Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā)

    7. лагкан̣асуд̇д̇аван̣н̣анаа

    7. Lakkhaṇasuttavaṇṇanā

    д̣̇вад̇д̇им̣самахаабурисалагкан̣аван̣н̣анаа

    Dvattiṃsamahāpurisalakkhaṇavaṇṇanā

    199. звам̣ мз суд̇анд̇и лагкан̣асуд̇д̇ам̣. д̇ад̇рааяамануд̇д̇аанабад̣̇аван̣н̣анаа. д̣̇вад̇д̇им̣симаанийд̇и д̣̇вад̇д̇им̣са имаани. махаабурисалагкан̣аанийд̇и махаабурисаб̣яан̃ж̇анаани махаабурисанимид̇д̇аани ‘‘аяам̣ махаабурисо’’д̇и сан̃ж̇аананагааран̣аани. ‘‘язхи саманнааг̇ад̇асса махаабурисассаа’’д̇иаад̣̇и махаабад̣̇аанз вид̇т̇аарид̇анаязнзва взд̣̇ид̇аб̣б̣ам̣.

    199.Evaṃme sutanti lakkhaṇasuttaṃ. Tatrāyamanuttānapadavaṇṇanā. Dvattiṃsimānīti dvattiṃsa imāni. Mahāpurisalakkhaṇānīti mahāpurisabyañjanāni mahāpurisanimittāni ‘‘ayaṃ mahāpuriso’’ti sañjānanakāraṇāni. ‘‘Yehi samannāgatassa mahāpurisassā’’tiādi mahāpadāne vitthāritanayeneva veditabbaṃ.

    ‘‘б̣аахирагааби исаяо д̇хаарзнд̇и, но жа ко ж̇аананд̇и ‘имасса гаммасса гад̇ад̇д̇аа имам̣ лагкан̣ам̣ бадилабхад̇ий’д̇и’’ гасмаа ааха? адтуббад̇д̇ияаа ануруубад̇д̇аа. ид̣̇ан̃хи суд̇д̇ам̣ саадтуббад̇д̇игам̣. саа банасса адтуббад̇д̇и гад̇т̇а самудтид̇аа? анд̇ог̇аамз мануссаанам̣ анд̇арз. д̇ад̣̇аа гира саавад̇т̇иваасино ад̇д̇ано ад̇д̇ано г̇зхзсу жа г̇зхад̣̇ваарзсу жа сант̇ааг̇аараад̣̇ийсу жа нисийд̣̇ид̇ваа гат̇ам̣ самудтаабзсум̣ – ‘‘бхаг̇авад̇о асийд̇иануб̣яан̃ж̇анаани б̣яаамаббабхаа д̣̇вад̇д̇им̣самахаабурисалагкан̣аани, язхи жа бхаг̇авад̇о гааяо, саб̣б̣апаалипулло вияа баарижчад̇д̇аго, вигасид̇амива гамалаванам̣, наанаарад̇анавижид̇д̇ам̣ вияа суван̣н̣ад̇оран̣ам̣, д̇аараамариживирожамива г̇аг̇анад̇алам̣, ид̇о жид̇о жа вид̇хаавамаанаа вибпанд̣̇амаанаа чаб̣б̣ан̣н̣арасмияо мун̃жанд̇о ад̇ивияа собхад̇и. бхаг̇авад̇о жа иминаа наама гаммзна ид̣̇ам̣ лагкан̣ам̣ ниб̣б̣ад̇д̇анд̇и гат̇ид̇ам̣ над̇т̇и, яааг̇уул̣ун̇гамад̇д̇амби бана гадажчубхад̇д̇амад̇д̇ам̣ ваа буб̣б̣з д̣̇иннабажжаяаа звам̣ уббаж̇ж̇ад̇ийд̇и бхаг̇авад̇аа вуд̇д̇ам̣. гим̣ ну ко сад̇т̇аа гаммам̣ агааси, язнасса имаани лагкан̣аани ниб̣б̣ад̇д̇анд̇ий’’д̇и.

    ‘‘Bāhirakāpi isayo dhārenti, no ca kho jānanti ‘imassa kammassa katattā imaṃ lakkhaṇaṃ paṭilabhatī’ti’’ kasmā āha? Aṭṭhuppattiyā anurūpattā. Idañhi suttaṃ saaṭṭhuppattikaṃ. Sā panassa aṭṭhuppatti kattha samuṭṭhitā? Antogāme manussānaṃ antare. Tadā kira sāvatthivāsino attano attano gehesu ca gehadvāresu ca santhāgārādīsu ca nisīditvā kathaṃ samuṭṭhāpesuṃ – ‘‘bhagavato asītianubyañjanāni byāmappabhā dvattiṃsamahāpurisalakkhaṇāni, yehi ca bhagavato kāyo, sabbaphāliphullo viya pāricchattako, vikasitamiva kamalavanaṃ, nānāratanavicittaṃ viya suvaṇṇatoraṇaṃ, tārāmaricivirocamiva gaganatalaṃ, ito cito ca vidhāvamānā vipphandamānā chabbaṇṇarasmiyo muñcanto ativiya sobhati. Bhagavato ca iminā nāma kammena idaṃ lakkhaṇaṃ nibbattanti kathitaṃ natthi, yāguuḷuṅkamattampi pana kaṭacchubhattamattaṃ vā pubbe dinnapaccayā evaṃ uppajjatīti bhagavatā vuttaṃ. Kiṃ nu kho satthā kammaṃ akāsi, yenassa imāni lakkhaṇāni nibbattantī’’ti.

    ат̇ааяасмаа аананд̣̇о анд̇ог̇аамз жаранд̇о имам̣ гат̇аасаллаабам̣ суд̇ваа гад̇абхад̇д̇агижжо вихаарам̣ ааг̇анд̇ваа сад̇т̇у вад̇д̇ам̣ гад̇ваа ванд̣̇ид̇ваа тид̇о ‘‘маяаа, бханд̇з, анд̇ог̇аамз згаа гат̇аа суд̇аа’’д̇и ааха. д̇ад̇о бхаг̇авад̇аа ‘‘гим̣ д̇з, аананд̣̇а, суд̇а’’нд̇и вуд̇д̇з саб̣б̣ам̣ аарожзси. сад̇т̇аа т̇зрасса важанам̣ суд̇ваа бариваарзд̇ваа нисиннз бхигкуу ааманд̇зд̇ваа ‘‘д̣̇вад̇д̇им̣симаани, бхигкавз, махаабурисасса махаабурисалагкан̣ааний’’д̇и бадибаадияаа лагкан̣аани д̣̇ассзд̇ваа язна гаммзна яам̣ ниб̣б̣ад̇д̇ам̣, д̇асса д̣̇ассанад̇т̇ам̣ звамааха.

    Athāyasmā ānando antogāme caranto imaṃ kathāsallāpaṃ sutvā katabhattakicco vihāraṃ āgantvā satthu vattaṃ katvā vanditvā ṭhito ‘‘mayā, bhante, antogāme ekā kathā sutā’’ti āha. Tato bhagavatā ‘‘kiṃ te, ānanda, suta’’nti vutte sabbaṃ ārocesi. Satthā therassa vacanaṃ sutvā parivāretvā nisinne bhikkhū āmantetvā ‘‘dvattiṃsimāni, bhikkhave, mahāpurisassa mahāpurisalakkhaṇānī’’ti paṭipāṭiyā lakkhaṇāni dassetvā yena kammena yaṃ nibbattaṃ, tassa dassanatthaṃ evamāha.

    суббад̇идтид̇абаад̣̇ад̇аалагкан̣аван̣н̣анаа

    Suppatiṭṭhitapādatālakkhaṇavaṇṇanā

    201. буримам̣ ж̇аад̇инд̇иаад̣̇ийсу буб̣б̣з нивуд̇т̇агканд̇хаа ж̇аад̇авасзна ‘‘ж̇аад̇ий’’д̇и вуд̇д̇аа. д̇ат̇аа бхаванавасзна ‘‘бхаво’’д̇и, нивуд̇т̇авасзна аалаяадтзна ваа ‘‘нигзд̇о’’д̇и. д̇ин̣н̣амби бад̣̇аанам̣ буб̣б̣з нивуд̇т̇агканд̇хасанд̇аанз тид̇од̇и ад̇т̇о. ид̣̇аани яасмаа д̇ам̣ канд̇хасанд̇аанам̣ д̣̇звалогаад̣̇ийсуби вад̇д̇ад̇и. лагкан̣аниб̣б̣ад̇д̇анасамад̇т̇ам̣ бана гусалагаммам̣ д̇ад̇т̇а на сугарам̣, мануссабхууд̇ассзва сугарам̣. д̇асмаа яат̇аабхууд̇зна яам̣ гаммам̣ гад̇ам̣, д̇ам̣ д̣̇ассзнд̇о буб̣б̣з мануссабхууд̇о самаанод̇и ааха. агааран̣ам̣ ваа зд̇ам̣. хад̇т̇иассамиг̇амахим̣саваанараад̣̇ибхууд̇оби махаабурисо баарамияо буурзд̇иязва. яасмаа бана зваруубз ад̇д̇абхаавз тид̇зна гад̇агаммам̣ на саггаа сукзна д̣̇ийбзд̇ум̣, мануссабхаавз тид̇зна гад̇агаммам̣ бана саггаа сукзна д̣̇ийбзд̇ум̣. д̇асмаа ‘‘буб̣б̣з мануссабхууд̇о самаано’’д̇и ааха.

    201.Purimaṃjātintiādīsu pubbe nivutthakkhandhā jātavasena ‘‘jātī’’ti vuttā. Tathā bhavanavasena ‘‘bhavo’’ti, nivutthavasena ālayaṭṭhena vā ‘‘niketo’’ti. Tiṇṇampi padānaṃ pubbe nivutthakkhandhasantāne ṭhitoti attho. Idāni yasmā taṃ khandhasantānaṃ devalokādīsupi vattati. Lakkhaṇanibbattanasamatthaṃ pana kusalakammaṃ tattha na sukaraṃ, manussabhūtasseva sukaraṃ. Tasmā yathābhūtena yaṃ kammaṃ kataṃ, taṃ dassento pubbe manussabhūto samānoti āha. Akāraṇaṃ vā etaṃ. Hatthiassamigamahiṃsavānarādibhūtopi mahāpuriso pāramiyo pūretiyeva. Yasmā pana evarūpe attabhāve ṭhitena katakammaṃ na sakkā sukhena dīpetuṃ, manussabhāve ṭhitena katakammaṃ pana sakkā sukhena dīpetuṃ. Tasmā ‘‘pubbe manussabhūto samāno’’ti āha.

    д̣̇ал̣хасамаад̣̇аанод̇и т̇ираг̇ахан̣о. гусалзсу д̇хаммзсууд̇и д̣̇асагусалагаммабат̇зсу. авад̇т̇ид̇асамаад̣̇аанод̇и нижжалаг̇ахан̣о анивад̇д̇ид̇аг̇ахан̣о. махаасад̇д̇асса хи агусалагаммад̇о аг̇г̇им̣ бад̇ваа гуггудабад̇д̇ам̣ вияа жид̇д̇ам̣ бадигудад̇и, гусалам̣ бад̇ваа вид̇аанам̣ вияа басаарияад̇и. д̇асмаа д̣̇ал̣хасамаад̣̇аано ход̇и авад̇т̇ид̇асамаад̣̇аано. на саггаа гзнажи саман̣зна ваа б̣раахман̣зна ваа д̣̇звзна ваа маарзна ваа б̣рахмунаа ваа гусаласамаад̣̇аанам̣ виссаж̇ж̇аабзд̇ум̣.

    Daḷhasamādānoti thiragahaṇo. Kusalesu dhammesūti dasakusalakammapathesu. Avatthitasamādānoti niccalagahaṇo anivattitagahaṇo. Mahāsattassa hi akusalakammato aggiṃ patvā kukkuṭapattaṃ viya cittaṃ paṭikuṭati, kusalaṃ patvā vitānaṃ viya pasāriyati. Tasmā daḷhasamādāno hoti avatthitasamādāno. Na sakkā kenaci samaṇena vā brāhmaṇena vā devena vā mārena vā brahmunā vā kusalasamādānaṃ vissajjāpetuṃ.

    д̇ад̇римаани вад̇т̇ууни – буб̣б̣з гира махаабурисо галанд̣̇агаяонияам̣ ниб̣б̣ад̇д̇и. ат̇а д̣̇звз вудтз огхо ааг̇анд̇ваа гулаавагам̣ г̇ахзд̇ваа самуд̣̇д̣̇амзва бавзсзси. махаабурисо ‘‘буд̇д̇агз нийхариссаамий’’д̇и нан̇г̇удтам̣ д̇змзд̇ваа д̇змзд̇ваа самуд̣̇д̣̇ад̇о уд̣̇агам̣ б̣ахи киби. сад̇д̇амз д̣̇ивасз сагго ааваж̇ж̇ид̇ваа д̇ад̇т̇а ааг̇амма ‘‘гим̣ гаросий’’д̇и бужчи? со д̇асса аарожзси. сагго махаасамуд̣̇д̣̇ад̇о уд̣̇агасса д̣̇уннийхаран̣ийяабхаавам̣ гат̇зси. б̣од̇хисад̇д̇о д̇аад̣̇исзна гусийд̇зна сад̣̇д̇хим̣ гат̇зд̇умби на ваддад̇и. ‘‘маа ид̇ха д̇идтаа’’д̇и абасаарзси. сагго ‘‘аномабурисзна г̇ахид̇аг̇ахан̣ам̣ на саггаа виссаж̇ж̇аабзд̇у’’нд̇и д̇удто д̇асса буд̇д̇агз аанзд̇ваа ад̣̇ааси. махааж̇анагагаалзби махаасамуд̣̇д̣̇ам̣ д̇арамаано ‘‘гасмаа махаасамуд̣̇д̣̇ам̣ д̇арасий’’д̇и д̣̇звад̇ааяа будто ‘‘баарам̣ г̇анд̇ваа гуласанд̇агз радтз раж̇ж̇ам̣ г̇ахзд̇ваа д̣̇аанам̣ д̣̇аад̇ум̣ д̇араамий’’д̇и ааха. д̇ад̇о д̣̇звад̇ааяа – ‘‘аяам̣ махаасамуд̣̇д̣̇о г̇амбхийро жзва бут̇уло жа, гад̣̇аа нам̣ д̇ариссад̇ий’’д̇и вуд̇д̇з со ааха ‘‘д̇авзсо махаасамуд̣̇д̣̇асад̣̇исо, маяхам̣ бана аж̇жхаасаяам̣ ааг̇амма куд̣̇д̣̇агамаад̇игаа вияа кааяад̇и. д̇вам̣язва мам̣ д̣̇агкиссаси самуд̣̇д̣̇ам̣ д̇арид̇ваа самуд̣̇д̣̇абаарад̇о д̇ханам̣ аахарид̇ваа гуласанд̇агам̣ раж̇ж̇ам̣ г̇ахзд̇ваа д̣̇аанам̣ д̣̇ад̣̇амаана’’нд̇и. д̣̇звад̇аа ‘‘аномабурисзна г̇ахид̇аг̇ахан̣ам̣ на саггаа виссаж̇ж̇аабзд̇у’’нд̇и б̣од̇хисад̇д̇ам̣ аалин̇г̇зд̇ваа харид̇ваа уяяаанз нибаж̇ж̇аабзси. со чад̇д̇ам̣ уссаабзд̇ваа д̣̇ивасз д̣̇ивасз бан̃жасад̇асахассабарижжааг̇ам̣ гад̇ваа абарабхааг̇з нигкамма баб̣б̣аж̇ид̇о. звам̣ махаасад̇д̇о на саггаа гзнажи саман̣зна ваа…бз… б̣рахмунаа ваа гусаласамаад̣̇аанам̣ виссаж̇ж̇аабзд̇ум̣. д̇зна вуд̇д̇ам̣ – ‘‘д̣̇ал̣хасамаад̣̇аано ахоси гусалзсу д̇хаммзсу авад̇т̇ид̇асамаад̣̇аано’’д̇и.

    Tatrimāni vatthūni – pubbe kira mahāpuriso kalandakayoniyaṃ nibbatti. Atha deve vuṭṭhe ogho āgantvā kulāvakaṃ gahetvā samuddameva pavesesi. Mahāpuriso ‘‘puttake nīharissāmī’’ti naṅguṭṭhaṃ temetvā temetvā samuddato udakaṃ bahi khipi. Sattame divase sakko āvajjitvā tattha āgamma ‘‘kiṃ karosī’’ti pucchi? So tassa ārocesi. Sakko mahāsamuddato udakassa dunnīharaṇīyabhāvaṃ kathesi. Bodhisatto tādisena kusītena saddhiṃ kathetumpi na vaṭṭati. ‘‘Mā idha tiṭṭhā’’ti apasāresi. Sakko ‘‘anomapurisena gahitagahaṇaṃ na sakkā vissajjāpetu’’nti tuṭṭho tassa puttake ānetvā adāsi. Mahājanakakālepi mahāsamuddaṃ taramāno ‘‘kasmā mahāsamuddaṃ tarasī’’ti devatāya puṭṭho ‘‘pāraṃ gantvā kulasantake raṭṭhe rajjaṃ gahetvā dānaṃ dātuṃ tarāmī’’ti āha. Tato devatāya – ‘‘ayaṃ mahāsamuddo gambhīro ceva puthulo ca, kadā naṃ tarissatī’’ti vutte so āha ‘‘taveso mahāsamuddasadiso, mayhaṃ pana ajjhāsayaṃ āgamma khuddakamātikā viya khāyati. Tvaṃyeva maṃ dakkhissasi samuddaṃ taritvā samuddapārato dhanaṃ āharitvā kulasantakaṃ rajjaṃ gahetvā dānaṃ dadamāna’’nti. Devatā ‘‘anomapurisena gahitagahaṇaṃ na sakkā vissajjāpetu’’nti bodhisattaṃ āliṅgetvā haritvā uyyāne nipajjāpesi. So chattaṃ ussāpetvā divase divase pañcasatasahassapariccāgaṃ katvā aparabhāge nikkhamma pabbajito. Evaṃ mahāsatto na sakkā kenaci samaṇena vā…pe… brahmunā vā kusalasamādānaṃ vissajjāpetuṃ. Tena vuttaṃ – ‘‘daḷhasamādāno ahosi kusalesu dhammesu avatthitasamādāno’’ti.

    ид̣̇аани язсу гусалзсу д̇хаммзсу авад̇т̇ид̇асамаад̣̇аано ахоси, д̇з д̣̇ассзд̇ум̣ гааяасужарид̇зд̇иаад̣̇имааха. д̣̇аанасам̣вибхааг̇зд̇и зд̇т̇а жа д̣̇аанамзва д̣̇ияяанавасзна д̣̇аанам̣, сам̣вибхааг̇агаран̣авасзна сам̣вибхааг̇о. сийласамаад̣̇аанзд̇и бан̃жасийлад̣̇асасийлажад̇убаарисуд̣̇д̇хисийлабууран̣агаалз. убосат̇уубаваасзд̇и жаад̇уд̣̇д̣̇асигаад̣̇ибхзд̣̇асса убосат̇асса убавасанагаалз. мад̇д̇зяяад̇ааяаад̇и маад̇угаад̇аб̣б̣авад̇д̇з. сзсабад̣̇зсуби зсзва наяо. ан̃н̃ад̇аран̃н̃ад̇арзсу жаад̇и ан̃н̃зсу жа зваруубзсу. ад̇хигусалзсууд̇и зд̇т̇а ад̇т̇и гусалаа, ад̇т̇и ад̇хигусалаа. саб̣б̣зби гаамааважараа гусалаа гусалаа наама, руубааважараа ад̇хигусалаа. убхоби д̇з гусалаа наама, аруубааважараа ад̇хигусалаа. саб̣б̣зби д̇з гусалаа наама, саавагабаарамийбадилаабхабажжаяаа гусалаа ад̇хигусалаа наама. д̇зби гусалаа наама, бажжзгаб̣од̇хибадилаабхабажжаяаа гусалаа ад̇хигусалаа. д̇зби гусалаа наама, саб̣б̣ан̃н̃уд̇ан̃н̃аан̣аббадилаабхабажжаяаа бана гусалаа ид̇ха ‘‘ад̇хигусалаа’’д̇и ад̇хиббзд̇аа. д̇зсу ад̇хигусалзсу д̇хаммзсу д̣̇ал̣хасамаад̣̇аано ахоси авад̇т̇ид̇асамаад̣̇аано.

