| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
6. гудигаарасигкаабад̣̇аван̣н̣анаа
6. Kuṭikārasikkhāpadavaṇṇanā
342. д̇зна самаязнаад̇и гудигаарасигкаабад̣̇ам̣. д̇ад̇т̇а аал̣авагаад̇и аал̣авирадтз ж̇аад̇аа д̣̇аарагаа аал̣авагаа наама, д̇з баб̣б̣аж̇ид̇агаалзби ‘‘аал̣авагаа’’д̇взва бан̃н̃ааяим̣су. д̇з санд̇хааяа вуд̇д̇ам̣ ‘‘аал̣авагаа бхигкуу’’д̇и. сан̃н̃аажигааяод̇и саяам̣ яаажид̇ваа г̇ахид̇уубагаран̣ааяо. гаараабзнд̇ийд̇и гаронд̇иби гаараабзнд̇иби, д̇з гира саасанз вибассанаад̇хуран̃жа г̇ант̇ад̇хуран̃жаад̇и д̣̇взби д̇хураани чад̣д̣зд̇ваа навагаммамзва д̇хурам̣ гад̇ваа баг̇г̇ан̣хим̣су. ассаамигааяод̇и аниссарааяо, гаарзд̇аа д̣̇ааяагзна вирахид̇ааяод̇и ад̇т̇о. ад̇д̇уд̣̇д̣̇зсигааяод̇и ад̇д̇аанам̣ уд̣̇д̣̇исса ад̇д̇ано ад̇т̇ааяа аарад̣̇д̇хааяод̇и ад̇т̇о. аббамаан̣игааяод̇и ‘‘зд̇д̇агзна нидтам̣ г̇ажчиссанд̇ий’’д̇и звам̣ абарижчиннаббамаан̣ааяо, вуд̣̇д̇хиббамаан̣ааяо ваа маханд̇аббамаан̣ааяод̇и ад̇т̇о.
342.Tena samayenāti kuṭikārasikkhāpadaṃ. Tattha āḷavakāti āḷaviraṭṭhe jātā dārakā āḷavakā nāma, te pabbajitakālepi ‘‘āḷavakā’’tveva paññāyiṃsu. Te sandhāya vuttaṃ ‘‘āḷavakā bhikkhū’’ti. Saññācikāyoti sayaṃ yācitvā gahitūpakaraṇāyo. Kārāpentīti karontipi kārāpentipi, te kira sāsane vipassanādhurañca ganthadhurañcāti dvepi dhurāni chaḍḍetvā navakammameva dhuraṃ katvā paggaṇhiṃsu. Assāmikāyoti anissarāyo, kāretā dāyakena virahitāyoti attho. Attuddesikāyoti attānaṃ uddissa attano atthāya āraddhāyoti attho. Appamāṇikāyoti ‘‘ettakena niṭṭhaṃ gacchissantī’’ti evaṃ aparicchinnappamāṇāyo, vuddhippamāṇāyo vā mahantappamāṇāyoti attho.
яаажанаа зва б̣ахулаа зд̇зсам̣ манд̣̇ам̣ ан̃н̃ам̣ гамманд̇и яаажанаб̣ахулаа. звам̣ вин̃н̃ад̇д̇иб̣ахулаа взд̣̇ид̇аб̣б̣аа. ад̇т̇ад̇о банзд̇т̇а наанаагаран̣ам̣ над̇т̇и, анзгагкад̇д̇ум̣ ‘‘бурисам̣ д̣̇зт̇а, бурисад̇т̇агарам̣ д̣̇зт̇аа’’д̇и яаажанд̇аанамзд̇ам̣ ад̇хиважанам̣. д̇ад̇т̇а муулажчзж̇ж̇ааяа бурисам̣ яаажид̇ум̣ на ваддад̇и, сахааяад̇т̇ааяа гаммагаран̣ад̇т̇ааяа ‘‘бурисам̣ д̣̇зт̇аа’’д̇и яаажид̇ум̣ ваддад̇и. бурисад̇т̇агаранд̇и бурисзна гаад̇аб̣б̣ам̣ хад̇т̇агаммам̣ вужжад̇и, д̇ам̣ яаажид̇ум̣ ваддад̇и. хад̇т̇агаммам̣ наама гин̃жи вад̇т̇у на ход̇и, д̇асмаа табзд̇ваа миг̇алуд̣̇д̣̇агамажчаб̣анд̇хагаад̣̇ийнам̣ сагагаммам̣ авасзсам̣ саб̣б̣ам̣ габбияам̣. ‘‘гим̣, бханд̇з, ааг̇ад̇ад̇т̇а гзна гамма’’нд̇и бужчид̇з ваа абужчид̇з ваа яаажид̇ум̣ ваддад̇и, вин̃н̃ад̇д̇ибажжаяаа д̣̇осо над̇т̇и. д̇асмаа миг̇алуд̣̇д̣̇агаад̣̇аяо сагагаммам̣ на яаажид̇аб̣б̣аа, ‘‘хад̇т̇агаммам̣ д̣̇зт̇аа’’д̇и анияамзд̇вааби на яаажид̇аб̣б̣аа; звам̣ яаажид̇аа хи д̇з ‘‘саад̇ху, бханд̇з’’д̇и бхигкуу уяяож̇зд̇ваа миг̇зби маарзд̇ваа аахарзяяум̣. нияамзд̇ваа бана ‘‘вихаарз гин̃жи гад̇д̇аб̣б̣ам̣ ад̇т̇и, д̇ад̇т̇а хад̇т̇агаммам̣ д̣̇зт̇аа’’д̇и яаажид̇аб̣б̣аа. пааланан̇г̇алаад̣̇ийни убагаран̣аани г̇ахзд̇ваа гасид̇ум̣ ваа вабид̇ум̣ ваа лааяид̇ум̣ ваа г̇ажчанд̇ам̣ сагижжабасуд̇амби гассагам̣ ваа ан̃н̃ам̣ ваа гин̃жи хад̇т̇агаммам̣ яаажид̇ум̣ ваддад̇зва. яо бана вигхаасаад̣̇о ваа ан̃н̃о ваа гожи ниггаммо нирад̇т̇агагат̇ам̣ гат̇знд̇о нид̣̇д̣̇ааяанд̇о ваа вихарад̇и, зваруубам̣ аяаажид̇вааби ‘‘зхи рз ид̣̇ам̣ ваа ид̣̇ам̣ ваа гарохий’’д̇и яад̣̇ижчагам̣ гаараабзд̇ум̣ ваддад̇и.
Yācanā eva bahulā etesaṃ mandaṃ aññaṃ kammanti yācanabahulā. Evaṃ viññattibahulā veditabbā. Atthato panettha nānākaraṇaṃ natthi, anekakkhattuṃ ‘‘purisaṃ detha, purisatthakaraṃ dethā’’ti yācantānametaṃ adhivacanaṃ. Tattha mūlacchejjāya purisaṃ yācituṃ na vaṭṭati, sahāyatthāya kammakaraṇatthāya ‘‘purisaṃ dethā’’ti yācituṃ vaṭṭati. Purisatthakaranti purisena kātabbaṃ hatthakammaṃ vuccati, taṃ yācituṃ vaṭṭati. Hatthakammaṃ nāma kiñci vatthu na hoti, tasmā ṭhapetvā migaluddakamacchabandhakādīnaṃ sakakammaṃ avasesaṃ sabbaṃ kappiyaṃ. ‘‘Kiṃ, bhante, āgatattha kena kamma’’nti pucchite vā apucchite vā yācituṃ vaṭṭati, viññattipaccayā doso natthi. Tasmā migaluddakādayo sakakammaṃ na yācitabbā, ‘‘hatthakammaṃ dethā’’ti aniyametvāpi na yācitabbā; evaṃ yācitā hi te ‘‘sādhu, bhante’’ti bhikkhū uyyojetvā migepi māretvā āhareyyuṃ. Niyametvā pana ‘‘vihāre kiñci kattabbaṃ atthi, tattha hatthakammaṃ dethā’’ti yācitabbā. Phālanaṅgalādīni upakaraṇāni gahetvā kasituṃ vā vapituṃ vā lāyituṃ vā gacchantaṃ sakiccapasutampi kassakaṃ vā aññaṃ vā kiñci hatthakammaṃ yācituṃ vaṭṭateva. Yo pana vighāsādo vā añño vā koci nikkammo niratthakakathaṃ kathento niddāyanto vā viharati, evarūpaṃ ayācitvāpi ‘‘ehi re idaṃ vā idaṃ vā karohī’’ti yadicchakaṃ kārāpetuṃ vaṭṭati.
хад̇т̇агаммасса бана саб̣б̣агаббияабхаавад̣̇ийбанад̇т̇ам̣ имам̣ наяам̣ гат̇знд̇и. сажз хи бхигку баасаад̣̇ам̣ гаарзд̇угаамо ход̇и, т̇амбхад̇т̇ааяа баасаан̣агоддагаанам̣ гхарам̣ г̇анд̇ваа вад̇д̇аб̣б̣ам̣ ‘‘хад̇т̇агаммам̣ лад̣̇д̇хум̣ ваддад̇и убаасагаа’’д̇и. гим̣ гаад̇аб̣б̣ам̣, бханд̇з,д̇и? баасаан̣ад̇т̇амбхаа уд̣̇д̇харид̇ваа д̣̇аад̇аб̣б̣аад̇и. сажз д̇з уд̣̇д̇харид̇ваа ваа д̣̇знд̇и, уд̣̇д̇харид̇ваа нигкид̇д̇з ад̇д̇ано т̇амбхз ваа д̣̇знд̇и, ваддад̇и. ат̇ааби вад̣̇анд̇и – ‘‘амхаагам̣, бханд̇з, хад̇т̇агаммам̣ гаад̇ум̣ кан̣о над̇т̇и, ан̃н̃ам̣ уд̣̇д̇хараабзт̇а, д̇асса муулам̣ д̣̇ассаамаа’’д̇и уд̣̇д̇хараабзд̇ваа ‘‘баасаан̣ад̇т̇амбхз уд̣̇д̇хадамануссаанам̣ муулам̣ д̣̇зт̇аа’’д̇и вад̇д̇ум̣ ваддад̇и. зд̇знзвубааязна баасаад̣̇ад̣̇ааруунам̣ ад̇т̇ааяа вад̣дхагийнам̣ санд̇игам̣ идтагад̇т̇ааяа идтагавад̣дхагийнам̣ чад̣̇анад̇т̇ааяа г̇зхажчаад̣̇агаанам̣ жид̇д̇агаммад̇т̇ааяа жид̇д̇агаараананд̇и язна язна ад̇т̇о ход̇и, д̇асса д̇асса ад̇т̇ааяа д̇зсам̣ д̇зсам̣ сиббагаарагаанам̣ санд̇игам̣ г̇анд̇ваа хад̇т̇агаммам̣ яаажид̇ум̣ ваддад̇и. хад̇т̇агаммаяаажанавасзна жа муулажчзж̇ж̇ааяа ваа бхад̇д̇авзд̇анаануббад̣̇аанзна ваа лад̣̇д̇хамби саб̣б̣ам̣ г̇ахзд̇ум̣ ваддад̇и. аран̃н̃ад̇о аахараабзнд̇зна жа саб̣б̣ам̣ анаж̇жхаавуд̇т̇агам̣ аахараабзд̇аб̣б̣ам̣.
Hatthakammassa pana sabbakappiyabhāvadīpanatthaṃ imaṃ nayaṃ kathenti. Sace hi bhikkhu pāsādaṃ kāretukāmo hoti, thambhatthāya pāsāṇakoṭṭakānaṃ gharaṃ gantvā vattabbaṃ ‘‘hatthakammaṃ laddhuṃ vaṭṭati upāsakā’’ti. Kiṃ kātabbaṃ, bhante,ti? Pāsāṇatthambhā uddharitvā dātabbāti. Sace te uddharitvā vā denti, uddharitvā nikkhitte attano thambhe vā denti, vaṭṭati. Athāpi vadanti – ‘‘amhākaṃ, bhante, hatthakammaṃ kātuṃ khaṇo natthi, aññaṃ uddharāpetha, tassa mūlaṃ dassāmā’’ti uddharāpetvā ‘‘pāsāṇatthambhe uddhaṭamanussānaṃ mūlaṃ dethā’’ti vattuṃ vaṭṭati. Etenevupāyena pāsādadārūnaṃ atthāya vaḍḍhakīnaṃ santikaṃ iṭṭhakatthāya iṭṭhakavaḍḍhakīnaṃ chadanatthāya gehacchādakānaṃ cittakammatthāya cittakārānanti yena yena attho hoti, tassa tassa atthāya tesaṃ tesaṃ sippakārakānaṃ santikaṃ gantvā hatthakammaṃ yācituṃ vaṭṭati. Hatthakammayācanavasena ca mūlacchejjāya vā bhattavetanānuppadānena vā laddhampi sabbaṃ gahetuṃ vaṭṭati. Araññato āharāpentena ca sabbaṃ anajjhāvutthakaṃ āharāpetabbaṃ.
