| Library / Tipiṭaka / д̇ибидага • Tipiṭaka / нзд̇д̇иббагаран̣а-дийгаа • Nettippakaraṇa-ṭīkā |
5. лагкан̣ахааравибхан̇г̇аван̣н̣анаа
5. Lakkhaṇahāravibhaṅgavaṇṇanā
23. ‘‘лагкан̣ахаарасса висаяам̣ бужчад̇ий’’д̇и вуд̇д̇ам̣, ‘‘го бана д̇асса висаяо’’д̇и вуд̇д̇з самааналагкан̣аа авуд̇д̇ад̇хаммаа. гааяаанубассанааяа самаарад̣̇д̇хааяа взд̣̇анаанубассанаад̣̇аяо сукзнзва сиж̇жханд̇ийд̇и д̇аб̣б̣ажанзна взд̣̇анааг̇ад̇аасад̇иаад̣̇ийнам̣ вуд̇д̇абхааво д̣̇ассид̇о сад̇ибадтаанабхаавзна згалагкан̣ад̇д̇аад̇и гааяаанубассанаасад̇ибадтаанасса сад̣̇д̇хаануг̇г̇ахид̇аани вийрияасад̇исамаад̇хибан̃н̃инд̣̇рияаани саад̇ханам̣, звам̣ ид̇арзсамбийд̇и гад̇ваа вуд̇д̇ам̣. аяам̣ ад̇т̇о адтагат̇ааяамзва (нзд̇д̇и. адта. 51) барад̇о ааг̇амиссад̇и. иминаа наязна сзсзсуби згалагкан̣ад̇аанид̣̇д̣̇зсзсу ад̇т̇о взд̣̇ид̇аб̣б̣о. барад̇од̇и жад̇уб̣яуухахаараван̣н̣анааяам̣ (нзд̇д̇и. адта. 20).
23.‘‘Lakkhaṇahārassa visayaṃ pucchatī’’ti vuttaṃ, ‘‘ko pana tassa visayo’’ti vutte samānalakkhaṇā avuttadhammā. Kāyānupassanāya samāraddhāya vedanānupassanādayo sukheneva sijjhantīti tabbacanena vedanāgatāsatiādīnaṃ vuttabhāvo dassito satipaṭṭhānabhāvena ekalakkhaṇattāti kāyānupassanāsatipaṭṭhānassa saddhānuggahitāni vīriyasatisamādhipaññindriyāni sādhanaṃ, evaṃ itaresampīti katvā vuttaṃ. Ayaṃ attho aṭṭhakathāyameva (netti. aṭṭha. 51) parato āgamissati. Iminā nayena sesesupi ekalakkhaṇatāniddesesu attho veditabbo. Paratoti catubyūhahāravaṇṇanāyaṃ (netti. aṭṭha. 20).
асаммиссад̇од̇и взд̣̇анаад̣̇аяоби зд̇т̇а сид̇аа зд̇т̇а бадисанд̇хаад̇и гааяз взд̣̇анаад̣̇ианубассанаабасан̇г̇зби аабаннз д̇ад̣̇асаммиссад̇од̇и ад̇т̇о.
Asammissatoti vedanādayopi ettha sitā ettha paṭisandhāti kāye vedanādianupassanāpasaṅgepi āpanne tadasammissatoti attho.
