| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
6. гудигаарасигкаабад̣̇аван̣н̣анаа
6. Kuṭikārasikkhāpadavaṇṇanā
342. яаажанаад̇и ‘‘д̣̇зт̇а д̣̇зт̇аа’’д̇и жод̣̇анаа. вин̃н̃ад̇д̇ийд̇и иминаа но ад̇т̇од̇и вин̃н̃аабанаа. ‘‘хад̇т̇агаммам̣ яаажид̇о убагаран̣ам̣, муулам̣ ваа д̣̇ассад̇ий’’д̇и яаажад̇и, на ваддад̇ийд̇и. ваддад̇и сзнаасанз обхаасабаригат̇аад̣̇ийнам̣ лад̣̇д̇хад̇д̇аад̇и згз. анаж̇жхаавуд̇т̇аганд̇и ассаамигам̣. на аахадам̣ барибхун̃ж̇ид̇аб̣б̣анд̇и ‘‘суубод̣̇анавин̃н̃ад̇д̇ид̣̇уггадам̣ ход̇ий’’д̇и вуд̇д̇ам̣. ‘‘гин̃жааби г̇арубхан̣д̣аббахонагзсууд̇и вуд̇д̇ам̣, д̇ат̇ааби яам̣ вад̇т̇увасзна аббам̣ худ̇ваа аг̇гхавасзна махаа харид̇аалахин̇г̇улигаад̣̇и, д̇ам̣ яаажид̇ум̣ на ваддад̇ий’’д̇и вад̣̇анд̇и.
342.Yācanāti ‘‘detha dethā’’ti codanā. Viññattīti iminā no atthoti viññāpanā. ‘‘Hatthakammaṃ yācito upakaraṇaṃ, mūlaṃ vā dassatī’’ti yācati, na vaṭṭatīti. Vaṭṭati senāsane obhāsaparikathādīnaṃ laddhattāti eke. Anajjhāvutthakanti assāmikaṃ. Na āhaṭaṃparibhuñjitabbanti ‘‘sūpodanaviññattidukkaṭaṃ hotī’’ti vuttaṃ. ‘‘Kiñcāpi garubhaṇḍappahonakesūti vuttaṃ, tathāpi yaṃ vatthuvasena appaṃ hutvā agghavasena mahā haritālahiṅgulikādi, taṃ yācituṃ na vaṭṭatī’’ti vadanti.
344. со гираад̇и иси. д̇ад̣̇аа аж̇жхаг̇амаа д̇ад̣̇аж̇жхаг̇амаа.
344.So kirāti isi. Tadā ajjhagamā tadajjhagamā.
348-9. на хи саггаа яаажанааяа гаад̇ум̣, д̇асмаа саяам̣ яаажид̇агзхи убагаран̣зхийд̇и ад̇хиббааяо. б̣яан̃ж̇анам̣ самзд̇и, на ад̇т̇о. гасмаа? ид̇ха убхаязсам̣ ад̇хиббзд̇ад̇д̇аа, д̇ам̣ д̣̇ассзнд̇о ‘‘яасмаа банаа’’д̇иаад̣̇имааха. ид̇ха вуд̇д̇анаязнаад̇и имасмим̣ сигкаабад̣̇авибхан̇г̇з вуд̇д̇анаязна. ‘‘сан̃н̃аажигааяаа’’д̇и важанад̇о гаронд̇знааби, ‘‘барзхи барияосаабзд̇ий’’д̇и важанад̇о гаараабзнд̇знааби бадибаж̇ж̇ид̇аб̣б̣ам̣. убхобзд̇з гаарагагаараабагаа. б̣яан̃ж̇анам̣ виломид̇ам̣ бхавзяяа, ‘‘гаараяамаанзнаа’’д̇и хи б̣яан̃ж̇анам̣ ‘‘гаронд̇знаа’’д̇и вуд̇д̇з виломид̇ам̣ ход̇и ад̇ад̣̇ад̇т̇ад̇д̇аа. на хи гаараабзнд̇о наама ход̇и. ‘‘ид̇ха вуд̇д̇анаязнаад̇и д̣̇зсид̇авад̇т̇угабамаан̣иганаязна. звам̣ санд̇з ‘гаронд̇зна ваа гаараабзнд̇зна ваа’д̇и важанад̇о гаронд̇знааби барзхи виббагад̇ам̣ вад̇д̇аб̣б̣анд̇и жз, д̇ад̣̇ад̇т̇ависсаж̇ж̇анад̇т̇ам̣ ‘яад̣̇и банаад̇иаад̣̇имаахаа’’’д̇и