    Idāni yesu kusalesu dhammesu avatthitasamādāno ahosi, te dassetuṃ kāyasucaritetiādimāha. Dānasaṃvibhāgeti ettha ca dānameva diyyanavasena dānaṃ, saṃvibhāgakaraṇavasena saṃvibhāgo. Sīlasamādāneti pañcasīladasasīlacatupārisuddhisīlapūraṇakāle. Uposathūpavāseti cātuddasikādibhedassa uposathassa upavasanakāle. Matteyyatāyāti mātukātabbavatte. Sesapadesupi eseva nayo. Aññataraññataresu cāti aññesu ca evarūpesu. Adhikusalesūti ettha atthi kusalā, atthi adhikusalā. Sabbepi kāmāvacarā kusalā kusalā nāma, rūpāvacarā adhikusalā. Ubhopi te kusalā nāma, arūpāvacarā adhikusalā. Sabbepi te kusalā nāma, sāvakapāramīpaṭilābhapaccayā kusalā adhikusalā nāma. Tepi kusalā nāma, paccekabodhipaṭilābhapaccayā kusalā adhikusalā. Tepi kusalā nāma, sabbaññutaññāṇappaṭilābhapaccayā pana kusalā idha ‘‘adhikusalā’’ti adhippetā. Tesu adhikusalesu dhammesu daḷhasamādāno ahosi avatthitasamādāno.

    гадад̇д̇аа убажид̇ад̇д̇аад̇и зд̇т̇а сагимби гад̇ам̣ гад̇амзва, абхин̣хагаран̣зна бана убажид̇ам̣ ход̇и. уссаннад̇д̇аад̇и бин̣д̣ийгад̇ам̣ раасийгад̇ам̣ гаммам̣ уссаннанд̇и вужжад̇и. д̇асмаа ‘‘уссаннад̇д̇аа’’д̇и вад̣̇анд̇о маяаа гад̇агаммасса жаггаваал̣ам̣ ад̇исамб̣аад̇хам̣, бхаваг̇г̇ам̣ ад̇инийжам̣, звам̣ мз уссаннам̣ гамманд̇и д̣̇ассзд̇и. вибулад̇д̇аад̇и аббамаан̣ад̇д̇аа. иминаа ‘‘ананд̇ам̣ абаримаан̣ам̣ маяаа гад̇ам̣ гамма’’нд̇и д̣̇ассзд̇и. ад̇хиг̇г̇ан̣хаад̇ийд̇и ад̇хибхавад̇и, ан̃н̃зхи д̣̇звзхи ад̇ирзгам̣ лабхад̇ийд̇и ад̇т̇о. бадилабхад̇ийд̇и ад̇хиг̇ажчад̇и.

    Kaṭattā upacitattāti ettha sakimpi kataṃ katameva, abhiṇhakaraṇena pana upacitaṃ hoti. Ussannattāti piṇḍīkataṃ rāsīkataṃ kammaṃ ussannanti vuccati. Tasmā ‘‘ussannattā’’ti vadanto mayā katakammassa cakkavāḷaṃ atisambādhaṃ, bhavaggaṃ atinīcaṃ, evaṃ me ussannaṃ kammanti dasseti. Vipulattāti appamāṇattā. Iminā ‘‘anantaṃ aparimāṇaṃ mayā kataṃ kamma’’nti dasseti. Adhiggaṇhātīti adhibhavati, aññehi devehi atirekaṃ labhatīti attho. Paṭilabhatīti adhigacchati.

    саб̣б̣ааванд̇зхи баад̣̇ад̇алзхийд̇и ид̣̇ам̣ ‘‘самам̣ баад̣̇ам̣ бхуумияам̣ нигкибад̇ий’’д̇и зд̇асса вид̇т̇аараважанам̣. д̇ад̇т̇а саб̣б̣ааванд̇зхийд̇и саб̣б̣абад̣̇зсаванд̇зхи, на згзна бад̣̇зсзна батамам̣ пусад̇и, на згзна бажчаа, саб̣б̣зхзва баад̣̇ад̇алзхи самам̣ пусад̇и, самам̣ уд̣̇д̇харад̇и. сажзби хи д̇ат̇ааг̇ад̇о ‘‘анзгасад̇аборисам̣ нарагам̣ аггамиссаамий’’д̇и баад̣̇ам̣ абхинийхарад̇и. д̇аавад̣̇зва ниннадтаанам̣ ваад̇абуурид̇аа вияа гаммаарабхасд̇аа уннамид̇ваа бат̇ависамам̣ ход̇и. уннад̇адтаанамби анд̇о бависад̇и. ‘‘д̣̇уурз аггамиссаамий’’д̇и абхинийхаранд̇асса синзруббамаан̣оби баб̣б̣ад̇о сусзд̣̇ид̇авзд̇д̇ан̇гуро вияа онамид̇ваа баад̣̇асамийбам̣ ааг̇ажчад̇и. д̇ат̇аа хисса яамагабаадихаарияам̣ гад̇ваа ‘‘яуг̇анд̇харабаб̣б̣ад̇ам̣ аггамиссаамий’’д̇и баад̣̇з абхинийхадз баб̣б̣ад̇о онамид̇ваа баад̣̇асамийбам̣ ааг̇ад̇о. соби д̇ам̣ аггамид̇ваа д̣̇уд̇ияабаад̣̇зна д̇аавад̇им̣сабхаванам̣ аггами. на хи жаггалагкан̣зна бад̇идтаад̇аб̣б̣адтаанам̣ висамам̣ бхавид̇ум̣ саггод̇и. каан̣у ваа ган̣даго ваа сагкараа ваа гат̇алаа ваа ужжаарабассаавакзл̣асин̇гхаан̣игаад̣̇ийни ваа буримад̇арам̣ ваа абаг̇ажчанд̇и, д̇ад̇т̇а д̇ад̇т̇зва ваа бат̇авим̣ бависанд̇и. д̇ат̇ааг̇ад̇асса хи сийлад̇зж̇зна бун̃н̃ад̇зж̇зна д̇хаммад̇зж̇зна д̣̇асаннам̣ баарамийнам̣ аанубхаавзна аяам̣ махаабат̇авий саммаа муд̣̇убубпаабхигин̣н̣аа ход̇и.

    Sabbāvantehi pādatalehīti idaṃ ‘‘samaṃ pādaṃ bhūmiyaṃ nikkhipatī’’ti etassa vitthāravacanaṃ. Tattha sabbāvantehīti sabbapadesavantehi, na ekena padesena paṭhamaṃ phusati, na ekena pacchā, sabbeheva pādatalehi samaṃ phusati, samaṃ uddharati. Sacepi hi tathāgato ‘‘anekasataporisaṃ narakaṃ akkamissāmī’’ti pādaṃ abhinīharati. Tāvadeva ninnaṭṭhānaṃ vātapūritā viya kammārabhastā unnamitvā pathavisamaṃ hoti. Unnataṭṭhānampi anto pavisati. ‘‘Dūre akkamissāmī’’ti abhinīharantassa sineruppamāṇopi pabbato suseditavettaṅkuro viya onamitvā pādasamīpaṃ āgacchati. Tathā hissa yamakapāṭihāriyaṃ katvā ‘‘yugandharapabbataṃ akkamissāmī’’ti pāde abhinīhaṭe pabbato onamitvā pādasamīpaṃ āgato. Sopi taṃ akkamitvā dutiyapādena tāvatiṃsabhavanaṃ akkami. Na hi cakkalakkhaṇena patiṭṭhātabbaṭṭhānaṃ visamaṃ bhavituṃ sakkoti. Khāṇu vā kaṇṭako vā sakkharā vā kathalā vā uccārapassāvakheḷasiṅghāṇikādīni vā purimataraṃ vā apagacchanti, tattha tattheva vā pathaviṃ pavisanti. Tathāgatassa hi sīlatejena puññatejena dhammatejena dasannaṃ pāramīnaṃ ānubhāvena ayaṃ mahāpathavī sammā mudupupphābhikiṇṇā hoti.

    202. сааг̇арабарияанд̇анд̇и сааг̇арасиймам̣. на хи д̇асса раж̇ж̇ам̣ гаронд̇асса анд̇араа ругко ваа баб̣б̣ад̇о ваа над̣̇ий ваа сиймаа ход̇и махаасамуд̣̇д̣̇ова сиймаа. д̇зна вуд̇д̇ам̣ ‘‘сааг̇арабарияанд̇а’’нд̇и. акиламанимид̇д̇амаган̣даганд̇и нижжорам̣. жораа хи карасампассадтзна килаа, убад̣̇д̣̇авабажжаяадтзна нимид̇д̇аа, виж̇жханадтзна ган̣дагаад̇и вужжанд̇и. ид̣̇д̇ханд̇и самид̣̇д̇хам̣. пийд̇анд̇и саб̣б̣асамбад̇д̇ипаалипуллам̣. кзманд̇и ниб̣бхаяам̣. сиванд̇и нирубад̣̇д̣̇авам̣. нираб̣б̣уд̣̇анд̇и аб̣б̣уд̣̇авирахид̇ам̣, г̇умб̣ам̣ г̇умб̣ам̣ худ̇ваа жаранд̇зхи жорзхи вирахид̇анд̇и ад̇т̇о. агкамбхияод̇и авигкамбханийяо. на нам̣ гожи таанад̇о жаалзд̇ум̣ саггод̇и. бажжад̇т̇игзнаад̇и бадибагкам̣ ижчанд̇зна. бажжаамид̇д̇знаад̇и бадивируд̣̇д̇хзна амид̇д̇зна. убхаяамбзд̇ам̣ сабад̇д̇авзважанам̣. аб̣бханд̇арзхийд̇и анд̇о удтид̇зхи рааг̇аад̣̇ийхи.

    202.Sāgarapariyantanti sāgarasīmaṃ. Na hi tassa rajjaṃ karontassa antarā rukkho vā pabbato vā nadī vā sīmā hoti mahāsamuddova sīmā. Tena vuttaṃ ‘‘sāgarapariyanta’’nti. Akhilamanimittamakaṇṭakanti niccoraṃ. Corā hi kharasamphassaṭṭhena khilā, upaddavapaccayaṭṭhena nimittā, vijjhanaṭṭhena kaṇṭakāti vuccanti. Iddhanti samiddhaṃ. Phītanti sabbasampattiphāliphullaṃ. Khemanti nibbhayaṃ. Sivanti nirupaddavaṃ. Nirabbudanti abbudavirahitaṃ, gumbaṃ gumbaṃ hutvā carantehi corehi virahitanti attho. Akkhambhiyoti avikkhambhanīyo. Na naṃ koci ṭhānato cāletuṃ sakkoti. Paccatthikenāti paṭipakkhaṃ icchantena. Paccāmittenāti paṭiviruddhena amittena. Ubhayampetaṃ sapattavevacanaṃ. Abbhantarehīti anto uṭṭhitehi rāgādīhi.

    б̣аахирзхийд̇и саман̣аад̣̇ийхи. д̇ат̇аа хи нам̣ б̣аахираа д̣̇звад̣̇ад̇д̇агогаалигаад̣̇аяо саман̣ааби сон̣ад̣̇ан̣д̣агуудад̣̇ан̣д̣аад̣̇аяо б̣раахман̣ааби саггасад̣̇исаа д̣̇звад̇ааби сад̇д̇а вассаани ануб̣анд̇хамаано маароби б̣агаад̣̇аяо б̣рахмааноби вигкамбхзд̇ум̣ наасагким̣су.

    Bāhirehīti samaṇādīhi. Tathā hi naṃ bāhirā devadattakokālikādayo samaṇāpi soṇadaṇḍakūṭadaṇḍādayo brāhmaṇāpi sakkasadisā devatāpi satta vassāni anubandhamāno māropi bakādayo brahmānopi vikkhambhetuṃ nāsakkhiṃsu.

    зд̇д̇аавад̇аа бхаг̇авад̇аа гамман̃жа гаммасаригкаган̃жа лагкан̣ан̃жа лагкан̣аанисам̣со жа вуд̇д̇о ход̇и. гаммам̣ наама сад̇асахассагаббаад̇хигаани жад̇д̇аари асан̇кязяяаани д̣̇ал̣хавийриязна худ̇ваа гад̇ам̣ гаммам̣. гаммасаригкагам̣ наама д̣̇ал̣хзна худ̇ваа гад̇абхаавам̣ сад̣̇зваго лого ж̇аанаад̇ууд̇и суббад̇идтид̇абаад̣̇амахаабурисалагкан̣ам̣. лагкан̣ам̣ наама суббад̇идтид̇абаад̣̇ад̇аа. лагкан̣аанисам̣со наама бажжад̇т̇игзхи авигкамбханийяад̇аа.

    Ettāvatā bhagavatā kammañca kammasarikkhakañca lakkhaṇañca lakkhaṇānisaṃso ca vutto hoti. Kammaṃ nāma satasahassakappādhikāni cattāri asaṅkhyeyyāni daḷhavīriyena hutvā kataṃ kammaṃ. Kammasarikkhakaṃ nāma daḷhena hutvā katabhāvaṃ sadevako loko jānātūti suppatiṭṭhitapādamahāpurisalakkhaṇaṃ. Lakkhaṇaṃ nāma suppatiṭṭhitapādatā. Lakkhaṇānisaṃso nāma paccatthikehi avikkhambhanīyatā.

    203. д̇ад̇т̇зд̇ам̣ вужжад̇ийд̇и д̇ад̇т̇а вуд̇д̇з гаммаад̣̇ибхзд̣̇з абарамби ид̣̇ам̣ вужжад̇и, г̇аат̇ааб̣анд̇хам̣ санд̇хааяа вуд̇д̇ам̣. зд̇аа бана г̇аат̇аа бораан̣агад̇т̇зраа ‘‘аананд̣̇ад̇т̇зрзна табид̇аа ван̣н̣анааг̇аат̇аа’’д̇и вад̇ваа г̇ад̇аа. абарабхааг̇з т̇зраа ‘‘згабад̣̇иго ад̇т̇уд̣̇д̇хааро’’д̇и аахам̣су.

    203.Tatthetaṃvuccatīti tattha vutte kammādibhede aparampi idaṃ vuccati, gāthābandhaṃ sandhāya vuttaṃ. Etā pana gāthā porāṇakattherā ‘‘ānandattherena ṭhapitā vaṇṇanāgāthā’’ti vatvā gatā. Aparabhāge therā ‘‘ekapadiko atthuddhāro’’ti āhaṃsu.

    д̇ад̇т̇а сажжзд̇и важийсажжз. д̇хаммзд̇и д̣̇асагусалагаммабат̇ад̇хаммз. д̣̇амзд̇и инд̣̇рияад̣̇аманз. сам̣яамзд̇и сийласам̣яамз. ‘‘сожзяяасийлаалаяубосат̇зсу жаа’’д̇и зд̇т̇а гааяасожзяяаад̣̇и д̇ивид̇хам̣ сожзяяам̣. аалаяабхууд̇ам̣ сийламзва сийлаалаяо. убосат̇агаммам̣ убосат̇о. ахим̣сааяаад̇и авихим̣сааяа. самад̇д̇амаажарийд̇и сагалам̣ ажари.

    Tattha sacceti vacīsacce. Dhammeti dasakusalakammapathadhamme. Dameti indriyadamane. Saṃyameti sīlasaṃyame. ‘‘Soceyyasīlālayuposathesu cā’’ti ettha kāyasoceyyādi tividhaṃ soceyyaṃ. Ālayabhūtaṃ sīlameva sīlālayo. Uposathakammaṃ uposatho. Ahiṃsāyāti avihiṃsāya. Samattamācarīti sakalaṃ acari.

    анвабхийд̇и анубхави. взяяан̃ж̇анигаад̇и лагкан̣абаатагаа. бараабхибхууд̇и барз абхибхаванасамад̇т̇о. сад̇д̇убхийд̇и сабад̇д̇зхи агкамбхияо ход̇и.

    Anvabhīti anubhavi. Veyyañjanikāti lakkhaṇapāṭhakā. Parābhibhūti pare abhibhavanasamattho. Sattubhīti sapattehi akkhambhiyo hoti.

    на со г̇ажчад̇и ж̇аад̇у камбхананд̇и со згам̣сзнзва аг̇г̇абуг̇г̇ало вигкамбхзд̇аб̣б̣ад̇ам̣ на г̇ажчад̇и. зсаа хи д̇асса д̇хаммад̇аад̇и д̇асса хи зсаа д̇хаммад̇аа аяам̣ сабхааво.

    Na so gacchati jātu khambhananti so ekaṃseneva aggapuggalo vikkhambhetabbataṃ na gacchati. Esā hi tassa dhammatāti tassa hi esā dhammatā ayaṃ sabhāvo.

    баад̣̇ад̇алажаггалагкан̣аван̣н̣анаа

    Pādatalacakkalakkhaṇavaṇṇanā

    204. уб̣б̣зг̇ауд̇д̇аасабхаяанд̇и уб̣б̣зг̇абхаяан̃жзва уд̇д̇аасабхаяан̃жа. д̇ад̇т̇а жорад̇о ваа рааж̇ад̇о ваа бажжад̇т̇игад̇о ваа вилобанаб̣анд̇ханаад̣̇иниссаяам̣ бхаяам̣ уб̣б̣зг̇о наама, д̇ам̣мухуд̇д̇игам̣ жан̣д̣ахад̇т̇иассаад̣̇ийни ваа ахияагкаад̣̇аяо ваа бадижжа ломахам̣санагарам̣ бхаяам̣ уд̇д̇аасабхаяам̣ наама. д̇ам̣ саб̣б̣ам̣ абануд̣̇ид̇аа вуубасамзд̇аа. сам̣вид̇хаад̇аад̇и сам̣вид̣̇ахид̇аа. гат̇ам̣ сам̣вид̣̇ахад̇и? адавияам̣ саасан̇гадтаанзсу д̣̇аанасаалам̣ гаарзд̇ваа д̇ад̇т̇а ааг̇ад̇з бхож̇зд̇ваа мануссз д̣̇ад̇ваа ад̇иваахзд̇и, д̇ам̣ таанам̣ бависид̇ум̣ асаггонд̇аанам̣ мануссз бзсзд̇ваа бавзсзд̇и. наг̇араад̣̇ийсуби д̇зсу д̇зсу таанзсу аарагкам̣ табзд̇и, звам̣ сам̣вид̣̇ахад̇и. сабаривааран̃жа д̣̇аанам̣ ад̣̇аасийд̇и аннам̣ баананд̇и д̣̇асавид̇хам̣ д̣̇аанавад̇т̇ум̣.

    204.Ubbegauttāsabhayanti ubbegabhayañceva uttāsabhayañca. Tattha corato vā rājato vā paccatthikato vā vilopanabandhanādinissayaṃ bhayaṃ ubbego nāma, taṃmuhuttikaṃ caṇḍahatthiassādīni vā ahiyakkhādayo vā paṭicca lomahaṃsanakaraṃ bhayaṃ uttāsabhayaṃ nāma. Taṃ sabbaṃ apanuditā vūpasametā. Saṃvidhātāti saṃvidahitā. Kathaṃ saṃvidahati? Aṭaviyaṃ sāsaṅkaṭṭhānesu dānasālaṃ kāretvā tattha āgate bhojetvā manusse datvā ativāheti, taṃ ṭhānaṃ pavisituṃ asakkontānaṃ manusse pesetvā paveseti. Nagarādīsupi tesu tesu ṭhānesu ārakkhaṃ ṭhapeti, evaṃ saṃvidahati. Saparivārañca dānaṃ adāsīti annaṃ pānanti dasavidhaṃ dānavatthuṃ.

