| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
4. лад̇аавимаанаван̣н̣анаа
4. Latāvimānavaṇṇanā
лад̇аа жа саж̇ж̇аа бавараа жа д̣̇звад̇аад̇и лад̇аавимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна жа самаязна саавад̇т̇иваасино ан̃н̃ад̇арасса убаасагасса д̇хийд̇аа лад̇аа наама бан̣д̣ид̇аа б̣яад̇д̇аа мзд̇хаавиний бад̇игулам̣ г̇ад̇аа бхад̇д̇у сассусасураанан̃жа манаабажаариний бияаваад̣̇иний бариж̇анасса сан̇г̇ахагусалаа г̇зхз гудумб̣абхаарасса нид̇т̇аран̣асамад̇т̇аа аггод̇ханаа сийлаажаарасамбаннаа д̣̇аанасам̣вибхааг̇арад̇аа акан̣д̣абан̃жасийлаа убосат̇арагкан̣з жа аббамад̇д̇аа ахоси. саа абарабхааг̇з гаалам̣ гад̇ваа взссаван̣асса махаарааж̇асса д̇хийд̇аа худ̇ваа ниб̣б̣ад̇д̇и лад̇аад̇взва наамзна. ан̃н̃ааби д̇ассаа саж̇ж̇аа, бавараа, ажжимад̇ий, суд̇аад̇и жад̇ассо бхаг̇инияо ахзсум̣. д̇аа бан̃жаби саггзна д̣̇зварааж̇зна аанзд̇ваа наадагид̇т̇ибхаавзна барижааригадтаанз табид̇аа. лад̇аа банасса нажжаг̇ийд̇аад̣̇ийсу чзгад̇ааяа идтад̇араа ахоси.
Latāca sajjā pavarā ca devatāti latāvimānaṃ. Tassa kā uppatti? Bhagavā sāvatthiyaṃ viharati jetavane. Tena ca samayena sāvatthivāsino aññatarassa upāsakassa dhītā latā nāma paṇḍitā byattā medhāvinī patikulaṃ gatā bhattu sassusasurānañca manāpacārinī piyavādinī parijanassa saṅgahakusalā gehe kuṭumbabhārassa nittharaṇasamatthā akkodhanā sīlācārasampannā dānasaṃvibhāgaratā akhaṇḍapañcasīlā uposatharakkhaṇe ca appamattā ahosi. Sā aparabhāge kālaṃ katvā vessavaṇassa mahārājassa dhītā hutvā nibbatti latātveva nāmena. Aññāpi tassā sajjā, pavarā, accimatī, sutāti catasso bhaginiyo ahesuṃ. Tā pañcapi sakkena devarājena ānetvā nāṭakitthibhāvena paricārikaṭṭhāne ṭhapitā. Latā panassa naccagītādīsu chekatāya iṭṭhatarā ahosi.
д̇аасам̣ згад̇о самааг̇анд̇ваа суканисаж̇ж̇ааяа нисиннаанам̣ сан̇г̇ийд̇анзбун̃н̃ам̣ бадижжа виваад̣̇о уббанно. д̇аа саб̣б̣ааби взссаван̣асса махаарааж̇асса санд̇игам̣ г̇анд̇ваа бужчим̣су ‘‘д̇аад̇а, гад̇амаа амхаагам̣ нажжаад̣̇ийсу гусалаа’’д̇и? со звамааха ‘‘г̇ажчат̇а д̇хийд̇аро анод̇ад̇д̇ад̣̇ахад̇ийрз д̣̇звасамааг̇амз сан̇г̇ийд̇ам̣ бавад̇д̇зт̇а, д̇ад̇т̇а во висзсо баагадо бхависсад̇ий’’д̇и. д̇аа д̇ат̇аа агам̣су. д̇ад̇т̇а д̣̇звабуд̇д̇аа лад̇ааяа нажжамаанааяа ад̇д̇ано сабхаавзна таад̇ум̣ наасагким̣су, сан̃ж̇аад̇абахаасаа ажчарияаб̣бхуд̇ажид̇д̇аж̇аад̇аа ниранд̇арам̣ саад̇хугаарам̣ д̣̇знд̇аа уггудтисад̣̇д̣̇з жзлугкзбз жа бавад̇д̇знд̇аа химаванд̇ам̣ гамбаяамаанаа вияа маханд̇ам̣ голаахаламагам̣су. ид̇араасу бана нажжанд̇ийсу сисирагаалз гогилаа вияа д̇ун̣хийбхууд̇аа нисийд̣̇им̣су. звам̣ д̇ад̇т̇а сан̇г̇ийд̇з лад̇ааяа висзсо баагадо ахоси.