ануг̇ан̣тибад̣̇з вуд̇д̇ам̣. ‘‘сан̃н̃аажигааяа гудим̣ гаронд̇о’’д̇и важанавасзна вуд̇д̇ам̣. ‘‘ааяаамад̇о жа вид̇т̇аарад̇о жаа’’д̇и авад̇ваа вигаббад̇т̇асса ваа-сад̣̇д̣̇асса г̇ахид̇ад̇д̇аа згад̇обхааг̇зби вад̣дхид̇з аабад̇д̇и зва. бамаан̣аяуд̇д̇аман̃жо гира нававид̣̇ад̇т̇и. ‘‘‘жад̇ухад̇т̇авид̇т̇аараа’д̇и важанзна ‘д̇ирияам̣ д̇ихад̇т̇аа ваа’д̇и важанамби самзд̇и ‘яад̇т̇а бамаан̣аяуд̇д̇о’д̇иаад̣̇исаннидтаанаважанаасамбхавад̇о’’д̇и вуд̇д̇ам̣. бамаан̣ад̇о уунад̇арамбийд̇и вид̇т̇аарад̇о жад̇убан̃жахад̇т̇амби д̣̇ийгхад̇о анад̇иггамид̇ваа вуд̇д̇абамаан̣амзва д̣̇зсид̇авад̇т̇у. ад̣̇зсид̇авад̇т̇ун̃хи гарод̇о аабад̇д̇и. бамаан̣аад̇игганд̇аа гуди зва бамаан̣аад̇игганд̇ам̣ гудим̣ гарзяяаад̇и вуд̇д̇ад̇д̇аа. ‘‘т̇амбхад̇улаа’’д̇и баато. ануссааванаанаязнаад̇и зд̇т̇а ‘‘д̣̇амил̣абхаасааяаби ваддад̇ий’’д̇и вад̣̇анд̇и.
348-9. Na hi sakkā yācanāya kātuṃ, tasmā sayaṃ yācitakehi upakaraṇehīti adhippāyo. Byañjanaṃ sameti, na attho. Kasmā? Idha ubhayesaṃ adhippetattā, taṃ dassento ‘‘yasmā panā’’tiādimāha. Idha vuttanayenāti imasmiṃ sikkhāpadavibhaṅge vuttanayena. ‘‘Saññācikāyā’’ti vacanato karontenāpi, ‘‘parehi pariyosāpetī’’ti vacanato kārāpentenāpi paṭipajjitabbaṃ. Ubhopete kārakakārāpakā. Byañjanaṃ vilomitaṃ bhaveyya, ‘‘kārayamānenā’’ti hi byañjanaṃ ‘‘karontenā’’ti vutte vilomitaṃ hoti atadatthattā. Na hi kārāpento nāma hoti. ‘‘Idha vuttanayenāti desitavatthukapamāṇikanayena. Evaṃ sante ‘karontena vā kārāpentena vā’ti vacanato karontenāpi parehi vippakataṃ vattabbanti ce, tadatthavissajjanatthaṃ ‘yadi panātiādimāhā’’’ti anugaṇṭhipade vuttaṃ. ‘‘Saññācikāya kuṭiṃ karonto’’ti vacanavasena vuttaṃ. ‘‘Āyāmato ca vitthārato cā’’ti avatvā vikappatthassa vā-saddassa gahitattā ekatobhāgepi vaḍḍhite āpatti eva. Pamāṇayuttamañco kira navavidatthi. ‘‘‘Catuhatthavitthārā’ti vacanena ‘tiriyaṃ tihatthā vā’ti vacanampi sameti ‘yattha pamāṇayutto’tiādisanniṭṭhānavacanāsambhavato’’ti vuttaṃ. Pamāṇato ūnatarampīti vitthārato catupañcahatthampi dīghato anatikkamitvā vuttapamāṇameva desitavatthu. Adesitavatthuñhi karoto āpatti. Pamāṇātikkantā kuṭi eva pamāṇātikkantaṃ kuṭiṃ kareyyāti vuttattā. ‘‘Thambhatulā’’ti pāṭho. Anussāvanānayenāti ettha ‘‘damiḷabhāsāyapi vaṭṭatī’’ti vadanti.