    д̇ад̇т̇а аннанд̇и яааг̇убхад̇д̇ам̣. д̇ам̣ д̣̇ад̣̇анд̇о на д̣̇ваарз табзд̇ваа ад̣̇ааси, ат̇а ко анд̇онивзсанз харид̇убалид̇д̇адтаанз лааж̇аа жзва бубпаани жа вигирид̇ваа аасанам̣ бан̃н̃абзд̇ваа вид̇аанам̣ б̣анд̇хид̇ваа г̇анд̇хад̇хуумаад̣̇ийхи саггаарам̣ гад̇ваа бхигкусан̇гхам̣ нисийд̣̇аабзд̇ваа яааг̇ум̣ ад̣̇ааси. яааг̇ум̣ д̣̇знд̇о жа саб̣яан̃ж̇анам̣ ад̣̇ааси. яааг̇убаанаавасаанз баад̣̇з д̇ховид̇ваа д̇злзна магкзд̇ваа наанаббагаарагам̣ ананд̇ам̣ каж̇ж̇агам̣ д̣̇ад̇ваа барияосаанз анзгасуубам̣ анзгаб̣яан̃ж̇анам̣ бан̣ийд̇абхож̇анам̣ ад̣̇ааси . баанам̣ д̣̇знд̇о амб̣абаанаад̣̇иадтавид̇хам̣ баанам̣ ад̣̇ааси, д̇амби яааг̇убхад̇д̇ам̣ д̣̇ад̇ваа. вад̇т̇ам̣ д̣̇знд̇о на суд̣̇д̇хавад̇т̇амзва ад̣̇ааси, згабаддад̣̇убаддаад̣̇ибахонагам̣ бана д̣̇ад̇ваа сужимби ад̣̇ааси, суд̇д̇амби ад̣̇ааси, суд̇д̇ам̣ ваддзси, суужигаммагаран̣адтаанз бхигкуунам̣ аасанаани, яааг̇убхад̇д̇ам̣, баад̣̇амагканам̣, бидтимагканам̣, раж̇анам̣, бан̣д̣убалаасам̣, раж̇анад̣̇он̣игам̣, анд̇амасо жийварараж̇анагам̣ габбияагаарагамби ад̣̇ааси.

    Tattha annanti yāgubhattaṃ. Taṃ dadanto na dvāre ṭhapetvā adāsi, atha kho antonivesane haritupalittaṭṭhāne lājā ceva pupphāni ca vikiritvā āsanaṃ paññapetvā vitānaṃ bandhitvā gandhadhūmādīhi sakkāraṃ katvā bhikkhusaṅghaṃ nisīdāpetvā yāguṃ adāsi. Yāguṃ dento ca sabyañjanaṃ adāsi. Yāgupānāvasāne pāde dhovitvā telena makkhetvā nānappakārakaṃ anantaṃ khajjakaṃ datvā pariyosāne anekasūpaṃ anekabyañjanaṃ paṇītabhojanaṃ adāsi . Pānaṃ dento ambapānādiaṭṭhavidhaṃ pānaṃ adāsi, tampi yāgubhattaṃ datvā. Vatthaṃ dento na suddhavatthameva adāsi, ekapaṭṭadupaṭṭādipahonakaṃ pana datvā sucimpi adāsi, suttampi adāsi, suttaṃ vaṭṭesi, sūcikammakaraṇaṭṭhāne bhikkhūnaṃ āsanāni, yāgubhattaṃ, pādamakkhanaṃ, piṭṭhimakkhanaṃ, rajanaṃ, paṇḍupalāsaṃ, rajanadoṇikaṃ, antamaso cīvararajanakaṃ kappiyakārakampi adāsi.

    яаананд̇и убааханам̣. д̇ам̣ д̣̇ад̣̇анд̇оби убааханад̇т̇авигам̣ убааханад̣̇ан̣д̣агам̣ магканад̇злам̣ хздтаа вуд̇д̇аани жа аннаад̣̇ийни д̇ассзва бариваарам̣ гад̇ваа ад̣̇ааси. маалам̣ д̣̇знд̇оби на суд̣̇д̇хамааламзва ад̣̇ааси, ат̇а ко нам̣ г̇анд̇хзхи миссзд̇ваа хздтимаани жад̇д̇аари д̇ассзва бариваарам̣ гад̇ваа ад̣̇ааси. б̣од̇хижзд̇ияааасанабод̇т̇агаад̣̇ибууж̇анад̇т̇ааяа жзва жзд̇ияагхарад̇хуубанад̇т̇ааяа жа г̇анд̇хам̣ д̣̇знд̇оби на суд̣̇д̇хаг̇анд̇хамзва ад̣̇ааси, г̇анд̇хабисанаганисад̣̇ааяа жзва багкибанагабхааж̇анзна жа сад̣̇д̇хим̣ хздтимаани бан̃жа д̇асса бариваарам̣ гад̇ваа ад̣̇ааси. жзд̇ияабууж̇аад̣̇ийнам̣ ад̇т̇ааяа харид̇ааламаносилаажийнабидтаад̣̇ивилзбанам̣ д̣̇знд̇оби на суд̣̇д̇хавилзбанамзва ад̣̇ааси, вилзбанабхааж̇анзна сад̣̇д̇хим̣ хздтимаани ча д̇асса бариваарам̣ гад̇ваа ад̣̇ааси. сзяяаад̇и ман̃жабийтам̣. д̇ам̣ д̣̇знд̇оби на суд̣̇д̇хагамзва ад̣̇ааси, гож̇авагамб̣алабажжад̇т̇аран̣аман̃жаббадибаад̣̇агзхи сад̣̇д̇хим̣ анд̇амасо ман̇г̇уласод̇ханад̣̇ан̣д̣агам̣ хздтимаани жа сад̇д̇а д̇асса бариваарам̣ гад̇ваа ад̣̇ааси. аавасат̇ам̣ д̣̇знд̇оби на г̇зхамад̇д̇амзва ад̣̇ааси, ат̇а ко нам̣ маалаагаммалад̇аагаммабадиман̣д̣ид̇ам̣ субан̃н̃ад̇д̇ам̣ ман̃жабийтам̣ гаарзд̇ваа хздтимаани адта д̇асса бариваарам̣ гад̇ваа ад̣̇ааси. бад̣̇ийбзяяанд̇и бад̣̇ийбад̇злам̣. д̇ам̣ д̣̇знд̇о жзд̇ияан̇г̇ан̣з б̣од̇хияан̇г̇ан̣з д̇хаммассаванаг̇г̇з васанаг̇зхз бод̇т̇агаваажанадтаанз иминаа д̣̇ийбам̣ ж̇аалаабзт̇аад̇и на суд̣̇д̇хад̇зламзва ад̣̇ааси, вадди габаллагад̇злабхааж̇анаад̣̇ийхи сад̣̇д̇хим̣ хздтимаани нава д̇асса бариваарам̣ гад̇ваа ад̣̇ааси. сувибхад̇д̇анд̇араанийд̇и сувибхад̇д̇аанд̇араани.

    Yānanti upāhanaṃ. Taṃ dadantopi upāhanatthavikaṃ upāhanadaṇḍakaṃ makkhanatelaṃ heṭṭhā vuttāni ca annādīni tasseva parivāraṃ katvā adāsi. Mālaṃ dentopi na suddhamālameva adāsi, atha kho naṃ gandhehi missetvā heṭṭhimāni cattāri tasseva parivāraṃ katvā adāsi. Bodhicetiyaāsanapotthakādipūjanatthāya ceva cetiyagharadhūpanatthāya ca gandhaṃ dentopi na suddhagandhameva adāsi, gandhapisanakanisadāya ceva pakkhipanakabhājanena ca saddhiṃ heṭṭhimāni pañca tassa parivāraṃ katvā adāsi. Cetiyapūjādīnaṃ atthāya haritālamanosilācīnapiṭṭhādivilepanaṃ dentopi na suddhavilepanameva adāsi, vilepanabhājanena saddhiṃ heṭṭhimāni cha tassa parivāraṃ katvā adāsi. Seyyāti mañcapīṭhaṃ. Taṃ dentopi na suddhakameva adāsi, kojavakambalapaccattharaṇamañcappaṭipādakehi saddhiṃ antamaso maṅgulasodhanadaṇḍakaṃ heṭṭhimāni ca satta tassa parivāraṃ katvā adāsi. Āvasathaṃ dentopi na gehamattameva adāsi, atha kho naṃ mālākammalatākammapaṭimaṇḍitaṃ supaññattaṃ mañcapīṭhaṃ kāretvā heṭṭhimāni aṭṭha tassa parivāraṃ katvā adāsi. Padīpeyyanti padīpatelaṃ. Taṃ dento cetiyaṅgaṇe bodhiyaṅgaṇe dhammassavanagge vasanagehe potthakavācanaṭṭhāne iminā dīpaṃ jālāpethāti na suddhatelameva adāsi, vaṭṭi kapallakatelabhājanādīhi saddhiṃ heṭṭhimāni nava tassa parivāraṃ katvā adāsi. Suvibhattantarānīti suvibhattaantarāni.

    рааж̇аанод̇и абхисид̇д̇аа. бхог̇ияаад̇и бхож̇агаа гумаараад̇и рааж̇агумаараа. ид̇ха гаммам̣ наама сабариваарам̣ д̣̇аанам̣. гаммасаригкагам̣ наама сабариваарам̣ гад̇ваа д̣̇аанам̣ ад̣̇аасийд̇и иминаа гааран̣зна сад̣̇зваго лого ж̇аанаад̇ууд̇и ниб̣б̣ад̇д̇ам̣ жаггалагкан̣ам̣. лагкан̣ам̣ наама д̇ад̣̇зва жаггалагкан̣ам̣. аанисам̣со махаабариваарад̇аа.

    Rājānoti abhisittā. Bhogiyāti bhojakā kumārāti rājakumārā. Idha kammaṃ nāma saparivāraṃ dānaṃ. Kammasarikkhakaṃ nāma saparivāraṃ katvā dānaṃ adāsīti iminā kāraṇena sadevako loko jānātūti nibbattaṃ cakkalakkhaṇaṃ. Lakkhaṇaṃ nāma tadeva cakkalakkhaṇaṃ. Ānisaṃso mahāparivāratā.

    205. д̇ад̇т̇зд̇ам̣ вужжад̇ийд̇и имаа д̇ад̣̇ад̇т̇абарид̣̇ийбанаа г̇аат̇аа вужжанд̇и. д̣̇увид̇хаа хи г̇аат̇аа хонд̇и – д̇ад̣̇ад̇т̇абарид̣̇ийбанаа жа висзсад̇т̇абарид̣̇ийбанаа жа. д̇ад̇т̇а баал̣иааг̇ад̇амзва ад̇т̇ам̣ барид̣̇ийбанаа д̇ад̣̇ад̇т̇абарид̣̇ийбанаа наама. баал̣ияам̣ анааг̇ад̇ам̣ барид̣̇ийбанаа висзсад̇т̇абарид̣̇ийбанаа наама. имаа бана д̇ад̣̇ад̇т̇абарид̣̇ийбанаа. д̇ад̇т̇а бурзд̇и буб̣б̣з. бурад̇т̇аад̇и д̇ассзва взважанам̣. буримаасу ж̇аад̇ийсууд̇и имиссаа ж̇аад̇ияаа буб̣б̣згад̇агаммабадигкзбад̣̇ийбанам̣. уб̣б̣зг̇ауд̇д̇аасабхаяаабанууд̣̇анод̇и уб̣б̣зг̇абхаяасса жа уд̇д̇аасабхаяасса жа абанууд̣̇ано. уссугод̇и ад̇химуд̇д̇о.

    205.Tatthetaṃ vuccatīti imā tadatthaparidīpanā gāthā vuccanti. Duvidhā hi gāthā honti – tadatthaparidīpanā ca visesatthaparidīpanā ca. Tattha pāḷiāgatameva atthaṃ paridīpanā tadatthaparidīpanā nāma. Pāḷiyaṃ anāgataṃ paridīpanā visesatthaparidīpanā nāma. Imā pana tadatthaparidīpanā. Tattha pureti pubbe. Puratthāti tasseva vevacanaṃ. Purimāsu jātīsūti imissā jātiyā pubbekatakammapaṭikkhepadīpanaṃ. Ubbegauttāsabhayāpanūdanoti ubbegabhayassa ca uttāsabhayassa ca apanūdano. Ussukoti adhimutto.

    сад̇абун̃н̃алагкан̣анд̇и сад̇зна сад̇зна бун̃н̃агаммзна ниб̣б̣ад̇д̇ам̣ згзгам̣ лагкан̣ам̣. звам̣ санд̇з яо гожи б̣уд̣̇д̇хо бхавзяяаад̇и на рожаяим̣су, ананд̇зсу бана жаггаваал̣зсу саб̣б̣з сад̇д̇аа згзгам̣ гаммам̣ сад̇агкад̇д̇ум̣ гарзяяум̣, зд̇д̇агзхи ж̇анзхи гад̇ам̣ гаммам̣ б̣од̇хисад̇д̇о згова згзгам̣ сад̇аг̇ун̣ам̣ гад̇ваа ниб̣б̣ад̇д̇о. д̇асмаа ‘‘сад̇абун̃н̃алагкан̣о’’д̇и имамад̇т̇ам̣ рожаяим̣су. мануссаасурасаггарагкасаад̇и мануссаа жа асураа жа саггаа жа рагкасаа жа.

    Satapuññalakkhaṇanti satena satena puññakammena nibbattaṃ ekekaṃ lakkhaṇaṃ. Evaṃ sante yo koci buddho bhaveyyāti na rocayiṃsu, anantesu pana cakkavāḷesu sabbe sattā ekekaṃ kammaṃ satakkhattuṃ kareyyuṃ, ettakehi janehi kataṃ kammaṃ bodhisatto ekova ekekaṃ sataguṇaṃ katvā nibbatto. Tasmā ‘‘satapuññalakkhaṇo’’ti imamatthaṃ rocayiṃsu. Manussāsurasakkarakkhasāti manussā ca asurā ca sakkā ca rakkhasā ca.

    ааяад̇абан̣хид̇аад̣̇ид̇илагкан̣аван̣н̣анаа

    Āyatapaṇhitāditilakkhaṇavaṇṇanā

    206. анд̇араад̇и бадисанд̇хид̇о сарасажуд̇ияаа анд̇арз. ид̇ха гаммам̣ наама баан̣аад̇ибаад̇аа вирад̇и. гаммасаригкагам̣ наама баан̣аад̇ибаад̇ам̣ гаронд̇о бад̣̇асад̣̇д̣̇асаванабхаяаа аг̇г̇аг̇г̇абаад̣̇зхи аггаманд̇аа г̇анд̇ваа барам̣ баад̇знд̇и. ат̇а д̇з иминаа гааран̣зна д̇зсам̣ д̇ам̣ гаммам̣ ж̇ано ж̇аанаад̇ууд̇и анд̇ован̇габаад̣̇аа ваа б̣ахиван̇габаад̣̇аа ваа уггудигабаад̣̇аа ваа аг̇г̇агон̣д̣аа ваа бан̣хигон̣д̣аа ваа бхаванд̇и. аг̇г̇абаад̣̇зхи г̇анд̇ваа барасса амаарид̇абхаавам̣ бана д̇ат̇ааг̇ад̇асса сад̣̇зваго лого иминаа гааран̣зна ж̇аанаад̇ууд̇и ааяад̇абан̣хи махаабурисалагкан̣ам̣ ниб̣б̣ад̇д̇ад̇и . д̇ат̇аа барам̣ гхаад̇знд̇аа уннад̇агааязна г̇ажчанд̇аа ан̃н̃з бассиссанд̇ийд̇и онад̇аа г̇анд̇ваа барам̣ гхаад̇знд̇и. ат̇а д̇з звамимз г̇анд̇ваа барам̣ гхаад̇аяим̣сууд̇и нзсам̣ д̇ам̣ гаммам̣ иминаа гааран̣зна баро ж̇аанаад̇ууд̇и куж̇ж̇аа ваа вааманаа ваа бийтасабби ваа бхаванд̇и. д̇ат̇ааг̇ад̇асса бана звам̣ г̇анд̇ваа барзсам̣ агхаад̇ид̇абхаавам̣ иминаа гааран̣зна сад̣̇зваго лого ж̇аанаад̇ууд̇и б̣рахмуж̇уг̇ад̇д̇амахаабурисалагкан̣ам̣ ниб̣б̣ад̇д̇ад̇и. д̇ат̇аа барам̣ гхаад̇знд̇аа аавуд̇хам̣ ваа муг̇г̇арам̣ ваа г̇ан̣хид̇ваа мудтигад̇ахад̇т̇аа барам̣ гхаад̇знд̇и. д̇з звам̣ д̇зсам̣ барасса гхаад̇ид̇абхаавам̣ иминаа гааран̣зна ж̇ано ж̇аанаад̇ууд̇и рассан̇г̇улий ваа рассахад̇т̇аа ваа ван̇ган̇г̇улий ваа пан̣ахад̇т̇агаа ваа бхаванд̇и. д̇ат̇ааг̇ад̇асса бана звам̣ барзсам̣ агхаад̇ид̇абхаавам̣ сад̣̇зваго лого иминаа гааран̣зна ж̇аанаад̇ууд̇и д̣̇ийгхан̇г̇улимахаабурисалагкан̣ам̣ ниб̣б̣ад̇д̇ад̇и. ид̣̇амзд̇т̇а гаммасаригкагам̣. ид̣̇амзва бана лагкан̣ад̇д̇аяам̣ лагкан̣ам̣ наама. д̣̇ийгхааяугабхааво лагкан̣аанисам̣со.

    206.Antarāti paṭisandhito sarasacutiyā antare. Idha kammaṃ nāma pāṇātipātā virati. Kammasarikkhakaṃ nāma pāṇātipātaṃ karonto padasaddasavanabhayā aggaggapādehi akkamantā gantvā paraṃ pātenti. Atha te iminā kāraṇena tesaṃ taṃ kammaṃ jano jānātūti antovaṅkapādā vā bahivaṅkapādā vā ukkuṭikapādā vā aggakoṇḍā vā paṇhikoṇḍā vā bhavanti. Aggapādehi gantvā parassa amāritabhāvaṃ pana tathāgatassa sadevako loko iminā kāraṇena jānātūti āyatapaṇhi mahāpurisalakkhaṇaṃ nibbattati . Tathā paraṃ ghātentā unnatakāyena gacchantā aññe passissantīti onatā gantvā paraṃ ghātenti. Atha te evamime gantvā paraṃ ghātayiṃsūti nesaṃ taṃ kammaṃ iminā kāraṇena paro jānātūti khujjā vā vāmanā vā pīṭhasappi vā bhavanti. Tathāgatassa pana evaṃ gantvā paresaṃ aghātitabhāvaṃ iminā kāraṇena sadevako loko jānātūti brahmujugattamahāpurisalakkhaṇaṃ nibbattati. Tathā paraṃ ghātentā āvudhaṃ vā muggaraṃ vā gaṇhitvā muṭṭhikatahatthā paraṃ ghātenti. Te evaṃ tesaṃ parassa ghātitabhāvaṃ iminā kāraṇena jano jānātūti rassaṅgulī vā rassahatthā vā vaṅkaṅgulī vā phaṇahatthakā vā bhavanti. Tathāgatassa pana evaṃ paresaṃ aghātitabhāvaṃ sadevako loko iminā kāraṇena jānātūti dīghaṅgulimahāpurisalakkhaṇaṃ nibbattati. Idamettha kammasarikkhakaṃ. Idameva pana lakkhaṇattayaṃ lakkhaṇaṃ nāma. Dīghāyukabhāvo lakkhaṇānisaṃso.

    207. маран̣авад̇хабхаяад̇д̇анод̇и зд̇т̇а маран̣асан̇каад̇о вад̇хо маран̣авад̇хо, маран̣авад̇хад̇о бхаяам̣ маран̣авад̇хабхаяам̣, д̇ам̣ ад̇д̇ано ж̇аанид̇ваа. бадивирад̇о барам̣мааран̣ааяаад̇и яат̇аа маяхам̣ маран̣ад̇о бхаяам̣ мама ж̇ийвид̇ам̣ бияам̣, звам̣ барзсамбийд̇и н̃ад̇ваа барам̣ мааран̣ад̇о бадивирад̇о ахоси. сужарид̇знаад̇и сужин̣н̣зна. саг̇г̇амаг̇амаад̇и саг̇г̇ам̣ г̇ад̇о.