Tāsaṃ ekato samāgantvā sukhanisajjāya nisinnānaṃ saṅgītanepuññaṃ paṭicca vivādo uppanno. Tā sabbāpi vessavaṇassa mahārājassa santikaṃ gantvā pucchiṃsu ‘‘tāta, katamā amhākaṃ naccādīsu kusalā’’ti? So evamāha ‘‘gacchatha dhītaro anotattadahatīre devasamāgame saṅgītaṃ pavattetha, tattha vo viseso pākaṭo bhavissatī’’ti. Tā tathā akaṃsu. Tattha devaputtā latāya naccamānāya attano sabhāvena ṭhātuṃ nāsakkhiṃsu, sañjātapahāsā acchariyabbhutacittajātā nirantaraṃ sādhukāraṃ dentā ukkuṭṭhisadde celukkhepe ca pavattentā himavantaṃ kampayamānā viya mahantaṃ kolāhalamakaṃsu. Itarāsu pana naccantīsu sisirakāle kokilā viya tuṇhībhūtā nisīdiṃsu. Evaṃ tattha saṅgīte latāya viseso pākaṭo ahosi.
ат̇а д̇аасам̣ д̣̇звад̇хийд̇аанам̣ суд̇ааяа д̣̇звад̇хийд̇ааяа зд̇ад̣̇ахоси ‘‘гим̣ ну ко гаммам̣ гад̇ваа аяам̣ лад̇аа амхз абхибхуяяа д̇идтад̇и ван̣н̣зна жзва яасасаа жа, яам̣нуунаахам̣ лад̇ааяа гад̇агаммам̣ бужчзяяа’’нд̇и. саа д̇ам̣ бужчи. ид̇арааби д̇ассаа зд̇амад̇т̇ам̣ виссаж̇ж̇зси. д̇аяид̣̇ам̣ саб̣б̣ам̣ взссаван̣амахаарааж̇аа д̣̇зважааригавасзна убаг̇ад̇асса ааяасмад̇о махаамог̇г̇аллаанасса аажигки. т̇зро д̇амад̇т̇ам̣ бужчааяа муулагааран̣ад̇о бадтааяа бхаг̇авад̇о аарожзнд̇о –
Atha tāsaṃ devadhītānaṃ sutāya devadhītāya etadahosi ‘‘kiṃ nu kho kammaṃ katvā ayaṃ latā amhe abhibhuyya tiṭṭhati vaṇṇena ceva yasasā ca, yaṃnūnāhaṃ latāya katakammaṃ puccheyya’’nti. Sā taṃ pucchi. Itarāpi tassā etamatthaṃ vissajjesi. Tayidaṃ sabbaṃ vessavaṇamahārājā devacārikavasena upagatassa āyasmato mahāmoggallānassa ācikkhi. Thero tamatthaṃ pucchāya mūlakāraṇato paṭṭhāya bhagavato ārocento –
316.
316.
‘‘лад̇аа жа саж̇ж̇аа бавараа жа д̣̇звад̇аа, ажжимад̇ий рааж̇аварасса сириймад̇о;
‘‘Latā ca sajjā pavarā ca devatā, accimatī rājavarassa sirīmato;
суд̇аа жа ран̃н̃о взссаван̣асса д̇хийд̇аа, рааж̇иймад̇ий д̇хаммаг̇ун̣зхи собхат̇а.
