| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[287] 7. лаабхаг̇арахаж̇аад̇агаван̣н̣анаа
[287] 7. Lābhagarahajātakavaṇṇanā
наануммад̇д̇од̇и ид̣̇ам̣ сад̇т̇аа ж̇зд̇аванз вихаранд̇о саарибуд̇д̇ад̇т̇зрасса сад̣̇д̇хивихааригам̣ аараб̣бха гат̇зси. т̇зрасса гира сад̣̇д̇хивихаариго т̇зрам̣ убасан̇гамид̇ваа ванд̣̇ид̇ваа згаманд̇ам̣ нисинно ‘‘лаабхуббад̇д̇ибадибад̣̇ам̣ мз, бханд̇з, гат̇зт̇а, гим̣ гаронд̇о жийвараад̣̇ийнам̣ лаабхий ход̇ий’’д̇и бужчи. ат̇асса т̇зро ‘‘аавусо, жад̇уухан̇г̇зхи саманнааг̇ад̇асса лаабхасаггааро уббаж̇ж̇ад̇и, ад̇д̇ано аб̣бханд̇арз хирод̇д̇аббам̣ бхинд̣̇ид̇ваа сааман̃н̃ам̣ бахааяа ануммад̇д̇знзва уммад̇д̇зна вияа бхавид̇аб̣б̣ам̣, бисун̣аваажаа вад̇д̇аб̣б̣аа, надасад̣̇исзна бхавид̇аб̣б̣ам̣, вигин̣н̣аваажзна гуд̇уухалзна бхавид̇аб̣б̣а’’нд̇и имам̣ лаабхуббад̇д̇ибадибад̣̇ам̣ гат̇зси. со д̇ам̣ бадибад̣̇ам̣ г̇арахид̇ваа удтааяа багганд̇о. т̇зро сад̇т̇аарам̣ убасан̇гамид̇ваа ванд̣̇ид̇ваа д̇ам̣ бавад̇д̇им̣ аажигки. сад̇т̇аа ‘‘нзсо, саарибуд̇д̇а, бхигку ид̣̇аанзва лаабхам̣ г̇арахад̇и, буб̣б̣збзса г̇арахиязваа’’д̇и вад̇ваа т̇зрзна яаажид̇о ад̇ийд̇ам̣ аахари.
Nānummattoti idaṃ satthā jetavane viharanto sāriputtattherassa saddhivihārikaṃ ārabbha kathesi. Therassa kira saddhivihāriko theraṃ upasaṅkamitvā vanditvā ekamantaṃ nisinno ‘‘lābhuppattipaṭipadaṃ me, bhante, kathetha, kiṃ karonto cīvarādīnaṃ lābhī hotī’’ti pucchi. Athassa thero ‘‘āvuso, catūhaṅgehi samannāgatassa lābhasakkāro uppajjati, attano abbhantare hirottappaṃ bhinditvā sāmaññaṃ pahāya anummatteneva ummattena viya bhavitabbaṃ, pisuṇavācā vattabbā, naṭasadisena bhavitabbaṃ, vikiṇṇavācena kutūhalena bhavitabba’’nti imaṃ lābhuppattipaṭipadaṃ kathesi. So taṃ paṭipadaṃ garahitvā uṭṭhāya pakkanto. Thero satthāraṃ upasaṅkamitvā vanditvā taṃ pavattiṃ ācikkhi. Satthā ‘‘neso, sāriputta, bhikkhu idāneva lābhaṃ garahati, pubbepesa garahiyevā’’ti vatvā therena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣агулз ниб̣б̣ад̇д̇ид̇ваа ваяаббад̇д̇о сол̣асавассигагаалзязва д̇ин̣н̣ам̣ взд̣̇аанам̣ адтаарасаннан̃жа сиббаанам̣ барияосаанам̣ бад̇ваа д̣̇исаабаамогко аажарияо худ̇ваа бан̃жа маан̣авагасад̇аани