| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. लबुजदायकत्थेरअपदानं
2. Labujadāyakattheraapadānaṃ
७.
7.
‘‘नगरे बन्धुमतिया, आसिं आरामिको तदा।
‘‘Nagare bandhumatiyā, āsiṃ ārāmiko tadā;
अद्दसं विरजं बुद्धं, गच्छन्तं अनिलञ्जसे॥
Addasaṃ virajaṃ buddhaṃ, gacchantaṃ anilañjase.
८.
8.
‘‘लबुजस्स फलं गय्ह, बुद्धसेट्ठस्सदासहं।
‘‘Labujassa phalaṃ gayha, buddhaseṭṭhassadāsahaṃ;
आकासे ठितको सन्तो, पटिगण्हि महायसो॥
Ākāse ṭhitako santo, paṭigaṇhi mahāyaso.
९.
9.
‘‘वित्तिसञ्जननं मय्हं, दिट्ठधम्मसुखावहं।
‘‘Vittisañjananaṃ mayhaṃ, diṭṭhadhammasukhāvahaṃ;
फलं बुद्धस्स दत्वान, विप्पसन्नेन चेतसा॥
Phalaṃ buddhassa datvāna, vippasannena cetasā.
१०.
10.
‘‘अधिगच्छिं तदा पीतिं, विपुलञ्च सुखुत्तमं।
‘‘Adhigacchiṃ tadā pītiṃ, vipulañca sukhuttamaṃ;
उप्पज्जतेव रतनं, निब्बत्तस्स तहिं तहिं॥
Uppajjateva ratanaṃ, nibbattassa tahiṃ tahiṃ.
११.
11.
‘‘एकनवुतितो कप्पे, यं फलमददिं तदा।
‘‘Ekanavutito kappe, yaṃ phalamadadiṃ tadā;
दुग्गतिं नाभिजानामि, फलदानस्सिदं फलं॥
Duggatiṃ nābhijānāmi, phaladānassidaṃ phalaṃ.
१२.
12.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
१३.
13.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
१४.
14.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा लबुजदायको थेरो इमा गाथायो अभासित्थाति।
Itthaṃ sudaṃ āyasmā labujadāyako thero imā gāthāyo abhāsitthāti.
लबुजदायकत्थेरस्सापदानं दुतियं।
Labujadāyakattherassāpadānaṃ dutiyaṃ.
