇о саарибуд̇д̇о, гажчабо мог̇г̇аллаано, гурун̇г̇амиг̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā luddako devadatto ahosi, satapatto sāriputto, kacchapo moggallāno, kuruṅgamigo pana ahameva ahosi’’nti.
гурун̇г̇амиг̇аж̇аад̇агаван̣н̣анаа чадтаа.
Kuruṅgamigajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 206. гурун̇г̇амиг̇аж̇аад̇агам̣ • 206. Kuruṅgamigajātakaṃ
