| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
5. лагкан̣ахааравибхан̇г̇аван̣н̣анаа
5. Lakkhaṇahāravibhaṅgavaṇṇanā
23. д̇ад̇т̇а гад̇амо лагкан̣о хаарод̇иаад̣̇и лагкан̣ахааравибхан̇г̇о. д̇ад̇т̇а гим̣ лагкаяад̇ийд̇и лагкан̣ахаарасса висаяам̣ бужчад̇и. ‘‘яз д̇хаммаа’’д̇иаад̣̇инаа лагкан̣ахаарам̣ сан̇кзбад̇о д̣̇ассзд̇ваа д̇ам̣ уд̣̇аахаран̣зхи вибхаж̇ид̇ум̣ ‘‘жагку’’нд̇иаад̣̇и аарад̣̇д̇хам̣. д̇ад̇т̇а ‘‘вад̇хагадтзна згалагкан̣ааний’’д̇и иминаа анавадтид̇абхааваад̣̇инааби згалагкан̣ад̇аа вуд̇д̇аа зваад̇и д̣̇адтаб̣б̣ам̣.
23.Tatthakatamo lakkhaṇo hārotiādi lakkhaṇahāravibhaṅgo. Tattha kiṃ lakkhayatīti lakkhaṇahārassa visayaṃ pucchati. ‘‘Ye dhammā’’tiādinā lakkhaṇahāraṃ saṅkhepato dassetvā taṃ udāharaṇehi vibhajituṃ ‘‘cakkhu’’ntiādi āraddhaṃ. Tattha ‘‘vadhakaṭṭhena ekalakkhaṇānī’’ti iminā anavaṭṭhitabhāvādināpi ekalakkhaṇatā vuttā evāti daṭṭhabbaṃ.
звам̣ ааяад̇анавасзна згалагкан̣ад̇ам̣ д̣̇ассзд̇ваа ид̣̇аани канд̇хаад̣̇ивасзна д̣̇ассзд̇ум̣ ‘‘ад̇ийд̇з, раад̇ха, руубз анабзгко ход̇ий’’д̇иаад̣̇и суд̇д̇ам̣ аабхад̇ам̣. яамаговаад̣̇асуд̇д̇з (сам̣. ни. 3.85) вад̇хагадтзна згалагкан̣аа вуд̇д̇аад̇и д̇асмим̣ суд̇д̇з ‘‘вад̇хагам̣ руубам̣ вад̇хагам̣ руубанд̇и яат̇аабхууд̇ам̣ наббаж̇аанаад̇ий’’д̇иаад̣̇инаа ааг̇ад̇ад̇д̇аа вуд̇д̇ам̣. ид̇ийд̇и звам̣, имиссам̣ г̇аат̇ааяам̣ гааяаг̇ад̇ааяа сад̇ияаа вуд̇д̇ааяа сад̇и взд̣̇анааг̇ад̇аа сад̇и жид̇д̇аг̇ад̇аа сад̇и д̇хаммаг̇ад̇аа жа сад̇и вуд̇д̇аа бхавад̇и сад̇ибадтаанабхаавзна згалагкан̣ад̇д̇аад̇и ад̇хиббааяо. д̣̇идтанд̇иаад̣̇ийнам̣ ад̇т̇ам̣ барад̇о ван̣н̣аяиссаама.
Evaṃ āyatanavasena ekalakkhaṇataṃ dassetvā idāni khandhādivasena dassetuṃ ‘‘atīte, rādha, rūpe anapekkho hotī’’tiādi suttaṃ ābhataṃ. Yamakovādasutte (saṃ. ni. 3.85) vadhakaṭṭhena ekalakkhaṇā vuttāti tasmiṃ sutte ‘‘vadhakaṃ rūpaṃ vadhakaṃ rūpanti yathābhūtaṃ nappajānātī’’tiādinā āgatattā vuttaṃ. Itīti evaṃ, imissaṃ gāthāyaṃ kāyagatāya satiyā vuttāya sati vedanāgatā sati cittagatā sati dhammagatā ca sati vuttā bhavati satipaṭṭhānabhāvena ekalakkhaṇattāti adhippāyo. Diṭṭhantiādīnaṃ atthaṃ parato vaṇṇayissāma.
гааяз гааяаанубассий вихараахийд̇и зд̇т̇а гааязд̇и руубагааяз. руубагааяо хи ид̇ха ан̇г̇абажжан̇г̇аанам̣ гзсаад̣̇ийнан̃жа самуухадтзна гааяод̇и ад̇хиббзд̇о. яат̇аа жа самуухадтзна, звам̣ гужчид̇аанам̣ ааяадтзна. гужчид̇аанан̃хи барамаж̇зг̇ужчаанам̣ со ааяод̇иби гааяо, ааяод̇и уббад̇д̇ид̣̇зсо. д̇ад̇рааяам̣ важанад̇т̇о – ааяанд̇и д̇ад̇од̇и ааяо. гз ааяанд̇и? гужчид̇аа гзсаад̣̇аяо, ид̇и гужчид̇аанам̣ ааяод̇и гааяо.
