| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. лагун̣д̣агабхад̣̇д̣̇ияасуд̇д̇ам̣
6. Lakuṇḍakabhaddiyasuttaṃ
240. саавад̇т̇ияам̣ вихарад̇и. ат̇а ко ааяасмаа лагун̣д̣агабхад̣̇д̣̇ияо язна бхаг̇аваа д̇знубасан̇гами. ад̣̇д̣̇асаа ко бхаг̇аваа ааяасманд̇ам̣ лагун̣д̣агабхад̣̇д̣̇ияам̣ д̣̇уурад̇ова ааг̇ажчанд̇ам̣. д̣̇исваана бхигкуу ааманд̇зси – ‘‘бассат̇а но д̇умхз, бхигкавз, зд̇ам̣ бхигкум̣ ааг̇ажчанд̇ам̣ д̣̇уб̣б̣ан̣н̣ам̣ д̣̇уд̣̇д̣̇асигам̣ огодимагам̣ бхигкуунам̣ барибхууд̇арууба’’нд̇и? ‘‘звам̣, бханд̇з’’. ‘‘зсо ко, бхигкавз, бхигку махид̣̇д̇хиго махаанубхааво, на жа саа самаабад̇д̇и сулабхаруубаа яаа д̇зна бхигкунаа асамаабаннабуб̣б̣аа. яасса жад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’д̇и. ид̣̇амавожа бхаг̇аваа…бз… сад̇т̇аа –
240. Sāvatthiyaṃ viharati. Atha kho āyasmā lakuṇḍakabhaddiyo yena bhagavā tenupasaṅkami. Addasā kho bhagavā āyasmantaṃ lakuṇḍakabhaddiyaṃ dūratova āgacchantaṃ. Disvāna bhikkhū āmantesi – ‘‘passatha no tumhe, bhikkhave, etaṃ bhikkhuṃ āgacchantaṃ dubbaṇṇaṃ duddasikaṃ okoṭimakaṃ bhikkhūnaṃ paribhūtarūpa’’nti? ‘‘Evaṃ, bhante’’. ‘‘Eso kho, bhikkhave, bhikkhu mahiddhiko mahānubhāvo, na ca sā samāpatti sulabharūpā yā tena bhikkhunā asamāpannapubbā. Yassa catthāya kulaputtā sammadeva agārasmā anagāriyaṃ pabbajanti, tadanuttaraṃ brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharatī’’ti. Idamavoca bhagavā…pe… satthā –
‘‘хам̣саа гон̃жаа маяуураа жа, хад̇т̇аяо басад̣̇аа миг̇аа;
‘‘Haṃsā koñcā mayūrā ca, hatthayo pasadā migā;
саб̣б̣з сийхасса бхааяанд̇и, над̇т̇и гааяасмим̣ д̇уляад̇аа.
Sabbe sīhassa bhāyanti, natthi kāyasmiṃ tulyatā.
‘‘звамзва мануссзсу, д̣̇ахаро жзби бан̃н̃аваа;
‘‘Evameva manussesu, daharo cepi paññavā;
со хи д̇ад̇т̇а махаа ход̇и, нзва б̣аало сарийраваа’’д̇и. чадтам̣;
So hi tattha mahā hoti, neva bālo sarīravā’’ti. chaṭṭhaṃ;
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. лагун̣д̣агабхад̣̇д̣̇ияасуд̇д̇аван̣н̣анаа • 6. Lakuṇḍakabhaddiyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. лагун̣д̣агабхад̣̇д̣̇ияасуд̇д̇аван̣н̣анаа • 6. Lakuṇḍakabhaddiyasuttavaṇṇanā