Sutā ca rañño vessavaṇassa dhītā, rājīmatī dhammaguṇehi sobhatha.
317.
317.
‘‘бан̃жзд̇т̇а наарияо ааг̇амам̣су нхааяид̇ум̣, сийд̇од̣̇агам̣ уббалиним̣ сивам̣ над̣̇им̣;
‘‘Pañcettha nāriyo āgamaṃsu nhāyituṃ, sītodakaṃ uppaliniṃ sivaṃ nadiṃ;
д̇аа д̇ад̇т̇а нхааяид̇ваа рамзд̇ваа д̣̇звад̇аа, нажжид̇ваа г̇ааяид̇ваа суд̇аа лад̇ам̣ б̣рави.
Tā tattha nhāyitvā rametvā devatā, naccitvā gāyitvā sutā lataṃ bravi.
318.
318.
‘‘бужчаами д̇ам̣ уббаламаалад̇хаарини, аавзл̣ини ган̃жанасаннибхад̇д̇ажз;
‘‘Pucchāmi taṃ uppalamāladhārini, āveḷini kañcanasannibhattace;
д̇имирад̇амб̣агки набхзва собханз, д̣̇ийгхааяугий гзна гад̇о яасо д̇ава.
Timiratambakkhi nabheva sobhane, dīghāyukī kena kato yaso tava.
319.
319.
‘‘гзнааси бхад̣̇д̣̇з бад̇ино бияад̇араа, висидтагаляаан̣ид̇арассу руубад̇о;
‘‘Kenāsi bhadde patino piyatarā, visiṭṭhakalyāṇitarassu rūpato;
бад̣̇агкин̣аа нажжанаг̇ийд̇аваад̣̇ид̇з, аажигка но д̇вам̣ наранаарибужчид̇аа’’д̇и. –
Padakkhiṇā naccanagītavādite, ācikkha no tvaṃ naranāripucchitā’’ti. –
суд̇ааяа бужчаа.
Sutāya pucchā.
320.
320.
‘‘ахам̣ мануссзсу мануссабхууд̇аа, ул̣аарабхог̇з гулз сун̣исаа ахосим̣;
‘‘Ahaṃ manussesu manussabhūtā, uḷārabhoge kule suṇisā ahosiṃ;
аггод̇ханаа бхад̇д̇у васаанувад̇д̇иний, убосат̇з аббамад̇д̇аа ахосим̣.
Akkodhanā bhattu vasānuvattinī, uposathe appamattā ahosiṃ.
321.
321.
‘‘мануссабхууд̇аа д̣̇ахараа абаабигаа, басаннажид̇д̇аа бад̇имаабхираад̇хаяим̣;
‘‘Manussabhūtā daharā apāpikā, pasannacittā patimābhirādhayiṃ;
сад̣̇зварам̣ сассасурам̣ сад̣̇аасагам̣, абхираад̇хаяим̣ д̇амхи гад̇о яасо мама.
Sadevaraṃ sassasuraṃ sadāsakaṃ, abhirādhayiṃ tamhi kato yaso mama.
322.
322.
‘‘саахам̣ д̇зна гусалзна гаммунаа, жад̇уб̣бхи таанзхи висзсамаж̇жхаг̇аа;
‘‘Sāhaṃ tena kusalena kammunā, catubbhi ṭhānehi visesamajjhagā;
ааяун̃жа ван̣н̣ан̃жа сукам̣ б̣алан̃жа, кид̣д̣аарад̇им̣ бажжанубхоманаббагам̣.
Āyuñca vaṇṇañca sukhaṃ balañca, khiḍḍāratiṃ paccanubhomanappakaṃ.
323.
323.
‘‘суд̇ам̣ ну д̇ам̣ бхаасад̇и яам̣ аяам̣ лад̇аа, яам̣ но абужчимха агид̇д̇аяий но;
‘‘Sutaṃ nu taṃ bhāsati yaṃ ayaṃ latā, yaṃ no apucchimha akittayī no;
бад̇ино гирамхаагам̣ висидта наарийнам̣, г̇ад̇ий жа д̇аасам̣ бавараа жа д̣̇звад̇аа.