Kāyekāyānupassī viharāhīti ettha kāyeti rūpakāye. Rūpakāyo hi idha aṅgapaccaṅgānaṃ kesādīnañca samūhaṭṭhena kāyoti adhippeto. Yathā ca samūhaṭṭhena, evaṃ kucchitānaṃ āyaṭṭhena. Kucchitānañhi paramajegucchānaṃ so āyotipi kāyo, āyoti uppattideso. Tatrāyaṃ vacanattho – āyanti tatoti āyo. Ke āyanti? Kucchitā kesādayo, iti kucchitānaṃ āyoti kāyo.
гааяаанубассийд̇и гааяам̣ анубассанасийло, гааяам̣ ваа анубассамаано. ‘‘гааяз’’д̇и жа вад̇ваа буна ‘‘гааяаанубассий’’д̇и д̣̇уд̇ияам̣ гааяаг̇г̇ахан̣ам̣ асаммиссад̇о вавад̇т̇аанагханавиниб̣бхог̇аад̣̇ид̣̇ассанад̇т̇ам̣. д̇зна на гааяз взд̣̇анаанубассий жид̇д̇ад̇хаммаанубассий ваа, ат̇а ко гааяаанубассий зваад̇и гааяасан̇каад̇з вад̇т̇усмим̣ гааяаанубассанаагаарассзва д̣̇ассанзна асаммиссад̇о вавад̇т̇аанам̣ д̣̇ассид̇ам̣ ход̇и. д̇ат̇аа на гааяз ан̇г̇абажжан̇г̇авинимуд̇д̇азгад̇хаммаанубассий, нааби гзсаломаад̣̇ивинимуд̇д̇аид̇т̇ибурисаанубассий.
Kāyānupassīti kāyaṃ anupassanasīlo, kāyaṃ vā anupassamāno. ‘‘Kāye’’ti ca vatvā puna ‘‘kāyānupassī’’ti dutiyaṃ kāyaggahaṇaṃ asammissato vavatthānaghanavinibbhogādidassanatthaṃ. Tena na kāye vedanānupassī cittadhammānupassī vā, atha kho kāyānupassī evāti kāyasaṅkhāte vatthusmiṃ kāyānupassanākārasseva dassanena asammissato vavatthānaṃ dassitaṃ hoti. Tathā na kāye aṅgapaccaṅgavinimuttaekadhammānupassī, nāpi kesalomādivinimuttaitthipurisānupassī.
яоби жзд̇т̇а гзсаломаад̣̇иго бхууд̇убаад̣̇ааяасамуухасан̇каад̇о гааяо, д̇ад̇т̇аби на бхууд̇убаад̣̇ааяавинимуд̇д̇азгад̇хаммаанубассий , ат̇а ко рат̇асамбхаараанубассаго вияа ан̇г̇абажжан̇г̇асамуухаанубассий, наг̇арааваяаваанубассаго вияа гзсаломаад̣̇исамуухаанубассий, гад̣̇алигканд̇хабад̇д̇аваддивиниб̣бхуж̇ж̇аго вияа рид̇д̇амудтивинивзтаго вияа жа бхууд̇убаад̣̇ааяасамуухаанубассий зваад̇и наанаббагаарад̇о самуухавасзнзва гааяасан̇каад̇асса вад̇т̇уно д̣̇ассанзна гханавиниб̣бхог̇о д̣̇ассид̇о ход̇и. на хзд̇т̇а яат̇аавуд̇д̇асамуухавинимуд̇д̇о гааяо ваа ан̃н̃о ваа гожи д̇хаммо д̣̇иссад̇и, яат̇аавуд̇д̇ад̇хаммасамуухамад̇д̇з зва бана д̇ат̇аа д̇ат̇аа сад̇д̇аа мижчаабхинивзсам̣ гаронд̇и. д̇знааху бораан̣аа –
