| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[98] 8. гуудаваан̣иж̇аж̇аад̇агаван̣н̣анаа
[98] 8. Kūṭavāṇijajātakavaṇṇanā
саад̇ху ко бан̣д̣ид̇о наамаад̇и ид̣̇ам̣ сад̇т̇аа ж̇зд̇аванз вихаранд̇о згам̣ гуудаваан̣иж̇ам̣ аараб̣бха гат̇зси. саавад̇т̇ияан̃хи д̣̇вз ж̇анаа згад̇о ван̣иж̇ж̇ам̣ гаронд̇аа бхан̣д̣ам̣ сагадзнаад̣̇ааяа ж̇анабад̣̇ам̣ г̇анд̇ваа лад̣̇д̇халаабхаа бажжааг̇амим̣су. д̇зсу гуудаваан̣иж̇о жинд̇зси ‘‘аяам̣ б̣ахуу д̣̇ивасз д̣̇уб̣бхож̇анзна д̣̇угкасзяяааяа гиланд̇о, ид̣̇аани ад̇д̇ано гхарз наанаг̇г̇арасзхи яаавад̣̇ад̇т̇ам̣ субхож̇анам̣ бхун̃ж̇ид̇ваа аж̇ийрагзна мариссад̇и. ат̇аахам̣ имам̣ бхан̣д̣ам̣ д̇аяо годтаасз гад̇ваа згам̣ д̇асса д̣̇аарагаанам̣ д̣̇ассаами, д̣̇вз годтаасз ад̇д̇анаа г̇ахзссаамий’’д̇и. со ‘‘аж̇ж̇а бхааж̇зссаама, свз бхааж̇зссаамаа’’д̇и бхан̣д̣ам̣ бхааж̇зд̇ум̣ на ижчи. ат̇а нам̣ бан̣д̣ид̇аваан̣иж̇о агаамагам̣ ниббийл̣зд̇ваа бхааж̇аабзд̇ваа вихаарам̣ г̇анд̇ваа сад̇т̇аарам̣ ванд̣̇ид̇ваа гад̇абадисант̇ааро ‘‘ад̇ибабан̃жо д̇з гад̇о, ид̇хааг̇анд̇вааби жирзна б̣уд̣̇д̇хубадтаанам̣ ааг̇ад̇осий’’д̇и вуд̇д̇з д̇ам̣ бавад̇д̇им̣ бхаг̇авад̇о аарожзси. сад̇т̇аа ‘‘на ко со, убаасага, ид̣̇аанзва гуудаваан̣иж̇о, буб̣б̣зби гуудаваан̣иж̇оязва. ид̣̇аани бана д̇ам̣ ван̃жзд̇угаамо ж̇аад̇о, буб̣б̣з бан̣д̣ид̇зби ван̃жзд̇ум̣ уссахий’’д̇и вад̇ваа д̇зна яаажид̇о ад̇ийд̇ам̣ аахари.
Sādhukho paṇḍito nāmāti idaṃ satthā jetavane viharanto ekaṃ kūṭavāṇijaṃ ārabbha kathesi. Sāvatthiyañhi dve janā ekato vaṇijjaṃ karontā bhaṇḍaṃ sakaṭenādāya janapadaṃ gantvā laddhalābhā paccāgamiṃsu. Tesu kūṭavāṇijo cintesi ‘‘ayaṃ bahū divase dubbhojanena dukkhaseyyāya kilanto, idāni attano ghare nānaggarasehi yāvadatthaṃ subhojanaṃ bhuñjitvā ajīrakena marissati. Athāhaṃ imaṃ bhaṇḍaṃ tayo koṭṭhāse katvā ekaṃ tassa dārakānaṃ dassāmi, dve koṭṭhāse attanā gahessāmī’’ti. So ‘‘ajja bhājessāma, sve bhājessāmā’’ti bhaṇḍaṃ bhājetuṃ na icchi. Atha naṃ paṇḍitavāṇijo akāmakaṃ nippīḷetvā bhājāpetvā vihāraṃ gantvā satthāraṃ vanditvā katapaṭisanthāro ‘‘atipapañco te kato, idhāgantvāpi cirena buddhupaṭṭhānaṃ āgatosī’’ti vutte taṃ pavattiṃ bhagavato ārocesi. Satthā ‘‘na kho so, upāsaka, idāneva kūṭavāṇijo, pubbepi kūṭavāṇijoyeva. Idāni pana taṃ vañcetukāmo jāto, pubbe paṇḍitepi vañcetuṃ ussahī’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣аараан̣асияам̣ ваан̣иж̇агулз ниб̣б̣ад̇д̇и, наамаг̇г̇ахан̣ад̣̇ивасз жасса ‘‘бан̣д̣ид̇о’’д̇и наамам̣ агам̣су. со ваяаббад̇д̇о ан̃н̃зна ваан̣иж̇зна сад̣̇д̇хим̣ згад̇о худ̇ваа