Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

    20. сад̇д̇ад̇инибаад̇о

    20. Sattatinipāto

    [531] 1. гусаж̇аад̇агаван̣н̣анаа

    [531] 1. Kusajātakavaṇṇanā

    ид̣̇ам̣ д̇з радтанд̇и ид̣̇ам̣ сад̇т̇аа ж̇зд̇аванз вихаранд̇о угган̣тид̇абхигкум̣ аараб̣бха гат̇зси. зго гира саавад̇т̇иваасий гулабуд̇д̇о саасанз урам̣ д̣̇ад̇ваа баб̣б̣аж̇ид̇о згад̣̇ивасам̣ саавад̇т̇ияам̣ бин̣д̣ааяа жаранд̇о згам̣ алан̇гад̇аид̇т̇им̣ д̣̇исваа субханимид̇д̇аг̇г̇аахавасзна ологзд̇ваа гилзсаабхибхууд̇о анабхирад̇о вихааси д̣̇ийгхагзсанако гилидтажийваро уббан̣д̣уббан̣д̣угаж̇аад̇о д̇хаманийсант̇ад̇аг̇ад̇д̇о. яат̇аа хи д̣̇звалогаа жаванад̇хаммаанам̣ д̣̇звабуд̇д̇аанам̣ бан̃жа буб̣б̣анимид̇д̇аани бан̃н̃ааяанд̇и, маалаа милааяанд̇и, вад̇т̇аани гилиссанд̇и, сарийрз д̣̇уб̣б̣ан̣н̣ияам̣ оггамад̇и, убхохи гажчзхи сзд̣̇аа мужжанд̇и, д̣̇зво д̣̇зваасанз наабхирамад̇и, звамзва саасанаа жаванад̇хаммаанам̣ угган̣тид̇абхигкуунам̣ бан̃жа буб̣б̣анимид̇д̇аани бан̃н̃ааяанд̇и, сад̣̇д̇хаабубпаани милааяанд̇и, сийлавад̇т̇аани гилиссанд̇и, сарийрз ман̇гуд̇ааяа жзва аяасавасзна жа д̣̇уб̣б̣ан̣н̣ияам̣ оггамад̇и, гилзсасзд̣̇аа мужжанд̇и, аран̃н̃аругкамууласун̃н̃ааг̇аарзсу наабхираманд̇и. д̇ассаби д̇аани бан̃н̃ааяим̣су. ат̇а нам̣ бхигкуу сад̇т̇у санд̇игам̣ нзд̇ваа ‘‘аяам̣, бханд̇з, угган̣тид̇о’’д̇и д̣̇ассзсум̣. сад̇т̇аа ‘‘сажжам̣ гира д̇вам̣, бхигку, угган̣тид̇осий’’д̇и д̇ам̣ бужчид̇ваа ‘‘сажжам̣, бханд̇з’’д̇и вуд̇д̇з ‘‘маа, бхигку, гилзсавасиго хохи, маад̇уг̇аамо наамзса баабо, д̇асмим̣ бадиб̣ад̣̇д̇хажид̇д̇ад̇ам̣ винод̣̇зхи, саасанз абхирама, маад̇уг̇аамз бадиб̣ад̣̇д̇хажид̇д̇ад̇ааяа хи д̇зж̇аванд̇оби бораан̣агабан̣д̣ид̇аа нид̇д̇зж̇аа худ̇ваа анаяаб̣яасанам̣ баабун̣им̣суу’’д̇и вад̇ваа ад̇ийд̇ам̣ аахари.

    Idaṃte raṭṭhanti idaṃ satthā jetavane viharanto ukkaṇṭhitabhikkhuṃ ārabbha kathesi. Eko kira sāvatthivāsī kulaputto sāsane uraṃ datvā pabbajito ekadivasaṃ sāvatthiyaṃ piṇḍāya caranto ekaṃ alaṅkataitthiṃ disvā subhanimittaggāhavasena oloketvā kilesābhibhūto anabhirato vihāsi dīghakesanakho kiliṭṭhacīvaro uppaṇḍuppaṇḍukajāto dhamanīsanthatagatto. Yathā hi devalokā cavanadhammānaṃ devaputtānaṃ pañca pubbanimittāni paññāyanti, mālā milāyanti, vatthāni kilissanti, sarīre dubbaṇṇiyaṃ okkamati, ubhohi kacchehi sedā muccanti, devo devāsane nābhiramati, evameva sāsanā cavanadhammānaṃ ukkaṇṭhitabhikkhūnaṃ pañca pubbanimittāni paññāyanti, saddhāpupphāni milāyanti, sīlavatthāni kilissanti, sarīre maṅkutāya ceva ayasavasena ca dubbaṇṇiyaṃ okkamati, kilesasedā muccanti, araññarukkhamūlasuññāgāresu nābhiramanti. Tassapi tāni paññāyiṃsu. Atha naṃ bhikkhū satthu santikaṃ netvā ‘‘ayaṃ, bhante, ukkaṇṭhito’’ti dassesuṃ. Satthā ‘‘saccaṃ kira tvaṃ, bhikkhu, ukkaṇṭhitosī’’ti taṃ pucchitvā ‘‘saccaṃ, bhante’’ti vutte ‘‘mā, bhikkhu, kilesavasiko hohi, mātugāmo nāmesa pāpo, tasmiṃ paṭibaddhacittataṃ vinodehi, sāsane abhirama, mātugāme paṭibaddhacittatāya hi tejavantopi porāṇakapaṇḍitā nittejā hutvā anayabyasanaṃ pāpuṇiṃsū’’ti vatvā atītaṃ āhari.

    ад̇ийд̇з малларадтз гусаавад̇ийрааж̇ад̇хаанияам̣ оггааго наама рааж̇аа д̇хаммзна самзна раж̇ж̇ам̣ гаарзси. д̇асса сол̣асаннам̣ ид̇т̇исахассаанам̣ ж̇здтигаа сийлавад̇ий наама аг̇г̇амахзсий ахоси, саа нзва буд̇д̇ам̣, на д̇хийд̇арам̣ лабхи. ат̇асса нааг̇араа жзва радтаваасино жа рааж̇анивзсанад̣̇ваарз саннибад̇ид̇ваа ‘‘радтам̣ нассиссад̇и, радтам̣ нассиссад̇ий’’д̇и убаггосим̣су. рааж̇аа сийхабан̃ж̇арам̣ уг̇гхаадзд̇ваа ‘‘маяи раж̇ж̇ам̣ гаарзнд̇з ад̇хаммагааро наама над̇т̇и, гасмаа убаггосат̇аа’’д̇и бужчи. ‘‘сажжам̣, д̣̇зва, ад̇хаммагааро наама над̇т̇и, абижа вам̣саанурагкаго бана во буд̇д̇о над̇т̇и, ан̃н̃о раж̇ж̇ам̣ г̇ахзд̇ваа радтам̣ наасзссад̇и, д̇асмаа д̇хаммзна раж̇ж̇ам̣ гаарзд̇ум̣ самад̇т̇ам̣ буд̇д̇ам̣ бад̇т̇зт̇аа’’д̇и. ‘‘буд̇д̇ам̣ бад̇т̇знд̇о гим̣ гаромий’’д̇и? ‘‘батамам̣ д̇аава згам̣ сад̇д̇аахам̣ жулланаадагам̣ д̇хамманаадагам̣ гад̇ваа виссаж̇ж̇зт̇а, сажз саа буд̇д̇ам̣ лабхиссад̇и, саад̇ху, но жз, ат̇а маж̇жхиманаадагам̣ виссаж̇ж̇зт̇а, д̇ад̇о ж̇здтанаадагам̣, авассам̣ зд̇д̇агаасу ид̇т̇ийсу згаа бун̃н̃авад̇ий буд̇д̇ам̣ лабхиссад̇ий’’д̇и. рааж̇аа д̇зсам̣ важанзна д̇ат̇аа гад̇ваа сад̇д̇а д̣̇ивасз яат̇аасукам̣ абхирамид̇ваа ааг̇ад̇ааг̇ад̇ам̣ бужчи – ‘‘гажжи во буд̇д̇о лад̣̇д̇хо’’д̇и? саб̣б̣аа ‘‘на лабхаама, д̣̇зваа’’д̇и аахам̣су. рааж̇аа ‘‘на мз буд̇д̇о уббаж̇ж̇иссад̇ий’’д̇и анад̇д̇амано ахоси. нааг̇араа буна д̇ат̇зва убаггосим̣су. рааж̇аа ‘‘гим̣ убаггосат̇а, маяаа д̇умхаагам̣ важанзна наадагаани виссадтаани, згааби буд̇д̇ам̣ на лабхад̇и, ид̣̇аани гим̣ гаромаа’’д̇и ааха. ‘‘д̣̇зва, зд̇аа д̣̇уссийлаа бхависсанд̇и ниббун̃н̃аа, над̇т̇и зд̇аасам̣ буд̇д̇алаабхааяа бун̃н̃ам̣, д̇умхз зд̇аасу буд̇д̇ам̣ алабханд̇ийсуби маа аббоссуггад̇ам̣ аабаж̇ж̇ат̇а, аг̇г̇амахзсий во сийлавад̇ий д̣̇звий сийласамбаннаа, д̇ам̣ виссаж̇ж̇зт̇а, д̇ассаа буд̇д̇о уббаж̇ж̇иссад̇ий’’д̇и.

    Atīte mallaraṭṭhe kusāvatīrājadhāniyaṃ okkāko nāma rājā dhammena samena rajjaṃ kāresi. Tassa soḷasannaṃ itthisahassānaṃ jeṭṭhikā sīlavatī nāma aggamahesī ahosi, sā neva puttaṃ, na dhītaraṃ labhi. Athassa nāgarā ceva raṭṭhavāsino ca rājanivesanadvāre sannipatitvā ‘‘raṭṭhaṃ nassissati, raṭṭhaṃ nassissatī’’ti upakkosiṃsu. Rājā sīhapañjaraṃ ugghāṭetvā ‘‘mayi rajjaṃ kārente adhammakāro nāma natthi, kasmā upakkosathā’’ti pucchi. ‘‘Saccaṃ, deva, adhammakāro nāma natthi, apica vaṃsānurakkhako pana vo putto natthi, añño rajjaṃ gahetvā raṭṭhaṃ nāsessati, tasmā dhammena rajjaṃ kāretuṃ samatthaṃ puttaṃ patthethā’’ti. ‘‘Puttaṃ patthento kiṃ karomī’’ti? ‘‘Paṭhamaṃ tāva ekaṃ sattāhaṃ cullanāṭakaṃ dhammanāṭakaṃ katvā vissajjetha, sace sā puttaṃ labhissati, sādhu, no ce, atha majjhimanāṭakaṃ vissajjetha, tato jeṭṭhanāṭakaṃ, avassaṃ ettakāsu itthīsu ekā puññavatī puttaṃ labhissatī’’ti. Rājā tesaṃ vacanena tathā katvā satta divase yathāsukhaṃ abhiramitvā āgatāgataṃ pucchi – ‘‘kacci vo putto laddho’’ti? Sabbā ‘‘na labhāma, devā’’ti āhaṃsu. Rājā ‘‘na me putto uppajjissatī’’ti anattamano ahosi. Nāgarā puna tatheva upakkosiṃsu. Rājā ‘‘kiṃ upakkosatha, mayā tumhākaṃ vacanena nāṭakāni vissaṭṭhāni, ekāpi puttaṃ na labhati, idāni kiṃ karomā’’ti āha. ‘‘Deva, etā dussīlā bhavissanti nippuññā, natthi etāsaṃ puttalābhāya puññaṃ, tumhe etāsu puttaṃ alabhantīsupi mā appossukkataṃ āpajjatha, aggamahesī vo sīlavatī devī sīlasampannā, taṃ vissajjetha, tassā putto uppajjissatī’’ti.

    со ‘‘саад̇хуу’’д̇и самбадижчид̇ваа ‘‘ид̇о гира сад̇д̇амз д̣̇ивасз рааж̇аа сийлавад̇им̣ д̣̇звим̣ д̇хамманаадагам̣ гад̇ваа виссаж̇ж̇зссад̇и, бурисаа саннибад̇анд̇уу’’д̇и бхзрим̣ жараабзд̇ваа сад̇д̇амз д̣̇ивасз д̣̇звим̣ алан̇гаараабзд̇ваа рааж̇анивзсанаа од̇аарзд̇ваа виссаж̇ж̇зси. д̇ассаа сийлад̇зж̇зна саггасса бхаванам̣ ун̣хаагаарам̣ д̣̇ассзси. сагго ‘‘гим̣ ну ко’’д̇и ааваж̇ж̇знд̇о д̣̇звияаа буд̇д̇абад̇т̇анабхаавам̣ н̃ад̇ваа ‘‘зд̇иссаа маяаа буд̇д̇ам̣ д̣̇аад̇ум̣ ваддад̇и, ад̇т̇и ну ко д̣̇звалогз зд̇иссаа анужчавиго буд̇д̇о’’д̇и убад̇хаарзнд̇о б̣од̇хисад̇д̇ам̣ ад̣̇д̣̇аса. со гира д̇ад̣̇аа д̇аавад̇им̣сабхаванз ааяум̣ кзбзд̇ваа убарид̣̇звалогз ниб̣б̣ад̇д̇ид̇угаамо ахоси. сагго д̇асса вимаанад̣̇ваарам̣ г̇анд̇ваа д̇ам̣ баггосид̇ваа, ‘‘маариса, д̇аяаа мануссалогам̣ г̇анд̇ваа оггаагаран̃н̃о аг̇г̇амахзсияаа гужчимхи бадисанд̇хим̣ г̇ан̣хид̇ум̣ ваддад̇ий’’д̇и самбадижчаабзд̇ваа абарамби д̣̇звабуд̇д̇ам̣ ‘‘д̇вамби зд̇иссаа зва буд̇д̇о бхависсасий’’д̇и вад̇ваа ‘‘маа ко банассаа гожи сийлам̣ бхинд̣̇ад̇уу’’д̇и махаллагаб̣раахман̣авзсзна ран̃н̃о нивзсанад̣̇ваарам̣ аг̇амааси.

    So ‘‘sādhū’’ti sampaṭicchitvā ‘‘ito kira sattame divase rājā sīlavatiṃ deviṃ dhammanāṭakaṃ katvā vissajjessati, purisā sannipatantū’’ti bheriṃ carāpetvā sattame divase deviṃ alaṅkārāpetvā rājanivesanā otāretvā vissajjesi. Tassā sīlatejena sakkassa bhavanaṃ uṇhākāraṃ dassesi. Sakko ‘‘kiṃ nu kho’’ti āvajjento deviyā puttapatthanabhāvaṃ ñatvā ‘‘etissā mayā puttaṃ dātuṃ vaṭṭati, atthi nu kho devaloke etissā anucchaviko putto’’ti upadhārento bodhisattaṃ addasa. So kira tadā tāvatiṃsabhavane āyuṃ khepetvā uparidevaloke nibbattitukāmo ahosi. Sakko tassa vimānadvāraṃ gantvā taṃ pakkositvā, ‘‘mārisa, tayā manussalokaṃ gantvā okkākarañño aggamahesiyā kucchimhi paṭisandhiṃ gaṇhituṃ vaṭṭatī’’ti sampaṭicchāpetvā aparampi devaputtaṃ ‘‘tvampi etissā eva putto bhavissasī’’ti vatvā ‘‘mā kho panassā koci sīlaṃ bhindatū’’ti mahallakabrāhmaṇavesena rañño nivesanadvāraṃ agamāsi.

    махааж̇аноби нхаад̇о алан̇гад̇о ‘‘ахам̣ д̣̇звим̣ г̇ан̣хиссаами, ахам̣ д̣̇звим̣ г̇ан̣хиссаамий’’д̇и рааж̇ад̣̇ваарз саннибад̇ид̇ваа сагган̃жа д̣̇исваа ‘‘д̇вам̣ гасмаа ааг̇ад̇осий’’д̇и барихаасамагааси. сагго ‘‘гим̣ мам̣ д̇умхз г̇арахат̇а, сажзби мз сарийрам̣ ж̇ин̣н̣ам̣, рааг̇о бана на ж̇ийрад̇и, сажз сийлавад̇им̣ лабхиссаами, аад̣̇ааяа нам̣ г̇амиссаамийд̇и ааг̇ад̇омхий’’д̇и вад̇ваа ад̇д̇ано аанубхаавзна саб̣б̣зсам̣ бурад̇ова адтааси. ан̃н̃о гожи д̇асса д̇зж̇зна бурад̇о бхавид̇ум̣ наасагки. со д̇ам̣ саб̣б̣аалан̇гаарабадиман̣д̣ид̇ам̣ нивзсанаа нигкаманд̇ин̃н̃зва хад̇т̇з г̇ахзд̇ваа баггаами. ат̇а нам̣ д̇ад̇т̇а д̇ад̇т̇а тид̇аа г̇арахим̣су ‘‘бассат̇а, бхо, махаллагаб̣раахман̣о звам̣ уд̇д̇амаруубад̇харам̣ д̣̇звим̣ аад̣̇ааяа г̇ажчад̇и, ад̇д̇ано яуд̇д̇ам̣ на ж̇аанаад̇ий’’д̇и. д̣̇звийби ‘‘махаллаго мам̣ г̇ахзд̇ваа г̇ажчад̇ий’’д̇и на аддийяад̇и на харааяад̇и. рааж̇ааби ваад̇абаанз тад̇ваа ‘‘го ну ко д̣̇звим̣ г̇ахзд̇ваа г̇ажчад̇ий’’д̇и ологзнд̇о д̇ам̣ д̣̇исваа анад̇д̇амано ахоси.

    Mahājanopi nhāto alaṅkato ‘‘ahaṃ deviṃ gaṇhissāmi, ahaṃ deviṃ gaṇhissāmī’’ti rājadvāre sannipatitvā sakkañca disvā ‘‘tvaṃ kasmā āgatosī’’ti parihāsamakāsi. Sakko ‘‘kiṃ maṃ tumhe garahatha, sacepi me sarīraṃ jiṇṇaṃ, rāgo pana na jīrati, sace sīlavatiṃ labhissāmi, ādāya naṃ gamissāmīti āgatomhī’’ti vatvā attano ānubhāvena sabbesaṃ puratova aṭṭhāsi. Añño koci tassa tejena purato bhavituṃ nāsakkhi. So taṃ sabbālaṅkārapaṭimaṇḍitaṃ nivesanā nikkhamantiññeva hatthe gahetvā pakkāmi. Atha naṃ tattha tattha ṭhitā garahiṃsu ‘‘passatha, bho, mahallakabrāhmaṇo evaṃ uttamarūpadharaṃ deviṃ ādāya gacchati, attano yuttaṃ na jānātī’’ti. Devīpi ‘‘mahallako maṃ gahetvā gacchatī’’ti na aṭṭīyati na harāyati. Rājāpi vātapāne ṭhatvā ‘‘ko nu kho deviṃ gahetvā gacchatī’’ti olokento taṃ disvā anattamano ahosi.

    сагго д̇ам̣ аад̣̇ааяа наг̇арад̣̇ваарад̇о нигкамид̇ваа д̣̇ваарасамийбз згам̣ гхарам̣ маабзси вивадад̣̇ваарам̣ бан̃н̃ад̇д̇агадтад̇т̇аригам̣. ат̇а нам̣ саа ‘‘ид̣̇ам̣ д̇з нивзсана’’нд̇и бужчи. со ‘‘аама, бхад̣̇д̣̇з, буб̣б̣з банаахам̣ зго, ид̣̇аанимхаа маяам̣ д̣̇вз ж̇анаа, ахам̣ бхигкааяа жарид̇ваа д̇ан̣д̣улаад̣̇ийни аахариссаами, д̇вам̣ имиссаа гадтад̇т̇аригааяа нибаж̇ж̇аахий’’д̇и вад̇ваа д̇ам̣ муд̣̇унаа хад̇т̇зна бараамасанд̇о д̣̇иб̣б̣асампассам̣ параабзд̇ваа д̇ад̇т̇а нибаж̇ж̇аабзси. саа д̣̇иб̣б̣асампассапаран̣зна сан̃н̃ам̣ виссаж̇ж̇зси. ат̇а нам̣ ад̇д̇ано аанубхаавзна д̇аавад̇им̣сабхаванам̣ нзд̇ваа алан̇гад̇авимаанз д̣̇иб̣б̣асаяанз нибаж̇ж̇аабзси. саа сад̇д̇амз д̣̇ивасз баб̣уж̇жхид̇ваа д̇ам̣ самбад̇д̇им̣ д̣̇исваа ‘‘на со б̣раахман̣о мануссо, сагго бхависсад̇ий’’д̇и ан̃н̃ааси. саггоби д̇асмим̣ самаяз баарижчад̇д̇агамуулз д̣̇иб̣б̣анаадагабаривуд̇о нисинно ахоси. саа саяанаа удтааяа д̇асса санд̇игам̣ г̇анд̇ваа ванд̣̇ид̇ваа згаманд̇ам̣ адтааси. ат̇а нам̣ сагго ‘‘варам̣ д̇з, д̣̇зви, д̣̇ад̣̇аами, г̇ан̣хаахий’’д̇и ааха. ‘‘д̇зна хи, д̣̇зва, згам̣ буд̇д̇ам̣ мз д̣̇зхий’’д̇и. ‘‘д̣̇зви, д̇идтад̇у зго буд̇д̇о, ахам̣ д̇з д̣̇вз буд̇д̇з д̣̇ассаами. д̇зсу бана зго бан̃н̃аваа бхависсад̇и вируубаваа, зго руубаваа на бан̃н̃аваа. д̇зсу гад̇арам̣ батамам̣ ижчасий’’д̇и? ‘‘бан̃н̃аванд̇ам̣, д̣̇зваа’’д̇и. со ‘‘саад̇хуу’’д̇и вад̇ваа д̇ассаа гусад̇ин̣ам̣ д̣̇иб̣б̣авад̇т̇ам̣ д̣̇иб̣б̣ажанд̣̇анам̣ баарижчад̇д̇агабубпам̣ гогануд̣̇ан̃жа наама вийн̣ам̣ д̣̇ад̇ваа д̇ам̣ аад̣̇ааяа ран̃н̃о саяанагхарам̣ бависид̇ваа ран̃н̃аа сад̣̇д̇хим̣ згасаяанз нибаж̇ж̇аабзд̇ваа ан̇г̇удтагзна д̇ассаа наабхим̣ бараамаси. д̇асмим̣ кан̣з б̣од̇хисад̇д̇о д̇ассаа гужчимхи бадисанд̇хим̣ г̇ан̣хи. саггоби сагадтаанамзва г̇ад̇о. бан̣д̣ид̇аа д̣̇звий г̇аб̣бхасса бад̇идтид̇абхаавам̣ ж̇аани.

    Sakko taṃ ādāya nagaradvārato nikkhamitvā dvārasamīpe ekaṃ gharaṃ māpesi vivaṭadvāraṃ paññattakaṭṭhattharikaṃ. Atha naṃ sā ‘‘idaṃ te nivesana’’nti pucchi. So ‘‘āma, bhadde, pubbe panāhaṃ eko, idānimhā mayaṃ dve janā, ahaṃ bhikkhāya caritvā taṇḍulādīni āharissāmi, tvaṃ imissā kaṭṭhattharikāya nipajjāhī’’ti vatvā taṃ mudunā hatthena parāmasanto dibbasamphassaṃ pharāpetvā tattha nipajjāpesi. Sā dibbasamphassapharaṇena saññaṃ vissajjesi. Atha naṃ attano ānubhāvena tāvatiṃsabhavanaṃ netvā alaṅkatavimāne dibbasayane nipajjāpesi. Sā sattame divase pabujjhitvā taṃ sampattiṃ disvā ‘‘na so brāhmaṇo manusso, sakko bhavissatī’’ti aññāsi. Sakkopi tasmiṃ samaye pāricchattakamūle dibbanāṭakaparivuto nisinno ahosi. Sā sayanā uṭṭhāya tassa santikaṃ gantvā vanditvā ekamantaṃ aṭṭhāsi. Atha naṃ sakko ‘‘varaṃ te, devi, dadāmi, gaṇhāhī’’ti āha. ‘‘Tena hi, deva, ekaṃ puttaṃ me dehī’’ti. ‘‘Devi, tiṭṭhatu eko putto, ahaṃ te dve putte dassāmi. Tesu pana eko paññavā bhavissati virūpavā, eko rūpavā na paññavā. Tesu kataraṃ paṭhamaṃ icchasī’’ti? ‘‘Paññavantaṃ, devā’’ti. So ‘‘sādhū’’ti vatvā tassā kusatiṇaṃ dibbavatthaṃ dibbacandanaṃ pāricchattakapupphaṃ kokanudañca nāma vīṇaṃ datvā taṃ ādāya rañño sayanagharaṃ pavisitvā raññā saddhiṃ ekasayane nipajjāpetvā aṅguṭṭhakena tassā nābhiṃ parāmasi. Tasmiṃ khaṇe bodhisatto tassā kucchimhi paṭisandhiṃ gaṇhi. Sakkopi sakaṭṭhānameva gato. Paṇḍitā devī gabbhassa patiṭṭhitabhāvaṃ jāni.

    ат̇а нам̣ баб̣уд̣̇д̇хо рааж̇аа д̣̇исваа, ‘‘д̣̇зви, гзна нийд̇аасий’’д̇и бужчи. ‘‘саггзна, д̣̇зваа’’д̇и. ‘‘ахам̣ бажжагкад̇о згам̣ махаллагаб̣раахман̣ам̣ д̇ам̣ аад̣̇ааяа г̇ажчанд̇ам̣ ад̣̇д̣̇асам̣, гасмаа мам̣ ван̃жзсий’’д̇и? ‘‘сад̣̇д̣̇ахат̇а, д̣̇зва, сагго мам̣ г̇ахзд̇ваа д̣̇звалогам̣ нзсий’’д̇и. ‘‘на сад̣̇д̣̇ахаами, д̣̇звий’’д̇и. ат̇асса саа саггад̣̇ад̇д̇ияам̣ гусад̇ин̣ам̣ д̣̇ассзд̇ваа ‘‘сад̣̇д̣̇ахат̇аа’’д̇и ааха. рааж̇аа ‘‘гусад̇ин̣ам̣ наама яад̇о гуд̇ожи лаб̣бхад̇ий’’д̇и на сад̣̇д̣̇ахи. ат̇асса саа д̣̇иб̣б̣авад̇т̇аад̣̇ийни д̣̇ассзси. рааж̇аа д̇аани д̣̇исваа сад̣̇д̣̇ахид̇ваа, ‘‘бхад̣̇д̣̇з, сагго д̇аава д̇ам̣ нзд̇у, буд̇д̇о бана д̇з лад̣̇д̇хо’’д̇и бужчи. ‘‘лад̣̇д̇хо махаарааж̇а, г̇аб̣бхо мз бад̇идтид̇о’’д̇и. со д̇удто д̇ассаа г̇аб̣бхабарихаарам̣ ад̣̇ааси . саа д̣̇асамаасажжаязна буд̇д̇ам̣ виж̇ааяи, д̇асса ан̃н̃ам̣ наамам̣ агад̇ваа гусад̇ин̣анаамамзва агам̣су. гусагумаарасса бад̣̇асаа г̇аманагаалз ид̇аро д̣̇звабуд̇д̇о д̇ассаа гужчияам̣ бадисанд̇хим̣ г̇ан̣хи. саа д̣̇асамаасз барибун̣н̣з буд̇д̇ам̣ виж̇ааяи, д̇асса ‘‘ж̇аяамбад̇ий’’д̇и наамам̣ гарим̣су. д̇з маханд̇зна яасзна вад̣дхим̣су. б̣од̇хисад̇д̇о бан̃н̃аваа аажарияасса санд̇игз гин̃жи сиббам̣ ануг̇г̇ахзд̇ваа ад̇д̇анова бан̃н̃ааяа саб̣б̣асиббзсу нибпад̇д̇им̣ баабун̣и.

    Atha naṃ pabuddho rājā disvā, ‘‘devi, kena nītāsī’’ti pucchi. ‘‘Sakkena, devā’’ti. ‘‘Ahaṃ paccakkhato ekaṃ mahallakabrāhmaṇaṃ taṃ ādāya gacchantaṃ addasaṃ, kasmā maṃ vañcesī’’ti? ‘‘Saddahatha, deva, sakko maṃ gahetvā devalokaṃ nesī’’ti. ‘‘Na saddahāmi, devī’’ti. Athassa sā sakkadattiyaṃ kusatiṇaṃ dassetvā ‘‘saddahathā’’ti āha. Rājā ‘‘kusatiṇaṃ nāma yato kutoci labbhatī’’ti na saddahi. Athassa sā dibbavatthādīni dassesi. Rājā tāni disvā saddahitvā, ‘‘bhadde, sakko tāva taṃ netu, putto pana te laddho’’ti pucchi. ‘‘Laddho mahārāja, gabbho me patiṭṭhito’’ti. So tuṭṭho tassā gabbhaparihāraṃ adāsi . Sā dasamāsaccayena puttaṃ vijāyi, tassa aññaṃ nāmaṃ akatvā kusatiṇanāmameva akaṃsu. Kusakumārassa padasā gamanakāle itaro devaputto tassā kucchiyaṃ paṭisandhiṃ gaṇhi. Sā dasamāse paripuṇṇe puttaṃ vijāyi, tassa ‘‘jayampatī’’ti nāmaṃ kariṃsu. Te mahantena yasena vaḍḍhiṃsu. Bodhisatto paññavā ācariyassa santike kiñci sippaṃ anuggahetvā attanova paññāya sabbasippesu nipphattiṃ pāpuṇi.

    ат̇асса сол̣асавассагаалз рааж̇аа раж̇ж̇ам̣ д̣̇аад̇угаамо д̣̇звим̣ ааманд̇зд̇ваа ‘‘бхад̣̇д̣̇з, буд̇д̇асса д̇з раж̇ж̇ам̣ д̣̇ад̇ваа наадагаани убадтабзссаама, маяам̣ ж̇ийванд̇ааязва нам̣ раж̇ж̇з бад̇идтид̇ам̣ бассиссаама, сагалаж̇амб̣уд̣̇ийбз ко бана яасса ран̃н̃о д̇хийд̇арам̣ ижчад̇и, д̇амасса аанзд̇ваа аг̇г̇амахзсим̣ гариссаама, жид̇д̇амасса ж̇аанаахи, гад̇арам̣ рааж̇ад̇хийд̇арам̣ рожзсий’’д̇и ааха. саа ‘‘саад̇хуу’’д̇и самбадижчид̇ваа ‘‘гумаарасса имам̣ бавад̇д̇им̣ аарожзд̇ваа жид̇д̇ам̣ ж̇аанаахий’’д̇и згам̣ барижааригам̣ бзсзси. саа г̇анд̇ваа д̇асса д̇ам̣ бавад̇д̇им̣ аарожзси. д̇ам̣ суд̇ваа махаасад̇д̇о жинд̇зси – ‘‘ахам̣ на руубаваа, руубасамбаннаа рааж̇ад̇хийд̇аа аанийд̇ааби мам̣ д̣̇исваа ‘гим̣ мз иминаа вируубзнаа’д̇и балааяиссад̇и ид̇и но лаж̇ж̇ид̇аб̣б̣агам̣ бхависсад̇и, гим̣ мз гхарааваасзна, д̇харамаанз маад̇аабид̇аро убадтахид̇ваа д̇зсам̣ ажжаязна нигкамид̇ваа баб̣б̣аж̇иссаамий’’д̇и. со ‘‘маяхам̣ нзва раж̇ж̇знад̇т̇о, на наадагзхи, ахам̣ маад̇аабид̇уунам̣ ажжаязна баб̣б̣аж̇иссаамий’’д̇и ааха. саа г̇анд̇ваа д̇асса гат̇ам̣ д̣̇звияаа аарожзси, д̣̇звийби ран̃н̃о аарожзси. рааж̇аа анад̇д̇амано худ̇ваа буна гад̇ибаахажжаязна саасанам̣ бзсзси. соби бадиб̣аахад̇иязва. звам̣ яаавад̇ад̇ияам̣ бадиб̣аахид̇ваа жад̇уд̇т̇аваарз жинд̇зси – ‘‘маад̇аабид̇уухи сад̣̇д̇хим̣ зганд̇зна бадибагкабхааво наама на яуд̇д̇о, згам̣ убааяам̣ гариссаамий’’д̇и.