Yopi cettha kesalomādiko bhūtupādāyasamūhasaṅkhāto kāyo, tatthapi na bhūtupādāyavinimuttaekadhammānupassī , atha kho rathasambhārānupassako viya aṅgapaccaṅgasamūhānupassī, nagarāvayavānupassako viya kesalomādisamūhānupassī, kadalikkhandhapattavaṭṭivinibbhujjako viya rittamuṭṭhiviniveṭhako viya ca bhūtupādāyasamūhānupassī evāti nānappakārato samūhavaseneva kāyasaṅkhātassa vatthuno dassanena ghanavinibbhogo dassito hoti. Na hettha yathāvuttasamūhavinimutto kāyo vā añño vā koci dhammo dissati, yathāvuttadhammasamūhamatte eva pana tathā tathā sattā micchābhinivesaṃ karonti. Tenāhu porāṇā –
‘‘яам̣ бассад̇и на д̇ам̣ д̣̇идтам̣, яам̣ д̣̇идтам̣ д̇ам̣ на бассад̇и;
‘‘Yaṃ passati na taṃ diṭṭhaṃ, yaṃ diṭṭhaṃ taṃ na passati;
абассам̣ б̣аж̇жхад̇з муул̣хо, б̣аж̇жхамаано на мужжад̇ий’’д̇и. (д̣̇ий. ни. адта. 2.373; ма. ни. адта. 1.106; бади. ма. адта. 1.1.36; махаани. адта. 3);
Apassaṃ bajjhate mūḷho, bajjhamāno na muccatī’’ti. (dī. ni. aṭṭha. 2.373; ma. ni. aṭṭha. 1.106; paṭi. ma. aṭṭha. 1.1.36; mahāni. aṭṭha. 3);
гханавиниб̣бхог̇аад̣̇ид̣̇ассанад̇т̇анд̇и аад̣̇исад̣̇д̣̇зна аяамад̇т̇о взд̣̇ид̇аб̣б̣о. аяан̃хи зд̇асмим̣ гааяз гааяаанубассийязва, на ан̃н̃ад̇хаммаанубассий.
Ghanavinibbhogādidassanatthanti ādisaddena ayamattho veditabbo. Ayañhi etasmiṃ kāye kāyānupassīyeva, na aññadhammānupassī.
ид̣̇ам̣ вуд̇д̇ам̣ ход̇и – яат̇аа ануд̣̇агабхууд̇ааяаби марийжияаа уд̣̇агаанубассино хонд̇и, на звам̣ анижжад̣̇угкаанад̇д̇аасубхабхууд̇з зва имасмим̣ гааяз нижжасукаад̇д̇асубхабхааваанубассий , ат̇а ко гааяаанубассий анижжад̣̇угкаанад̇д̇аасубхаагаарасамуухаанубассийд̇и ад̇т̇о. ат̇а ваа явааяам̣ махаасад̇ибадтаанз (д̣̇ий. ни. 2.374 аад̣̇аяо) ассаасабассаасаад̣̇ижун̣н̣игаж̇аад̇аадтигабарияосаано гааяо вуд̇д̇о, яо жа ‘‘ид̇хзгажжо бат̇авийгааяам̣ анижжад̇о анубассад̇и, аабогааяам̣ д̇зж̇огааяам̣ вааяогааяам̣ гзсагааяам̣…бз… адтимин̃ж̇агааяа’’нд̇и бадисамбхид̣̇ааяам̣ (бади. ма. 3.34 аад̣̇аяо) гааяо вуд̇д̇о, д̇асса саб̣б̣асса имасмим̣язва гааяз анубассанад̇о гааяз гааяаанубассийд̇и звамбзд̇т̇а ад̇т̇о д̣̇адтаб̣б̣о.
Idaṃ vuttaṃ hoti – yathā anudakabhūtāyapi marīciyā udakānupassino honti, na evaṃ aniccadukkhānattaasubhabhūte eva imasmiṃ kāye niccasukhaattasubhabhāvānupassī , atha kho kāyānupassī aniccadukkhaanattaasubhākārasamūhānupassīti attho. Atha vā yvāyaṃ mahāsatipaṭṭhāne (dī. ni. 2.374 ādayo) assāsapassāsādicuṇṇikajātaaṭṭhikapariyosāno kāyo vutto, yo ca ‘‘idhekacco pathavīkāyaṃ aniccato anupassati, āpokāyaṃ tejokāyaṃ vāyokāyaṃ kesakāyaṃ…pe… aṭṭhimiñjakāya’’nti paṭisambhidāyaṃ (paṭi. ma. 3.34 ādayo) kāyo vutto, tassa sabbassa imasmiṃyeva kāye anupassanato kāye kāyānupassīti evampettha attho daṭṭhabbo.
ат̇а ваа гааяз аханд̇и ваа маманд̇и ваа г̇ахзд̇аб̣б̣асса гассажи ананубассанад̇о, д̇асса бана гзсаломаад̣̇игасса наанаад̇хаммасамуухасса анубассанад̇о гааяз гзсаад̣̇ид̇хаммасамуухасан̇каад̇з гааяаанубассийд̇и ад̇т̇о д̣̇адтаб̣б̣о. аби жа ‘‘имасмим̣ гааяз анижжад̇о анубассад̇и но нижжад̇о’’д̇иаад̣̇инаа ануггамзна бадисамбхид̣̇ааяам̣ (бади. ма. 3.34 аад̣̇аяо) ааг̇ад̇анаяасса саб̣б̣ассзва анижжалагкан̣аад̣̇игасса аагаарасамуухасан̇каад̇асса гааяасса анубассанад̇о гааяз гааяаанубассийд̇и ад̇т̇о.
Atha vā kāye ahanti vā mamanti vā gahetabbassa kassaci ananupassanato, tassa pana kesalomādikassa nānādhammasamūhassa anupassanato kāye kesādidhammasamūhasaṅkhāte kāyānupassīti attho daṭṭhabbo. Api ca ‘‘imasmiṃ kāye aniccato anupassati no niccato’’tiādinā anukkamena paṭisambhidāyaṃ (paṭi. ma. 3.34 ādayo) āgatanayassa sabbasseva aniccalakkhaṇādikassa ākārasamūhasaṅkhātassa kāyassa anupassanato kāye kāyānupassīti attho.
вихараахийд̇и вад̇д̇аахи. аад̇аабийд̇и д̇ийсу бхавзсу гилзсз аад̇аабзд̇ийд̇и аад̇аабо, со асса ад̇т̇ийд̇и аад̇аабий. самбаж̇аанод̇и самбаж̇ан̃н̃асан̇каад̇зна н̃аан̣зна саманнааг̇ад̇о. сад̇имаад̇и гааяабариг̇г̇аахигааяа сад̇ияаа саманнааг̇ад̇о. аяам̣ бана яасмаа сад̇ияаа аарамман̣ам̣ бариг̇г̇ахзд̇ваа бан̃н̃ааяа анубассад̇и, на хи сад̇ивирахид̇аа анубассанаа ад̇т̇и, д̇знзвааха – ‘‘сад̇ин̃жа кваахам̣, бхигкавз, саб̣б̣ад̇т̇игам̣ вад̣̇аамий’’д̇и (сам̣. ни. 5.234). анаад̇аабино жа анд̇о сан̇гожо анд̇арааяагаро ход̇и, гаммадтаанам̣ на самбаж̇ж̇ад̇и. д̇асмаа язсам̣ д̇хаммаанам̣ аанубхаавзна д̇ам̣ самбаж̇ж̇ад̇и, д̇ам̣ д̣̇ассанад̇т̇ам̣ ‘‘аад̇аабий’’д̇иаад̣̇и вуд̇д̇ам̣.
Viharāhīti vattāhi. Ātāpīti tīsu bhavesu kilese ātāpetīti ātāpo, so assa atthīti ātāpī. Sampajānoti sampajaññasaṅkhātena ñāṇena samannāgato. Satimāti kāyapariggāhikāya satiyā samannāgato. Ayaṃ pana yasmā satiyā ārammaṇaṃ pariggahetvā paññāya anupassati, na hi sativirahitā anupassanā atthi, tenevāha – ‘‘satiñca khvāhaṃ, bhikkhave, sabbatthikaṃ vadāmī’’ti (saṃ. ni. 5.234). Anātāpino ca anto saṅkoco antarāyakaro hoti, kammaṭṭhānaṃ na sampajjati. Tasmā yesaṃ dhammānaṃ ānubhāvena taṃ sampajjati, taṃ dassanatthaṃ ‘‘ātāpī’’tiādi vuttaṃ.