Patino kiramhākaṃ visiṭṭha nārīnaṃ, gatī ca tāsaṃ pavarā ca devatā.
324.
324.
‘‘бад̇ийсу д̇хаммам̣ бажараама саб̣б̣аа, бад̇иб̣б̣ад̇аа яад̇т̇а бхаванд̇и ид̇т̇ияо;
‘‘Patīsu dhammaṃ pacarāma sabbā, patibbatā yattha bhavanti itthiyo;
бад̇ийсу д̇хаммам̣ бажарид̇ваа саб̣б̣аа, лажчаамасз бхаасад̇и яам̣ аяам̣ лад̇аа.
Patīsu dhammaṃ pacaritvā sabbā, lacchāmase bhāsati yaṃ ayaṃ latā.
325.
325.
‘‘сийхо яат̇аа баб̣б̣ад̇асаануг̇ожаро, махинд̇харам̣ баб̣б̣ад̇амаавасид̇ваа;
‘‘Sīho yathā pabbatasānugocaro, mahindharaṃ pabbatamāvasitvā;
басаяха ханд̇ваа ид̇арз жад̇уббад̣̇з, куд̣̇д̣̇з миг̇з каад̣̇ад̇и мам̣сабхож̇ано.
Pasayha hantvā itare catuppade, khudde mige khādati maṃsabhojano.
326.
326.
‘‘д̇ат̇зва сад̣̇д̇хаа ид̇ха арияасаавигаа, бхад̇д̇аарам̣ ниссааяа бад̇им̣ ануб̣б̣ад̇аа;
‘‘Tatheva saddhā idha ariyasāvikā, bhattāraṃ nissāya patiṃ anubbatā;
год̇хам̣ вад̇хид̇ваа абхибхуяяа мажчарам̣, саг̇г̇амхи саа мод̣̇ад̇и д̇хаммажаариний’’д̇и. –
Kodhaṃ vadhitvā abhibhuyya maccharaṃ, saggamhi sā modati dhammacārinī’’ti. –
лад̇ааяа виссаж̇ж̇ананд̇и ааха.
Latāya vissajjananti āha.
316. д̇ад̇т̇а лад̇аа жа саж̇ж̇аа бавараа ажжимад̇ий суд̇аад̇и д̇аасам̣ наамам̣. жа-сад̣̇д̣̇о самужжаяад̇т̇о. рааж̇аварассаад̇и жад̇уннам̣ махаарааж̇аанам̣ варасса сздтасса д̣̇зварааж̇асса. саггасса барижааригаад̇и ад̇хиббааяо. ран̃н̃од̇и махаарааж̇асса. д̇знааха ‘‘взссаван̣асса д̇хийд̇аа’’д̇и, ид̣̇ам̣ бажжзгам̣ яож̇зд̇аб̣б̣ам̣, важанавибаллаасо ваа, д̇хийд̇арод̇и ад̇т̇о. рааж̇ад̇и виж̇ж̇од̇ад̇ийд̇и рааж̇ий, рааж̇ийд̇и мад̇аа бан̃н̃аад̇аа рааж̇иймад̇ий, ид̣̇ам̣ д̇аасам̣ саб̣б̣аасам̣ висзсанам̣. наамамзва зд̇ам̣ згиссаа д̣̇звад̇ааяаад̇и гзжи, д̇зсам̣ мад̇зна ‘‘бавараа’’д̇и саб̣б̣аасам̣ висзсанамзва. д̇хаммаг̇ун̣зхийд̇и д̇хаммиязхи д̇хаммад̇о анабзд̇зхи г̇ун̣зхи, яат̇аабхужжаг̇ун̣зхийд̇и ад̇т̇о. собхат̇аад̇и вирожат̇а.