    Athassa soḷasavassakāle rājā rajjaṃ dātukāmo deviṃ āmantetvā ‘‘bhadde, puttassa te rajjaṃ datvā nāṭakāni upaṭṭhapessāma, mayaṃ jīvantāyeva naṃ rajje patiṭṭhitaṃ passissāma, sakalajambudīpe kho pana yassa rañño dhītaraṃ icchati, tamassa ānetvā aggamahesiṃ karissāma, cittamassa jānāhi, kataraṃ rājadhītaraṃ rocesī’’ti āha. Sā ‘‘sādhū’’ti sampaṭicchitvā ‘‘kumārassa imaṃ pavattiṃ ārocetvā cittaṃ jānāhī’’ti ekaṃ paricārikaṃ pesesi. Sā gantvā tassa taṃ pavattiṃ ārocesi. Taṃ sutvā mahāsatto cintesi – ‘‘ahaṃ na rūpavā, rūpasampannā rājadhītā ānītāpi maṃ disvā ‘kiṃ me iminā virūpenā’ti palāyissati iti no lajjitabbakaṃ bhavissati, kiṃ me gharāvāsena, dharamāne mātāpitaro upaṭṭhahitvā tesaṃ accayena nikkhamitvā pabbajissāmī’’ti. So ‘‘mayhaṃ neva rajjenattho, na nāṭakehi, ahaṃ mātāpitūnaṃ accayena pabbajissāmī’’ti āha. Sā gantvā tassa kathaṃ deviyā ārocesi, devīpi rañño ārocesi. Rājā anattamano hutvā puna katipāhaccayena sāsanaṃ pesesi. Sopi paṭibāhatiyeva. Evaṃ yāvatatiyaṃ paṭibāhitvā catutthavāre cintesi – ‘‘mātāpitūhi saddhiṃ ekantena paṭipakkhabhāvo nāma na yutto, ekaṃ upāyaṃ karissāmī’’ti.

    со гаммаараж̇здтагам̣ баггосаабзд̇ваа б̣ахум̣ суван̣н̣ам̣ д̣̇ад̇ваа ‘‘згам̣ ид̇т̇ируубагам̣ гарохий’’д̇и уяяож̇зд̇ваа д̇асмим̣ багганд̇з ан̃н̃ам̣ суван̣н̣ам̣ г̇ахзд̇ваа саяамби ид̇т̇ируубагам̣ агааси. б̣од̇хисад̇д̇аанан̃хи ад̇хиббааяо наама самиж̇жхад̇и. д̇ам̣ суван̣н̣аруубагам̣ ж̇ивхааяа аван̣н̣анийяасобхам̣ ахоси. ат̇а нам̣ махаасад̇д̇о комам̣ ниваасаабзд̇ваа сириг̇аб̣бхз табаабзси. со гаммаараж̇здтагзна аабхад̇аруубагам̣ д̣̇исваа д̇ам̣ г̇арахид̇ваа ‘‘г̇ажча амхаагам̣ сириг̇аб̣бхз табид̇аруубагам̣ аахараа’’д̇и ааха. со сириг̇аб̣бхам̣ бавидто д̇ам̣ д̣̇исваа ‘‘гумаарзна сад̣̇д̇хим̣ абхирамид̇ум̣ згаа д̣̇зважчараа, ааг̇ад̇аа бхависсад̇ий’’д̇и хад̇т̇ам̣ басаарзд̇ум̣ ависаханд̇о нигкамид̇ваа ‘‘д̣̇зва, сириг̇аб̣бхз аяяаа згигаава тид̇аа, убаг̇анд̇ум̣ на саггомий’’д̇и ааха. ‘‘д̇аад̇а, г̇ажча, суван̣н̣аруубагам̣ зд̇ам̣, аахараа’’д̇и буна бзсид̇о аахари. гумааро гаммаарзна гад̇ам̣ руубагам̣ суван̣н̣аг̇аб̣бхз нигкибаабзд̇ваа ад̇д̇анаа гад̇ам̣ алан̇гаараабзд̇ваа рат̇з табаабзд̇ваа ‘‘зваруубам̣ лабханд̇о г̇ан̣хаамий’’д̇и маад̇у санд̇игам̣ бахин̣и.

    So kammārajeṭṭhakaṃ pakkosāpetvā bahuṃ suvaṇṇaṃ datvā ‘‘ekaṃ itthirūpakaṃ karohī’’ti uyyojetvā tasmiṃ pakkante aññaṃ suvaṇṇaṃ gahetvā sayampi itthirūpakaṃ akāsi. Bodhisattānañhi adhippāyo nāma samijjhati. Taṃ suvaṇṇarūpakaṃ jivhāya avaṇṇanīyasobhaṃ ahosi. Atha naṃ mahāsatto khomaṃ nivāsāpetvā sirigabbhe ṭhapāpesi. So kammārajeṭṭhakena ābhatarūpakaṃ disvā taṃ garahitvā ‘‘gaccha amhākaṃ sirigabbhe ṭhapitarūpakaṃ āharā’’ti āha. So sirigabbhaṃ paviṭṭho taṃ disvā ‘‘kumārena saddhiṃ abhiramituṃ ekā devaccharā, āgatā bhavissatī’’ti hatthaṃ pasāretuṃ avisahanto nikkhamitvā ‘‘deva, sirigabbhe ayyā ekikāva ṭhitā, upagantuṃ na sakkomī’’ti āha. ‘‘Tāta, gaccha, suvaṇṇarūpakaṃ etaṃ, āharā’’ti puna pesito āhari. Kumāro kammārena kataṃ rūpakaṃ suvaṇṇagabbhe nikkhipāpetvā attanā kataṃ alaṅkārāpetvā rathe ṭhapāpetvā ‘‘evarūpaṃ labhanto gaṇhāmī’’ti mātu santikaṃ pahiṇi.

    саа амажжз баггосаабзд̇ваа, ‘‘д̇аад̇аа, маяхам̣ буд̇д̇о махаабун̃н̃о саггад̣̇ад̇д̇ияо анужчавигам̣ гумааригам̣ лабхиссад̇и, д̇умхз зваруубам̣ лабханд̇аа г̇ан̣хиссат̇а, имам̣ руубагам̣ бадижчаннаяаанз табзд̇ваа сагалаж̇амб̣уд̣̇ийбам̣ жаранд̇аа яасса ран̃н̃о зваруубам̣ д̇хийд̇арам̣ бассат̇а, д̇ассзд̇ам̣ д̣̇ад̇ваа ‘оггаагарааж̇аа д̇умхзхи сад̣̇д̇хим̣ ааваахам̣ гариссад̇ий’д̇и д̣̇ивасам̣ вавад̇т̇абзд̇ваа ааг̇ажчат̇аа’’д̇и ааха. д̇з ‘‘саад̇хуу’’д̇и д̇ам̣ аад̣̇ааяа маханд̇зна бариваарзна нигкамид̇ваа вижаранд̇аа яам̣ рааж̇ад̇хааним̣ баабун̣анд̇и, д̇ад̇т̇а сааяанхасамаяз махааж̇анасса самосаран̣адтаанз д̇ам̣ руубагам̣ вад̇т̇абубпаалан̇гаарзхи алан̇гарид̇ваа суван̣н̣асивигам̣ ааробзд̇ваа д̇ид̇т̇амаг̇г̇з табзд̇ваа амажжаа саяам̣ бадиггамид̇ваа ааг̇ад̇ааг̇ад̇аанам̣ гат̇аасаванад̇т̇ам̣ згаманд̇з д̇идтанд̇и. махааж̇ано д̇ам̣ ологзд̇ваа ‘‘суван̣н̣аруубага’’нд̇и сан̃н̃ам̣ агад̇ваа ‘‘аяам̣ мануссид̇т̇ий самаанааби д̣̇зважчарабадибхааг̇аа ад̇ивияа собхад̇и, гим̣ ну ко зд̇т̇а тид̇аа, гуд̇о ваа ааг̇ад̇аа, амхаагам̣ наг̇арз зваруубаа над̇т̇ий’’д̇и ван̣н̣знд̇о баггамад̇и. д̇ам̣ суд̇ваа амажжаа ‘‘сажз ид̇ха зваруубаа д̣̇ааригаа бхавзяяа, ‘асугаа рааж̇ад̇хийд̇аа вияа асугаа амажжад̇хийд̇аа вияаа’д̇и вад̣̇зяяум̣, ад̣̇д̇хаа ид̇ха зваруубаа над̇т̇ий’’д̇и д̇ам̣ аад̣̇ааяа ан̃н̃ам̣ наг̇арам̣ г̇ажчанд̇и.

    Sā amacce pakkosāpetvā, ‘‘tātā, mayhaṃ putto mahāpuñño sakkadattiyo anucchavikaṃ kumārikaṃ labhissati, tumhe evarūpaṃ labhantā gaṇhissatha, imaṃ rūpakaṃ paṭicchannayāne ṭhapetvā sakalajambudīpaṃ carantā yassa rañño evarūpaṃ dhītaraṃ passatha, tassetaṃ datvā ‘okkākarājā tumhehi saddhiṃ āvāhaṃ karissatī’ti divasaṃ vavatthapetvā āgacchathā’’ti āha. Te ‘‘sādhū’’ti taṃ ādāya mahantena parivārena nikkhamitvā vicarantā yaṃ rājadhāniṃ pāpuṇanti, tattha sāyanhasamaye mahājanassa samosaraṇaṭṭhāne taṃ rūpakaṃ vatthapupphālaṅkārehi alaṅkaritvā suvaṇṇasivikaṃ āropetvā titthamagge ṭhapetvā amaccā sayaṃ paṭikkamitvā āgatāgatānaṃ kathāsavanatthaṃ ekamante tiṭṭhanti. Mahājano taṃ oloketvā ‘‘suvaṇṇarūpaka’’nti saññaṃ akatvā ‘‘ayaṃ manussitthī samānāpi devaccharapaṭibhāgā ativiya sobhati, kiṃ nu kho ettha ṭhitā, kuto vā āgatā, amhākaṃ nagare evarūpā natthī’’ti vaṇṇento pakkamati. Taṃ sutvā amaccā ‘‘sace idha evarūpā dārikā bhaveyya, ‘asukā rājadhītā viya asukā amaccadhītā viyā’ti vadeyyuṃ, addhā idha evarūpā natthī’’ti taṃ ādāya aññaṃ nagaraṃ gacchanti.

    д̇з звам̣ вижаранд̇аа анубуб̣б̣зна мад̣̇д̣̇арадтз сааг̇аланаг̇арам̣ самбаабун̣им̣су. д̇ад̇т̇а мад̣̇д̣̇аран̃н̃о адта д̇хийд̇аро уд̇д̇амаруубад̇хараа д̣̇зважчарабадибхааг̇аа, д̇аасам̣ саб̣б̣аж̇здтигаа бабхаавад̇ий наама. д̇ассаа сарийрад̇о б̣ааласуурияасса бабхаа вияа бабхаа нижчаранд̇и, анд̇хагаарзби жад̇ухад̇т̇з анд̇ог̇аб̣бхз бад̣̇ийбагижжам̣ над̇т̇и, саб̣б̣о г̇аб̣бхо згобхаасова ход̇и. д̇хаад̇ий банассаа куж̇ж̇аа, саа бабхаавад̇им̣ бхож̇зд̇ваа д̇ассаа сийсанхаабанад̇т̇ам̣ адтахи ван̣н̣ад̣̇аасийхи адта гхадз г̇аахаабзд̇ваа сааяанхасамаяз уд̣̇агад̇т̇ааяа г̇ажчанд̇ий д̇ид̇т̇амаг̇г̇з тид̇ам̣ д̇ам̣ руубагам̣ д̣̇исваа ‘‘бабхаавад̇ий’’д̇и сан̃н̃ааяа ‘‘аяам̣ д̣̇уб̣б̣инийд̇аа ‘сийсам̣ нхааяиссаамий’д̇и амхз уд̣̇агад̇т̇ааяа бзсзд̇ваа батамад̇арам̣ ааг̇анд̇ваа д̇ид̇т̇амаг̇г̇з тид̇аа’’д̇и гуж̇жхид̇ваа ‘‘арз гулалаж̇ж̇аабанигз амхзхи буримад̇арам̣ ааг̇анд̇ваа гасмаа ид̇ха тид̇ааси, сажз рааж̇аа ж̇ааниссад̇и, наасзссад̇и но’’д̇и вад̇ваа хад̇т̇зна г̇ан̣д̣абассз бахари, хад̇т̇ад̇алам̣ бхиж̇ж̇амаанам̣ вияа ж̇аад̇ам̣. д̇ад̇о ‘‘суван̣н̣аруубага’’нд̇и н̃ад̇ваа хасамаанаа д̇аасам̣ ван̣н̣ад̣̇аасийнам̣ санд̇игам̣ г̇ажчанд̇ий ‘‘бассат̇зд̇ам̣ мз гаммам̣, мама д̇хийд̇аад̇исан̃н̃ааяа бахаарам̣ ад̣̇аасим̣, аяам̣ мама д̇хийд̇у санд̇игз гимаг̇гхад̇и, гзвалам̣ мз хад̇т̇о д̣̇угкаабид̇о’’д̇и ааха.

    Te evaṃ vicarantā anupubbena maddaraṭṭhe sāgalanagaraṃ sampāpuṇiṃsu. Tattha maddarañño aṭṭha dhītaro uttamarūpadharā devaccharapaṭibhāgā, tāsaṃ sabbajeṭṭhikā pabhāvatī nāma. Tassā sarīrato bālasūriyassa pabhā viya pabhā niccharanti, andhakārepi catuhatthe antogabbhe padīpakiccaṃ natthi, sabbo gabbho ekobhāsova hoti. Dhātī panassā khujjā, sā pabhāvatiṃ bhojetvā tassā sīsanhāpanatthaṃ aṭṭhahi vaṇṇadāsīhi aṭṭha ghaṭe gāhāpetvā sāyanhasamaye udakatthāya gacchantī titthamagge ṭhitaṃ taṃ rūpakaṃ disvā ‘‘pabhāvatī’’ti saññāya ‘‘ayaṃ dubbinītā ‘sīsaṃ nhāyissāmī’ti amhe udakatthāya pesetvā paṭhamataraṃ āgantvā titthamagge ṭhitā’’ti kujjhitvā ‘‘are kulalajjāpanike amhehi purimataraṃ āgantvā kasmā idha ṭhitāsi, sace rājā jānissati, nāsessati no’’ti vatvā hatthena gaṇḍapasse pahari, hatthatalaṃ bhijjamānaṃ viya jātaṃ. Tato ‘‘suvaṇṇarūpaka’’nti ñatvā hasamānā tāsaṃ vaṇṇadāsīnaṃ santikaṃ gacchantī ‘‘passathetaṃ me kammaṃ, mama dhītātisaññāya pahāraṃ adāsiṃ, ayaṃ mama dhītu santike kimagghati, kevalaṃ me hattho dukkhāpito’’ti āha.

    ат̇а нам̣ рааж̇ад̣̇ууд̇аа г̇ахзд̇ваа ‘‘д̇вам̣ ‘мама д̇хийд̇аа ид̇о абхируубад̇араа’д̇и вад̣̇анд̇ий гам̣ наама гат̇зсий’’д̇и аахам̣су. ‘‘мад̣̇д̣̇аран̃н̃о д̇хийд̇арам̣ бабхаавад̇им̣, ид̣̇ам̣ руубагам̣ д̇ассаа сол̣асимби галам̣ на аг̇гхад̇ий’’д̇и. д̇з д̇удтамаанасаа рааж̇ад̣̇ваарам̣ г̇анд̇ваа ‘‘оггаагаран̃н̃о д̣̇ууд̇аа д̣̇ваарз тид̇аа’’д̇и бадихаарзсум̣. рааж̇аа аасанаа вудтааяа тид̇агова ‘‘баггосат̇аа’’д̇и ааха. д̇з бависид̇ваа рааж̇аанам̣ ванд̣̇ид̇ваа ‘‘махаарааж̇а, амхаагам̣ рааж̇аа д̇умхаагам̣ аарог̇яам̣ бужчад̇ий’’д̇и вад̇ваа гад̇асаггаарасаммаанаа ‘‘гимад̇т̇ам̣ ааг̇ад̇ад̇т̇аа’’д̇и будтаа ‘‘амхаагам̣ ран̃н̃о сийхассаро буд̇д̇о гусагумааро наама, рааж̇аа д̇асса раж̇ж̇ам̣ д̣̇аад̇угаамо амхз д̇умхаагам̣ санд̇игам̣ бахин̣и, д̇умхаагам̣ гира д̇хийд̇аа бабхаавад̇ий, д̇ам̣ д̇асса д̣̇зт̇а, иман̃жа суван̣н̣аруубагам̣ д̣̇зяяад̇хаммам̣ г̇ан̣хат̇аа’’д̇и д̇ам̣ руубагам̣ д̇асса ад̣̇ам̣су. соби ‘‘зваруубзна махаарааж̇зна сад̣̇д̇хим̣ виваахаман̇г̇алам̣ бхависсад̇ий’’д̇и д̇удтажид̇д̇о самбадижчи . ат̇а нам̣ д̣̇ууд̇аа аахам̣су – ‘‘махаарааж̇а, амхзхи на саггаа бабан̃жам̣ гаад̇ум̣, гумааригааяа лад̣̇д̇хабхаавам̣ ран̃н̃о аарожзссаама, ат̇а нам̣ со ааг̇анд̇ваа аад̣̇ааяа г̇амиссад̇ий’’д̇и. со ‘‘саад̇хуу’’д̇и вад̇ваа д̇зсам̣ саггаарам̣ гад̇ваа виссаж̇ж̇зси. д̇з г̇анд̇ваа ран̃н̃о жа д̣̇звияаа жа аарожзсум̣. рааж̇аа маханд̇зна бариваарзна гусаавад̇ид̇о нигкамид̇ваа анубуб̣б̣зна сааг̇аланаг̇арам̣ баабун̣и. мад̣̇д̣̇арааж̇аа бажжуг̇г̇анд̇ваа д̇ам̣ наг̇арам̣ бавзсзд̇ваа маханд̇ам̣ саггаарамагааси.

    Atha naṃ rājadūtā gahetvā ‘‘tvaṃ ‘mama dhītā ito abhirūpatarā’ti vadantī kaṃ nāma kathesī’’ti āhaṃsu. ‘‘Maddarañño dhītaraṃ pabhāvatiṃ, idaṃ rūpakaṃ tassā soḷasimpi kalaṃ na agghatī’’ti. Te tuṭṭhamānasā rājadvāraṃ gantvā ‘‘okkākarañño dūtā dvāre ṭhitā’’ti paṭihāresuṃ. Rājā āsanā vuṭṭhāya ṭhitakova ‘‘pakkosathā’’ti āha. Te pavisitvā rājānaṃ vanditvā ‘‘mahārāja, amhākaṃ rājā tumhākaṃ ārogyaṃ pucchatī’’ti vatvā katasakkārasammānā ‘‘kimatthaṃ āgatatthā’’ti puṭṭhā ‘‘amhākaṃ rañño sīhassaro putto kusakumāro nāma, rājā tassa rajjaṃ dātukāmo amhe tumhākaṃ santikaṃ pahiṇi, tumhākaṃ kira dhītā pabhāvatī, taṃ tassa detha, imañca suvaṇṇarūpakaṃ deyyadhammaṃ gaṇhathā’’ti taṃ rūpakaṃ tassa adaṃsu. Sopi ‘‘evarūpena mahārājena saddhiṃ vivāhamaṅgalaṃ bhavissatī’’ti tuṭṭhacitto sampaṭicchi . Atha naṃ dūtā āhaṃsu – ‘‘mahārāja, amhehi na sakkā papañcaṃ kātuṃ, kumārikāya laddhabhāvaṃ rañño ārocessāma, atha naṃ so āgantvā ādāya gamissatī’’ti. So ‘‘sādhū’’ti vatvā tesaṃ sakkāraṃ katvā vissajjesi. Te gantvā rañño ca deviyā ca ārocesuṃ. Rājā mahantena parivārena kusāvatito nikkhamitvā anupubbena sāgalanagaraṃ pāpuṇi. Maddarājā paccuggantvā taṃ nagaraṃ pavesetvā mahantaṃ sakkāramakāsi.

    сийлавад̇ий д̣̇звий бан̣д̣ид̇ад̇д̇аа ‘‘го ж̇аанаад̇и, гим̣ бхависсад̇ий’’д̇и згаахад̣̇вийхажжаязна мад̣̇д̣̇арааж̇аанам̣ ааха – ‘‘махаарааж̇а, сун̣исам̣ д̣̇адтугаамаамхий’’д̇и. со ‘‘саад̇хуу’’д̇и самбадижчид̇ваа д̇ам̣ баггосаабзси. бабхаавад̇ий саб̣б̣аалан̇гаарабадиман̣д̣ид̇аа д̇хаад̇иг̇ан̣абаривуд̇аа ааг̇анд̇ваа сассум̣ ванд̣̇и. саа д̇ам̣ д̣̇исваа жинд̇зси – ‘‘аяам̣ гумааригаа абхируубаа, маяхам̣ буд̇д̇о вируубо. сажз зсаа д̇ам̣ бассиссад̇и, згаахамби авасид̇ваа балааяиссад̇и, убааяам̣ гариссаамий’’д̇и. саа мад̣̇д̣̇арааж̇аанам̣ ааманд̇зд̇ваа, ‘‘махаарааж̇а, сун̣исаа мз буд̇д̇асса анужчавигаа, абижа ко бана амхаагам̣ гулабавзн̣ияаа ааг̇ад̇ам̣ жаарид̇д̇ам̣ ад̇т̇и, сажз аяам̣ д̇асмим̣ жаарид̇д̇з вад̇д̇иссад̇и, нзссаами на’’нд̇и ааха. ‘‘гим̣ бана во жаарид̇д̇а’’нд̇и. ‘‘амхаагам̣ вам̣сз яаава згасса г̇аб̣бхасса бад̇идтаанам̣ ход̇и, д̇аава д̣̇иваа саамигам̣ бассид̇ум̣ на лабхад̇и. сажз зсаа д̇ат̇аа гариссад̇и, нзссаами на’’нд̇и. рааж̇аа ‘‘гим̣, амма, сагкиссаси звам̣ вад̇д̇ид̇у’’нд̇и д̇хийд̇арам̣ бужчи. саа ‘‘аама д̇аад̇аа’’д̇и ааха. д̇ад̇о оггаагарааж̇аа мад̣̇д̣̇аран̃н̃о б̣ахум̣ д̇ханам̣ д̣̇ад̇ваа д̇ам̣ аад̣̇ааяа баггаами. мад̣̇д̣̇арааж̇ааби маханд̇зна бариваарзна д̇хийд̇арам̣ уяяож̇зси.

    Sīlavatī devī paṇḍitattā ‘‘ko jānāti, kiṃ bhavissatī’’ti ekāhadvīhaccayena maddarājānaṃ āha – ‘‘mahārāja, suṇisaṃ daṭṭhukāmāmhī’’ti. So ‘‘sādhū’’ti sampaṭicchitvā taṃ pakkosāpesi. Pabhāvatī sabbālaṅkārapaṭimaṇḍitā dhātigaṇaparivutā āgantvā sassuṃ vandi. Sā taṃ disvā cintesi – ‘‘ayaṃ kumārikā abhirūpā, mayhaṃ putto virūpo. Sace esā taṃ passissati, ekāhampi avasitvā palāyissati, upāyaṃ karissāmī’’ti. Sā maddarājānaṃ āmantetvā, ‘‘mahārāja, suṇisā me puttassa anucchavikā, apica kho pana amhākaṃ kulapaveṇiyā āgataṃ cārittaṃ atthi, sace ayaṃ tasmiṃ cāritte vattissati, nessāmi na’’nti āha. ‘‘Kiṃ pana vo cāritta’’nti. ‘‘Amhākaṃ vaṃse yāva ekassa gabbhassa patiṭṭhānaṃ hoti, tāva divā sāmikaṃ passituṃ na labhati. Sace esā tathā karissati, nessāmi na’’nti. Rājā ‘‘kiṃ, amma, sakkhissasi evaṃ vattitu’’nti dhītaraṃ pucchi. Sā ‘‘āma tātā’’ti āha. Tato okkākarājā maddarañño bahuṃ dhanaṃ datvā taṃ ādāya pakkāmi. Maddarājāpi mahantena parivārena dhītaraṃ uyyojesi.

    оггааго гусаавад̇им̣ г̇анд̇ваа наг̇арам̣ алан̇гаараабзд̇ваа саб̣б̣аб̣анд̇ханаани можзд̇ваа буд̇д̇асса абхисзгам̣ гад̇ваа раж̇ж̇ам̣ д̣̇ад̇ваа бабхаавад̇им̣ аг̇г̇амахзсим̣ гаарзд̇ваа наг̇арз ‘‘гусарааж̇асса аан̣аа’’д̇и бхзрим̣ жараабзси. сагалаж̇амб̣уд̣̇ийбад̇алз рааж̇аано язсам̣ д̇хийд̇аро ад̇т̇и, д̇з гусаран̃н̃о д̇хийд̇аро бахин̣им̣су . язсам̣ буд̇д̇аа ад̇т̇и, д̇з д̇зна сад̣̇д̇хим̣ мид̇д̇абхаавам̣ ааган̇канд̇аа буд̇д̇з убадтаагз гад̇ваа бахин̣им̣су. б̣од̇хисад̇д̇асса наадагабаривааро махаа ахоси, маханд̇зна яасзна раж̇ж̇ам̣ гаарзси. со бабхаавад̇им̣ д̣̇иваа бассид̇ум̣ на лабхад̇и, сааби д̇ам̣ д̣̇иваа бассид̇ум̣ на лабхад̇и, убхиннам̣ рад̇д̇ид̣̇ассанамзва ход̇и. д̇ад̇т̇а бабхаавад̇ияаа сарийраббабхааби аб̣б̣охааригаа ахоси. б̣од̇хисад̇д̇о сириг̇аб̣бхад̇о рад̇д̇им̣язва нигкамад̇и.

    Okkāko kusāvatiṃ gantvā nagaraṃ alaṅkārāpetvā sabbabandhanāni mocetvā puttassa abhisekaṃ katvā rajjaṃ datvā pabhāvatiṃ aggamahesiṃ kāretvā nagare ‘‘kusarājassa āṇā’’ti bheriṃ carāpesi. Sakalajambudīpatale rājāno yesaṃ dhītaro atthi, te kusarañño dhītaro pahiṇiṃsu . Yesaṃ puttā atthi, te tena saddhiṃ mittabhāvaṃ ākaṅkhantā putte upaṭṭhāke katvā pahiṇiṃsu. Bodhisattassa nāṭakaparivāro mahā ahosi, mahantena yasena rajjaṃ kāresi. So pabhāvatiṃ divā passituṃ na labhati, sāpi taṃ divā passituṃ na labhati, ubhinnaṃ rattidassanameva hoti. Tattha pabhāvatiyā sarīrappabhāpi abbohārikā ahosi. Bodhisatto sirigabbhato rattiṃyeva nikkhamati.

    со гад̇ибаахажжаязна бабхаавад̇им̣ д̣̇иваа д̣̇адтугаамо маад̇уяаа аарожзси. саа ‘‘маа д̇з д̇аад̇а, ружжи, яаава згам̣ буд̇д̇ам̣ лабхаси, д̇аава ааг̇амзхий’’д̇и, бадигкиби. со бунаббунам̣ яаажиязва. ат̇а нам̣ саа ааха – ‘‘д̇зна хи хад̇т̇исаалам̣ г̇анд̇ваа хад̇т̇имзн̣д̣авзсзна д̇идта, ахам̣ д̇ам̣ д̇ад̇т̇а аанзссаами, ат̇а нам̣ агкийни буурзд̇ваа ологзяяааси, маа жа ад̇д̇аанам̣ ж̇аанаабзхий’’д̇и. со ‘‘саад̇хуу’’д̇и самбадижчид̇ваа хад̇т̇исаалам̣ аг̇амааси. ат̇асса маад̇аа хад̇т̇исаалам̣ алан̇гаараабзд̇ваа бабхаавад̇им̣ ‘‘зхи саамигасса хад̇т̇ино бассаамаа’’д̇и д̇ад̇т̇а нзд̇ваа ‘‘аяам̣ хад̇т̇ий асуго наама, аяам̣ хад̇т̇ий асуго наамаа’’д̇и д̇ассаа д̣̇ассзси. д̇ад̇т̇а д̇ам̣ рааж̇аа маад̇у бажчад̇о г̇ажчанд̇им̣ д̣̇исваа хад̇т̇иг̇обагавзсзна хад̇т̇ичаган̣абин̣д̣зна бидтияам̣ бахари. саа гуд̣̇д̇хаа ‘‘ран̃н̃о гат̇зд̇ваа д̇з хад̇т̇ам̣ чинд̣̇аабзссаамий’’д̇и вад̇ваа д̣̇звим̣ уж̇жхаабзси. рааж̇амаад̇аа ‘‘маа амма гуж̇жхий’’д̇и сун̣исам̣ сан̃н̃аабзд̇ваа бидтим̣ баримаж̇ж̇и. бунаби рааж̇аа д̇ам̣ д̣̇адтугаамо худ̇ваа ассасаалааяа ассаг̇обагавзсзна д̇ам̣ д̣̇исваа д̇ат̇зва ассачаган̣абин̣д̣зна бахари. д̇ад̣̇ааби д̇ам̣ гуд̣̇д̇хам̣ сассу сан̃н̃аабзси.