на гзвалан̃жа баасаад̣̇ам̣ гаарзд̇угаамзна ман̃жабийтабад̇д̇абариссааванад̇хамагарагажийвараад̣̇ийни гаараабзд̇угаамзнааби д̣̇аарулохасуд̇д̇аад̣̇ийни лабхид̇ваа д̇з д̇з сиббагаарагз убасан̇гамид̇ваа вуд̇д̇анаязнзва хад̇т̇агаммам̣ яаажид̇аб̣б̣ам̣. хад̇т̇агаммаяаажанавасзна жа муулажчзж̇ж̇ааяа ваа бхад̇д̇авзд̇анаануббад̣̇аанзна ваа лад̣̇д̇хамби саб̣б̣ам̣ г̇ахзд̇аб̣б̣ам̣. сажз бана гаад̇ум̣ на ижчанд̇и, бхад̇д̇авзд̇анам̣ бажжаасийсанд̇и, агаббияагахаабан̣аад̣̇и на д̣̇аад̇аб̣б̣ам̣. бхигкаажааравад̇д̇зна д̇ан̣д̣улаад̣̇ийни бариязсид̇ваа д̣̇аад̇ум̣ ваддад̇и.
Na kevalañca pāsādaṃ kāretukāmena mañcapīṭhapattaparissāvanadhamakarakacīvarādīni kārāpetukāmenāpi dārulohasuttādīni labhitvā te te sippakārake upasaṅkamitvā vuttanayeneva hatthakammaṃ yācitabbaṃ. Hatthakammayācanavasena ca mūlacchejjāya vā bhattavetanānuppadānena vā laddhampi sabbaṃ gahetabbaṃ. Sace pana kātuṃ na icchanti, bhattavetanaṃ paccāsīsanti, akappiyakahāpaṇādi na dātabbaṃ. Bhikkhācāravattena taṇḍulādīni pariyesitvā dātuṃ vaṭṭati.
хад̇т̇агаммавасзна бад̇д̇ам̣ гаарзд̇ваа д̇ат̇зва баажзд̇ваа навабаггасса бад̇д̇асса бун̃чанад̇злад̇т̇ааяа анд̇ог̇аамам̣ бавидтзна ‘‘бхигкааяа ааг̇ад̇о’’д̇и саллагкзд̇ваа яааг̇уяаа ваа бхад̇д̇з ваа аанийд̇з хад̇т̇зна бад̇д̇о бид̇хаад̇аб̣б̣о. сажз убаасигаа ‘‘гим̣, бханд̇з’’д̇и бужчад̇и, ‘‘навабагго бад̇д̇о бун̃чанад̇злзна ад̇т̇о’’д̇и вад̇д̇аб̣б̣ам̣. сажз саа ‘‘д̣̇зхи, бханд̇з’’д̇и бад̇д̇ам̣ г̇ахзд̇ваа д̇злзна бун̃чид̇ваа яааг̇уяаа ваа бхад̇д̇асса ваа буурзд̇ваа д̣̇зд̇и, вин̃н̃ад̇д̇и наама на ход̇и, г̇ахзд̇ум̣ ваддад̇ийд̇и.
Hatthakammavasena pattaṃ kāretvā tatheva pācetvā navapakkassa pattassa puñchanatelatthāya antogāmaṃ paviṭṭhena ‘‘bhikkhāya āgato’’ti sallakkhetvā yāguyā vā bhatte vā ānīte hatthena patto pidhātabbo. Sace upāsikā ‘‘kiṃ, bhante’’ti pucchati, ‘‘navapakko patto puñchanatelena attho’’ti vattabbaṃ. Sace sā ‘‘dehi, bhante’’ti pattaṃ gahetvā telena puñchitvā yāguyā vā bhattassa vā pūretvā deti, viññatti nāma na hoti, gahetuṃ vaṭṭatīti.
бхигкуу баг̇зва бин̣д̣ааяа жарид̇ваа аасанасаалам̣ г̇анд̇ваа аасанам̣ абассанд̇аа д̇идтанд̇и. д̇ад̇ра жз убаасагаа бхигкуу тид̇з д̣̇исваа саяамзва аасанаани аахараабзнд̇и, нисийд̣̇ид̇ваа г̇ажчанд̇зхи аабужчид̇ваа г̇анд̇аб̣б̣ам̣. анаабужчаа г̇ад̇аанамби надтам̣ г̇ийваа на ход̇и, аабужчид̇ваа г̇аманам̣ бана вад̇д̇ам̣. сажз бхигкуухи ‘‘аасанаани аахарат̇аа’’д̇и вуд̇д̇зхи аахадаани хонд̇и, аабужчид̇ваава г̇анд̇аб̣б̣ам̣. анаабужчаа г̇ад̇аанам̣ вад̇д̇абхзд̣̇о жа надтан̃жа г̇ийваад̇и. ад̇т̇аран̣агож̇аваад̣̇ийсуби зсзва наяо.
Bhikkhū pageva piṇḍāya caritvā āsanasālaṃ gantvā āsanaṃ apassantā tiṭṭhanti. Tatra ce upāsakā bhikkhū ṭhite disvā sayameva āsanāni āharāpenti, nisīditvā gacchantehi āpucchitvā gantabbaṃ. Anāpucchā gatānampi naṭṭhaṃ gīvā na hoti, āpucchitvā gamanaṃ pana vattaṃ. Sace bhikkhūhi ‘‘āsanāni āharathā’’ti vuttehi āhaṭāni honti, āpucchitvāva gantabbaṃ. Anāpucchā gatānaṃ vattabhedo ca naṭṭhañca gīvāti. Attharaṇakojavādīsupi eseva nayo.
магкигааяо б̣ахугаа хонд̇и, ‘‘магкигааб̣ийж̇аним̣ аахарат̇аа’’д̇и вад̇д̇аб̣б̣ам̣. бужиманд̣̇асаакаад̣̇ийни аахаранд̇и, габбияам̣ гаараабзд̇ваа бадиг̇г̇ахзд̇аб̣б̣аани. аасанасаалааяа уд̣̇агабхааж̇анам̣ рид̇д̇ам̣ ход̇и, ‘‘д̇хамагаран̣ам̣ г̇ан̣хаа’’д̇и на вад̇д̇аб̣б̣ам̣. д̇хамагараган̃хи рид̇д̇абхааж̇анз багкибанд̇о бхинд̣̇зяяа ‘‘над̣̇им̣ ваа д̇ал̣аагам̣ ваа г̇анд̇ваа бана уд̣̇агам̣ аахараа’’д̇и вад̇д̇ум̣ ваддад̇и. ‘‘г̇зхад̇о аахараа’’д̇и нзва вад̇д̇ум̣ ваддад̇и, на аахадам̣ барибхун̃ж̇ид̇аб̣б̣ам̣. аасанасаалааяам̣ ваа аран̃н̃агз ваа бхад̇д̇агижжам̣ гаронд̇зхи д̇ад̇т̇аж̇аад̇агам̣ анаж̇жхаавуд̇т̇агам̣ яам̣гин̃жи уд̇д̇арибхан̇г̇аарахам̣ бад̇д̇ам̣ ваа палам̣ ваа сажз гин̃жи гаммам̣ гаронд̇ам̣ аахараабзд̇и, хад̇т̇агаммавасзна аахараабзд̇ваа барибхун̃ж̇ид̇ум̣ ваддад̇и. алаж̇ж̇ийхи бана бхигкуухи ваа сааман̣зрзхи ваа хад̇т̇агаммам̣ на гаарзд̇аб̣б̣ам̣. аяам̣ д̇аава бурисад̇т̇агарз наяо.
Makkhikāyo bahukā honti, ‘‘makkhikābījaniṃ āharathā’’ti vattabbaṃ. Pucimandasākhādīni āharanti, kappiyaṃ kārāpetvā paṭiggahetabbāni. Āsanasālāya udakabhājanaṃ rittaṃ hoti, ‘‘dhamakaraṇaṃ gaṇhā’’ti na vattabbaṃ. Dhamakarakañhi rittabhājane pakkhipanto bhindeyya ‘‘nadiṃ vā taḷākaṃ vā gantvā pana udakaṃ āharā’’ti vattuṃ vaṭṭati. ‘‘Gehato āharā’’ti neva vattuṃ vaṭṭati, na āhaṭaṃ paribhuñjitabbaṃ. Āsanasālāyaṃ vā araññake vā bhattakiccaṃ karontehi tatthajātakaṃ anajjhāvutthakaṃ yaṃkiñci uttaribhaṅgārahaṃ pattaṃ vā phalaṃ vā sace kiñci kammaṃ karontaṃ āharāpeti, hatthakammavasena āharāpetvā paribhuñjituṃ vaṭṭati. Alajjīhi pana bhikkhūhi vā sāmaṇerehi vā hatthakammaṃ na kāretabbaṃ. Ayaṃ tāva purisatthakare nayo.
г̇он̣ам̣ бана ан̃н̃аад̇агааббаваарид̇адтаанад̇о аахараабзд̇ум̣ на ваддад̇и, аахараабзнд̇асса д̣̇уггадам̣. н̃аад̇ибаваарид̇адтаанад̇оби муулажчзж̇ж̇ааяа яаажид̇ум̣ на ваддад̇и, д̇аавагаалиганаязна саб̣б̣ад̇т̇а ваддад̇и. звам̣ аахараабид̇ан̃жа г̇он̣ам̣ рагкид̇ваа ж̇аг̇г̇ид̇ваа саамигаа бадижчаабзд̇аб̣б̣аа. сажасса баад̣̇о ваа син̇г̇ам̣ ваа бхиж̇ж̇ад̇и ваа нассад̇и ваа саамигаа жз самбадижчанд̇и, ижжзд̇ам̣ гусалам̣. но жз самбадижчанд̇и, г̇ийваа ход̇и. сажз ‘‘д̇умхаагам̣язва д̣̇змаа’’д̇и вад̣̇анд̇и на самбадижчид̇аб̣б̣ам̣. ‘‘вихаарасса д̣̇змаа’’д̇и вуд̇д̇з бана ‘‘аараамигаанам̣ аажигкат̇а ж̇аг̇г̇анад̇т̇ааяаа’’д̇и вад̇д̇аб̣б̣ам̣.
Goṇaṃ pana aññātakaappavāritaṭṭhānato āharāpetuṃ na vaṭṭati, āharāpentassa dukkaṭaṃ. Ñātipavāritaṭṭhānatopi mūlacchejjāya yācituṃ na vaṭṭati, tāvakālikanayena sabbattha vaṭṭati. Evaṃ āharāpitañca goṇaṃ rakkhitvā jaggitvā sāmikā paṭicchāpetabbā. Sacassa pādo vā siṅgaṃ vā bhijjati vā nassati vā sāmikā ce sampaṭicchanti, iccetaṃ kusalaṃ. No ce sampaṭicchanti, gīvā hoti. Sace ‘‘tumhākaṃyeva demā’’ti vadanti na sampaṭicchitabbaṃ. ‘‘Vihārassa demā’’ti vutte pana ‘‘ārāmikānaṃ ācikkhatha jagganatthāyā’’ti vattabbaṃ.
