| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
2. сийлаваг̇г̇о
2. Sīlavaggo
[11] 1. лагкан̣амиг̇аж̇аад̇агаван̣н̣анаа
[11] 1. Lakkhaṇamigajātakavaṇṇanā
ход̇и сийлавад̇ам̣ ад̇т̇од̇и ид̣̇ам̣ сад̇т̇аа рааж̇аг̇ахам̣ убаниссааяа взл̣уванз вихаранд̇о д̣̇звад̣̇ад̇д̇ам̣ аараб̣бха гат̇зси. д̣̇звад̣̇ад̇д̇асса вад̇т̇у яаава абхимаараббаяож̇анаа кан̣д̣ахаалаж̇аад̇агз аавибхависсад̇и, яаава д̇ханабаалагависсаж̇ж̇анаа бана жуул̣ахам̣саж̇аад̇агз аавибхависсад̇и, яаава бат̇авиббавзсанаа д̣̇ваад̣̇асанибаад̇з самуд̣̇д̣̇аваан̣иж̇аж̇аад̇агз аавибхависсад̇и.
Hotisīlavataṃ atthoti idaṃ satthā rājagahaṃ upanissāya veḷuvane viharanto devadattaṃ ārabbha kathesi. Devadattassa vatthu yāva abhimārappayojanā khaṇḍahālajātake āvibhavissati, yāva dhanapālakavissajjanā pana cūḷahaṃsajātake āvibhavissati, yāva pathavippavesanā dvādasanipāte samuddavāṇijajātake āvibhavissati.
згасмин̃хи самаяз д̣̇звад̣̇ад̇д̇о бан̃жа вад̇т̇ууни яаажид̇ваа алабханд̇о сан̇гхам̣ бхинд̣̇ид̇ваа бан̃жа бхигкусад̇аани аад̣̇ааяа г̇аяаасийсз вихарад̇и. ат̇а д̇зсам̣ бхигкуунам̣ н̃аан̣ам̣ барибаагам̣ аг̇амааси. д̇ам̣ н̃ад̇ваа сад̇т̇аа д̣̇вз аг̇г̇асаавагз ааманд̇зси ‘‘саарибуд̇д̇аа, д̇умхаагам̣ ниссид̇агаа бан̃жасад̇аа бхигкуу д̣̇звад̣̇ад̇д̇асса лад̣̇д̇хим̣ рожзд̇ваа д̇зна сад̣̇д̇хим̣ г̇ад̇аа, ид̣̇аани бана д̇зсам̣ н̃аан̣ам̣ барибаагам̣ г̇ад̇ам̣, д̇умхз б̣ахуухи бхигкуухи сад̣̇д̇хим̣ д̇ад̇т̇а г̇анд̇ваа д̇зсам̣ д̇хаммам̣ д̣̇зсзд̇ваа д̇з бхигкуу маг̇г̇апалзхи баб̣од̇хзд̇ваа г̇ахзд̇ваа ааг̇ажчат̇аа’’д̇и. д̇з д̇ат̇зва г̇анд̇ваа д̇зсам̣ д̇хаммам̣ д̣̇зсзд̇ваа маг̇г̇апалзхи баб̣од̇хзд̇ваа бунад̣̇ивасз арун̣уг̇г̇аманавзлааяа д̇з бхигкуу аад̣̇ааяа взл̣уванамзва ааг̇амам̣су. ааг̇анд̇ваа жа бана саарибуд̇д̇ад̇т̇зрасса бхаг̇аванд̇ам̣ ванд̣̇ид̇ваа тид̇агаалз бхигкуу т̇зрам̣ басам̣сид̇ваа бхаг̇аванд̇ам̣ аахам̣су – ‘‘бханд̇з, амхаагам̣ ж̇здтабхаад̇иго д̇хаммасзнаабад̇и бан̃жахи бхигкусад̇зхи баривуд̇о ааг̇ажчанд̇о ад̇ивияа собхад̇и, д̣̇звад̣̇ад̇д̇о бана барихийнабаривааро ж̇аад̇о’’д̇и. на, бхигкавз, саарибуд̇д̇о ид̣̇аанзва н̃аад̇исан̇гхабаривуд̇о ааг̇ажчанд̇о собхад̇и, буб̣б̣зби собхиязва. д̣̇звад̣̇ад̇д̇оби на ид̣̇аанзва г̇ан̣ад̇о барихийно, буб̣б̣зби барихийноязваад̇и. бхигкуу д̇ассад̇т̇ассаавибхаавад̇т̇ааяа бхаг̇аванд̇ам̣ яаажим̣су, бхаг̇аваа бхаванд̇арзна бадижчаннам̣ гааран̣ам̣ баагадам̣ агааси.