аваяавиг̇аахасаман̃н̃аад̇ид̇хааванасаараад̣̇аанаабхинивзсанисзд̇ханад̇т̇ам̣ гааяам̣ ан̇г̇абажжан̇г̇зхи, д̇аани жа гзсаад̣̇ийхи, гзсаад̣̇игз жа бхууд̇убаад̣̇ааяаруубзхи виниб̣бхуж̇ид̇ум̣ ‘‘д̇ат̇аа на гааяз’’д̇иаад̣̇имааха. баасаад̣̇аад̣̇инаг̇арааваяавасамуухз аваяавиваад̣̇иноби аваяавиг̇аахан̣ам̣ гаронд̇и. наг̇арам̣ наама гожи ад̇т̇о ад̇т̇ийд̇и бана гзсан̃жи саман̃н̃аад̇ид̇хааванам̣ сияаад̇и ид̇т̇ибурисаад̣̇исаман̃н̃аад̇ид̇хааванз наг̇аранид̣̇ассанам̣ вуд̇д̇ам̣. ан̃н̃о гожи сад̇д̇аад̣̇иго. яам̣ бассад̇и ид̇т̇им̣, бурисам̣ ваа. нану жагкунаа ид̇т̇ибурисад̣̇ассанам̣ над̇т̇ийд̇и? сажжам̣ над̇т̇и, ‘‘ид̇т̇им̣ бассаами, бурисам̣ бассаамий’’д̇и бана бавад̇д̇асаман̃н̃аавасзна ‘‘яам̣ бассад̇ий’’д̇и вуд̇д̇ам̣. мижчаад̣̇ассанзна ваа д̣̇идтияаа яам̣ бассад̇и, на д̇ам̣ д̣̇идтам̣ руубааяад̇анам̣ ход̇и, руубааяад̇анам̣ ваа д̇ам̣ на ход̇ийд̇и ад̇т̇о. ат̇а ваа д̇ам̣ госаад̣̇ибхууд̇убаад̣̇ааяасамуухасан̇каад̇ам̣ д̣̇идтам̣ на ход̇и, д̣̇идтам̣ ваа яат̇аавуд̇д̇ам̣ на ход̇ийд̇и ад̇т̇о. яам̣ д̣̇идтам̣ д̇ам̣ на бассад̇ийд̇и яам̣ руубааяад̇анам̣, гзсаад̣̇ибхууд̇убаад̣̇ааяасамуухасан̇каад̇ам̣ ваа д̣̇идтам̣, д̇ам̣ бан̃н̃аажагкунаа бхууд̇ад̇о на бассад̇ийд̇и ад̇т̇о.
Avayavigāhasamaññātidhāvanasārādānābhinivesanisedhanatthaṃ kāyaṃ aṅgapaccaṅgehi, tāni ca kesādīhi, kesādike ca bhūtupādāyarūpehi vinibbhujituṃ ‘‘tathā na kāye’’tiādimāha. Pāsādādinagarāvayavasamūhe avayavivādinopi avayavigāhaṇaṃ karonti. Nagaraṃ nāma koci attho atthīti pana kesañci samaññātidhāvanaṃ siyāti itthipurisādisamaññātidhāvane nagaranidassanaṃ vuttaṃ. Añño koci sattādiko. Yaṃ passati itthiṃ, purisaṃ vā. Nanu cakkhunā itthipurisadassanaṃ natthīti? Saccaṃ natthi, ‘‘itthiṃ passāmi, purisaṃ passāmī’’ti pana pavattasamaññāvasena ‘‘yaṃ passatī’’ti vuttaṃ. Micchādassanena vā diṭṭhiyā yaṃ passati, na taṃ diṭṭhaṃ rūpāyatanaṃ hoti, rūpāyatanaṃ vā taṃ na hotīti attho. Atha vā taṃ kosādibhūtupādāyasamūhasaṅkhātaṃ diṭṭhaṃ na hoti, diṭṭhaṃ vā yathāvuttaṃ na hotīti attho. Yaṃ diṭṭhaṃ taṃ na passatīti yaṃ rūpāyatanaṃ, kesādibhūtupādāyasamūhasaṅkhātaṃ vā diṭṭhaṃ, taṃ paññācakkhunā bhūtato na passatīti attho.
на ан̃н̃ад̇хаммаанубассийд̇и на ан̃н̃асабхааваанубассий, асубхаад̣̇ид̇о ан̃н̃аагаараанубассий на ход̇ийд̇и вуд̇д̇ам̣ ход̇и.
Na aññadhammānupassīti na aññasabhāvānupassī, asubhādito aññākārānupassī na hotīti vuttaṃ hoti.
