| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੭. ਲਸੁਣਦਾਯਕਤ੍ਥੇਰਅਪਦਾਨવਣ੍ਣਨਾ
7. Lasuṇadāyakattheraapadānavaṇṇanā
ਹਿਮવਨ੍ਤਸ੍ਸਾવਿਦੂਰੇਤਿਆਦਿਕਂ ਆਯਸ੍ਮਤੋ ਲਸੁਣਦਾਯਕਤ੍ਥੇਰਸ੍ਸ ਅਪਦਾਨਂ। ਏਸੋਪਾਯਸ੍ਮਾ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤਿਤ੍વਾ વਿਞ੍ਞੁਤਂ ਪਤ੍ਤੋ ਘਰਾવਾਸੇ ਆਦੀਨવਂ ਦਿਸ੍વਾ ਗੇਹਂ ਪਹਾਯ ਤਾਪਸਪਬ੍ਬਜ੍ਜਂ ਪਬ੍ਬਜਿਤ੍વਾ ਹਿਮવਨ੍ਤਂ ਨਿਸ੍ਸਾਯ વਨੇ વਸਨ੍ਤੋ ਬਹੂਨਿ ਲਸੁਣਾਨਿ ਰੋਪੇਤ੍વਾ ਤਦੇવ વਨਮੂਲਫਲਞ੍ਚ ਖਾਦਨ੍ਤੋ વਿਹਾਸਿ। ਸੋ ਬਹੂਨਿ ਲਸੁਣਾਨਿ ਕਾਜੇਨਾਦਾਯ ਮਨੁਸ੍ਸਪਥਂ ਆਹਰਿਤ੍વਾ ਪਸਨ੍ਨੋ ਦਾਨਂ ਦਤ੍વਾ ਬੁਦ੍ਧਪ੍ਪਮੁਖਸ੍ਸ ਭਿਕ੍ਖੁਸਙ੍ਘਸ੍ਸ ਭੇਸਜ੍ਜਤ੍ਥਾਯ ਦਤ੍વਾ ਗਚ੍ਛਤਿ। ਏવਂ ਸੋ ਯਾવਜੀવਂ ਪੁਞ੍ਞਾਨਿ ਕਤ੍વਾ ਤੇਨੇવ ਪੁਞ੍ਞਬਲੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਸਮ੍ਪਤ੍ਤਿਂ ਅਨੁਭવਿਤ੍વਾ ਕਮੇਨ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਉਪ੍ਪਨ੍ਨੋ ਪਟਿਲਦ੍ਧਸਦ੍ਧੋ ਪਬ੍ਬਜਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਨਚਿਰਸ੍ਸੇવ ਅਰਹਤ੍ਤਂ ਪਤ੍ਤੋ ਪੁਬ੍ਬਕਮ੍ਮવਸੇਨ ਲਸੁਣਦਾਯਕਤ੍ਥੇਰੋਤਿ ਪਾਕਟੋ।
Himavantassāvidūretiādikaṃ āyasmato lasuṇadāyakattherassa apadānaṃ. Esopāyasmā purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ kulagehe nibbattitvā viññutaṃ patto gharāvāse ādīnavaṃ disvā gehaṃ pahāya tāpasapabbajjaṃ pabbajitvā himavantaṃ nissāya vane vasanto bahūni lasuṇāni ropetvā tadeva vanamūlaphalañca khādanto vihāsi. So bahūni lasuṇāni kājenādāya manussapathaṃ āharitvā pasanno dānaṃ datvā buddhappamukhassa bhikkhusaṅghassa bhesajjatthāya datvā gacchati. Evaṃ so yāvajīvaṃ puññāni katvā teneva puññabalena devamanussesu saṃsaranto ubhayasampattiṃ anubhavitvā kamena imasmiṃ buddhuppāde uppanno paṭiladdhasaddho pabbajitvā vipassanaṃ vaḍḍhetvā nacirasseva arahattaṃ patto pubbakammavasena lasuṇadāyakattheroti pākaṭo.
੮੯. ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਹਿਮવਨ੍ਤਸ੍ਸਾવਿਦੂਰੇਤਿਆਦਿਮਾਹ। ਤਤ੍ਥ ਹਿਮਾਲਯਪਬ੍ਬਤਸ੍ਸ ਪਰਿਯੋਸਾਨੇ ਮਨੁਸ੍ਸਾਨਂ ਸਞ੍ਚਰਣਟ੍ਠਾਨੇ ਯਦਾ વਿਪਸ੍ਸੀ ਭਗવਾ ਉਦਪਾਦਿ, ਤਦਾ ਅਹਂ ਤਾਪਸੋ ਅਹੋਸਿਨ੍ਤਿ ਸਮ੍ਬਨ੍ਧੋ। ਲਸੁਣਂ ਉਪਜੀવਾਮੀਤਿ ਰਤ੍ਤਲਸੁਣਂ ਰੋਪੇਤ੍વਾ ਤਦੇવ ਗੋਚਰਂ ਕਤ੍વਾ ਜੀવਿਕਂ ਕਪ੍ਪੇਮੀਤਿ ਅਤ੍ਥੋ। ਤੇਨ વੁਤ੍ਤਂ ‘‘ਲਸੁਣਂ ਮਯ੍ਹਭੋਜਨ’’ਨ੍ਤਿ।
89. Attano pubbakammaṃ saritvā somanassajāto pubbacaritāpadānaṃ pakāsento himavantassāvidūretiādimāha. Tattha himālayapabbatassa pariyosāne manussānaṃ sañcaraṇaṭṭhāne yadā vipassī bhagavā udapādi, tadā ahaṃ tāpaso ahosinti sambandho. Lasuṇaṃ upajīvāmīti rattalasuṇaṃ ropetvā tadeva gocaraṃ katvā jīvikaṃ kappemīti attho. Tena vuttaṃ ‘‘lasuṇaṃ mayhabhojana’’nti.