‘‘сагадам̣ д̣̇зт̇аа’’д̇иби ан̃н̃аад̇агааббаваарид̇з вад̇д̇ум̣ на ваддад̇и, вин̃н̃ад̇д̇изва ход̇и д̣̇уггадам̣ аабаж̇ж̇ад̇и. н̃аад̇ибаваарид̇адтаанз бана ваддад̇и, д̇аавагаалигам̣ ваддад̇и гаммам̣ гад̇ваа буна д̣̇аад̇аб̣б̣ам̣. сажз нзмияаад̣̇ийни бхиж̇ж̇анд̇и баагад̇игаани гад̇ваа д̣̇аад̇аб̣б̣ам̣. надтз г̇ийваа ход̇и. ‘‘д̇умхаагамзва д̣̇змаа’’д̇и вуд̇д̇з д̣̇аарубхан̣д̣ам̣ наама самбадижчид̇ум̣ ваддад̇и. зса наяо ваасипарасугутаарийгуд̣̇ааланикаад̣̇анзсу. валлиаад̣̇ийсу жа барабариг̇г̇ахид̇зсу. г̇арубхан̣д̣аббахонагзсуязва жа валлиаад̣̇ийсу вин̃н̃ад̇д̇и ход̇и, на д̇ад̇о орам̣.
‘‘Sakaṭaṃ dethā’’tipi aññātakaappavārite vattuṃ na vaṭṭati, viññattieva hoti dukkaṭaṃ āpajjati. Ñātipavāritaṭṭhāne pana vaṭṭati, tāvakālikaṃ vaṭṭati kammaṃ katvā puna dātabbaṃ. Sace nemiyādīni bhijjanti pākatikāni katvā dātabbaṃ. Naṭṭhe gīvā hoti. ‘‘Tumhākameva demā’’ti vutte dārubhaṇḍaṃ nāma sampaṭicchituṃ vaṭṭati. Esa nayo vāsipharasukuṭhārīkudālanikhādanesu. Valliādīsu ca parapariggahitesu. Garubhaṇḍappahonakesuyeva ca valliādīsu viññatti hoti, na tato oraṃ.
анаж̇жхаавуд̇т̇агам̣ бана яам̣гин̃жи аахараабзд̇ум̣ ваддад̇и. рагкид̇аг̇обид̇адтаанзязва хи вин̃н̃ад̇д̇и наама вужжад̇и. саа д̣̇вийсу бажжаязсу саб̣б̣зна саб̣б̣ам̣ на ваддад̇и, сзнаасанабажжаяз бана ‘‘аахара д̣̇зхий’’д̇и вин̃н̃ад̇д̇имад̇д̇амзва на ваддад̇и , баригат̇обхаасанимид̇д̇агаммаани вадданд̇и. д̇ад̇т̇а убосат̇ааг̇аарам̣ ваа бхож̇анасаалам̣ ваа ан̃н̃ам̣ ваа яам̣гин̃жи сзнаасанам̣ ижчад̇о ‘‘имасмим̣ вад̇а огаасз зваруубам̣ сзнаасанам̣ гаад̇ум̣ ваддад̇ий’’д̇и ваа ‘‘яуд̇д̇а’’нд̇и ваа ‘‘анурууба’’нд̇и ваад̇иаад̣̇инаа наязна важанам̣ баригат̇аа наама. ‘‘убаасагаа д̇умхз гухим̣ васат̇аа’’д̇и? ‘‘баасаад̣̇з, бханд̇з’’д̇и. ‘‘гим̣ бхигкуунам̣ бана убаасагаа баасаад̣̇о на ваддад̇ий’’д̇и звамаад̣̇иважанам̣ обхаасо наама. мануссз д̣̇исваа раж̇ж̇ум̣ басаарзд̇и, кийлз аагодаабзд̇и. ‘‘гим̣ ид̣̇ам̣, бханд̇з’’д̇и вуд̇д̇з ‘‘ид̇ха ааваасам̣ гариссаамаа’’д̇и звамаад̣̇игаран̣ам̣ бана нимид̇д̇агаммам̣ наама. г̇илаанабажжаяз бана вин̃н̃ад̇д̇иби ваддад̇и, баг̇зва баригат̇аад̣̇ийни.
Anajjhāvutthakaṃ pana yaṃkiñci āharāpetuṃ vaṭṭati. Rakkhitagopitaṭṭhāneyeva hi viññatti nāma vuccati. Sā dvīsu paccayesu sabbena sabbaṃ na vaṭṭati, senāsanapaccaye pana ‘‘āhara dehī’’ti viññattimattameva na vaṭṭati , parikathobhāsanimittakammāni vaṭṭanti. Tattha uposathāgāraṃ vā bhojanasālaṃ vā aññaṃ vā yaṃkiñci senāsanaṃ icchato ‘‘imasmiṃ vata okāse evarūpaṃ senāsanaṃ kātuṃ vaṭṭatī’’ti vā ‘‘yutta’’nti vā ‘‘anurūpa’’nti vātiādinā nayena vacanaṃ parikathā nāma. ‘‘Upāsakā tumhe kuhiṃ vasathā’’ti? ‘‘Pāsāde, bhante’’ti. ‘‘Kiṃ bhikkhūnaṃ pana upāsakā pāsādo na vaṭṭatī’’ti evamādivacanaṃ obhāso nāma. Manusse disvā rajjuṃ pasāreti, khīle ākoṭāpeti. ‘‘Kiṃ idaṃ, bhante’’ti vutte ‘‘idha āvāsaṃ karissāmā’’ti evamādikaraṇaṃ pana nimittakammaṃ nāma. Gilānapaccaye pana viññattipi vaṭṭati, pageva parikathādīni.
мануссаа убад̣̇д̣̇уд̇аа яаажанааяа убад̣̇д̣̇уд̇аа вин̃н̃ад̇д̇ияаад̇и д̇зсам̣ бхигкуунам̣ д̇ааяа яаажанааяа жа вин̃н̃ад̇д̇ияаа жа бийл̣ид̇аа. уб̣б̣иж̇ж̇анд̇ибийд̇и ‘‘гим̣ ну аахараабзссанд̇ий’’д̇и уб̣б̣зг̇ам̣ ин̃ж̇анам̣ жаланам̣ бадилабханд̇и. уд̇д̇асанд̇ибийд̇и ахим̣ вияа д̣̇исваа сахасаа д̇асид̇ваа уггаманд̇и. балааяанд̇ибийд̇и д̣̇уурад̇ова язна ваа д̇зна ваа балааяанд̇и. ан̃н̃знаби г̇ажчанд̇ийд̇и яам̣ маг̇г̇ам̣ бадибаннаа д̇ам̣ бахааяа нивад̇д̇ид̇ваа ваамам̣ ваа д̣̇агкин̣ам̣ ваа г̇ахзд̇ваа г̇ажчанд̇и, д̣̇ваарамби т̇агзнд̇и.
Manussā upaddutā yācanāya upaddutā viññattiyāti tesaṃ bhikkhūnaṃ tāya yācanāya ca viññattiyā ca pīḷitā. Ubbijjantipīti ‘‘kiṃ nu āharāpessantī’’ti ubbegaṃ iñjanaṃ calanaṃ paṭilabhanti. Uttasantipīti ahiṃ viya disvā sahasā tasitvā ukkamanti. Palāyantipīti dūratova yena vā tena vā palāyanti. Aññenapi gacchantīti yaṃ maggaṃ paṭipannā taṃ pahāya nivattitvā vāmaṃ vā dakkhiṇaṃ vā gahetvā gacchanti, dvārampi thakenti.
344. бхууд̇абуб̣б̣ам̣ бхигкавзд̇и ид̇и бхаг̇аваа д̇з бхигкуу г̇арахид̇ваа д̇ад̣̇ануруубан̃жа д̇хаммим̣ гат̇ам̣ гад̇ваа бунаби вин̃н̃ад̇д̇ияаа д̣̇осам̣ баагадам̣ гурумаано иминаа ‘‘бхууд̇абуб̣б̣ам̣ бхигкавз’’д̇иаад̣̇инаа наязна д̇ийн̣и вад̇т̇ууни д̣̇ассзси. д̇ад̇т̇а ман̣иган̣тод̇и со гира нааг̇арааж̇аа саб̣б̣агаамад̣̇ад̣̇ам̣ махаг̇гхам̣ ман̣им̣ ган̣тз биланд̇хид̇ваа жарад̇и, д̇асмаа ‘‘ман̣иган̣то’’ д̇взва бан̃н̃ааяид̇т̇а. убаримуд̣̇д̇хани маханд̇ам̣ пан̣ам̣ гарид̇ваа адтаасийд̇и со гира д̇зсам̣ д̣̇виннам̣ исийнам̣ ганидто иси мзд̇д̇аавихаарий ахоси, д̇асмаа нааг̇арааж̇аа над̣̇ид̇о уд̇д̇арид̇ваа д̣̇зваван̣н̣ам̣ нимминид̇ваа д̇асса санд̇игз нисийд̣̇ид̇ваа саммод̣̇анийяам̣ гат̇ам̣ гад̇ваа д̇ам̣ д̣̇зваван̣н̣ам̣ бахааяа сагаван̣н̣амзва убаг̇анд̇ваа д̇ам̣ исим̣ баригкибид̇ваа басаннаагаарам̣ гаронд̇о убаримуд̣̇д̇хани маханд̇ам̣ пан̣ам̣ гарид̇ваа чад̇д̇ам̣ вияа д̇хаараяамаано мухуд̇д̇ам̣ тад̇ваа баггамад̇и, д̇зна вуд̇д̇ам̣ ‘‘убаримуд̣̇д̇хани маханд̇ам̣ пан̣ам̣ гарид̇ваа адтаасий’’д̇и. ман̣имасса ган̣тз биланд̇хананд̇и ман̣им̣ асса ган̣тз биланд̇хид̇ам̣, аамугганд̇и ад̇т̇о. згаманд̇ам̣ адтаасийд̇и д̇зна д̣̇зваван̣н̣зна ааг̇анд̇ваа д̇аабасзна сад̣̇д̇хим̣ саммод̣̇амаано згасмим̣ бад̣̇зсз адтааси.
344.Bhūtapubbaṃ bhikkhaveti iti bhagavā te bhikkhū garahitvā tadanurūpañca dhammiṃ kathaṃ katvā punapi viññattiyā dosaṃ pākaṭaṃ kurumāno iminā ‘‘bhūtapubbaṃ bhikkhave’’tiādinā nayena tīṇi vatthūni dassesi. Tattha maṇikaṇṭhoti so kira nāgarājā sabbakāmadadaṃ mahagghaṃ maṇiṃ kaṇṭhe pilandhitvā carati, tasmā ‘‘maṇikaṇṭho’’ tveva paññāyittha. Uparimuddhani mahantaṃ phaṇaṃ karitvā aṭṭhāsīti so kira tesaṃ dvinnaṃ isīnaṃ kaniṭṭho isi mettāvihārī ahosi, tasmā nāgarājā nadito uttaritvā devavaṇṇaṃ nimminitvā tassa santike nisīditvā sammodanīyaṃ kathaṃ katvā taṃ devavaṇṇaṃ pahāya sakavaṇṇameva upagantvā taṃ isiṃ parikkhipitvā pasannākāraṃ karonto uparimuddhani mahantaṃ phaṇaṃ karitvā chattaṃ viya dhārayamāno muhuttaṃ ṭhatvā pakkamati, tena vuttaṃ ‘‘uparimuddhani mahantaṃ phaṇaṃ karitvā aṭṭhāsī’’ti. Maṇimassa kaṇṭhe pilandhananti maṇiṃ assa kaṇṭhe pilandhitaṃ, āmukkanti attho. Ekamantaṃ aṭṭhāsīti tena devavaṇṇena āgantvā tāpasena saddhiṃ sammodamāno ekasmiṃ padese aṭṭhāsi.
маманнабаананд̇и мама аннан̃жа баанан̃жа. вибуланд̇и б̣ахулам̣. ул̣ааранд̇и бан̣ийд̇ам̣ . ад̇ияаажагосийд̇и ад̇ивияа яаажаго, аси бунаббунам̣ яаажасийд̇и вуд̇д̇ам̣ ход̇и. сусууд̇и д̇арун̣о, т̇аамасамбанно яоб̣б̣анаббад̇д̇абурисо. сагкараа вужжад̇и гаал̣асилаа, д̇ад̇т̇а д̇ход̇о аси ‘‘сагкарад̇ход̇о наамаа’’д̇и вужжад̇и, сагкарад̇ход̇о баан̣имхи ассаад̇и сагкарад̇ход̇абаан̣и, баасаан̣з д̇ход̇анисид̇акаг̇г̇ахад̇т̇од̇и ад̇т̇о. яат̇аа со асихад̇т̇о бурисо д̇аасзяяа, звам̣ д̇аасзси мам̣ сзлам̣ яаажамаано, ман̣им̣ яаажанд̇од̇и ад̇т̇о.