316. Tattha latā ca sajjā pavarā accimatī sutāti tāsaṃ nāmaṃ. Ca-saddo samuccayattho. Rājavarassāti catunnaṃ mahārājānaṃ varassa seṭṭhassa devarājassa. Sakkassa paricārikāti adhippāyo. Raññoti mahārājassa. Tenāha ‘‘vessavaṇassa dhītā’’ti, idaṃ paccekaṃ yojetabbaṃ, vacanavipallāso vā, dhītaroti attho. Rājati vijjotatīti rājī, rājīti matā paññātā rājīmatī, idaṃ tāsaṃ sabbāsaṃ visesanaṃ. Nāmameva etaṃ ekissā devatāyāti keci, tesaṃ matena ‘‘pavarā’’ti sabbāsaṃ visesanameva. Dhammaguṇehīti dhammiyehi dhammato anapetehi guṇehi, yathābhuccaguṇehīti attho. Sobhathāti virocatha.
317. бан̃жзд̇т̇а наарияод̇и бан̃жа яат̇аавуд̇д̇анаамаа д̣̇звад̇хийд̇аро зд̇т̇а имасмим̣ химаванд̇абад̣̇зсз. сийд̇од̣̇агам̣ уббалиним̣ сивам̣ над̣̇инд̇и анод̇ад̇д̇ад̣̇ахад̇о нигканд̇анад̣̇имукам̣ санд̇хааяа вад̣̇ад̇и. нажжид̇ваа г̇ааяид̇ваад̇и бид̇у взссаван̣асса аан̣ааяа д̣̇звасамааг̇амз д̇аахи гад̇асса нажжаг̇ийд̇асса васзна вуд̇д̇ам̣. суд̇аа лад̇ам̣ б̣равийд̇и суд̇аа д̣̇звад̇хийд̇аа лад̇ам̣ ад̇д̇ано бхаг̇иним̣ гат̇зси. ‘‘суд̇аа лад̇ам̣ б̣раву’’нд̇иби батанд̇и, суд̇аа д̇хийд̇аро взссаван̣асса махаарааж̇асса лад̇ам̣ гат̇зсунд̇и ад̇т̇о.
317.Pañcettha nāriyoti pañca yathāvuttanāmā devadhītaro ettha imasmiṃ himavantapadese. Sītodakaṃ uppaliniṃ sivaṃ nadinti anotattadahato nikkhantanadimukhaṃ sandhāya vadati. Naccitvā gāyitvāti pitu vessavaṇassa āṇāya devasamāgame tāhi katassa naccagītassa vasena vuttaṃ. Sutā lataṃ bravīti sutā devadhītā lataṃ attano bhaginiṃ kathesi. ‘‘Sutā lataṃ bravu’’ntipi paṭhanti, sutā dhītaro vessavaṇassa mahārājassa lataṃ kathesunti attho.
318. д̇имирад̇амб̣агкийд̇и нижулагзсарабхаасасад̣̇исзхи д̇амб̣арааж̇ийхи саманнааг̇ад̇агки. набхзва собханзд̇и набхам̣ вияа собхамаанз, сарад̣̇асамаяз аб̣бхамахигаад̣̇иубаггилзсавимуд̇д̇ам̣ набхам̣ вияа сувисуд̣̇д̇хан̇г̇абажжан̇г̇ад̇ааяа вирааж̇амаанзд̇и ад̇т̇о. ат̇а ваа набхзваад̇и набхз зва, самужжаяад̇т̇о зва-сад̣̇д̣̇о, аагаасадтавимаанзсу химаванд̇аяуг̇анд̇хараад̣̇ибхуумибадиб̣ад̣̇д̇хадтаанзсу жаад̇и саб̣б̣ад̇т̇зва собхамаанзд̇и ад̇т̇о. гзна гад̇од̇и гзна гийд̣̇исзна бун̃н̃зна ниб̣б̣ад̇д̇ид̇о. яасод̇и бариваарасамбад̇д̇и гид̇д̇исад̣̇д̣̇о жа. гид̇д̇исад̣̇д̣̇аг̇г̇ахан̣зна жа гид̇д̇исад̣̇д̣̇ахзд̇убхууд̇аа г̇ун̣аа г̇аяханд̇и.