бат̇авийгааяанд̇и гзсаад̣̇им̣ бат̇авийд̇хаммасамуухад̇д̇аа ‘‘гааяо’’д̇и вад̣̇ад̇и, лагкан̣абат̇авимзва ваа анзгабхзд̣̇абхиннам̣ сагаласарийраг̇ад̇ам̣ буб̣б̣аабарияабхаавзна бавад̇д̇амаанам̣ самуухавасзна г̇ахзд̇ваа ‘‘гааяо’’д̇и вад̣̇ад̇и. звам̣ ан̃н̃ад̇т̇ааби.
Pathavīkāyanti kesādiṃ pathavīdhammasamūhattā ‘‘kāyo’’ti vadati, lakkhaṇapathavimeva vā anekabhedabhinnaṃ sakalasarīragataṃ pubbāpariyabhāvena pavattamānaṃ samūhavasena gahetvā ‘‘kāyo’’ti vadati. Evaṃ aññatthāpi.
аагаарасамуухасан̇каад̇ассаад̇и анижжад̇аад̣̇иаагаарасамуд̣̇ааяабарияааяасса.
Ākārasamūhasaṅkhātassāti aniccatādiākārasamudāyapariyāyassa.
д̇ийсу бхавзсу гилзсзд̇и бхавад̇д̇аяависаяагилзсз. саб̣б̣ад̇т̇иганд̇и саб̣б̣ад̇т̇а лийнз, уд̣̇д̇хад̇з жа жид̇д̇з ижчид̇аб̣б̣ад̇т̇аа, саб̣б̣з ваа лийнз, уд̣̇д̇хад̇з жа бхаавзд̇аб̣б̣аа б̣ож̇жхан̇г̇аа ад̇т̇игаа зд̇ааяаад̇и саб̣б̣ад̇т̇игаа. анд̇о сан̇гожод̇и анд̇о олийяанаа, госаж̇ж̇анд̇и ад̇т̇о.
Tīsu bhavesu kileseti bhavattayavisayakilese. Sabbatthikanti sabbattha līne, uddhate ca citte icchitabbatthā, sabbe vā līne, uddhate ca bhāvetabbā bojjhaṅgā atthikā etāyāti sabbatthikā. Anto saṅkocoti anto olīyanā, kosajjanti attho.
24. г̇ахид̇зсууд̇и бхааванааг̇г̇ахан̣зна г̇ахид̇зсу, бхаавид̇зсууд̇и ад̇т̇о, важанзна ваа г̇ахид̇зсу. бхааванааг̇г̇ахан̣ад̣̇ийбанад̇т̇ад̇д̇аа бана важанзна г̇ахан̣асса бхааванааг̇г̇ахан̣амзд̇т̇а бад̇хаанам̣. яасса сад̇ибадтаанаа бхаавид̇аа, д̇асса саммаббад̇хаанаад̣̇аяо б̣од̇хибагкияад̇хаммаа на бхаавид̇аад̇и нзд̇ам̣ таанам̣ виж̇ж̇ад̇ийд̇и жа самааналагкан̣ад̇аабад̣̇зсзна имамад̇т̇ам̣ д̣̇ассзд̇ум̣ баал̣ияам̣ ‘‘жад̇уусу сад̇ибадтаанзсу бхаавияамаанзсу жад̇д̇ааро саммаббад̇хаанаа бхааванаабаарибуурим̣ г̇ажчанд̇ий’’д̇иаад̣̇и вуд̇д̇ам̣.
24.Gahitesūti bhāvanāggahaṇena gahitesu, bhāvitesūti attho, vacanena vā gahitesu. Bhāvanāggahaṇadīpanatthattā pana vacanena gahaṇassa bhāvanāggahaṇamettha padhānaṃ. Yassa satipaṭṭhānā bhāvitā, tassa sammappadhānādayo bodhipakkhiyadhammā na bhāvitāti netaṃ ṭhānaṃ vijjatīti ca samānalakkhaṇatāpadesena imamatthaṃ dassetuṃ pāḷiyaṃ ‘‘catūsu satipaṭṭhānesu bhāviyamānesu cattāro sammappadhānā bhāvanāpāripūriṃ gacchantī’’tiādi vuttaṃ.