    So katipāhaccayena pabhāvatiṃ divā daṭṭhukāmo mātuyā ārocesi. Sā ‘‘mā te tāta, rucci, yāva ekaṃ puttaṃ labhasi, tāva āgamehī’’ti, paṭikkhipi. So punappunaṃ yāciyeva. Atha naṃ sā āha – ‘‘tena hi hatthisālaṃ gantvā hatthimeṇḍavesena tiṭṭha, ahaṃ taṃ tattha ānessāmi, atha naṃ akkhīni pūretvā olokeyyāsi, mā ca attānaṃ jānāpehī’’ti. So ‘‘sādhū’’ti sampaṭicchitvā hatthisālaṃ agamāsi. Athassa mātā hatthisālaṃ alaṅkārāpetvā pabhāvatiṃ ‘‘ehi sāmikassa hatthino passāmā’’ti tattha netvā ‘‘ayaṃ hatthī asuko nāma, ayaṃ hatthī asuko nāmā’’ti tassā dassesi. Tattha taṃ rājā mātu pacchato gacchantiṃ disvā hatthigopakavesena hatthichakaṇapiṇḍena piṭṭhiyaṃ pahari. Sā kuddhā ‘‘rañño kathetvā te hatthaṃ chindāpessāmī’’ti vatvā deviṃ ujjhāpesi. Rājamātā ‘‘mā amma kujjhī’’ti suṇisaṃ saññāpetvā piṭṭhiṃ parimajji. Punapi rājā taṃ daṭṭhukāmo hutvā assasālāya assagopakavesena taṃ disvā tatheva assachakaṇapiṇḍena pahari. Tadāpi taṃ kuddhaṃ sassu saññāpesi.

    бунзгад̣̇ивасз бабхаавад̇ий махаасад̇д̇ам̣ бассид̇угаамаа худ̇ваа сассуяаа аарожзд̇ваа ‘‘алам̣ маа д̇з ружжий’’д̇и бадигкид̇д̇ааби бунаббунам̣ яаажи. ат̇а нам̣ саа ааха – ‘‘д̇зна хи свз мама буд̇д̇о наг̇арам̣ бад̣̇агкин̣ам̣ гариссад̇и, д̇вам̣ сийхабан̃ж̇арам̣ виварид̇ваа д̇ам̣ бассзяяаасий’’д̇и. зван̃жа бана вад̇ваа бунад̣̇ивасз наг̇арам̣ алан̇гаараабзд̇ваа ж̇аяамбад̇игумаарам̣ рааж̇авзсам̣ г̇аахаабзд̇ваа хад̇т̇ибидтз нисийд̣̇аабзд̇ваа б̣од̇хисад̇д̇ам̣ бажчимаасанз нисийд̣̇аабзд̇ваа наг̇арам̣ бад̣̇агкин̣ам̣ гаараабзси. саа бабхаавад̇им̣ аад̣̇ааяа сийхабан̃ж̇арз тад̇ваа ‘‘басса д̇ава саамигасса сирисобхаг̇г̇а’’нд̇и ааха. саа ‘‘анужчавиго мз саамиго лад̣̇д̇хо’’д̇и ад̇д̇аманаа ахоси. д̇ам̣ д̣̇ивасам̣ бана махаасад̇д̇о хад̇т̇имзн̣д̣авзсзна ж̇аяамбад̇исса бажчимаасанз нисийд̣̇ид̇ваа яат̇аад̇хиббааязна бабхаавад̇им̣ ологзнд̇о хад̇т̇авигаараад̣̇ивасзна жид̇д̇аружияаа гзл̣им̣ д̣̇ассзси. хад̇т̇имхи ад̇игганд̇з рааж̇амаад̇аа бабхаавад̇им̣ бужчи – ‘‘д̣̇идто д̇з, амма, саамиго’’д̇и. ‘‘аама аяяз, бажчимаасанз банасса нисинно хад̇т̇имзн̣д̣о ад̇ивияа д̣̇уб̣б̣инийд̇о, маяхам̣ хад̇т̇авигаараад̣̇ийни д̣̇ассзси, гасмаа зваруубам̣ алагкигам̣ ран̃н̃о бажчимаасанз нисийд̣̇аабзсум̣, нийхараабзхи на’’нд̇и? ‘‘амма, ран̃н̃о бажчимаасанз рагкаа наама ижчид̇аб̣б̣аа’’д̇и.

    Punekadivase pabhāvatī mahāsattaṃ passitukāmā hutvā sassuyā ārocetvā ‘‘alaṃ mā te ruccī’’ti paṭikkhittāpi punappunaṃ yāci. Atha naṃ sā āha – ‘‘tena hi sve mama putto nagaraṃ padakkhiṇaṃ karissati, tvaṃ sīhapañjaraṃ vivaritvā taṃ passeyyāsī’’ti. Evañca pana vatvā punadivase nagaraṃ alaṅkārāpetvā jayampatikumāraṃ rājavesaṃ gāhāpetvā hatthipiṭṭhe nisīdāpetvā bodhisattaṃ pacchimāsane nisīdāpetvā nagaraṃ padakkhiṇaṃ kārāpesi. Sā pabhāvatiṃ ādāya sīhapañjare ṭhatvā ‘‘passa tava sāmikassa sirisobhagga’’nti āha. Sā ‘‘anucchaviko me sāmiko laddho’’ti attamanā ahosi. Taṃ divasaṃ pana mahāsatto hatthimeṇḍavesena jayampatissa pacchimāsane nisīditvā yathādhippāyena pabhāvatiṃ olokento hatthavikārādivasena cittaruciyā keḷiṃ dassesi. Hatthimhi atikkante rājamātā pabhāvatiṃ pucchi – ‘‘diṭṭho te, amma, sāmiko’’ti. ‘‘Āma ayye, pacchimāsane panassa nisinno hatthimeṇḍo ativiya dubbinīto, mayhaṃ hatthavikārādīni dassesi, kasmā evarūpaṃ alakkhikaṃ rañño pacchimāsane nisīdāpesuṃ, nīharāpehi na’’nti? ‘‘Amma, rañño pacchimāsane rakkhā nāma icchitabbā’’ti.

    саа жинд̇зси – ‘‘аяам̣ хад̇т̇имзн̣д̣о ад̇ивияа ниб̣бхаяо, рааж̇аанам̣ ‘рааж̇аа’д̇иби на ман̃н̃ад̇и, гим̣ ну ко зсова гусарааж̇аа, ад̣̇д̇хаа хи зсо ад̇ивияа вируубо зва бхависсад̇и, д̇знзва мам̣ на д̣̇ассзнд̇ий’’д̇и. саа куж̇ж̇ам̣ ган̣н̣амуулз ааха – ‘‘амма, г̇ажча д̇аава ж̇аанаахи, гим̣ буримаасанз нисиннаго рааж̇аа, уд̣̇ааху бажчимаасанз’’д̇и? ‘‘гат̇ам̣ банаахам̣ ж̇ааниссаамий’’д̇и. ‘‘сажз хи со рааж̇аа бхависсад̇и, батамад̇арам̣ хад̇т̇ибидтид̇о од̇ариссад̇и, имааяа сан̃н̃ааяа ж̇аанаахий’’д̇и. саа г̇анд̇ваа згаманд̇з тид̇аа батамам̣ махаасад̇д̇ам̣ од̇аранд̇ам̣ ад̣̇д̣̇аса, бажчаа ж̇аяамбад̇игумаарам̣. махаасад̇д̇оби ид̇о жид̇о жа ологзнд̇о куж̇ж̇ам̣ д̣̇исваа ‘‘иминаа наама гааран̣зна зсаа ааг̇ад̇аа бхависсад̇ий’’д̇и н̃ад̇ваа д̇ам̣ баггосаабзд̇ваа ‘‘имам̣ анд̇арам̣ бабхаавад̇ияаа маа гат̇зхий’’д̇и д̣̇ал̣хам̣ вад̇ваа уяяож̇зси. саа г̇анд̇ваа ‘‘буримаасанз нисинно батамам̣ од̇арий’’д̇и ааха. бабхаавад̇ий д̇ассаа важанам̣ сад̣̇д̣̇ахи.

    Sā cintesi – ‘‘ayaṃ hatthimeṇḍo ativiya nibbhayo, rājānaṃ ‘rājā’tipi na maññati, kiṃ nu kho esova kusarājā, addhā hi eso ativiya virūpo eva bhavissati, teneva maṃ na dassentī’’ti. Sā khujjaṃ kaṇṇamūle āha – ‘‘amma, gaccha tāva jānāhi, kiṃ purimāsane nisinnako rājā, udāhu pacchimāsane’’ti? ‘‘Kathaṃ panāhaṃ jānissāmī’’ti. ‘‘Sace hi so rājā bhavissati, paṭhamataraṃ hatthipiṭṭhito otarissati, imāya saññāya jānāhī’’ti. Sā gantvā ekamante ṭhitā paṭhamaṃ mahāsattaṃ otarantaṃ addasa, pacchā jayampatikumāraṃ. Mahāsattopi ito cito ca olokento khujjaṃ disvā ‘‘iminā nāma kāraṇena esā āgatā bhavissatī’’ti ñatvā taṃ pakkosāpetvā ‘‘imaṃ antaraṃ pabhāvatiyā mā kathehī’’ti daḷhaṃ vatvā uyyojesi. Sā gantvā ‘‘purimāsane nisinno paṭhamaṃ otarī’’ti āha. Pabhāvatī tassā vacanaṃ saddahi.

    махаасад̇д̇оби буна д̣̇адтугаамо худ̇ваа маад̇арам̣ яаажи. саа бадигкибид̇ум̣ асаггонд̇ий ‘‘д̇зна хи ан̃н̃аад̇агавзсзна уяяаанам̣ г̇ажчаахий’’д̇и ааха. со уяяаанам̣ г̇анд̇ваа богкаран̣ияам̣ г̇алаббамаан̣ам̣ уд̣̇агам̣ бависид̇ваа бад̣̇уминибад̇д̇зна сийсам̣ чаад̣̇зд̇ваа бубпид̇абад̣̇умзна мукам̣ ааварид̇ваа адтааси. маад̇аабисса бабхаавад̇им̣ уяяаанам̣ нзд̇ваа сааяанхасамаяз ‘‘имз ругкз басса, сагун̣з басса, миг̇з бассаа’’д̇и балобхаяамаанаа богкаран̣ийд̇ийрам̣ бааяааси. саа бан̃жавид̇хабад̣̇умасан̃чаннам̣ богкаран̣им̣ д̣̇исваа нхааяид̇угаамаа барижааригаахи сад̣̇д̇хим̣ богкаран̣им̣ од̇арид̇ваа гийл̣анд̇ий д̇ам̣ бад̣̇умам̣ д̣̇исваа вижинид̇угаамаа хад̇т̇ам̣ басаарзси. ат̇а нам̣ рааж̇аа бад̣̇уминибад̇д̇ам̣ абанзд̇ваа ‘‘ахам̣ гусарааж̇аа’’д̇и вад̇ваа хад̇т̇з г̇ан̣хи. саа д̇асса мукам̣ д̣̇исваа ‘‘яагко мам̣ г̇ан̣хий’’д̇и виравид̇ваа д̇ад̇т̇зва висан̃н̃ид̇ам̣ бад̇д̇аа. ат̇ассаа рааж̇аа хад̇т̇ам̣ мун̃жи. саа сан̃н̃ам̣ бадилабхид̇ваа ‘‘гусарааж̇аа гира мам̣ хад̇т̇з г̇ан̣хи, иминааваахам̣ хад̇т̇исаалааяа хад̇т̇ичаган̣абин̣д̣зна, ассасаалааяа ассачаган̣абин̣д̣зна бахадаа, аяамзва мам̣ хад̇т̇исса бажчимаасанз нисийд̣̇ид̇ваа уббан̣д̣зси, гим̣ мз зваруубзна д̣̇уммукзна бад̇инаа, имам̣ ж̇ахид̇ваа ахам̣ ж̇ийванд̇ий ан̃н̃ам̣ бад̇им̣ лабхиссаамий’’д̇и жинд̇зд̇ваа ад̇д̇анаа сад̣̇д̇хим̣ ааг̇ад̇з амажжз баггосаабзд̇ваа ‘‘мама яаанавааханам̣ саж̇ж̇ам̣ гарот̇а, аж̇ж̇зва г̇амиссаамий’’д̇и аахам̣ . д̇з ран̃н̃о аарожзсум̣. рааж̇аа жинд̇зси – ‘‘сажз г̇анд̇ум̣ на лабхиссад̇и, хад̣̇аяамассаа палиссад̇и, г̇ажчад̇у буна д̇ам̣ ад̇д̇ано б̣алзна аанзссаамий’’д̇и жинд̇зд̇ваа ат̇ассаа г̇аманам̣ ануж̇аани. саа бид̇унаг̇арамзва аг̇амааси.

    Mahāsattopi puna daṭṭhukāmo hutvā mātaraṃ yāci. Sā paṭikkhipituṃ asakkontī ‘‘tena hi aññātakavesena uyyānaṃ gacchāhī’’ti āha. So uyyānaṃ gantvā pokkharaṇiyaṃ galappamāṇaṃ udakaṃ pavisitvā paduminipattena sīsaṃ chādetvā pupphitapadumena mukhaṃ āvaritvā aṭṭhāsi. Mātāpissa pabhāvatiṃ uyyānaṃ netvā sāyanhasamaye ‘‘ime rukkhe passa, sakuṇe passa, mige passā’’ti palobhayamānā pokkharaṇītīraṃ pāyāsi. Sā pañcavidhapadumasañchannaṃ pokkharaṇiṃ disvā nhāyitukāmā paricārikāhi saddhiṃ pokkharaṇiṃ otaritvā kīḷantī taṃ padumaṃ disvā vicinitukāmā hatthaṃ pasāresi. Atha naṃ rājā paduminipattaṃ apanetvā ‘‘ahaṃ kusarājā’’ti vatvā hatthe gaṇhi. Sā tassa mukhaṃ disvā ‘‘yakkho maṃ gaṇhī’’ti viravitvā tattheva visaññitaṃ pattā. Athassā rājā hatthaṃ muñci. Sā saññaṃ paṭilabhitvā ‘‘kusarājā kira maṃ hatthe gaṇhi, imināvāhaṃ hatthisālāya hatthichakaṇapiṇḍena, assasālāya assachakaṇapiṇḍena pahaṭā, ayameva maṃ hatthissa pacchimāsane nisīditvā uppaṇḍesi, kiṃ me evarūpena dummukhena patinā, imaṃ jahitvā ahaṃ jīvantī aññaṃ patiṃ labhissāmī’’ti cintetvā attanā saddhiṃ āgate amacce pakkosāpetvā ‘‘mama yānavāhanaṃ sajjaṃ karotha, ajjeva gamissāmī’’ti āhaṃ . Te rañño ārocesuṃ. Rājā cintesi – ‘‘sace gantuṃ na labhissati, hadayamassā phalissati, gacchatu puna taṃ attano balena ānessāmī’’ti cintetvā athassā gamanaṃ anujāni. Sā pitunagarameva agamāsi.

    махаасад̇д̇оби уяяаанад̇о наг̇арам̣ бависид̇ваа алан̇гад̇абаасаад̣̇ам̣ абхирухи. б̣од̇хисад̇д̇ан̃хи саа буб̣б̣абад̇т̇анаавасзна на ижчи, соби буб̣б̣агаммавасзнзва вируубо ахоси. ад̇ийд̇з гира б̣аараан̣асияам̣ д̣̇ваараг̇аамз убаримавийт̇ияаа жа хздтимавийт̇ияаа жа д̣̇вз гулаани васим̣су. згасса гуласса д̣̇вз буд̇д̇аа ахзсум̣. згасса згаава д̇хийд̇аа ахоси. д̣̇вийсу буд̇д̇зсу б̣од̇хисад̇д̇о ганидто. д̇ам̣ гумааригам̣ ж̇здтагасса ад̣̇ам̣су. ганидто ад̣̇аарабхаран̣о бхаад̇у санд̇игзязва васи. ат̇згад̣̇ивасам̣ д̇асмим̣ гхарз ад̇ирасагабуувз бажим̣су. б̣од̇хисад̇д̇о аран̃н̃ам̣ г̇ад̇о ход̇и. д̇асса буувам̣ табзд̇ваа авасзсз бхааж̇зд̇ваа каад̣̇им̣су. д̇асмим̣ кан̣з бажжзгаб̣уд̣̇д̇хо бхигкааяа гхарад̣̇ваарам̣ аг̇амааси. б̣од̇хисад̇д̇асса бхаад̇уж̇ааяаа ‘‘жуул̣абад̇ино ан̃н̃ам̣ буувам̣ бажиссаамий’’д̇и д̇ам̣ г̇ахзд̇ваа бажжзгаб̣уд̣̇д̇хасса ад̣̇ааси. соби д̇ам̣ кан̣ан̃н̃зва аран̃н̃ад̇о ааг̇ажчи. ат̇а нам̣ саа ааха – ‘‘саами, жид̇д̇ам̣ басаад̣̇зхи, д̇ава годтаасо бажжзгаб̣уд̣̇д̇хасса д̣̇инно’’д̇и. со ‘‘д̇ава годтаасам̣ каад̣̇ид̇ваа мама годтаасам̣ д̣̇зси, ахам̣ гим̣ каад̣̇иссаамий’’д̇и гуд̣̇д̇хо бажжзгаб̣уд̣̇д̇хам̣ ануг̇анд̇ваа бад̇д̇ад̇о буувам̣ г̇ан̣хи. саа маад̇у гхарам̣ г̇анд̇ваа нававилийнам̣ жамбагабубпаван̣н̣ам̣ саббим̣ аахарид̇ваа бажжзгаб̣уд̣̇д̇хасса бад̇д̇ам̣ буурзси, д̇ам̣ обхаасам̣ мун̃жи. саа д̇ам̣ д̣̇исваа бад̇т̇анам̣ бадтабзси – ‘‘бханд̇з, иминаа д̣̇аанаб̣алзна ниб̣б̣ад̇д̇аниб̣б̣ад̇д̇адтаанз мз сарийрам̣ обхаасаж̇аад̇ам̣ ход̇у, уд̇д̇амаруубад̇хараа жа бхавзяяам̣, иминаа жа мз асаббурисзна сад̣̇д̇хим̣ згадтаанз ваасо маа ахосий’’д̇и. ид̇и саа имиссаа буб̣б̣абад̇т̇анааяа васзна д̇ам̣ на ижчи. б̣од̇хисад̇д̇оби д̇ам̣ буува д̇асмим̣ саббибад̇д̇з осийд̣̇аабзд̇ваа бад̇т̇анам̣ бадтабзси – ‘‘бханд̇з, имам̣ яож̇анасад̇з васанд̇имби аанзд̇ваа мама баад̣̇абарижааригам̣ гаад̇ум̣ самад̇т̇о бхавзяяа’’нд̇и. д̇ад̇т̇а яам̣ со гуд̣̇д̇хо г̇анд̇ваа буувам̣ г̇ан̣хи, д̇асса буб̣б̣агаммасса васзна вируубо ахоси, буб̣б̣абад̇т̇анааяа саа жа д̇ам̣ на ижчийд̇и.

    Mahāsattopi uyyānato nagaraṃ pavisitvā alaṅkatapāsādaṃ abhiruhi. Bodhisattañhi sā pubbapatthanāvasena na icchi, sopi pubbakammavaseneva virūpo ahosi. Atīte kira bārāṇasiyaṃ dvāragāme uparimavīthiyā ca heṭṭhimavīthiyā ca dve kulāni vasiṃsu. Ekassa kulassa dve puttā ahesuṃ. Ekassa ekāva dhītā ahosi. Dvīsu puttesu bodhisatto kaniṭṭho. Taṃ kumārikaṃ jeṭṭhakassa adaṃsu. Kaniṭṭho adārabharaṇo bhātu santikeyeva vasi. Athekadivasaṃ tasmiṃ ghare atirasakapūve paciṃsu. Bodhisatto araññaṃ gato hoti. Tassa pūvaṃ ṭhapetvā avasese bhājetvā khādiṃsu. Tasmiṃ khaṇe paccekabuddho bhikkhāya gharadvāraṃ agamāsi. Bodhisattassa bhātujāyā ‘‘cūḷapatino aññaṃ pūvaṃ pacissāmī’’ti taṃ gahetvā paccekabuddhassa adāsi. Sopi taṃ khaṇaññeva araññato āgacchi. Atha naṃ sā āha – ‘‘sāmi, cittaṃ pasādehi, tava koṭṭhāso paccekabuddhassa dinno’’ti. So ‘‘tava koṭṭhāsaṃ khāditvā mama koṭṭhāsaṃ desi, ahaṃ kiṃ khādissāmī’’ti kuddho paccekabuddhaṃ anugantvā pattato pūvaṃ gaṇhi. Sā mātu gharaṃ gantvā navavilīnaṃ campakapupphavaṇṇaṃ sappiṃ āharitvā paccekabuddhassa pattaṃ pūresi, taṃ obhāsaṃ muñci. Sā taṃ disvā patthanaṃ paṭṭhapesi – ‘‘bhante, iminā dānabalena nibbattanibbattaṭṭhāne me sarīraṃ obhāsajātaṃ hotu, uttamarūpadharā ca bhaveyyaṃ, iminā ca me asappurisena saddhiṃ ekaṭṭhāne vāso mā ahosī’’ti. Iti sā imissā pubbapatthanāya vasena taṃ na icchi. Bodhisattopi taṃ pūva tasmiṃ sappipatte osīdāpetvā patthanaṃ paṭṭhapesi – ‘‘bhante, imaṃ yojanasate vasantimpi ānetvā mama pādaparicārikaṃ kātuṃ samattho bhaveyya’’nti. Tattha yaṃ so kuddho gantvā pūvaṃ gaṇhi, tassa pubbakammassa vasena virūpo ahosi, pubbapatthanāya sā ca taṃ na icchīti.

    со бабхаавад̇ияаа г̇ад̇ааяа согаббад̇д̇о ахоси, наанаагаарзхи барижаараяамаанааби нам̣ сзсид̇т̇ияо ологаабзд̇умби наасагким̣су, , бабхаавад̇ирахид̇амасса сагаламби нивзсанам̣ д̇ужчам̣ вияа кааяи. со ‘‘ид̣̇аани сааг̇аланаг̇арам̣ бад̇д̇аа бхависсад̇ий’’д̇и бажжуусасамаяз маад̇у санд̇игам̣ г̇анд̇ваа, ‘‘амма, ахам̣ бабхаавад̇им̣ аанзссаами, д̇умхз раж̇ж̇ам̣ анусаасат̇аа’’д̇и вад̣̇анд̇о батамам̣ г̇аат̇амааха –

    So pabhāvatiyā gatāya sokappatto ahosi, nānākārehi paricārayamānāpi naṃ sesitthiyo olokāpetumpi nāsakkhiṃsu, , pabhāvatirahitamassa sakalampi nivesanaṃ tucchaṃ viya khāyi. So ‘‘idāni sāgalanagaraṃ pattā bhavissatī’’ti paccūsasamaye mātu santikaṃ gantvā, ‘‘amma, ahaṃ pabhāvatiṃ ānessāmi, tumhe rajjaṃ anusāsathā’’ti vadanto paṭhamaṃ gāthamāha –

    1.

    1.

    ‘‘ид̣̇ам̣ д̇з радтам̣ сад̇ханам̣ саяог̇г̇ам̣, сагааяурам̣ саб̣б̣агаамуубабаннам̣;

    ‘‘Idaṃ te raṭṭhaṃ sadhanaṃ sayoggaṃ, sakāyuraṃ sabbakāmūpapannaṃ;

    ид̣̇ам̣ д̇з раж̇ж̇ам̣ анусааса амма, г̇ажчаамахам̣ яад̇т̇а бияаа бабхаавад̇ий’’д̇и.

    Idaṃ te rajjaṃ anusāsa amma, gacchāmahaṃ yattha piyā pabhāvatī’’ti.

    д̇ад̇т̇а саяог̇г̇анд̇и хад̇т̇ияог̇г̇аад̣̇исахид̇ам̣. сагааяуранд̇и сабан̃жарааж̇агагуд̇хабхан̣д̣ам̣. анусааса, аммаад̇и со гира бурисасса раж̇ж̇ам̣ д̣̇ад̇ваа буна г̇ан̣ханам̣ наама на яуд̇д̇анд̇и бид̇у ваа бхаад̇у ваа анияяаад̣̇зд̇ваа маад̇у нияяаад̣̇знд̇о звамааха.

    Tattha sayogganti hatthiyoggādisahitaṃ. Sakāyuranti sapañcarājakakudhabhaṇḍaṃ. Anusāsa, ammāti so kira purisassa rajjaṃ datvā puna gaṇhanaṃ nāma na yuttanti pitu vā bhātu vā aniyyādetvā mātu niyyādento evamāha.

    саа д̇асса гат̇ам̣ суд̇ваа ‘‘д̇зна хи, д̇аад̇а, аббамад̇д̇о бхавзяяааси, маад̇уг̇аамо наама абарисуд̣̇д̇хахад̣̇аяо’’д̇и вад̇ваа наанаг̇г̇арасабхож̇анасса суван̣н̣агародим̣ буурзд̇ваа ‘‘ид̣̇ам̣ анд̇араамаг̇г̇з бхун̃ж̇зяяаасий’’д̇и вад̇ваа уяяож̇зси. со д̇ам̣ аад̣̇ааяа маад̇арам̣ ванд̣̇ид̇ваа д̇игкад̇д̇ум̣ бад̣̇агкин̣ам̣ гад̇ваа ‘‘ж̇ийванд̇о буна д̇умхз бассиссаамий’’д̇и вад̇ваа сириг̇аб̣бхам̣ бависид̇ваа бан̃жаавуд̇хам̣ саннаяхид̇ваа бхад̇д̇агародияаа сад̣̇д̇хим̣ гахаабан̣асахассам̣ басиб̣б̣агз гад̇ваа гогануд̣̇ан̃жа вийн̣ам̣ аад̣̇ааяа наг̇араа нигкамид̇ваа маг̇г̇ам̣ бадибаж̇ж̇ид̇ваа махаб̣б̣ало махаат̇аамо яаава маж̇жханхигаа бан̣н̣ааса яож̇анаани г̇анд̇ваа бхад̇д̇ам̣ бхун̃ж̇ид̇ваа сзсад̣̇ивасабхааг̇зна буна бан̣н̣ааса яож̇анаани г̇анд̇ваа згаахзнзва яож̇анасад̇игам̣ маг̇г̇ам̣ кзбзд̇ваа сааяанхасамаяз нхад̇ваа сааг̇аланаг̇арам̣ баависи. д̇асмим̣ бавидтамад̇д̇зязва д̇асса д̇зж̇зна бабхаавад̇ий саяанабидтз сан̣таад̇ум̣ асаггонд̇ий од̇арид̇ваа бхуумияам̣ нибаж̇ж̇и. б̣од̇хисад̇д̇ам̣ гиланд̇инд̣̇рияам̣ вийт̇ияаа г̇ажчанд̇ам̣ ан̃н̃ад̇араа ид̇т̇ий д̣̇исваа баггосаабзд̇ваа нисийд̣̇аабзд̇ваа баад̣̇з д̇ховаабзд̇ваа саяанам̣ д̣̇аабзси. со гиланд̇агааяо нибаж̇ж̇ид̇ваа нид̣̇д̣̇ам̣ оггами.

    Sā tassa kathaṃ sutvā ‘‘tena hi, tāta, appamatto bhaveyyāsi, mātugāmo nāma aparisuddhahadayo’’ti vatvā nānaggarasabhojanassa suvaṇṇakaroṭiṃ pūretvā ‘‘idaṃ antarāmagge bhuñjeyyāsī’’ti vatvā uyyojesi. So taṃ ādāya mātaraṃ vanditvā tikkhattuṃ padakkhiṇaṃ katvā ‘‘jīvanto puna tumhe passissāmī’’ti vatvā sirigabbhaṃ pavisitvā pañcāvudhaṃ sannayhitvā bhattakaroṭiyā saddhiṃ kahāpaṇasahassaṃ pasibbake katvā kokanudañca vīṇaṃ ādāya nagarā nikkhamitvā maggaṃ paṭipajjitvā mahabbalo mahāthāmo yāva majjhanhikā paṇṇāsa yojanāni gantvā bhattaṃ bhuñjitvā sesadivasabhāgena puna paṇṇāsa yojanāni gantvā ekāheneva yojanasatikaṃ maggaṃ khepetvā sāyanhasamaye nhatvā sāgalanagaraṃ pāvisi. Tasmiṃ paviṭṭhamatteyeva tassa tejena pabhāvatī sayanapiṭṭhe saṇṭhātuṃ asakkontī otaritvā bhūmiyaṃ nipajji. Bodhisattaṃ kilantindriyaṃ vīthiyā gacchantaṃ aññatarā itthī disvā pakkosāpetvā nisīdāpetvā pāde dhovāpetvā sayanaṃ dāpesi. So kilantakāyo nipajjitvā niddaṃ okkami.

    ат̇а саа д̇асмим̣ нид̣̇д̣̇амубаг̇ад̇з бхад̇д̇ам̣ самбаад̣̇зд̇ваа д̇ам̣ баб̣од̇хзд̇ваа бхад̇д̇ам̣ бхож̇зси. со д̇удто д̇ассаа сад̣̇д̇хим̣ бхад̇д̇агародияаа гахаабан̣асахассам̣ ад̣̇ааси. со бан̃жаавуд̇хам̣ д̇ад̇т̇зва табзд̇ваа ‘‘г̇анд̇аб̣б̣адтаанам̣ мз ад̇т̇ий’’д̇и вад̇ваа вийн̣ам̣ аад̣̇ааяа хад̇т̇исаалам̣ г̇анд̇ваа ‘‘аж̇ж̇а мз ид̇ха васид̇ум̣ д̣̇зт̇а, г̇анд̇хаб̣б̣ам̣ во гариссаамий’’д̇и вад̇ваа хад̇т̇иг̇обагзхи анун̃н̃аад̇о згаманд̇з нибаж̇ж̇ид̇ваа т̇огам̣ нид̣̇д̣̇ааяид̇ваа бадиббассад̣̇д̇хад̣̇арат̇о удтааяа вийн̣ам̣ мун̃жид̇ваа ‘‘сааг̇аланаг̇араваасино имам̣ сад̣̇д̣̇ам̣ сун̣анд̇уу’’д̇и вийн̣ам̣ ваад̣̇знд̇о г̇ааяи. бабхаавад̇ий бхуумияам̣ нибаннаа д̇ам̣ сад̣̇д̣̇ам̣ суд̇ваава ‘‘аяам̣ на ан̃н̃асса вийн̣аасад̣̇д̣̇о, ниссам̣саяам̣ гусарааж̇аа мамад̇т̇ааяа ааг̇ад̇о’’д̇и ан̃н̃ааси. мад̣̇д̣̇арааж̇ааби д̇ам̣ сад̣̇д̣̇ам̣ суд̇ваа ‘‘ад̇ивияа мад̇хурам̣ ваад̣̇зд̇и, свз зд̇ам̣ баггосаабзд̇ваа мама г̇анд̇хаб̣б̣ам̣ гаарзссаамий’’д̇и жинд̇зси.