318.Timiratambakkhīti niculakesarabhāsasadisehi tambarājīhi samannāgatakkhi. Nabheva sobhaneti nabhaṃ viya sobhamāne, saradasamaye abbhamahikādiupakkilesavimuttaṃ nabhaṃ viya suvisuddhaṅgapaccaṅgatāya virājamāneti attho. Atha vā nabhevāti nabhe eva, samuccayattho eva-saddo, ākāsaṭṭhavimānesu himavantayugandharādibhūmipaṭibaddhaṭṭhānesu cāti sabbattheva sobhamāneti attho. Kena katoti kena kīdisena puññena nibbattito. Yasoti parivārasampatti kittisaddo ca. Kittisaddaggahaṇena ca kittisaddahetubhūtā guṇā gayhanti.
319. бад̇ино бияад̇араад̇и саамино бияад̇араа саамиваллабхаа. д̇знассаа субхаг̇ад̇ам̣ д̣̇ассзд̇и. висидтагаляаан̣ид̇арассуу руубад̇од̇и руубасамбад̇д̇ияаа висидтаа уд̇д̇амаа галяаан̣ид̇араа сунд̣̇арад̇араа, ассууд̇и нибаад̇амад̇д̇ам̣. ‘‘висидтагаляаан̣ид̇арааси руубад̇о’’д̇и жа батанд̇и. бад̣̇агкин̣аад̇и багаарзхи, висзсзна ваа д̣̇агкин̣аа гусалаа. нажжанаг̇ийд̇аваад̣̇ид̇зд̇и зд̇т̇а нажжанаад̇и вибхад̇д̇илобо гад̇о, нажжз жа г̇ийд̇з жа ваад̣̇ид̇з жаад̇и ад̇т̇о. наранаарибужчид̇аад̇и д̣̇звабуд̇д̇зхи д̣̇звад̇хийд̇аахи жа ‘‘гахам̣ лад̇аа, гим̣ гарод̇и лад̇аа’’д̇и руубад̣̇ассанад̇т̇ан̃жзва сиббад̣̇ассанад̇т̇ан̃жа бужчид̇аа.
319.Patino piyatarāti sāmino piyatarā sāmivallabhā. Tenassā subhagataṃ dasseti. Visiṭṭhakalyāṇitarassū rūpatoti rūpasampattiyā visiṭṭhā uttamā kalyāṇitarā sundaratarā, assūti nipātamattaṃ. ‘‘Visiṭṭhakalyāṇitarāsi rūpato’’ti ca paṭhanti. Padakkhiṇāti pakārehi, visesena vā dakkhiṇā kusalā. Naccanagītavāditeti ettha naccanāti vibhattilopo kato, nacce ca gīte ca vādite cāti attho. Naranāripucchitāti devaputtehi devadhītāhi ca ‘‘kahaṃ latā, kiṃ karoti latā’’ti rūpadassanatthañceva sippadassanatthañca pucchitā.
321. нижжам̣ гааязна асам̣садтад̇ааяа д̣̇зво вияа рамзд̇и, д̣̇уд̇ияо варод̇и ваа д̣̇зваро, бхад̇д̇у ганидтабхаад̇аа, саха д̣̇зварзнаад̇и сад̣̇зварам̣. сассу жа сасуро жа сасураа, саха сасурзхийд̇и сассасурам̣. саха д̣̇аасзхи д̣̇аасийхи жаад̇и сад̣̇аасагам̣ бад̇имаабхираад̇хаяинд̇и самб̣анд̇хо. д̇амхи гад̇од̇и д̇амхи гулз, гаалз ваа сун̣исаагаалз гад̇о яасо д̇анниб̣б̣ад̇д̇агабун̃н̃асса ниб̣б̣ад̇д̇анзнаад̇и ад̇хиббааяо. мамаад̇и ид̣̇ам̣ ‘‘гад̇о’’д̇и бад̣̇ам̣ абзгкид̇ваа ‘‘маяаа’’д̇и барин̣аамзд̇аб̣б̣ам̣.