ван̣иж̇ж̇ам̣ гарод̇и, д̇асса ‘‘ад̇ибан̣д̣ид̇о’’д̇и наамам̣ ахоси. д̇з б̣аараан̣асид̇о бан̃жахи сагадасад̇зхи бхан̣д̣ам̣ аад̣̇ааяа ж̇анабад̣̇ам̣ г̇анд̇ваа ван̣иж̇ж̇ам̣ гад̇ваа лад̣̇д̇халаабхаа буна б̣аараан̣асим̣ ааг̇амим̣су. ат̇а нзсам̣ бхан̣д̣абхааж̇анагаалз ад̇ибан̣д̣ид̇о ааха ‘‘маяаа д̣̇вз годтаасаа лад̣̇д̇хаб̣б̣аа’’д̇и. ‘‘гим̣гааран̣аа’’д̇и? ‘‘д̇вам̣ бан̣д̣ид̇о, ахам̣ ад̇ибан̣д̣ид̇о. бан̣д̣ид̇о згам̣ лад̣̇д̇хум̣ арахад̇и, ад̇ибан̣д̣ид̇о д̣̇вз’’д̇и. ‘‘нану амхаагам̣ д̣̇виннам̣ бхан̣д̣амуулагамби г̇он̣аад̣̇аяоби самасамааязва, д̇вам̣ гасмаа д̣̇вз годтаасз лад̣̇д̇хум̣ арахасий’’д̇и. ‘‘ад̇ибан̣д̣ид̇абхаавзнаа’’д̇и. звам̣ д̇з гат̇ам̣ вад̣дхзд̇ваа галахам̣ агам̣су.
Atīte bārāṇasiyaṃ brahmadatte rajjaṃ kārente bodhisatto bārāṇasiyaṃ vāṇijakule nibbatti, nāmaggahaṇadivase cassa ‘‘paṇḍito’’ti nāmaṃ akaṃsu. So vayappatto aññena vāṇijena saddhiṃ ekato hutvā vaṇijjaṃ karoti, tassa ‘‘atipaṇḍito’’ti nāmaṃ ahosi. Te bārāṇasito pañcahi sakaṭasatehi bhaṇḍaṃ ādāya janapadaṃ gantvā vaṇijjaṃ katvā laddhalābhā puna bārāṇasiṃ āgamiṃsu. Atha nesaṃ bhaṇḍabhājanakāle atipaṇḍito āha ‘‘mayā dve koṭṭhāsā laddhabbā’’ti. ‘‘Kiṃkāraṇā’’ti? ‘‘Tvaṃ paṇḍito, ahaṃ atipaṇḍito. Paṇḍito ekaṃ laddhuṃ arahati, atipaṇḍito dve’’ti. ‘‘Nanu amhākaṃ dvinnaṃ bhaṇḍamūlakampi goṇādayopi samasamāyeva, tvaṃ kasmā dve koṭṭhāse laddhuṃ arahasī’’ti. ‘‘Atipaṇḍitabhāvenā’’ti. Evaṃ te kathaṃ vaḍḍhetvā kalahaṃ akaṃsu.
д̇ад̇о ад̇ибан̣д̣ид̇о ‘‘ад̇т̇зго убааяо’’д̇и жинд̇зд̇ваа ад̇д̇ано бид̇арам̣ згасмим̣ сусираругкз бавзсзд̇ваа ‘‘д̇вам̣ амхзсу ааг̇ад̇зсу ‘ад̇ибан̣д̣ид̇о д̣̇вз годтаасз лад̣̇д̇хум̣ арахад̇ий’д̇и вад̣̇зяяаасий’’д̇и вад̇ваа б̣од̇хисад̇д̇ам̣ убасан̇гамид̇ваа ‘‘самма, маяхам̣ д̣̇виннам̣ годтаасаанам̣ яуд̇д̇абхаавам̣ ваа аяуд̇д̇абхаавам̣ ваа зсаа ругкад̣̇звад̇аа ж̇аанаад̇и, зхи, д̇ам̣ бужчиссаамаа’’д̇и д̇ам̣ д̇ад̇т̇а нзд̇ваа ‘‘аяяз ругкад̣̇звад̇з, амхаагам̣ аддам̣ бажчинд̣̇аа’’д̇и ааха. ат̇асса бид̇аа сарам̣ баривад̇д̇зд̇ваа ‘‘д̇зна хи гат̇зт̇аа’’д̇и ааха. ‘‘аяяз, аяам̣ бан̣д̣ид̇о, ахам̣ ад̇ибан̣д̣ид̇о. амхзхи згад̇о вохааро гад̇о, д̇ад̇т̇а гзна гим̣ лад̣̇д̇хаб̣б̣анд̇и. бан̣д̣ид̇зна зго годтаасо, ад̇ибан̣д̣ид̇зна бана д̣̇вз годтаасаа лад̣̇д̇хаб̣б̣аа’’д̇и. б̣од̇хисад̇д̇о звам̣ винижчид̇ам̣ аддам̣ суд̇ваа ‘‘ид̣̇аани д̣̇звад̇аабхаавам̣ ваа ад̣̇звад̇аабхаавам̣ ваа ж̇ааниссаамий’’д̇и балаалам̣ аахарид̇ваа сусирам̣ буурзд̇ваа аг̇г̇им̣ ад̣̇ааси, ад̇ибан̣д̣ид̇асса бид̇аа ж̇аалааяа пудтагаалз ад̣дхаж̇жхаамзна сарийрзна убари ааруяха саакам̣ г̇ахзд̇ваа оламб̣анд̇о бхуумияам̣ бад̇ид̇ваа имам̣ г̇аат̇амааха –
