| Library / Tipiṭaka / திபிடக • Tipiṭaka / நெத்திப்பகரண-அட்ட²கதா² • Nettippakaraṇa-aṭṭhakathā |
5. லக்க²ணஹாரஸம்பாதவண்ணனா
5. Lakkhaṇahārasampātavaṇṇanā
67. இந்த்³ரியேஸு கு³த்தத்³வாரதா ஸதிஸங்வரோ, ஸதிப³லேன ச நெக்க²ம்மவிதக்காதி³ப³ஹுலோ ஹோதீதி வுத்தங் – ‘‘தஸ்மா ரக்கி²தசித்தஸ்ஸ ஸம்மாஸங்கப்பகோ³சரோதி இத³ங் ஸதிந்த்³ரிய’’ந்தி. தஸ்ஸத்தோ² – ‘‘தஸ்மா ரக்கி²தசித்தஸ்ஸ ஸம்மாஸங்கப்பகோ³சரோ’’தி எத்த² ரக்கி²தசித்ததாய ச ஸம்மாஸங்கப்பகோ³சரதா காரணூபசாரேன இத³ங் ஸதிந்த்³ரியங், க³ஹிதானி ப⁴வந்தி பஞ்சிந்த்³ரியானி இந்த்³ரியலக்க²ணேன விமுத்திபரிபாசனபா⁴வேன வா ஏகலக்க²ணத்தாதி அதி⁴ப்பாயோ. க³ஹிதோ ப⁴வதீதி எத்த² மக்³க³லக்க²ணேன க³ஹணங் ஸுவிஞ்ஞெய்யந்தி தங் ட²பெத்வா காரணதோ க³ஹணங் த³ஸ்ஸேதுங் ‘‘ஸம்மாதி³ட்டி²தோ ஹி ஸம்மாஸங்கப்போ பப⁴வதீ’’திஆதி³ வுத்தங். ததோ ஏவ க³ஹிதோ ப⁴வதி அரியோ அட்ட²ங்கி³கோ மக்³கோ³தி வத்வா விமுத்திவிமுத்திஞாணத³ஸ்ஸனானிபி வுத்தானி.
67. Indriyesu guttadvāratā satisaṃvaro, satibalena ca nekkhammavitakkādibahulo hotīti vuttaṃ – ‘‘tasmā rakkhitacittassa sammāsaṅkappagocaroti idaṃ satindriya’’nti. Tassattho – ‘‘tasmā rakkhitacittassa sammāsaṅkappagocaro’’ti ettha rakkhitacittatāya ca sammāsaṅkappagocaratā kāraṇūpacārena idaṃ satindriyaṃ, gahitāni bhavanti pañcindriyāni indriyalakkhaṇena vimuttiparipācanabhāvena vā ekalakkhaṇattāti adhippāyo. Gahito bhavatīti ettha maggalakkhaṇena gahaṇaṃ suviññeyyanti taṃ ṭhapetvā kāraṇato gahaṇaṃ dassetuṃ ‘‘sammādiṭṭhito hi sammāsaṅkappo pabhavatī’’tiādi vuttaṃ. Tato eva gahito bhavati ariyo aṭṭhaṅgiko maggoti vatvā vimuttivimuttiñāṇadassanānipi vuttāni.
லக்க²ணஹாரஸம்பாதவண்ணனா நிட்டி²தா.
Lakkhaṇahārasampātavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / நெத்திப்பகரணபாளி • Nettippakaraṇapāḷi / 5. லக்க²ணஹாரஸம்பாதோ • 5. Lakkhaṇahārasampāto
டீகா • Tīkā / ஸுத்தபிடக (டீகா) • Suttapiṭaka (ṭīkā) / கு²த்³த³கனிகாய (டீகா) • Khuddakanikāya (ṭīkā) / நெத்திவிபா⁴வினீ • Nettivibhāvinī / 5. லக்க²ணஹாரஸம்பாதவிபா⁴வனா • 5. Lakkhaṇahārasampātavibhāvanā