353. жаарабхууми г̇ожарабхууми. на г̇ахид̇аад̇и на ваарид̇аа. адтагат̇ааяам̣ ‘‘гааран̣ааяа г̇уд̇д̇иб̣анд̇ханааг̇аарам̣, агаран̣адтаанам̣ ваа д̇хаммаг̇анд̇хигаа хад̇т̇абаад̣̇ажчинд̣̇анагаа г̇анд̇хигаа’’д̇и ликид̇ам̣. д̣̇вийхи б̣алиб̣ад̣̇д̣̇зхийд̇и хздтимагодияаа гира вуд̇д̇ад̇о аавиж̇ж̇ид̇ум̣ на саггаа чиннаавадад̇д̇аа, ниг̇аманассааби ад̇т̇аббагаасанад̇т̇ам̣ вуд̇д̇анд̇и взд̣̇ид̇аб̣б̣ам̣. баажинанд̇и вад̇т̇у ад̇хидтаанам̣. д̇ад̣̇ад̇т̇ааяаад̇и д̇ажчанад̇т̇ааяа. бан̣н̣асааламбийд̇и уллид̇д̇аавалид̇д̇агудимзва бан̣н̣ажчад̣̇анам̣. д̇знзва ‘‘сабхид̇д̇ижчад̣̇ана’’нд̇и вуд̇д̇ам̣, алид̇д̇ам̣ гира саб̣б̣ам̣ ваддад̇и. буб̣б̣з т̇огам̣ табид̇ам̣ буна вад̣дхзд̇ваа. д̇асминд̇и д̣̇ваараб̣анд̇ханз ваа ваад̇абаанз ваа табид̇з. батамамзваад̇и зд̇т̇а бад̇д̇агаалз зваад̇и гира д̇хаммасирид̇т̇зро. убад̇иссад̇т̇зро табид̇агаалзваад̇и гира. буримзна лзбасса агхадид̇ад̇д̇аа д̣̇уд̇иязна вад̇д̇асийсзна гад̇ад̇д̇аа убхиннамби анаабад̇д̇и. сажз аан̣ад̇д̇зна гад̇ам̣, ‘‘гарод̇и ваа гаараабзд̇и ваа’’д̇и важанад̇о аабад̇д̇и убхиннам̣ сад̇и ад̇д̇уд̣̇д̣̇зсигад̇ааяа, асад̇и мууладтассзва. хздтимаббамаан̣асамбхавз сад̇и саб̣б̣амад̇д̇игаамаяам̣ гудим̣ гарод̇о аабад̇д̇и д̣̇уггадзна сан̇гхаад̣̇исзсод̇и аажарияасса д̇агго.