сиббам̣ ваажзси. д̇ад̇рзго маан̣аво сийлаажаарасамбанно згад̣̇ивасам̣ аажарияам̣ убасан̇гамид̇ваа ‘‘гат̇ам̣ имзсам̣ сад̇д̇аанам̣ лаабхо уббаж̇ж̇ад̇ий’’д̇и лаабхуббад̇д̇ибадибад̣̇ам̣ бужчи. аажарияо ‘‘д̇аад̇а, имзсам̣ сад̇д̇аанам̣ жад̇уухи гааран̣зхи лаабхо уббаж̇ж̇ад̇ий’’д̇и вад̇ваа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto brāhmaṇakule nibbattitvā vayappatto soḷasavassikakāleyeva tiṇṇaṃ vedānaṃ aṭṭhārasannañca sippānaṃ pariyosānaṃ patvā disāpāmokkho ācariyo hutvā pañca māṇavakasatāni sippaṃ vācesi. Tatreko māṇavo sīlācārasampanno ekadivasaṃ ācariyaṃ upasaṅkamitvā ‘‘kathaṃ imesaṃ sattānaṃ lābho uppajjatī’’ti lābhuppattipaṭipadaṃ pucchi. Ācariyo ‘‘tāta, imesaṃ sattānaṃ catūhi kāraṇehi lābho uppajjatī’’ti vatvā paṭhamaṃ gāthamāha –
109.
109.
‘‘наануммад̇д̇о наабисун̣о, наанадо наагуд̇уухало;
‘‘Nānummatto nāpisuṇo, nānaṭo nākutūhalo;
муул̣хзсу лабхад̇з лаабхам̣, зсаа д̇з анусаасаний’’д̇и.
Mūḷhesu labhate lābhaṃ, esā te anusāsanī’’ti.
д̇ад̇т̇а наануммад̇д̇од̇и на ануммад̇д̇о. ид̣̇ам̣ вуд̇д̇ам̣ ход̇и – яат̇аа уммад̇д̇аго наама ид̇т̇ибурисад̣̇ааригад̣̇аарагз д̣̇исваа д̇зсам̣ вад̇т̇аалан̇гаараад̣̇ийни вилумбад̇и, д̇ад̇о д̇ад̇о мажчамам̣сабууваад̣̇ийни б̣алаггаарзна г̇ахзд̇ваа каад̣̇ад̇и, звамзва яо г̇ихибхууд̇о аж̇жхад̇д̇аб̣ахид̣̇д̇хасамудтаанам̣ хирод̇д̇аббам̣ бахааяа гусалаагусалам̣ аг̇ан̣зд̇ваа нираяабхаяам̣ абхааяанд̇о лобхаабхибхууд̇о барияаад̣̇ин̣н̣ажид̇д̇о гаамзсу бамад̇д̇о санд̇хижчзд̣̇аад̣̇ийни саахасигагаммаани гарод̇и, баб̣б̣аж̇ид̇оби хирод̇д̇аббам̣ бахааяа гусалаагусалам̣ аг̇ан̣зд̇ваа нираяабхаяам̣ абхааяанд̇о сад̇т̇аараа бан̃н̃ад̇д̇ам̣ сигкаабад̣̇ам̣ мад̣̇д̣̇анд̇о лобхзна абхибхууд̇о барияаад̣̇ин̣н̣ажид̇д̇о жийвараад̣̇имад̇д̇ам̣ ниссааяа ад̇д̇ано сааман̃н̃ам̣ виж̇ахид̇ваа бамад̇д̇о взж̇ж̇агаммад̣̇ууд̇агаммаад̣̇ийни гарод̇и, взл̣уд̣̇аанаад̣̇ийни ниссааяа ж̇ийвигам̣ габбзд̇и, аяам̣ ануммад̇д̇оби уммад̇д̇асад̣̇исад̇д̇аа уммад̇д̇о наама , зваруубасса киббам̣ лаабхо уббаж̇ж̇ад̇и. яо бана звам̣ ануммад̇д̇о лаж̇ж̇ий гуггужжаго, зса муул̣хзсу абан̣д̣ид̇зсу бурисзсу лаабхам̣ на лабхад̇и, д̇асмаа лаабхад̇т̇игзна уммад̇д̇агзна вияа бхавид̇аб̣б̣анд̇и.