Tato atipaṇḍito ‘‘attheko upāyo’’ti cintetvā attano pitaraṃ ekasmiṃ susirarukkhe pavesetvā ‘‘tvaṃ amhesu āgatesu ‘atipaṇḍito dve koṭṭhāse laddhuṃ arahatī’ti vadeyyāsī’’ti vatvā bodhisattaṃ upasaṅkamitvā ‘‘samma, mayhaṃ dvinnaṃ koṭṭhāsānaṃ yuttabhāvaṃ vā ayuttabhāvaṃ vā esā rukkhadevatā jānāti, ehi, taṃ pucchissāmā’’ti taṃ tattha netvā ‘‘ayye rukkhadevate, amhākaṃ aṭṭaṃ pacchindā’’ti āha. Athassa pitā saraṃ parivattetvā ‘‘tena hi kathethā’’ti āha. ‘‘Ayye, ayaṃ paṇḍito, ahaṃ atipaṇḍito. Amhehi ekato vohāro kato, tattha kena kiṃ laddhabbanti. Paṇḍitena eko koṭṭhāso, atipaṇḍitena pana dve koṭṭhāsā laddhabbā’’ti. Bodhisatto evaṃ vinicchitaṃ aṭṭaṃ sutvā ‘‘idāni devatābhāvaṃ vā adevatābhāvaṃ vā jānissāmī’’ti palālaṃ āharitvā susiraṃ pūretvā aggiṃ adāsi, atipaṇḍitassa pitā jālāya phuṭṭhakāle aḍḍhajjhāmena sarīrena upari āruyha sākhaṃ gahetvā olambanto bhūmiyaṃ patitvā imaṃ gāthamāha –
98.
98.
‘‘саад̇ху ко бан̣д̣ид̇о наама, на д̇взва ад̇ибан̣д̣ид̇о;
‘‘Sādhu kho paṇḍito nāma, na tveva atipaṇḍito;
ад̇ибан̣д̣ид̇зна буд̇д̇зна, манамхи убагуул̣ид̇о’’д̇и.
Atipaṇḍitena puttena, manamhi upakūḷito’’ti.
д̇ад̇т̇а саад̇ху ко бан̣д̣ид̇о наамаад̇и имасмим̣ логз бан̣д̣ижжзна саманнааг̇ад̇о гааран̣аагааран̣ан̃н̃уу буг̇г̇ало саад̇ху собхано. ад̇ибан̣д̣ид̇од̇и наамамад̇д̇зна ад̇ибан̣д̣ид̇о гуудабурисо на д̇взва варам̣. манамхи убагуул̣ид̇од̇и т̇огзнамхи жхаамо, ад̣дхаж̇жхаамагова муд̇д̇од̇и ад̇т̇о. д̇з убхоби маж̇жхз бхинд̣̇ид̇ваа саман̃н̃зва годтаасам̣ г̇ан̣хид̇ваа яат̇аагаммам̣ г̇ад̇аа.
Tattha sādhu kho paṇḍito nāmāti imasmiṃ loke paṇḍiccena samannāgato kāraṇākāraṇaññū puggalo sādhu sobhano. Atipaṇḍitoti nāmamattena atipaṇḍito kūṭapuriso na tveva varaṃ. Manamhi upakūḷitoti thokenamhi jhāmo, aḍḍhajjhāmakova muttoti attho. Te ubhopi majjhe bhinditvā samaññeva koṭṭhāsaṃ gaṇhitvā yathākammaṃ gatā.
сад̇т̇аа ‘‘буб̣б̣зби зса гуудаваан̣иж̇оязваа’’д̇и имам̣ ад̇ийд̇ам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа гуудаваан̣иж̇о бажжуббаннзби гуудаваан̣иж̇оязва, бан̣д̣ид̇аваан̣иж̇о бана ахамзва ахоси’’нд̇и.
Satthā ‘‘pubbepi esa kūṭavāṇijoyevā’’ti imaṃ atītaṃ āharitvā jātakaṃ samodhānesi – ‘‘tadā kūṭavāṇijo paccuppannepi kūṭavāṇijoyeva, paṇḍitavāṇijo pana ahameva ahosi’’nti.
гуудаваан̣иж̇аж̇аад̇агаван̣н̣анаа адтамаа.
Kūṭavāṇijajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 98. гуудаваан̣иж̇аж̇аад̇агам̣ • 98. Kūṭavāṇijajātakaṃ