    Atha sā tasmiṃ niddamupagate bhattaṃ sampādetvā taṃ pabodhetvā bhattaṃ bhojesi. So tuṭṭho tassā saddhiṃ bhattakaroṭiyā kahāpaṇasahassaṃ adāsi. So pañcāvudhaṃ tattheva ṭhapetvā ‘‘gantabbaṭṭhānaṃ me atthī’’ti vatvā vīṇaṃ ādāya hatthisālaṃ gantvā ‘‘ajja me idha vasituṃ detha, gandhabbaṃ vo karissāmī’’ti vatvā hatthigopakehi anuññāto ekamante nipajjitvā thokaṃ niddāyitvā paṭippassaddhadaratho uṭṭhāya vīṇaṃ muñcitvā ‘‘sāgalanagaravāsino imaṃ saddaṃ suṇantū’’ti vīṇaṃ vādento gāyi. Pabhāvatī bhūmiyaṃ nipannā taṃ saddaṃ sutvāva ‘‘ayaṃ na aññassa vīṇāsaddo, nissaṃsayaṃ kusarājā mamatthāya āgato’’ti aññāsi. Maddarājāpi taṃ saddaṃ sutvā ‘‘ativiya madhuraṃ vādeti, sve etaṃ pakkosāpetvā mama gandhabbaṃ kāressāmī’’ti cintesi.

    б̣од̇хисад̇д̇о ‘‘на саггаа ид̇ха васамаанзна бабхаавад̇ий д̣̇адтум̣, адтаанамзд̇а’’нд̇и баад̇ова нигкамид̇ваа сааяам̣ бхуд̇д̇аг̇зхзязва баад̇араасам̣ бхун̃ж̇ид̇ваа вийн̣ам̣ табзд̇ваа рааж̇агумбхагаарасса санд̇игам̣ г̇анд̇ваа д̇асса анд̇зваасигабхаавам̣ убаг̇анд̇ваа згад̣̇ивасзнзва гхарам̣ мад̇д̇игааяа буурзд̇ваа ‘‘бхааж̇анаани гароми аажарияаа’’д̇и вад̇ваа, ‘‘аама, гаарохий’’д̇и вуд̇д̇з згам̣ мад̇д̇игаабин̣д̣ам̣ жаггз табзд̇ваа жаггам̣ аавин̃чи, сагим̣ аавид̣̇д̇хамзва яаава маж̇жханхигаад̇иггамаа бхамиязва. со наанааван̣н̣аани куд̣̇д̣̇агамаханд̇аани бхааж̇анаани гад̇ваа бабхаавад̇ияаа ад̇т̇ааяа бхааж̇анам̣ гаронд̇о наанааруубаани самудтаабзси. б̣од̇хисад̇д̇аанан̃хи ад̇хиббааяо наама самиж̇жхад̇и, ‘‘д̇аани руубаани бабхаавад̇ийязва бассад̇уу’’д̇и ад̇хидтааси. со саб̣б̣абхааж̇анаани сугкаабзд̇ваа бажид̇ваа г̇зхам̣ буурзси. гумбхагааро наанаабхааж̇анаани г̇ахзд̇ваа рааж̇агулам̣ аг̇амааси. рааж̇аа д̣̇исваа ‘‘гзнимаани гад̇ааний’’д̇и бужчи. ‘‘маяаа, д̣̇зваа’’д̇и. ‘‘ахам̣ д̇аяаа гад̇аани ж̇аанаами, гат̇зхи, гзна гад̇ааний’’д̇и? ‘‘анд̇зваасигзна мз д̣̇зваа’’д̇и. ‘‘на д̇з со анд̇зваасий, аажарияо д̇з со, д̇вам̣ д̇асса санд̇игз сиббам̣ сигка, ид̇о бадтааяа жа со мама д̇хийд̇аанам̣ бхааж̇анаани гарод̇у, иман̃жасса сахассам̣ д̣̇зхий’’д̇и сахассам̣ д̣̇аабзд̇ваа ‘‘наанааван̣н̣аани имаани куд̣̇д̣̇агабхааж̇анаани мама д̇хийд̇аанам̣ д̣̇зхий’’д̇и ааха.

    Bodhisatto ‘‘na sakkā idha vasamānena pabhāvatī daṭṭhuṃ, aṭṭhānameta’’nti pātova nikkhamitvā sāyaṃ bhuttageheyeva pātarāsaṃ bhuñjitvā vīṇaṃ ṭhapetvā rājakumbhakārassa santikaṃ gantvā tassa antevāsikabhāvaṃ upagantvā ekadivaseneva gharaṃ mattikāya pūretvā ‘‘bhājanāni karomi ācariyā’’ti vatvā, ‘‘āma, kārohī’’ti vutte ekaṃ mattikāpiṇḍaṃ cakke ṭhapetvā cakkaṃ āviñchi, sakiṃ āviddhameva yāva majjhanhikātikkamā bhamiyeva. So nānāvaṇṇāni khuddakamahantāni bhājanāni katvā pabhāvatiyā atthāya bhājanaṃ karonto nānārūpāni samuṭṭhāpesi. Bodhisattānañhi adhippāyo nāma samijjhati, ‘‘tāni rūpāni pabhāvatīyeva passatū’’ti adhiṭṭhāsi. So sabbabhājanāni sukkhāpetvā pacitvā gehaṃ pūresi. Kumbhakāro nānābhājanāni gahetvā rājakulaṃ agamāsi. Rājā disvā ‘‘kenimāni katānī’’ti pucchi. ‘‘Mayā, devā’’ti. ‘‘Ahaṃ tayā katāni jānāmi, kathehi, kena katānī’’ti? ‘‘Antevāsikena me devā’’ti. ‘‘Na te so antevāsī, ācariyo te so, tvaṃ tassa santike sippaṃ sikkha, ito paṭṭhāya ca so mama dhītānaṃ bhājanāni karotu, imañcassa sahassaṃ dehī’’ti sahassaṃ dāpetvā ‘‘nānāvaṇṇāni imāni khuddakabhājanāni mama dhītānaṃ dehī’’ti āha.

    со д̇аани д̇аасам̣ санд̇игам̣ нзд̇ваа ‘‘имаани во гийл̣анад̇т̇ааяа куд̣̇д̣̇агабхааж̇анааний’’д̇и ааха. д̇аа саб̣б̣аа ааг̇амим̣су. гумбхагааро махаасад̇д̇зна бабхаавад̇ияаа ад̇т̇ааяа гад̇абхааж̇анамзва д̇ассаа ад̣̇ааси. саа жа бхааж̇анам̣ г̇ахзд̇ваа д̇ад̇т̇а ад̇д̇ано жа махаасад̇д̇асса жа куж̇ж̇ааяа жа руубам̣ бассид̇ваа ‘‘ид̣̇ам̣ на ан̃н̃зна гад̇ам̣, гусарааж̇знзва гад̇а’’нд̇и н̃ад̇ваа гуж̇жхид̇ваа бхуумияам̣ кибид̇ваа ‘‘иминаа маяхам̣ ад̇т̇о над̇т̇и, ижчанд̇аанам̣ д̣̇зхий’’д̇и ааха. ат̇ассаа бхаг̇инияо гуд̣̇д̇хабхаавам̣ н̃ад̇ваа ‘‘куд̣̇д̣̇агабхааж̇анам̣ гусаран̃н̃аа гад̇анд̇и ман̃н̃аси, ид̣̇ам̣ д̇зна на гад̇ам̣, гумбхагаарзнзва гад̇ам̣, г̇ан̣хаахи на’’нд̇и авахасим̣су. саа д̇зна гад̇абхаавам̣ д̇асса жа ааг̇ад̇абхаавам̣ д̇аасам̣ на гат̇зси. гумбхагааро сахассам̣ б̣од̇хисад̇д̇асса д̣̇ад̇ваа ‘‘д̇аад̇а, рааж̇аа д̇з д̇удто, ид̇о гира бадтааяа рааж̇ад̇хийд̇аанам̣ бхааж̇анаани гарзяяааси, ахам̣ д̇аасам̣ хариссаамий’’д̇и ааха.

    So tāni tāsaṃ santikaṃ netvā ‘‘imāni vo kīḷanatthāya khuddakabhājanānī’’ti āha. Tā sabbā āgamiṃsu. Kumbhakāro mahāsattena pabhāvatiyā atthāya katabhājanameva tassā adāsi. Sā ca bhājanaṃ gahetvā tattha attano ca mahāsattassa ca khujjāya ca rūpaṃ passitvā ‘‘idaṃ na aññena kataṃ, kusarājeneva kata’’nti ñatvā kujjhitvā bhūmiyaṃ khipitvā ‘‘iminā mayhaṃ attho natthi, icchantānaṃ dehī’’ti āha. Athassā bhaginiyo kuddhabhāvaṃ ñatvā ‘‘khuddakabhājanaṃ kusaraññā katanti maññasi, idaṃ tena na kataṃ, kumbhakāreneva kataṃ, gaṇhāhi na’’nti avahasiṃsu. Sā tena katabhāvaṃ tassa ca āgatabhāvaṃ tāsaṃ na kathesi. Kumbhakāro sahassaṃ bodhisattassa datvā ‘‘tāta, rājā te tuṭṭho, ito kira paṭṭhāya rājadhītānaṃ bhājanāni kareyyāsi, ahaṃ tāsaṃ harissāmī’’ti āha.

    со ‘‘ид̇хааби васанд̇зна на саггаа бабхаавад̇ий д̣̇адту’’нд̇и д̇ам̣ сахассам̣ д̇ассзва д̣̇ад̇ваа рааж̇убадтаагасса нал̣агаарасса санд̇игам̣ г̇анд̇ваа д̇асса анд̇зваасиго худ̇ваа бабхаавад̇ияаа ад̇т̇ааяа д̇аалаван̣дам̣ гад̇ваа д̇ад̇т̇зва сзд̇ажчад̇д̇ан̃жа аабаанабхуумин̃жа вад̇т̇ам̣ г̇ахзд̇ваа тид̇ам̣ бабхаавад̇ин̃жаад̇и наанааруубаани д̣̇ассзси. нал̣агааро д̇ан̃жа ан̃н̃ан̃жа д̇зна гад̇абхан̣д̣агам̣ аад̣̇ааяа рааж̇агулам̣ аг̇амааси. рааж̇аа д̣̇исваа ‘‘гзнимаани гад̇ааний’’д̇и бужчид̇ваа буриманаязнзва сахассам̣ д̣̇ад̇ваа ‘‘имаани нал̣агаарабхан̣д̣аани мама д̇хийд̇аанам̣ д̣̇зхий’’д̇и ааха. соби б̣од̇хисад̇д̇зна бабхаавад̇ияаа ад̇т̇ааяа гад̇ам̣ д̇аалаван̣дам̣ д̇ассааязва ад̣̇ааси. д̇ад̇раби руубаани ан̃н̃о ж̇ано на бассад̇и, бабхаавад̇ий бана д̣̇исваа гусаран̃н̃аа гад̇абхаавам̣ н̃ад̇ваа ‘‘г̇ан̣хид̇угаамаа г̇ан̣ханд̇уу’’д̇и гуд̣̇д̇хаа бхуумияам̣ киби . ат̇а нам̣ сзсаа авахасим̣су. нал̣агааро сахассам̣ аахарид̇ваа б̣од̇хисад̇д̇асса д̣̇ад̇ваа д̇ам̣ бавад̇д̇им̣ аарожзси.

    So ‘‘idhāpi vasantena na sakkā pabhāvatī daṭṭhu’’nti taṃ sahassaṃ tasseva datvā rājupaṭṭhākassa naḷakārassa santikaṃ gantvā tassa antevāsiko hutvā pabhāvatiyā atthāya tālavaṇṭaṃ katvā tattheva setacchattañca āpānabhūmiñca vatthaṃ gahetvā ṭhitaṃ pabhāvatiñcāti nānārūpāni dassesi. Naḷakāro tañca aññañca tena katabhaṇḍakaṃ ādāya rājakulaṃ agamāsi. Rājā disvā ‘‘kenimāni katānī’’ti pucchitvā purimanayeneva sahassaṃ datvā ‘‘imāni naḷakārabhaṇḍāni mama dhītānaṃ dehī’’ti āha. Sopi bodhisattena pabhāvatiyā atthāya kataṃ tālavaṇṭaṃ tassāyeva adāsi. Tatrapi rūpāni añño jano na passati, pabhāvatī pana disvā kusaraññā katabhāvaṃ ñatvā ‘‘gaṇhitukāmā gaṇhantū’’ti kuddhā bhūmiyaṃ khipi . Atha naṃ sesā avahasiṃsu. Naḷakāro sahassaṃ āharitvā bodhisattassa datvā taṃ pavattiṃ ārocesi.

    со ‘‘ид̣̇амби маяхам̣ авасанадтаана’’нд̇и сахассам̣ д̇ассзва д̣̇ад̇ваа рааж̇амаалаагаарасса санд̇игам̣ г̇анд̇ваа анд̇зваасигабхаавам̣ убаг̇анд̇ваа наанаавид̇хам̣ маалаавигад̇им̣ г̇ант̇ид̇ваа бабхаавад̇ияаа ад̇т̇ааяа наанааруубавижид̇рам̣ згам̣ жумб̣адагам̣ агааси. маалаагааро д̇ам̣ саб̣б̣ам̣ аад̣̇ааяа рааж̇агулам̣ аг̇амааси. рааж̇аа д̣̇исваа ‘‘гзнимаани г̇ант̇ид̇ааний’’д̇и бужчи. ‘‘маяаа, д̣̇зваа’’д̇и. ‘‘ахам̣ д̇аяаа г̇ант̇ид̇аани ж̇аанаами, гат̇зхи, гзна г̇ант̇ид̇ааний’’д̇и? ‘‘анд̇зваасигзна мз , д̣̇зваа’’д̇и. ‘‘на со анд̇зваасий, аажарияо д̇з со, д̇вам̣ д̇асса санд̇игз сиббам̣ сигка, ид̇о бадтааяа жа со мама д̇хийд̇аанам̣ бубпаани г̇ант̇ад̇у, иман̃жасса сахассам̣ д̣̇зхий’’д̇и сахассам̣ д̣̇ад̇ваа ‘‘имаани бубпаани мама д̇хийд̇аанам̣ д̣̇зхий’’д̇и ааха. соби б̣од̇хисад̇д̇зна бабхаавад̇ияаа ад̇т̇ааяа гад̇ам̣ жумб̣адагам̣ д̇ассааязва ад̣̇ааси. саа д̇ад̇т̇а ад̇д̇ано жа ран̃н̃о жа руубзхи сад̣̇д̇хим̣ наанааруубаани д̣̇исваа д̇зна гад̇абхаавам̣ н̃ад̇ваа гуж̇жхид̇ваа бхуумияам̣ киби. сзсаа бхаг̇инияо д̇ам̣ д̇ат̇зва авахасим̣су. маалаагаароби сахассам̣ аахарид̇ваа б̣од̇хисад̇д̇асса д̣̇ад̇ваа д̇ам̣ бавад̇д̇им̣ аарожзси.

    So ‘‘idampi mayhaṃ avasanaṭṭhāna’’nti sahassaṃ tasseva datvā rājamālākārassa santikaṃ gantvā antevāsikabhāvaṃ upagantvā nānāvidhaṃ mālāvikatiṃ ganthitvā pabhāvatiyā atthāya nānārūpavicitraṃ ekaṃ cumbaṭakaṃ akāsi. Mālākāro taṃ sabbaṃ ādāya rājakulaṃ agamāsi. Rājā disvā ‘‘kenimāni ganthitānī’’ti pucchi. ‘‘Mayā, devā’’ti. ‘‘Ahaṃ tayā ganthitāni jānāmi, kathehi, kena ganthitānī’’ti? ‘‘Antevāsikena me , devā’’ti. ‘‘Na so antevāsī, ācariyo te so, tvaṃ tassa santike sippaṃ sikkha, ito paṭṭhāya ca so mama dhītānaṃ pupphāni ganthatu, imañcassa sahassaṃ dehī’’ti sahassaṃ datvā ‘‘imāni pupphāni mama dhītānaṃ dehī’’ti āha. Sopi bodhisattena pabhāvatiyā atthāya kataṃ cumbaṭakaṃ tassāyeva adāsi. Sā tattha attano ca rañño ca rūpehi saddhiṃ nānārūpāni disvā tena katabhāvaṃ ñatvā kujjhitvā bhūmiyaṃ khipi. Sesā bhaginiyo taṃ tatheva avahasiṃsu. Mālākāropi sahassaṃ āharitvā bodhisattassa datvā taṃ pavattiṃ ārocesi.

    со ‘‘ид̣̇амби маяхам̣ авасанадтаана’’нд̇и сахассам̣ д̇ассзва д̣̇ад̇ваа ран̃н̃о сууд̣̇асса санд̇игам̣ г̇анд̇ваа анд̇зваасигабхаавам̣ убаг̇ажчи. ат̇згад̣̇ивасам̣ сууд̣̇о ран̃н̃о бхож̇анавигад̇им̣ харанд̇о ад̇д̇ано ад̇т̇ааяа бажид̇ум̣ б̣од̇хисад̇д̇асса адтимам̣сам̣ ад̣̇ааси. со д̇ам̣ д̇ат̇аа самбаад̣̇зси, яат̇аасса г̇анд̇хо сагаланаг̇арам̣ авад̇т̇ари. рааж̇аа д̇ам̣ гхааяид̇ваа ‘‘гим̣ д̇з махаанасз ан̃н̃амби мам̣сам̣ бажасий’’д̇и бужчи. ‘‘над̇т̇и, д̣̇зва, абижа ко бана мз анд̇зваасигасса адтимам̣сам̣ бажанад̇т̇ааяа д̣̇иннам̣, д̇ассзва со г̇анд̇хо бхависсад̇ий’’д̇и. рааж̇аа аахараабзд̇ваа д̇ад̇о т̇огам̣ ж̇ивхаг̇г̇з табзси, д̇аавад̣̇зва сад̇д̇а расахаран̣исахассаани кобхзнд̇ам̣ пари. рааж̇аа расад̇ан̣хааяа б̣аж̇жхид̇ваа сахассам̣ д̣̇ад̇ваа ‘‘ид̇о бадтааяа д̇ава анд̇зваасинаа мама жа д̇хийд̇аанан̃жа мз бхад̇д̇ам̣ бажаабзд̇ваа д̇вам̣ маяхам̣ аахара, со мз д̇хийд̇аанам̣ харад̇уу’’д̇и ааха. сууд̣̇о г̇анд̇ваа д̇асса аарожзси. со д̇ам̣ суд̇ваа ‘‘ид̣̇аани мз манорат̇о мад̇т̇агам̣ бад̇д̇о, ид̣̇аани банаахам̣ бабхаавад̇им̣ д̣̇адтум̣ лабхиссаамий’’д̇и д̇удто д̇ам̣ сахассам̣ д̇ассзва д̣̇ад̇ваа бунад̣̇ивасз бхад̇д̇ам̣ самбаад̣̇зд̇ваа ран̃н̃о бхад̇д̇абхааж̇анаани бзсзд̇ваа рааж̇ад̇хийд̇аанам̣ бхад̇д̇агааж̇ам̣ саяам̣ г̇ахзд̇ваа бабхаавад̇ияаа васанабаасаад̣̇ам̣ абхирухи. саа д̇ам̣ бхад̇д̇агааж̇ам̣ аад̣̇ааяа баасаад̣̇ам̣ абхируханд̇ам̣ д̣̇исваа жинд̇зси – ‘‘аяам̣ ад̇д̇ано ананужчавигам̣ д̣̇аасагаммагарзхи гад̇д̇аб̣б̣ам̣ гарод̇и. сажз банаахам̣ гад̇ибаахам̣ д̇ун̣хий бхависсаами, ‘ид̣̇аани мам̣ зсаа рожад̇ий’д̇и сан̃н̃ий худ̇ваа гад̇т̇ажи аг̇анд̇ваа мам̣ ологзнд̇о ид̇хзва васиссад̇и, ид̣̇аанзва д̇ам̣ аггосид̇ваа барибхаасид̇ваа мухуд̇д̇амби ид̇ха васид̇ум̣ ад̣̇ад̇ваа балаабзссаамий’’д̇и. саа д̣̇ваарам̣ ад̣дхавивадам̣ гад̇ваа згам̣ хад̇т̇ам̣ гаваадз лаг̇г̇зд̇ваа згзна хад̇т̇зна аг̇г̇ал̣ам̣ уббийл̣зд̇ваа д̣̇уд̇ияам̣ г̇аат̇амааха –

    So ‘‘idampi mayhaṃ avasanaṭṭhāna’’nti sahassaṃ tasseva datvā rañño sūdassa santikaṃ gantvā antevāsikabhāvaṃ upagacchi. Athekadivasaṃ sūdo rañño bhojanavikatiṃ haranto attano atthāya pacituṃ bodhisattassa aṭṭhimaṃsaṃ adāsi. So taṃ tathā sampādesi, yathāssa gandho sakalanagaraṃ avatthari. Rājā taṃ ghāyitvā ‘‘kiṃ te mahānase aññampi maṃsaṃ pacasī’’ti pucchi. ‘‘Natthi, deva, apica kho pana me antevāsikassa aṭṭhimaṃsaṃ pacanatthāya dinnaṃ, tasseva so gandho bhavissatī’’ti. Rājā āharāpetvā tato thokaṃ jivhagge ṭhapesi, tāvadeva satta rasaharaṇisahassāni khobhentaṃ phari. Rājā rasataṇhāya bajjhitvā sahassaṃ datvā ‘‘ito paṭṭhāya tava antevāsinā mama ca dhītānañca me bhattaṃ pacāpetvā tvaṃ mayhaṃ āhara, so me dhītānaṃ haratū’’ti āha. Sūdo gantvā tassa ārocesi. So taṃ sutvā ‘‘idāni me manoratho matthakaṃ patto, idāni panāhaṃ pabhāvatiṃ daṭṭhuṃ labhissāmī’’ti tuṭṭho taṃ sahassaṃ tasseva datvā punadivase bhattaṃ sampādetvā rañño bhattabhājanāni pesetvā rājadhītānaṃ bhattakājaṃ sayaṃ gahetvā pabhāvatiyā vasanapāsādaṃ abhiruhi. Sā taṃ bhattakājaṃ ādāya pāsādaṃ abhiruhantaṃ disvā cintesi – ‘‘ayaṃ attano ananucchavikaṃ dāsakammakarehi kattabbaṃ karoti. Sace panāhaṃ katipāhaṃ tuṇhī bhavissāmi, ‘idāni maṃ esā rocatī’ti saññī hutvā katthaci agantvā maṃ olokento idheva vasissati, idāneva taṃ akkositvā paribhāsitvā muhuttampi idha vasituṃ adatvā palāpessāmī’’ti. Sā dvāraṃ aḍḍhavivaṭaṃ katvā ekaṃ hatthaṃ kavāṭe laggetvā ekena hatthena aggaḷaṃ uppīḷetvā dutiyaṃ gāthamāha –

    2.

    2.

    ‘‘ануж̇ж̇убхууд̇зна харам̣ маханд̇ам̣, д̣̇иваа жа рад̇д̇о жа нисийт̇агаалз;

    ‘‘Anujjubhūtena haraṃ mahantaṃ, divā ca ratto ca nisīthakāle;

    бадиг̇ажча д̇вам̣ киббам̣ гусаавад̇им̣ гуса, нижчаами д̣̇уб̣б̣ан̣н̣амахам̣ васанд̇а’’нд̇и.

    Paṭigaccha tvaṃ khippaṃ kusāvatiṃ kusa, nicchāmi dubbaṇṇamahaṃ vasanta’’nti.

    д̇ассад̇т̇о – махаарааж̇а, д̇вам̣ бхад̇д̇агаараго худ̇ваа уж̇угзна жид̇д̇зна яоби д̇з сийсам̣ бхинд̣̇зяяа, д̇ассабзд̇ам̣ гаммам̣ на гароси, ануж̇убхууд̇зна бана жид̇д̇зна мамад̇т̇ааяа зд̇ам̣ маханд̇ам̣ гааж̇ам̣ харанд̇о д̣̇иваа жа рад̇д̇о жа нисийт̇агаалз жа маханд̇ам̣ д̣̇угкам̣ анубхависсаси, гим̣ д̇з д̇зна анубхууд̇зна д̣̇угкзна, д̇вам̣ ад̇д̇ано наг̇арам̣ гусаавад̇имзва бадиг̇ажча, ан̃н̃ам̣ ад̇д̇анаа сад̣̇исим̣ ад̇ирасагабуувасан̣таанамуким̣ яагкиним̣ аг̇г̇амахзсим̣ гад̇ваа раж̇ж̇ам̣ гаарзхийд̇и. нижчаами д̣̇уб̣б̣ан̣н̣амахам̣ васанд̇анд̇и ахам̣ бана д̇ам̣ д̣̇уб̣б̣ан̣н̣ам̣ д̣̇уссан̣тид̇ам̣ ид̇ха васанд̇ам̣ на ижчаамийд̇и.

    Tassattho – mahārāja, tvaṃ bhattakārako hutvā ujukena cittena yopi te sīsaṃ bhindeyya, tassapetaṃ kammaṃ na karosi, anujubhūtena pana cittena mamatthāya etaṃ mahantaṃ kājaṃ haranto divā ca ratto ca nisīthakāle ca mahantaṃ dukkhaṃ anubhavissasi, kiṃ te tena anubhūtena dukkhena, tvaṃ attano nagaraṃ kusāvatimeva paṭigaccha, aññaṃ attanā sadisiṃ atirasakapūvasaṇṭhānamukhiṃ yakkhiniṃ aggamahesiṃ katvā rajjaṃ kārehīti. Nicchāmi dubbaṇṇamahaṃ vasantanti ahaṃ pana taṃ dubbaṇṇaṃ dussaṇṭhitaṃ idha vasantaṃ na icchāmīti.

    со ‘‘бабхаавад̇ияаа мз санд̇игаа гат̇аа лад̣̇д̇хаа’’д̇и д̇удтажид̇д̇о д̇иссо г̇аат̇аа абхааси –

    So ‘‘pabhāvatiyā me santikā kathā laddhā’’ti tuṭṭhacitto tisso gāthā abhāsi –

    3.

    3.

    ‘‘наахам̣ г̇амиссаами ид̇о гусаавад̇им̣, бабхаавад̇ий ван̣н̣абалобхид̇о д̇ава;

    ‘‘Nāhaṃ gamissāmi ito kusāvatiṃ, pabhāvatī vaṇṇapalobhito tava;

    рамаами мад̣̇д̣̇асса нигзд̇араммз, хид̇ваана радтам̣ д̇ава д̣̇ассанз рад̇о.

    Ramāmi maddassa niketaramme, hitvāna raṭṭhaṃ tava dassane rato.

    4.

    4.

    ‘‘бабхаавад̇ий ван̣н̣абалобхид̇о д̇ава, саммуул̣харуубо вижараами мзд̣̇иним̣;

    ‘‘Pabhāvatī vaṇṇapalobhito tava, sammūḷharūpo vicarāmi mediniṃ;

    д̣̇исам̣ на ж̇аанаами гуд̇омхи ааг̇ад̇о, д̇аяамхи мад̇д̇о миг̇аманд̣̇аложанз.

    Disaṃ na jānāmi kutomhi āgato, tayamhi matto migamandalocane.

    5.

    5.

    ‘‘суван̣н̣ажийравасанз, ж̇аад̇аруубасумзкалз;

    ‘‘Suvaṇṇacīravasane, jātarūpasumekhale;

    суссон̣и д̇ава гаамаа хи, наахам̣ раж̇ж̇зна мад̇т̇иго’’д̇и.

    Sussoṇi tava kāmā hi, nāhaṃ rajjena matthiko’’ti.

    д̇ад̇т̇а рамаамийд̇и абхирамаами на угган̣таами. саммуул̣харуубод̇и гилзсасаммуул̣хо худ̇ваа. д̇аяамхи мад̇д̇од̇и д̇аяи мад̇д̇омхи, д̇аяаа ваа мад̇д̇омхи. суван̣н̣ажийравасанзд̇и суван̣н̣акажид̇авад̇т̇авасанз. наахам̣ раж̇ж̇зна мад̇т̇игод̇и на ахам̣ раж̇ж̇зна ад̇т̇иго.

    Tattha ramāmīti abhiramāmi na ukkaṇṭhāmi. Sammūḷharūpoti kilesasammūḷho hutvā. Tayamhi mattoti tayi mattomhi, tayā vā mattomhi. Suvaṇṇacīravasaneti suvaṇṇakhacitavatthavasane. Nāhaṃ rajjena matthikoti na ahaṃ rajjena atthiko.