вибаллаасаа бахийяанд̇и уж̇увибажжанийгабхаавад̇о. ‘‘аахаарасамуд̣̇аяаа гааяасса самуд̣̇аяо, пассасамуд̣̇аяаа взд̣̇анаанам̣ самуд̣̇аяо (сам̣. ни. 5.408), сан̇каарабажжаяаа вин̃н̃аан̣ам̣, вин̃н̃аан̣абажжаяаа наамарууба’’нд̇и (сам̣. ни. 1.1, 39; ма. ни. 3.126; махаава. 1; уд̣̇аа. 1; вибха. 225) важанад̇о гааяаад̣̇ийнам̣ самуд̣̇аяабхууд̇аа габ̣ал̣ийгаараахаарапассаманосан̃жзд̇анаавин̃н̃аан̣аахаараагааяаад̣̇ийнам̣ бариж̇аананзна барин̃н̃аад̇аа хонд̇и д̇аббадибагкаббахаанад̇од̇и д̣̇ассзнд̇о ‘‘жад̇д̇ааро аахаараа’’д̇иаад̣̇имааха. саб̣б̣ад̇т̇аад̇и ‘‘убаад̣̇аанзхи анубаад̣̇аано бхавад̇ий’’д̇и звамаад̣̇ийсу.
Vipallāsāpahīyanti ujuvipaccanīkabhāvato. ‘‘Āhārasamudayā kāyassa samudayo, phassasamudayā vedanānaṃ samudayo (saṃ. ni. 5.408), saṅkhārapaccayā viññāṇaṃ, viññāṇapaccayā nāmarūpa’’nti (saṃ. ni. 1.1, 39; ma. ni. 3.126; mahāva. 1; udā. 1; vibha. 225) vacanato kāyādīnaṃ samudayabhūtā kabaḷīkārāhāraphassamanosañcetanāviññāṇāhārākāyādīnaṃ parijānanena pariññātā honti tappaṭipakkhappahānatoti dassento ‘‘cattāroāhārā’’tiādimāha. Sabbatthāti ‘‘upādānehi anupādāno bhavatī’’ti evamādīsu.
д̇ад̇т̇а яасмаа бан̃жа гаамаг̇ун̣аа сависзсаа гааяз лаб̣бханд̇ийд̇и висзсзна гааяо гаамубаад̣̇аанасса вад̇т̇у, сукавзд̣̇анассаад̣̇авасзна баралоганирабзгко ‘‘над̇т̇и д̣̇инна’’нд̇иаад̣̇и (д̣̇ий. ни. 1.171; ма. ни. 1.445; 2.94-95, 225; 3.91, 116; сам̣. ни. 3.210; д̇ха. са. 1221; вибха. 938) бараамаасам̣ уббаад̣̇зд̇ийд̇и д̣̇идтубаад̣̇аанасса взд̣̇анаа, жид̇д̇з нижжаг̇г̇ахан̣авасзна сассад̇асса ‘‘ад̇д̇ано сийлаад̣̇ивасзна барисуд̣̇д̇хабараамасанам̣ ход̇ий’’д̇и сийлаб̣б̣ад̇убаад̣̇аанасса жид̇д̇ам̣, наамаруубабарижчзд̣̇зна бхууд̇ам̣ бхууд̇ад̇о абассанд̇асса ‘‘ад̇д̇аабхинивзсо ход̇ий’’д̇и ад̇д̇аваад̣̇убаад̣̇аанасса д̇хаммаа вад̇т̇у, д̇асмаа ‘‘жад̇уусу сад̇ибадтаанзсу бхаавияамаанзсу убаад̣̇аанзхи анубаад̣̇аано бхавад̇ий’’д̇и вуд̇д̇ам̣.