Tattha nānummattoti na anummatto. Idaṃ vuttaṃ hoti – yathā ummattako nāma itthipurisadārikadārake disvā tesaṃ vatthālaṅkārādīni vilumpati, tato tato macchamaṃsapūvādīni balakkārena gahetvā khādati, evameva yo gihibhūto ajjhattabahiddhasamuṭṭhānaṃ hirottappaṃ pahāya kusalākusalaṃ agaṇetvā nirayabhayaṃ abhāyanto lobhābhibhūto pariyādiṇṇacitto kāmesu pamatto sandhicchedādīni sāhasikakammāni karoti, pabbajitopi hirottappaṃ pahāya kusalākusalaṃ agaṇetvā nirayabhayaṃ abhāyanto satthārā paññattaṃ sikkhāpadaṃ maddanto lobhena abhibhūto pariyādiṇṇacitto cīvarādimattaṃ nissāya attano sāmaññaṃ vijahitvā pamatto vejjakammadūtakammādīni karoti, veḷudānādīni nissāya jīvikaṃ kappeti, ayaṃ anummattopi ummattasadisattā ummatto nāma , evarūpassa khippaṃ lābho uppajjati. Yo pana evaṃ anummatto lajjī kukkuccako, esa mūḷhesu apaṇḍitesu purisesu lābhaṃ na labhati, tasmā lābhatthikena ummattakena viya bhavitabbanti.
наабисун̣од̇и зд̇т̇ааби яо бисун̣о ход̇и, ‘‘асугзна ид̣̇ам̣ наама гад̇а’’нд̇и рааж̇агулз бзсун̃н̃ам̣ убасам̣харад̇и, со ан̃н̃зсам̣ яасам̣ ажчинд̣̇ид̇ваа ад̇д̇ано г̇ан̣хаад̇и. рааж̇ааноби нам̣ ‘‘аяам̣ амхзсу сасаснзхо’’д̇и ужжз таанз табзнд̇и, амажжаад̣̇аяобисса ‘‘аяам̣ но рааж̇агулз барибхинд̣̇зяяаа’’д̇и бхаязна д̣̇аад̇аб̣б̣ам̣ ман̃н̃анд̇и, звам̣ зд̇арахи бисун̣асса лаабхо уббаж̇ж̇ад̇и. яо бана абисун̣о, со муул̣хзсу лаабхам̣ на лабхад̇ийд̇и звамад̇т̇о взд̣̇ид̇аб̣б̣о.
Nāpisuṇoti etthāpi yo pisuṇo hoti, ‘‘asukena idaṃ nāma kata’’nti rājakule pesuññaṃ upasaṃharati, so aññesaṃ yasaṃ acchinditvā attano gaṇhāti. Rājānopi naṃ ‘‘ayaṃ amhesu sasasneho’’ti ucce ṭhāne ṭhapenti, amaccādayopissa ‘‘ayaṃ no rājakule paribhindeyyā’’ti bhayena dātabbaṃ maññanti, evaṃ etarahi pisuṇassa lābho uppajjati. Yo pana apisuṇo, so mūḷhesu lābhaṃ na labhatīti evamattho veditabbo.
наанадод̇и лаабхам̣ уббаад̣̇знд̇зна надзна вияа бхавид̇аб̣б̣ам̣. яат̇аа надо хирод̇д̇аббам̣ бахааяа нажжаг̇ийд̇аваад̣̇ид̇зхи гийл̣ам̣ гад̇ваа д̇ханам̣ сам̣харад̇и, звамзва лаабхад̇т̇игзна хирод̇д̇аббам̣ бхинд̣̇ид̇ваа ид̇т̇ибурисад̣̇ааригад̣̇аарагаанам̣ сон̣д̣асахааязна вияа наанаббагаарам̣ гзл̣им̣ гаронд̇зна вижарид̇аб̣б̣ам̣. яо звам̣ анадо, со муул̣хзсу лаабхам̣ на лабхад̇и.