353.Cārabhūmi gocarabhūmi. Na gahitāti na vāritā. Aṭṭhakathāyaṃ ‘‘kāraṇāya guttibandhanāgāraṃ, akaraṇaṭṭhānaṃ vā dhammagandhikā hatthapādacchindanakā gandhikā’’ti likhitaṃ. Dvīhi balibaddehīti heṭṭhimakoṭiyā kira vuttato āvijjituṃ na sakkā chinnāvaṭattā, nigamanassāpi atthappakāsanatthaṃ vuttanti veditabbaṃ. Pācinanti vatthu adhiṭṭhānaṃ. Tadatthāyāti tacchanatthāya. Paṇṇasālampīti ullittāvalittakuṭimeva paṇṇacchadanaṃ. Teneva ‘‘sabhitticchadana’’nti vuttaṃ, alittaṃ kira sabbaṃ vaṭṭati. Pubbe thokaṃ ṭhapitaṃ puna vaḍḍhetvā. Tasminti dvārabandhane vā vātapāne vā ṭhapite. Paṭhamamevāti ettha pattakāle evāti kira dhammasiritthero. Upatissatthero ṭhapitakālevāti kira. Purimena lepassa aghaṭitattā dutiyena vattasīsena katattā ubhinnampi anāpatti. Sace āṇattena kataṃ, ‘‘karoti vā kārāpeti vā’’ti vacanato āpatti ubhinnaṃ sati attuddesikatāya, asati mūlaṭṭhasseva. Heṭṭhimappamāṇasambhave sati sabbamattikāmayaṃ kuṭiṃ karoto āpatti dukkaṭena saṅghādisesoti ācariyassa takko.
354. чад̇д̇им̣са жад̇уггаани наама ад̣̇зсид̇авад̇т̇угажад̇уггам̣ д̣̇зсид̇авад̇т̇угажад̇уггам̣ бамаан̣аад̇игганд̇ажад̇уггам̣ бамаан̣игажад̇уггам̣ ад̣̇зсид̇авад̇т̇угабамаан̣аад̇игганд̇ажад̇уггам̣ д̣̇зсид̇авад̇т̇угабамаан̣игажад̇угганд̇и ча жад̇уггаани, звам̣ самаад̣̇исад̇иваараад̣̇ийсуби бан̃жасууд̇и чад̇д̇им̣са. аабад̇д̇ибхзд̣̇ад̣̇ассанад̇т̇анд̇и зд̇т̇а яасмаа ‘‘саарамбхз жз, бхигку, вад̇т̇усмим̣ абариггаманз…бз… сан̇гхаад̣̇исзсо’’д̇и маад̇игааяам̣ ависзсзна вуд̇д̇ад̇д̇аа саарамбхаабариггаманзби сан̇гхаад̣̇исзсоваад̇и мижчааг̇аахавиваж̇ж̇анад̇т̇ам̣ аабад̇д̇ибхзд̣̇о д̣̇ассид̇о, д̇асмаа вуд̇д̇аанийд̇и ад̇хиббааяо. вибхан̇г̇з звам̣ авад̇ваа гимад̇т̇ам̣ маад̇игааяам̣ д̣̇уггадавад̇т̇у вуд̇д̇анд̇и жз? бхигкуу абхинзд̇аб̣б̣аа вад̇т̇уд̣̇зсанааяа, д̇зхи бхигкуухи вад̇т̇у д̣̇зсзд̇аб̣б̣ам̣. гийд̣̇исам̣? анаарамбхам̣ сабариггаманам̣, нзд̇арам̣, ид̇арасмим̣ ‘‘саарамбхз жз бхигку вад̇т̇усмим̣ абариггаманз’’д̇и звам̣ аанисам̣савасзна ааг̇ад̇ад̇д̇аа вуд̇д̇ам̣. яасмаа вад̇т̇у наама ад̇т̇и саарамбхам̣, ад̇т̇и анаарамбхам̣, ад̇т̇и сабариггаманам̣, ад̇т̇и абариггаманам̣, ад̇т̇и саарамбхам̣ сабариггаманам̣, ад̇т̇и саарамбхам̣ абариггаманам̣, ад̇т̇и анаарамбхам̣ сабариггаманам̣, ад̇т̇и анаарамбхам̣ абариггамананд̇и