Ekasmiñhi samaye devadatto pañca vatthūni yācitvā alabhanto saṅghaṃ bhinditvā pañca bhikkhusatāni ādāya gayāsīse viharati. Atha tesaṃ bhikkhūnaṃ ñāṇaṃ paripākaṃ agamāsi. Taṃ ñatvā satthā dve aggasāvake āmantesi ‘‘sāriputtā, tumhākaṃ nissitakā pañcasatā bhikkhū devadattassa laddhiṃ rocetvā tena saddhiṃ gatā, idāni pana tesaṃ ñāṇaṃ paripākaṃ gataṃ, tumhe bahūhi bhikkhūhi saddhiṃ tattha gantvā tesaṃ dhammaṃ desetvā te bhikkhū maggaphalehi pabodhetvā gahetvā āgacchathā’’ti. Te tatheva gantvā tesaṃ dhammaṃ desetvā maggaphalehi pabodhetvā punadivase aruṇuggamanavelāya te bhikkhū ādāya veḷuvanameva āgamaṃsu. Āgantvā ca pana sāriputtattherassa bhagavantaṃ vanditvā ṭhitakāle bhikkhū theraṃ pasaṃsitvā bhagavantaṃ āhaṃsu – ‘‘bhante, amhākaṃ jeṭṭhabhātiko dhammasenāpati pañcahi bhikkhusatehi parivuto āgacchanto ativiya sobhati, devadatto pana parihīnaparivāro jāto’’ti. Na, bhikkhave, sāriputto idāneva ñātisaṅghaparivuto āgacchanto sobhati, pubbepi sobhiyeva. Devadattopi na idāneva gaṇato parihīno, pubbepi parihīnoyevāti. Bhikkhū tassatthassāvibhāvatthāya bhagavantaṃ yāciṃsu, bhagavā bhavantarena paṭicchannaṃ kāraṇaṃ pākaṭaṃ akāsi.
ад̇ийд̇з маг̇ад̇харадтз рааж̇аг̇аханаг̇арз зго маг̇ад̇харааж̇аа раж̇ж̇ам̣ гаарзси. д̇ад̣̇аа б̣од̇хисад̇д̇о миг̇аяонияам̣ бадисанд̇хим̣ г̇ахзд̇ваа вуд̣̇д̇хиббад̇д̇о миг̇асахассабаривааро аран̃н̃з васад̇и. д̇асса лагкан̣о жа гаал̣о жаад̇и д̣̇вз буд̇д̇аа ахзсум̣. со ад̇д̇ано махаллагагаалз ‘‘д̇аад̇аа, ахам̣ ид̣̇аани махаллаго, д̇умхз имам̣ г̇ан̣ам̣ барихарат̇аа’’д̇и бан̃жа бан̃жа миг̇асад̇аани згзгам̣ буд̇д̇ам̣ бадижчаабзси . д̇ад̇о бадтааяа д̇з д̣̇вз ж̇анаа миг̇аг̇ан̣ам̣ барихаранд̇и. маг̇ад̇харадтасмин̃жа сассабаагасамаяз гидтасамб̣аад̇хз аран̃н̃з миг̇аанам̣ барибант̇о ход̇и. мануссаа сассакаад̣̇агаанам̣ миг̇аанам̣ мааран̣ад̇т̇ааяа д̇ад̇т̇а д̇ад̇т̇а обаад̇ам̣ кан̣анд̇и, суулаани робзнд̇и, баасаан̣аяанд̇аани саж̇ж̇знд̇и, гуудабаасаад̣̇аяо баасз од̣д̣знд̇и, б̣ахуу миг̇аа винаасам̣ аабаж̇ж̇анд̇и. б̣од̇хисад̇д̇о гидтасамб̣аад̇хасамаяам̣ н̃ад̇ваа д̣̇вз буд̇д̇з баггосаабзд̇ваа ааха – ‘‘д̇аад̇аа, аяам̣ гидтасамб̣аад̇хасамаяо, б̣ахуу миг̇аа винаасам̣ баабун̣анд̇и, маяам̣ махаллагаа язна гзнажи убааязна згасмим̣ таанз вийд̇инаамзссаама, д̇умхз д̇умхаагам̣ миг̇аг̇ан̣з г̇ахзд̇ваа аран̃н̃з баб̣б̣ад̇абаад̣̇ам̣ бависид̇ваа сассаанам̣ уд̣̇д̇хадагаалз ааг̇ажчзяяаат̇аа’’д̇и. д̇з ‘‘саад̇хуу’’д̇и бид̇у важанам̣ суд̇ваа сабариваараа нигкамим̣су. д̇зсам̣ бана г̇аманамаг̇г̇ам̣ мануссаа ж̇аананд̇и ‘‘имасмим̣ гаалз миг̇аа баб̣б̣ад̇амаароханд̇и, имасмим̣ гаалз ороханд̇ий’’д̇и. д̇з д̇ад̇т̇а д̇ад̇т̇а бадижчаннадтаанз нилийнаа б̣ахуу миг̇з виж̇жхид̇ваа маарзнд̇и.
