| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൨. ലക്ഖണസുത്തവണ്ണനാ
2. Lakkhaṇasuttavaṇṇanā
൨. ദുതിയേ കായദ്വാരാദിപവത്തം കമ്മം ലക്ഖണം സഞ്ജാനനകാരണം അസ്സാതി കമ്മലക്ഖണോ. അപദാനസോഭനീ പഞ്ഞാതി യാ പഞ്ഞാ നാമ അപദാനേന സോഭതി, ബാലാ ച പണ്ഡിതാ ച അത്തനോ അത്തനോ ചരിതേനേവ പാകടാ ഹോന്തീതി അത്ഥോ. ബാലേന ഹി ഗതമഗ്ഗോ രുക്ഖഗച്ഛഗാമനിഗമാദീനി ഝാപേത്വാ ഗച്ഛന്തസ്സ ഇന്ദഗ്ഗിനോ ഗതമഗ്ഗോ വിയ ഹോതി, ഝാമട്ഠാനമത്തമേവ അങ്ഗാരമസിഛാരികാസമാകുലം പഞ്ഞായതി. പണ്ഡിതേന ഗതമഗ്ഗോ കുസോബ്ഭാദയോ പൂരേത്വാ വിവിധസസ്സസമ്പദം ആവഹമാനേന ചതുദീപികമേഘേന ഗതമഗ്ഗോ വിയ ഹോതി. യഥാ തേന ഗതമഗ്ഗേ ഉദകപൂരാനി ചേവ വിവിധസസ്സഫലാഫലാനി ച താനി താനി ഠാനാനി പഞ്ഞായന്തി, ഏവം പണ്ഡിതേന ഗതമഗ്ഗേ സമ്പത്തിയോവ പഞ്ഞായന്തി നോ വിപത്തിയോതി. സേസമേത്ഥ ഉത്താനത്ഥമേവ.
2. Dutiye kāyadvārādipavattaṃ kammaṃ lakkhaṇaṃ sañjānanakāraṇaṃ assāti kammalakkhaṇo. Apadānasobhanī paññāti yā paññā nāma apadānena sobhati, bālā ca paṇḍitā ca attano attano cariteneva pākaṭā hontīti attho. Bālena hi gatamaggo rukkhagacchagāmanigamādīni jhāpetvā gacchantassa indaggino gatamaggo viya hoti, jhāmaṭṭhānamattameva aṅgāramasichārikāsamākulaṃ paññāyati. Paṇḍitena gatamaggo kusobbhādayo pūretvā vividhasassasampadaṃ āvahamānena catudīpikameghena gatamaggo viya hoti. Yathā tena gatamagge udakapūrāni ceva vividhasassaphalāphalāni ca tāni tāni ṭhānāni paññāyanti, evaṃ paṇḍitena gatamagge sampattiyova paññāyanti no vipattiyoti. Sesamettha uttānatthameva.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൨. ലക്ഖണസുത്തം • 2. Lakkhaṇasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൨. ലക്ഖണസുത്തവണ്ണനാ • 2. Lakkhaṇasuttavaṇṇanā