б̣ахувид̇хад̇д̇аа вад̇т̇у д̣̇зсзд̇аб̣б̣ам̣ анаарамбхам̣ сабариггаманам̣, нзд̇аранд̇и вуд̇д̇ам̣ ход̇и. гимад̇т̇игаа банзсаа д̣̇зсанаад̇и жз? г̇аругаабад̇д̇ибан̃н̃аабанахзд̇убариваж̇ж̇анубааяад̇т̇аа. вад̇т̇уд̣̇зсанааяа хи г̇аругаабад̇д̇ибан̃н̃аабанахзд̇уд̇д̇аа агад̇авин̃н̃ад̇д̇и г̇ихийнам̣ бийл̣ааж̇ананзна ад̇д̇ад̣̇угкабарад̣̇угкахзд̇убхууд̇о жа саарамбхабхаавод̇и зд̇з вад̇т̇уд̣̇зсанаабад̣̇зсзна убааязна бариваж̇ж̇ид̇аа хонд̇и. на хи бхигку агаббияагудигаран̣ад̇т̇ам̣ г̇ихийнам̣ ваа бийл̣аанимид̇д̇ам̣ саарамбхавад̇т̇у. гудигаран̣ад̇т̇ам̣ ваа вад̇т̇ум̣ д̣̇зсзнд̇ийд̇и батамамзва саад̇хид̇амзд̇ам̣. вомиссагаабад̇д̇ияод̇и д̣̇уггадасан̇гхаад̣̇исзсамиссагаабад̇д̇ияо.
354. Chattiṃsa catukkāni nāma adesitavatthukacatukkaṃ desitavatthukacatukkaṃ pamāṇātikkantacatukkaṃ pamāṇikacatukkaṃ adesitavatthukapamāṇātikkantacatukkaṃ desitavatthukapamāṇikacatukkanti cha catukkāni, evaṃ samādisativārādīsupi pañcasūti chattiṃsa. Āpattibhedadassanatthanti ettha yasmā ‘‘sārambhe ce, bhikkhu, vatthusmiṃ aparikkamane…pe… saṅghādiseso’’ti mātikāyaṃ avisesena vuttattā sārambhaaparikkamanepi saṅghādisesovāti micchāgāhavivajjanatthaṃ āpattibhedo dassito, tasmā vuttānīti adhippāyo. Vibhaṅge evaṃ avatvā kimatthaṃ mātikāyaṃ dukkaṭavatthu vuttanti ce? Bhikkhū abhinetabbā vatthudesanāya, tehi bhikkhūhi vatthu desetabbaṃ. Kīdisaṃ? Anārambhaṃ saparikkamanaṃ, netaraṃ, itarasmiṃ ‘‘sārambhe ce bhikkhu vatthusmiṃ aparikkamane’’ti evaṃ ānisaṃsavasena āgatattā vuttaṃ. Yasmā vatthu nāma atthi sārambhaṃ, atthi anārambhaṃ, atthi saparikkamanaṃ, atthi aparikkamanaṃ, atthi sārambhaṃ saparikkamanaṃ, atthi sārambhaṃ aparikkamanaṃ, atthi anārambhaṃ saparikkamanaṃ, atthi anārambhaṃ aparikkamananti bahuvidhattā vatthu desetabbaṃ anārambhaṃ saparikkamanaṃ, netaranti vuttaṃ hoti. Kimatthikā panesā desanāti ce? Garukāpattipaññāpanahetuparivajjanupāyatthā. Vatthudesanāya hi garukāpattipaññāpanahetuttā akataviññatti gihīnaṃ pīḷājananena attadukkhaparadukkhahetubhūto ca sārambhabhāvoti ete vatthudesanāpadesena upāyena parivajjitā honti. Na hi bhikkhu akappiyakuṭikaraṇatthaṃ gihīnaṃ vā pīḷānimittaṃ sārambhavatthu. Kuṭikaraṇatthaṃ vā vatthuṃ desentīti paṭhamameva sādhitametaṃ. Vomissakāpattiyoti dukkaṭasaṅghādisesamissakāpattiyo.