Mamannapānanti mama annañca pānañca. Vipulanti bahulaṃ. Uḷāranti paṇītaṃ . Atiyācakosīti ativiya yācako, asi punappunaṃ yācasīti vuttaṃ hoti. Susūti taruṇo, thāmasampanno yobbanappattapuriso. Sakkharā vuccati kāḷasilā, tattha dhoto asi ‘‘sakkharadhoto nāmā’’ti vuccati, sakkharadhoto pāṇimhi assāti sakkharadhotapāṇi, pāsāṇe dhotanisitakhaggahatthoti attho. Yathā so asihattho puriso tāseyya, evaṃ tāsesi maṃ selaṃ yācamāno, maṇiṃ yācantoti attho.
на д̇ам̣ яаажзд̇и д̇ам̣ на яаажзяяа. гад̇арам̣? яасса бияам̣ ж̇иг̇ийсзд̇и яам̣ асса сад̇д̇асса бияанд̇и ж̇аанзяяа.
Na taṃ yāceti taṃ na yāceyya. Kataraṃ? Yassa piyaṃ jigīseti yaṃ assa sattassa piyanti jāneyya.
гиман̇г̇ам̣ бана мануссабхууд̇аананд̇и мануссабхууд̇аанам̣ аманаабаад̇и гимзвзд̇т̇а вад̇д̇аб̣б̣ам̣.
Kimaṅgaṃ pana manussabhūtānanti manussabhūtānaṃ amanāpāti kimevettha vattabbaṃ.
345. сагун̣асан̇гхасса сад̣̇д̣̇зна уб̣б̣аал̣ход̇и со гира сагун̣асан̇гхо батамаяааман̃жа бажчимаяааман̃жа ниранд̇арам̣ сад̣̇д̣̇амзва гарод̇и, со бхигку д̇зна сад̣̇д̣̇зна бийл̣ид̇о худ̇ваа бхаг̇авад̇о санд̇игам̣ аг̇амааси. д̇знааха – ‘‘язнаахам̣ д̇знубасан̇гамий’’д̇и.
345.Sakuṇasaṅghassa saddena ubbāḷhoti so kira sakuṇasaṅgho paṭhamayāmañca pacchimayāmañca nirantaraṃ saddameva karoti, so bhikkhu tena saddena pīḷito hutvā bhagavato santikaṃ agamāsi. Tenāha – ‘‘yenāhaṃ tenupasaṅkamī’’ti.
гуд̇о жа д̇вам̣ бхигку ааг̇ажчасийд̇и зд̇т̇а нисинно со бхигку на ааг̇ажчад̇и вад̇д̇амаанасамийбз бана звам̣ вад̇д̇ум̣ лаб̣бхад̇и. д̇знааха – ‘‘гуд̇о жа д̇вам̣ бхигку ааг̇ажчасий’’д̇и, гуд̇о ааг̇ад̇осийд̇и ад̇т̇о. д̇ад̇о ахам̣ бхаг̇аваа ааг̇ажчаамийд̇и зд̇т̇ааби со зва наяо. уб̣б̣аал̣ход̇и бийл̣ид̇о, угган̣таабид̇о худ̇ваад̇и ад̇т̇о.
Kuto ca tvaṃ bhikkhu āgacchasīti ettha nisinno so bhikkhu na āgacchati vattamānasamīpe pana evaṃ vattuṃ labbhati. Tenāha – ‘‘kuto ca tvaṃ bhikkhu āgacchasī’’ti, kuto āgatosīti attho. Tato ahaṃ bhagavā āgacchāmīti etthāpi so eva nayo. Ubbāḷhoti pīḷito, ukkaṇṭhāpito hutvāti attho.
со сагун̣асан̇гхо ‘‘бхигку бад̇д̇ам̣ яаажад̇ий’’д̇и зд̇т̇а на д̇з сагун̣аа бхигкуно важанам̣ ж̇аананд̇и, бхаг̇аваа бана ад̇д̇ано аанубхаавзна яат̇аа ж̇аананд̇и д̇ат̇аа агааси.
So sakuṇasaṅgho ‘‘bhikkhu pattaṃ yācatī’’ti ettha na te sakuṇā bhikkhuno vacanaṃ jānanti, bhagavā pana attano ānubhāvena yathā jānanti tathā akāsi.
346. абаахам̣ д̇з на ж̇аанаамийд̇и аби ахам̣ д̇з ж̇анз ‘‘гз ваа имз, гасса ваа имз’’д̇и на ж̇аанаами. сан̇г̇амма яаажанд̇ийд̇и самааг̇анд̇ваа ваг̇г̇аваг̇г̇аа худ̇ваа яаажанд̇и. яаажаго аббияо ход̇ийд̇и яо яаажад̇и со аббияо ход̇и. яаажам̣ ад̣̇ад̣̇амаббияод̇и яаажанд̇и яаажид̇ам̣ вужжад̇и, яаажид̇амад̇т̇ам̣ ад̣̇ад̣̇анд̇оби аббияо ход̇и. ат̇а ваа яаажанд̇и яаажанд̇асса, ад̣̇ад̣̇амаббияод̇и ад̣̇знд̇о аббияо ход̇и. маа мз вид̣̇зссанаа ахууд̇и маа мз аббияабхааво аху, ахам̣ ваа д̇ава, д̇вам̣ ваа мама вид̣̇зссо аббияо маа ахосийд̇и ад̇т̇о.
346.Apāhaṃ te na jānāmīti api ahaṃ te jane ‘‘ke vā ime, kassa vā ime’’ti na jānāmi. Saṅgamma yācantīti samāgantvā vaggavaggā hutvā yācanti. Yācako appiyo hotīti yo yācati so appiyo hoti. Yācaṃ adadamappiyoti yācanti yācitaṃ vuccati, yācitamatthaṃ adadantopi appiyo hoti. Atha vā yācanti yācantassa, adadamappiyoti adento appiyo hoti. Mā me videssanā ahūti mā me appiyabhāvo ahu, ahaṃ vā tava, tvaṃ vā mama videsso appiyo mā ahosīti attho.
347. д̣̇уссам̣хараанийд̇и гасиг̇орагкаад̣̇ийхи убааязхи д̣̇угкзна сам̣харан̣ийяаани.
347.Dussaṃharānīti kasigorakkhādīhi upāyehi dukkhena saṃharaṇīyāni.
348-9. сан̃н̃аажигааяа бана бхигкунаад̇и зд̇т̇а сан̃н̃аажигаа наама саяам̣ бавад̇д̇ид̇аяаажанаа вужжад̇и, д̇асмаа ‘‘сан̃н̃аажигааяаа’’д̇и ад̇д̇ано яаажанааяаад̇и вуд̇д̇ам̣ ход̇и, саяам̣ яаажид̇агзхи убагаран̣зхийд̇и ад̇т̇о. яасмаа бана саа саяам̣яаажид̇агзхи гаяирамаанаа саяам̣ яаажид̇ваа гаяирамаанаа ход̇и, д̇асмаа д̇ам̣ ад̇т̇абарияааяам̣ д̣̇ассзд̇ум̣ ‘‘саяам̣ яаажид̇ваа бурисамбий’’д̇и звамасса бад̣̇абхааж̇анам̣ вуд̇д̇ам̣.
348-9.Saññācikāya pana bhikkhunāti ettha saññācikā nāma sayaṃ pavattitayācanā vuccati, tasmā ‘‘saññācikāyā’’ti attano yācanāyāti vuttaṃ hoti, sayaṃ yācitakehi upakaraṇehīti attho. Yasmā pana sā sayaṃyācitakehi kayiramānā sayaṃ yācitvā kayiramānā hoti, tasmā taṃ atthapariyāyaṃ dassetuṃ ‘‘sayaṃ yācitvā purisampī’’ti evamassa padabhājanaṃ vuttaṃ.
уллид̇д̇аад̇и анд̇олид̇д̇аа. авалид̇д̇аад̇и б̣ахилид̇д̇аа. уллид̇д̇аавалид̇д̇аад̇и анд̇араб̣аахиралид̇д̇аад̇и вуд̇д̇ам̣ ход̇и.
Ullittāti antolittā. Avalittāti bahilittā. Ullittāvalittāti antarabāhiralittāti vuttaṃ hoti.
гаараяамаанзнаад̇и имасса бад̣̇абхааж̇анз ‘‘гаараабзнд̇знаа’’д̇и зд̇д̇агамзва вад̇д̇аб̣б̣ам̣ сияаа, зван̃хи б̣яан̃ж̇анам̣ самзд̇и. яасмаа бана сан̃н̃аажигааяа гудим̣ гаронд̇знааби ид̇ха вуд̇д̇анаязнзва бадибаж̇ж̇ид̇аб̣б̣ам̣, д̇асмаа гаронд̇о ваа ход̇у гаараабзнд̇о ваа убхобзд̇з ‘‘гаараяамаанзнаа’’д̇и иминаава бад̣̇зна сан̇г̇ахид̇аад̇и зд̇амад̇т̇ам̣ д̣̇ассзд̇ум̣ ‘‘гаронд̇о ваа гаараабзнд̇о ваа’’д̇и вуд̇д̇ам̣. яад̣̇и бана гаронд̇зна ваа гаараабзнд̇зна ваад̇и вад̣̇зяяа, б̣яан̃ж̇анам̣ виломид̇ам̣ бхавзяяа, на хи гаараабзнд̇о гаронд̇о наама ход̇и, д̇асмаа ад̇т̇амад̇д̇амзвзд̇т̇а д̣̇ассид̇анд̇и взд̣̇ид̇аб̣б̣ам̣.
Kārayamānenāti imassa padabhājane ‘‘kārāpentenā’’ti ettakameva vattabbaṃ siyā, evañhi byañjanaṃ sameti. Yasmā pana saññācikāya kuṭiṃ karontenāpi idha vuttanayeneva paṭipajjitabbaṃ, tasmā karonto vā hotu kārāpento vā ubhopete ‘‘kārayamānenā’’ti imināva padena saṅgahitāti etamatthaṃ dassetuṃ ‘‘karonto vā kārāpento vā’’ti vuttaṃ. Yadi pana karontena vā kārāpentena vāti vadeyya, byañjanaṃ vilomitaṃ bhaveyya, na hi kārāpento karonto nāma hoti, tasmā atthamattamevettha dassitanti veditabbaṃ.
ад̇д̇уд̣̇д̣̇зсанд̇и ‘‘маяхам̣ зсаа’’д̇и звам̣ ад̇д̇аа уд̣̇д̣̇зсо ассаад̇и ад̇д̇уд̣̇д̣̇зсаа, д̇ам̣ ад̇д̇уд̣̇д̣̇зсам̣. яасмаа бана яассаа ад̇д̇аа уд̣̇д̣̇зсо саа ад̇д̇ано ад̇т̇ааяа ход̇и, д̇асмаа ад̇т̇абарияааяам̣ д̣̇ассзнд̇о ‘‘ад̇д̇уд̣̇д̣̇зсанд̇и ад̇д̇ано ад̇т̇ааяаа’’д̇и ааха. бамаан̣игаа гаарзд̇аб̣б̣аад̇и бамаан̣аяуд̇д̇аа гаарзд̇аб̣б̣аа. д̇ад̇рид̣̇ам̣ бамаан̣анд̇и д̇ассаа гудияаа ид̣̇ам̣ бамаан̣ам̣. суг̇ад̇авид̣̇ад̇т̇ияаад̇и суг̇ад̇авид̣̇ад̇т̇и наама ид̣̇аани маж̇жхимасса бурисасса д̇иссо вид̣̇ад̇т̇ияо вад̣дхагийхад̇т̇зна д̣̇ияад̣дхо хад̇т̇о ход̇и. б̣аахиримзна маанзнаад̇и гудияаа б̣ахигуддамаанзна д̣̇ваад̣̇аса вид̣̇ад̇т̇ияо, минанд̇зна бана саб̣б̣абатамам̣ д̣̇инно махаамад̇д̇игабарияанд̇о на г̇ахзд̇аб̣б̣о. т̇усабин̣д̣абарияанд̇зна минид̇аб̣б̣ам̣. т̇усабин̣д̣ассаубари сзд̇агаммам̣ аб̣б̣охааригам̣. сажз т̇усабин̣д̣зна анад̇т̇иго махаамад̇д̇игааяа зва нидтаабзд̇и, махаамад̇д̇игаава барижчзд̣̇о.