Tattha yasmā pañca kāmaguṇā savisesā kāye labbhantīti visesena kāyo kāmupādānassa vatthu, sukhavedanassādavasena paralokanirapekkho ‘‘natthi dinna’’ntiādi (dī. ni. 1.171; ma. ni. 1.445; 2.94-95, 225; 3.91, 116; saṃ. ni. 3.210; dha. sa. 1221; vibha. 938) parāmāsaṃ uppādetīti diṭṭhupādānassa vedanā, citte niccaggahaṇavasena sassatassa ‘‘attano sīlādivasena parisuddhaparāmasanaṃ hotī’’ti sīlabbatupādānassa cittaṃ, nāmarūpaparicchedena bhūtaṃ bhūtato apassantassa ‘‘attābhiniveso hotī’’ti attavādupādānassa dhammā vatthu, tasmā ‘‘catūsu satipaṭṭhānesu bhāviyamānesu upādānehi anupādāno bhavatī’’ti vuttaṃ.
яасмаа бана вуд̇д̇анаязнзва гааяо гаамаяог̇асса вад̇т̇у, бхавзсу сукаг̇г̇ахан̣авасзна бхавассаад̣̇о ход̇ийд̇и бхаваяог̇асса взд̣̇анаа, санд̇ад̇игханаг̇г̇ахан̣авасзна жид̇д̇з ад̇д̇аабхинивзсо ход̇ийд̇и д̣̇идтияог̇ассажид̇д̇ам̣, д̇хаммавиниб̣бхог̇асса д̣̇уггарад̇д̇аа, д̇хаммаанам̣ д̇хаммамад̇д̇ад̇ааяа жа д̣̇уббадивиж̇жхад̇д̇аа саммохо ход̇ийд̇и авиж̇ж̇ааяог̇асса д̇хаммаа, вад̇т̇у, д̇асмаа жад̇усад̇ибадтаанабхааванааяа д̇зсу д̇зсам̣ бахаанасид̣̇д̇хид̇о яог̇зхи висам̣яуд̇д̇ад̇аа вуд̇д̇аа. зд̇знзва аасавзхи анаасавад̇аа, огхзхи нид̇д̇ин̣н̣ад̇аа жа сам̣ван̣н̣ид̇аа ход̇и гаамарааг̇аад̣̇ийнам̣ зва гаамаяог̇агаамаасавагаамогхаад̣̇ибхаавад̇о.
Yasmā pana vuttanayeneva kāyo kāmayogassa vatthu, bhavesu sukhaggahaṇavasena bhavassādo hotīti bhavayogassa vedanā, santatighanaggahaṇavasena citte attābhiniveso hotīti diṭṭhiyogassacittaṃ, dhammavinibbhogassa dukkarattā, dhammānaṃ dhammamattatāya ca duppaṭivijjhattā sammoho hotīti avijjāyogassa dhammā, vatthu, tasmā catusatipaṭṭhānabhāvanāya tesu tesaṃ pahānasiddhito yogehi visaṃyuttatā vuttā. Eteneva āsavehi anāsavatā, oghehi nittiṇṇatā ca saṃvaṇṇitā hoti kāmarāgādīnaṃ eva kāmayogakāmāsavakāmoghādibhāvato.
вуд̇д̇анаязнзва гааяо абхиж̇жхаагааяаг̇ант̇асса вад̇т̇у, ‘‘д̣̇угкааяа взд̣̇анааяа бадигхаанусаяо анусзд̇ий’’д̇и (ма. ни. 1.465) д̣̇угкад̣̇угкавибарин̣аамад̣̇угкасан̇каарад̣̇угкабхууд̇аа взд̣̇анаа висзсзна б̣яаабаад̣̇агааяаг̇ант̇асса вад̇т̇у, жид̇д̇з нижжаабхинивзсавасзна сассад̇асса ‘‘ад̇д̇ано сийлзна суд̣̇д̇хий’’д̇иаад̣̇ибараамасанам̣ ход̇ийд̇и сийлаб̣б̣ад̇абараамаасасса жид̇д̇ам̣ вад̇т̇у, саббажжаяанаамаруубад̣̇ассанаабхаавад̇о бхававибхавад̣̇идтисан̇каад̇о ид̣̇ам̣сажжаабхинивзсо ход̇ийд̇и д̇асса д̇хаммаа вад̇т̇ууд̇и жад̇усад̇ибадтаанаад̇и яож̇зд̇аб̣б̣ам̣.
Vuttanayeneva kāyo abhijjhākāyaganthassa vatthu, ‘‘dukkhāya vedanāya paṭighānusayo anusetī’’ti (ma. ni. 1.465) dukkhadukkhavipariṇāmadukkhasaṅkhāradukkhabhūtā vedanā visesena byāpādakāyaganthassa vatthu, citte niccābhinivesavasena sassatassa ‘‘attano sīlena suddhī’’tiādiparāmasanaṃ hotīti sīlabbataparāmāsassa cittaṃ vatthu, sappaccayanāmarūpadassanābhāvato bhavavibhavadiṭṭhisaṅkhāto idaṃsaccābhiniveso hotīti tassa dhammā vatthūti catusatipaṭṭhānāti yojetabbaṃ.
вуд̇д̇анаязнзва висзсад̇о гааяо рааг̇асалласса вад̇т̇у, взд̣̇анаа д̣̇осасалласса, ‘‘жид̇д̇ам̣ нижжаг̇г̇ахан̣авасзна ад̇д̇аабхинивзсам̣ ад̇д̇аанам̣ сзяяаад̣̇ид̇о д̣̇ахад̇ий’’д̇и жид̇д̇ам̣ маанасалласса, вуд̇д̇анаязнзва д̇хаммаа мохасалласса вад̇т̇ууд̇и жад̇усад̇ибадтаанаад̇и яож̇зд̇аб̣б̣ам̣.
Vuttanayeneva visesato kāyo rāgasallassa vatthu, vedanā dosasallassa, ‘‘cittaṃ niccaggahaṇavasena attābhinivesaṃ attānaṃ seyyādito dahatī’’ti cittaṃ mānasallassa, vuttanayeneva dhammā mohasallassa vatthūti catusatipaṭṭhānāti yojetabbaṃ.
яасмаа бана гааяаанубассанаад̣̇ийхи гааяавзд̣̇анаажид̇д̇ад̇хаммзсу барин̃н̃аад̇зсу руубавзд̣̇анаасан̃н̃аасан̇каарагканд̇хаа барин̃н̃аад̇аа хонд̇и, жид̇д̇з хи барин̃н̃аад̇з сан̃н̃ааби барин̃н̃аад̇аава ход̇и, д̇асмаа ‘‘вин̃н̃аан̣адтид̇ияо жасса барин̃н̃ам̣ г̇ажчанд̇ий’’д̇и вуд̇д̇ам̣.
Yasmā pana kāyānupassanādīhi kāyavedanācittadhammesu pariññātesu rūpavedanāsaññāsaṅkhārakkhandhā pariññātā honti, citte hi pariññāte saññāpi pariññātāva hoti, tasmā ‘‘viññāṇaṭṭhitiyo cassa pariññaṃ gacchantī’’ti vuttaṃ.
д̇ат̇аа висзсад̇о гааяз саабзгкаа чанд̣̇ааг̇ад̇им̣ г̇ажчад̇ийд̇и гааяо чанд̣̇ааг̇ад̇ияаа вад̇т̇у, вуд̇д̇анаязнзва взд̣̇анаа б̣яаабаад̣̇асса нимид̇д̇анд̇и саа д̣̇осааг̇ад̇ияаа вад̇т̇у, санд̇ад̇игханаг̇г̇ахан̣авасзна сарааг̇аад̣̇ижид̇д̇з саммохо ход̇ийд̇и мохааг̇ад̇ияаа жид̇д̇ам̣, д̇хаммасабхааваанаваб̣од̇хзна бхаяам̣ ход̇ийд̇и бхаяааг̇ад̇ияаа д̇хаммаа вад̇т̇ууд̇и жад̇усад̇ибадтаанабхааванааяа аг̇ад̇иг̇аманаббахаанам̣ ход̇ийд̇и ааха ‘‘аг̇ад̇иг̇аманзхи жа на аг̇ад̇им̣ г̇ажчад̇ий’’д̇и.