355. д̇ад̇т̇а ‘‘д̣̇вийхи сан̇гхаад̣̇исзсзхий’’д̇и вад̇д̇аб̣б̣з ‘‘д̣̇виннам̣ сан̇гхаад̣̇исзсзнаа’’д̇и вибхад̇д̇иб̣яад̇д̇аязна, важанаб̣яад̇д̇аязна жа вуд̇д̇ам̣. ‘‘аабад̇д̇и д̣̇виннам̣ сан̇гхаад̣̇исзсаана’’нд̇иби баато.
355. Tattha ‘‘dvīhi saṅghādisesehī’’ti vattabbe ‘‘dvinnaṃ saṅghādisesenā’’ti vibhattibyattayena, vacanabyattayena ca vuttaṃ. ‘‘Āpatti dvinnaṃ saṅghādisesāna’’ntipi pāṭho.
364. на гхадаяад̇и чад̣̇аналзбаабхаавад̇о, анаабад̇д̇и, д̇ам̣ барад̇о саад̇хияад̇и. чад̣̇анамзва санд̇хааяа уллид̇д̇аавалид̇д̇ад̇аа вуд̇д̇аад̇и. ‘‘гуггудажчигаг̇зхам̣ ваддад̇ийд̇и вад̇ваа буна чад̣̇анам̣ д̣̇ан̣д̣агзхийд̇иаад̣̇инаа наязна д̇ам̣ д̣̇ассзнд̇зхи д̇ин̣абан̣н̣ажчад̣̇анаагудигаава вуд̇д̇аа. д̇ад̇т̇а чад̣̇анам̣ д̣̇ан̣д̣агзхи д̣̇ийгхад̇о д̇ирияан̃жа ж̇аалам̣ вияа б̣анд̇хид̇ваа д̇ин̣зхи ваа бан̣н̣зхи ваа чаад̣̇зд̇ум̣ уллид̇д̇аад̣̇ибхааво чад̣̇анамзва санд̇хааяа вуд̇д̇од̇и яуд̇д̇амид̣̇ам̣. д̇асмаа мад̇д̇игаамаяам̣ бхид̇д̇им̣ вад̣дхаабзд̇ваа убари уллид̇д̇ам̣ ваа авалид̇д̇ам̣ ваа убхаяам̣ ваа бхид̇д̇ияаа гхадид̇ам̣ гаронд̇асса аабад̇д̇и зва винааби бхид̇д̇илзбзнаа’’д̇и ликид̇ам̣. ‘‘‘со жа чад̣̇анамзва санд̇хааяаа’д̇и бад̇хаанавасзна вуд̇д̇ам̣, на хздтаабхааг̇ам̣ бадигкид̇д̇а’’нд̇и вад̣̇анд̇и, виймам̣сид̇аб̣б̣ам̣. зд̇т̇аад̇и д̇ин̣агудигааяа. яат̇аасамаад̣̇идтааяаад̇и яат̇аавуд̇д̇аббагааранд̇и ад̇хиббааяо. ‘‘аабад̇д̇и гааругаанам̣ д̇ин̣н̣ам̣ д̣̇уггадаана’’нд̇иаад̣̇имхи со сун̣аад̇ичаггамби лаб̣бхад̇и. убхаяад̇т̇а самаад̣̇идтад̇д̇аа аан̣аабагасса анаабад̇д̇и. аан̣ад̇д̇асса яат̇аа самаад̣̇идтам̣ аан̣аабагзна, д̇ат̇аа агаран̣абажжаяаа д̣̇уггадам̣. сажз ‘‘ахамбзд̇т̇а васаамий’’д̇и ад̇д̇уд̣̇д̣̇зсамби гарод̇и, сан̇гхаад̣̇исзсова. ‘‘гудим̣ гарот̇аа’’д̇и ависзсзна вуд̇д̇адтаанз бана аан̣аабагассааби сан̇гхаад̣̇исзсо ажид̇д̇агад̇д̇аа сигкаабад̣̇асса.
364.Na ghaṭayati chadanalepābhāvato, anāpatti, taṃ parato sādhiyati. Chadanameva sandhāya ullittāvalittatā vuttāti. ‘‘Kukkuṭacchikagehaṃ vaṭṭatīti vatvā puna chadanaṃ daṇḍakehītiādinā nayena taṃ dassentehi tiṇapaṇṇacchadanākuṭikāva vuttā. Tattha chadanaṃ daṇḍakehi dīghato tiriyañca jālaṃ viya bandhitvā tiṇehi vā paṇṇehi vā chādetuṃ ullittādibhāvo chadanameva sandhāya vuttoti yuttamidaṃ. Tasmā mattikāmayaṃ bhittiṃ vaḍḍhāpetvā upari ullittaṃ vā avalittaṃ vā ubhayaṃ vā bhittiyā ghaṭitaṃ karontassa āpatti eva vināpi bhittilepenā’’ti likhitaṃ. ‘‘‘So ca chadanameva sandhāyā’ti padhānavasena vuttaṃ, na heṭṭhābhāgaṃ paṭikkhitta’’nti vadanti, vīmaṃsitabbaṃ. Etthāti tiṇakuṭikāya. Yathāsamādiṭṭhāyāti yathāvuttappakāranti adhippāyo. ‘‘Āpatti kārukānaṃ tiṇṇaṃ dukkaṭāna’’ntiādimhi so suṇātichakkampi labbhati. Ubhayattha samādiṭṭhattā āṇāpakassa anāpatti. Āṇattassa yathā samādiṭṭhaṃ āṇāpakena, tathā akaraṇapaccayā dukkaṭaṃ. Sace ‘‘ahampettha vasāmī’’ti attuddesampi karoti, saṅghādisesova. ‘‘Kuṭiṃ karothā’’ti avisesena vuttaṭṭhāne pana āṇāpakassāpi saṅghādiseso acittakattā sikkhāpadassa.
ахан̃жа васиссаамийд̇и зд̇т̇а барасса яасса гассажи уд̣̇д̣̇идтасса абхааваа аабад̇д̇и зва ‘‘гаронд̇асса ваа’’д̇и нияамид̇ад̇д̇аа, анаабад̇д̇и авибхад̇д̇ад̇д̇аа. ‘‘ид̇ха бан̃н̃ад̇д̇иж̇аананамад̇д̇амзва жид̇д̇а’’нд̇и жа ликид̇ам̣. ануг̇ан̣тибад̣̇з бана ахан̃жа васиссаамийд̇и зд̇т̇а яо ‘‘маяхам̣ ваасааг̇ааран̃жа бхависсад̇ий’’д̇и ижчад̇и, д̇ассаабад̇д̇и. яо бана убосат̇ааг̇аарам̣ ижчад̇и, д̇асса анаабад̇д̇и, д̇асмаа ‘‘убхаяам̣ самзд̇ий’’д̇и вад̇ваа жа ‘‘винаяавинижчаяз ааг̇ад̇з г̇аругз таад̇аб̣б̣а’’нд̇и важанад̇о махаабажжариваад̣̇ад̇о ид̇аро бажчаа вад̇д̇аб̣б̣од̇и жз? на, б̣алавад̇д̇аа . ‘‘ваасааг̇аарам̣ табзд̇ваа саб̣б̣ад̇т̇а, анаабад̇д̇ий’’д̇и важанад̇о, бхож̇анасаалаад̣̇ийнамби ад̇т̇ааяа иминаа гад̇ад̇д̇аа сан̇гараа ж̇аад̇аа. яат̇аа – д̣̇вз д̇аяо ‘‘згад̇о васиссаамаа’’д̇и гаронд̇и, рагкад̇и д̇ааваад̇и зд̇т̇а вияа. ‘‘ид̣̇ам̣ таанам̣ ваасааг̇аарам̣ бхависсад̇и, ид̣̇ам̣ убосат̇ааг̇аара’’нд̇и вибхаж̇ид̇ваа гад̇зби аабад̇д̇и зва. д̣̇вийсу махаабажжариваад̣̇о б̣алаваа, д̇асмаа ‘‘бажчаа вуд̇д̇о’’д̇иаад̣̇инаа ад̇ийва бабан̃жид̇ам̣. гим̣ д̇зна. ‘‘ад̇д̇анаа виббагад̇ам̣ ад̇д̇анаа жа барзхи жа барияосаабзд̇ий’’д̇иаад̣̇инаа наязна абарааниби жад̇уггаани яат̇аасамбхавам̣ яож̇зд̇ваа д̣̇ассзд̇аб̣б̣аани, лзн̣аад̣̇ийсу гин̃жааби сан̇гхаад̣̇исзсзна анаабад̇д̇и, агад̇авин̃н̃ад̇д̇ияаа сад̇и д̇аббажжаяаа аабад̇д̇и зва.
Ahañca vasissāmīti ettha parassa yassa kassaci uddiṭṭhassa abhāvā āpatti eva ‘‘karontassa vā’’ti niyamitattā, anāpatti avibhattattā. ‘‘Idha paññattijānanamattameva citta’’nti ca likhitaṃ. Anugaṇṭhipade pana ahañca vasissāmīti ettha yo ‘‘mayhaṃ vāsāgārañca bhavissatī’’ti icchati, tassāpatti. Yo pana uposathāgāraṃ icchati, tassa anāpatti, tasmā ‘‘ubhayaṃ sametī’’ti vatvā ca ‘‘vinayavinicchaye āgate garuke ṭhātabba’’nti vacanato mahāpaccarivādato itaro pacchā vattabboti ce? Na, balavattā . ‘‘Vāsāgāraṃ ṭhapetvā sabbattha, anāpattī’’ti vacanato, bhojanasālādīnampi atthāya iminā katattā saṅkarā jātā. Yathā – dve tayo ‘‘ekato vasissāmā’’ti karonti, rakkhati tāvāti ettha viya. ‘‘Idaṃ ṭhānaṃ vāsāgāraṃ bhavissati, idaṃ uposathāgāra’’nti vibhajitvā katepi āpatti eva. Dvīsu mahāpaccarivādo balavā, tasmā ‘‘pacchā vutto’’tiādinā atīva papañcitaṃ. Kiṃ tena. ‘‘Attanā vippakataṃ attanā ca parehi ca pariyosāpetī’’tiādinā nayena aparānipi catukkāni yathāsambhavaṃ yojetvā dassetabbāni, leṇādīsu kiñcāpi saṅghādisesena anāpatti, akataviññattiyā sati tappaccayā āpatti eva.
гудигаарасигкаабад̣̇аван̣н̣анаа нидтид̇аа.
Kuṭikārasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. гудигаарасигкаабад̣̇ам̣ • 6. Kuṭikārasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. гудигаарасигкаабад̣̇аван̣н̣анаа • 6. Kuṭikārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. гудигаарасигкаабад̣̇аван̣н̣анаа • 6. Kuṭikārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. гудигаарасигкаабад̣̇аван̣н̣анаа • 6. Kuṭikārasikkhāpadavaṇṇanā