д̇ад̇т̇а винзяяаад̇и д̇ад̣̇ан̇г̇авинаязна ваа вигкамбханавинаязна ваа винаяид̇ваа. логзд̇и д̇асмим̣язва гааяз. гааяо хи ид̇ха луж̇ж̇анабалуж̇ж̇анадтзна логод̇и ад̇хиббзд̇о. абхиж̇жхааг̇г̇ахан̣зна жзд̇т̇а гаамажчанд̣̇о, д̣̇оманассаг̇г̇ахан̣зна б̣яаабаад̣̇о г̇ахид̇од̇и нийваран̣зсу б̣алавад̇хаммад̣̇ваяаббахаанад̣̇ассанзна нийваран̣аббахаанам̣ вуд̇д̇анд̇и гааяаанубассанаасад̇ибадтаанасса бахаанан̇г̇ам̣ д̣̇ассид̇ам̣. ‘‘аад̇аабий’’д̇иаад̣̇инаа бана самбаяог̇ан̇г̇ам̣ д̣̇ассид̇анд̇и имамад̇т̇ам̣ д̣̇ассзд̇ум̣ ‘‘аад̇аабий’’д̇иаад̣̇и вуд̇д̇ам̣. д̇ад̇т̇а абхиж̇жхаад̣̇оманассаанам̣ самат̇о уж̇убадибагкод̇и абхиж̇жхаад̣̇оманассавинаяо вужжамаано самаад̇хинд̣̇рияам̣ д̣̇ийбзд̇ийд̇и ааха – ‘‘винзяяа логз абхиж̇жхаад̣̇оманассанд̇и самаад̇хинд̣̇рияа’’нд̇и (сам̣. ни. адта. 3.5.367). згалагкан̣ад̇д̇аа жад̇уннам̣ инд̣̇рияаананд̇и яат̇аа вийрияабан̃н̃аасамаад̇хинд̣̇риязхи гааяаанубассанаасад̇ибадтаанам̣ иж̇жхад̇и, звам̣ взд̣̇анаажид̇д̇ад̇хаммаанубассанаасад̇ибадтаанааниби д̇зхи иж̇жханд̇ийд̇и жад̇усад̇ибадтаанасаад̇ханз имзсам̣ инд̣̇рияаанам̣ сабхаавабхзд̣̇аабхаавад̇о самааналагкан̣ад̇д̇аа ид̇араани сад̇ибадтаанааниби вуд̇д̇аани зва хонд̇ийд̇и ад̇т̇о.
Tattha vineyyāti tadaṅgavinayena vā vikkhambhanavinayena vā vinayitvā. Loketi tasmiṃyeva kāye. Kāyo hi idha lujjanapalujjanaṭṭhena lokoti adhippeto. Abhijjhāggahaṇena cettha kāmacchando, domanassaggahaṇena byāpādo gahitoti nīvaraṇesu balavadhammadvayappahānadassanena nīvaraṇappahānaṃ vuttanti kāyānupassanāsatipaṭṭhānassa pahānaṅgaṃ dassitaṃ. ‘‘Ātāpī’’tiādinā pana sampayogaṅgaṃ dassitanti imamatthaṃ dassetuṃ ‘‘ātāpī’’tiādi vuttaṃ. Tattha abhijjhādomanassānaṃ samatho ujupaṭipakkhoti abhijjhādomanassavinayo vuccamāno samādhindriyaṃ dīpetīti āha – ‘‘vineyya loke abhijjhādomanassanti samādhindriya’’nti (saṃ. ni. aṭṭha. 3.5.367). Ekalakkhaṇattā catunnaṃ indriyānanti yathā vīriyapaññāsamādhindriyehi kāyānupassanāsatipaṭṭhānaṃ ijjhati, evaṃ vedanācittadhammānupassanāsatipaṭṭhānānipi tehi ijjhantīti catusatipaṭṭhānasādhane imesaṃ indriyānaṃ sabhāvabhedābhāvato samānalakkhaṇattā itarāni satipaṭṭhānānipi vuttāni eva hontīti attho.
24. ид̣̇аани сад̇ибадтаанзсу г̇ахид̇зсу саб̣б̣зсам̣ б̣од̇хибагкияад̇хаммаанам̣ г̇ахид̇абхаавам̣ д̣̇ассзд̇ум̣ ‘‘жад̇уусу сад̇ибадтаанзсуу’’д̇иаад̣̇и вуд̇д̇ам̣. д̇ад̇т̇а б̣од̇хан̇г̇амаад̇и б̣од̇хам̣ арияамаг̇г̇ан̃аан̣ам̣ г̇ажчанд̇ийд̇и б̣од̇хан̇г̇амаа. яат̇аавуд̇д̇асса б̣од̇хасса багкз бхаваад̇и б̣од̇хибагкияаа. нзяяаанигалагкан̣знаад̇и зд̇т̇а нимид̇д̇ад̇о бавад̇д̇ад̇о жа вудтаанам̣ нияяаанам̣, нияяаанз нияуд̇д̇аад̇и нзяяаанигаа, яат̇аа д̣̇овааригод̇и. нияяаанасан̇каад̇ам̣ ваа палам̣ араханд̇ийд̇и нзяяаанигаа. нияяаанам̣ баяож̇анам̣ зд̇зсанд̇и ваа нзяяаанигаа. ‘‘нияяаанигаа’’д̇иби баато, д̇ад̇т̇а нияяаанам̣ зд̇зсам̣ ад̇т̇ийд̇и нияяаанигаад̇и ад̇т̇о. ‘‘нияяаанияаа’’д̇иби баато, д̇асса нияяанд̇ийд̇и нияяаанияаад̇и ад̇т̇о д̣̇адтаб̣б̣о. нияяаанигалагкан̣знаад̇и нияяаанигасабхаавзна.