    звам̣ вуд̇д̇з саа жинд̇зси – ‘‘ахам̣ зд̇ам̣ ‘виббадисаарий бхависсад̇ий’д̇и барибхаасаами, аяам̣ бана раж̇ж̇ид̇ваава гат̇зд̇и, сажз ко бана мам̣ ‘ахам̣ гусарааж̇аа’д̇и вад̇ваа хад̇т̇з г̇ан̣хзяяа, го д̇ам̣ ниваарзяяа, гожи но имам̣ гат̇ам̣ сун̣зяяаа’’д̇и д̣̇ваарам̣ т̇агзд̇ваа суужим̣ д̣̇ад̇ваа анд̇о адтааси. соби бхад̇д̇агааж̇ам̣ аахарид̇ваа бхад̇д̇ам̣ вад̣дхзд̇ваа рааж̇ад̇хийд̇аро бхож̇зси. бабхаавад̇ий ‘‘г̇ажча гусарааж̇зна баггабхад̇д̇ам̣ аахараа’’д̇и куж̇ж̇ам̣ бзсзси. саа аахарид̇ваа ‘‘бхун̃ж̇аахий’’д̇и ааха. наахам̣ д̇зна баггабхад̇д̇ам̣ бхун̃ж̇аами, д̇вам̣ бхун̃ж̇ид̇ваа ад̇д̇ано лад̣̇д̇ханиваабам̣ г̇ахзд̇ваа бхад̇д̇ам̣ бажид̇ваа аахара, гусаран̃н̃о ааг̇ад̇абхааван̃жа маа гассажи аарожзсийд̇и. куж̇ж̇аа д̇ад̇о бадтааяа д̇ассаа годтаасам̣ аахарид̇ваа саяам̣ бхун̃ж̇ад̇и, ад̇д̇ано годтаасам̣ д̇ассаа убанзд̇и. гусарааж̇ааби д̇ад̇о бадтааяа д̇ам̣ бассид̇ум̣ алабханд̇о жинд̇зси – ‘‘ад̇т̇и ну ко бабхаавад̇ияаа маяи синзхо, уд̣̇ааху над̇т̇и, виймам̣сиссаами на’’нд̇и. со бана рааж̇ад̇хийд̇аро бхож̇зд̇ваа бхад̇д̇агааж̇ам̣ аад̣̇ааяа нигканд̇о д̇ассаа г̇аб̣бхад̣̇ваарз баасаад̣̇ад̇алам̣ баад̣̇зна бахарид̇ваа бхааж̇анаани гхаддзд̇ваа нид̇т̇унид̇ваа висан̃н̃ий худ̇ваа вияа авагуж̇ж̇о бад̇и. саа д̇асса нид̇т̇унид̇асад̣̇д̣̇зна д̣̇ваарам̣ виварид̇ваа д̇ам̣ бхад̇д̇агааж̇зна од̇т̇ад̇ам̣ д̣̇исваа жинд̇зси – ‘‘аяам̣ сагалаж̇амб̣уд̣̇ийбз аг̇г̇арааж̇аа мам̣ ниссааяа рад̇д̇инд̣̇ивам̣ д̣̇угкам̣ анубход̇и, сукумаалад̇ааяа бхад̇д̇агааж̇зна авад̇т̇ад̇о бад̇ад̇и, ж̇ийвад̇и ну ко, но ваа’’д̇и. саа г̇аб̣бхад̇о нигкамид̇ваа д̇асса наасаваад̇ам̣ убад̇хаарзд̇ум̣ г̇ийвам̣ басаарзд̇ваа мукам̣ ологзси. со мукабуурам̣ кзл̣ам̣ г̇ахзд̇ваа д̇ассаа сарийрз баад̇зси. саа д̇ам̣ барибхаасид̇ваа г̇аб̣бхам̣ бависид̇ваа д̣̇ваарам̣ ад̣дхавивадам̣ т̇агзд̇ваа тид̇аа г̇аат̇амааха –

    Evaṃ vutte sā cintesi – ‘‘ahaṃ etaṃ ‘vippaṭisārī bhavissatī’ti paribhāsāmi, ayaṃ pana rajjitvāva katheti, sace kho pana maṃ ‘ahaṃ kusarājā’ti vatvā hatthe gaṇheyya, ko taṃ nivāreyya, koci no imaṃ kathaṃ suṇeyyā’’ti dvāraṃ thaketvā sūciṃ datvā anto aṭṭhāsi. Sopi bhattakājaṃ āharitvā bhattaṃ vaḍḍhetvā rājadhītaro bhojesi. Pabhāvatī ‘‘gaccha kusarājena pakkabhattaṃ āharā’’ti khujjaṃ pesesi. Sā āharitvā ‘‘bhuñjāhī’’ti āha. Nāhaṃ tena pakkabhattaṃ bhuñjāmi, tvaṃ bhuñjitvā attano laddhanivāpaṃ gahetvā bhattaṃ pacitvā āhara, kusarañño āgatabhāvañca mā kassaci ārocesīti. Khujjā tato paṭṭhāya tassā koṭṭhāsaṃ āharitvā sayaṃ bhuñjati, attano koṭṭhāsaṃ tassā upaneti. Kusarājāpi tato paṭṭhāya taṃ passituṃ alabhanto cintesi – ‘‘atthi nu kho pabhāvatiyā mayi sineho, udāhu natthi, vīmaṃsissāmi na’’nti. So pana rājadhītaro bhojetvā bhattakājaṃ ādāya nikkhanto tassā gabbhadvāre pāsādatalaṃ pādena paharitvā bhājanāni ghaṭṭetvā nitthunitvā visaññī hutvā viya avakujjo pati. Sā tassa nitthunitasaddena dvāraṃ vivaritvā taṃ bhattakājena otthataṃ disvā cintesi – ‘‘ayaṃ sakalajambudīpe aggarājā maṃ nissāya rattindivaṃ dukkhaṃ anubhoti, sukhumālatāya bhattakājena avatthato patati, jīvati nu kho, no vā’’ti. Sā gabbhato nikkhamitvā tassa nāsavātaṃ upadhāretuṃ gīvaṃ pasāretvā mukhaṃ olokesi. So mukhapūraṃ kheḷaṃ gahetvā tassā sarīre pātesi. Sā taṃ paribhāsitvā gabbhaṃ pavisitvā dvāraṃ aḍḍhavivaṭaṃ thaketvā ṭhitā gāthamāha –

    6.

    6.

    ‘‘аб̣бхууд̇и д̇асса бхо ход̇и, яо анижчанд̇амижчад̇и;

    ‘‘Abbhūti tassa bho hoti, yo anicchantamicchati;

    агаамам̣ рааж̇а гаамзси, аганд̇ам̣ ганд̇умижчасий’’д̇и.

    Akāmaṃ rāja kāmesi, akantaṃ kantumicchasī’’ti.

    д̇ад̇т̇а аб̣бхууд̇ийд̇и абхууд̇и, авуд̣дхийд̇и ад̇т̇о.

    Tattha abbhūtīti abhūti, avuḍḍhīti attho.

    со бана бадиб̣ад̣̇д̇хажид̇д̇ад̇ааяа аггосияамааноби барибхаасияамааноби виббадисаарам̣ ануббаад̣̇зд̇ваава ананд̇арам̣ г̇аат̇амааха –

    So pana paṭibaddhacittatāya akkosiyamānopi paribhāsiyamānopi vippaṭisāraṃ anuppādetvāva anantaraṃ gāthamāha –

    7.

    7.

    ‘‘агаамам̣ ваа сагаамам̣ ваа, яо наро лабхад̇з бияам̣;

    ‘‘Akāmaṃ vā sakāmaṃ vā, yo naro labhate piyaṃ;

    лаабхамзд̇т̇а басам̣саама, алаабхо д̇ад̇т̇а баабаго’’д̇и.

    Lābhamettha pasaṃsāma, alābho tattha pāpako’’ti.

    сааби д̇асмим̣ звам̣ гат̇знд̇зби аносаггид̇ваа т̇ад̣̇д̇хад̇араважанам̣ вад̇ваа балаабзд̇угаамаа ид̇арам̣ г̇аат̇амааха –

    Sāpi tasmiṃ evaṃ kathentepi anosakkitvā thaddhataravacanaṃ vatvā palāpetukāmā itaraṃ gāthamāha –

    8.

    8.

    ‘‘баасаан̣асаарам̣ кан̣аси, ган̣игаарасса д̣̇аарунаа;

    ‘‘Pāsāṇasāraṃ khaṇasi, kaṇikārassa dārunā;

    ваад̇ам̣ ж̇аалзна б̣аад̇хзси, яо анижчанд̇амижчасий’’д̇и.

    Vātaṃ jālena bādhesi, yo anicchantamicchasī’’ti.

    д̇ад̇т̇а ган̣игаарасса д̣̇аарунаад̇и ган̣игаарагадтзна. б̣аад̇хзсийд̇и б̣анд̇хасийд̇и.

    Tattha kaṇikārassa dārunāti kaṇikārakaṭṭhena. Bādhesīti bandhasīti.

    д̇ам̣ суд̇ваа рааж̇аа д̇иссо г̇аат̇ааяо абхааси –

    Taṃ sutvā rājā tisso gāthāyo abhāsi –

    9.

    9.

    ‘‘баасаан̣о нууна д̇з хад̣̇аяз, охид̇о муд̣̇улагкан̣з;

    ‘‘Pāsāṇo nūna te hadaye, ohito mudulakkhaṇe;

    яо д̇з саад̇ам̣ на винд̣̇аами, д̇ирож̇анабад̣̇ааг̇ад̇о.

    Yo te sātaṃ na vindāmi, tirojanapadāgato.

    10.

    10.

    ‘‘яад̣̇аа мам̣ бхагудим̣ гад̇ваа, рааж̇абуд̇д̇ий уд̣̇игкад̇и;

    ‘‘Yadā maṃ bhakuṭiṃ katvā, rājaputtī udikkhati;

    аал̣аариго д̇ад̣̇аа хоми, ран̃н̃о мад̣̇д̣̇ассанд̇збурз.

    Āḷāriko tadā homi, rañño maddassantepure.

    11.

    11.

    ‘‘яад̣̇аа умхаяамаанаа мам̣, рааж̇абуд̇д̇ий уд̣̇игкад̇и;

    ‘‘Yadā umhayamānā maṃ, rājaputtī udikkhati;

    наал̣аариго д̇ад̣̇аа хоми, рааж̇аа хоми д̇ад̣̇аа гусо’’д̇и.

    Nāḷāriko tadā homi, rājā homi tadā kuso’’ti.

    д̇ад̇т̇а муд̣̇улагкан̣зд̇и муд̣̇унаа ид̇т̇илагкан̣зна саманнааг̇ад̇з. яод̇и яо ахам̣ д̇ирорадтаа ааг̇ад̇о д̇ава санд̇игз васанд̇о бадисант̇аарамад̇д̇амби саад̇ам̣ на лабхаами, со звам̣ ман̃н̃аами, маяи синзхуббад̇д̇инивааран̣ааяа нууна д̇ава хад̣̇аяз баасаан̣о табид̇о. бхагудим̣ гад̇ваад̇и год̇хавасзна валивисамам̣ налаадам̣ гад̇ваа. аал̣ааригод̇и бхад̇д̇агаараго. д̇асмим̣ кан̣з ахам̣ мад̣̇д̣̇аран̃н̃о анд̇збурз бхад̇д̇агаарагад̣̇аасо вияа хомийд̇и вад̣̇ад̇и. умхаяамаанаад̇и бахадтаагаарам̣ д̣̇ассзд̇ваа хасамаанаа. рааж̇аа хомийд̇и д̇асмим̣ кан̣з ахам̣ гусаавад̇ийнаг̇арз раж̇ж̇ам̣ гаарзнд̇о рааж̇аа вияа хоми, гасмааси звам̣ парусаа, ид̇о бадтааяа маа зваруубам̣ гари, бхад̣̇д̣̇зд̇и.

    Tattha mudulakkhaṇeti mudunā itthilakkhaṇena samannāgate. Yoti yo ahaṃ tiroraṭṭhā āgato tava santike vasanto paṭisanthāramattampi sātaṃ na labhāmi, so evaṃ maññāmi, mayi sinehuppattinivāraṇāya nūna tava hadaye pāsāṇo ṭhapito. Bhakuṭiṃ katvāti kodhavasena valivisamaṃ nalāṭaṃ katvā. Āḷārikoti bhattakārako. Tasmiṃ khaṇe ahaṃ maddarañño antepure bhattakārakadāso viya homīti vadati. Umhayamānāti pahaṭṭhākāraṃ dassetvā hasamānā. Rājā homīti tasmiṃ khaṇe ahaṃ kusāvatīnagare rajjaṃ kārento rājā viya homi, kasmāsi evaṃ pharusā, ito paṭṭhāya mā evarūpaṃ kari, bhaddeti.

    саа д̇асса важанам̣ суд̇ваа жинд̇зси – ‘‘аяам̣ ад̇ивияа аллийяид̇ваа гат̇зд̇и, мусааваад̣̇ам̣ гад̇ваа убааязна нам̣ ид̇о балаабзссаамий’’д̇и г̇аат̇амааха –

    Sā tassa vacanaṃ sutvā cintesi – ‘‘ayaṃ ativiya allīyitvā katheti, musāvādaṃ katvā upāyena naṃ ito palāpessāmī’’ti gāthamāha –

    12.

    12.

    ‘‘сажз хи важанам̣ сажжам̣, нзмид̇д̇аанам̣ бхависсад̇и;

    ‘‘Sace hi vacanaṃ saccaṃ, nemittānaṃ bhavissati;

    нзва мз д̇вам̣ бад̇ий асса, гаамам̣ чинд̣̇анд̇у сад̇д̇ад̇хаа’’д̇и.

    Neva me tvaṃ patī assa, kāmaṃ chindantu sattadhā’’ti.

    д̇ассад̇т̇о – махаарааж̇а, маяаа ‘‘аяам̣ гусарааж̇аа маяхам̣ бад̇и бхависсад̇и, на бхависсад̇ий’’д̇и б̣ахуу нимид̇д̇абаатагаа бужчид̇аа, д̇з ‘‘гаамам̣ гира мам̣ сад̇д̇ад̇хаа чинд̣̇анд̇у, нзва мз д̇вам̣ бад̇и бхависсасий’’д̇и вад̣̇им̣сууд̇и.

    Tassattho – mahārāja, mayā ‘‘ayaṃ kusarājā mayhaṃ pati bhavissati, na bhavissatī’’ti bahū nimittapāṭhakā pucchitā, te ‘‘kāmaṃ kira maṃ sattadhā chindantu, neva me tvaṃ pati bhavissasī’’ti vadiṃsūti.

    д̇ам̣ суд̇ваа рааж̇аа д̇ам̣ бадиб̣ааханд̇о ‘‘бхад̣̇д̣̇з, маяааби ад̇д̇ано радтз нзмид̇д̇агаа бужчид̇аа, д̇з ‘ан̃н̃ад̇ра сийхассарагусарааж̇ад̇о д̇ава бад̇и наама ан̃н̃о над̇т̇ий’д̇и б̣яаагарим̣су, ахамби ад̇д̇ано н̃аан̣аб̣аланимид̇д̇зна звамзва гат̇зси’’нд̇и вад̇ваа ананд̇арам̣ г̇аат̇амааха –

    Taṃ sutvā rājā taṃ paṭibāhanto ‘‘bhadde, mayāpi attano raṭṭhe nemittakā pucchitā, te ‘aññatra sīhassarakusarājato tava pati nāma añño natthī’ti byākariṃsu, ahampi attano ñāṇabalanimittena evameva kathesi’’nti vatvā anantaraṃ gāthamāha –

    13.

    13.

    ‘‘сажз хи важанам̣ сажжам̣, ан̃н̃зсам̣ яад̣̇и ваа мама;

    ‘‘Sace hi vacanaṃ saccaṃ, aññesaṃ yadi vā mama;

    нзва д̇уяхам̣ бад̇ий ад̇т̇и, ан̃н̃о сийхассараа гусаа’’д̇и.

    Neva tuyhaṃ patī atthi, añño sīhassarā kusā’’ti.

    д̇ассад̇т̇о – яад̣̇и хи ан̃н̃зсам̣ нзмид̇д̇аанам̣ важанам̣ сажжам̣, яад̣̇и ваа мама важанам̣ сажжам̣, д̇ава ан̃н̃о бад̇и наама над̇т̇ийд̇и.

    Tassattho – yadi hi aññesaṃ nemittānaṃ vacanaṃ saccaṃ, yadi vā mama vacanaṃ saccaṃ, tava añño pati nāma natthīti.

    саа д̇асса важанам̣ суд̇ваа ‘‘на саггаа имам̣ лаж̇ж̇аабзд̇ум̣ ваа балаабзд̇ум̣ ваа, гим̣ мз иминаа’’д̇и д̣̇ваарам̣ бид̇хааяа ад̇д̇аанам̣ на д̣̇ассзси. соби гааж̇ам̣ г̇ахзд̇ваа од̇ари, д̇ад̇о бадтааяа д̇ам̣ д̣̇адтум̣ на лабхад̇и, бхад̇д̇агаарагагаммам̣ гаронд̇о ад̇ивияа гиламад̇и , бхуд̇д̇абаад̇араасо д̣̇аарууни паалзд̇и, бхааж̇анаани д̇ховад̇и, гааж̇зна уд̣̇агам̣ аахарад̇и, саяанд̇о амб̣ан̣абидтз саяад̇и, баад̇о вудтааяа яааг̇уаад̣̇ийни бажад̇и харад̇и бхож̇зд̇и, нанд̣̇ирааг̇ам̣ ниссааяа ад̇ид̣̇угкам̣ анубход̇и. со згад̣̇ивасам̣ бхад̇д̇аг̇зхад̣̇ваарзна г̇ажчанд̇им̣ куж̇ж̇ам̣ д̣̇исваа баггоси. саа бабхаавад̇ияаа бхаязна д̇асса санд̇игам̣ г̇анд̇ум̣ ависаханд̇ий д̇урид̇ад̇урид̇аа вияа г̇ажчад̇и. ат̇а нам̣ взг̇зна убаг̇анд̇ваа ‘‘куж̇ж̇з’’д̇и ааха.

    Sā tassa vacanaṃ sutvā ‘‘na sakkā imaṃ lajjāpetuṃ vā palāpetuṃ vā, kiṃ me iminā’’ti dvāraṃ pidhāya attānaṃ na dassesi. Sopi kājaṃ gahetvā otari, tato paṭṭhāya taṃ daṭṭhuṃ na labhati, bhattakārakakammaṃ karonto ativiya kilamati , bhuttapātarāso dārūni phāleti, bhājanāni dhovati, kājena udakaṃ āharati, sayanto ambaṇapiṭṭhe sayati, pāto vuṭṭhāya yāguādīni pacati harati bhojeti, nandirāgaṃ nissāya atidukkhaṃ anubhoti. So ekadivasaṃ bhattagehadvārena gacchantiṃ khujjaṃ disvā pakkosi. Sā pabhāvatiyā bhayena tassa santikaṃ gantuṃ avisahantī turitaturitā viya gacchati. Atha naṃ vegena upagantvā ‘‘khujje’’ti āha.

    саа нивад̇д̇ид̇ваа тид̇аа ‘‘го зсо’’д̇и вад̇ваа ‘‘д̇умхаагам̣ сад̣̇д̣̇ам̣ на сун̣аамий’’д̇и ааха. ат̇а нам̣ ‘‘куж̇ж̇з д̇вамби сааминийби д̇з убхоби ад̇ивияа т̇ад̣̇д̇хаа, зд̇д̇агам̣ гаалам̣ д̇умхаагам̣ санд̇игз васанд̇о аарог̇яасаасанамад̇д̇амби на лабхаами, д̣̇зяяад̇хаммам̣ бана гим̣ д̣̇ассат̇а, д̇идтад̇у д̇аавзд̇ам̣, аби мз бабхаавад̇им̣ муд̣̇угам̣ гад̇ваа д̣̇ассзд̇ум̣ сагкиссасий’’д̇и ааха . саа ‘‘саад̇хуу’’д̇и самбадижчи. ат̇а нам̣ ‘‘сажз мз д̇ам̣ д̣̇ассзд̇ум̣ сагкиссаси, куж̇ж̇абхаавам̣ д̇з уж̇угам̣ гад̇ваа г̇ийвзяяагам̣ д̣̇ассаамий’’д̇и балобхзнд̇о бан̃жа г̇аат̇ааяо абхааси –

    Sā nivattitvā ṭhitā ‘‘ko eso’’ti vatvā ‘‘tumhākaṃ saddaṃ na suṇāmī’’ti āha. Atha naṃ ‘‘khujje tvampi sāminīpi te ubhopi ativiya thaddhā, ettakaṃ kālaṃ tumhākaṃ santike vasanto ārogyasāsanamattampi na labhāmi, deyyadhammaṃ pana kiṃ dassatha, tiṭṭhatu tāvetaṃ, api me pabhāvatiṃ mudukaṃ katvā dassetuṃ sakkhissasī’’ti āha . Sā ‘‘sādhū’’ti sampaṭicchi. Atha naṃ ‘‘sace me taṃ dassetuṃ sakkhissasi, khujjabhāvaṃ te ujukaṃ katvā gīveyyakaṃ dassāmī’’ti palobhento pañca gāthāyo abhāsi –

    14.

    14.

    ‘‘нзгкам̣ г̇ийвам̣ д̇з гаарзссам̣, бад̇ваа куж̇ж̇з гусаавад̇им̣;

    ‘‘Nekkhaṃ gīvaṃ te kāressaṃ, patvā khujje kusāvatiṃ;

    сажз мам̣ нааг̇анаасууруу, ологзяяа бабхаавад̇ий.

    Sace maṃ nāganāsūrū, olokeyya pabhāvatī.

    15.

    15.

    ‘‘нзгкам̣ г̇ийвам̣ д̇з гаарзссам̣, бад̇ваа куж̇ж̇з гусаавад̇им̣;

    ‘‘Nekkhaṃ gīvaṃ te kāressaṃ, patvā khujje kusāvatiṃ;

    сажз мам̣ нааг̇анаасууруу, аалабзяяа бабхаавад̇ий.

    Sace maṃ nāganāsūrū, ālapeyya pabhāvatī.

    16.

    16.

    ‘‘нзгкам̣ г̇ийвам̣ д̇з гаарзссам̣, бад̇ваа куж̇ж̇з гусаавад̇им̣;

    ‘‘Nekkhaṃ gīvaṃ te kāressaṃ, patvā khujje kusāvatiṃ;

    сажз мам̣ нааг̇анаасууруу, умхааязяяа бабхаавад̇ий.

    Sace maṃ nāganāsūrū, umhāyeyya pabhāvatī.

    17.

    17.

    ‘‘нзгкам̣ г̇ийвам̣ д̇з гаарзссам̣, бад̇ваа куж̇ж̇з гусаавад̇им̣;

    ‘‘Nekkhaṃ gīvaṃ te kāressaṃ, patvā khujje kusāvatiṃ;

    сажз мам̣ нааг̇анаасууруу, бамхааязяяа бабхаавад̇ий.

    Sace maṃ nāganāsūrū, pamhāyeyya pabhāvatī.

    18.

    18.

    ‘‘нзгкам̣ г̇ийвам̣ д̇з гаарзссам̣, бад̇ваа куж̇ж̇з гусаавад̇им̣;

    ‘‘Nekkhaṃ gīvaṃ te kāressaṃ, patvā khujje kusāvatiṃ;

    сажз мам̣ нааг̇анаасууруу, баан̣ийхи убасампусз’’д̇и.

    Sace maṃ nāganāsūrū, pāṇīhi upasamphuse’’ti.

    д̇ад̇т̇а нзгкам̣ г̇ийвам̣ д̇зд̇и д̇ава г̇ийвзяяам̣ саб̣б̣асуван̣н̣амаяамзва гаарзссаамийд̇и ад̇т̇о. ‘‘нзгкам̣ г̇ийвам̣ д̇з гариссаамий’’д̇иби баато, д̇ава г̇ийвааяа нзгкамаяам̣ бил̣анд̇ханам̣ бил̣анд̇хзссаамийд̇и ад̇т̇о. ологзяяаад̇и сажз д̇ава важанзна мам̣ бабхаавад̇ий ологзяяа, сажз мам̣ д̇ааяа ологаабзд̇ум̣ сагкиссасийд̇и ад̇т̇о. ‘‘аалабзяяаа’’д̇иаад̣̇ийсуби зсзва наяо. зд̇т̇а бана умхааязяяаад̇и манд̣̇ахасид̇авасзна барихаасзяяа. бамхааязяяаад̇и махаахасид̇авасзна барихаасзяяа.

    Tattha nekkhaṃ gīvaṃ teti tava gīveyyaṃ sabbasuvaṇṇamayameva kāressāmīti attho. ‘‘Nekkhaṃ gīvaṃ te karissāmī’’tipi pāṭho, tava gīvāya nekkhamayaṃ piḷandhanaṃ piḷandhessāmīti attho. Olokeyyāti sace tava vacanena maṃ pabhāvatī olokeyya, sace maṃ tāya olokāpetuṃ sakkhissasīti attho. ‘‘Ālapeyyā’’tiādīsupi eseva nayo. Ettha pana umhāyeyyāti mandahasitavasena parihāseyya. Pamhāyeyyāti mahāhasitavasena parihāseyya.

    саа д̇асса важанам̣ суд̇ваа ‘‘г̇ажчат̇а д̇умхз, д̣̇зва, гад̇ибаахажжаязна нам̣ д̇умхаагам̣ васз гариссаами, бассат̇а мз бараггама’’нд̇и вад̇ваа д̇ам̣ гаран̣ийяам̣ д̇ийрзд̇ваа бабхаавад̇ияаа санд̇игам̣ г̇анд̇ваа д̇ассаа васанаг̇аб̣бхам̣ сод̇хзнд̇ий вияа бахаран̣аяог̇г̇ам̣ лзд̣д̣укан̣д̣амби асзсзд̇ваа анд̇амасо баад̣̇угааби нийхарид̇ваа сагалаг̇аб̣бхам̣ саммаж̇ж̇ид̇ваа г̇аб̣бхад̣̇ваарз уммаарам̣ анд̇арам̣ гад̇ваа ужжаасанам̣ бан̃н̃абзд̇ваа бабхаавад̇ияаа згам̣ нийжабийтагам̣ ад̇т̇арид̇ваа ‘‘зхи, амма, сийсз д̇з уугаа вижиниссаамий’’д̇и д̇ам̣ д̇ад̇т̇а бийтагз нисийд̣̇аабзд̇ваа ад̇д̇ано ууруанд̇арз д̇ассаа сийсам̣ табзд̇ваа т̇огам̣ ган̣д̣уяид̇ваа ‘‘ахо имиссаа сийсз б̣ахуу уугаа’’д̇и сагасийсад̇о уугаа г̇ахзд̇ваа д̇ассаа хад̇т̇з табзд̇ваа ‘‘басса гид̇д̇агаа д̇з сийсз уугаа’’д̇и бияагат̇ам̣ гат̇зд̇ваа махаасад̇д̇асса г̇ун̣ам̣ гат̇знд̇ий г̇аат̇амааха –

    Sā tassa vacanaṃ sutvā ‘‘gacchatha tumhe, deva, katipāhaccayena naṃ tumhākaṃ vase karissāmi, passatha me parakkama’’nti vatvā taṃ karaṇīyaṃ tīretvā pabhāvatiyā santikaṃ gantvā tassā vasanagabbhaṃ sodhentī viya paharaṇayoggaṃ leḍḍukhaṇḍampi asesetvā antamaso pādukāpi nīharitvā sakalagabbhaṃ sammajjitvā gabbhadvāre ummāraṃ antaraṃ katvā uccāsanaṃ paññapetvā pabhāvatiyā ekaṃ nīcapīṭhakaṃ attharitvā ‘‘ehi, amma, sīse te ūkā vicinissāmī’’ti taṃ tattha pīṭhake nisīdāpetvā attano ūruantare tassā sīsaṃ ṭhapetvā thokaṃ kaṇḍuyitvā ‘‘aho imissā sīse bahū ūkā’’ti sakasīsato ūkā gahetvā tassā hatthe ṭhapetvā ‘‘passa kittakā te sīse ūkā’’ti piyakathaṃ kathetvā mahāsattassa guṇaṃ kathentī gāthamāha –

    19.

    19.

    ‘‘на хи нуунааяам̣ рааж̇абуд̇д̇ий, гусз саад̇амби винд̣̇ад̇и;

    ‘‘Na hi nūnāyaṃ rājaputtī, kuse sātampi vindati;

    аал̣ааригз бхад̇з босз, взд̇анзна анад̇т̇игз’’д̇и.

    Āḷārike bhate pose, vetanena anatthike’’ti.

    д̇ассад̇т̇о – згам̣сзна аяам̣ рааж̇абуд̇д̇ий буб̣б̣з гусаавад̇ийнаг̇арз гусанаринд̣̇асса санд̇игз маалааг̇анд̇хавилзбанавад̇т̇аалан̇гааравасзна аббамад̇д̇агамби саад̇ам̣ на винд̣̇ад̇и на лабхад̇и, д̇амб̣ууламад̇д̇амби зд̇зна зд̇иссаа д̣̇иннабуб̣б̣ам̣ на бхависсад̇и. гим̣гааран̣аа? ид̇т̇ияо наама згад̣̇ивасамби ан̇гам̣ авад̇т̇арид̇ваа нибаннасаамигамхи хад̣̇аяам̣ бхинд̣̇ид̇ум̣ на саггонд̇и, аяам̣ бана аал̣ааригз бхад̇з босз аал̣ааригад̇д̇ан̃жа бхад̇агад̇д̇ан̃жа убаг̇ад̇з зд̇асмим̣ бурисз муулзнаби анад̇т̇игз гзвалам̣ д̇ам̣язва ниссааяа раж̇ж̇ам̣ бахааяа ааг̇анд̇ваа звам̣ д̣̇угкам̣ анубхаванд̇з бадисант̇аарамад̇д̇амби на гарод̇и, сажзби д̇з, амма, д̇асмим̣ синзхо над̇т̇и, сагалаж̇амб̣уд̣̇ийбз аг̇г̇арааж̇аа мам̣ ниссааяа гиламад̇ийд̇и д̇асса гин̃жид̣̇зва д̣̇аад̇ум̣ арахасийд̇и.

    Tassattho – ekaṃsena ayaṃ rājaputtī pubbe kusāvatīnagare kusanarindassa santike mālāgandhavilepanavatthālaṅkāravasena appamattakampi sātaṃ na vindati na labhati, tambūlamattampi etena etissā dinnapubbaṃ na bhavissati. Kiṃkāraṇā? Itthiyo nāma ekadivasampi aṅkaṃ avattharitvā nipannasāmikamhi hadayaṃ bhindituṃ na sakkonti, ayaṃ pana āḷārike bhate pose āḷārikattañca bhatakattañca upagate etasmiṃ purise mūlenapi anatthike kevalaṃ taṃyeva nissāya rajjaṃ pahāya āgantvā evaṃ dukkhaṃ anubhavante paṭisanthāramattampi na karoti, sacepi te, amma, tasmiṃ sineho natthi, sakalajambudīpe aggarājā maṃ nissāya kilamatīti tassa kiñcideva dātuṃ arahasīti.

    саа д̇ам̣ суд̇ваа куж̇ж̇ааяа гуж̇жхи. ат̇а нам̣ куж̇ж̇аа г̇ийвааяам̣ г̇ахзд̇ваа анд̇ог̇аб̣бхз кибид̇ваа саяам̣ б̣ахи худ̇ваа д̣̇ваарам̣ бид̇хааяа аавин̃чанараж̇ж̇умхи оламб̣анд̇ий адтааси. бабхаавад̇ий д̇ам̣ г̇ахзд̇ум̣ асаггонд̇ий д̣̇ваарамуулз тад̇ваа аггосанд̇ий ид̇арам̣ г̇аат̇амааха –

    Sā taṃ sutvā khujjāya kujjhi. Atha naṃ khujjā gīvāyaṃ gahetvā antogabbhe khipitvā sayaṃ bahi hutvā dvāraṃ pidhāya āviñchanarajjumhi olambantī aṭṭhāsi. Pabhāvatī taṃ gahetuṃ asakkontī dvāramūle ṭhatvā akkosantī itaraṃ gāthamāha –

    20.

    20.

    ‘‘на хи нуунааяам̣ саа куж̇ж̇аа, лабхад̇и ж̇ивхааяа чзд̣̇анам̣;

    ‘‘Na hi nūnāyaṃ sā khujjā, labhati jivhāya chedanaṃ;

    сунисид̇зна сад̇т̇зна, звам̣ д̣̇уб̣бхаасид̇ам̣ бхан̣а’’нд̇и.

    Sunisitena satthena, evaṃ dubbhāsitaṃ bhaṇa’’nti.

    д̇ад̇т̇а сунисид̇знаад̇и судту нисид̇зна д̇икин̣асад̇т̇зна. звам̣ д̣̇уб̣бхаасид̇анд̇и звам̣ асод̇аб̣б̣аяуд̇д̇агам̣ д̣̇уб̣бхаасид̇ам̣ бхан̣анд̇ий.

    Tattha sunisitenāti suṭṭhu nisitena tikhiṇasatthena. Evaṃ dubbhāsitanti evaṃ asotabbayuttakaṃ dubbhāsitaṃ bhaṇantī.

    ат̇а куж̇ж̇аа аавин̃жанараж̇ж̇ум̣ г̇ахзд̇ваа тид̇аава ‘‘ниббан̃н̃з д̣̇уб̣б̣инийд̇з д̇ава руубам̣ гим̣ гариссад̇и, гим̣ маяам̣ д̇ава руубам̣ каад̣̇ид̇ваа яаабзссаамаа’’д̇и вад̇ваа д̇зрасахи г̇аат̇аахи б̣од̇хисад̇д̇асса г̇ун̣ам̣ багаасзнд̇ий куж̇ж̇ааг̇аж̇ж̇ид̇ам̣ наама г̇аж̇ж̇и –

    Atha khujjā āviñcanarajjuṃ gahetvā ṭhitāva ‘‘nippaññe dubbinīte tava rūpaṃ kiṃ karissati, kiṃ mayaṃ tava rūpaṃ khāditvā yāpessāmā’’ti vatvā terasahi gāthāhi bodhisattassa guṇaṃ pakāsentī khujjāgajjitaṃ nāma gajji –

    21.