    207.Maraṇavadhabhayattanoti ettha maraṇasaṅkhāto vadho maraṇavadho, maraṇavadhato bhayaṃ maraṇavadhabhayaṃ, taṃ attano jānitvā. Paṭivirato paraṃmāraṇāyāti yathā mayhaṃ maraṇato bhayaṃ mama jīvitaṃ piyaṃ, evaṃ paresampīti ñatvā paraṃ māraṇato paṭivirato ahosi. Sucaritenāti suciṇṇena. Saggamagamāti saggaṃ gato.

    жавияа бунарид̇хааг̇ад̇од̇и жавид̇ваа буна ид̇хааг̇ад̇о. д̣̇ийгхабаасан̣хигод̇и д̣̇ийгхабан̣хиго. б̣рахмаава суж̇ууд̇и б̣рахмаа вияа судту уж̇у.

    Caviya punaridhāgatoti cavitvā puna idhāgato. Dīghapāsaṇhikoti dīghapaṇhiko. Brahmāva sujūti brahmā viya suṭṭhu uju.

    субхуж̇од̇и сунд̣̇арабхуж̇о. сусууд̇и махаллагагаалзби д̇арун̣аруубо. сусан̣тид̇од̇и сусан̣таанасамбанно. муд̣̇уд̇алунан̇г̇улияассаад̇и муд̣̇уу жа д̇алунаа жа ан̇г̇улияо асса. д̇ийбхийд̇и д̇ийхи. бурисавараг̇г̇алагкан̣зхийд̇и бурисаварасса аг̇г̇алагкан̣зхи. жираяабанааяаад̇и жирам̣ яаабанааяа, д̣̇ийгхааяугабхаавааяа.

    Subhujoti sundarabhujo. Susūti mahallakakālepi taruṇarūpo. Susaṇṭhitoti susaṇṭhānasampanno. Mudutalunaṅguliyassāti mudū ca talunā ca aṅguliyo assa. Tībhīti tīhi. Purisavaraggalakkhaṇehīti purisavarassa aggalakkhaṇehi. Cirayapanāyāti ciraṃ yāpanāya, dīghāyukabhāvāya.

    жирам̣ яабзд̇ийд̇и жирам̣ яаабзд̇и. жирад̇арам̣ баб̣б̣аж̇ад̇и яад̣̇и д̇ад̇од̇и д̇ад̇о жирад̇арам̣ яаабзд̇и, яад̣̇и баб̣б̣аж̇ад̇ийд̇и ад̇т̇о. яаабаяад̇и жа васид̣̇д̇хибхааванааяаад̇и васиббад̇д̇о худ̇ваа ид̣̇д̇хибхааванааяа яаабзд̇и.

    Ciraṃ yapetīti ciraṃ yāpeti. Cirataraṃ pabbajati yadi tatoti tato cirataraṃ yāpeti, yadi pabbajatīti attho. Yāpayatica vasiddhibhāvanāyāti vasippatto hutvā iddhibhāvanāya yāpeti.

    сад̇д̇уссад̣̇ад̇аалагкан̣аван̣н̣анаа

    Sattussadatālakkhaṇavaṇṇanā

    208. расид̇аананд̇и расасамбаннаанам̣. ‘‘каад̣̇анийяаана’’нд̇иаад̣̇ийсу каад̣̇анийяаани наама бидтакаж̇ж̇агаад̣̇ийни. бхож̇анийяаанийд̇и бан̃жа бхож̇анаани. сааяанийяаанийд̇и сааяид̇аб̣б̣аани саббинаванийд̇аад̣̇ийни. лзханийяаанийд̇и ниллзхид̇аб̣б̣аани бидтабааяаасаад̣̇ийни. баанаанийд̇и адта баанагаани.

    208.Rasitānanti rasasampannānaṃ. ‘‘Khādanīyāna’’ntiādīsu khādanīyāni nāma piṭṭhakhajjakādīni. Bhojanīyānīti pañca bhojanāni. Sāyanīyānīti sāyitabbāni sappinavanītādīni. Lehanīyānīti nillehitabbāni piṭṭhapāyāsādīni. Pānānīti aṭṭha pānakāni.

    ид̇ха гаммам̣ наама габбасад̇асахассаад̇хигаани жад̇д̇аари асан̇кязяяаани д̣̇иннам̣ ид̣̇ам̣ бан̣ийд̇абхож̇анад̣̇аанам̣. гаммасаригкагам̣ наама луукабхож̇анз гужчиг̇ад̇з лохид̇ам̣ суссад̇и, мам̣сам̣ милааяад̇и. д̇асмаа луукад̣̇ааяагаа сад̇д̇аа иминаа гааран̣зна нзсам̣ луукабхож̇анасса д̣̇иннабхаавам̣ ж̇ано ж̇аанаад̇ууд̇и аббамам̣саа аббалохид̇аа мануссабзд̇аа вияа д̣̇уллабханнабаанаа бхаванд̇и. бан̣ийд̇абхож̇анз бана гужчиг̇ад̇з мам̣салохид̇ам̣ вад̣дхад̇и, барибун̣н̣агааяаа баасаад̣̇игаа абхируубад̣̇ассанаа хонд̇и. д̇асмаа д̇ат̇ааг̇ад̇асса д̣̇ийгхарад̇д̇ам̣ бан̣ийд̇абхож̇анад̣̇ааяагад̇д̇ам̣ сад̣̇зваго лого иминаа гааран̣зна ж̇аанаад̇ууд̇и сад̇д̇уссад̣̇амахаабурисалагкан̣ам̣ ниб̣б̣ад̇д̇ад̇и. лагкан̣ам̣ наама сад̇д̇уссад̣̇алагкан̣амзва. бан̣ийд̇алаабхид̇аа аанисам̣со.

    Idha kammaṃ nāma kappasatasahassādhikāni cattāri asaṅkhyeyyāni dinnaṃ idaṃ paṇītabhojanadānaṃ. Kammasarikkhakaṃ nāma lūkhabhojane kucchigate lohitaṃ sussati, maṃsaṃ milāyati. Tasmā lūkhadāyakā sattā iminā kāraṇena nesaṃ lūkhabhojanassa dinnabhāvaṃ jano jānātūti appamaṃsā appalohitā manussapetā viya dullabhannapānā bhavanti. Paṇītabhojane pana kucchigate maṃsalohitaṃ vaḍḍhati, paripuṇṇakāyā pāsādikā abhirūpadassanā honti. Tasmā tathāgatassa dīgharattaṃ paṇītabhojanadāyakattaṃ sadevako loko iminā kāraṇena jānātūti sattussadamahāpurisalakkhaṇaṃ nibbattati. Lakkhaṇaṃ nāma sattussadalakkhaṇameva. Paṇītalābhitā ānisaṃso.

    209. каж̇ж̇абхож̇ж̇амат̇алзяяасааяид̇анд̇и каж̇ж̇аган̃жа бхож̇анан̃жа лзханийяан̃жа сааяанийяан̃жа. уд̇д̇амаг̇г̇арасад̣̇ааяагод̇и уд̇д̇амо аг̇г̇арасад̣̇ааяаго, уд̇д̇амаанам̣ ваа аг̇г̇арасаанам̣ д̣̇ааяаго.

    209.Khajjabhojjamathaleyyasāyitanti khajjakañca bhojanañca lehanīyañca sāyanīyañca. Uttamaggarasadāyakoti uttamo aggarasadāyako, uttamānaṃ vā aggarasānaṃ dāyako.

    сад̇д̇а жуссад̣̇зд̇и сад̇д̇а жа уссад̣̇з. д̇ад̣̇ад̇т̇аж̇од̇аганд̇и каж̇ж̇абхож̇ж̇аад̣̇иж̇од̇агам̣, д̇зсам̣ лаабхасам̣вад̇д̇аниганд̇и ад̇т̇о. баб̣б̣аж̇амби жаад̇и баб̣б̣аж̇амааноби жа. д̇ад̣̇аад̇хиг̇ажчад̇ийд̇и д̇ам̣ ад̇хиг̇ажчад̇и. лаабхируд̇д̇аманд̇и лаабхи уд̇д̇амам̣.

    Satta cussadeti satta ca ussade. Tadatthajotakanti khajjabhojjādijotakaṃ, tesaṃ lābhasaṃvattanikanti attho. Pabbajampi cāti pabbajamānopi ca. Tadādhigacchatīti taṃ adhigacchati. Lābhiruttamanti lābhi uttamaṃ.

    гаражаран̣аад̣̇илагкан̣аван̣н̣анаа

    Karacaraṇādilakkhaṇavaṇṇanā

    210. д̣̇аанзнаад̇иаад̣̇ийсу згажжо д̣̇аанзнзва сан̇г̇ан̣хид̇аб̣б̣о ход̇и, д̇ам̣ д̣̇аанзна сан̇г̇ахзси. баб̣б̣аж̇ид̇аанам̣ баб̣б̣аж̇ид̇абаригкаарам̣, г̇ихийнам̣ г̇ихибаригкаарам̣ ад̣̇ааси.

    210.Dānenātiādīsu ekacco dāneneva saṅgaṇhitabbo hoti, taṃ dānena saṅgahesi. Pabbajitānaṃ pabbajitaparikkhāraṃ, gihīnaṃ gihiparikkhāraṃ adāsi.

    бзяяаваж̇ж̇знаад̇и згажжо хи ‘‘аяам̣ д̣̇аад̇аб̣б̣ам̣ наама д̣̇зд̇и, згзна бана важанзна саб̣б̣ам̣ магкзд̇ваа наасзд̇и, гим̣ зд̇асса д̣̇аана’’нд̇и вад̇д̇аа ход̇и. згажжо ‘‘аяам̣ гин̃жааби д̣̇аанам̣ на д̣̇зд̇и, гат̇знд̇о бана д̇злзна вияа магкзд̇и. зсо д̣̇зд̇у ваа маа ваа, важанамзва д̇асса сахассам̣ аг̇гхад̇ий’’д̇и вад̇д̇аа ход̇и. зваруубо буг̇г̇ало д̣̇аанам̣ на бажжаасийсад̇и, бияаважанамзва бажжаасийсад̇и. д̇ам̣ бияаважанзна сан̇г̇ахзси.

    Peyyavajjenāti ekacco hi ‘‘ayaṃ dātabbaṃ nāma deti, ekena pana vacanena sabbaṃ makkhetvā nāseti, kiṃ etassa dāna’’nti vattā hoti. Ekacco ‘‘ayaṃ kiñcāpi dānaṃ na deti, kathento pana telena viya makkheti. Eso detu vā mā vā, vacanameva tassa sahassaṃ agghatī’’ti vattā hoti. Evarūpo puggalo dānaṃ na paccāsīsati, piyavacanameva paccāsīsati. Taṃ piyavacanena saṅgahesi.

    ад̇т̇ажарияааяаад̇и ад̇т̇асам̣вад̣дханагат̇ааяа. згажжо хи нзва д̣̇аанам̣, на бияаважанам̣ бажжаасийсад̇и. ад̇д̇ано хид̇агат̇ам̣ вад̣дхид̇агат̇амзва бажжаасийсад̇и. зваруубам̣ буг̇г̇алам̣ ‘‘ид̣̇ам̣ д̇з гаад̇аб̣б̣ам̣, ид̣̇ам̣ д̇з на гаад̇аб̣б̣ам̣. зваруубо буг̇г̇ало сзвид̇аб̣б̣о, зваруубо буг̇г̇ало на сзвид̇аб̣б̣о’’д̇и звам̣ ад̇т̇ажарияааяа сан̇г̇ахзси.

    Atthacariyāyāti atthasaṃvaḍḍhanakathāya. Ekacco hi neva dānaṃ, na piyavacanaṃ paccāsīsati. Attano hitakathaṃ vaḍḍhitakathameva paccāsīsati. Evarūpaṃ puggalaṃ ‘‘idaṃ te kātabbaṃ, idaṃ te na kātabbaṃ. Evarūpo puggalo sevitabbo, evarūpo puggalo na sevitabbo’’ti evaṃ atthacariyāya saṅgahesi.

    самаанад̇д̇ад̇ааяаад̇и самаанасукад̣̇угкабхаавзна. згажжо хи д̣̇аанаад̣̇ийсу згамби на бажжаасийсад̇и, згаасанз нисаж̇ж̇ам̣, згабаллан̇гз саяанам̣, згад̇о бхож̇ананд̇и звам̣ самаанасукад̣̇угкад̇ам̣ бажжаасийсад̇и. д̇ад̇т̇а ж̇аад̇ияаа хийно бхог̇зна ад̇хиго д̣̇уссан̇г̇ахо ход̇и. на хи саггаа д̇зна сад̣̇д̇хим̣ згабарибхог̇о гаад̇ум̣, д̇ат̇аа агарияамаанз жа со гуж̇жхад̇и. бхог̇зна хийно ж̇аад̇ияаа ад̇хигоби д̣̇уссан̇г̇ахо ход̇и. со хи ‘‘ахам̣ ж̇аад̇имаа’’д̇и бхог̇асамбаннзна сад̣̇д̇хим̣ згабарибхог̇ам̣ на ижчад̇и, д̇асмим̣ агарияамаанз гуж̇жхад̇и. убхохиби хийно бана сусан̇г̇ахо ход̇и. на хи со ид̇арзна сад̣̇д̇хим̣ згабарибхог̇ам̣ ижчад̇и, на агарияамаанз жа гуж̇жхад̇и. убхохи сад̣̇исоби сусан̇г̇ахоязва. бхигкуусу д̣̇уссийло д̣̇уссан̇г̇ахо ход̇и. на хи саггаа д̇зна сад̣̇д̇хим̣ згабарибхог̇о гаад̇ум̣, д̇ат̇аа агарияамаанз жа гуж̇жхад̇и. сийлаваа сусан̇г̇ахо ход̇и. сийлаваа хи ад̣̇ийяамаанзби агарияамаанзби на гуж̇жхад̇и. ан̃н̃ам̣ ад̇д̇анаа сад̣̇д̇хим̣ барибхог̇ам̣ агаронд̇амби на баабагзна жид̇д̇зна бассад̇и. барибхог̇оби д̇зна сад̣̇д̇хим̣ сугаро ход̇и. д̇асмаа зваруубам̣ буг̇г̇алам̣ звам̣ самаанад̇д̇ад̇ааяа сан̇г̇ахзси.

    Samānattatāyāti samānasukhadukkhabhāvena. Ekacco hi dānādīsu ekampi na paccāsīsati, ekāsane nisajjaṃ, ekapallaṅke sayanaṃ, ekato bhojananti evaṃ samānasukhadukkhataṃ paccāsīsati. Tattha jātiyā hīno bhogena adhiko dussaṅgaho hoti. Na hi sakkā tena saddhiṃ ekaparibhogo kātuṃ, tathā akariyamāne ca so kujjhati. Bhogena hīno jātiyā adhikopi dussaṅgaho hoti. So hi ‘‘ahaṃ jātimā’’ti bhogasampannena saddhiṃ ekaparibhogaṃ na icchati, tasmiṃ akariyamāne kujjhati. Ubhohipi hīno pana susaṅgaho hoti. Na hi so itarena saddhiṃ ekaparibhogaṃ icchati, na akariyamāne ca kujjhati. Ubhohi sadisopi susaṅgahoyeva. Bhikkhūsu dussīlo dussaṅgaho hoti. Na hi sakkā tena saddhiṃ ekaparibhogo kātuṃ, tathā akariyamāne ca kujjhati. Sīlavā susaṅgaho hoti. Sīlavā hi adīyamānepi akariyamānepi na kujjhati. Aññaṃ attanā saddhiṃ paribhogaṃ akarontampi na pāpakena cittena passati. Paribhogopi tena saddhiṃ sukaro hoti. Tasmā evarūpaṃ puggalaṃ evaṃ samānattatāya saṅgahesi.

    сусан̇г̇ахид̇аасса хонд̇ийд̇и сусан̇г̇ахид̇аа асса хонд̇и. д̣̇зд̇у ваа маа ваа д̣̇зд̇у, гарод̇у ваа маа ваа гарод̇у, сусан̇г̇ахид̇аава хонд̇и, на бхиж̇ж̇анд̇и. ‘‘яад̣̇аасса д̣̇аад̇аб̣б̣ам̣ ход̇и, д̇ад̣̇аа д̣̇зд̇и. ид̣̇аани ман̃н̃з над̇т̇и, д̇зна на д̣̇зд̇и. гим̣ маяам̣ д̣̇ад̣̇амаанамзва убадтахаама? ад̣̇знд̇ам̣ агаронд̇ам̣ на убадтахаамаа’’д̇и звам̣ жинд̇знд̇и.

    Susaṅgahitāssa hontīti susaṅgahitā assa honti. Detu vā mā vā detu, karotu vā mā vā karotu, susaṅgahitāva honti, na bhijjanti. ‘‘Yadāssa dātabbaṃ hoti, tadā deti. Idāni maññe natthi, tena na deti. Kiṃ mayaṃ dadamānameva upaṭṭhahāma? Adentaṃ akarontaṃ na upaṭṭhahāmā’’ti evaṃ cintenti.

    ид̇ха гаммам̣ наама д̣̇ийгхарад̇д̇ам̣ гад̇ам̣ д̣̇аанаад̣̇исан̇г̇ахагаммам̣. гаммасаригкагам̣ наама яо звам̣ асан̇г̇аахаго ход̇и, со иминаа гааран̣знасса асан̇г̇аахагабхаавам̣ ж̇ано ж̇аанаад̇ууд̇и т̇ад̣̇д̇хахад̇т̇абаад̣̇о жзва ход̇и, висамадтид̇ааваяавалагкан̣о жа. д̇ат̇ааг̇ад̇асса бана д̣̇ийгхарад̇д̇ам̣ сан̇г̇аахагабхаавам̣ сад̣̇зваго лого иминаа гааран̣зна ж̇аанаад̇ууд̇и имаани д̣̇вз лагкан̣аани ниб̣б̣ад̇д̇анд̇и. лагкан̣ам̣ наама ид̣̇амзва лагкан̣ад̣̇ваяам̣. сусан̇г̇ахид̇абариж̇анад̇аа аанисам̣со.

    Idha kammaṃ nāma dīgharattaṃ kataṃ dānādisaṅgahakammaṃ. Kammasarikkhakaṃ nāma yo evaṃ asaṅgāhako hoti, so iminā kāraṇenassa asaṅgāhakabhāvaṃ jano jānātūti thaddhahatthapādo ceva hoti, visamaṭṭhitāvayavalakkhaṇo ca. Tathāgatassa pana dīgharattaṃ saṅgāhakabhāvaṃ sadevako loko iminā kāraṇena jānātūti imāni dve lakkhaṇāni nibbattanti. Lakkhaṇaṃ nāma idameva lakkhaṇadvayaṃ. Susaṅgahitaparijanatā ānisaṃso.

    211. гарияаад̇и гарид̇ваа. жарияаад̇и жарид̇ваа. анавамад̇знаад̇и анаван̃н̃аад̇зна. ‘‘анабамод̣̇знаа’’д̇иби баато, на аббамод̣̇зна, на д̣̇ийнзна на г̇аб̣бхид̇знаад̇и ад̇т̇о.

    211.Kariyāti karitvā. Cariyāti caritvā. Anavamatenāti anavaññātena. ‘‘Anapamodenā’’tipi pāṭho, na appamodena, na dīnena na gabbhitenāti attho.

    жавияаад̇и жавид̇ваа. ад̇иружира суваг̇г̇у д̣̇ассанзяяанд̇и ад̇иружиран̃жа субаасаад̣̇игам̣ суваг̇г̇у жа судту чзгам̣ д̣̇ассанзяяан̃жа д̣̇адтаб̣б̣аяуд̇д̇ам̣. сусу гумаарод̇и судту сугумааро.

    Caviyāti cavitvā. Atirucira suvaggu dassaneyyanti atirucirañca supāsādikaṃ suvaggu ca suṭṭhu chekaṃ dassaneyyañca daṭṭhabbayuttaṃ. Susu kumāroti suṭṭhu sukumāro.

    бариж̇анассавод̇и бариж̇ано ассаво важанагаро. вид̇хзяяод̇и гад̇д̇аб̣б̣аагад̇д̇аб̣б̣зсу яат̇ааружи вид̇хаад̇аб̣б̣о. махиманд̇и махим̣ имам̣. бияавад̣̇уу хид̇асукад̇ам̣ ж̇иг̇ийсамаанод̇и бияавад̣̇о худ̇ваа хид̇ан̃жа сукан̃жа бариязсамаано. важанабадигарассаа бхиббасаннаад̇и важанабадигараа асса абхиббасаннаа. д̇хаммаануд̇хамманд̇и д̇хамман̃жа ануд̇хамман̃жа.

    Parijanassavoti parijano assavo vacanakaro. Vidheyyoti kattabbākattabbesu yathāruci vidhātabbo. Mahimanti mahiṃ imaṃ. Piyavadū hitasukhataṃ jigīsamānoti piyavado hutvā hitañca sukhañca pariyesamāno. Vacanapaṭikarassā bhippasannāti vacanapaṭikarā assa abhippasannā. Dhammānudhammanti dhammañca anudhammañca.

    уссан̇кабаад̣̇аад̣̇илагкан̣аван̣н̣анаа

    Ussaṅkhapādādilakkhaṇavaṇṇanā

    212. ад̇т̇уубасам̣хид̇анд̇и ид̇халогабаралогад̇т̇аниссид̇ам̣. д̇хаммуубасам̣хид̇анд̇и д̣̇асагусалагаммабат̇аниссид̇ам̣. б̣ахуж̇анам̣ нид̣̇ам̣сзсийд̇и б̣ахуж̇анасса нид̣̇ам̣санагат̇ам̣ гат̇зси. баан̣ийнанд̇и сад̇д̇аанам̣. ‘‘аг̇г̇о’’д̇иаад̣̇ийни саб̣б̣аани ан̃н̃аман̃н̃авзважанаани. ид̇ха гаммам̣ наама д̣̇ийгхарад̇д̇ам̣ бхаасид̇аа уд̣̇д̇хан̇г̇аманийяаа ад̇т̇уубасам̣хид̇аа ваажаа. гаммасаригкагам̣ наама яо зваруубам̣ уг̇г̇ад̇аваажам̣ на бхаасад̇и, со иминаа гааран̣зна уг̇г̇ад̇аваажааяа абхаасанам̣ ж̇ано ж̇аанаад̇ууд̇и ад̇хосан̇кабаад̣̇о жа ход̇и ад̇хонад̇аломо жа. д̇ат̇ааг̇ад̇асса бана д̣̇ийгхарад̇д̇ам̣ зваруубааяа уг̇г̇ад̇аваажааяа бхаасид̇абхаавам̣ сад̣̇зваго лого иминаа гааран̣зна ж̇аанаад̇ууд̇и уссан̇кабаад̣̇алагкан̣ан̃жа уд̣̇д̇хаг̇г̇аломалагкан̣ан̃жа ниб̣б̣ад̇д̇ад̇и. лагкан̣ам̣ наама ид̣̇амзва лагкан̣ад̣̇ваяам̣. уд̇д̇амабхааво аанисам̣со.

    212.Atthūpasaṃhitanti idhalokaparalokatthanissitaṃ. Dhammūpasaṃhitanti dasakusalakammapathanissitaṃ. Bahujanaṃ nidaṃsesīti bahujanassa nidaṃsanakathaṃ kathesi. Pāṇīnanti sattānaṃ. ‘‘Aggo’’tiādīni sabbāni aññamaññavevacanāni. Idha kammaṃ nāma dīgharattaṃ bhāsitā uddhaṅgamanīyā atthūpasaṃhitā vācā. Kammasarikkhakaṃ nāma yo evarūpaṃ uggatavācaṃ na bhāsati, so iminā kāraṇena uggatavācāya abhāsanaṃ jano jānātūti adhosaṅkhapādo ca hoti adhonatalomo ca. Tathāgatassa pana dīgharattaṃ evarūpāya uggatavācāya bhāsitabhāvaṃ sadevako loko iminā kāraṇena jānātūti ussaṅkhapādalakkhaṇañca uddhaggalomalakkhaṇañca nibbattati. Lakkhaṇaṃ nāma idameva lakkhaṇadvayaṃ. Uttamabhāvo ānisaṃso.

    213. зраяанд̇и бхан̣анд̇о. б̣ахуж̇анам̣ нид̣̇ам̣саяийд̇и б̣ахуж̇анасса хид̇ам̣ д̣̇ассзд̇и. д̇хаммаяааг̇анд̇и д̇хаммад̣̇аанаяан̃н̃ам̣.

    213.Erayanti bhaṇanto. Bahujanaṃ nidaṃsayīti bahujanassa hitaṃ dasseti. Dhammayāganti dhammadānayaññaṃ.

    уб̣бхамуббад̇ид̇аломаваа сасод̇и со зса уд̣̇д̇хаг̇г̇ад̇аломаваа ход̇и. баад̣̇аг̇ан̣тирахууд̇и баад̣̇аг̇обпагаа ахзсум̣. саад̇хусан̣тид̇аад̇и судту сан̣тид̇аа. мам̣салохид̇аажид̇аад̇и мам̣сзна жа лохид̇зна жа аажид̇аа. д̇ажод̇т̇ад̇аад̇и д̇ажзна барияонад̣̇д̇хаа ниг̇ул̣хаа. важ̇ад̇ийд̇и г̇ажчад̇и. аноманиггамод̇и аномавихаарий сздтавихаарий.

    Ubbhamuppatitalomavā sasoti so esa uddhaggatalomavā hoti. Pādagaṇṭhirahūti pādagopphakā ahesuṃ. Sādhusaṇṭhitāti suṭṭhu saṇṭhitā. Maṃsalohitācitāti maṃsena ca lohitena ca ācitā. Tacotthatāti tacena pariyonaddhā niguḷhā. Vajatīti gacchati. Anomanikkamoti anomavihārī seṭṭhavihārī.

    зн̣иж̇ан̇гхалагкан̣аван̣н̣анаа

    Eṇijaṅghalakkhaṇavaṇṇanā

    214. сиббам̣ ваад̇иаад̣̇ийсу сиббам̣ наама д̣̇вз сиббаани – хийнан̃жа сиббам̣, уггадтан̃жа сиббам̣. хийнам̣ наама сиббам̣ нал̣агаарасиббам̣, гумбхагаарасиббам̣ бзсагаарасиббам̣ нахаабид̇асиббам̣. уггадтам̣ наама сиббам̣ лзкаа муд̣̇д̣̇аа г̇ан̣анаа. виж̇ж̇аад̇и ахивиж̇ж̇аад̣̇ианзгавид̇хаа. жаран̣анд̇и бан̃жасийлам̣ д̣̇асасийлам̣ баад̇имогкасам̣варасийлам̣. гамманд̇и гаммассагад̇ааж̇аананабан̃н̃аа. гилиссзяяунд̇и гиламзяяум̣. анд̇зваасигавад̇д̇ам̣ наама д̣̇угкам̣, д̇ам̣ нзсам̣ маа жирамахосийд̇и жинд̇зси.

    214.Sippaṃ vātiādīsu sippaṃ nāma dve sippāni – hīnañca sippaṃ, ukkaṭṭhañca sippaṃ. Hīnaṃ nāma sippaṃ naḷakārasippaṃ, kumbhakārasippaṃ pesakārasippaṃ nahāpitasippaṃ. Ukkaṭṭhaṃ nāma sippaṃ lekhā muddā gaṇanā. Vijjāti ahivijjādianekavidhā. Caraṇanti pañcasīlaṃ dasasīlaṃ pātimokkhasaṃvarasīlaṃ. Kammanti kammassakatājānanapaññā. Kilisseyyunti kilameyyuṃ. Antevāsikavattaṃ nāma dukkhaṃ, taṃ nesaṃ mā ciramahosīti cintesi.

    рааж̇аарахаанийд̇и ран̃н̃о ануруубаани хад̇т̇иассаад̣̇ийни, д̇ааниязва ран̃н̃о сзнааяа ан̇г̇абхууд̇ад̇д̇аа рааж̇ан̇г̇аанийд̇и вужжанд̇и. рааж̇уубабхог̇аанийд̇и ран̃н̃о убабхог̇абарибхог̇абхан̣д̣аани, д̇аани жзва сад̇д̇арад̇анаани жа. рааж̇аанужчавигаанийд̇и ран̃н̃о анужчавигаани. д̇зсам̣язва саб̣б̣зсам̣ ид̣̇ам̣ г̇ахан̣ам̣. саман̣аарахаанийд̇и саман̣аанам̣ ануруубаани жийвараад̣̇ийни. саман̣ан̇г̇аанийд̇и саман̣аанам̣ годтаасабхууд̇аа жад̇ассо барисаа. саман̣уубабхог̇аанийд̇и саман̣аанам̣ убабхог̇абаригкаараа. саман̣аанужчавигаанийд̇и д̇зсам̣язва ад̇хиважанам̣.

    Rājārahānīti rañño anurūpāni hatthiassādīni, tāniyeva rañño senāya aṅgabhūtattā rājaṅgānīti vuccanti. Rājūpabhogānīti rañño upabhogaparibhogabhaṇḍāni, tāni ceva sattaratanāni ca. Rājānucchavikānīti rañño anucchavikāni. Tesaṃyeva sabbesaṃ idaṃ gahaṇaṃ. Samaṇārahānīti samaṇānaṃ anurūpāni cīvarādīni. Samaṇaṅgānīti samaṇānaṃ koṭṭhāsabhūtā catasso parisā. Samaṇūpabhogānīti samaṇānaṃ upabhogaparikkhārā. Samaṇānucchavikānīti tesaṃyeva adhivacanaṃ.

    ид̇ха бана гаммам̣ наама д̣̇ийгхарад̇д̇ам̣ саггажжам̣ сиббаад̣̇иваажанам̣. гаммасаригкагам̣ наама яо звам̣ саггажжам̣ сиббам̣ аваажзнд̇о анд̇зваасигз уггудигаасанаж̇ан̇гхабзсанигаад̣̇ийхи гиламзд̇и, д̇асса ж̇ан̇гхамам̣сам̣ ликид̇ваа баад̇ид̇ам̣ вияа ход̇и. д̇ат̇ааг̇ад̇асса бана саггажжам̣ ваажид̇абхаавам̣ сад̣̇зваго лого иминаа гааран̣зна ж̇аанаад̇ууд̇и анубуб̣б̣ауг̇г̇ад̇аваддид̇ам̣ зн̣иж̇ан̇гхалагкан̣ам̣ ниб̣б̣ад̇д̇ад̇и. лагкан̣ам̣ наама ид̣̇амзва лагкан̣ам̣. анужчавигалаабхид̇аа аанисам̣со.

    Idha pana kammaṃ nāma dīgharattaṃ sakkaccaṃ sippādivācanaṃ. Kammasarikkhakaṃ nāma yo evaṃ sakkaccaṃ sippaṃ avācento antevāsike ukkuṭikāsanajaṅghapesanikādīhi kilameti, tassa jaṅghamaṃsaṃ likhitvā pātitaṃ viya hoti. Tathāgatassa pana sakkaccaṃ vācitabhāvaṃ sadevako loko iminā kāraṇena jānātūti anupubbauggatavaṭṭitaṃ eṇijaṅghalakkhaṇaṃ nibbattati. Lakkhaṇaṃ nāma idameva lakkhaṇaṃ. Anucchavikalābhitā ānisaṃso.

    215. яад̣̇уубагхаад̇ааяаад̇и яам̣ сиббам̣ гассажи убагхаад̇ааяа на ход̇и. гилиссад̇ийд̇и гиламиссад̇и. сукумад̇д̇ажод̇т̇ад̇аад̇и сукумад̇д̇ажзна барияонад̣̇д̇хаа. гим̣ бана ан̃н̃зна гаммзна ан̃н̃ам̣ лагкан̣ам̣ ниб̣б̣ад̇д̇ад̇ийд̇и? на ниб̣б̣ад̇д̇ад̇и. яам̣ бана ниб̣б̣ад̇д̇ад̇и, д̇ам̣ ануб̣яан̃ж̇анам̣ ход̇и, д̇асмаа ид̇ха вуд̇д̇ам̣.

    215.Yadūpaghātāyāti yaṃ sippaṃ kassaci upaghātāya na hoti. Kilissatīti kilamissati. Sukhumattacotthatāti sukhumattacena pariyonaddhā. Kiṃ pana aññena kammena aññaṃ lakkhaṇaṃ nibbattatīti? Na nibbattati. Yaṃ pana nibbattati, taṃ anubyañjanaṃ hoti, tasmā idha vuttaṃ.

    сукумажчавилагкан̣аван̣н̣анаа

    Sukhumacchavilakkhaṇavaṇṇanā

    216. саман̣ам̣ ваад̇и самид̇абаабадтзна саман̣ам̣. б̣раахман̣ам̣ ваад̇и б̣аахид̇абаабадтзна б̣раахман̣ам̣.

    216.Samaṇaṃ vāti samitapāpaṭṭhena samaṇaṃ. Brāhmaṇaṃ vāti bāhitapāpaṭṭhena brāhmaṇaṃ.

    махаабан̃н̃од̇иаад̣̇ийсу махаабан̃н̃аад̣̇ийхи саманнааг̇ад̇о ход̇ийд̇и ад̇т̇о. д̇ад̇рид̣̇ам̣ махаабан̃н̃аад̣̇ийнам̣ наанад̇д̇ам̣.

    Mahāpaññotiādīsu mahāpaññādīhi samannāgato hotīti attho. Tatridaṃ mahāpaññādīnaṃ nānattaṃ.

    д̇ад̇т̇а гад̇амаа махаабан̃н̃аа? маханд̇з сийлагканд̇хз бариг̇г̇ан̣хаад̇ийд̇и махаабан̃н̃аа, маханд̇з самаад̇хигканд̇хз бан̃н̃аагканд̇хз вимуд̇д̇игканд̇хз вимуд̇д̇ин̃аан̣ад̣̇ассанагканд̇хз бариг̇г̇ан̣хаад̇ийд̇и махаабан̃н̃аа. маханд̇аани таанаатаанаани маханд̇аа вихаарасамаабад̇д̇ияо маханд̇аани арияасажжаани маханд̇з сад̇ибадтаанз саммаббад̇хаанз ид̣̇д̇хибаад̣̇з маханд̇аани инд̣̇рияаани б̣алаани маханд̇з б̣ож̇жхан̇г̇з маханд̇з арияамаг̇г̇з маханд̇аани сааман̃н̃апалаани маханд̇аа абхин̃н̃ааяо маханд̇ам̣ барамад̇т̇ам̣ ниб̣б̣аанам̣ бариг̇г̇ан̣хаад̇ийд̇и махаабан̃н̃аа.

    Tattha katamā mahāpaññā? Mahante sīlakkhandhe pariggaṇhātīti mahāpaññā, mahante samādhikkhandhe paññākkhandhe vimuttikkhandhe vimuttiñāṇadassanakkhandhe pariggaṇhātīti mahāpaññā. Mahantāni ṭhānāṭhānāni mahantā vihārasamāpattiyo mahantāni ariyasaccāni mahante satipaṭṭhāne sammappadhāne iddhipāde mahantāni indriyāni balāni mahante bojjhaṅge mahante ariyamagge mahantāni sāmaññaphalāni mahantā abhiññāyo mahantaṃ paramatthaṃ nibbānaṃ pariggaṇhātīti mahāpaññā.

    гад̇амаа бут̇убан̃н̃аа? бут̇унаанааканд̇хзсу н̃аан̣ам̣ бавад̇д̇ад̇ийд̇и бут̇убан̃н̃аа. бут̇унаанаад̇хаад̇уусу бут̇унаанааааяад̇анзсу бут̇унаанаабадижжасамуббаад̣̇зсу бут̇унаанаасун̃н̃ад̇аманубалаб̣бхзсу бут̇унаанааад̇т̇зсу д̇хаммзсу нируд̇д̇ийсу бадибхаанзсу. бут̇унаанаасийлагканд̇хзсу бут̇унаанаасамаад̇хибан̃н̃аавимуд̇д̇ивимуд̇д̇ин̃аад̣̇ассанагканд̇хзсу бут̇унаанаатаанаатаанзсу бут̇унаанаавихаарасамаабад̇д̇ийсу бут̇унаанааарияасажжзсу бут̇унаанаасад̇ибадтаанзсу саммаббад̇хаанзсу ид̣̇д̇хибаад̣̇зсу инд̣̇риязсу б̣алзсу б̣ож̇жхан̇г̇зсу бут̇унаанааарияамаг̇г̇зсу сааман̃н̃апалзсу абхин̃н̃аасу бут̇уж̇ж̇анасаад̇хааран̣з д̇хаммз самад̇иггамма барамад̇т̇з ниб̣б̣аанз н̃аан̣ам̣ бавад̇д̇ад̇ийд̇и бут̇убан̃н̃аа.

    Katamā puthupaññā? Puthunānākhandhesu ñāṇaṃ pavattatīti puthupaññā. Puthunānādhātūsu puthunānāāyatanesu puthunānāpaṭiccasamuppādesu puthunānāsuññatamanupalabbhesu puthunānāatthesu dhammesu niruttīsu paṭibhānesu. Puthunānāsīlakkhandhesu puthunānāsamādhipaññāvimuttivimuttiñādassanakkhandhesu puthunānāṭhānāṭhānesu puthunānāvihārasamāpattīsu puthunānāariyasaccesu puthunānāsatipaṭṭhānesu sammappadhānesu iddhipādesu indriyesu balesu bojjhaṅgesu puthunānāariyamaggesu sāmaññaphalesu abhiññāsu puthujjanasādhāraṇe dhamme samatikkamma paramatthe nibbāne ñāṇaṃ pavattatīti puthupaññā.

    гад̇амаа хаасабан̃н̃аа? ид̇хзгажжо хаасаб̣ахуло взд̣̇аб̣ахуло д̇удтиб̣ахуло баамож̇ж̇аб̣ахуло сийлам̣ барибуурзд̇и инд̣̇рияасам̣варам̣ барибуурзд̇и бхож̇анз мад̇д̇ан̃н̃уд̇ам̣ ж̇ааг̇арияаануяог̇ам̣ сийлагканд̇хам̣ самаад̇хигканд̇хам̣ бан̃н̃аагканд̇хам̣ вимуд̇д̇игканд̇хам̣ вимуд̇д̇ин̃аан̣ад̣̇ассанагканд̇хам̣ барибуурзд̇ийд̇и хаасабан̃н̃аа. хаасаб̣ахуло…бз… баамож̇ж̇аб̣ахуло таанаатаанам̣ бадивиж̇жхад̇ийд̇и хаасабан̃н̃аа. хаасаб̣ахуло вихаарасамаабад̇д̇ияо барибуурзд̇ийд̇и хаасабан̃н̃аа. хаасаб̣ахуло арияасажжаани бадивиж̇жхад̇ийд̇и хаасабан̃н̃аа. сад̇ибадтаанз саммаббад̇хаанз ид̣̇д̇хибаад̣̇з инд̣̇рияаани б̣алаани б̣ож̇жхан̇г̇з арияамаг̇г̇ам̣ бхаавзд̇ийд̇и хаасабан̃н̃аа. хаасаб̣ахуло сааман̃н̃апалаани сажчигарод̇ийд̇и хаасабан̃н̃аа. абхин̃н̃ааяо бадивиж̇жхад̇ийд̇и хаасабан̃н̃аа. хаасаб̣ахуло взд̣̇ад̇удтибаамож̇ж̇аб̣ахуло барамад̇т̇ам̣ ниб̣б̣аанам̣ сажчигарод̇ийд̇и хаасабан̃н̃аа.

    Katamā hāsapaññā? Idhekacco hāsabahulo vedabahulo tuṭṭhibahulo pāmojjabahulo sīlaṃ paripūreti indriyasaṃvaraṃ paripūreti bhojane mattaññutaṃ jāgariyānuyogaṃ sīlakkhandhaṃ samādhikkhandhaṃ paññākkhandhaṃ vimuttikkhandhaṃ vimuttiñāṇadassanakkhandhaṃ paripūretīti hāsapaññā. Hāsabahulo…pe… pāmojjabahulo ṭhānāṭhānaṃ paṭivijjhatīti hāsapaññā. Hāsabahulo vihārasamāpattiyo paripūretīti hāsapaññā. Hāsabahulo ariyasaccāni paṭivijjhatīti hāsapaññā. Satipaṭṭhāne sammappadhāne iddhipāde indriyāni balāni bojjhaṅge ariyamaggaṃ bhāvetīti hāsapaññā. Hāsabahulo sāmaññaphalāni sacchikarotīti hāsapaññā. Abhiññāyo paṭivijjhatīti hāsapaññā. Hāsabahulo vedatuṭṭhipāmojjabahulo paramatthaṃ nibbānaṃ sacchikarotīti hāsapaññā.

    гад̇амаа ж̇аванабан̃н̃аа? яам̣гин̃жи руубам̣ ад̇ийд̇аанааг̇ад̇абажжуббаннам̣ яам̣ д̣̇уурз санд̇игз ваа, саб̣б̣ам̣ д̇ам̣ руубам̣ анижжад̇о киббам̣ ж̇авад̇ийд̇и ж̇аванабан̃н̃аа. д̣̇угкад̇о киббам̣ анад̇д̇ад̇о киббам̣ ж̇авад̇ийд̇и ж̇аванабан̃н̃аа. яаа гаажи взд̣̇анаа…бз… яам̣гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣, саб̣б̣ам̣ д̇ам̣ вин̃н̃аан̣ам̣ анижжад̇о д̣̇угкад̇о анад̇д̇ад̇о киббам̣ ж̇авад̇ийд̇и ж̇аванабан̃н̃аа. жагку…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжад̇о д̣̇угкад̇о анад̇д̇ад̇о киббам̣ ж̇авад̇ийд̇и ж̇аванабан̃н̃аа. руубам̣ ад̇ийд̇аанааг̇ад̇абажжуббаннам̣ анижжам̣ каяадтзна д̣̇угкам̣ бхаяадтзна анад̇д̇аа асаарагадтзнаад̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа руубанирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа. взд̣̇анаа сан̃н̃аа сан̇каараа вин̃н̃аан̣ам̣ жагку…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжам̣ каяадтзна…бз… вибхууд̇ам̣ гад̇ваа ж̇араамаран̣анирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа. руубам̣ ад̇ийд̇аанааг̇ад̇абажжуббаннам̣ . жагкум̣…бз… ж̇араамаран̣ам̣ анижжам̣ сан̇кад̇ам̣ бадижжасамуббаннам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамманд̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа ж̇араамаран̣анирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа.

    Katamā javanapaññā? Yaṃkiñci rūpaṃ atītānāgatapaccuppannaṃ yaṃ dūre santike vā, sabbaṃ taṃ rūpaṃ aniccato khippaṃ javatīti javanapaññā. Dukkhato khippaṃ anattato khippaṃ javatīti javanapaññā. Yā kāci vedanā…pe… yaṃkiñci viññāṇaṃ atītānāgatapaccuppannaṃ, sabbaṃ taṃ viññāṇaṃ aniccato dukkhato anattato khippaṃ javatīti javanapaññā. Cakkhu…pe… jarāmaraṇaṃ atītānāgatapaccuppannaṃ aniccato dukkhato anattato khippaṃ javatīti javanapaññā. Rūpaṃ atītānāgatapaccuppannaṃ aniccaṃ khayaṭṭhena dukkhaṃ bhayaṭṭhena anattā asārakaṭṭhenāti tulayitvā tīrayitvā vibhāvayitvā vibhūtaṃ katvā rūpanirodhe nibbāne khippaṃ javatīti javanapaññā. Vedanā saññā saṅkhārā viññāṇaṃ cakkhu…pe… jarāmaraṇaṃ atītānāgatapaccuppannaṃ aniccaṃ khayaṭṭhena…pe… vibhūtaṃ katvā jarāmaraṇanirodhe nibbāne khippaṃ javatīti javanapaññā. Rūpaṃ atītānāgatapaccuppannaṃ . Cakkhuṃ…pe… jarāmaraṇaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammanti tulayitvā tīrayitvā vibhāvayitvā vibhūtaṃ katvā jarāmaraṇanirodhe nibbāne khippaṃ javatīti javanapaññā.

    гад̇амаа д̇игкабан̃н̃аа? киббам̣ гилзсз чинд̣̇ад̇ийд̇и д̇игкабан̃н̃аа. уббаннам̣ гаамавид̇аггам̣ наад̇хиваасзд̇и, уббаннам̣ б̣яаабаад̣̇авид̇аггам̣, уббаннам̣ вихим̣саавид̇аггам̣, уббаннуббаннз баабагз агусалз д̇хаммз уббаннам̣ рааг̇ам̣ д̣̇осам̣ мохам̣ год̇хам̣ убанаахам̣ магкам̣ бал̣аасам̣ иссам̣ мажчарияам̣ мааяам̣ саатзяяам̣ т̇амбхам̣ саарамбхам̣ маанам̣ ад̇имаанам̣ мад̣̇ам̣ бамаад̣̇ам̣ саб̣б̣з гилзсз саб̣б̣з д̣̇ужжарид̇з саб̣б̣з абхисан̇каарз саб̣б̣з бхаваг̇аамигаммз наад̇хиваасзд̇и баж̇ахад̇и винод̣̇зд̇и б̣яанд̇ий гарод̇и анабхаавам̣ г̇амзд̇ийд̇и д̇игкабан̃н̃аа. згасмим̣ аасанз жад̇д̇ааро арияамаг̇г̇аа жад̇д̇аари сааман̃н̃апалаани жад̇ассо бадисамбхид̣̇ааяо ча абхин̃н̃ааяо ад̇хиг̇ад̇аа хонд̇и сажчигад̇аа пассид̇аа бан̃н̃ааяаад̇и д̇игкабан̃н̃аа.

    Katamā tikkhapaññā? Khippaṃ kilese chindatīti tikkhapaññā. Uppannaṃ kāmavitakkaṃ nādhivāseti, uppannaṃ byāpādavitakkaṃ, uppannaṃ vihiṃsāvitakkaṃ, uppannuppanne pāpake akusale dhamme uppannaṃ rāgaṃ dosaṃ mohaṃ kodhaṃ upanāhaṃ makkhaṃ paḷāsaṃ issaṃ macchariyaṃ māyaṃ sāṭheyyaṃ thambhaṃ sārambhaṃ mānaṃ atimānaṃ madaṃ pamādaṃ sabbe kilese sabbe duccarite sabbe abhisaṅkhāre sabbe bhavagāmikamme nādhivāseti pajahati vinodeti byantī karoti anabhāvaṃ gametīti tikkhapaññā. Ekasmiṃ āsane cattāro ariyamaggā cattāri sāmaññaphalāni catasso paṭisambhidāyo cha abhiññāyo adhigatā honti sacchikatā phassitā paññāyāti tikkhapaññā.

    гад̇амаа ниб̣б̣зд̇хигабан̃н̃аа? ид̇хзгажжо саб̣б̣асан̇каарзсу уб̣б̣зг̇аб̣ахуло ход̇и уд̇д̇аасаб̣ахуло угган̣танаб̣ахуло арад̇иб̣ахуло анабхирад̇иб̣ахуло б̣ахимуко на рамад̇и саб̣б̣асан̇каарзсу, аниб̣б̣ид̣̇д̇хабуб̣б̣ам̣ абад̣̇аалид̇абуб̣б̣ам̣ лобхагканд̇хам̣ ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигабан̃н̃аа. аниб̣б̣ид̣̇д̇хабуб̣б̣ам̣ абад̣̇аалид̇абуб̣б̣ам̣ д̣̇осагканд̇хам̣ мохагканд̇хам̣ год̇хам̣ убанаахам̣…бз… саб̣б̣з бхаваг̇аамигаммз ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигабан̃н̃аад̇и (бади. ма. 3.3).

    Katamā nibbedhikapaññā? Idhekacco sabbasaṅkhāresu ubbegabahulo hoti uttāsabahulo ukkaṇṭhanabahulo aratibahulo anabhiratibahulo bahimukho na ramati sabbasaṅkhāresu, anibbiddhapubbaṃ apadālitapubbaṃ lobhakkhandhaṃ nibbijjhati padāletīti nibbedhikapaññā. Anibbiddhapubbaṃ apadālitapubbaṃ dosakkhandhaṃ mohakkhandhaṃ kodhaṃ upanāhaṃ…pe… sabbe bhavagāmikamme nibbijjhati padāletīti nibbedhikapaññāti (paṭi. ma. 3.3).

    217. баб̣б̣аж̇ид̇ам̣ убаасид̇аад̇и бан̣д̣ид̇ам̣ баб̣б̣аж̇ид̇ам̣ убасан̇гамид̇ваа баяирубаасид̇аа. ад̇т̇анд̇арод̇и яат̇аа згз ранд̇хаг̇авзсино убаарамбхажид̇д̇ад̇ааяа д̣̇осам̣ аб̣бханд̇арам̣ гарид̇ваа нисаамаяанд̇и, звам̣ анисаамзд̇ваа ад̇т̇ам̣ аб̣бханд̇арам̣ гад̇ваа ад̇т̇аяуд̇д̇ам̣ гат̇ам̣ нисаамаяи убад̇хаараяи.

    217.Pabbajitaṃ upāsitāti paṇḍitaṃ pabbajitaṃ upasaṅkamitvā payirupāsitā. Atthantaroti yathā eke randhagavesino upārambhacittatāya dosaṃ abbhantaraṃ karitvā nisāmayanti, evaṃ anisāmetvā atthaṃ abbhantaraṃ katvā atthayuttaṃ kathaṃ nisāmayi upadhārayi.

    бадилаабхаг̇ад̇знаад̇и бадилаабхад̇т̇ааяа г̇ад̇зна. уббаад̣̇анимид̇д̇аговид̣̇аад̇и уббаад̣̇з жа нимид̇д̇з жа чзгаа. авзжжа д̣̇агкид̇ийд̇и н̃ад̇ваа бассиссад̇и.

    Paṭilābhagatenāti paṭilābhatthāya gatena. Uppādanimittakovidāti uppāde ca nimitte ca chekā. Avecca dakkhitīti ñatvā passissati.

    ад̇т̇аанусидтийсу бариг̇г̇ахзсу жаад̇и яз ад̇т̇аанусаасанзсу бариг̇г̇ахаа ад̇т̇аанад̇т̇ам̣ бариг̇г̇аахагаани н̃аан̣аани, д̇зсууд̇и ад̇т̇о.

    Atthānusiṭṭhīsu pariggahesu cāti ye atthānusāsanesu pariggahā atthānatthaṃ pariggāhakāni ñāṇāni, tesūti attho.

    суван̣н̣аван̣н̣алагкан̣аван̣н̣анаа

    Suvaṇṇavaṇṇalakkhaṇavaṇṇanā

    218. аггод̇ханод̇и на анааг̇аамимаг̇г̇зна год̇хасса бахийнад̇д̇аа, ат̇а ко сажзби мз год̇хо уббаж̇ж̇зяяа, киббамзва нам̣ бадивинод̣̇зяяанд̇и звам̣ аггод̇хавасигад̇д̇аа. наабхисаж̇ж̇ийд̇и гудилаган̣даго вияа д̇ад̇т̇а д̇ад̇т̇а маммам̣ д̇уд̣̇анд̇о вияа на лаг̇г̇и. на губби на б̣яаабаж̇ж̇ийд̇иаад̣̇ийсу буб̣б̣уббад̇д̇иго гобо. д̇ад̇о б̣алавад̇аро б̣яаабаад̣̇о. д̇ад̇о б̣алавад̇араа бад̇ид̇т̇ияанаа. д̇ам̣ саб̣б̣ам̣ агаронд̇о на губби на б̣яаабаж̇ж̇и на бад̇ид̇т̇ияи. аббажжаяанд̇и д̣̇оманассам̣. на баад̇ваагаасийд̇и на гааяавигаарзна ваа важийвигаарзна ваа баагадамагааси.

    218.Akkodhanoti na anāgāmimaggena kodhassa pahīnattā, atha kho sacepi me kodho uppajjeyya, khippameva naṃ paṭivinodeyyanti evaṃ akkodhavasikattā. Nābhisajjīti kuṭilakaṇṭako viya tattha tattha mammaṃ tudanto viya na laggi. Na kuppi na byāpajjītiādīsu pubbuppattiko kopo. Tato balavataro byāpādo. Tato balavatarā patitthiyanā. Taṃ sabbaṃ akaronto na kuppi na byāpajji na patitthiyi. Appaccayanti domanassaṃ. Na pātvākāsīti na kāyavikārena vā vacīvikārena vā pākaṭamakāsi.

    ид̇ха гаммам̣ наама д̣̇ийгхарад̇д̇ам̣ аггод̇ханад̇аа жзва сукумад̇т̇аран̣аад̣̇ид̣̇аанан̃жа. гаммасаригкагам̣ наама год̇ханасса чавиван̣н̣о аавило ход̇и мукам̣ д̣̇уд̣̇д̣̇асияам̣ вад̇т̇ажчаад̣̇анасад̣̇исан̃жа ман̣д̣анам̣ наама над̇т̇и. д̇асмаа яо год̇хано жзва вад̇т̇ажчаад̣̇анаанан̃жа ад̣̇аад̇аа, со иминаа гааран̣знасса ж̇ано год̇ханаад̣̇ибхаавам̣ ж̇аанаад̇ууд̇и д̣̇уб̣б̣ан̣н̣о ход̇и д̣̇уссан̣таано. аггод̇ханасса бана мукам̣ вирожад̇и, чавиван̣н̣о виббасийд̣̇ад̇и. сад̇д̇аа хи жад̇уухи гааран̣зхи баасаад̣̇игаа хонд̇и аамисад̣̇аанзна ваа вад̇т̇ад̣̇аанзна ваа саммаж̇ж̇анзна ваа аггод̇ханад̇ааяа ваа. имаани жад̇д̇аариби гааран̣аани д̣̇ийгхарад̇д̇ам̣ д̇ат̇ааг̇ад̇зна гад̇аанзва. д̇знасса имзсам̣ гад̇абхаавам̣ сад̣̇зваго лого иминаа гааран̣зна ж̇аанаад̇ууд̇и суван̣н̣аван̣н̣ам̣ махаабурисалагкан̣ам̣ ниб̣б̣ад̇д̇ад̇и. лагкан̣ам̣ наама ид̣̇амзва лагкан̣ам̣. сукумад̇т̇аран̣аад̣̇илаабхид̇аа аанисам̣со.

    Idha kammaṃ nāma dīgharattaṃ akkodhanatā ceva sukhumattharaṇādidānañca. Kammasarikkhakaṃ nāma kodhanassa chavivaṇṇo āvilo hoti mukhaṃ duddasiyaṃ vatthacchādanasadisañca maṇḍanaṃ nāma natthi. Tasmā yo kodhano ceva vatthacchādanānañca adātā, so iminā kāraṇenassa jano kodhanādibhāvaṃ jānātūti dubbaṇṇo hoti dussaṇṭhāno. Akkodhanassa pana mukhaṃ virocati, chavivaṇṇo vippasīdati. Sattā hi catūhi kāraṇehi pāsādikā honti āmisadānena vā vatthadānena vā sammajjanena vā akkodhanatāya vā. Imāni cattāripi kāraṇāni dīgharattaṃ tathāgatena katāneva. Tenassa imesaṃ katabhāvaṃ sadevako loko iminā kāraṇena jānātūti suvaṇṇavaṇṇaṃ mahāpurisalakkhaṇaṃ nibbattati. Lakkhaṇaṃ nāma idameva lakkhaṇaṃ. Sukhumattharaṇādilābhitā ānisaṃso.

    219. абхивиссаж̇ийд̇и абхивиссаж̇ж̇зси. махимива суро абхивассанд̇и суро вужжад̇и д̣̇зво, махаабат̇авим̣ абхивассанд̇о д̣̇зво вияа.

    219.Abhivissajīti abhivissajjesi. Mahimiva suro abhivassanti suro vuccati devo, mahāpathaviṃ abhivassanto devo viya.

    сураварад̇арорива инд̣̇од̇и сураанам̣ варад̇аро инд̣̇о вияа.

    Suravarataroriva indoti surānaṃ varataro indo viya.

    абаб̣б̣аж̇ж̇амижчанд̇и абаб̣б̣аж̇ж̇ам̣ г̇ихибхаавам̣ ижчанд̇о. махад̇имахинд̇и маханд̇им̣ бат̇авим̣.

    Apabbajjamicchanti apabbajjaṃ gihibhāvaṃ icchanto. Mahatimahinti mahantiṃ pathaviṃ.

    ажчаад̣̇анавад̇т̇амогкабаавуран̣аананд̇и ажчаад̣̇анаанан̃жзва вад̇т̇аанан̃жа уд̇д̇амабаавуран̣аанан̃жа. банаасод̇и винаасо.

    Acchādanavatthamokkhapāvuraṇānanti acchādanānañceva vatthānañca uttamapāvuraṇānañca. Panāsoti vināso.

    госохид̇авад̇т̇аг̇уяхалагкан̣аван̣н̣анаа

    Kosohitavatthaguyhalakkhaṇavaṇṇanā

    220. маад̇арамби буд̇д̇зна самаанзд̇аа ахосийд̇и имам̣ гаммам̣ раж̇ж̇з бад̇идтид̇зна саггаа гаад̇ум̣. д̇асмаа б̣од̇хисад̇д̇оби раж̇ж̇ам̣ гаараяамаано анд̇онаг̇арз жад̇уггаад̣̇ийсу жад̇уусу наг̇арад̣̇ваарзсу б̣ахинаг̇арз жад̇уусу д̣̇исаасу имам̣ гаммам̣ гарот̇аад̇и мануссз табзси. д̇з маад̇арам̣ гухим̣ мз буд̇д̇о буд̇д̇ам̣ на бассаамийд̇и вилабанд̇им̣ бариязсамаанам̣ д̣̇исваа зхи, амма, буд̇д̇ам̣ д̣̇агкасийд̇и д̇ам̣ аад̣̇ааяа г̇анд̇ваа нахаабзд̇ваа бхож̇зд̇ваа буд̇д̇амассаа бариязсид̇ваа д̣̇ассзнд̇и. зса наяо саб̣б̣ад̇т̇а.

    220.Mātarampiputtena samānetā ahosīti imaṃ kammaṃ rajje patiṭṭhitena sakkā kātuṃ. Tasmā bodhisattopi rajjaṃ kārayamāno antonagare catukkādīsu catūsu nagaradvāresu bahinagare catūsu disāsu imaṃ kammaṃ karothāti manusse ṭhapesi. Te mātaraṃ kuhiṃ me putto puttaṃ na passāmīti vilapantiṃ pariyesamānaṃ disvā ehi, amma, puttaṃ dakkhasīti taṃ ādāya gantvā nahāpetvā bhojetvā puttamassā pariyesitvā dassenti. Esa nayo sabbattha.

    ид̇ха гаммам̣ наама д̣̇ийгхарад̇д̇ам̣ н̃аад̇ийнам̣ саман̇г̇ибхаавагаран̣ам̣. гаммасаригкагам̣ наама н̃аад̇аяо хи саман̇г̇ийбхууд̇аа ан̃н̃аман̃н̃асса важ̇ж̇ам̣ бадижчаад̣̇знд̇и. гин̃жааби хи д̇з галахагаалз галахам̣ гаронд̇и, згасса бана д̣̇осз уббаннз ан̃н̃ам̣ ж̇аанаабзд̇ум̣ на ижчанд̇и. аяам̣ наама зд̇асса д̣̇осод̇и вуд̇д̇з саб̣б̣з удтахид̇ваа гзна д̣̇идтам̣ гзна суд̇ам̣, амхаагам̣ н̃аад̇ийсу зваруубам̣ гад̇д̇аа наама над̇т̇ийд̇и. д̇ат̇ааг̇ад̇зна жа д̇ам̣ н̃аад̇исан̇г̇ахам̣ гаронд̇зна д̣̇ийгхарад̇д̇ам̣ ид̣̇ам̣ важ̇ж̇аббадижчаад̣̇анагаммам̣ наама гад̇ам̣ ход̇и. ат̇асса сад̣̇зваго лого иминаа гааран̣зна зваруубасса гаммасса гад̇абхаавам̣ ж̇аанаад̇ууд̇и госохид̇авад̇т̇аг̇уяхалагкан̣ам̣ ниб̣б̣ад̇д̇ад̇и. лагкан̣ам̣ наама ид̣̇амзва лагкан̣ам̣. бахууд̇абуд̇д̇ад̇аа аанисам̣со.