Tathā visesato kāye sāpekkhā chandāgatiṃ gacchatīti kāyo chandāgatiyā vatthu, vuttanayeneva vedanā byāpādassa nimittanti sā dosāgatiyā vatthu, santatighanaggahaṇavasena sarāgādicitte sammoho hotīti mohāgatiyā cittaṃ, dhammasabhāvānavabodhena bhayaṃ hotīti bhayāgatiyā dhammā vatthūti catusatipaṭṭhānabhāvanāya agatigamanappahānaṃ hotīti āha ‘‘agatigamanehi ca na agatiṃ gacchatī’’ti.
‘‘агусаласса соманассасса васзнаа’’д̇и ид̣̇ам̣ ‘‘аяамби ад̇т̇о самбхавад̇ий’’д̇и гад̇ваа вуд̇д̇ам̣. ‘‘сукааяа взд̣̇анааяа рааг̇аанусаяо анусзд̇ий’’д̇и (ма. ни. 1.465) бана важанад̇о сукавзд̣̇анааг̇г̇ахан̣зна д̇ад̇т̇аанусаяанзна самуд̣̇аяасажжам̣ д̣̇зсид̇анд̇и взд̣̇ид̇аб̣б̣ам̣. д̣̇зсид̇ам̣ д̣̇угкам̣ арияасажжанд̇и д̣̇угкад̣̇угкаг̇г̇ахан̣зна саад̇исаяам̣ д̣̇угкам̣ арияасажжам̣ багаасид̇ам̣ ход̇ийд̇и баал̣ияам̣ ‘‘д̣̇угкам̣ арияасажжам̣ д̣̇зсид̇а’’нд̇и вуд̇д̇ам̣. сахажаран̣аад̣̇ийсу яам̣ вад̇д̇аб̣б̣ам̣, д̇ам̣ хздтаа нид̣̇д̣̇зсаваараван̣н̣анааяам̣ (нзд̇д̇и. адта. 5 аад̣̇аяо) вуд̇д̇ам̣.
‘‘Akusalassa somanassassa vasenā’’ti idaṃ ‘‘ayampi attho sambhavatī’’ti katvā vuttaṃ. ‘‘Sukhāya vedanāya rāgānusayo anusetī’’ti (ma. ni. 1.465) pana vacanato sukhavedanāggahaṇena tatthānusayanena samudayasaccaṃ desitanti veditabbaṃ. Desitaṃ dukkhaṃ ariyasaccanti dukkhadukkhaggahaṇena sātisayaṃ dukkhaṃ ariyasaccaṃ pakāsitaṃ hotīti pāḷiyaṃ ‘‘dukkhaṃ ariyasaccaṃ desita’’nti vuttaṃ. Sahacaraṇādīsu yaṃ vattabbaṃ, taṃ heṭṭhā niddesavāravaṇṇanāyaṃ (netti. aṭṭha. 5 ādayo) vuttaṃ.
лагкан̣ахааравибхан̇г̇аван̣н̣анаа нидтид̇аа.
Lakkhaṇahāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 5. лагкан̣ахааравибхан̇г̇о • 5. Lakkhaṇahāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 5. лагкан̣ахааравибхан̇г̇аван̣н̣анаа • 5. Lakkhaṇahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 5. лагкан̣ахааравибхан̇г̇авибхааванаа • 5. Lakkhaṇahāravibhaṅgavibhāvanā