੯੦. ਖਾਰਿਯੋ ਪੂਰਯਿਤ੍વਾਨਾਤਿ ਤਾਪਸਭਾਜਨਾਨਿ ਲਸੁਣੇਨ ਪੂਰਯਿਤ੍વਾ ਕਾਜੇਨਾਦਾਯ ਸਙ੍ਘਾਰਾਮਂ ਸਙ੍ਘਸ੍ਸ વਸਨਟ੍ਠਾਨਂ ਹੇਮਨ੍ਤਾਦੀਸੁ ਤੀਸੁ ਕਾਲੇਸੁ ਸਙ੍ਘਸ੍ਸ ਚਤੂਹਿ ਇਰਿਯਾਪਥੇਹਿ વਸਨવਿਹਾਰਂ ਅਗਚ੍ਛਿਂ ਅਗਮਾਸਿਨ੍ਤਿ ਅਤ੍ਥੋ। ਹਟ੍ਠੋ ਹਟ੍ਠੇਨ ਚਿਤ੍ਤੇਨਾਤਿ ਅਹਂ ਸਨ੍ਤੁਟ੍ਠੋ ਸੋਮਨਸ੍ਸਯੁਤ੍ਤਚਿਤ੍ਤੇਨ ਸਙ੍ਘਸ੍ਸ ਲਸੁਣਂ ਅਦਾਸਿਨ੍ਤਿ ਅਤ੍ਥੋ।
90.Khāriyo pūrayitvānāti tāpasabhājanāni lasuṇena pūrayitvā kājenādāya saṅghārāmaṃ saṅghassa vasanaṭṭhānaṃ hemantādīsu tīsu kālesu saṅghassa catūhi iriyāpathehi vasanavihāraṃ agacchiṃ agamāsinti attho. Haṭṭho haṭṭhena cittenāti ahaṃ santuṭṭho somanassayuttacittena saṅghassa lasuṇaṃ adāsinti attho.
੯੧. વਿਪਸ੍ਸਿਸ੍ਸ…ਪੇ॰… ਨਿਰਤਸ੍ਸਹਨ੍ਤਿ ਨਰਾਨਂ ਅਗ੍ਗਸ੍ਸ ਸੇਟ੍ਠਸ੍ਸ ਅਸ੍ਸ વਿਪਸ੍ਸਿਸ੍ਸ ਭਗવਤੋ ਸਾਸਨੇ ਨਿਰਤੋ ਨਿਸ੍ਸੇਸੇਨ ਰਤੋ ਅਹਨ੍ਤਿ ਸਮ੍ਬਨ੍ਧੋ। ਸਙ੍ਘਸ੍ਸ…ਪੇ॰… ਮੋਦਹਨ੍ਤਿ ਅਹਂ ਸਙ੍ਘਸ੍ਸ ਲਸੁਣਦਾਨਂ ਦਤ੍વਾ ਸਗ੍ਗਮ੍ਹਿ ਸੁਟ੍ਠੁ ਅਗ੍ਗਸ੍ਮਿਂ ਦੇવਲੋਕੇ ਆਯੁਕਪ੍ਪਂ ਦਿਬ੍ਬਸਮ੍ਪਤ੍ਤਿਂ ਅਨੁਭવਮਾਨੋ ਮੋਦਿਂ, ਸਨ੍ਤੁਟ੍ਠੋ ਭવਾਮੀਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
91.Vipassissa…pe…niratassahanti narānaṃ aggassa seṭṭhassa assa vipassissa bhagavato sāsane nirato nissesena rato ahanti sambandho. Saṅghassa…pe… modahanti ahaṃ saṅghassa lasuṇadānaṃ datvā saggamhi suṭṭhu aggasmiṃ devaloke āyukappaṃ dibbasampattiṃ anubhavamāno modiṃ, santuṭṭho bhavāmīti attho. Sesaṃ suviññeyyamevāti.
ਲਸੁਣਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Lasuṇadāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੭. ਲਸੁਣਦਾਯਕਤ੍ਥੇਰਅਪਦਾਨਂ • 7. Lasuṇadāyakattheraapadānaṃ