    Idha kammaṃ nāma dīgharattaṃ ñātīnaṃ samaṅgibhāvakaraṇaṃ. Kammasarikkhakaṃ nāma ñātayo hi samaṅgībhūtā aññamaññassa vajjaṃ paṭicchādenti. Kiñcāpi hi te kalahakāle kalahaṃ karonti, ekassa pana dose uppanne aññaṃ jānāpetuṃ na icchanti. Ayaṃ nāma etassa dosoti vutte sabbe uṭṭhahitvā kena diṭṭhaṃ kena sutaṃ, amhākaṃ ñātīsu evarūpaṃ kattā nāma natthīti. Tathāgatena ca taṃ ñātisaṅgahaṃ karontena dīgharattaṃ idaṃ vajjappaṭicchādanakammaṃ nāma kataṃ hoti. Athassa sadevako loko iminā kāraṇena evarūpassa kammassa katabhāvaṃ jānātūti kosohitavatthaguyhalakkhaṇaṃ nibbattati. Lakkhaṇaṃ nāma idameva lakkhaṇaṃ. Pahūtaputtatā ānisaṃso.

    221. вад̇т̇ачаад̣̇ияанд̇и вад̇т̇зна чаад̣̇зд̇аб̣б̣ам̣ вад̇т̇аг̇уяхам̣.

    221.Vatthachādiyanti vatthena chādetabbaṃ vatthaguyhaṃ.

    амид̇д̇ад̇аабанаад̇и амид̇д̇аанам̣ бад̇аабанаа. г̇ихисса бийд̇им̣ ж̇ананаад̇и г̇ихибхууд̇асса сад̇о бийд̇иж̇ананаа.

    Amittatāpanāti amittānaṃ patāpanā. Gihissa pītiṃ jananāti gihibhūtassa sato pītijananā.

    бариман̣д̣алаад̣̇илагкан̣аван̣н̣анаа

    Parimaṇḍalādilakkhaṇavaṇṇanā

    222. самам̣ ж̇аанаад̇ийд̇и ‘‘аяам̣ д̇ааругкасамо аяам̣ богкарасаад̇исамо’’д̇и звам̣ д̇зна д̇зна самам̣ ж̇аанаад̇и. саамам̣ ж̇аанаад̇ийд̇и саяам̣ ж̇аанаад̇и. бурисам̣ ж̇аанаад̇ийд̇и ‘‘аяам̣ сздтасаммад̇о’’д̇и бурисам̣ ж̇аанаад̇и. бурисависзсам̣ ж̇аанаад̇ийд̇и муг̇г̇ам̣ маасзна самам̣ агад̇ваа г̇ун̣ависидтасса висзсам̣ ж̇аанаад̇и. аяамид̣̇амарахад̇ийд̇и аяам̣ бурисо ид̣̇ам̣ наама д̣̇аанасаггаарам̣ арахад̇и . бурисависзсагаро ахосийд̇и бурисависзсам̣ н̃ад̇ваа гаараго ахоси. яо яам̣ арахад̇и, д̇ассзва д̇ам̣ ад̣̇ааси. яо хи гахаабан̣аарахасса ад̣дхам̣ д̣̇зд̇и, со барасса ад̣дхам̣ наасзд̇и. яо д̣̇вз гахаабан̣з д̣̇зд̇и, со ад̇д̇ано гахаабан̣ам̣ наасзд̇и. д̇асмаа ид̣̇ам̣ убхаяамби агад̇ваа яо яам̣ арахад̇и, д̇асса д̇ад̣̇зва ад̣̇ааси. сад̣̇д̇хаад̇хананд̇иаад̣̇ийсу самбад̇д̇ибадилаабхадтзна сад̣̇д̇хаад̣̇ийнам̣ д̇ханабхааво взд̣̇ид̇аб̣б̣о.

    222.Samaṃ jānātīti ‘‘ayaṃ tārukkhasamo ayaṃ pokkharasātisamo’’ti evaṃ tena tena samaṃ jānāti. Sāmaṃ jānātīti sayaṃ jānāti. Purisaṃ jānātīti ‘‘ayaṃ seṭṭhasammato’’ti purisaṃ jānāti. Purisavisesaṃ jānātīti muggaṃ māsena samaṃ akatvā guṇavisiṭṭhassa visesaṃ jānāti. Ayamidamarahatīti ayaṃ puriso idaṃ nāma dānasakkāraṃ arahati . Purisavisesakaro ahosīti purisavisesaṃ ñatvā kārako ahosi. Yo yaṃ arahati, tasseva taṃ adāsi. Yo hi kahāpaṇārahassa aḍḍhaṃ deti, so parassa aḍḍhaṃ nāseti. Yo dve kahāpaṇe deti, so attano kahāpaṇaṃ nāseti. Tasmā idaṃ ubhayampi akatvā yo yaṃ arahati, tassa tadeva adāsi. Saddhādhanantiādīsu sampattipaṭilābhaṭṭhena saddhādīnaṃ dhanabhāvo veditabbo.

    ид̇ха гаммам̣ наама д̣̇ийгхарад̇д̇ам̣ бурисависзсам̣ н̃ад̇ваа гад̇ам̣ самасан̇г̇ахагаммам̣. гаммасаригкагам̣ наама д̇ад̣̇асса гаммам̣ сад̣̇зваго лого иминаа гааран̣зна ж̇аанаад̇ууд̇и имаани д̣̇вз лагкан̣аани ниб̣б̣ад̇д̇анд̇и. лагкан̣ам̣ наама ид̣̇амзва лагкан̣ад̣̇ваяам̣. д̇ханасамбад̇д̇и аанисам̣со.

    Idha kammaṃ nāma dīgharattaṃ purisavisesaṃ ñatvā kataṃ samasaṅgahakammaṃ. Kammasarikkhakaṃ nāma tadassa kammaṃ sadevako loko iminā kāraṇena jānātūti imāni dve lakkhaṇāni nibbattanti. Lakkhaṇaṃ nāma idameva lakkhaṇadvayaṃ. Dhanasampatti ānisaṃso.

    223. д̇улияаад̇и д̇улаяид̇ваа. бадивижаяаад̇и бадивижинид̇ваа. махааж̇анасан̇г̇аахаганд̇и махааж̇анасан̇г̇ахан̣ам̣. самзгкамаанод̇и самам̣ бзгкамаано. ад̇инибун̣аа мануж̇аад̇и ад̇инибун̣аа сукумабан̃н̃аа лагкан̣абаатагамануссаа. б̣ахувивид̇хаа г̇ихийнам̣ арахаанийд̇и б̣ахуу вивид̇хаани г̇ихийнам̣ анужчавигаани бадилабхад̇и. д̣̇ахаро сусу гумааро ‘‘аяам̣ д̣̇ахаро гумааро бадилабхиссад̇ий’’д̇и б̣яаагам̣су махийбад̇иссаад̇и ран̃н̃о.

    223.Tuliyāti tulayitvā. Paṭivicayāti paṭivicinitvā. Mahājanasaṅgāhakanti mahājanasaṅgahaṇaṃ. Samekkhamānoti samaṃ pekkhamāno. Atinipuṇāmanujāti atinipuṇā sukhumapaññā lakkhaṇapāṭhakamanussā. Bahuvividhā gihīnaṃ arahānīti bahū vividhāni gihīnaṃ anucchavikāni paṭilabhati. Daharo susu kumāro ‘‘ayaṃ daharo kumāro paṭilabhissatī’’ti byākaṃsu mahīpatissāti rañño.

    сийхабуб̣б̣ад̣̇д̇хагааяаад̣̇илагкан̣аван̣н̣анаа

    Sīhapubbaddhakāyādilakkhaṇavaṇṇanā

    224. яог̇агкзмагаамод̇и яог̇ад̇о кзмагаамо. бан̃н̃ааяаад̇и гаммассагад̇абан̃н̃ааяа. ид̇ха гаммам̣ наама махааж̇анасса ад̇т̇агаамад̇аа. гаммасаригкагам̣ наама д̇ам̣ махааж̇анасса ад̇т̇агаамад̇ааяа вад̣дхимзва бажжаасийсид̇абхаавам̣ сад̣̇зваго лого иминаа гааран̣зна ж̇аанаад̇ууд̇и имаани саманд̇абарибуураани абарихийнаани д̇ийн̣и лагкан̣аани ниб̣б̣ад̇д̇анд̇и. лагкан̣ам̣ наама ид̣̇амзва лагкан̣ад̇д̇аяам̣. д̇ханаад̣̇ийхи жзва сад̣̇д̇хаад̣̇ийхи жа абарихаани аанисам̣со.

    224.Yogakkhemakāmoti yogato khemakāmo. Paññāyāti kammassakatapaññāya. Idha kammaṃ nāma mahājanassa atthakāmatā. Kammasarikkhakaṃ nāma taṃ mahājanassa atthakāmatāya vaḍḍhimeva paccāsīsitabhāvaṃ sadevako loko iminā kāraṇena jānātūti imāni samantaparipūrāni aparihīnāni tīṇi lakkhaṇāni nibbattanti. Lakkhaṇaṃ nāma idameva lakkhaṇattayaṃ. Dhanādīhi ceva saddhādīhi ca aparihāni ānisaṃso.

    225. сад̣̇д̇хааяаад̇и огаббанасад̣̇д̇хааяа басаад̣̇асад̣̇д̇хааяа. сийлзнаад̇и бан̃жасийлзна д̣̇асасийлзна. суд̇знаад̇и барияад̇д̇исаванзна. б̣уд̣̇д̇хияаад̇и зд̇зсам̣ б̣уд̣̇д̇хияаа , ‘‘гинд̇и зд̇зхи вад̣дхзяяу’’нд̇и звам̣ жинд̇зсийд̇и ад̇т̇о. д̇хаммзнаад̇и логияад̇хаммзна. б̣ахуухи саад̇хуухийд̇и ан̃н̃зхиби б̣ахуухи уд̇д̇амаг̇ун̣зхи. асахаанад̇хаммад̇анд̇и абарихийнад̇хаммам̣.

    225.Saddhāyāti okappanasaddhāya pasādasaddhāya. Sīlenāti pañcasīlena dasasīlena. Sutenāti pariyattisavanena. Buddhiyāti etesaṃ buddhiyā , ‘‘kinti etehi vaḍḍheyyu’’nti evaṃ cintesīti attho. Dhammenāti lokiyadhammena. Bahūhi sādhūhīti aññehipi bahūhi uttamaguṇehi. Asahānadhammatanti aparihīnadhammaṃ.

    расаг̇г̇асаг̇г̇ид̇аалагкан̣аван̣н̣анаа

    Rasaggasaggitālakkhaṇavaṇṇanā

    226. самаабхиваахинияод̇и яат̇аа д̇илапаламад̇д̇амби ж̇ивхаг̇г̇з табид̇ам̣ саб̣б̣ад̇т̇а парад̇и, звам̣ самаа худ̇ваа ваханд̇и. ид̇ха гаммам̣ наама авихзтанагаммам̣. гаммасаригкагам̣ наама баан̣иаад̣̇ийхи бахаарам̣ лад̣̇д̇хасса д̇ад̇т̇а д̇ад̇т̇а лохид̇ам̣ сан̣таад̇и, г̇ан̣ти г̇ан̣ти худ̇ваа анд̇ова буб̣б̣ам̣ г̇ан̣хаад̇и, анд̇ова бхиж̇ж̇ад̇и, звам̣ со б̣ахурог̇о ход̇и. д̇ат̇ааг̇ад̇зна бана д̣̇ийгхарад̇д̇ам̣ имам̣ аарог̇яагаран̣агаммам̣ гад̇ам̣. д̇ад̣̇асса сад̣̇зваго лого иминаа гааран̣зна ж̇аанаад̇ууд̇и аарог̇яагарам̣ расаг̇г̇асаг̇г̇илагкан̣ам̣ ниб̣б̣ад̇д̇ад̇и. лагкан̣ам̣ наама ид̣̇амзва лагкан̣ам̣. аббааб̣аад̇хад̇аа аанисам̣со.

    226.Samābhivāhiniyoti yathā tilaphalamattampi jivhagge ṭhapitaṃ sabbattha pharati, evaṃ samā hutvā vahanti. Idha kammaṃ nāma aviheṭhanakammaṃ. Kammasarikkhakaṃ nāma pāṇiādīhi pahāraṃ laddhassa tattha tattha lohitaṃ saṇṭhāti, gaṇṭhi gaṇṭhi hutvā antova pubbaṃ gaṇhāti, antova bhijjati, evaṃ so bahurogo hoti. Tathāgatena pana dīgharattaṃ imaṃ ārogyakaraṇakammaṃ kataṃ. Tadassa sadevako loko iminā kāraṇena jānātūti ārogyakaraṃ rasaggasaggilakkhaṇaṃ nibbattati. Lakkhaṇaṃ nāma idameva lakkhaṇaṃ. Appābādhatā ānisaṃso.

    227. маран̣авад̇хзнаад̇и ‘‘зд̇ам̣ маарзт̇а зд̇ам̣ гхаад̇зт̇аа’’д̇и звам̣ аан̣ад̇д̇зна маран̣авад̇хзна. уб̣б̣аад̇ханааяаад̇и б̣анд̇ханааг̇аараббавзсанзна.

    227.Maraṇavadhenāti ‘‘etaṃ māretha etaṃ ghātethā’’ti evaṃ āṇattena maraṇavadhena. Ubbādhanāyāti bandhanāgārappavesanena.

    абхинийланзд̇д̇аад̣̇илагкан̣аван̣н̣анаа

    Abhinīlanettādilakkhaṇavaṇṇanā

    228. на жа висаданд̇и гаггадаго вияа агкийни нийхарид̇ваа на год̇хавасзна бзгкид̇аа ахоси. на жа висаажийд̇и ван̇гагкигодияаа бзгкид̇ааби наахоси. на жа бана вижзяяа бзгкид̇аад̇и вижзяяа бзгкид̇аа наама яо гуж̇жхид̇ваа яад̣̇аа нам̣ баро ологзд̇и, д̇ад̣̇аа ниммийлзд̇и на ологзд̇и, буна г̇ажчанд̇ам̣ гуж̇жхид̇ваа ологзд̇и, зваруубо наахоси. ‘‘винзяяабзгкид̇аа’’д̇иби баато, аяамзвад̇т̇о. уж̇ум̣ д̇ат̇аа басадамуж̇уманод̇и уж̇умано худ̇ваа уж̇у бзгкид̇аа ход̇и, яат̇аа жа уж̇ум̣, д̇ат̇аа басадам̣ вибулам̣ вид̇т̇ад̇ам̣ бзгкид̇аа ход̇и. бияад̣̇ассанод̇и бияааяамаанзхи бассид̇аб̣б̣о.

    228.Na ca visaṭanti kakkaṭako viya akkhīni nīharitvā na kodhavasena pekkhitā ahosi. Na ca visācīti vaṅkakkhikoṭiyā pekkhitāpi nāhosi. Na ca pana viceyya pekkhitāti viceyya pekkhitā nāma yo kujjhitvā yadā naṃ paro oloketi, tadā nimmīleti na oloketi, puna gacchantaṃ kujjhitvā oloketi, evarūpo nāhosi. ‘‘Vineyyapekkhitā’’tipi pāṭho, ayamevattho. Ujuṃ tathā pasaṭamujumanoti ujumano hutvā uju pekkhitā hoti, yathā ca ujuṃ, tathā pasaṭaṃ vipulaṃ vitthataṃ pekkhitā hoti. Piyadassanoti piyāyamānehi passitabbo.

    ид̇ха гаммам̣ наама д̣̇ийгхарад̇д̇ам̣ махааж̇анасса бияажагкунаа ологанагаммам̣. гаммасаригкагам̣ наама гуж̇жхид̇ваа ологзнд̇о гаан̣о вияа гаагагки вияа ход̇и, ван̇гагки бана аавилагки жа ход̇иязва. басаннажид̇д̇асса бана ологаяад̇о агкийнам̣ бан̃жаван̣н̣о басаад̣̇о бан̃н̃ааяад̇и. д̇ат̇ааг̇ад̇о жа д̇ат̇аа ологзси. ат̇асса д̇ам̣ д̣̇ийгхарад̇д̇ам̣ бияажагкунаа ологид̇абхаавам̣ сад̣̇зваго лого иминаа гааран̣зна ж̇аанаад̇ууд̇и имаани нзд̇д̇асамбад̇д̇игараани д̣̇вз махаабурисалагкан̣аани ниб̣б̣ад̇д̇анд̇и. лагкан̣ам̣ наама ид̣̇амзва лагкан̣ад̣̇ваяам̣. бияад̣̇ассанад̇аа аанисам̣со. абхияог̇инод̇и лагкан̣асад̇т̇з яуд̇д̇аа.

    Idha kammaṃ nāma dīgharattaṃ mahājanassa piyacakkhunā olokanakammaṃ. Kammasarikkhakaṃ nāma kujjhitvā olokento kāṇo viya kākakkhi viya hoti, vaṅkakkhi pana āvilakkhi ca hotiyeva. Pasannacittassa pana olokayato akkhīnaṃ pañcavaṇṇo pasādo paññāyati. Tathāgato ca tathā olokesi. Athassa taṃ dīgharattaṃ piyacakkhunā olokitabhāvaṃ sadevako loko iminā kāraṇena jānātūti imāni nettasampattikarāni dve mahāpurisalakkhaṇāni nibbattanti. Lakkhaṇaṃ nāma idameva lakkhaṇadvayaṃ. Piyadassanatā ānisaṃso. Abhiyoginoti lakkhaṇasatthe yuttā.

    ун̣хийсасийсалагкан̣аван̣н̣анаа

    Uṇhīsasīsalakkhaṇavaṇṇanā

    230. б̣ахуж̇анабуб̣б̣ан̇г̇амо ахосийд̇и б̣ахуж̇анасса буб̣б̣ан̇г̇амо ахоси г̇ан̣аж̇здтаго. д̇асса д̣̇идтаануг̇ад̇им̣ ан̃н̃з аабаж̇ж̇им̣су. ид̇ха гаммам̣ наама буб̣б̣ан̇г̇амад̇аа. гаммасаригкагам̣ наама яо буб̣б̣ан̇г̇амо худ̇ваа д̣̇аанаад̣̇ийни гусалагаммаани гарод̇и, со аман̇губхууд̇о сийсам̣ угкибид̇ваа бийд̇ибаамож̇ж̇зна барибун̣н̣асийсо вижарад̇и, махаабурисо жа ход̇и. д̇ат̇ааг̇ад̇о жа д̇ат̇аа агааси. ат̇асса сад̣̇зваго лого иминаа гааран̣зна ид̣̇ам̣ буб̣б̣ан̇г̇амагаммам̣ ж̇аанаад̇ууд̇и ун̣хийсасийсалагкан̣ам̣ ниб̣б̣ад̇д̇ад̇и. лагкан̣ам̣ наама ид̣̇амзва лагкан̣ам̣. махааж̇анаанувад̇д̇анад̇аа аанисам̣со.

    230.Bahujanapubbaṅgamo ahosīti bahujanassa pubbaṅgamo ahosi gaṇajeṭṭhako. Tassa diṭṭhānugatiṃ aññe āpajjiṃsu. Idha kammaṃ nāma pubbaṅgamatā. Kammasarikkhakaṃ nāma yo pubbaṅgamo hutvā dānādīni kusalakammāni karoti, so amaṅkubhūto sīsaṃ ukkhipitvā pītipāmojjena paripuṇṇasīso vicarati, mahāpuriso ca hoti. Tathāgato ca tathā akāsi. Athassa sadevako loko iminā kāraṇena idaṃ pubbaṅgamakammaṃ jānātūti uṇhīsasīsalakkhaṇaṃ nibbattati. Lakkhaṇaṃ nāma idameva lakkhaṇaṃ. Mahājanānuvattanatā ānisaṃso.

    231. б̣ахуж̇анам̣ хзссад̇ийд̇и б̣ахуж̇анасса бхависсад̇и. бадибхог̇ияаад̇и взяяааважжагараа, зд̇асса б̣ахуу взяяааважжагараа бхависсанд̇ийд̇и ад̇т̇о. абхихаранд̇и д̇ад̣̇аад̇и д̣̇ахарагаалзязва д̇ад̣̇аа звам̣ б̣яаагаронд̇и. бадихаараганд̇и взяяааважжагарабхаавам̣. висавийд̇и жин̣н̣авасий.

    231.Bahujanaṃhessatīti bahujanassa bhavissati. Paṭibhogiyāti veyyāvaccakarā, etassa bahū veyyāvaccakarā bhavissantīti attho. Abhiharanti tadāti daharakāleyeva tadā evaṃ byākaronti. Paṭihārakanti veyyāvaccakarabhāvaṃ. Visavīti ciṇṇavasī.

    згзгаломад̇аад̣̇илагкан̣аван̣н̣анаа

    Ekekalomatādilakkhaṇavaṇṇanā

    232. убавад̇д̇ад̇ийд̇и аж̇жхаасаяам̣ анувад̇д̇ад̇и, ид̇ха гаммам̣ наама д̣̇ийгхарад̇д̇ам̣ сажжагат̇анам̣. гаммасаригкагам̣ наама д̣̇ийгхарад̇д̇ам̣ ад̣̇взж̇жхагат̇ааяа барисуд̣̇д̇хагат̇ааяа гат̇ид̇абхаавамасса сад̣̇зваго лого иминаа гааран̣зна ж̇аанаад̇ууд̇и згзгаломалагкан̣ан̃жа ун̣н̣аалагкан̣ан̃жа ниб̣б̣ад̇д̇ад̇и. лагкан̣ам̣ наама ид̣̇амзва лагкан̣ад̣̇ваяам̣. махааж̇анасса аж̇жхаасаяаанугуулзна анувад̇д̇анад̇аа аанисам̣со. згзгаломуубажид̇ан̇г̇аваад̇и згзгзхи ломзхи убажид̇асарийро.

    232.Upavattatīti ajjhāsayaṃ anuvattati, idha kammaṃ nāma dīgharattaṃ saccakathanaṃ. Kammasarikkhakaṃ nāma dīgharattaṃ advejjhakathāya parisuddhakathāya kathitabhāvamassa sadevako loko iminā kāraṇena jānātūti ekekalomalakkhaṇañca uṇṇālakkhaṇañca nibbattati. Lakkhaṇaṃ nāma idameva lakkhaṇadvayaṃ. Mahājanassa ajjhāsayānukūlena anuvattanatā ānisaṃso. Ekekalomūpacitaṅgavāti ekekehi lomehi upacitasarīro.

    жад̇д̇аалийсаад̣̇илагкан̣аван̣н̣анаа

    Cattālīsādilakkhaṇavaṇṇanā

    234. абхзж̇ж̇абарисод̇и абхинд̣̇ид̇аб̣б̣абарисо. ид̇ха гаммам̣ наама д̣̇ийгхарад̇д̇ам̣ абисун̣аваажааяа гат̇анам̣. гаммасаригкагам̣ наама бисун̣аваажасса гира самаг̇г̇абхаавам̣ бхинд̣̇анад̇о д̣̇анд̇аа абарибун̣н̣аа жзва хонд̇и вирал̣аа жа. д̇ат̇ааг̇ад̇асса бана д̣̇ийгхарад̇д̇ам̣ абисун̣аваажад̇ам̣ сад̣̇зваго лого иминаа гааран̣зна ж̇аанаад̇ууд̇и ид̣̇ам̣ лагкан̣ад̣̇ваяам̣ ниб̣б̣ад̇д̇ад̇и. лагкан̣ам̣ наама ид̣̇амзва лагкан̣ад̣̇ваяам̣. абхзж̇ж̇абарисад̇аа аанисам̣со. жад̇уро д̣̇асаад̇и жад̇д̇ааро д̣̇аса жад̇д̇аалийсам̣.

    234.Abhejjaparisoti abhinditabbapariso. Idha kammaṃ nāma dīgharattaṃ apisuṇavācāya kathanaṃ. Kammasarikkhakaṃ nāma pisuṇavācassa kira samaggabhāvaṃ bhindanato dantā aparipuṇṇā ceva honti viraḷā ca. Tathāgatassa pana dīgharattaṃ apisuṇavācataṃ sadevako loko iminā kāraṇena jānātūti idaṃ lakkhaṇadvayaṃ nibbattati. Lakkhaṇaṃ nāma idameva lakkhaṇadvayaṃ. Abhejjaparisatā ānisaṃso. Caturo dasāti cattāro dasa cattālīsaṃ.

    бахууд̇аж̇ивхаад̣̇илагкан̣аван̣н̣анаа

    Pahūtajivhādilakkhaṇavaṇṇanā

    236. аад̣̇зяяаваажо ход̇ийд̇и г̇ахзд̇аб̣б̣аважано ход̇и. ид̇ха гаммам̣ наама д̣̇ийгхарад̇д̇ам̣ апарусаваад̣̇ид̇аа. гаммасаригкагам̣ наама яз парусаваажаа хонд̇и, д̇з иминаа гааран̣зна нзсам̣ ж̇ивхам̣ баривад̇д̇зд̇ваа баривад̇д̇зд̇ваа парусаваажааяа гат̇ид̇абхаавам̣ ж̇ано ж̇аанаад̇ууд̇и б̣ад̣̇д̇хаж̇ивхаа ваа хонд̇и, г̇уул̣хаж̇ивхаа ваа д̣̇виж̇ивхаа ваа мамманаа ваа. яз бана ж̇ивхам̣ баривад̇д̇зд̇ваа баривад̇д̇зд̇ваа парусаваажам̣ на вад̣̇анд̇и, д̇з б̣ад̣̇д̇хаж̇ивхаа г̇уул̣хаж̇ивхаа д̣̇виж̇ивхаа на хонд̇и. муд̣̇у нзсам̣ ж̇ивхаа ход̇и рад̇д̇агамб̣алаван̣н̣аа. д̇асмаа д̇ат̇ааг̇ад̇асса д̣̇ийгхарад̇д̇ам̣ ж̇ивхам̣ баривад̇д̇зд̇ваа парусааяа ваажааяа агат̇ид̇абхаавам̣ сад̣̇зваго лого иминаа гааран̣зна ж̇аанаад̇ууд̇и бахууд̇аж̇ивхаалагкан̣ам̣ ниб̣б̣ад̇д̇ад̇и. парусаваажам̣ гат̇знд̇аанан̃жа сад̣̇д̣̇о бхиж̇ж̇ад̇и. д̇з сад̣̇д̣̇абхзд̣̇ам̣ гад̇ваа парусаваажааяа гат̇ид̇абхаавам̣ ж̇ано ж̇аанаад̇ууд̇и чиннассараа ваа хонд̇и бхиннассараа ваа гаагассараа ваа. яз бана сарабхзд̣̇агарам̣ парусаваажам̣ на гат̇знд̇и, д̇зсам̣ сад̣̇д̣̇о мад̇хуро жа ход̇и бзманийяо. д̇асмаа д̇ат̇ааг̇ад̇асса д̣̇ийгхарад̇д̇ам̣ сарабхзд̣̇агарааяа парусаваажааяа агат̇ид̇абхаавам̣ сад̣̇зваго лого иминаа гааран̣зна ж̇аанаад̇ууд̇и б̣рахмассаралагкан̣ам̣ ниб̣б̣ад̇д̇ад̇и. лагкан̣ам̣ наама ид̣̇амзва лагкан̣ад̣̇ваяам̣. аад̣̇зяяаважанад̇аа аанисам̣со.

    236.Ādeyyavāco hotīti gahetabbavacano hoti. Idha kammaṃ nāma dīgharattaṃ apharusavāditā. Kammasarikkhakaṃ nāma ye pharusavācā honti, te iminā kāraṇena nesaṃ jivhaṃ parivattetvā parivattetvā pharusavācāya kathitabhāvaṃ jano jānātūti baddhajivhā vā honti, gūḷhajivhā vā dvijivhā vā mammanā vā. Ye pana jivhaṃ parivattetvā parivattetvā pharusavācaṃ na vadanti, te baddhajivhā gūḷhajivhā dvijivhā na honti. Mudu nesaṃ jivhā hoti rattakambalavaṇṇā. Tasmā tathāgatassa dīgharattaṃ jivhaṃ parivattetvā pharusāya vācāya akathitabhāvaṃ sadevako loko iminā kāraṇena jānātūti pahūtajivhālakkhaṇaṃ nibbattati. Pharusavācaṃ kathentānañca saddo bhijjati. Te saddabhedaṃ katvā pharusavācāya kathitabhāvaṃ jano jānātūti chinnassarā vā honti bhinnassarā vā kākassarā vā. Ye pana sarabhedakaraṃ pharusavācaṃ na kathenti, tesaṃ saddo madhuro ca hoti pemanīyo. Tasmā tathāgatassa dīgharattaṃ sarabhedakarāya pharusavācāya akathitabhāvaṃ sadevako loko iminā kāraṇena jānātūti brahmassaralakkhaṇaṃ nibbattati. Lakkhaṇaṃ nāma idameva lakkhaṇadvayaṃ. Ādeyyavacanatā ānisaṃso.

    237. уб̣б̣аад̇хиганд̇и аггосаяуд̇д̇ад̇д̇аа ааб̣аад̇хагарим̣ б̣ахуж̇анаббамад̣̇д̣̇ананд̇и б̣ахуж̇анаанам̣ бамад̣̇д̣̇аним̣ аб̣аал̣хам̣ г̇ирам̣ со на бхан̣и парусанд̇и зд̇т̇а агааро барад̇о бхан̣исад̣̇д̣̇зна яож̇зд̇аб̣б̣о. б̣аал̣ханд̇и б̣алавам̣ ад̇ипарусам̣. б̣аал̣хам̣ г̇ирам̣ со на абхан̣ийд̇и аяамзд̇т̇а ад̇т̇о. сусам̣хид̇анд̇и судту бзмасан̃хид̇ам̣. сакиланд̇и муд̣̇угам̣. ваажаад̇и ваажааяо. ган̣н̣асукаад̇и ган̣н̣асукааяо. ‘‘ган̣н̣асука’’нд̇иби баато, яат̇аа ган̣н̣аанам̣ сукам̣ ход̇и, звам̣ зраяад̇ийд̇и ад̇т̇о. взд̣̇аяат̇аад̇и взд̣̇аяид̇т̇а. б̣рахмассарад̇д̇анд̇и б̣рахмассарад̇ам̣. б̣ахуно б̣ахунд̇и б̣ахуж̇анасса б̣ахум̣. ‘‘б̣ахуунам̣ б̣ахунд̇и’’би баато, б̣ахуж̇анаанам̣ б̣ахунд̇и ад̇т̇о.

    237.Ubbādhikanti akkosayuttattā ābādhakariṃ bahujanappamaddananti bahujanānaṃ pamaddaniṃ abāḷhaṃ giraṃ so na bhaṇi pharusanti ettha akāro parato bhaṇisaddena yojetabbo. Bāḷhanti balavaṃ atipharusaṃ. Bāḷhaṃ giraṃ so na abhaṇīti ayamettha attho. Susaṃhitanti suṭṭhu pemasañhitaṃ. Sakhilanti mudukaṃ. Vācāti vācāyo. Kaṇṇasukhāti kaṇṇasukhāyo. ‘‘Kaṇṇasukha’’ntipi pāṭho, yathā kaṇṇānaṃ sukhaṃ hoti, evaṃ erayatīti attho. Vedayathāti vedayittha. Brahmassarattanti brahmassarataṃ. Bahuno bahunti bahujanassa bahuṃ. ‘‘Bahūnaṃ bahunti’’pi pāṭho, bahujanānaṃ bahunti attho.

    сийхаханулагкан̣аван̣н̣анаа

    Sīhahanulakkhaṇavaṇṇanā

    238. аббад̇хам̣сиго ход̇ийд̇и г̇ун̣ад̇о ваа таанад̇о ваа бад̇хам̣сзд̇ум̣ жаавзд̇ум̣ асаггун̣зяяо. ид̇ха гаммам̣ наама балаабагат̇ааяа агат̇анам̣. гаммасаригкагам̣ наама яз д̇ам̣ гат̇знд̇и, д̇з иминаа гааран̣зна нзсам̣ ханугам̣ жаалзд̇ваа жаалзд̇ваа балаабагат̇ааяа гат̇ид̇абхаавам̣ ж̇ано ж̇аанаад̇ууд̇и анд̇обавидтаханугаа ваа ван̇гаханугаа ваа баб̣бхаараханугаа ваа хонд̇и. д̇ат̇ааг̇ад̇о бана д̇ат̇аа на гат̇зси. д̇знасса ханугам̣ жаалзд̇ваа жаалзд̇ваа д̣̇ийгхарад̇д̇ам̣ балаабагат̇ааяа агат̇ид̇абхаавам̣ сад̣̇зваго лого иминаа гааран̣зна ж̇аанаад̇ууд̇и сийхаханулагкан̣ам̣ ниб̣б̣ад̇д̇ад̇и. лагкан̣ам̣ наама ид̣̇амзва лагкан̣ам̣. аббад̇хам̣сигад̇аа аанисам̣со.

    238.Appadhaṃsiko hotīti guṇato vā ṭhānato vā padhaṃsetuṃ cāvetuṃ asakkuṇeyyo. Idha kammaṃ nāma palāpakathāya akathanaṃ. Kammasarikkhakaṃ nāma ye taṃ kathenti, te iminā kāraṇena nesaṃ hanukaṃ cāletvā cāletvā palāpakathāya kathitabhāvaṃ jano jānātūti antopaviṭṭhahanukā vā vaṅkahanukā vā pabbhārahanukā vā honti. Tathāgato pana tathā na kathesi. Tenassa hanukaṃ cāletvā cāletvā dīgharattaṃ palāpakathāya akathitabhāvaṃ sadevako loko iminā kāraṇena jānātūti sīhahanulakkhaṇaṃ nibbattati. Lakkhaṇaṃ nāma idameva lakkhaṇaṃ. Appadhaṃsikatā ānisaṃso.

    239. авигин̣н̣аважанаб̣яаббат̇о жаад̇и авигин̣н̣аважанаанам̣ вияа буримаб̣од̇хисад̇д̇аанам̣ важанабат̇о ассаад̇и авигин̣н̣аважанаб̣яаббат̇о. д̣̇вид̣̇уг̇амаварад̇арахануд̇д̇амалад̇т̇аад̇и д̣̇вийхи д̣̇вийхи г̇ажчад̇ийд̇и д̣̇вид̣̇уг̇амо, д̣̇вийхи д̣̇вийхийд̇и жад̇уухи, жад̇уббад̣̇аанам̣ варад̇арасса сийхассзва ханубхаавам̣ алад̇т̇аад̇и ад̇т̇о. мануж̇аад̇хибад̇ийд̇и мануж̇аанам̣ ад̇хибад̇и. д̇ат̇ад̇д̇од̇и д̇ат̇асабхааво.

    239.Avikiṇṇavacanabyappatho cāti avikiṇṇavacanānaṃ viya purimabodhisattānaṃ vacanapatho assāti avikiṇṇavacanabyappatho. Dvidugamavaratarahanuttamalatthāti dvīhi dvīhi gacchatīti dvidugamo, dvīhi dvīhīti catūhi, catuppadānaṃ varatarassa sīhasseva hanubhāvaṃ alatthāti attho. Manujādhipatīti manujānaṃ adhipati. Tathattoti tathasabhāvo.

    самад̣̇анд̇аад̣̇илагкан̣аван̣н̣анаа

    Samadantādilakkhaṇavaṇṇanā

    240. сужибариваарод̇и барисуд̣̇д̇хабаривааро. ид̇ха гаммам̣ наама саммааж̇ийвад̇аа. гаммасаригкагам̣ наама яо висамзна сам̣гилидтааж̇ийвзна ж̇ийвид̇ам̣ габбзд̇и, д̇асса д̣̇анд̇ааби висамаа хонд̇и д̣̇аатааби гилидтаа. д̇ат̇ааг̇ад̇асса бана самзна суд̣̇д̇хааж̇ийвзна ж̇ийвид̇ам̣ габбид̇абхаавам̣ сад̣̇зваго лого иминаа гааран̣зна ж̇аанаад̇ууд̇и самад̣̇анд̇алагкан̣ан̃жа сусуггад̣̇аатаалагкан̣ан̃жа ниб̣б̣ад̇д̇ад̇и. лагкан̣ам̣ наама ид̣̇амзва лагкан̣ад̣̇ваяам̣. сужибариваарад̇аа аанисам̣со.

    240.Suciparivāroti parisuddhaparivāro. Idha kammaṃ nāma sammājīvatā. Kammasarikkhakaṃ nāma yo visamena saṃkiliṭṭhājīvena jīvitaṃ kappeti, tassa dantāpi visamā honti dāṭhāpi kiliṭṭhā. Tathāgatassa pana samena suddhājīvena jīvitaṃ kappitabhāvaṃ sadevako loko iminā kāraṇena jānātūti samadantalakkhaṇañca susukkadāṭhālakkhaṇañca nibbattati. Lakkhaṇaṃ nāma idameva lakkhaṇadvayaṃ. Suciparivāratā ānisaṃso.

    241. авассаж̇ийд̇и бахааси д̇ид̣̇ивабураварасамод̇и д̇ид̣̇ивабураварзна саггзна само. лабанаж̇анд̇и мукаж̇ам̣, д̣̇анд̇анд̇и ад̇т̇о. д̣̇иж̇асамасуггасужисобханад̣̇анд̇од̇и д̣̇вз ваарз ж̇аад̇ад̇д̇аа д̣̇иж̇анаамагаа суггаа сужи собханаа жа д̣̇анд̇аа ассаад̇и д̣̇иж̇асамасуггасужисобханад̣̇анд̇о. на жа ж̇анабад̣̇ад̇уд̣̇ананд̇и яо д̇асса жаггаваал̣абарижчинно ж̇анабад̣̇о, д̇асса ан̃н̃зна д̇уд̣̇анам̣ бийл̣аа ваа ааб̣аад̇хо ваа над̇т̇и. хид̇амаби жа б̣ахуж̇ана сукан̃жа жаранд̇ийд̇и б̣ахуж̇анаа самаанасукад̣̇угкаа худ̇ваа д̇асмим̣ ж̇анабад̣̇з ан̃н̃аман̃н̃асса хид̇ан̃жзва сукан̃жа жаранд̇и. вибаабод̇и виг̇ад̇абаабо. виг̇ад̇ад̣̇арат̇агиламат̇од̇и виг̇ад̇агааяигад̣̇арат̇агиламат̇о. малакилагалигилзсз бануд̣̇зхийд̇и рааг̇аад̣̇ималаанан̃жзва рааг̇аад̣̇икилаанан̃жа д̣̇осагалийнан̃жа саб̣б̣агилзсаанан̃жа абануд̣̇зхи. сзсам̣ саб̣б̣ад̇т̇а уд̇д̇аанад̇т̇амзваад̇и.

    241.Avassajīti pahāsi tidivapuravarasamoti tidivapuravarena sakkena samo. Lapanajanti mukhajaṃ, dantanti attho. Dijasamasukkasucisobhanadantoti dve vāre jātattā dijanāmakā sukkā suci sobhanā ca dantā assāti dijasamasukkasucisobhanadanto. Na ca janapadatudananti yo tassa cakkavāḷaparicchinno janapado, tassa aññena tudanaṃ pīḷā vā ābādho vā natthi. Hitamapi ca bahujana sukhañca carantīti bahujanā samānasukhadukkhā hutvā tasmiṃ janapade aññamaññassa hitañceva sukhañca caranti. Vipāpoti vigatapāpo. Vigatadarathakilamathoti vigatakāyikadarathakilamatho. Malakhilakalikilese panudehīti rāgādimalānañceva rāgādikhilānañca dosakalīnañca sabbakilesānañca apanudehi. Sesaṃ sabbattha uttānatthamevāti.

    суман̇г̇алавилаасинияаа д̣̇ийгханигааяадтагат̇ааяа

    Sumaṅgalavilāsiniyā dīghanikāyaṭṭhakathāya

    лагкан̣асуд̇д̇аван̣н̣анаа нидтид̇аа.

    Lakkhaṇasuttavaṇṇanā niṭṭhitā.




    Next: 8. син̇г̇ааласуд̇д̇аван̣н̣анаа • 8. Siṅgālasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 7. лагкан̣асуд̇д̇ам̣ • 7. Lakkhaṇasuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 7. лагкан̣асуд̇д̇аван̣н̣анаа • 7. Lakkhaṇasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact