| Library / Tipiṭaka / તિપિટક • Tipiṭaka / નેત્તિપ્પકરણ-અટ્ઠકથા • Nettippakaraṇa-aṭṭhakathā |
૫. લક્ખણહારસમ્પાતવણ્ણના
5. Lakkhaṇahārasampātavaṇṇanā
૬૭. ઇન્દ્રિયેસુ ગુત્તદ્વારતા સતિસંવરો, સતિબલેન ચ નેક્ખમ્મવિતક્કાદિબહુલો હોતીતિ વુત્તં – ‘‘તસ્મા રક્ખિતચિત્તસ્સ સમ્માસઙ્કપ્પગોચરોતિ ઇદં સતિન્દ્રિય’’ન્તિ. તસ્સત્થો – ‘‘તસ્મા રક્ખિતચિત્તસ્સ સમ્માસઙ્કપ્પગોચરો’’તિ એત્થ રક્ખિતચિત્તતાય ચ સમ્માસઙ્કપ્પગોચરતા કારણૂપચારેન ઇદં સતિન્દ્રિયં, ગહિતાનિ ભવન્તિ પઞ્ચિન્દ્રિયાનિ ઇન્દ્રિયલક્ખણેન વિમુત્તિપરિપાચનભાવેન વા એકલક્ખણત્તાતિ અધિપ્પાયો. ગહિતો ભવતીતિ એત્થ મગ્ગલક્ખણેન ગહણં સુવિઞ્ઞેય્યન્તિ તં ઠપેત્વા કારણતો ગહણં દસ્સેતું ‘‘સમ્માદિટ્ઠિતો હિ સમ્માસઙ્કપ્પો પભવતી’’તિઆદિ વુત્તં. તતો એવ ગહિતો ભવતિ અરિયો અટ્ઠઙ્ગિકો મગ્ગોતિ વત્વા વિમુત્તિવિમુત્તિઞાણદસ્સનાનિપિ વુત્તાનિ.
67. Indriyesu guttadvāratā satisaṃvaro, satibalena ca nekkhammavitakkādibahulo hotīti vuttaṃ – ‘‘tasmā rakkhitacittassa sammāsaṅkappagocaroti idaṃ satindriya’’nti. Tassattho – ‘‘tasmā rakkhitacittassa sammāsaṅkappagocaro’’ti ettha rakkhitacittatāya ca sammāsaṅkappagocaratā kāraṇūpacārena idaṃ satindriyaṃ, gahitāni bhavanti pañcindriyāni indriyalakkhaṇena vimuttiparipācanabhāvena vā ekalakkhaṇattāti adhippāyo. Gahito bhavatīti ettha maggalakkhaṇena gahaṇaṃ suviññeyyanti taṃ ṭhapetvā kāraṇato gahaṇaṃ dassetuṃ ‘‘sammādiṭṭhito hi sammāsaṅkappo pabhavatī’’tiādi vuttaṃ. Tato eva gahito bhavati ariyo aṭṭhaṅgiko maggoti vatvā vimuttivimuttiñāṇadassanānipi vuttāni.
લક્ખણહારસમ્પાતવણ્ણના નિટ્ઠિતા.
Lakkhaṇahārasampātavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / નેત્તિપ્પકરણપાળિ • Nettippakaraṇapāḷi / ૫. લક્ખણહારસમ્પાતો • 5. Lakkhaṇahārasampāto
ટીકા • Tīkā / સુત્તપિટક (ટીકા) • Suttapiṭaka (ṭīkā) / ખુદ્દકનિકાય (ટીકા) • Khuddakanikāya (ṭīkā) / નેત્તિવિભાવિની • Nettivibhāvinī / ૫. લક્ખણહારસમ્પાતવિભાવના • 5. Lakkhaṇahārasampātavibhāvanā