    21.

    ‘‘маа нам̣ руубзна баамзси, аарохзна бабхаавад̇и;

    ‘‘Mā naṃ rūpena pāmesi, ārohena pabhāvati;

    махааяасод̇и гад̇ваана, гарассу ружирз бияам̣.

    Mahāyasoti katvāna, karassu rucire piyaṃ.

    22.

    22.

    ‘‘маа нам̣ руубзна баамзси, аарохзна бабхаавад̇и;

    ‘‘Mā naṃ rūpena pāmesi, ārohena pabhāvati;

    махад̣̇д̇ханод̇и гад̇ваана, гарассу ружирз бияам̣.

    Mahaddhanoti katvāna, karassu rucire piyaṃ.

    23.

    23.

    ‘‘маа нам̣ руубзна баамзси, аарохзна бабхаавад̇и;

    ‘‘Mā naṃ rūpena pāmesi, ārohena pabhāvati;

    махаб̣б̣алод̇и гад̇ваана, гарассу ружирз бияам̣.

    Mahabbaloti katvāna, karassu rucire piyaṃ.

    24.

    24.

    ‘‘маа нам̣ руубзна баамзси, аарохзна бабхаавад̇и;

    ‘‘Mā naṃ rūpena pāmesi, ārohena pabhāvati;

    махаарадтод̇и гад̇ваана, гарассу ружирз бияам̣.

    Mahāraṭṭhoti katvāna, karassu rucire piyaṃ.

    25.

    25.

    ‘‘маа нам̣ руубзна баамзси, аарохзна бабхаавад̇и;

    ‘‘Mā naṃ rūpena pāmesi, ārohena pabhāvati;

    махаарааж̇аад̇и гад̇ваана, гарассу ружирз бияам̣.

    Mahārājāti katvāna, karassu rucire piyaṃ.

    26.

    26.

    ‘‘маа нам̣ руубзна баамзси, аарохзна бабхаавад̇и;

    ‘‘Mā naṃ rūpena pāmesi, ārohena pabhāvati;

    сийхассарод̇и гад̇ваана, гарассу ружирз бияам̣.

    Sīhassaroti katvāna, karassu rucire piyaṃ.

    27.

    27.

    ‘‘маа нам̣ руубзна баамзси, аарохзна бабхаавад̇и;

    ‘‘Mā naṃ rūpena pāmesi, ārohena pabhāvati;

    ваг̇г̇уссарод̇и гад̇ваана, гарассу ружирз бияам̣.

    Vaggussaroti katvāna, karassu rucire piyaṃ.

    28.

    28.

    ‘‘маа нам̣ руубзна баамзси, аарохзна бабхаавад̇и;

    ‘‘Mā naṃ rūpena pāmesi, ārohena pabhāvati;

    б̣инд̣̇уссарод̇и гад̇ваана, гарассу ружирз бияам̣.

    Bindussaroti katvāna, karassu rucire piyaṃ.

    29.

    29.

    ‘‘маа нам̣ руубзна баамзси, аарохзна бабхаавад̇и;

    ‘‘Mā naṃ rūpena pāmesi, ārohena pabhāvati;

    ман̃ж̇уссарод̇и гад̇ваана, гарассу ружирз бияам̣.

    Mañjussaroti katvāna, karassu rucire piyaṃ.

    30.

    30.

    ‘‘маа нам̣ руубзна баамзси, аарохзна бабхаавад̇и;

    ‘‘Mā naṃ rūpena pāmesi, ārohena pabhāvati;

    мад̇хуссарод̇и гад̇ваана, гарассу ружирз бияам̣.

    Madhussaroti katvāna, karassu rucire piyaṃ.

    31.

    31.

    ‘‘маа нам̣ руубзна баамзси, аарохзна бабхаавад̇и;

    ‘‘Mā naṃ rūpena pāmesi, ārohena pabhāvati;

    сад̇асиббод̇и гад̇ваана, гарассу ружирз бияам̣.

    Satasippoti katvāna, karassu rucire piyaṃ.

    32.

    32.

    ‘‘маа нам̣ руубзна баамзси, аарохзна бабхаавад̇и;

    ‘‘Mā naṃ rūpena pāmesi, ārohena pabhāvati;

    кад̇д̇ияод̇иби гад̇ваана, гарассу ружирз бияам̣.

    Khattiyotipi katvāna, karassu rucire piyaṃ.

    33.

    33.

    ‘‘маа нам̣ руубзна баамзси, аарохзна бабхаавад̇и;

    ‘‘Mā naṃ rūpena pāmesi, ārohena pabhāvati;

    гусарааж̇аад̇и гад̇ваана, гарассу ружирз бияа’’нд̇и.

    Kusarājāti katvāna, karassu rucire piya’’nti.

    д̇ад̇т̇а маа нам̣ руубзна баамзси, аарохзна, бабхаавад̇ийд̇и арз бабхаавад̇и, маа д̇вам̣ зд̇ам̣ гусанаринд̣̇ам̣ ад̇д̇ано руубзна аарохабарин̣аахзна бамини, звам̣ бамаан̣ам̣ г̇ан̣хи. махааяасод̇и махаанубхааво сод̇и звам̣ хад̣̇аяз гад̇ваана ружирз бияад̣̇ассанз гарассу д̇асса бияам̣. аанубхаавоязва хисса руубанд̇и вад̣̇ад̇и. зса наяо саб̣б̣ад̇т̇а. аби жа махааяасод̇и махаабаривааро. махад̣̇д̇ханод̇и махаабхог̇о. махаб̣б̣алод̇и махаат̇аамо. махаарадтод̇и вибуларадто. махаарааж̇аад̇и сагалаж̇амб̣уд̣̇ийбз аг̇г̇арааж̇аа. сийхассарод̇и сийхасад̣̇д̣̇асамаанасад̣̇д̣̇о. ваг̇г̇уссарод̇и лийлааяуд̇д̇ассаро. б̣инд̣̇уссарод̇и самбин̣д̣ид̇агханассаро. ман̃ж̇уссарод̇и сунд̣̇арассаро. мад̇хуссарод̇и мад̇хураяуд̇д̇ассаро. сад̇асиббод̇и барзсам̣ санд̇игз асигкид̇ваа ад̇д̇ано б̣алзнзва нибпаннаанзгасад̇асиббо. кад̇д̇ияод̇и оггаагабавзн̣ияам̣ ж̇аад̇о асамбхиннакад̇д̇ияо. гусарааж̇аад̇и саггад̣̇ад̇д̇ияагусад̇ин̣асамаананаамо рааж̇аа. зваруубо хи ан̃н̃о рааж̇аа наама над̇т̇ийд̇и ж̇аанид̇ваа зд̇асса бияам̣ гарохийд̇и куж̇ж̇аа зд̇д̇агаахи г̇аат̇аахи д̇асса г̇ун̣ам̣ гат̇зси.

    Tattha mā naṃ rūpena pāmesi, ārohena, pabhāvatīti are pabhāvati, mā tvaṃ etaṃ kusanarindaṃ attano rūpena ārohapariṇāhena pamini, evaṃ pamāṇaṃ gaṇhi. Mahāyasoti mahānubhāvo soti evaṃ hadaye katvāna rucire piyadassane karassu tassa piyaṃ. Ānubhāvoyeva hissa rūpanti vadati. Esa nayo sabbattha. Api ca mahāyasoti mahāparivāro. Mahaddhanoti mahābhogo. Mahabbaloti mahāthāmo. Mahāraṭṭhoti vipularaṭṭho. Mahārājāti sakalajambudīpe aggarājā. Sīhassaroti sīhasaddasamānasaddo. Vaggussaroti līlāyuttassaro. Bindussaroti sampiṇḍitaghanassaro. Mañjussaroti sundarassaro. Madhussaroti madhurayuttassaro. Satasippoti paresaṃ santike asikkhitvā attano baleneva nipphannaanekasatasippo. Khattiyoti okkākapaveṇiyaṃ jāto asambhinnakhattiyo. Kusarājāti sakkadattiyakusatiṇasamānanāmo rājā. Evarūpo hi añño rājā nāma natthīti jānitvā etassa piyaṃ karohīti khujjā ettakāhi gāthāhi tassa guṇaṃ kathesi.

    бабхаавад̇ий д̇ассаа важанам̣ суд̇ваа ‘‘куж̇ж̇з ад̇ивияа г̇аж̇ж̇аси, хад̇т̇зна баабун̣анд̇ий сасаамигабхаавам̣ д̇з ж̇аанаабзссаамий’’д̇и куж̇ж̇ам̣ д̇аж̇ж̇зси. сааби д̇ам̣ ‘‘ахам̣ д̇ам̣ рагкамаанаа бид̇уно д̇з гусарааж̇асса ааг̇ад̇абхаавам̣ наарожзсим̣, ход̇у, аж̇ж̇а ран̃н̃о аарожзссаамий’’д̇и маханд̇зна сад̣̇д̣̇зна бхааяаабзси. сааби ‘‘гожид̣̇зва сун̣зяяаа’’д̇и куж̇ж̇ам̣ сан̃н̃аабзси. б̣од̇хисад̇д̇оби д̇ам̣ бассид̇ум̣ алабханд̇о сад̇д̇а маасз д̣̇уб̣бхож̇анзна д̣̇угкасзяяааяа гиламанд̇о жинд̇зси – ‘‘го мз зд̇ааяа ад̇т̇о, сад̇д̇а маасз васанд̇о зд̇ам̣ бассид̇умби на лабхаами, ад̇ивияа гагкал̣аа саахасигаа, г̇анд̇ваа маад̇аабид̇аро бассиссаамий’’д̇и. д̇асмим̣ кан̣з сагго ааваж̇ж̇знд̇о д̇асса угган̣тид̇абхаавам̣ н̃ад̇ваа ‘‘рааж̇аа сад̇д̇а маасз бабхаавад̇им̣ д̣̇адтумби на лабхи, лабханаагаарамасса гариссаамий’’д̇и мад̣̇д̣̇аран̃н̃о д̣̇ууд̇з гад̇ваа сад̇д̇аннам̣ рааж̇уунам̣ д̣̇ууд̇ам̣ баахзнд̇о ‘‘бабхаавад̇ий, гусарааж̇ам̣ чад̣д̣зд̇ваа ааг̇ад̇аа, ааг̇ажчанд̇у бабхаавад̇им̣ г̇ан̣ханд̇уу’’д̇и згзгасса висум̣ висум̣ саасанам̣ бахин̣и. д̇з махаабариваарзна г̇анд̇ваа наг̇арам̣ бад̇ваа ан̃н̃аман̃н̃асса ааг̇ад̇агааран̣ам̣ на ж̇аананд̇и. д̇з ‘‘д̇вам̣ гасмаа ааг̇ад̇о, д̇вам̣ гасмаа ааг̇ад̇осий’’д̇и бужчид̇ваа д̇амад̇т̇ам̣ н̃ад̇ваа гуж̇жхид̇ваа ‘‘згам̣ гира д̇хийд̇арам̣ сад̇д̇аннам̣ д̣̇ассад̇и, бассат̇асса анаажаарам̣, уббан̣д̣зд̇и но, г̇ан̣хат̇а на’’нд̇и ‘‘саб̣б̣зсамби амхаагам̣ бабхаавад̇им̣ д̣̇зд̇у яуд̣̇д̇хам̣ ваа’’д̇и саасанаани бахин̣ид̇ваа наг̇арам̣ бариваараяим̣су. мад̣̇д̣̇арааж̇аа саасанам̣ суд̇ваа бхийд̇ад̇асид̇о амажжз ааманд̇зд̇ваа ‘‘гим̣ гаромаа’’д̇и бужчи. ат̇а нам̣ амажжаа ‘‘д̣̇зва , сад̇д̇аби рааж̇аано бабхаавад̇им̣ ниссааяа ааг̇ад̇аа, ‘сажз на д̣̇ассад̇и, баагаарам̣ бхинд̣̇ид̇ваа наг̇арам̣ бависид̇ваа ж̇ийвид̇агкаяам̣ баабзд̇ваа д̇ам̣ г̇ан̣хиссаамаа’д̇и вад̣̇анд̇и, баагаарз абхиннзязва д̇зсам̣ бабхаавад̇им̣ бзсзссаамаа’’д̇и вад̇ваа г̇аат̇амаахам̣су –

    Pabhāvatī tassā vacanaṃ sutvā ‘‘khujje ativiya gajjasi, hatthena pāpuṇantī sasāmikabhāvaṃ te jānāpessāmī’’ti khujjaṃ tajjesi. Sāpi taṃ ‘‘ahaṃ taṃ rakkhamānā pituno te kusarājassa āgatabhāvaṃ nārocesiṃ, hotu, ajja rañño ārocessāmī’’ti mahantena saddena bhāyāpesi. Sāpi ‘‘kocideva suṇeyyā’’ti khujjaṃ saññāpesi. Bodhisattopi taṃ passituṃ alabhanto satta māse dubbhojanena dukkhaseyyāya kilamanto cintesi – ‘‘ko me etāya attho, satta māse vasanto etaṃ passitumpi na labhāmi, ativiya kakkhaḷā sāhasikā, gantvā mātāpitaro passissāmī’’ti. Tasmiṃ khaṇe sakko āvajjento tassa ukkaṇṭhitabhāvaṃ ñatvā ‘‘rājā satta māse pabhāvatiṃ daṭṭhumpi na labhi, labhanākāramassa karissāmī’’ti maddarañño dūte katvā sattannaṃ rājūnaṃ dūtaṃ pāhento ‘‘pabhāvatī, kusarājaṃ chaḍḍetvā āgatā, āgacchantu pabhāvatiṃ gaṇhantū’’ti ekekassa visuṃ visuṃ sāsanaṃ pahiṇi. Te mahāparivārena gantvā nagaraṃ patvā aññamaññassa āgatakāraṇaṃ na jānanti. Te ‘‘tvaṃ kasmā āgato, tvaṃ kasmā āgatosī’’ti pucchitvā tamatthaṃ ñatvā kujjhitvā ‘‘ekaṃ kira dhītaraṃ sattannaṃ dassati, passathassa anācāraṃ, uppaṇḍeti no, gaṇhatha na’’nti ‘‘sabbesampi amhākaṃ pabhāvatiṃ detu yuddhaṃ vā’’ti sāsanāni pahiṇitvā nagaraṃ parivārayiṃsu. Maddarājā sāsanaṃ sutvā bhītatasito amacce āmantetvā ‘‘kiṃ karomā’’ti pucchi. Atha naṃ amaccā ‘‘deva , sattapi rājāno pabhāvatiṃ nissāya āgatā, ‘sace na dassati, pākāraṃ bhinditvā nagaraṃ pavisitvā jīvitakkhayaṃ pāpetvā taṃ gaṇhissāmā’ti vadanti, pākāre abhinneyeva tesaṃ pabhāvatiṃ pesessāmā’’ti vatvā gāthamāhaṃsu –

    34.

    34.

    ‘‘зд̇з нааг̇аа убад̇т̇ад̣̇д̇хаа, саб̣б̣з д̇идтанд̇и ваммид̇аа;

    ‘‘Ete nāgā upatthaddhā, sabbe tiṭṭhanti vammitā;

    бураа мад̣̇д̣̇анд̇и баагаарам̣, аанзнд̇зд̇ам̣ бабхаавад̇и’’нд̇и.

    Purā maddanti pākāraṃ, ānentetaṃ pabhāvati’’nti.

    д̇ад̇т̇а убад̇т̇ад̣̇д̇хаад̇и ад̇ит̇ад̣̇д̇хаа д̣̇аббид̇аа. аанзнд̇зд̇ам̣ бабхаавад̇инд̇и аанзнд̇у зд̇ам̣ бабхаавад̇инд̇и саасанаани бахин̣им̣су. д̇асмаа яаава зд̇з нааг̇аа баагаарам̣ на мад̣̇д̣̇анд̇и, д̇аава нзсам̣ бабхаавад̇им̣ бзсзхи, махаарааж̇аад̇и.

    Tattha upatthaddhāti atithaddhā dappitā. Ānentetaṃ pabhāvatinti ānentu etaṃ pabhāvatinti sāsanāni pahiṇiṃsu. Tasmā yāva ete nāgā pākāraṃ na maddanti, tāva nesaṃ pabhāvatiṃ pesehi, mahārājāti.

    д̇ам̣ суд̇ваа рааж̇аа ‘‘сажаахам̣ згасса бабхаавад̇им̣ бзсзссаами, сзсаа яуд̣̇д̇хам̣ гариссанд̇и, на саггаа згасса д̣̇аад̇ум̣, сагалаж̇амб̣уд̣̇ийбз аг̇г̇арааж̇аанам̣ ‘вируубо’д̇и чад̣д̣зд̇ваа ааг̇ад̇аа ааг̇аманасса палам̣ лабхад̇у, вад̇хид̇ваана нам̣ сад̇д̇а кан̣д̣аани гад̇ваа сад̇д̇аннам̣ кад̇д̇ияаанам̣ бзсзссаамий’’д̇и вад̣̇анд̇о ананд̇арам̣ г̇аат̇амааха –

    Taṃ sutvā rājā ‘‘sacāhaṃ ekassa pabhāvatiṃ pesessāmi, sesā yuddhaṃ karissanti, na sakkā ekassa dātuṃ, sakalajambudīpe aggarājānaṃ ‘virūpo’ti chaḍḍetvā āgatā āgamanassa phalaṃ labhatu, vadhitvāna naṃ satta khaṇḍāni katvā sattannaṃ khattiyānaṃ pesessāmī’’ti vadanto anantaraṃ gāthamāha –

    35.

    35.

    ‘‘сад̇д̇а б̣илз гарид̇ваана, ахамзд̇ам̣ бабхаавад̇им̣;

    ‘‘Satta bile karitvāna, ahametaṃ pabhāvatiṃ;

    кад̇д̇ияаанам̣ бад̣̇ассаами, яз мам̣ ханд̇ум̣ ид̇хааг̇ад̇аа’’д̇и.

    Khattiyānaṃ padassāmi, ye maṃ hantuṃ idhāgatā’’ti.

    д̇асса саа гат̇аа сагаланивзсанз баагадаа ахоси. барижааригаа г̇анд̇ваа ‘‘рааж̇аа гира д̇ам̣ сад̇д̇а кан̣д̣аани гад̇ваа сад̇д̇аннам̣ рааж̇уунам̣ бзсзссад̇ий’’д̇и бабхаавад̇ияаа аарожзсум̣. саа маран̣абхаяабхийд̇аа аасанаа вудтааяа бхаг̇инийхи баривуд̇аа маад̇у сириг̇аб̣бхам̣ аг̇амааси. д̇амад̇т̇ам̣ багаасзнд̇о сад̇т̇аа ааха –

    Tassa sā kathā sakalanivesane pākaṭā ahosi. Paricārikā gantvā ‘‘rājā kira taṃ satta khaṇḍāni katvā sattannaṃ rājūnaṃ pesessatī’’ti pabhāvatiyā ārocesuṃ. Sā maraṇabhayabhītā āsanā vuṭṭhāya bhaginīhi parivutā mātu sirigabbhaṃ agamāsi. Tamatthaṃ pakāsento satthā āha –

    36.

    36.

    ‘‘авудтахи рааж̇абуд̇д̇ий, саамаа госзяяаваасиний;

    ‘‘Avuṭṭhahi rājaputtī, sāmā koseyyavāsinī;

    ассубун̣н̣зхи нзд̇д̇зхи, д̣̇аасийг̇ан̣абурагкад̇аа’’д̇и.

    Assupuṇṇehi nettehi, dāsīgaṇapurakkhatā’’ti.

    д̇ад̇т̇а саамаад̇и суван̣н̣аван̣н̣аа. госзяяаваасинийд̇и суван̣н̣акажид̇агосзяяанивасанаа.

    Tattha sāmāti suvaṇṇavaṇṇā. Koseyyavāsinīti suvaṇṇakhacitakoseyyanivasanā.

    саа маад̇у санд̇игам̣ г̇анд̇ваа маад̇арам̣ ванд̣̇ид̇ваа барид̣̇звамаанаа ааха –

    Sā mātu santikaṃ gantvā mātaraṃ vanditvā paridevamānā āha –

    37.

    37.

    ‘‘д̇ам̣ нууна гаггуубанисзвид̇ам̣ мукам̣, аад̣̇аасад̣̇анд̇аат̇арубажжавзгкид̇ам̣;

    ‘‘Taṃ nūna kakkūpanisevitaṃ mukhaṃ, ādāsadantātharupaccavekkhitaṃ;

    субхам̣ сунзд̇д̇ам̣ вираж̇ам̣ анан̇г̇ан̣ам̣, чуд̣̇д̇хам̣ ванз тассад̇и кад̇д̇иязхи.

    Subhaṃ sunettaṃ virajaṃ anaṅgaṇaṃ, chuddhaṃ vane ṭhassati khattiyehi.

    38.

    38.

    ‘‘д̇з нууна мз асид̇з взллид̇аг̇г̇з, гзсз муд̣̇уу жанд̣̇анасааралид̇д̇з;

    ‘‘Te nūna me asite vellitagge, kese mudū candanasāralitte;

    самаагулз сийват̇игааяа маж̇жхз, баад̣̇зхи г̇иж̇жхаа баригад̣дхиссанд̇и.

    Samākule sīvathikāya majjhe, pādehi gijjhā parikaḍḍhissanti.

    39.

    39.

    ‘‘д̇аа нууна мз д̇амб̣анакаа суломаа, б̣аахаа муд̣̇уу жанд̣̇анасааралид̇д̇аа;

    ‘‘Tā nūna me tambanakhā sulomā, bāhā mudū candanasāralittā;

    чиннаа ванз уж̇жхид̇аа кад̇д̇иязхи, г̇аяха д̇хан̇го г̇ажчад̇и язнагаамам̣.

    Chinnā vane ujjhitā khattiyehi, gayha dhaṅko gacchati yenakāmaṃ.

    40.

    40.

    ‘‘д̇з нууна д̇аалуубанибхз аламб̣з, нисзвид̇з гаасигажанд̣̇анзна;

    ‘‘Te nūna tālūpanibhe alambe, nisevite kāsikacandanena;

    т̇анзсу мз ламб̣иссад̇и син̇г̇аало, маад̇уува буд̇д̇о д̇арун̣о д̇анууж̇о.

    Thanesu me lambissati siṅgālo, mātūva putto taruṇo tanūjo.

    41.

    41.

    ‘‘д̇ам̣ нууна сон̣им̣ бут̇улам̣ сугоддид̇ам̣, нисзвид̇ам̣ ган̃жанамзкалаахи;

    ‘‘Taṃ nūna soṇiṃ puthulaṃ sukoṭṭitaṃ, nisevitaṃ kañcanamekhalāhi;

    чиннам̣ ванз кад̇д̇иязхий авад̇т̇ам̣, син̇г̇ааласан̇гхаа баригад̣дхиссанд̇и.

    Chinnaṃ vane khattiyehī avatthaṃ, siṅgālasaṅghā parikaḍḍhissanti.

    42.

    42.

    ‘‘сон̣аа д̇хан̇гаа син̇г̇аалаа жа, яз жан̃н̃з санд̇и д̣̇аатино;

    ‘‘Soṇā dhaṅkā siṅgālā ca, ye caññe santi dāṭhino;

    аж̇араа нууна хзссанд̇и, бхагкаяид̇ваа бабхаавад̇им̣.

    Ajarā nūna hessanti, bhakkhayitvā pabhāvatiṃ.

    43.

    43.

    ‘‘сажз мам̣саани харим̣су, кад̇д̇ияаа д̣̇уураг̇аамино;

    ‘‘Sace maṃsāni hariṃsu, khattiyā dūragāmino;

    адтийни амма яаажид̇ваа, анубат̇з д̣̇ахаат̇а нам̣.

    Aṭṭhīni amma yācitvā, anupathe dahātha naṃ.

    44.

    44.

    ‘‘кзд̇д̇аани амма гаарзд̇ваа, ган̣игаарзд̇т̇а робаяа;

    ‘‘Khettāni amma kāretvā, kaṇikārettha ropaya;

    яад̣̇аа д̇з бубпид̇аа ассу, хзманд̇аанам̣ химажжаяз;

    Yadā te pupphitā assu, hemantānaṃ himaccaye;

    сарзяяаат̇а мамам̣ амма, звам̣ван̣н̣аа бабхаавад̇ий’’д̇и.

    Sareyyātha mamaṃ amma, evaṃvaṇṇā pabhāvatī’’ti.

    д̇ад̇т̇а гаггуубанисзвид̇анд̇ила гаггуубанисзвид̇анд̇и саасабагаггалон̣агаггамад̇д̇игагаггад̇илагаггахалид̣̇д̣̇игаггамукажун̣н̣агзхи имзхи бан̃жахи гаггзхи убанисзвид̇ам̣. аад̣̇аасад̣̇анд̇аат̇арубажжавзгкид̇анд̇и д̣̇анд̇амаяат̇арумхи аад̣̇аасз бажжавзгкид̇ам̣ д̇ад̇т̇а ологзд̇ваа ман̣д̣ид̇ам̣. субханд̇и субхамукам̣. вираж̇анд̇и виг̇ад̇араж̇ам̣ ниммалам̣. анан̇г̇ан̣анд̇и г̇ан̣д̣абил̣агаад̣̇ид̣̇осарахид̇ам̣. чуд̣̇д̇ханд̇и амма зваруубам̣ мама мукам̣ ад̣̇д̇хаа ид̣̇аани кад̇д̇иязхи чад̣д̣ид̇ам̣ ванз аран̃н̃з тассад̇ийд̇и барид̣̇звад̇и. асид̇зд̇и гаал̣агз. взллид̇аг̇г̇зд̇и уннад̇аг̇г̇з. сийват̇игааяаад̇и сусаанамхи. баригад̣дхиссанд̇ийд̇и зваруубз мама гзсз мануссамам̣сакаад̣̇агаа г̇иж̇жхаа баад̣̇зхи бахарид̇ваа нууна баригад̣дхиссанд̇и. г̇аяха д̇хан̇го г̇ажчад̇и язнагааманд̇и амма мама зваруубам̣ б̣аахам̣ нууна д̇хан̇го г̇ахзд̇ваа лун̃ж̇ид̇ваа каад̣̇анд̇о язнагаамам̣ г̇ажчиссад̇и.

    Tattha kakkūpanisevitantila kakkūpanisevitanti sāsapakakkaloṇakakkamattikakakkatilakakkahaliddikakkamukhacuṇṇakehi imehi pañcahi kakkehi upanisevitaṃ. Ādāsadantātharupaccavekkhitanti dantamayatharumhi ādāse paccavekkhitaṃ tattha oloketvā maṇḍitaṃ. Subhanti subhamukhaṃ. Virajanti vigatarajaṃ nimmalaṃ. Anaṅgaṇanti gaṇḍapiḷakādidosarahitaṃ. Chuddhanti amma evarūpaṃ mama mukhaṃ addhā idāni khattiyehi chaḍḍitaṃ vane araññe ṭhassatīti paridevati. Asiteti kāḷake. Vellitaggeti unnatagge. Sīvathikāyāti susānamhi. Parikaḍḍhissantīti evarūpe mama kese manussamaṃsakhādakā gijjhā pādehi paharitvā nūna parikaḍḍhissanti. Gayha dhaṅko gacchati yenakāmanti amma mama evarūpaṃ bāhaṃ nūna dhaṅko gahetvā luñjitvā khādanto yenakāmaṃ gacchissati.

    д̇аалуубанибхзд̇и суван̣н̣ад̇аалапаласад̣̇исз. гаасигажанд̣̇анзнаад̇и сукумажанд̣̇анзна нисзвид̇з. т̇анзсу мзд̇и амма мама сусаанз бад̇ид̇ааяа зваруубз т̇анз д̣̇исваа мукзна д̣ам̣сид̇ваа д̇зсу мз т̇анзсу ад̇д̇ано д̇ануж̇о маад̇у д̇арун̣абуд̇д̇о вияа нууна син̇г̇аало ламб̣иссад̇и. сон̣инд̇и гадим̣. сугоддид̇анд̇и г̇оханугзна бахарид̇ваа сувад̣дхид̇ам̣. авад̇т̇анд̇и чад̣д̣ид̇ам̣. бхагкаяид̇ваад̇и амма зд̇з зд̇д̇агаа нууна мама мам̣сам̣ каад̣̇ид̇ваа аж̇араа бхависсанд̇и.

    Tālūpanibheti suvaṇṇatālaphalasadise. Kāsikacandanenāti sukhumacandanena nisevite. Thanesu meti amma mama susāne patitāya evarūpe thane disvā mukhena ḍaṃsitvā tesu me thanesu attano tanujo mātu taruṇaputto viya nūna siṅgālo lambissati. Soṇinti kaṭiṃ. Sukoṭṭitanti gohanukena paharitvā suvaḍḍhitaṃ. Avatthanti chaḍḍitaṃ. Bhakkhayitvāti amma ete ettakā nūna mama maṃsaṃ khāditvā ajarā bhavissanti.

    сажз мам̣саани харим̣сууд̇и амма сажз д̇з кад̇д̇ияаа маяим̣ бадиб̣ад̣̇д̇хажид̇д̇аа мама мам̣саани харзяяум̣, ат̇а д̇умхз адтийни яаажид̇ваа анубат̇з д̣̇ахаат̇анам̣, ж̇ан̇гхамаг̇г̇амахаамаг̇г̇аанам̣ анд̇арз д̣̇ахзяяаат̇аад̇и вад̣̇ад̇и. кзд̇д̇аанийд̇и амма мама жхаабид̇адтаанз маалаад̣̇ивад̇т̇ууни гаарзд̇ваа зд̇т̇а зд̇зсу кзд̇д̇зсу ган̣игаараругкз робаяа. химажжаязд̇и химабаад̇аад̇иггамз паг̇г̇ун̣амаасз. сарзяяаат̇аад̇и д̇зсам̣ бубпаанам̣ суван̣н̣ажан̇годагам̣ буурзд̇ваа ууруусу табзд̇ваа мама д̇хийд̇аа бабхаавад̇ий звам̣ван̣н̣аад̇и сарзяяаат̇а.

    Sace maṃsāni hariṃsūti amma sace te khattiyā mayiṃ paṭibaddhacittā mama maṃsāni hareyyuṃ, atha tumhe aṭṭhīni yācitvā anupathe dahāthanaṃ, jaṅghamaggamahāmaggānaṃ antare daheyyāthāti vadati. Khettānīti amma mama jhāpitaṭṭhāne mālādivatthūni kāretvā ettha etesu khettesu kaṇikārarukkhe ropaya. Himaccayeti himapātātikkame phagguṇamāse. Sareyyāthāti tesaṃ pupphānaṃ suvaṇṇacaṅkoṭakaṃ pūretvā ūrūsu ṭhapetvā mama dhītā pabhāvatī evaṃvaṇṇāti sareyyātha.