24. Idāni satipaṭṭhānesu gahitesu sabbesaṃ bodhipakkhiyadhammānaṃ gahitabhāvaṃ dassetuṃ ‘‘catūsu satipaṭṭhānesū’’tiādi vuttaṃ. Tattha bodhaṅgamāti bodhaṃ ariyamaggañāṇaṃ gacchantīti bodhaṅgamā. Yathāvuttassa bodhassa pakkhe bhavāti bodhipakkhiyā. Neyyānikalakkhaṇenāti ettha nimittato pavattato ca vuṭṭhānaṃ niyyānaṃ, niyyāne niyuttāti neyyānikā, yathā dovārikoti. Niyyānasaṅkhātaṃ vā phalaṃ arahantīti neyyānikā. Niyyānaṃ payojanaṃ etesanti vā neyyānikā. ‘‘Niyyānikā’’tipi pāṭho, tattha niyyānaṃ etesaṃ atthīti niyyānikāti attho. ‘‘Niyyāniyā’’tipi pāṭho, tassa niyyantīti niyyāniyāti attho daṭṭhabbo. Niyyānikalakkhaṇenāti niyyānikasabhāvena.
звам̣ агусалааби д̇хаммаад̇и яат̇аа гусалаа д̇хаммаа згалагкан̣абхаавзна нид̣̇д̇хаарид̇аа, звам̣ агусалааби д̇хаммаа згалагкан̣адтзна нид̣̇д̇хаарзд̇аб̣б̣аа. гат̇ам̣? бахаанзгадтад̇аавасзнаад̇и д̣̇ассзнд̇о ‘‘бахаанам̣ аб̣бхад̇т̇ам̣ г̇ажчанд̇ий’’д̇и ааха. ид̣̇аани д̇ам̣ бахаанам̣ д̣̇ассзд̇ум̣ ‘‘жад̇уусу сад̇ибадтаанзсуу’’д̇иаад̣̇и вуд̇д̇ам̣. д̇ад̇т̇а гааяаанубассанаад̣̇ийсу жад̇уусу сад̇ибадтаанзсу бхаавияамаанзсу асубхз субханд̇иаад̣̇аяо жад̇д̇ааро вибаллаасаа бахийяанд̇и, габ̣ал̣ийгаараахаараад̣̇аяо жад̇д̇ааро аахаараа жасса барин̃н̃ам̣ г̇ажчанд̇и, д̇зсам̣ бариж̇аананасса бариб̣анд̇хино гаамарааг̇аад̣̇аяо б̣яанд̇ийгад̇аа хонд̇ийд̇и ад̇т̇о, гасмаа? д̇зхи бахаад̇аб̣б̣абхаавзна згалагкан̣ад̇д̇аад̇и. звам̣ саб̣б̣ад̇т̇а ад̇т̇о яож̇зд̇аб̣б̣о. д̇знзвааха – ‘‘звам̣ агусалааби д̇хаммаа згалагкан̣ад̇д̇аа бахаанам̣ аб̣бхад̇т̇ам̣ г̇ажчанд̇ий’’д̇и.
Evaṃ akusalāpi dhammāti yathā kusalā dhammā ekalakkhaṇabhāvena niddhāritā, evaṃ akusalāpi dhammā ekalakkhaṇaṭṭhena niddhāretabbā. Kathaṃ? Pahānekaṭṭhatāvasenāti dassento ‘‘pahānaṃ abbhatthaṃ gacchantī’’ti āha. Idāni taṃ pahānaṃ dassetuṃ ‘‘catūsu satipaṭṭhānesū’’tiādi vuttaṃ. Tattha kāyānupassanādīsu catūsu satipaṭṭhānesu bhāviyamānesu asubhe subhantiādayo cattāro vipallāsā pahīyanti, kabaḷīkārāhārādayo cattāro āhārā cassa pariññaṃ gacchanti, tesaṃ parijānanassa paribandhino kāmarāgādayo byantīkatā hontīti attho, kasmā? Tehi pahātabbabhāvena ekalakkhaṇattāti. Evaṃ sabbattha attho yojetabbo. Tenevāha – ‘‘evaṃ akusalāpi dhammā ekalakkhaṇattā pahānaṃ abbhatthaṃ gacchantī’’ti.
ид̣̇аани ан̃н̃знаби барияааязна лагкан̣ахаарасса уд̣̇аахаран̣аани д̣̇ассзд̇ум̣ ‘‘яад̇т̇а ваа банаа’’д̇иаад̣̇и вуд̇д̇ам̣. д̇ад̇т̇а яад̇т̇аад̇и яассам̣ д̣̇зсанааяам̣. ваа-сад̣̇д̣̇о вигаббад̇т̇о. банаад̇и бад̣̇абууран̣о. руубинд̣̇рияанд̇и руббанасабхаавам̣ адтавид̇хам̣ инд̣̇рияам̣. д̇ад̇т̇аад̇и д̇ассам̣ д̣̇зсанааяам̣. руубад̇хаад̇ууд̇и руббанасабхааваа д̣̇аса д̇хаад̇уяо. руубааяад̇ананд̇и руббанасабхаавам̣ д̣̇асааяад̇анам̣, руубийни д̣̇асааяад̇анаанийд̇и ад̇т̇о. руббаналагкан̣зна згалагкан̣ад̇д̇аа имаани д̣̇зсид̇аанийд̇и ад̇хиббааяо. д̣̇зсид̇ам̣ д̇ад̇т̇а сукинд̣̇рияам̣ соманассинд̣̇рияам̣ сукавзд̣̇анаабхаавзна згалагкан̣ад̇д̇аад̇и ад̇хиббааяо.
Idāni aññenapi pariyāyena lakkhaṇahārassa udāharaṇāni dassetuṃ ‘‘yattha vā panā’’tiādi vuttaṃ. Tattha yatthāti yassaṃ desanāyaṃ. Vā-saddo vikappattho. Panāti padapūraṇo. Rūpindriyanti ruppanasabhāvaṃ aṭṭhavidhaṃ indriyaṃ. Tatthāti tassaṃ desanāyaṃ. Rūpadhātūti ruppanasabhāvā dasa dhātuyo. Rūpāyatananti ruppanasabhāvaṃ dasāyatanaṃ, rūpīni dasāyatanānīti attho. Ruppanalakkhaṇena ekalakkhaṇattā imāni desitānīti adhippāyo. Desitaṃ tattha sukhindriyaṃ somanassindriyaṃ sukhavedanābhāvena ekalakkhaṇattāti adhippāyo.
д̣̇угкасамуд̣̇аяо жа арияасажжанд̇и ид̣̇ам̣ агусаласса соманассасса васзна вуд̇д̇ам̣, саасавагусалассааби васзна яуж̇ж̇ад̇и зва. саб̣б̣о жа бадижжасамуббаад̣̇о д̣̇зсид̇од̇и самб̣анд̇хо. авиж̇ж̇аанусаяид̇ад̇д̇аа ад̣̇угкамасукааяа взд̣̇анааяа. вуд̇д̇ан̃хзд̇ам̣ – ‘‘ад̣̇угкамасукааяа взд̣̇анааяа авиж̇ж̇аанусаяо анусзд̇ий’’д̇и (ма. ни. 1.465). д̇ат̇аа жа вуд̇д̇ам̣ ‘‘ад̣̇угкамасукааяа хи взд̣̇анааяа авиж̇ж̇аа анусзд̇ий’’д̇и. зд̇зна ад̣̇угкамасукаавзд̣̇анааг̇г̇ахан̣зна авиж̇ж̇аа г̇ахид̇аад̇и д̣̇ассзд̇и. сад̇и жа авиж̇ж̇ааг̇г̇ахан̣з саб̣б̣о бадижжасамуббаад̣̇о д̣̇зсид̇од̇и д̣̇ассзд̇ум̣ ‘‘авиж̇ж̇аабажжаяаа сан̇каараа’’д̇иаад̣̇и вуд̇д̇ам̣. со жаад̇и зд̇т̇а жа-сад̣̇д̣̇о б̣яад̇ирзгад̇т̇о, д̇зна со бадижжасамуббаад̣̇о ануломабадиломавасзна д̣̇увид̇ход̇и имам̣ вагкамаанависзсам̣ ж̇од̇зд̇и. д̇зсу ануломад̇о бадижжасамуббаад̣̇о яат̇аад̣̇ассид̇о сарааг̇асад̣̇осасамохасам̣гилзсабагкзна хаад̇аб̣б̣од̇и вуд̇д̇о, бадиломад̇о бана бадижжасамуббаад̣̇о яо ‘‘авиж̇ж̇ааяад̇взва асзсавирааг̇анирод̇хаа’’д̇иаад̣̇инаа баал̣ияам̣ (ма. ни. 3.126; махаава. 1) вуд̇д̇о, д̇ам̣ санд̇хааяа ‘‘вийд̇арааг̇авийд̇ад̣̇осавийд̇амохаарияад̇хаммзхи хаад̇аб̣б̣о’’д̇и вуд̇д̇ам̣.
Dukkhasamudayo ca ariyasaccanti idaṃ akusalassa somanassassa vasena vuttaṃ, sāsavakusalassāpi vasena yujjati eva. Sabbo ca paṭiccasamuppādo desitoti sambandho. Avijjānusayitattā adukkhamasukhāya vedanāya. Vuttañhetaṃ – ‘‘adukkhamasukhāya vedanāya avijjānusayo anusetī’’ti (ma. ni. 1.465). Tathā ca vuttaṃ ‘‘adukkhamasukhāya hi vedanāya avijjā anusetī’’ti. Etena adukkhamasukhāvedanāggahaṇena avijjā gahitāti dasseti. Sati ca avijjāggahaṇe sabbo paṭiccasamuppādo desitoti dassetuṃ ‘‘avijjāpaccayā saṅkhārā’’tiādi vuttaṃ. So cāti ettha ca-saddo byatirekattho, tena so paṭiccasamuppādo anulomapaṭilomavasena duvidhoti imaṃ vakkhamānavisesaṃ joteti. Tesu anulomato paṭiccasamuppādo yathādassito sarāgasadosasamohasaṃkilesapakkhena hātabboti vutto, paṭilomato pana paṭiccasamuppādo yo ‘‘avijjāyatveva asesavirāganirodhā’’tiādinā pāḷiyaṃ (ma. ni. 3.126; mahāva. 1) vutto, taṃ sandhāya ‘‘vītarāgavītadosavītamohaariyadhammehi hātabbo’’ti vuttaṃ.
ид̣̇аани згалагкан̣ад̇аавибхааванзна лагкан̣ахаараяож̇анааяа наяам̣ д̣̇ассзд̇ум̣ ‘‘звам̣ яз д̇хаммаа’’д̇иаад̣̇и вуд̇д̇ам̣. д̇ад̇т̇а гижжад̇од̇и бат̇авийаад̣̇ийнам̣ пассаад̣̇ийнан̃жа руубааруубад̇хаммаанам̣ санд̇хааран̣асан̇гхадданаад̣̇игижжад̇о, д̇зсам̣ д̇зсам̣ ваа бажжаяад̇хаммаанам̣ д̇ам̣д̇ам̣бажжаяуббаннад̇хаммасса бажжаяабхаавасан̇каад̇агижжад̇о. лагкан̣ад̇од̇и гагкал̣апусанаад̣̇исабхаавад̇о. сааман̃н̃ад̇од̇и руббананаманаад̣̇ид̇о анижжад̇аад̣̇ид̇о канд̇хааяад̇анаад̣̇ид̇о жа. жуд̇уубабаад̇ад̇од̇и сан̇кад̇ад̇хаммаанам̣ бхан̇г̇ад̇о уббаад̣̇ад̇о жа, самаананирод̇хад̇о самаануббаад̣̇ад̇о жаад̇и ад̇т̇о. зд̇т̇а жа сахажаран̣ам̣ самаанахзд̇уд̇аа самаанапалад̇аа самаанабхуумид̇аа самаанависаяад̇аа самаанаарамман̣ад̇аад̇и звамаад̣̇аяоби жа-сад̣̇д̣̇зна сан̇г̇ахид̇аад̇и д̣̇адтаб̣б̣ам̣. сзсам̣ уд̇д̇аанад̇т̇амзва.
Idāni ekalakkhaṇatāvibhāvanena lakkhaṇahārayojanāya nayaṃ dassetuṃ ‘‘evaṃ ye dhammā’’tiādi vuttaṃ. Tattha kiccatoti pathavīādīnaṃ phassādīnañca rūpārūpadhammānaṃ sandhāraṇasaṅghaṭṭanādikiccato, tesaṃ tesaṃ vā paccayadhammānaṃ taṃtaṃpaccayuppannadhammassa paccayabhāvasaṅkhātakiccato. Lakkhaṇatoti kakkhaḷaphusanādisabhāvato. Sāmaññatoti ruppananamanādito aniccatādito khandhāyatanādito ca. Cutūpapātatoti saṅkhatadhammānaṃ bhaṅgato uppādato ca, samānanirodhato samānuppādato cāti attho. Ettha ca sahacaraṇaṃ samānahetutā samānaphalatā samānabhūmitā samānavisayatā samānārammaṇatāti evamādayopi ca-saddena saṅgahitāti daṭṭhabbaṃ. Sesaṃ uttānatthameva.
лагкан̣ахааравибхан̇г̇аван̣н̣анаа нидтид̇аа.
Lakkhaṇahāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 5. лагкан̣ахааравибхан̇г̇о • 5. Lakkhaṇahāravibhaṅgo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 5. лагкан̣ахааравибхан̇г̇аван̣н̣анаа • 5. Lakkhaṇahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 5. лагкан̣ахааравибхан̇г̇авибхааванаа • 5. Lakkhaṇahāravibhaṅgavibhāvanā