Nānaṭoti lābhaṃ uppādentena naṭena viya bhavitabbaṃ. Yathā naṭo hirottappaṃ pahāya naccagītavāditehi kīḷaṃ katvā dhanaṃ saṃharati, evameva lābhatthikena hirottappaṃ bhinditvā itthipurisadārikadārakānaṃ soṇḍasahāyena viya nānappakāraṃ keḷiṃ karontena vicaritabbaṃ. Yo evaṃ anaṭo, so mūḷhesu lābhaṃ na labhati.
наагуд̇уухалод̇и гуд̇уухало наама виббагин̣н̣аваажо. рааж̇аано хи амажжз бужчанд̇и – ‘‘асугадтаанз гира ‘мануссо маарид̇о, гхарам̣ вилуд̇д̇ам̣, барзсам̣ д̣̇аараа бад̇хам̣сид̇аа’д̇и суяяад̇и, гзсам̣ ну ко ид̣̇ам̣ гамма’’нд̇и. д̇ад̇т̇а сзсзсу агат̇знд̇зсуязва яо удтахид̇ваа ‘‘асуго жа асуго жа наамаа’’д̇и вад̣̇ад̇и, аяам̣ гуд̇уухало наама. рааж̇аано д̇асса важанзна д̇з бурисз бариязсид̇ваа нисзд̇хзд̇ваа ‘‘имам̣ ниссааяа но наг̇арам̣ нижжорам̣ ж̇аад̇а’’нд̇и д̇асса маханд̇ам̣ яасам̣ д̣̇знд̇и, сзсааби ж̇анаа ‘‘аяам̣ но рааж̇абурисзхи будто суяуд̇д̇ад̣̇уяуд̇д̇ам̣ гат̇зяяаа’’д̇и бхаязна д̇ассзва д̇ханам̣ д̣̇знд̇и, звам̣ гуд̇уухаласса лаабхо уббаж̇ж̇ад̇и. яо бана агуд̇уухало, зса на муул̣хзсу лабхад̇и лаабхам̣. зсаа д̇з анусаасанийд̇и зсаа амхаагам̣ санд̇игаа д̇уяхам̣ лаабхаанусидтийд̇и.
Nākutūhaloti kutūhalo nāma vippakiṇṇavāco. Rājāno hi amacce pucchanti – ‘‘asukaṭṭhāne kira ‘manusso mārito, gharaṃ viluttaṃ, paresaṃ dārā padhaṃsitā’ti suyyati, kesaṃ nu kho idaṃ kamma’’nti. Tattha sesesu akathentesuyeva yo uṭṭhahitvā ‘‘asuko ca asuko ca nāmā’’ti vadati, ayaṃ kutūhalo nāma. Rājāno tassa vacanena te purise pariyesitvā nisedhetvā ‘‘imaṃ nissāya no nagaraṃ niccoraṃ jāta’’nti tassa mahantaṃ yasaṃ denti, sesāpi janā ‘‘ayaṃ no rājapurisehi puṭṭho suyuttaduyuttaṃ katheyyā’’ti bhayena tasseva dhanaṃ denti, evaṃ kutūhalassa lābho uppajjati. Yo pana akutūhalo, esa na mūḷhesu labhati lābhaṃ. Esā te anusāsanīti esā amhākaṃ santikā tuyhaṃ lābhānusiṭṭhīti.
анд̇зваасиго аажарияасса гат̇ам̣ суд̇ваа лаабхам̣ г̇араханд̇о –
Antevāsiko ācariyassa kathaṃ sutvā lābhaṃ garahanto –
110.
110.
‘‘д̇хирад̇т̇у д̇ам̣ яасалаабхам̣, д̇ханалаабхан̃жа б̣раахман̣а;
‘‘Dhiratthu taṃ yasalābhaṃ, dhanalābhañca brāhmaṇa;
яаа вуд̇д̇и винибаад̇зна, ад̇хаммажаран̣зна ваа.
Yā vutti vinipātena, adhammacaraṇena vā.
111.
111.