    ид̇и саа маран̣абхаяад̇аж̇ж̇ид̇аа маад̇у санд̇игз вилаби. мад̣̇д̣̇арааж̇ааби ‘‘парасун̃жа г̇ан̣д̣иган̃жа г̇ахзд̇ваа жорагхаад̇аго ид̇хзва ааг̇ажчад̇уу’’д̇и аан̣аабзси. д̇асса ааг̇аманам̣ сагаларааж̇аг̇зхз баагадам̣ ахоси. ат̇асса ааг̇ад̇абхаавам̣ суд̇ваа бабхаавад̇ияаа маад̇аа удтааяаасанаа согасамаббид̇аа ран̃н̃о санд̇игам̣ аг̇амааси. д̇амад̇т̇ам̣ багаасзнд̇о сад̇т̇аа ааха –

    Iti sā maraṇabhayatajjitā mātu santike vilapi. Maddarājāpi ‘‘pharasuñca gaṇḍikañca gahetvā coraghātako idheva āgacchatū’’ti āṇāpesi. Tassa āgamanaṃ sakalarājagehe pākaṭaṃ ahosi. Athassa āgatabhāvaṃ sutvā pabhāvatiyā mātā uṭṭhāyāsanā sokasamappitā rañño santikaṃ agamāsi. Tamatthaṃ pakāsento satthā āha –

    45.

    45.

    ‘‘д̇ассаа маад̇аа уд̣̇адтааси, кад̇д̇ияаа д̣̇зваван̣н̣иний;

    ‘‘Tassā mātā udaṭṭhāsi, khattiyā devavaṇṇinī;

    д̣̇исваа асин̃жа суунан̃жа, ран̃н̃о мад̣̇д̣̇ассанд̇збурз’’д̇и.

    Disvā asiñca sūnañca, rañño maddassantepure’’ti.

    д̇ад̇т̇а уд̣̇адтаасийд̇и аасанаа удтааяа ран̃н̃о санд̇игам̣ г̇анд̇ваа адтааси. д̣̇исваа асин̃жа суунан̃жаад̇и анд̇збурамхи алан̇гад̇амахаад̇алз ран̃н̃о бурад̇о нигкид̇д̇ам̣ парасун̃жа г̇ан̣д̣иган̃жа д̣̇исваа вилабанд̇ий г̇аат̇амааха –

    Tattha udaṭṭhāsīti āsanā uṭṭhāya rañño santikaṃ gantvā aṭṭhāsi. Disvā asiñca sūnañcāti antepuramhi alaṅkatamahātale rañño purato nikkhittaṃ pharasuñca gaṇḍikañca disvā vilapantī gāthamāha –

    46.

    46.

    ‘‘иминаа нууна асинаа, сусан̃н̃ам̣ д̇анумаж̇жхимам̣;

    ‘‘Iminā nūna asinā, susaññaṃ tanumajjhimaṃ;

    д̇хийд̇арам̣ мад̣̇д̣̇а ханд̇ваана, кад̇д̇ияаанам̣ бад̣̇ассасий’’д̇и.

    Dhītaraṃ madda hantvāna, khattiyānaṃ padassasī’’ti.

    д̇ад̇т̇а асинаад̇и парасум̣ санд̇хааяааха. со хи имасмим̣ таанз аси наама ж̇аад̇о. сусан̃н̃ам̣ д̇анумаж̇жхиманд̇и судту сан̃н̃аад̇ам̣ д̇анумаж̇жхимам̣.

    Tattha asināti pharasuṃ sandhāyāha. So hi imasmiṃ ṭhāne asi nāma jāto. Susaññaṃ tanumajjhimanti suṭṭhu saññātaṃ tanumajjhimaṃ.

    ат̇а нам̣ рааж̇аа сан̃н̃аабзнд̇о ааха – ‘‘д̣̇зви, гим̣ гат̇зси, д̇ава д̇хийд̇аа сагалаж̇амб̣уд̣̇ийбз аг̇г̇арааж̇аанам̣ ‘вируубо’д̇и чад̣д̣зд̇ваа г̇ад̇амаг̇г̇з бад̣̇авалан̃ж̇з авинадтзязва мажжум̣ налаадзнаад̣̇ааяа ааг̇ад̇аа, ид̣̇аани ад̇д̇ано руубам̣ ниссааяа ийд̣̇исам̣ палам̣ лабхад̇уу’’д̇и. саа д̇асса важанам̣ суд̇ваа д̇хийд̇у санд̇игам̣ г̇анд̇ваа вилабанд̇ий ааха –

    Atha naṃ rājā saññāpento āha – ‘‘devi, kiṃ kathesi, tava dhītā sakalajambudīpe aggarājānaṃ ‘virūpo’ti chaḍḍetvā gatamagge padavalañje avinaṭṭheyeva maccuṃ nalāṭenādāya āgatā, idāni attano rūpaṃ nissāya īdisaṃ phalaṃ labhatū’’ti. Sā tassa vacanaṃ sutvā dhītu santikaṃ gantvā vilapantī āha –

    47.

    47.

    ‘‘на мз агааси важанам̣, ад̇т̇агаамааяа буд̇д̇игз;

    ‘‘Na me akāsi vacanaṃ, atthakāmāya puttike;

    сааж̇ж̇а лохид̇асан̃чаннаа, г̇ажчаси яамасаад̇ханам̣.

    Sājja lohitasañchannā, gacchasi yamasādhanaṃ.

    48.

    48.

    ‘‘звамаабаж̇ж̇ад̇ий босо, баабияан̃жа ниг̇ажчад̇и;

    ‘‘Evamāpajjatī poso, pāpiyañca nigacchati;

    яо вз хид̇аанам̣ важанам̣, на гарод̇и ад̇т̇ад̣̇ассинам̣.

    Yo ve hitānaṃ vacanaṃ, na karoti atthadassinaṃ.

    49.

    49.

    ‘‘сажз жа аж̇ж̇а д̇хаарзси, гумаарам̣ жааруд̣̇ассанам̣;

    ‘‘Sace ca ajja dhāresi, kumāraṃ cārudassanaṃ;

    гусзна ж̇аад̇ам̣ кад̇д̇ияам̣, суван̣н̣аман̣имзкалам̣;

    Kusena jātaṃ khattiyaṃ, suvaṇṇamaṇimekhalaṃ;

    бууж̇ид̇ам̣ н̃аад̇исан̇гхзхи, на г̇ажчаси яамагкаяам̣.

    Pūjitaṃ ñātisaṅghehi, na gacchasi yamakkhayaṃ.

    50.

    50.

    ‘‘яад̇т̇ассу бхзрий над̣̇ад̇и, гун̃ж̇аро жа нигууж̇ад̇и;

    ‘‘Yatthassu bherī nadati, kuñjaro ca nikūjati;

    кад̇д̇ияаанам̣ гулз бхад̣̇д̣̇з, гинну сукад̇арам̣ д̇ад̇о.

    Khattiyānaṃ kule bhadde, kinnu sukhataraṃ tato.

    51.

    51.

    ‘‘ассо жа сисад̇и д̣̇ваарз, гумааро убарод̣̇ад̇и;

    ‘‘Asso ca sisati dvāre, kumāro uparodati;

    кад̇д̇ияаанам̣ гулз бхад̣̇д̣̇з, гинну сукад̇арам̣ д̇ад̇о.

    Khattiyānaṃ kule bhadde, kinnu sukhataraṃ tato.

    52.

    52.

    ‘‘маяуурагон̃жаабхируд̣̇з, гогилаабхинигууж̇ид̇з;

    ‘‘Mayūrakoñcābhirude, kokilābhinikūjite;

    кад̇д̇ияаанам̣ гулз бхад̣̇д̣̇з, гинну сукад̇арам̣ д̇ад̇о’’д̇и.

    Khattiyānaṃ kule bhadde, kinnu sukhataraṃ tato’’ti.

    д̇ад̇т̇а буд̇д̇игзд̇и д̇ам̣ аалабад̇и. ид̣̇ам̣ вуд̇д̇ам̣ ход̇и – амма, ид̇ха гим̣ гариссаси, саамигасса санд̇игам̣ г̇ажча, маа руубамад̣̇зна маж̇ж̇ийд̇и звам̣ яаажанд̇ияааби мз важанам̣ на агааси, саа д̇вам̣ аж̇ж̇а лохид̇асан̃чаннаа г̇ажчаси яамасаад̇ханам̣, мажжурааж̇асса бхаванам̣ г̇амиссасийд̇и. баабияан̃жаад̇и ид̇о баабад̇аран̃жа ниг̇ажчад̇и. сажз жа аж̇ж̇а д̇хаарзсийд̇и, амма, сажз д̇вам̣ жид̇д̇асса васам̣ аг̇анд̇ваа гусанаринд̣̇ам̣ бадижжа лад̣̇д̇хам̣ ад̇д̇ано руубзна сад̣̇исам̣ жааруд̣̇ассанам̣ гумаарам̣ аж̇ж̇а д̇хаараяиссаси. яамагкаяанд̇и звам̣ санд̇з яаманивзсанам̣ на г̇ажчзяяааси. д̇ад̇о яамхи кад̇д̇ияагулз аяам̣ вибхууд̇и, д̇амхаа наанаабхзрисад̣̇д̣̇зна жзва мад̇д̇авааран̣агон̃жанаад̣̇зна жа ниннаад̣̇ид̇аа гусаавад̇ийрааж̇агулаа гим̣ ну сукад̇арам̣ д̣̇исваа ид̇хааг̇ад̇аасийд̇и ад̇т̇о. сисад̇ийд̇и хасад̇и. гумаарод̇и сусигкид̇о г̇анд̇хаб̣б̣агумааро. убарод̣̇ад̇ийд̇и наанаад̇уурияаани г̇ахзд̇ваа убахаарам̣ гарод̇и. гогилаабхинигууж̇ид̇зд̇и гусарааж̇агулз сааяам̣ баад̇о бавад̇д̇анажжаг̇ийд̇аваад̣̇ид̇уубахаарам̣ бадибпаранд̇ий вияа гогилзхи абхинигууж̇ид̇з.

    Tattha puttiketi taṃ ālapati. Idaṃ vuttaṃ hoti – amma, idha kiṃ karissasi, sāmikassa santikaṃ gaccha, mā rūpamadena majjīti evaṃ yācantiyāpi me vacanaṃ na akāsi, sā tvaṃ ajja lohitasañchannā gacchasi yamasādhanaṃ, maccurājassa bhavanaṃ gamissasīti. Pāpiyañcāti ito pāpatarañca nigacchati. Sace ca ajja dhāresīti, amma, sace tvaṃ cittassa vasaṃ agantvā kusanarindaṃ paṭicca laddhaṃ attano rūpena sadisaṃ cārudassanaṃ kumāraṃ ajja dhārayissasi. Yamakkhayanti evaṃ sante yamanivesanaṃ na gaccheyyāsi. Tato yamhi khattiyakule ayaṃ vibhūti, tamhā nānābherisaddena ceva mattavāraṇakoñcanādena ca ninnāditā kusāvatīrājakulā kiṃ nu sukhataraṃ disvā idhāgatāsīti attho. Sisatīti hasati. Kumāroti susikkhito gandhabbakumāro. Uparodatīti nānātūriyāni gahetvā upahāraṃ karoti. Kokilābhinikūjiteti kusarājakule sāyaṃ pāto pavattanaccagītavāditūpahāraṃ paṭippharantī viya kokilehi abhinikūjite.

    ид̇и сааби зд̇д̇агаахи г̇аат̇аахи д̇ааяа сад̣̇д̇хим̣ саллабид̇ваа ‘‘сажз аж̇ж̇а гусанаринд̣̇о ид̇ха асса, имз сад̇д̇а рааж̇аано балаабзд̇ваа мама д̇хийд̇арам̣ д̣̇угкаа баможзд̇ваа аад̣̇ааяа г̇ажчзяяаа’’д̇и жинд̇зд̇ваа г̇аат̇амааха –

    Iti sāpi ettakāhi gāthāhi tāya saddhiṃ sallapitvā ‘‘sace ajja kusanarindo idha assa, ime satta rājāno palāpetvā mama dhītaraṃ dukkhā pamocetvā ādāya gaccheyyā’’ti cintetvā gāthamāha –

    53.

    53.

    ‘‘гахам̣ ну ко сад̇д̇умад̣̇д̣̇ано, барарадтаббамад̣̇д̣̇ано;

    ‘‘Kahaṃ nu kho sattumaddano, pararaṭṭhappamaddano;

    гусо сол̣аарабан̃н̃аан̣о, яо но д̣̇угкаа баможаяз’’д̇и.

    Kuso soḷārapaññāṇo, yo no dukkhā pamocaye’’ti.

    д̇ад̇т̇а сол̣аарабан̃н̃аан̣од̇и ул̣аарабан̃н̃о.

    Tattha soḷārapaññāṇoti uḷārapañño.

    д̇ад̇о бабхаавад̇ий ‘‘мама маад̇у гусасса ван̣н̣ам̣ бхан̣анд̇ияаа мукам̣ наббаход̇и, аажигкиссаами д̇аавассаа д̇асса ид̇хзва аал̣ааригагаммам̣ гад̇ваа васанабхаава’’нд̇и жинд̇зд̇ваа г̇аат̇амааха –

    Tato pabhāvatī ‘‘mama mātu kusassa vaṇṇaṃ bhaṇantiyā mukhaṃ nappahoti, ācikkhissāmi tāvassā tassa idheva āḷārikakammaṃ katvā vasanabhāva’’nti cintetvā gāthamāha –

    54.

    54.

    ‘‘ид̇хзва со сад̇д̇умад̣̇д̣̇ано, барарадтаббамад̣̇д̣̇ано;

    ‘‘Idheva so sattumaddano, pararaṭṭhappamaddano;

    гусо сол̣аарабан̃н̃аан̣о, яо д̇з саб̣б̣з вад̇хиссад̇ий’’д̇и.

    Kuso soḷārapaññāṇo, yo te sabbe vadhissatī’’ti.

    ат̇ассаа маад̇аа ‘‘аяам̣ маран̣абхаяабхийд̇аа виббалабад̇ий’’д̇и жинд̇зд̇ваа г̇аат̇амааха –

    Athassā mātā ‘‘ayaṃ maraṇabhayabhītā vippalapatī’’ti cintetvā gāthamāha –

    55.

    55.

    ‘‘уммад̇д̇игаа ну бхан̣аси, анд̇хаб̣аалаа бабхаасаси;

    ‘‘Ummattikā nu bhaṇasi, andhabālā pabhāsasi;

    гусо жз ааг̇ад̇о асса, гим̣ на ж̇аанзму д̇ам̣ маяа’’нд̇и.

    Kuso ce āgato assa, kiṃ na jānemu taṃ maya’’nti.

    д̇ад̇т̇а анд̇хаб̣аалаад̇и саммуул̣хаа ан̃н̃аан̣аа худ̇ваа. гим̣ на ж̇аанзмууд̇и гзна гааран̣зна д̇ам̣ на ж̇аанзяяаама. со хи анд̇араамаг̇г̇з тид̇ова амхаагам̣ саасанам̣ бзсзяяа, самуссид̇ад̣̇д̇хаж̇аа жад̇уран̇г̇инийсзнаа бан̃н̃ааязт̇а, д̇вам̣ бана маран̣абхаязна гат̇зсийд̇и.

    Tattha andhabālāti sammūḷhā aññāṇā hutvā. Kiṃ na jānemūti kena kāraṇena taṃ na jāneyyāma. So hi antarāmagge ṭhitova amhākaṃ sāsanaṃ peseyya, samussitaddhajā caturaṅginīsenā paññāyetha, tvaṃ pana maraṇabhayena kathesīti.

    саа звам̣ вуд̇д̇з ‘‘на мз маад̇аа сад̣̇д̣̇ахад̇и, д̇асса ид̇хааг̇анд̇ваа сад̇д̇а маасз васанабхаавам̣ на ж̇аанаад̇и, д̣̇ассзссаами на’’нд̇и жинд̇зд̇ваа маад̇арам̣ хад̇т̇з г̇ахзд̇ваа сийхабан̃ж̇арам̣ виварид̇ваа хад̇т̇ам̣ басаарзд̇ваа д̣̇ассзнд̇ий г̇аат̇амааха –

    Sā evaṃ vutte ‘‘na me mātā saddahati, tassa idhāgantvā satta māse vasanabhāvaṃ na jānāti, dassessāmi na’’nti cintetvā mātaraṃ hatthe gahetvā sīhapañjaraṃ vivaritvā hatthaṃ pasāretvā dassentī gāthamāha –

    56.

    56.

    ‘‘зсо аал̣аариго босо, гумаарийбураманд̇арз;

    ‘‘Eso āḷāriko poso, kumārīpuramantare;

    д̣̇ал̣хам̣ гад̇ваана сам̣взллим̣, гумбхим̣ д̇ховад̇и он̣ад̇о’’д̇и.

    Daḷhaṃ katvāna saṃvelliṃ, kumbhiṃ dhovati oṇato’’ti.

    д̇ад̇т̇а гумаарийбураманд̇арзд̇и ваад̇абаанз тид̇аа д̇ава д̇хийд̇аанам̣ гумаарийнам̣ васанадтаананд̇арз нам̣ ологзхи. сам̣взллинд̇и гажчам̣ б̣анд̇хид̇ваа гумбхим̣ д̇ховад̇и.

    Tattha kumārīpuramantareti vātapāne ṭhitā tava dhītānaṃ kumārīnaṃ vasanaṭṭhānantare naṃ olokehi. Saṃvellinti kacchaṃ bandhitvā kumbhiṃ dhovati.

    со гира д̇ад̣̇аа ‘‘аж̇ж̇а мз манорат̇о мад̇т̇агам̣ баабун̣иссад̇и, ад̣̇д̇хаа маран̣абхаяад̇аж̇ж̇ид̇аа, бабхаавад̇ий, мама ааг̇ад̇абхаавам̣ гат̇зссад̇и, бхааж̇анаани д̇ховид̇ваа бадисаамзссаамий’’д̇и уд̣̇агам̣ аахарид̇ваа бхааж̇анаани д̇ховид̇ум̣ аарабхи. ат̇а нам̣ маад̇аа барибхаасанд̇ий г̇аат̇амааха –

    So kira tadā ‘‘ajja me manoratho matthakaṃ pāpuṇissati, addhā maraṇabhayatajjitā, pabhāvatī, mama āgatabhāvaṃ kathessati, bhājanāni dhovitvā paṭisāmessāmī’’ti udakaṃ āharitvā bhājanāni dhovituṃ ārabhi. Atha naṃ mātā paribhāsantī gāthamāha –

    57.

    57.

    ‘‘взн̣ий д̇вамаси жан̣д̣аалий, ад̣̇ууси гулаг̇анд̇хиний;

    ‘‘Veṇī tvamasi caṇḍālī, adūsi kulagandhinī;

    гат̇ам̣ мад̣̇д̣̇агулз ж̇аад̇аа, д̣̇аасам̣ гаяирааси гаамуга’’нд̇и.

    Kathaṃ maddakule jātā, dāsaṃ kayirāsi kāmuka’’nti.

    д̇ад̇т̇а взн̣ийд̇и д̇ажчигаа. ад̣̇ууси гулаг̇анд̇хинийд̇и уд̣̇ааху д̇вам̣ гулад̣̇уусигаа. гаамуганд̇и гат̇ам̣ наама д̇вам̣ зваруубз гулз ж̇аад̇аа ад̇д̇ано саамигам̣ д̣̇аасам̣ гарзяяаасийд̇и.

    Tattha veṇīti tacchikā. Adūsi kulagandhinīti udāhu tvaṃ kuladūsikā. Kāmukanti kathaṃ nāma tvaṃ evarūpe kule jātā attano sāmikaṃ dāsaṃ kareyyāsīti.

    д̇ад̇о бабхаавад̇ий ‘‘мама маад̇аа имасса мам̣ ниссааяа звам̣ васанабхаавам̣ на ж̇аанаад̇и ман̃н̃з’’д̇и жинд̇зд̇ваа ид̇арам̣ г̇аат̇амааха –

    Tato pabhāvatī ‘‘mama mātā imassa maṃ nissāya evaṃ vasanabhāvaṃ na jānāti maññe’’ti cintetvā itaraṃ gāthamāha –

    58.

    58.

    ‘‘намхи взн̣ий на жан̣д̣аалий, на жамхи гулаг̇анд̇хиний;

    ‘‘Namhi veṇī na caṇḍālī, na camhi kulagandhinī;

    оггаагабуд̇д̇о бхад̣̇д̣̇анд̇з, д̇вам̣ ну д̣̇аасод̇и ман̃н̃асий’’д̇и.

    Okkākaputto bhaddante, tvaṃ nu dāsoti maññasī’’ti.

    д̇ад̇т̇а оггаагабуд̇д̇од̇и, амма, зса оггаагабуд̇д̇о, д̇вам̣ бана ‘‘д̣̇аасо’’д̇и ман̃н̃аси, гасмаа нам̣ ахам̣ ‘‘д̣̇аасо’’д̇и гат̇зссаамийд̇и.

    Tattha okkākaputtoti, amma, esa okkākaputto, tvaṃ pana ‘‘dāso’’ti maññasi, kasmā naṃ ahaṃ ‘‘dāso’’ti kathessāmīti.

    ид̣̇аанисса яасам̣ ван̣н̣знд̇ий ааха –

    Idānissa yasaṃ vaṇṇentī āha –

    59.

    59.

    ‘‘яо б̣раахман̣асахассаани, сад̣̇аа бхож̇зд̇и вийсад̇им̣;

    ‘‘Yo brāhmaṇasahassāni, sadā bhojeti vīsatiṃ;

    оггаагабуд̇д̇о бхад̣̇д̣̇анд̇з, д̇вам̣ ну д̣̇аасод̇и ман̃н̃аси.

    Okkākaputto bhaddante, tvaṃ nu dāsoti maññasi.

    60.

    60.

    яасса нааг̇асахассаани, сад̣̇аа яож̇знд̇и вийсад̇им̣;

    Yassa nāgasahassāni, sadā yojenti vīsatiṃ;

    оггаагабуд̇д̇о бхад̣̇д̣̇анд̇з, д̇вам̣ ну д̣̇аасод̇и ман̃н̃аси.

    Okkākaputto bhaddante, tvaṃ nu dāsoti maññasi.

    61.

    61.

    ‘‘яасса ассасахассаани, сад̣̇аа яож̇знд̇и вийсад̇им̣;

    ‘‘Yassa assasahassāni, sadā yojenti vīsatiṃ;

    оггаагабуд̇д̇о бхад̣̇д̣̇анд̇з, д̇вам̣ ну д̣̇аасод̇и ман̃н̃аси.

    Okkākaputto bhaddante, tvaṃ nu dāsoti maññasi.

    62.

    62.

    ‘‘яасса рат̇асахассаани, сад̣̇аа яож̇знд̇и вийсад̇им̣;

    ‘‘Yassa rathasahassāni, sadā yojenti vīsatiṃ;

    оггаагабуд̇д̇о бхад̣̇д̣̇анд̇з, д̇вам̣ ну д̣̇аасод̇и ман̃н̃аси;

    Okkākaputto bhaddante, tvaṃ nu dāsoti maññasi;

    яасса усабхасахассаани, сад̣̇аа яож̇знд̇и вийсад̇им̣;

    Yassa usabhasahassāni, sadā yojenti vīsatiṃ;

    оггаагабуд̇д̇о бхад̣̇д̣̇анд̇з, д̇вам̣ ну д̣̇аасод̇и ман̃н̃аси.

    Okkākaputto bhaddante, tvaṃ nu dāsoti maññasi.

    63.

    63.

    ‘‘яасса д̇хзнусахассаани, сад̣̇аа д̣̇уханд̇и вийсад̇им̣;

    ‘‘Yassa dhenusahassāni, sadā duhanti vīsatiṃ;

    оггаагабуд̇д̇о бхад̣̇д̣̇анд̇з, д̇вам̣ ну д̣̇аасод̇и ман̃н̃асий’’д̇и.

    Okkākaputto bhaddante, tvaṃ nu dāsoti maññasī’’ti.

    звам̣ д̇ааяа бан̃жахи г̇аат̇аахи махаасад̇д̇асса яасо ван̣н̣ид̇о. ат̇ассаа маад̇аа ‘‘аяам̣ асамбхид̇аа гат̇ам̣ гат̇зд̇и, ад̣̇д̇хаа звамзд̇а’’нд̇и сад̣̇д̣̇ахид̇ваа ран̃н̃о санд̇игам̣ г̇анд̇ваа д̇амад̇т̇ам̣ аарожзси. со взг̇зна бабхаавад̇ияаа санд̇игам̣ г̇анд̇ваа ‘‘сажжам̣ гира, амма, гусарааж̇аа ид̇хааг̇ад̇о’’д̇и. ‘‘аама д̇аад̇а, аж̇ж̇асса сад̇д̇а маасаа ад̇игганд̇аа д̇ава д̇хийд̇аанам̣ аал̣ааригад̇д̇ам̣ гаронд̇ассаа’’д̇и. со д̇ассаа асад̣̇д̣̇аханд̇о куж̇ж̇ам̣ бужчид̇ваа яат̇аабхууд̇ам̣ суд̇ваа д̇хийд̇арам̣ г̇араханд̇о г̇аат̇амааха –

    Evaṃ tāya pañcahi gāthāhi mahāsattassa yaso vaṇṇito. Athassā mātā ‘‘ayaṃ asambhitā kathaṃ katheti, addhā evameta’’nti saddahitvā rañño santikaṃ gantvā tamatthaṃ ārocesi. So vegena pabhāvatiyā santikaṃ gantvā ‘‘saccaṃ kira, amma, kusarājā idhāgato’’ti. ‘‘Āma tāta, ajjassa satta māsā atikkantā tava dhītānaṃ āḷārikattaṃ karontassā’’ti. So tassā asaddahanto khujjaṃ pucchitvā yathābhūtaṃ sutvā dhītaraṃ garahanto gāthamāha –

    64.

    64.

    ‘‘д̇аг̇гха д̇з д̣̇уггадам̣ б̣аалз, яам̣ кад̇д̇ияам̣ махаб̣б̣алам̣;

    ‘‘Taggha te dukkaṭaṃ bāle, yaṃ khattiyaṃ mahabbalaṃ;

    нааг̇ам̣ ман̣д̣уугаван̣н̣зна, на д̇ам̣ агкаасид̇хааг̇ад̇а’’нд̇и.

    Nāgaṃ maṇḍūkavaṇṇena, na taṃ akkhāsidhāgata’’nti.

    д̇ад̇т̇а д̇аг̇гхаад̇и згам̣сзнзва.

    Tattha tagghāti ekaṃseneva.

    со д̇хийд̇арам̣ г̇арахид̇ваа взг̇зна д̇асса санд̇игам̣ г̇анд̇ваа гад̇абадисант̇ааро ан̃ж̇алим̣ баг̇г̇аяха ад̇д̇ано ажжаяам̣ д̣̇ассзнд̇о г̇аат̇амааха –

    So dhītaraṃ garahitvā vegena tassa santikaṃ gantvā katapaṭisanthāro añjaliṃ paggayha attano accayaṃ dassento gāthamāha –

    65.

    65.

    ‘‘абараад̇хам̣ махаарааж̇а, д̇вам̣ но кама рат̇зсабха;

    ‘‘Aparādhaṃ mahārāja, tvaṃ no khama rathesabha;

    яам̣ д̇ам̣ ан̃н̃аад̇авзсзна, наан̃н̃аасимхаа ид̇хааг̇ад̇а’’нд̇и.

    Yaṃ taṃ aññātavesena, nāññāsimhā idhāgata’’nti.

    д̇ам̣ суд̇ваа махаасад̇д̇о ‘‘сажаахам̣ парусам̣ вагкаами, ид̇хзвасса хад̣̇аяам̣ палиссад̇и, ассаасзссаами на’’нд̇и жинд̇зд̇ваа бхааж̇ананд̇арз тид̇ова ид̇арам̣ г̇аат̇амааха –

    Taṃ sutvā mahāsatto ‘‘sacāhaṃ pharusaṃ vakkhāmi, idhevassa hadayaṃ phalissati, assāsessāmi na’’nti cintetvā bhājanantare ṭhitova itaraṃ gāthamāha –

    66.

    66.

    ‘‘маад̣̇исасса на д̇ам̣ чаннам̣, яохам̣ аал̣аариго бхавз;

    ‘‘Mādisassa na taṃ channaṃ, yohaṃ āḷāriko bhave;

    д̇ван̃н̃зва мз басийд̣̇ассу, над̇т̇и д̇з д̣̇зва д̣̇уггада’’нд̇и.

    Tvaññeva me pasīdassu, natthi te deva dukkaṭa’’nti.

    рааж̇аа д̇асса санд̇игаа бадисант̇аарам̣ лабхид̇ваа баасаад̣̇ам̣ абхирухид̇ваа бабхаавад̇им̣ баггосаабзд̇ваа камаабанад̇т̇ааяа бзсзд̇ум̣ г̇аат̇амааха –

    Rājā tassa santikā paṭisanthāraṃ labhitvā pāsādaṃ abhiruhitvā pabhāvatiṃ pakkosāpetvā khamāpanatthāya pesetuṃ gāthamāha –

    67.

    67.

    ‘‘г̇ажча б̣аалз камаабзхи, гусарааж̇ам̣ махаб̣б̣алам̣;

    ‘‘Gaccha bāle khamāpehi, kusarājaṃ mahabbalaṃ;

    камаабид̇о гусо рааж̇аа, со д̇з д̣̇ассад̇и ж̇ийвид̇а’’нд̇и.

    Khamāpito kuso rājā, so te dassati jīvita’’nti.

    саа бид̇у важанам̣ суд̇ваа бхаг̇инийхи жзва барижааригаахи жа баривуд̇аа д̇асса санд̇игам̣ аг̇амааси. соби гаммагааравзсзна тид̇ова д̇ассаа ад̇д̇ано санд̇игам̣ ааг̇аманам̣ н̃ад̇ваа ‘‘аж̇ж̇а бабхаавад̇ияаа маанам̣ бхинд̣̇ид̇ваа баад̣̇амуулз нам̣ галалз нибаж̇ж̇аабзссаамий’’д̇и саб̣б̣ам̣ ад̇д̇анаа аабхад̇ам̣ уд̣̇агам̣ чад̣д̣зд̇ваа каламан̣д̣аламад̇д̇ам̣ таанам̣ мад̣̇д̣̇ид̇ваа згагалалам̣ агааси. саа д̇асса санд̇игам̣ г̇анд̇ваа д̇асса баад̣̇зсу нибад̇ид̇ваа галалабидтз нибаннаа д̇ам̣ камаабзси. д̇амад̇т̇ам̣ багаасзнд̇о сад̇т̇аа ааха –

    Sā pitu vacanaṃ sutvā bhaginīhi ceva paricārikāhi ca parivutā tassa santikaṃ agamāsi. Sopi kammakāravesena ṭhitova tassā attano santikaṃ āgamanaṃ ñatvā ‘‘ajja pabhāvatiyā mānaṃ bhinditvā pādamūle naṃ kalale nipajjāpessāmī’’ti sabbaṃ attanā ābhataṃ udakaṃ chaḍḍetvā khalamaṇḍalamattaṃ ṭhānaṃ madditvā ekakalalaṃ akāsi. Sā tassa santikaṃ gantvā tassa pādesu nipatitvā kalalapiṭṭhe nipannā taṃ khamāpesi. Tamatthaṃ pakāsento satthā āha –

    68.