Atīte magadharaṭṭhe rājagahanagare eko magadharājā rajjaṃ kāresi. Tadā bodhisatto migayoniyaṃ paṭisandhiṃ gahetvā vuddhippatto migasahassaparivāro araññe vasati. Tassa lakkhaṇo ca kāḷo cāti dve puttā ahesuṃ. So attano mahallakakāle ‘‘tātā, ahaṃ idāni mahallako, tumhe imaṃ gaṇaṃ pariharathā’’ti pañca pañca migasatāni ekekaṃ puttaṃ paṭicchāpesi . Tato paṭṭhāya te dve janā migagaṇaṃ pariharanti. Magadharaṭṭhasmiñca sassapākasamaye kiṭṭhasambādhe araññe migānaṃ paripantho hoti. Manussā sassakhādakānaṃ migānaṃ māraṇatthāya tattha tattha opātaṃ khaṇanti, sūlāni ropenti, pāsāṇayantāni sajjenti, kūṭapāsādayo pāse oḍḍenti, bahū migā vināsaṃ āpajjanti. Bodhisatto kiṭṭhasambādhasamayaṃ ñatvā dve putte pakkosāpetvā āha – ‘‘tātā, ayaṃ kiṭṭhasambādhasamayo, bahū migā vināsaṃ pāpuṇanti, mayaṃ mahallakā yena kenaci upāyena ekasmiṃ ṭhāne vītināmessāma, tumhe tumhākaṃ migagaṇe gahetvā araññe pabbatapādaṃ pavisitvā sassānaṃ uddhaṭakāle āgaccheyyāthā’’ti. Te ‘‘sādhū’’ti pitu vacanaṃ sutvā saparivārā nikkhamiṃsu. Tesaṃ pana gamanamaggaṃ manussā jānanti ‘‘imasmiṃ kāle migā pabbatamārohanti, imasmiṃ kāle orohantī’’ti. Te tattha tattha paṭicchannaṭṭhāne nilīnā bahū mige vijjhitvā mārenti.
гаал̣амиг̇о ад̇д̇ано д̣̇анд̇хад̇ааяа ‘‘имааяа наама взлааяа г̇анд̇аб̣б̣ам̣, имааяа взлааяа на г̇анд̇аб̣б̣а’’нд̇и аж̇аананд̇о миг̇аг̇ан̣ам̣ аад̣̇ааяа буб̣б̣ан̣хзби сааяанхзби бад̣̇осзби бажжуусзби г̇аамад̣̇ваарзна г̇ажчад̇и. мануссаа д̇ад̇т̇а д̇ад̇т̇а багад̇ияаа тид̇аа жа нилийнаа жа б̣ахуу миг̇з винаасам̣ баабзнд̇и. звам̣ со ад̇д̇ано д̣̇анд̇хад̇ааяа б̣ахуу миг̇з винаасам̣ баабзд̇ваа аббагзхзва миг̇зхи аран̃н̃ам̣ баависи. лагкан̣амиг̇о бана бан̣д̣ид̇о б̣яад̇д̇о убааяагусало ‘‘имааяа взлааяа г̇анд̇аб̣б̣ам̣, имааяа взлааяа на г̇анд̇аб̣б̣а’’нд̇и ж̇аанаад̇и. со г̇аамад̣̇ваарзнаби на г̇ажчад̇и , д̣̇ивааби на г̇ажчад̇и, бад̣̇осзби на г̇ажчад̇и, бажжуусзби на г̇ажчад̇и, миг̇аг̇ан̣ам̣ аад̣̇ааяа ад̣дхарад̇д̇асамаязязва г̇ажчад̇и. д̇асмаа згамби миг̇ам̣ авинаасзд̇ваа аран̃н̃ам̣ баависи. д̇з д̇ад̇т̇а жад̇д̇ааро маасз васид̇ваа сассзсу уд̣̇д̇хадзсу баб̣б̣ад̇аа од̇арим̣су.
Kāḷamigo attano dandhatāya ‘‘imāya nāma velāya gantabbaṃ, imāya velāya na gantabba’’nti ajānanto migagaṇaṃ ādāya pubbaṇhepi sāyanhepi padosepi paccūsepi gāmadvārena gacchati. Manussā tattha tattha pakatiyā ṭhitā ca nilīnā ca bahū mige vināsaṃ pāpenti. Evaṃ so attano dandhatāya bahū mige vināsaṃ pāpetvā appakeheva migehi araññaṃ pāvisi. Lakkhaṇamigo pana paṇḍito byatto upāyakusalo ‘‘imāya velāya gantabbaṃ, imāya velāya na gantabba’’nti jānāti. So gāmadvārenapi na gacchati , divāpi na gacchati, padosepi na gacchati, paccūsepi na gacchati, migagaṇaṃ ādāya aḍḍharattasamayeyeva gacchati. Tasmā ekampi migaṃ avināsetvā araññaṃ pāvisi. Te tattha cattāro māse vasitvā sassesu uddhaṭesu pabbatā otariṃsu.
гаал̣о бажжааг̇ажчанд̇оби буриманаязнзва авасзсамиг̇з винаасам̣ баабзнд̇о згагова ааг̇ами. лагкан̣о бана згамиг̇амби авинаасзд̇ваа бан̃жахи миг̇асад̇зхи баривуд̇о маад̇аабид̇уунам̣ санд̇игам̣ ааг̇ами. б̣од̇хисад̇д̇о д̣̇взби буд̇д̇з ааг̇ажчанд̇з д̣̇исваа миг̇аг̇ан̣зна сад̣̇д̇хим̣ манд̇знд̇о имам̣ г̇аат̇ам̣ самудтаабзси –
Kāḷo paccāgacchantopi purimanayeneva avasesamige vināsaṃ pāpento ekakova āgami. Lakkhaṇo pana ekamigampi avināsetvā pañcahi migasatehi parivuto mātāpitūnaṃ santikaṃ āgami. Bodhisatto dvepi putte āgacchante disvā migagaṇena saddhiṃ mantento imaṃ gāthaṃ samuṭṭhāpesi –
11.
11.
‘‘ход̇и сийлавад̇ам̣ ад̇т̇о, бадисант̇ааравуд̇д̇инам̣;
‘‘Hoti sīlavataṃ attho, paṭisanthāravuttinaṃ;
лагкан̣ам̣ басса ааяанд̇ам̣, н̃аад̇исан̇гхабурагкад̇ам̣;
Lakkhaṇaṃ passa āyantaṃ, ñātisaṅghapurakkhataṃ;
ат̇а бассасимам̣ гаал̣ам̣, сувихийнам̣ва н̃аад̇ибхий’’д̇и.
Atha passasimaṃ kāḷaṃ, suvihīnaṃva ñātibhī’’ti.
д̇ад̇т̇а сийлавад̇анд̇и сукасийлад̇ааяа сийлаванд̇аанам̣ аажаарасамбаннаанам̣. ад̇т̇од̇и вуд̣дхи. бадисант̇ааравуд̇д̇инанд̇и д̇хаммабадисант̇ааро жа аамисабадисант̇ааро жа зд̇зсам̣ вуд̇д̇ийд̇и бадисант̇ааравуд̇д̇ино, д̇зсам̣ бадисант̇ааравуд̇д̇инам̣. зд̇т̇а жа баабанивааран̣аоваад̣̇аанусаасанивасзна д̇хаммабадисант̇ааро жа, г̇ожаралаабхаабанаг̇илаанубадтаанад̇хаммигарагкаавасзна аамисабадисант̇ааро жа взд̣̇ид̇аб̣б̣о. ид̣̇ам̣ вуд̇д̇ам̣ ход̇и – имзсу д̣̇вийсу бадисант̇аарзсу тид̇аанам̣ аажаарасамбаннаанам̣ бан̣д̣ид̇аанам̣ вуд̣дхи наама ход̇ийд̇и. ид̣̇аани д̇ам̣ вуд̣дхим̣ д̣̇ассзд̇ум̣ буд̇д̇амаад̇арам̣ аалабанд̇о вияа ‘‘лагкан̣ам̣ бассаа’’д̇иаад̣̇имааха. д̇ад̇рааяам̣ сан̇кзбад̇т̇о – аажаарабадисант̇аарасамбаннам̣ ад̇д̇ано буд̇д̇ам̣ згамиг̇амби авинаасзд̇ваа н̃аад̇исан̇гхзна бурагкад̇ам̣ бариваарид̇ам̣ ааг̇ажчанд̇ам̣ басса. д̇ааяа бана аажаарабадисант̇аарасамбад̣̇ааяа вихийнам̣ д̣̇анд̇хабан̃н̃ам̣ ат̇а бассасимам̣ гаал̣ам̣ згамби н̃аад̇им̣ анавасзсзд̇ваа сувихийнамзва н̃аад̇ийхи згагам̣ ааг̇ажчанд̇анд̇и. звам̣ буд̇д̇ам̣ абхинанд̣̇ид̇ваа бана б̣од̇хисад̇д̇о яаавад̇ааяугам̣ тад̇ваа яат̇аагаммам̣ г̇ад̇о.
Tattha sīlavatanti sukhasīlatāya sīlavantānaṃ ācārasampannānaṃ. Atthoti vuḍḍhi. Paṭisanthāravuttinanti dhammapaṭisanthāro ca āmisapaṭisanthāro ca etesaṃ vuttīti paṭisanthāravuttino, tesaṃ paṭisanthāravuttinaṃ. Ettha ca pāpanivāraṇaovādānusāsanivasena dhammapaṭisanthāro ca, gocaralābhāpanagilānupaṭṭhānadhammikarakkhāvasena āmisapaṭisanthāro ca veditabbo. Idaṃ vuttaṃ hoti – imesu dvīsu paṭisanthāresu ṭhitānaṃ ācārasampannānaṃ paṇḍitānaṃ vuḍḍhi nāma hotīti. Idāni taṃ vuḍḍhiṃ dassetuṃ puttamātaraṃ ālapanto viya ‘‘lakkhaṇaṃ passā’’tiādimāha. Tatrāyaṃ saṅkhepattho – ācārapaṭisanthārasampannaṃ attano puttaṃ ekamigampi avināsetvā ñātisaṅghena purakkhataṃ parivāritaṃ āgacchantaṃ passa. Tāya pana ācārapaṭisanthārasampadāya vihīnaṃ dandhapaññaṃ atha passasimaṃ kāḷaṃ ekampi ñātiṃ anavasesetvā suvihīnameva ñātīhi ekakaṃ āgacchantanti. Evaṃ puttaṃ abhinanditvā pana bodhisatto yāvatāyukaṃ ṭhatvā yathākammaṃ gato.
сад̇т̇ааби ‘‘на, бхигкавз, саарибуд̇д̇о ид̣̇аанзва н̃аад̇исан̇гхабариваарид̇о собхад̇и, буб̣б̣зби собхад̇иязва. на жа д̣̇звад̣̇ад̇д̇о зд̇арахиязва г̇ан̣амхаа барихийно, буб̣б̣зби барихийноязваа’’д̇и имам̣ д̇хаммад̣̇зсанам̣ д̣̇ассзд̇ваа д̣̇вз вад̇т̇ууни гат̇зд̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа гаал̣о д̣̇звад̣̇ад̇д̇о ахоси, барисаабисса д̣̇звад̣̇ад̇д̇абарисаава, лагкан̣о саарибуд̇д̇о, барисаа банасса б̣уд̣̇д̇хабарисаа, маад̇аа раахуламаад̇аа, бид̇аа бана ахамзва ахоси’’нд̇и.
Satthāpi ‘‘na, bhikkhave, sāriputto idāneva ñātisaṅghaparivārito sobhati, pubbepi sobhatiyeva. Na ca devadatto etarahiyeva gaṇamhā parihīno, pubbepi parihīnoyevā’’ti imaṃ dhammadesanaṃ dassetvā dve vatthūni kathetvā anusandhiṃ ghaṭetvā jātakaṃ samodhānesi – ‘‘tadā kāḷo devadatto ahosi, parisāpissa devadattaparisāva, lakkhaṇo sāriputto, parisā panassa buddhaparisā, mātā rāhulamātā, pitā pana ahameva ahosi’’nti.
лагкан̣амиг̇аж̇аад̇агаван̣н̣анаа батамаа.
Lakkhaṇamigajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 11. лагкан̣амиг̇аж̇аад̇агам̣ • 11. Lakkhaṇamigajātakaṃ