‘‘аби жз бад̇д̇амаад̣̇ааяа, анаг̇ааро бариб̣б̣аж̇з;
‘‘Api ce pattamādāya, anagāro paribbaje;
зсаава ж̇ийвигаа сзяяо, яаа жаад̇хаммзна зсанаа’’д̇и. – г̇аат̇аад̣̇ваяамааха;
Esāva jīvikā seyyo, yā cādhammena esanā’’ti. – gāthādvayamāha;
д̇ад̇т̇а яаа вуд̇д̇ийд̇и яаа ж̇ийвид̇авуд̇д̇и. винибаад̇знаад̇и ад̇д̇ано винибаад̇зна. ад̇хаммажаран̣знаад̇и ад̇хаммагирияааяа висамагирияааяа вад̇хаб̣анд̇ханаг̇арахаад̣̇ийхи ад̇д̇аанам̣ винибаад̇зд̇ваа ад̇хаммам̣ жарид̇ваа яаа вуд̇д̇и, д̇ан̃жа яасад̇ханалаабхан̃жа саб̣б̣ам̣ д̇хирад̇т̇у нинд̣̇аами г̇арахаами, на мз зд̇знад̇т̇од̇и ад̇хиббааяо. бад̇д̇амаад̣̇ааяаад̇и бхигкаабхааж̇анам̣ г̇ахзд̇ваа. анаг̇ааро бариб̣б̣аж̇зд̇и аг̇зхо баб̣б̣аж̇ид̇о худ̇ваа жарзяяа, на жа саббурисо гааяад̣̇ужжарид̇аад̣̇ивасзна ад̇хаммажарияам̣ жарзяяа. гим̣гааран̣аа? зсаава ж̇ийвигаа сзяяо. яаа жаад̇хаммзна зсанаад̇и, яаа зсаа ад̇хаммзна ж̇ийвигабариязсанаа, д̇ад̇о зсаа бад̇д̇ахад̇т̇асса барагулзсу бхигкаажарияаава сзяяо, сад̇аг̇ун̣зна сахассаг̇ун̣зна сунд̣̇арад̇арод̇и д̣̇ассзд̇и.
Tattha yā vuttīti yā jīvitavutti. Vinipātenāti attano vinipātena. Adhammacaraṇenāti adhammakiriyāya visamakiriyāya vadhabandhanagarahādīhi attānaṃ vinipātetvā adhammaṃ caritvā yā vutti, tañca yasadhanalābhañca sabbaṃ dhiratthu nindāmi garahāmi, na me etenatthoti adhippāyo. Pattamādāyāti bhikkhābhājanaṃ gahetvā. Anagāro paribbajeti ageho pabbajito hutvā careyya, na ca sappuriso kāyaduccaritādivasena adhammacariyaṃ careyya. Kiṃkāraṇā? Esāva jīvikā seyyo. Yā cādhammena esanāti, yā esā adhammena jīvikapariyesanā, tato esā pattahatthassa parakulesu bhikkhācariyāva seyyo, sataguṇena sahassaguṇena sundarataroti dasseti.
звам̣ маан̣аво баб̣б̣аж̇ж̇ааяа г̇ун̣ам̣ ван̣н̣зд̇ваа нигкамид̇ваа исибаб̣б̣аж̇ж̇ам̣ баб̣б̣аж̇ид̇ваа д̇хаммзна бхигкам̣ бариязсанд̇о абхин̃н̃аа жа самаабад̇д̇ияо жа ниб̣б̣ад̇д̇зд̇ваа б̣рахмалогабарааяан̣о ахоси.
Evaṃ māṇavo pabbajjāya guṇaṃ vaṇṇetvā nikkhamitvā isipabbajjaṃ pabbajitvā dhammena bhikkhaṃ pariyesanto abhiññā ca samāpattiyo ca nibbattetvā brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа маан̣аво лаабхаг̇арахий бхигку ахоси, аажарияо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā māṇavo lābhagarahī bhikkhu ahosi, ācariyo pana ahameva ahosi’’nti.
лаабхаг̇арахаж̇аад̇агаван̣н̣анаа сад̇д̇амаа.
Lābhagarahajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 287. лаабхаг̇арахаж̇аад̇агам̣ • 287. Lābhagarahajātakaṃ