Attuddesanti ‘‘mayhaṃ esā’’ti evaṃ attā uddeso assāti attuddesā, taṃ attuddesaṃ. Yasmā pana yassā attā uddeso sā attano atthāya hoti, tasmā atthapariyāyaṃ dassento ‘‘attuddesanti attano atthāyā’’ti āha. Pamāṇikā kāretabbāti pamāṇayuttā kāretabbā. Tatridaṃ pamāṇanti tassā kuṭiyā idaṃ pamāṇaṃ. Sugatavidatthiyāti sugatavidatthi nāma idāni majjhimassa purisassa tisso vidatthiyo vaḍḍhakīhatthena diyaḍḍho hattho hoti. Bāhirimena mānenāti kuṭiyā bahikuṭṭamānena dvādasa vidatthiyo, minantena pana sabbapaṭhamaṃ dinno mahāmattikapariyanto na gahetabbo. Thusapiṇḍapariyantena minitabbaṃ. Thusapiṇḍassaupari setakammaṃ abbohārikaṃ. Sace thusapiṇḍena anatthiko mahāmattikāya eva niṭṭhāpeti, mahāmattikāva paricchedo.
д̇ирияанд̇и вид̇т̇аарад̇о. сад̇д̇аад̇и сад̇д̇а суг̇ад̇авид̣̇ад̇т̇ияо. анд̇араад̇и имасса бана аяам̣ нид̣̇д̣̇зсо , ‘‘аб̣бханд̇аримзна маанзнаа’’д̇и, гуддасса б̣ахи анд̇ам̣ аг̇г̇ахзд̇ваа аб̣бханд̇аримзна анд̇зна минияамаанз д̇ирияам̣ сад̇д̇а суг̇ад̇авид̣̇ад̇т̇ияо бамаан̣анд̇и вуд̇д̇ам̣ ход̇и.
Tiriyanti vitthārato. Sattāti satta sugatavidatthiyo. Antarāti imassa pana ayaṃ niddeso , ‘‘abbhantarimena mānenā’’ti, kuṭṭassa bahi antaṃ aggahetvā abbhantarimena antena miniyamāne tiriyaṃ satta sugatavidatthiyo pamāṇanti vuttaṃ hoti.
яо бана лзсам̣ од̣д̣знд̇о яат̇аавуд̇д̇аббамаан̣амзва гариссаамийд̇и д̣̇ийгхад̇о згаад̣̇аса вид̣̇ад̇т̇ияо д̇ирияам̣ адта вид̣̇ад̇т̇ияо, д̣̇ийгхад̇о ваа д̇зраса вид̣̇ад̇т̇ияо д̇ирияам̣ ча вид̣̇ад̇т̇ияо гарзяяа, на ваддад̇и. згад̇обхааг̇зна ад̇игганд̇амби хи бамаан̣ам̣ ад̇игганд̇амзва ход̇и. д̇идтад̇у вид̣̇ад̇т̇и, гзсаг̇г̇амад̇д̇амби д̣̇ийгхад̇о ваа хаабзд̇ваа д̇ирияам̣ д̇ирияад̇о ваа хаабзд̇ваа д̣̇ийгхам̣ вад̣дхзд̇ум̣ на ваддад̇и, го бана ваад̣̇о убхад̇о вад̣дханз? вуд̇д̇ан̃хзд̇ам̣ – ‘‘ааяаамад̇о ваа вид̇т̇аарад̇о ваа анд̇амасо гзсаг̇г̇амад̇д̇амби ад̇иггамид̇ваа гарод̇и ваа гаараабзд̇и ваа баяог̇з д̣̇уггада’’нд̇иаад̣̇и (баараа. 353). яат̇аавуд̇д̇аббамаан̣аа зва бана ваддад̇и. яаа бана д̣̇ийгхад̇о садтихад̇т̇ааби ход̇и д̇ирияам̣ д̇ихад̇т̇аа ваа уунагажад̇ухад̇т̇аа ваа яад̇т̇а бамаан̣аяуд̇д̇о ман̃жо ид̇о жид̇о жа на баривад̇д̇ад̇и, аяам̣ гудийд̇и сан̇кяам̣ на г̇ажчад̇и, д̇асмаа аяамби ваддад̇и. махаабажжарияам̣ бана бажчимагодияаа жад̇ухад̇т̇авид̇т̇аараа вуд̇д̇аа, д̇ад̇о хздтаа агуди. бамаан̣игааби бана ад̣̇зсид̇авад̇т̇угаа ваа саарамбхаа ваа абариггаманаа ваа на ваддад̇и. бамаан̣игаа д̣̇зсид̇авад̇т̇угаа анаарамбхаа сабариггаманаава ваддад̇и. бамаан̣ад̇о уунад̇арамби жад̇ухад̇т̇ам̣ бан̃жахад̇т̇амби гаронд̇зна д̣̇зсид̇авад̇т̇угаава гаарзд̇аб̣б̣аа. бамаан̣аад̇игганд̇ан̃жа бана гаронд̇о лзбабарияосаанз г̇аругам̣ аабад̇д̇им̣ аабаж̇ж̇ад̇и.
Yo pana lesaṃ oḍḍento yathāvuttappamāṇameva karissāmīti dīghato ekādasa vidatthiyo tiriyaṃ aṭṭha vidatthiyo, dīghato vā terasa vidatthiyo tiriyaṃ cha vidatthiyo kareyya, na vaṭṭati. Ekatobhāgena atikkantampi hi pamāṇaṃ atikkantameva hoti. Tiṭṭhatu vidatthi, kesaggamattampi dīghato vā hāpetvā tiriyaṃ tiriyato vā hāpetvā dīghaṃ vaḍḍhetuṃ na vaṭṭati, ko pana vādo ubhato vaḍḍhane? Vuttañhetaṃ – ‘‘āyāmato vā vitthārato vā antamaso kesaggamattampi atikkamitvā karoti vā kārāpeti vā payoge dukkaṭa’’ntiādi (pārā. 353). Yathāvuttappamāṇā eva pana vaṭṭati. Yā pana dīghato saṭṭhihatthāpi hoti tiriyaṃ tihatthā vā ūnakacatuhatthā vā yattha pamāṇayutto mañco ito cito ca na parivattati, ayaṃ kuṭīti saṅkhyaṃ na gacchati, tasmā ayampi vaṭṭati. Mahāpaccariyaṃ pana pacchimakoṭiyā catuhatthavitthārā vuttā, tato heṭṭhā akuṭi. Pamāṇikāpi pana adesitavatthukā vā sārambhā vā aparikkamanā vā na vaṭṭati. Pamāṇikā desitavatthukā anārambhā saparikkamanāva vaṭṭati. Pamāṇato ūnatarampi catuhatthaṃ pañcahatthampi karontena desitavatthukāva kāretabbā. Pamāṇātikkantañca pana karonto lepapariyosāne garukaṃ āpattiṃ āpajjati.
д̇ад̇т̇а лзбо жа алзбо жа лзбогаасо жа алзбогаасо жа взд̣̇ид̇аб̣б̣о. сзяяат̇ид̣̇ам̣ – лзбод̇и д̣̇вз лзбаа – мад̇д̇игаалзбо жа суд̇хаалзбо жа. табзд̇ваа бана имз д̣̇вз лзбз авасзсо бхасмаг̇омаяаад̣̇ибхзд̣̇о лзбо, алзбо. сажзби галалалзбо ход̇и, алабо зва. лзбогаасод̇и бхид̇д̇ияо жзва чад̣̇анан̃жа, табзд̇ваа бана бхид̇д̇ижчад̣̇анз авасзсо т̇амбхад̇улаабидтасан̇гхаадаваад̇абаанад̇хуумажчид̣̇д̣̇аад̣̇и алзбаарахо огаасо саб̣б̣оби алзбогаасод̇и взд̣̇ид̇аб̣б̣о.
Tattha lepo ca alepo ca lepokāso ca alepokāso ca veditabbo. Seyyathidaṃ – lepoti dve lepā – mattikālepo ca sudhālepo ca. Ṭhapetvā pana ime dve lepe avaseso bhasmagomayādibhedo lepo, alepo. Sacepi kalalalepo hoti, alapo eva. Lepokāsoti bhittiyo ceva chadanañca, ṭhapetvā pana bhitticchadane avaseso thambhatulāpiṭṭhasaṅghāṭavātapānadhūmacchiddādi alepāraho okāso sabbopi alepokāsoti veditabbo.
бхигкуу абхинзд̇аб̣б̣аа вад̇т̇уд̣̇зсанааяаад̇и яасмим̣ таанз гудим̣ гаарзд̇угаамо ход̇и, д̇ад̇т̇а вад̇т̇уд̣̇зсанад̇т̇ааяа бхигкуу нзд̇аб̣б̣аа. д̇зна гудигаарагзнаад̇иаад̣̇и бана язна вид̇хинаа д̇з бхигкуу абхинзд̇аб̣б̣аа, д̇асса д̣̇ассанад̇т̇ам̣ вуд̇д̇ам̣. д̇ад̇т̇а гудивад̇т̇ум̣ сод̇хзд̇ваад̇и на висамам̣ аран̃н̃ам̣ бхигкуу г̇ахзд̇ваа г̇анд̇аб̣б̣ам̣ , гудивад̇т̇ум̣ бана батамамзва сод̇хзд̇ваа самад̇алам̣ сиймаман̣д̣аласад̣̇исам̣ гад̇ваа бажчаа сан̇гхам̣ убасан̇гамид̇ваа яаажид̇ваа нзд̇аб̣б̣аад̇и д̣̇ассзд̇и. звамасса важанийяод̇и сан̇гхо звам̣ вад̇д̇аб̣б̣о асса. барад̇о бана ‘‘д̣̇уд̇ияамби яаажид̇аб̣б̣аа’’д̇и бхигкуу санд̇хааяа б̣ахуважанам̣ вуд̇д̇ам̣. но жз саб̣б̣о сан̇гхо уссахад̇ийд̇и сажз саб̣б̣о сан̇гхо на ижчад̇и, саж̇жхааяаманасигаараад̣̇ийсу уяяуд̇д̇аа д̇з д̇з бхигкуу хонд̇и. саарамбхам̣ анаарамбханд̇и саубад̣̇д̣̇авам̣ анубад̣̇д̣̇авам̣. сабариггаманам̣ абариггамананд̇и саубажаарам̣ анубажаарам̣.
Bhikkhū abhinetabbā vatthudesanāyāti yasmiṃ ṭhāne kuṭiṃ kāretukāmo hoti, tattha vatthudesanatthāya bhikkhū netabbā. Tena kuṭikārakenātiādi pana yena vidhinā te bhikkhū abhinetabbā, tassa dassanatthaṃ vuttaṃ. Tattha kuṭivatthuṃ sodhetvāti na visamaṃ araññaṃ bhikkhū gahetvā gantabbaṃ , kuṭivatthuṃ pana paṭhamameva sodhetvā samatalaṃ sīmamaṇḍalasadisaṃ katvā pacchā saṅghaṃ upasaṅkamitvā yācitvā netabbāti dasseti. Evamassa vacanīyoti saṅgho evaṃ vattabbo assa. Parato pana ‘‘dutiyampi yācitabbā’’ti bhikkhū sandhāya bahuvacanaṃ vuttaṃ. No ce sabbo saṅgho ussahatīti sace sabbo saṅgho na icchati, sajjhāyamanasikārādīsu uyyuttā te te bhikkhū honti. Sārambhaṃ anārambhanti saupaddavaṃ anupaddavaṃ. Saparikkamanaṃ aparikkamananti saupacāraṃ anupacāraṃ.
бад̇д̇агалланд̇и бад̇д̇о гаало имасса ологанассаад̇и бад̇д̇агаалам̣, бад̇д̇агааламзва бад̇д̇агаллам̣. ид̣̇ан̃жа вад̇т̇ум̣ологанад̇т̇ааяа саммуд̇игаммам̣ анусааванаанаязна ологзд̇вааби гаад̇ум̣ ваддад̇и. барад̇о бана вад̇т̇уд̣̇зсанаагаммам̣ яат̇аавуд̇д̇ааяа зва н̃ад̇д̇ияаа жа анусааванааяа жа гаад̇аб̣б̣ам̣, ологзд̇ваа гаад̇ум̣ на ваддад̇и.