    68.

    ‘‘бид̇усса важанам̣ суд̇ваа, д̣̇зваван̣н̣ий бабхаавад̇ий;

    ‘‘Pitussa vacanaṃ sutvā, devavaṇṇī pabhāvatī;

    сирасаа аг̇г̇ахий баад̣̇з, гусарааж̇ам̣ махаб̣б̣ала’’нд̇и.

    Sirasā aggahī pāde, kusarājaṃ mahabbala’’nti.

    д̇ад̇т̇а сирасаад̇и сирасаа нибад̇ид̇ваа гусарааж̇аанам̣ баад̣̇з аг̇г̇ахзсийд̇и.

    Tattha sirasāti sirasā nipatitvā kusarājānaṃ pāde aggahesīti.

    г̇ахзд̇ваа жа бана нам̣ камаабзнд̇ий д̇иссо г̇аат̇ааяо абхааси –

    Gahetvā ca pana naṃ khamāpentī tisso gāthāyo abhāsi –

    69.

    69.

    ‘‘яаамаа рад̇яо ад̇игганд̇аа, д̇аамаа д̣̇зва д̇аяаа винаа;

    ‘‘Yāmā ratyo atikkantā, tāmā deva tayā vinā;

    ванд̣̇з д̇з сирасаа баад̣̇з, маа мз гуж̇жха рат̇зсабха.

    Vande te sirasā pāde, mā me kujjha rathesabha.

    70.

    70.

    ‘‘саб̣б̣ам̣ д̇з бадиж̇аанаами, махаарааж̇а сун̣охи мз;

    ‘‘Sabbaṃ te paṭijānāmi, mahārāja suṇohi me;

    на жааби аббияам̣ д̇уяхам̣, гарзяяаами ахам̣ буна.

    Na cāpi appiyaṃ tuyhaṃ, kareyyāmi ahaṃ puna.

    71.

    71.

    ‘‘звам̣ жз яаажамаанааяа, важанам̣ мз на гаахаси;

    ‘‘Evaṃ ce yācamānāya, vacanaṃ me na kāhasi;

    ид̣̇аани мам̣ д̇аад̇о ханд̇ваа, кад̇д̇ияаанам̣ бад̣̇ассад̇ий’’д̇и.

    Idāni maṃ tāto hantvā, khattiyānaṃ padassatī’’ti.

    д̇ад̇т̇а рад̇яод̇и рад̇д̇ияо. д̇аамаад̇и д̇аа имаа саб̣б̣ааби д̇аяаа винаа ад̇игганд̇аа. саб̣б̣ам̣ д̇з бадиж̇аанаамийд̇и, махаарааж̇а, зд̇д̇агам̣ гаалам̣ маяаа д̇ава аббияамзва гад̇ам̣, ид̣̇ам̣ д̇з ахам̣ саб̣б̣ам̣ бадиж̇аанаами, абарамби сун̣охи мз, ид̇о бадтааяаахам̣ буна д̇уяхам̣ аббияам̣ на гариссаами. звам̣ жзд̇и сажз звам̣ яаажамаанааяа мама д̇вам̣ важанам̣ на гариссасийд̇и.

    Tattha ratyoti rattiyo. Tāmāti tā imā sabbāpi tayā vinā atikkantā. Sabbaṃ te paṭijānāmīti, mahārāja, ettakaṃ kālaṃ mayā tava appiyameva kataṃ, idaṃ te ahaṃ sabbaṃ paṭijānāmi, aparampi suṇohi me, ito paṭṭhāyāhaṃ puna tuyhaṃ appiyaṃ na karissāmi. Evaṃ ceti sace evaṃ yācamānāya mama tvaṃ vacanaṃ na karissasīti.

    д̇ам̣ суд̇ваа рааж̇аа ‘‘сажаахам̣ ‘имам̣ д̇ван̃жзва ж̇ааниссасий’д̇и вагкаами, хад̣̇аяамассаа палиссад̇и, ассаасзссаами на’’нд̇и жинд̇зд̇ваа ааха –

    Taṃ sutvā rājā ‘‘sacāhaṃ ‘imaṃ tvañceva jānissasī’ti vakkhāmi, hadayamassā phalissati, assāsessāmi na’’nti cintetvā āha –

    72.

    72.

    ‘‘звам̣ д̇з яаажамаанааяа, гим̣ на гаахаами д̇з важо;

    ‘‘Evaṃ te yācamānāya, kiṃ na kāhāmi te vaco;

    вигуд̣̇д̇хо д̇яасми галяаан̣и, маа д̇вам̣ бхааяи бабхаавад̇и.

    Vikuddho tyasmi kalyāṇi, mā tvaṃ bhāyi pabhāvati.

    73.

    73.

    ‘‘саб̣б̣ам̣ д̇з бадиж̇аанаами, рааж̇абуд̇д̇и сун̣охи мз;

    ‘‘Sabbaṃ te paṭijānāmi, rājaputti suṇohi me;

    на жааби аббияам̣ д̇уяхам̣, гарзяяаами ахам̣ буна.

    Na cāpi appiyaṃ tuyhaṃ, kareyyāmi ahaṃ puna.

    74.

    74.

    ‘‘д̇ава гаамаа хи суссон̣и, баху д̣̇угкам̣ д̇ид̇игкисам̣;

    ‘‘Tava kāmā hi sussoṇi, pahu dukkhaṃ titikkhisaṃ;

    б̣ахум̣ мад̣̇д̣̇агулам̣ ханд̇ваа, наяид̇ум̣ д̇ам̣ бабхаавад̇ий’’д̇и.

    Bahuṃ maddakulaṃ hantvā, nayituṃ taṃ pabhāvatī’’ti.

    д̇ад̇т̇а гим̣ на гаахаамийд̇и гим̣гааран̣аа д̇ава важанам̣ на гариссаами. вигуд̣̇д̇хо д̇яасмийд̇и вигуд̣̇д̇хо ниггобо д̇з асмим̣. саб̣б̣ам̣ д̇зд̇и вигуд̣̇д̇хабхааван̃жа ид̣̇аани аббияагаран̣ан̃жа убхаяам̣ д̇з ид̣̇ам̣ саб̣б̣амзва бадиж̇аанаами. д̇ава гаамаад̇и д̇ава гаамзна д̇ам̣ ижчамаано. д̇ид̇игкисанд̇и ад̇хиваасзми. б̣ахум̣ мад̣̇д̣̇агулам̣ ханд̇ваа наяид̇ум̣ д̇анд̇и б̣ахумад̣̇д̣̇арааж̇агулам̣ ханид̇ваа б̣алаггаарзна д̇ам̣ нзд̇ум̣ самад̇т̇од̇и.

    Tattha kiṃ na kāhāmīti kiṃkāraṇā tava vacanaṃ na karissāmi. Vikuddho tyasmīti vikuddho nikkopo te asmiṃ. Sabbaṃ teti vikuddhabhāvañca idāni appiyakaraṇañca ubhayaṃ te idaṃ sabbameva paṭijānāmi. Tava kāmāti tava kāmena taṃ icchamāno. Titikkhisanti adhivāsemi. Bahuṃ maddakulaṃ hantvā nayituṃ tanti bahumaddarājakulaṃ hanitvā balakkārena taṃ netuṃ samatthoti.

    ат̇а со саггасса д̣̇зваран̃н̃о барижааригам̣ вияа д̇ам̣ ад̇д̇ано барижааригам̣ д̣̇исваа кад̇д̇ияамаанам̣ уббаад̣̇зд̇ваа ‘‘маяи гира д̇харамаанзязва мама бхарияам̣ ан̃н̃з г̇ахзд̇ваа г̇амиссанд̇ий’’д̇и сийхо вияа рааж̇ан̇г̇ан̣з виж̇амбхамаано ‘‘сагаланаг̇араваасино мз ааг̇ад̇абхаавам̣ ж̇аананд̇уу’’д̇и ваг̇г̇анд̇о над̣̇анд̇о сзл̣знд̇о абподзнд̇о ‘‘ид̣̇аани д̇з ж̇ийваг̇г̇аахам̣ г̇ахзссаами, рат̇аад̣̇аяо мз яож̇знд̇уу’’д̇и ананд̇арам̣ г̇аат̇амааха –

    Atha so sakkassa devarañño paricārikaṃ viya taṃ attano paricārikaṃ disvā khattiyamānaṃ uppādetvā ‘‘mayi kira dharamāneyeva mama bhariyaṃ aññe gahetvā gamissantī’’ti sīho viya rājaṅgaṇe vijambhamāno ‘‘sakalanagaravāsino me āgatabhāvaṃ jānantū’’ti vagganto nadanto seḷento apphoṭento ‘‘idāni te jīvaggāhaṃ gahessāmi, rathādayo me yojentū’’ti anantaraṃ gāthamāha –

    75.

    75.

    ‘‘яож̇аяанд̇у рат̇з ассз, наанаажид̇д̇з самаахид̇з;

    ‘‘Yojayantu rathe asse, nānācitte samāhite;

    ат̇а д̣̇агкат̇а мз взг̇ам̣, вид̇хаманд̇асса сад̇д̇аво’’д̇и.

    Atha dakkhatha me vegaṃ, vidhamantassa sattavo’’ti.

    д̇ад̇т̇а наанаажид̇д̇зд̇и наанаалан̇гааравижид̇д̇з. самаахид̇зд̇и ассз санд̇хааяа вуд̇д̇ам̣, сусигкид̇з ниб̣б̣исзванзд̇и ад̇т̇о. ат̇а д̣̇агкат̇а мз взг̇анд̇и ат̇а мз бараггамам̣ бассиссат̇аад̇и.

    Tattha nānācitteti nānālaṅkāravicitte. Samāhiteti asse sandhāya vuttaṃ, susikkhite nibbisevaneti attho. Atha dakkhatha me veganti atha me parakkamaṃ passissathāti.

    сад̇д̇уунам̣ г̇ан̣ханам̣ наама маяхам̣ бхааро, г̇ажча д̇вам̣ нхад̇ваа алан̇гарид̇ваа баасаад̣̇ам̣ аарухаад̇и д̇ам̣ уяяож̇зси. мад̣̇д̣̇арааж̇аабисса барихаарагаран̣ад̇т̇ам̣ амажжз бахин̣и. д̇з д̇асса махаанасад̣̇ваарзязва саан̣им̣ баригкибид̇ваа габбагз убадтабзсум̣. со гад̇амассугаммо сийсам̣нхаад̇о саб̣б̣аалан̇гаарабадиман̣д̣ид̇о амажжаад̣̇ийхи баривуд̇о ‘‘баасаад̣̇ам̣ абхирухиссаамий’’д̇и д̣̇исаа вилогзд̇ваа абподзси. ологид̇аологид̇адтаанам̣ вигамби. со ‘‘ид̣̇аани мз бараггамам̣ бассиссат̇аа’’д̇и ааха. д̇амад̇т̇ам̣ багаасзнд̇о сад̇т̇аа ананд̇арам̣ г̇аат̇амааха –

    Sattūnaṃ gaṇhanaṃ nāma mayhaṃ bhāro, gaccha tvaṃ nhatvā alaṅkaritvā pāsādaṃ āruhāti taṃ uyyojesi. Maddarājāpissa parihārakaraṇatthaṃ amacce pahiṇi. Te tassa mahānasadvāreyeva sāṇiṃ parikkhipitvā kappake upaṭṭhapesuṃ. So katamassukammo sīsaṃnhāto sabbālaṅkārapaṭimaṇḍito amaccādīhi parivuto ‘‘pāsādaṃ abhiruhissāmī’’ti disā viloketvā apphoṭesi. Olokitaolokitaṭṭhānaṃ vikampi. So ‘‘idāni me parakkamaṃ passissathā’’ti āha. Tamatthaṃ pakāsento satthā anantaraṃ gāthamāha –

    76.

    76.

    ‘‘д̇ан̃жа д̇ад̇т̇а уд̣̇игким̣су, ран̃н̃о мад̣̇д̣̇ассанд̇збурз;

    ‘‘Tañca tattha udikkhiṃsu, rañño maddassantepure;

    виж̇амбхамаанам̣ сийхам̣ва, подзнд̇ам̣ д̣̇иг̇ун̣ам̣ бхуж̇а’’нд̇и.

    Vijambhamānaṃ sīhaṃva, phoṭentaṃ diguṇaṃ bhuja’’nti.

    д̇ассад̇т̇о – д̇ан̃жа д̇ад̇т̇а виж̇амбханд̇ам̣ абподзнд̇ам̣ ран̃н̃о анд̇збурз ваад̇абаанаани виварид̇ваа ид̇т̇ияо уд̣̇игким̣сууд̇и.

    Tassattho – tañca tattha vijambhantaṃ apphoṭentaṃ rañño antepure vātapānāni vivaritvā itthiyo udikkhiṃsūti.

    ат̇асса мад̣̇д̣̇арааж̇аа гад̇ааанзн̃ж̇агааран̣ам̣ алан̇гад̇аваравааран̣ам̣ бзсзси. со самуссид̇асзд̇ажчад̇д̇ам̣ хад̇т̇игканд̇хам̣ ааруяха ‘‘бабхаавад̇им̣ аанзт̇аа’’д̇и д̇амби бажчад̇о нисийд̣̇аабзд̇ваа жад̇уран̇г̇инияаа сзнааяа баривуд̇о баажийнад̣̇ваарзна нигкамид̇ваа барасзнам̣ ологзд̇ваа ‘‘ахам̣ гусарааж̇аа, ж̇ийвид̇ад̇т̇игаа урзна нибаж̇ж̇анд̇уу’’д̇и д̇игкад̇д̇ум̣ сийханаад̣̇ам̣ над̣̇ид̇ваа сад̇д̇умад̣̇д̣̇анам̣ агааси. д̇амад̇т̇ам̣ багаасзнд̇о сад̇т̇аа ааха –

    Athassa maddarājā kataāneñjakāraṇaṃ alaṅkatavaravāraṇaṃ pesesi. So samussitasetacchattaṃ hatthikkhandhaṃ āruyha ‘‘pabhāvatiṃ ānethā’’ti tampi pacchato nisīdāpetvā caturaṅginiyā senāya parivuto pācīnadvārena nikkhamitvā parasenaṃ oloketvā ‘‘ahaṃ kusarājā, jīvitatthikā urena nipajjantū’’ti tikkhattuṃ sīhanādaṃ naditvā sattumaddanaṃ akāsi. Tamatthaṃ pakāsento satthā āha –

    77.

    77.

    ‘‘хад̇т̇игканд̇хан̃жа ааруяха, ааробзд̇ваа бабхаавад̇им̣;

    ‘‘Hatthikkhandhañca āruyha, āropetvā pabhāvatiṃ;

    сан̇г̇аамам̣ од̇арид̇ваана, сийханаад̣̇ам̣ над̣̇ий гусо.

    Saṅgāmaṃ otaritvāna, sīhanādaṃ nadī kuso.

    78.

    78.

    ‘‘д̇асса д̇ам̣ над̣̇ад̇о суд̇ваа, сийхассзвид̇арз миг̇аа;

    ‘‘Tassa taṃ nadato sutvā, sīhassevitare migā;

    кад̇д̇ияаа вибалааяим̣су, гусасад̣̇д̣̇абхаяаддид̇аа.

    Khattiyā vipalāyiṃsu, kusasaddabhayaṭṭitā.

    79.

    79.

    ‘‘хад̇т̇аарохаа анийгадтаа, рат̇игаа бад̇д̇игаарагаа;

    ‘‘Hatthārohā anīkaṭṭhā, rathikā pattikārakā;

    ан̃н̃аман̃н̃асса чинд̣̇анд̇и, гусасад̣̇д̣̇абхаяаддид̇аа.

    Aññamaññassa chindanti, kusasaddabhayaṭṭitā.

    80.

    80.

    ‘‘д̇асмим̣ сан̇г̇аамасийсасмим̣, бассид̇ваа хадтамаанасо;

    ‘‘Tasmiṃ saṅgāmasīsasmiṃ, passitvā haṭṭhamānaso;

    гусасса ран̃н̃о д̣̇звинд̣̇о, ад̣̇аа взрожанам̣ ман̣им̣.

    Kusassa rañño devindo, adā verocanaṃ maṇiṃ.

    81.

    81.

    ‘‘со д̇ам̣ виж̇жхид̇ваа сан̇г̇аамам̣, лад̣̇д̇хаа взрожанам̣ ман̣им̣;

    ‘‘So taṃ vijjhitvā saṅgāmaṃ, laddhā verocanaṃ maṇiṃ;

    хад̇т̇игканд̇хаг̇ад̇о рааж̇аа, баавзгки наг̇арам̣ бурам̣.

    Hatthikkhandhagato rājā, pāvekkhi nagaraṃ puraṃ.

    82.

    82.

    ‘‘ж̇ийваг̇г̇аахам̣ г̇ахзд̇ваана, б̣анд̇хид̇ваа сад̇д̇а кад̇д̇ияз;

    ‘‘Jīvaggāhaṃ gahetvāna, bandhitvā satta khattiye;

    сасурассуубанаамзси, имз д̇з д̣̇зва сад̇д̇аво.

    Sasurassūpanāmesi, ime te deva sattavo.

    83.

    83.

    ‘‘саб̣б̣зва д̇з васам̣ г̇ад̇аа, амид̇д̇аа вихад̇аа д̇ава;

    ‘‘Sabbeva te vasaṃ gatā, amittā vihatā tava;

    гаамам̣ гарохи д̇з д̇аяаа, мун̃жа ваа д̇з ханассу ваа’’д̇и.

    Kāmaṃ karohi te tayā, muñca vā te hanassu vā’’ti.

    д̇ад̇т̇а вибалааяим̣сууд̇и сад̇им̣ бажжубадтаабзд̇ум̣ асаггонд̇аа вибаллад̇т̇ажид̇д̇аа бхиж̇ж̇им̣су. гусасад̣̇д̣̇абхаяаддид̇аад̇и гусаран̃н̃о сад̣̇д̣̇ам̣ ниссааяа ж̇аад̇зна бхаязна убад̣̇д̣̇уд̇аа муул̣хажид̇д̇аа. ан̃н̃аман̃н̃асса чинд̣̇анд̇ийд̇и ан̃н̃аман̃н̃ам̣ чинд̣̇анд̇и мад̣̇д̣̇анд̇и. ‘‘бхинд̣̇им̣суу’’д̇иби баато. д̇асминд̇и звам̣ б̣од̇хисад̇д̇асса сад̣̇д̣̇асаванзнзва сан̇г̇аамз бхиннз д̇асмим̣ сан̇г̇аамасийсз д̇ам̣ махаасад̇д̇асса бараггамам̣ бассид̇ваа д̇удтахад̣̇аяо сагго взрожанам̣ наама ман̣игканд̇хам̣ д̇асса ад̣̇ааси. наг̇арам̣ буранд̇и наг̇арасан̇каад̇ам̣ бурам̣. б̣анд̇хид̇ваад̇и д̇зсан̃н̃зва уд̇д̇ари саадагзна бажчааб̣аахам̣ б̣анд̇хид̇ваа. гаамам̣ гарохи д̇з д̇аяаад̇и д̇вам̣ ад̇д̇ано гаамам̣ ижчам̣ ружим̣ гарохи, зд̇з хи д̇аяаа д̣̇аасаа гад̇ааязваад̇и.

    Tattha vipalāyiṃsūti satiṃ paccupaṭṭhāpetuṃ asakkontā vipallatthacittā bhijjiṃsu. Kusasaddabhayaṭṭitāti kusarañño saddaṃ nissāya jātena bhayena upaddutā mūḷhacittā. Aññamaññassa chindantīti aññamaññaṃ chindanti maddanti. ‘‘Bhindiṃsū’’tipi pāṭho. Tasminti evaṃ bodhisattassa saddasavaneneva saṅgāme bhinne tasmiṃ saṅgāmasīse taṃ mahāsattassa parakkamaṃ passitvā tuṭṭhahadayo sakko verocanaṃ nāma maṇikkhandhaṃ tassa adāsi. Nagaraṃ puranti nagarasaṅkhātaṃ puraṃ. Bandhitvāti tesaññeva uttari sāṭakena pacchābāhaṃ bandhitvā. Kāmaṃ karohi te tayāti tvaṃ attano kāmaṃ icchaṃ ruciṃ karohi, ete hi tayā dāsā katāyevāti.

    рааж̇аа ааха –

    Rājā āha –

    84.

    84.

    ‘‘д̇уяхзва сад̇д̇аво зд̇з, на хи д̇з маяха сад̇д̇аво;

    ‘‘Tuyheva sattavo ete, na hi te mayha sattavo;

    д̇ван̃н̃зва но махаарааж̇а, мун̃жа ваа д̇з ханассу ваа’’д̇и.

    Tvaññeva no mahārāja, muñca vā te hanassu vā’’ti.

    д̇ад̇т̇а д̇ван̃н̃зва нод̇и, махаарааж̇а, д̇вам̣язва амхаагам̣ иссарод̇и.

    Tattha tvaññeva noti, mahārāja, tvaṃyeva amhākaṃ issaroti.

    звам̣ вуд̇д̇з махаасад̇д̇о ‘‘гим̣ имзхи маарид̇зхи, маа д̇зсам̣ ааг̇аманам̣ нирад̇т̇агам̣ ход̇у, бабхаавад̇ияаа ганидтаа сад̇д̇а мад̣̇д̣̇арааж̇ад̇хийд̇аро ад̇т̇и, д̇аа нзсам̣ д̣̇аабзссаамий’’д̇и жинд̇зд̇ваа г̇аат̇амааха –

    Evaṃ vutte mahāsatto ‘‘kiṃ imehi māritehi, mā tesaṃ āgamanaṃ niratthakaṃ hotu, pabhāvatiyā kaniṭṭhā satta maddarājadhītaro atthi, tā nesaṃ dāpessāmī’’ti cintetvā gāthamāha –

    85.

    85.

    ‘‘имаа д̇з д̇хийд̇аро сад̇д̇а, д̣̇зваган̃н̃уубамаа субхаа;

    ‘‘Imā te dhītaro satta, devakaññūpamā subhā;

    д̣̇ад̣̇аахи нзсам̣ згзгам̣, хонд̇у ж̇аамаад̇аро д̇аваа’’д̇и.

    Dadāhi nesaṃ ekekaṃ, hontu jāmātaro tavā’’ti.

    ат̇а нам̣ рааж̇аа ааха –

    Atha naṃ rājā āha –

    86.

    86.

    ‘‘амхааган̃жзва д̇аасан̃жа, д̇вам̣ но саб̣б̣зсамиссаро;

    ‘‘Amhākañceva tāsañca, tvaṃ no sabbesamissaro;

    д̇ван̃н̃зва но махаарааж̇а, д̣̇зхи нзсам̣ яад̣̇ижчасий’’д̇и.

    Tvaññeva no mahārāja, dehi nesaṃ yadicchasī’’ti.

    д̇ад̇т̇а д̇вам̣ но саб̣б̣зсанд̇и, махаарааж̇а гусанаринд̣̇а, гим̣ вад̣̇зси, д̇ван̃н̃зва зд̇зсан̃жа сад̇д̇аннам̣ рааж̇уунам̣ маман̃жа имаасан̃жа саб̣б̣зсам̣ но иссаро. яад̣̇ижчасийд̇и яад̣̇и ижчаси, яасса ваа яам̣ д̣̇аад̇ум̣ ижчаси, д̇асса д̇ам̣ д̣̇зхийд̇и.

    Tattha tvaṃ no sabbesanti, mahārāja kusanarinda, kiṃ vadesi, tvaññeva etesañca sattannaṃ rājūnaṃ mamañca imāsañca sabbesaṃ no issaro. Yadicchasīti yadi icchasi, yassa vā yaṃ dātuṃ icchasi, tassa taṃ dehīti.

    звам̣ вуд̇д̇з со д̇аа саб̣б̣ааби алан̇гаараабзд̇ваа згзгасса ран̃н̃о згзгам̣ ад̣̇ааси. д̇амад̇т̇ам̣ багаасзнд̇о сад̇т̇аа бан̃жа г̇аат̇ааяо абхааси –

    Evaṃ vutte so tā sabbāpi alaṅkārāpetvā ekekassa rañño ekekaṃ adāsi. Tamatthaṃ pakāsento satthā pañca gāthāyo abhāsi –

    87.

    87.

    ‘‘згамзгасса згзгам̣, ад̣̇аа сийхассаро гусо;

    ‘‘Ekamekassa ekekaṃ, adā sīhassaro kuso;

    кад̇д̇ияаанам̣ д̇ад̣̇аа д̇зсам̣, ран̃н̃о мад̣̇д̣̇асса д̇хийд̇аро.

    Khattiyānaṃ tadā tesaṃ, rañño maddassa dhītaro.

    88.

    88.

    ‘‘бийн̣ид̇аа д̇зна лаабхзна, д̇удтаа сийхассарз гусз;

    ‘‘Pīṇitā tena lābhena, tuṭṭhā sīhassare kuse;

    сагарадтаани бааяим̣су, кад̇д̇ияаа сад̇д̇а д̇аавад̣̇з.

    Sakaraṭṭhāni pāyiṃsu, khattiyā satta tāvade.

    89.

    89.

    ‘‘бабхаавад̇ин̃жа аад̣̇ааяа, ман̣им̣ взрожанам̣ субхам̣;

    ‘‘Pabhāvatiñca ādāya, maṇiṃ verocanaṃ subhaṃ;

    гусаавад̇им̣ гусо рааж̇аа, аг̇амааси махаб̣б̣ало.

    Kusāvatiṃ kuso rājā, agamāsi mahabbalo.

    90.

    90.

    ‘‘д̇яассу згарат̇з яанд̇аа, бависанд̇аа гусаавад̇им̣;

    ‘‘Tyassu ekarathe yantā, pavisantā kusāvatiṃ;

    самаанаа ван̣н̣аруубзна, наан̃н̃аман̃н̃аад̇ирожисум̣.

    Samānā vaṇṇarūpena, nāññamaññātirocisuṃ.

    91.

    91.

    ‘‘маад̇аа буд̇д̇зна сам̣г̇ажчи, убхаяо жа ж̇аяамбад̇ий;

    ‘‘Mātā puttena saṃgacchi, ubhayo ca jayampatī;

    самаг̇г̇аа д̇з д̇ад̣̇аа аасум̣, пийд̇ам̣ д̇харан̣имаавасу’’нд̇и.

    Samaggā te tadā āsuṃ, phītaṃ dharaṇimāvasu’’nti.

    д̇ад̇т̇а бийн̣ид̇аад̇и санд̇аббид̇аа. бааяим̣сууд̇и ид̣̇аани аббамад̇д̇аа бхавзяяаат̇аад̇и гусанаринд̣̇зна овад̣̇ид̇аа аг̇амам̣су. аг̇амаасийд̇и гад̇ибаахам̣ васид̇ваа ‘‘амхаагам̣ радтам̣ г̇амиссаамаа’’д̇и сасурам̣ аабужчид̇ваа г̇ад̇о. згарат̇з яанд̇аад̇и д̣̇взби згарат̇ам̣ абхируяха г̇ажчанд̇аа. самаанаа ван̣н̣аруубзнаад̇и ван̣н̣зна жа руубзна жа самаанаа худ̇ваа. наан̃н̃аман̃н̃аад̇ирожисунд̇и зго згам̣ наад̇иггами. ман̣ирад̇анаанубхаавзна гира махаасад̇д̇о абхируубо ахоси суван̣н̣аван̣н̣о собхаг̇г̇аббад̇д̇о, со гира буб̣б̣з бажжзгаб̣уд̣̇д̇хасса бин̣д̣абаад̇аниссанд̣̇зна б̣уд̣̇д̇хабадимаагаран̣аниссанд̣̇зна жа звам̣ д̇зж̇аванд̇о ахоси. сам̣г̇ажчийд̇и ат̇асса маад̇аа махаасад̇д̇асса ааг̇аманам̣ суд̇ваа наг̇арз бхзрим̣ жараабзд̇ваа махаасад̇д̇асса б̣ахум̣ бан̣н̣аагаарам̣ аад̣̇ааяа бажжуг̇г̇аманам̣ гад̇ваа самааг̇ажчи. соби маад̇араа сад̣̇д̇хим̣язва наг̇арам̣ бад̣̇агкин̣ам̣ гад̇ваа сад̇д̇аахам̣ чан̣агийл̣ам̣ гийл̣ид̇ваа алан̇гад̇абаасаад̣̇ад̇алам̣ абхирухи. д̇зби убхо ж̇аяамбад̇игаа самаг̇г̇аа ахзсум̣, д̇ад̇о бадтааяа яааваж̇ийвам̣ самаг̇г̇аа саммод̣̇амаанаа пийд̇ам̣ д̇харан̣им̣ аж̇жхаавасим̣сууд̇и.

    Tattha pīṇitāti santappitā. Pāyiṃsūti idāni appamattā bhaveyyāthāti kusanarindena ovaditā agamaṃsu. Agamāsīti katipāhaṃ vasitvā ‘‘amhākaṃ raṭṭhaṃ gamissāmā’’ti sasuraṃ āpucchitvā gato. Ekarathe yantāti dvepi ekarathaṃ abhiruyha gacchantā. Samānā vaṇṇarūpenāti vaṇṇena ca rūpena ca samānā hutvā. Nāññamaññātirocisunti eko ekaṃ nātikkami. Maṇiratanānubhāvena kira mahāsatto abhirūpo ahosi suvaṇṇavaṇṇo sobhaggappatto, so kira pubbe paccekabuddhassa piṇḍapātanissandena buddhapaṭimākaraṇanissandena ca evaṃ tejavanto ahosi. Saṃgacchīti athassa mātā mahāsattassa āgamanaṃ sutvā nagare bheriṃ carāpetvā mahāsattassa bahuṃ paṇṇākāraṃ ādāya paccuggamanaṃ katvā samāgacchi. Sopi mātarā saddhiṃyeva nagaraṃ padakkhiṇaṃ katvā sattāhaṃ chaṇakīḷaṃ kīḷitvā alaṅkatapāsādatalaṃ abhiruhi. Tepi ubho jayampatikā samaggā ahesuṃ, tato paṭṭhāya yāvajīvaṃ samaggā sammodamānā phītaṃ dharaṇiṃ ajjhāvasiṃsūti.

    сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. д̇ад̣̇аа маад̇аабид̇аро махаарааж̇агулаани ахзсум̣, ганидто аананд̣̇о, куж̇ж̇аа куж̇ж̇уд̇д̇араа, бабхаавад̇ий раахуламаад̇аа, барисаа б̣уд̣̇д̇хабарисаа, гусарааж̇аа бана ахамзва ахосинд̇и.

    Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi. Tadā mātāpitaro mahārājakulāni ahesuṃ, kaniṭṭho ānando, khujjā khujjuttarā, pabhāvatī rāhulamātā, parisā buddhaparisā, kusarājā pana ahameva ahosinti.

    гусаж̇аад̇агаван̣н̣анаа батамаа.

    Kusajātakavaṇṇanā paṭhamā.




    Next: [532] 2. сон̣ананд̣̇аж̇аад̇агаван̣н̣анаа • [532] 2. Soṇanandajātakavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 531. гусаж̇аад̇агам̣ • 531. Kusajātakaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact