| Library / Tipiṭaka / തിപിടക • Tipiṭaka / പഞ്ചപകരണ-അനുടീകാ • Pañcapakaraṇa-anuṭīkā |
൪. ലക്ഖണമാതികാവണ്ണനാ
4. Lakkhaṇamātikāvaṇṇanā
൪. വിസും യോജനാ കാതബ്ബാതി യോ തീഹി സങ്ഗഹോ ചതൂഹി ച സമ്പയോഗോ വുത്തോ, തം സഭാഗോ ഭാവോ പയോജേതി, യോ ച തീഹി അസങ്ഗഹോ ചതൂഹി ച വിപ്പയോഗോ വുത്തോ, തം വിസഭാഗോ ഭാവോതി ഇമമത്ഥം ദസ്സേന്തോ ‘‘സങ്ഗഹോ…പേ॰… വിഞ്ഞായതീ’’തി ആഹ. യസ്സ സങ്ഗഹോ, സോ ധമ്മോ ഖന്ധാദികോ സഭാഗോ. യസ്സ അസങ്ഗഹോ, സോ വിസഭാഗോ. തഥാ സമ്പയോഗേസുപി വേദിതബ്ബം. ഇദാനി യഥാവുത്തം സഭാഗതം സരൂപതോ നിദ്ധാരേത്വാ ദസ്സേതും ‘‘തത്ഥാ’’തിആദി വുത്തം. തത്ഥ സമാനഭാവോ സങ്ഗഹേ സഭാഗതാ, ഏകുപ്പാദാദികോ സമ്പയോഗേതി ഇമിനാ രുപ്പനാദിവിധുരോ അസമാനസഭാവോ അസങ്ഗഹേ വിസഭാഗതാ, നാനുപ്പാദാദികോ വിപ്പയോഗേതി അയമത്ഥോ അത്ഥസിദ്ധോതി ന വുത്തോതി.
4. Visuṃ yojanā kātabbāti yo tīhi saṅgaho catūhi ca sampayogo vutto, taṃ sabhāgo bhāvo payojeti, yo ca tīhi asaṅgaho catūhi ca vippayogo vutto, taṃ visabhāgo bhāvoti imamatthaṃ dassento ‘‘saṅgaho…pe… viññāyatī’’ti āha. Yassa saṅgaho, so dhammo khandhādiko sabhāgo. Yassa asaṅgaho, so visabhāgo. Tathā sampayogesupi veditabbaṃ. Idāni yathāvuttaṃ sabhāgataṃ sarūpato niddhāretvā dassetuṃ ‘‘tatthā’’tiādi vuttaṃ. Tattha samānabhāvo saṅgahe sabhāgatā, ekuppādādiko sampayogeti iminā ruppanādividhuro asamānasabhāvo asaṅgahe visabhāgatā, nānuppādādiko vippayogeti ayamattho atthasiddhoti na vuttoti.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / ധാതുകഥാപാളി • Dhātukathāpāḷi / ൪. ലക്ഖണമാതികാ • 4. Lakkhaṇamātikā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൪. ലക്ഖണമാതികാവണ്ണനാ • 4. Lakkhaṇamātikāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൪. ലക്ഖണമാതികാവണ്ണനാ • 4. Lakkhaṇamātikāvaṇṇanā