Pattakallanti patto kālo imassa olokanassāti pattakālaṃ, pattakālameva pattakallaṃ. Idañca vatthuṃolokanatthāya sammutikammaṃ anusāvanānayena oloketvāpi kātuṃ vaṭṭati. Parato pana vatthudesanākammaṃ yathāvuttāya eva ñattiyā ca anusāvanāya ca kātabbaṃ, oloketvā kātuṃ na vaṭṭati.
353. гибиллигаананд̇и рад̇д̇агаал̣абин̇г̇алаад̣̇ибхзд̣̇аанам̣ яаасам̣ гаасан̃жи гибиллигаанам̣. гибийллагаананд̇иби баато. аасаяод̇и ниб̣ад̣̇д̇хавасанадтаанам̣, яат̇аа жа гибиллигаанам̣ звам̣ убажигаад̣̇ийнамби ниб̣ад̣̇д̇хавасанадтаанам̣язва аасаяо взд̣̇ид̇аб̣б̣о. яад̇т̇а бана д̇з г̇ожарад̇т̇ааяа ааг̇анд̇ваа г̇ажчанд̇и, саб̣б̣зсамби д̇аад̣̇исо сан̃жаран̣аббад̣̇зсо аваарид̇о, д̇асмаа д̇ад̇т̇а абанзд̇ваа сод̇хзд̇ваа гаад̇ум̣ ваддад̇и. имаани д̇аава ча таанаанисад̇д̇аануд̣̇д̣̇аяааяа бадигкид̇д̇аани.
353.Kipillikānanti rattakāḷapiṅgalādibhedānaṃ yāsaṃ kāsañci kipillikānaṃ. Kipīllakānantipi pāṭho. Āsayoti nibaddhavasanaṭṭhānaṃ, yathā ca kipillikānaṃ evaṃ upacikādīnampi nibaddhavasanaṭṭhānaṃyeva āsayo veditabbo. Yattha pana te gocaratthāya āgantvā gacchanti, sabbesampi tādiso sañcaraṇappadeso avārito, tasmā tattha apanetvā sodhetvā kātuṃ vaṭṭati. Imāni tāva cha ṭhānānisattānuddayāya paṭikkhittāni.
хад̇т̇ийнам̣ ваад̇и хад̇т̇ийнам̣ бана ниб̣ад̣̇д̇хавасанадтаанамби ниб̣ад̣̇д̇хаг̇ожарадтаанамби на ваддад̇и, сийхаад̣̇ийнам̣ аасаяо жа г̇ожарааяа баггаманд̇аанам̣ ниб̣ад̣̇д̇хаг̇аманамаг̇г̇о жа на ваддад̇и. зд̇зсам̣ г̇ожарабхууми на г̇ахид̇аа. язсам̣ гзсан̃жийд̇и ан̃н̃зсамби ваал̣аанам̣ д̇иражчаанаг̇ад̇аанам̣ . имаани сад̇д̇а таанаани саббадибхаяаани бхигкуунам̣ аарог̇яад̇т̇ааяа бадигкид̇д̇аани. сзсаани наанааубад̣̇д̣̇авзхи саубад̣̇д̣̇аваани. д̇ад̇т̇а буб̣б̣ан̣н̣аниссид̇анд̇и буб̣б̣ан̣н̣ам̣ ниссид̇ам̣ сад̇д̇аннам̣ д̇хан̃н̃аанам̣ вируханагакзд̇д̇асааманд̇аа тид̇ам̣. зсзва наяо абаран̣н̣аниссид̇аад̣̇ийсуби. зд̇т̇а бана аб̣бхаагхаад̇анд̇и гааран̣аагхарам̣ взригхарам̣, жораанам̣ мааран̣ад̇т̇ааяа гад̇анд̇и гурунд̣̇иаад̣̇ийсу.
Hatthīnaṃ vāti hatthīnaṃ pana nibaddhavasanaṭṭhānampi nibaddhagocaraṭṭhānampi na vaṭṭati, sīhādīnaṃ āsayo ca gocarāya pakkamantānaṃ nibaddhagamanamaggo ca na vaṭṭati. Etesaṃ gocarabhūmi na gahitā. Yesaṃ kesañcīti aññesampi vāḷānaṃ tiracchānagatānaṃ . Imāni satta ṭhānāni sappaṭibhayāni bhikkhūnaṃ ārogyatthāya paṭikkhittāni. Sesāni nānāupaddavehi saupaddavāni. Tattha pubbaṇṇanissitanti pubbaṇṇaṃ nissitaṃ sattannaṃ dhaññānaṃ viruhanakakhettasāmantā ṭhitaṃ. Eseva nayo aparaṇṇanissitādīsupi. Ettha pana abbhāghātanti kāraṇāgharaṃ verigharaṃ, corānaṃ māraṇatthāya katanti kurundiādīsu.
аагхаад̇ананд̇и д̇хаммаг̇анд̇хигаа вужжад̇и. сусаананд̇и махаасусаанам̣. сам̣саран̣анд̇и аниб̣б̣иж̇жхаг̇аманийяо г̇ад̇абажжааг̇ад̇амаг̇г̇о вужжад̇и. сзсам̣ уд̇д̇аанамзва.
Āghātananti dhammagandhikā vuccati. Susānanti mahāsusānaṃ. Saṃsaraṇanti anibbijjhagamanīyo gatapaccāgatamaggo vuccati. Sesaṃ uttānameva.
на саггаа ход̇и яат̇ааяуд̇д̇зна сагадзнаад̇и д̣̇вийхи б̣алиб̣ад̣̇д̣̇зхи яуд̇д̇зна сагадзна згам̣ жаггам̣ ниб̣б̣од̣̇агабад̇анадтаанз згам̣ б̣ахи гад̇ваа аавиж̇ж̇ид̇ум̣ на саггаа ход̇и. гурунд̣̇ияам̣ бана ‘‘жад̇уухи яуд̇д̇знаа’’д̇и вуд̇д̇ам̣. саманд̇аа ниссзн̣ияаа анубариг̇анд̇унд̇и ниссзн̣ияам̣ тад̇ваа г̇зхам̣ чаад̣̇знд̇зхи на саггаа ход̇и саманд̇аа ниссзн̣ияаа аавиж̇ж̇ид̇ум̣. ид̇и зваруубз саарамбхз жа абариггаманз жа таанз на гаарзд̇аб̣б̣аа. анаарамбхз бана сабариггаманз гаарзд̇аб̣б̣аа, д̇ам̣ вуд̇д̇абадибагканаязна баал̣ияам̣ ааг̇ад̇амзва.
Na sakkā hoti yathāyuttena sakaṭenāti dvīhi balibaddehi yuttena sakaṭena ekaṃ cakkaṃ nibbodakapatanaṭṭhāne ekaṃ bahi katvā āvijjituṃ na sakkā hoti. Kurundiyaṃ pana ‘‘catūhi yuttenā’’ti vuttaṃ. Samantā nisseṇiyā anuparigantunti nisseṇiyaṃ ṭhatvā gehaṃ chādentehi na sakkā hoti samantā nisseṇiyā āvijjituṃ. Iti evarūpe sārambhe ca aparikkamane ca ṭhāne na kāretabbā. Anārambhe pana saparikkamane kāretabbā, taṃ vuttapaṭipakkhanayena pāḷiyaṃ āgatameva.
буна сан̃н̃аажигаа наамаад̇и звамаад̣̇и ‘‘саарамбхз жз бхигку вад̇т̇усмим̣ абариггаманз сан̃н̃аажигааяа гудим̣ гаарзяяаа’’д̇и звам̣ вуд̇д̇асам̣яаажигаад̣̇ийнам̣ ад̇т̇аббагаасанад̇т̇ам̣ вуд̇д̇ам̣.
Puna saññācikā nāmāti evamādi ‘‘sārambhe ce bhikkhu vatthusmiṃ aparikkamane saññācikāya kuṭiṃ kāreyyā’’ti evaṃ vuttasaṃyācikādīnaṃ atthappakāsanatthaṃ vuttaṃ.
баяог̇з д̣̇уггаданд̇и звам̣ ад̣̇зсид̇авад̇т̇угам̣ ваа бамаан̣аад̇игганд̇ам̣ ваа гудим̣ гаарзссаамийд̇и аран̃н̃ад̇о ругкаа харан̣ад̇т̇ааяа ваасим̣ ваа парасум̣ ваа нисзд̇и д̣̇уггадам̣, аран̃н̃ам̣ бависад̇и д̣̇уггадам̣, д̇ад̇т̇а аллад̇ин̣аани чинд̣̇ад̇и д̣̇уггадзна сад̣̇д̇хим̣ баажид̇д̇ияам̣, сугкаани чинд̣̇ад̇и д̣̇уггадам̣. ругкзсуби зсзва наяо. бхуумим̣ сод̇хзд̇и кан̣ад̇и, бам̣сум̣ уд̣̇д̇харад̇и, жинаад̇и; звам̣ яаава баажийрам̣ б̣анд̇хад̇и д̇аава буб̣б̣абаяог̇о наама ход̇и. д̇асмим̣ буб̣б̣абаяог̇з саб̣б̣ад̇т̇а баажид̇д̇ияадтаанз д̣̇уггадзна сад̣̇д̇хим̣ баажид̇д̇ияам̣, д̣̇уггададтаанз д̣̇уггадам̣, д̇ад̇о бадтааяа сахабаяог̇о наама. д̇ад̇т̇а т̇амбхзхи гаад̇аб̣б̣ааяа т̇амбхам̣ уссаабзд̇и, д̣̇уггадам̣. идтагаахи жинид̇аб̣б̣ааяа идтагам̣ аажинаад̇и, д̣̇уггадам̣. звам̣ яам̣ яам̣ убагаран̣ам̣ яож̇зд̇и, саб̣б̣ад̇т̇а баяог̇з баяог̇з д̣̇уггадам̣. д̇ажчанд̇асса хад̇т̇аваарз хад̇т̇аваарз д̇ад̣̇ад̇т̇ааяа г̇ажчанд̇асса бад̣̇з бад̣̇з д̣̇уггадам̣. звам̣ гад̇ам̣ бана д̣̇ааругуддигам̣ ваа идтагагуддигам̣ ваа силаагуддигам̣ ваа анд̇амасо бан̣н̣асааламби сабхид̇д̇ижчад̣̇анам̣ лимбиссаамийд̇и суд̇хааяа ваа мад̇д̇игааяа ваа лимбанд̇асса баяог̇з баяог̇з яаава т̇уллажжаяам̣ на ход̇и, д̇аава д̣̇уггадам̣. зд̇ам̣ бана д̣̇уггадам̣ махаалзбзнзва ваддад̇и, сзд̇арад̇д̇аван̣н̣агаран̣з ваа жид̇д̇агаммз ваа анаабад̇д̇и.
Payoge dukkaṭanti evaṃ adesitavatthukaṃ vā pamāṇātikkantaṃ vā kuṭiṃ kāressāmīti araññato rukkhā haraṇatthāya vāsiṃ vā pharasuṃ vā niseti dukkaṭaṃ, araññaṃ pavisati dukkaṭaṃ, tattha allatiṇāni chindati dukkaṭena saddhiṃ pācittiyaṃ, sukkhāni chindati dukkaṭaṃ. Rukkhesupi eseva nayo. Bhūmiṃ sodheti khaṇati, paṃsuṃ uddharati, cināti; evaṃ yāva pācīraṃ bandhati tāva pubbapayogo nāma hoti. Tasmiṃ pubbapayoge sabbattha pācittiyaṭṭhāne dukkaṭena saddhiṃ pācittiyaṃ, dukkaṭaṭṭhāne dukkaṭaṃ, tato paṭṭhāya sahapayogo nāma. Tattha thambhehi kātabbāya thambhaṃ ussāpeti, dukkaṭaṃ. Iṭṭhakāhi cinitabbāya iṭṭhakaṃ ācināti, dukkaṭaṃ. Evaṃ yaṃ yaṃ upakaraṇaṃ yojeti, sabbattha payoge payoge dukkaṭaṃ. Tacchantassa hatthavāre hatthavāre tadatthāya gacchantassa pade pade dukkaṭaṃ. Evaṃ kataṃ pana dārukuṭṭikaṃ vā iṭṭhakakuṭṭikaṃ vā silākuṭṭikaṃ vā antamaso paṇṇasālampi sabhitticchadanaṃ limpissāmīti sudhāya vā mattikāya vā limpantassa payoge payoge yāva thullaccayaṃ na hoti, tāva dukkaṭaṃ. Etaṃ pana dukkaṭaṃ mahālepeneva vaṭṭati, setarattavaṇṇakaraṇe vā cittakamme vā anāpatti.
згам̣ бин̣д̣ам̣ анааг̇ад̇зд̇и яо саб̣б̣абажчимо зго лзбабин̣д̣о, д̇ам̣ згам̣ бин̣д̣ам̣ асамбад̇д̇з гудигаммз. ид̣̇ам̣ вуд̇д̇ам̣ ход̇и, ид̣̇аани д̣̇вийхи бин̣д̣зхи нидтаанам̣ г̇амиссад̇ийд̇и д̇зсу батамабин̣д̣ад̣̇аанз т̇уллажжаяанд̇и.
Ekaṃ piṇḍaṃ anāgateti yo sabbapacchimo eko lepapiṇḍo, taṃ ekaṃ piṇḍaṃ asampatte kuṭikamme. Idaṃ vuttaṃ hoti, idāni dvīhi piṇḍehi niṭṭhānaṃ gamissatīti tesu paṭhamapiṇḍadāne thullaccayanti.
д̇асмим̣ бин̣д̣з ааг̇ад̇зд̇и яам̣ згам̣ бин̣д̣ам̣ анааг̇ад̇з гудигаммз т̇уллажжаяам̣ ход̇и, д̇асмим̣ авасаанабин̣д̣з ааг̇ад̇з д̣̇иннз табид̇з лзбасса гхадид̇ад̇д̇аа аабад̇д̇и сан̇гхаад̣̇исзсасса. звам̣ лзмбанд̇асса жа анд̇олзбз ваа анд̇олзбзна сад̣̇д̇хим̣ бхид̇д̇ин̃жа чад̣̇анан̃жа згааб̣ад̣̇д̇хам̣ гад̇ваа гхадид̇з б̣ахилзбз ваа б̣ахилзбзна сад̣̇д̇хим̣ гхадид̇з сан̇гхаад̣̇исзсо. сажз бана д̣̇ваараб̣ад̣̇д̇хам̣ ваа ваад̇абаанам̣ ваа адтабзд̇ваава мад̇д̇игааяа лимбад̇и, д̇асмин̃жа д̇ассогаасам̣ буна вад̣дхзд̇ваа ваа авад̣дхзд̇ваа ваа табид̇з лзбо на гхадийяад̇и рагкад̇и д̇аава, буна лимбанд̇асса бана гхадид̇амад̇д̇з сан̇гхаад̣̇исзсо. сажз д̇ам̣ табияамаанам̣ батамам̣ д̣̇инналзбзна сад̣̇д̇хим̣ ниранд̇арамзва худ̇ваа д̇идтад̇и, батамамзва сан̇гхаад̣̇исзсо. убажигааможанад̇т̇ам̣ адтан̇г̇уламад̇д̇зна аббад̇д̇ажчад̣̇анам̣ гад̇ваа бхид̇д̇им̣ лимбад̇и, анаабад̇д̇и. убажигааможанад̇т̇амзва хздтаа баасаан̣агуддам̣ гад̇ваа д̇ам̣ алимбид̇ваа убари лимбад̇и, лзбо на гхадияад̇и наама, анаабад̇д̇иязва.
Tasmiṃ piṇḍe āgateti yaṃ ekaṃ piṇḍaṃ anāgate kuṭikamme thullaccayaṃ hoti, tasmiṃ avasānapiṇḍe āgate dinne ṭhapite lepassa ghaṭitattā āpatti saṅghādisesassa. Evaṃ lempantassa ca antolepe vā antolepena saddhiṃ bhittiñca chadanañca ekābaddhaṃ katvā ghaṭite bahilepe vā bahilepena saddhiṃ ghaṭite saṅghādiseso. Sace pana dvārabaddhaṃ vā vātapānaṃ vā aṭṭhapetvāva mattikāya limpati, tasmiñca tassokāsaṃ puna vaḍḍhetvā vā avaḍḍhetvā vā ṭhapite lepo na ghaṭīyati rakkhati tāva, puna limpantassa pana ghaṭitamatte saṅghādiseso. Sace taṃ ṭhapiyamānaṃ paṭhamaṃ dinnalepena saddhiṃ nirantarameva hutvā tiṭṭhati, paṭhamameva saṅghādiseso. Upacikāmocanatthaṃ aṭṭhaṅgulamattena appattacchadanaṃ katvā bhittiṃ limpati, anāpatti. Upacikāmocanatthameva heṭṭhā pāsāṇakuṭṭaṃ katvā taṃ alimpitvā upari limpati, lepo na ghaṭiyati nāma, anāpattiyeva.
идтагагуддигааяа идтагаахиязва ваад̇абаанз жа д̇хууманзд̇д̇аани жа гарод̇и, лзбагхаданзнзва аабад̇д̇и. бан̣н̣асаалам̣ лимбад̇и, лзбагхаданзнзва аабад̇д̇и. д̇ад̇т̇а аалогад̇т̇ааяа адтан̇г̇уламад̇д̇ам̣ табзд̇ваа лимбад̇и, лзбо на гхадийяад̇и наама, анаабад̇д̇иязва. сажз ‘‘ваад̇абаанам̣ лад̣̇д̇хаа зд̇т̇а табзссаамий’’д̇и гарод̇и, ваад̇абаанз табид̇з лзбагхаданзна аабад̇д̇и. сажз мад̇д̇игааяа гуддам̣ гарод̇и, чад̣̇аналзбзна сад̣̇д̇хим̣ гхаданз аабад̇д̇и. зго згабин̣д̣аавасзсам̣ гад̇ваа табзд̇и, ан̃н̃о д̇ам̣ д̣̇исваа ‘‘д̣̇уггад̇ам̣ ид̣̇а’’нд̇и вад̇д̇асийсзна лимбад̇и убхиннамби анаабад̇д̇и.
Iṭṭhakakuṭṭikāya iṭṭhakāhiyeva vātapāne ca dhūmanettāni ca karoti, lepaghaṭaneneva āpatti. Paṇṇasālaṃ limpati, lepaghaṭaneneva āpatti. Tattha ālokatthāya aṭṭhaṅgulamattaṃ ṭhapetvā limpati, lepo na ghaṭīyati nāma, anāpattiyeva. Sace ‘‘vātapānaṃ laddhā ettha ṭhapessāmī’’ti karoti, vātapāne ṭhapite lepaghaṭanena āpatti. Sace mattikāya kuṭṭaṃ karoti, chadanalepena saddhiṃ ghaṭane āpatti. Eko ekapiṇḍāvasesaṃ katvā ṭhapeti, añño taṃ disvā ‘‘dukkataṃ ida’’nti vattasīsena limpati ubhinnampi anāpatti.
354. бхигку гудим̣ гарод̇ийд̇и звамаад̣̇ийни чад̇д̇им̣са жад̇уггаани аабад̇д̇ибхзд̣̇ад̣̇ассанад̇т̇ам̣ вуд̇д̇аани, д̇ад̇т̇а саарамбхааяа д̣̇уггадам̣, абариггаманааяа д̣̇уггадам̣ , бамаан̣аад̇игганд̇ааяа сан̇гхаад̣̇исзсо, ад̣̇зсид̇авад̇т̇угааяа сан̇гхаад̣̇исзсо, зд̇зсам̣ васзна вомиссагаабад̇д̇ияо взд̣̇ид̇аб̣б̣аа.
354.Bhikkhu kuṭiṃ karotīti evamādīni chattiṃsa catukkāni āpattibhedadassanatthaṃ vuttāni, tattha sārambhāya dukkaṭaṃ, aparikkamanāya dukkaṭaṃ , pamāṇātikkantāya saṅghādiseso, adesitavatthukāya saṅghādiseso, etesaṃ vasena vomissakāpattiyo veditabbā.
355. аабад̇д̇и д̣̇виннам̣ сан̇гхаад̣̇исзсзна д̣̇виннам̣ д̣̇уггадаананд̇иаад̣̇ийсу жа д̣̇вийхи сан̇гхаад̣̇исзсзхи сад̣̇д̇хим̣ д̣̇виннам̣ д̣̇уггадаананд̇иаад̣̇инаа наязна ад̇т̇о взд̣̇ид̇аб̣б̣о.
355.Āpatti dvinnaṃ saṅghādisesena dvinnaṃ dukkaṭānantiādīsu ca dvīhi saṅghādisesehi saddhiṃ dvinnaṃ dukkaṭānantiādinā nayena attho veditabbo.
361. со жз виббагад̇з ааг̇ажчад̇ийд̇иаад̣̇ийсу бана аяам̣ ад̇т̇авинижчаяо. сод̇и самаад̣̇исид̇ваа багганд̇абхигку. виббагад̇зд̇и анидтид̇з гудигаммз. ан̃н̃асса ваа д̣̇аад̇аб̣б̣аад̇и ан̃н̃асса буг̇г̇аласса ваа сан̇гхасса ваа жаж̇ид̇ваа д̣̇аад̇аб̣б̣аа. бхинд̣̇ид̇ваа ваа буна гаад̇аб̣б̣аад̇и гид̇д̇агзна бхиннаа ход̇и, сажз т̇амбхаа бхуумияам̣ никаад̇аа, уд̣̇д̇харид̇аб̣б̣аа. сажз баасаан̣аанам̣ убари табид̇аа, абанзд̇аб̣б̣аа. идтагажид̇ааяа яаава ман̇г̇алидтагаа д̇аава гуддаа абажинид̇аб̣б̣аа. сан̇кзбад̇о бхуумисамам̣ гад̇ваа винаасид̇аа бхиннаа ход̇и, бхуумид̇о убари жад̇уран̇г̇уламад̇д̇зби тид̇з абхиннаава. сзсам̣ саб̣б̣ажад̇уггзсу баагадамзва. на хзд̇т̇а ан̃н̃ам̣ гин̃жи ад̇т̇и, яам̣ баал̣ианусаарзнзва д̣̇уб̣б̣ин̃н̃зяяам̣ сияаа.
361.So ce vippakate āgacchatītiādīsu pana ayaṃ atthavinicchayo. Soti samādisitvā pakkantabhikkhu. Vippakateti aniṭṭhite kuṭikamme. Aññassa vā dātabbāti aññassa puggalassa vā saṅghassa vā cajitvā dātabbā. Bhinditvā vā puna kātabbāti kittakena bhinnā hoti, sace thambhā bhūmiyaṃ nikhātā, uddharitabbā. Sace pāsāṇānaṃ upari ṭhapitā, apanetabbā. Iṭṭhakacitāya yāva maṅgaliṭṭhakā tāva kuṭṭā apacinitabbā. Saṅkhepato bhūmisamaṃ katvā vināsitā bhinnā hoti, bhūmito upari caturaṅgulamattepi ṭhite abhinnāva. Sesaṃ sabbacatukkesu pākaṭameva. Na hettha aññaṃ kiñci atthi, yaṃ pāḷianusāreneva dubbiññeyyaṃ siyā.
363. ад̇д̇анаа виббагад̇анд̇иаад̣̇ийсу бана ад̇д̇анаа аарад̣̇д̇хам̣ гудим̣. ад̇д̇анаа барияосаабзд̇ийд̇и махаамад̇д̇игааяа ваа т̇усамад̇д̇игааяа ваа яааяа гад̇ам̣ барияосид̇абхаавам̣ баабзд̇угаамо ход̇и, д̇ааяа авасаанабин̣д̣ам̣ д̣̇знд̇о барияосаабзд̇и .
363.Attanā vippakatantiādīsu pana attanā āraddhaṃ kuṭiṃ. Attanā pariyosāpetīti mahāmattikāya vā thusamattikāya vā yāya kataṃ pariyositabhāvaṃ pāpetukāmo hoti, tāya avasānapiṇḍaṃ dento pariyosāpeti .
барзхи барияосаабзд̇ийд̇и ад̇д̇анова ад̇т̇ааяа барзхи барияосаабзд̇и. ад̇д̇анаа ваа хи виббагад̇аа ход̇у барзхи ваа убхаязхи ваа, д̇ам̣ жз ад̇д̇ано ад̇т̇ааяа ад̇д̇анаа ваа барияосаабзд̇и, барзхи ваа барияосаабзд̇и, ад̇д̇анаа жа барзхи жаад̇и яуг̇анад̣̇д̇хам̣ ваа барияосаабзд̇и, сан̇гхаад̣̇исзсоязваад̇и аяамзд̇т̇а винижчаяо.
Parehi pariyosāpetīti attanova atthāya parehi pariyosāpeti. Attanā vā hi vippakatā hotu parehi vā ubhayehi vā, taṃ ce attano atthāya attanā vā pariyosāpeti, parehi vā pariyosāpeti, attanā ca parehi cāti yuganaddhaṃ vā pariyosāpeti, saṅghādisesoyevāti ayamettha vinicchayo.
гурунд̣̇ияам̣бана вуд̇д̇ам̣ – ‘‘д̣̇вз д̇аяо бхигкуу ‘згад̇о васиссаамаа’д̇и гаронд̇и, рагкад̇и д̇аава, авибхад̇д̇ад̇д̇аа анаабад̇д̇и. ‘ид̣̇ам̣ таанам̣ д̇ава, ид̣̇ам̣ мамаа’д̇и вибхаж̇ид̇ваа гаронд̇и аабад̇д̇и. сааман̣зро жа бхигку жа згад̇о гаронд̇и, яаава авибхад̇д̇аа д̇аава рагкад̇и. буриманаязна вибхаж̇ид̇ваа гаронд̇и, бхигкусса аабад̇д̇ий’’д̇и.
Kurundiyaṃpana vuttaṃ – ‘‘dve tayo bhikkhū ‘ekato vasissāmā’ti karonti, rakkhati tāva, avibhattattā anāpatti. ‘Idaṃ ṭhānaṃ tava, idaṃ mamā’ti vibhajitvā karonti āpatti. Sāmaṇero ca bhikkhu ca ekato karonti, yāva avibhattā tāva rakkhati. Purimanayena vibhajitvā karonti, bhikkhussa āpattī’’ti.
364. анаабад̇д̇и лзн̣зд̇иаад̣̇ийсу лзн̣ам̣ маханд̇амби гаронд̇асса анаабад̇д̇и. на хзд̇т̇а лзбо гхадийяад̇и. г̇ухамби идтагааг̇ухам̣ ваа силааг̇ухам̣ ваа д̣̇ааруг̇ухам̣ ваа бхуумиг̇ухам̣ ваа маханд̇амби гаронд̇асса анаабад̇д̇и.
364.Anāpattileṇetiādīsu leṇaṃ mahantampi karontassa anāpatti. Na hettha lepo ghaṭīyati. Guhampi iṭṭhakāguhaṃ vā silāguhaṃ vā dāruguhaṃ vā bhūmiguhaṃ vā mahantampi karontassa anāpatti.
д̇ин̣агудигааяаад̇и сад̇д̇абхуумигоби баасаад̣̇о д̇ин̣абан̣н̣ажчад̣̇ано ‘‘д̇ин̣агудигаа’’д̇и вужжад̇и. адтагат̇аасу бана гуггудажчигаг̇зханд̇и чад̣̇анам̣ д̣̇ан̣д̣агзхи ж̇аалаб̣ад̣̇д̇хам̣ гад̇ваа д̇ин̣зхи ваа бан̣н̣зхи ваа чаад̣̇ид̇агудигаава вуд̇д̇аа, д̇ад̇т̇а анаабад̇д̇и. маханд̇амби д̇ин̣ажчад̣̇анаг̇зхам̣ гаад̇ум̣ ваддад̇и, уллид̇д̇аад̣̇ибхааво зва хи гудияаа лагкан̣ам̣, со жа чад̣̇анамзва санд̇хааяа вуд̇д̇од̇и взд̣̇ид̇аб̣б̣о. жан̇гаманасаалааяам̣ д̇ин̣ажун̣н̣ам̣ барибад̇ад̇и ‘‘ануж̇аанаами, бхигкавз, ог̇умпзд̇ваа уллид̇д̇аавалид̇д̇ам̣ гаад̇у’’нд̇иаад̣̇ийни (жуул̣ава. 260) жзд̇т̇а саад̇хагаани, д̇асмаа убхад̇о багкам̣ ваа гуудаб̣ад̣̇д̇хам̣ ваа ваддам̣ ваа жад̇урассам̣ ваа яам̣ ‘‘имам̣ зд̇асса г̇зхасса чад̣̇ана’’нд̇и чад̣̇анасан̇кзбзна гад̇ам̣ ход̇и, д̇асса бхид̇д̇илзбзна сад̣̇д̇хим̣ лзбз гхадид̇з аабад̇д̇и. сажз бана уллид̇д̇аавалид̇д̇ажчад̣̇анасса г̇зхасса лзбарагкан̣ад̇т̇ам̣ убари д̇ин̣зна чаад̣̇знд̇и, зд̇д̇аавад̇аа д̇ин̣агуди наама на ход̇и. гим̣ банзд̇т̇а ад̣̇зсид̇авад̇т̇угаббамаан̣аад̇игганд̇абажжаяаава анаабад̇д̇и, уд̣̇ааху саарамбхаабариггаманабажжаяаабийд̇и саб̣б̣ад̇т̇ааби анаабад̇д̇и. д̇ат̇аа хи д̇аад̣̇исам̣ гудим̣ санд̇хааяа бариваарз вуд̇д̇ам̣ –
Tiṇakuṭikāyāti sattabhūmikopi pāsādo tiṇapaṇṇacchadano ‘‘tiṇakuṭikā’’ti vuccati. Aṭṭhakathāsu pana kukkuṭacchikagehanti chadanaṃ daṇḍakehi jālabaddhaṃ katvā tiṇehi vā paṇṇehi vā chāditakuṭikāva vuttā, tattha anāpatti. Mahantampi tiṇacchadanagehaṃ kātuṃ vaṭṭati, ullittādibhāvo eva hi kuṭiyā lakkhaṇaṃ, so ca chadanameva sandhāya vuttoti veditabbo. Caṅkamanasālāyaṃ tiṇacuṇṇaṃ paripatati ‘‘anujānāmi, bhikkhave, ogumphetvā ullittāvalittaṃ kātu’’ntiādīni (cūḷava. 260) cettha sādhakāni, tasmā ubhato pakkhaṃ vā kūṭabaddhaṃ vā vaṭṭaṃ vā caturassaṃ vā yaṃ ‘‘imaṃ etassa gehassa chadana’’nti chadanasaṅkhepena kataṃ hoti, tassa bhittilepena saddhiṃ lepe ghaṭite āpatti. Sace pana ullittāvalittacchadanassa gehassa leparakkhaṇatthaṃ upari tiṇena chādenti, ettāvatā tiṇakuṭi nāma na hoti. Kiṃ panettha adesitavatthukappamāṇātikkantapaccayāva anāpatti, udāhu sārambhaaparikkamanapaccayāpīti sabbatthāpi anāpatti. Tathā hi tādisaṃ kuṭiṃ sandhāya parivāre vuttaṃ –
‘‘бхигку сан̃н̃аажигааяа гудим̣ гарод̇и;
‘‘Bhikkhu saññācikāya kuṭiṃ karoti;
ад̣̇зсид̇авад̇т̇угам̣ бамаан̣аад̇игганд̇ам̣;
Adesitavatthukaṃ pamāṇātikkantaṃ;
саарамбхам̣ абариггаманам̣ анаабад̇д̇и;
Sārambhaṃ aparikkamanaṃ anāpatti;
бан̃хаа мзсаа гусалзхи жинд̇ид̇аа’’д̇и. (бари. 479);
Pañhā mesā kusalehi cintitā’’ti. (pari. 479);
ан̃н̃ассад̇т̇ааяаад̇и гудилагкан̣аббад̇д̇амби гудим̣ ан̃н̃асса убаж̇жхааяасса ваа аажарияасса ваа сан̇гхасса ваа ад̇т̇ааяа гаронд̇асса анаабад̇д̇и. яам̣ бана ‘‘аабад̇д̇и гааругаанам̣ д̇ин̣н̣ам̣ д̣̇уггадаана’’нд̇иаад̣̇и баал̣ияам̣ вуд̇д̇ам̣, д̇ам̣ яат̇аасамаад̣̇идтааяа агаран̣абажжаяаа вуд̇д̇ам̣.
Aññassatthāyāti kuṭilakkhaṇappattampi kuṭiṃ aññassa upajjhāyassa vā ācariyassa vā saṅghassa vā atthāya karontassa anāpatti. Yaṃ pana ‘‘āpatti kārukānaṃ tiṇṇaṃ dukkaṭāna’’ntiādi pāḷiyaṃ vuttaṃ, taṃ yathāsamādiṭṭhāya akaraṇapaccayā vuttaṃ.
ваасааг̇аарам̣ табзд̇ваа саб̣б̣ад̇т̇аад̇и ад̇д̇ано васанад̇т̇ааяа аг̇аарам̣ табзд̇ваа ан̃н̃ам̣ убосат̇ааг̇аарам̣ ваа ж̇анд̇аагхарам̣ ваа бхож̇анасаалаа ваа аг̇г̇исаалаа ваа бхависсад̇ийд̇и гаарзд̇и, саб̣б̣ад̇т̇а анаабад̇д̇и. сажзбисса ход̇и ‘‘убосат̇ааг̇ааран̃жа бхависсад̇и, ахан̃жа васиссаами ж̇анд̇аагхаран̃жа бхож̇анасаалаа жа аг̇г̇исаалаа жа бхависсад̇и, ахан̃жа васиссаамий’’д̇и гаарид̇зби аанаабад̇д̇иязва. махаабажжарияам̣ бана ‘‘анаабад̇д̇ий’’д̇и вад̇ваа ‘‘ад̇д̇ано ваасааг̇аарад̇т̇ааяа гаронд̇ассзва аабад̇д̇ий’’д̇и вуд̇д̇ам̣. уммад̇д̇агасса аад̣̇игаммигаанан̃жа аал̣авагаанам̣ бхигкуунам̣ анаабад̇д̇и.
Vāsāgāraṃ ṭhapetvā sabbatthāti attano vasanatthāya agāraṃ ṭhapetvā aññaṃ uposathāgāraṃ vā jantāgharaṃ vā bhojanasālā vā aggisālā vā bhavissatīti kāreti, sabbattha anāpatti. Sacepissa hoti ‘‘uposathāgārañca bhavissati, ahañca vasissāmi jantāgharañca bhojanasālā ca aggisālā ca bhavissati, ahañca vasissāmī’’ti kāritepi ānāpattiyeva. Mahāpaccariyaṃ pana ‘‘anāpattī’’ti vatvā ‘‘attano vāsāgāratthāya karontasseva āpattī’’ti vuttaṃ. Ummattakassa ādikammikānañca āḷavakānaṃ bhikkhūnaṃ anāpatti.
самудтаанаад̣̇ийсу часамудтаанам̣ гирияан̃жа гирияаагирияан̃жа, ид̣̇ан̃хи вад̇т̇ум̣ д̣̇зсаабзд̇ваа бамаан̣аад̇игганд̇ам̣ гарод̇о гирияад̇о самудтаад̇и, вад̇т̇ум̣ ад̣̇зсаабзд̇ваа гарод̇о гирияаагирияад̇о, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Samuṭṭhānādīsu chasamuṭṭhānaṃ kiriyañca kiriyākiriyañca, idañhi vatthuṃ desāpetvā pamāṇātikkantaṃ karoto kiriyato samuṭṭhāti, vatthuṃ adesāpetvā karoto kiriyākiriyato, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
гудигаарасигкаабад̣̇аван̣н̣анаа нидтид̇аа.
Kuṭikārasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. гудигаарасигкаабад̣̇ам̣ • 6. Kuṭikārasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. гудигаарасигкаабад̣̇аван̣н̣анаа • 6. Kuṭikārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. гудигаарасигкаабад̣̇аван̣н̣анаа • 6. Kuṭikārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. гудигаарасигкаабад̣̇аван̣н̣анаа • 6. Kuṭikārasikkhāpadavaṇṇanā