321. Niccaṃ kāyena asaṃsaṭṭhatāya devo viya rameti, dutiyo varoti vā devaro, bhattu kaniṭṭhabhātā, saha devarenāti sadevaraṃ. Sassu ca sasuro ca sasurā, saha sasurehīti sassasuraṃ. Saha dāsehi dāsīhi cāti sadāsakaṃ patimābhirādhayinti sambandho. Tamhi katoti tamhi kule, kāle vā suṇisākāle kato yaso tannibbattakapuññassa nibbattanenāti adhippāyo. Mamāti idaṃ ‘‘kato’’ti padaṃ apekkhitvā ‘‘mayā’’ti pariṇāmetabbaṃ.
322. жад̇уб̣бхи таанзхийд̇и жад̇уухи гааран̣зхи, жад̇уусу ваа таанзсу нимид̇д̇абхууд̇зсу. висзсамаж̇жхаг̇аад̇и ан̃н̃аахи ад̇исаяам̣ ад̇хиг̇ад̇аа. ааяун̃жа ван̣н̣ан̃жа сукам̣ б̣алан̃жаад̇и ‘‘жад̇уухи таанзхий’’д̇и вуд̇д̇аанам̣ саруубад̇о д̣̇ассанам̣. ааяуаад̣̇аяо зва хиссаа ан̃н̃аахи висидтасабхаавад̇ааяа висзсаа д̇ассаа д̇ат̇аа самбхааванаавасзна г̇ахзд̇аб̣б̣ад̇ааяа хзд̇убхаавад̇о ‘‘таана’’нд̇и жа вуд̇д̇ам̣. висзсамаж̇жхаг̇аа. гийд̣̇исам̣? ааяун̃жа ван̣н̣ан̃жа сукан̃жа б̣алан̃жаад̇и яож̇анаа.
322.Catubbhiṭhānehīti catūhi kāraṇehi, catūsu vā ṭhānesu nimittabhūtesu. Visesamajjhagāti aññāhi atisayaṃ adhigatā. Āyuñca vaṇṇañca sukhaṃ balañcāti ‘‘catūhi ṭhānehī’’ti vuttānaṃ sarūpato dassanaṃ. Āyuādayo eva hissā aññāhi visiṭṭhasabhāvatāya visesā tassā tathā sambhāvanāvasena gahetabbatāya hetubhāvato ‘‘ṭhāna’’nti ca vuttaṃ. Visesamajjhagā. Kīdisaṃ? Āyuñca vaṇṇañca sukhañca balañcāti yojanā.
323. суд̇ам̣ ну д̇ам̣ бхаасад̇и яам̣ аяам̣ лад̇аад̇и аяам̣ лад̇аа амхаагам̣ ж̇здтабхаг̇иний яам̣ бхаасад̇и, д̇ам̣ д̇умхзхи суд̇ам̣ ну гим̣ асуд̇а’’нд̇и ид̇араа д̇иссо бхаг̇инияо бужчад̇и. яам̣ нод̇и яам̣ амхаагам̣ сам̣саяид̇ам̣. нод̇и нибаад̇амад̇д̇ам̣, буна нод̇и амхаагам̣, авад̇хааран̣з ваа ‘‘на но самам̣ ад̇т̇ий’’д̇иаад̣̇ийсу (ку. баа. 6.3; су. ни. 226) вияа, д̇зна агид̇д̇аяиязва, авибарийд̇ам̣ б̣яаагаасиязваад̇и ад̇т̇о. бад̇ино гирамхаагам̣ висидта наарийнам̣, г̇ад̇ий жа д̇аасам̣ бавараа жа д̣̇звад̇аад̇и анад̇т̇ад̇о бааланад̇о бад̇ино саамигаа наа амхаагам̣ наарийнам̣ ид̇т̇ийнам̣ висидтаа г̇ад̇и жа д̇аасам̣ бадисаран̣ан̃жа, д̇аасам̣ маад̇уг̇аамаанам̣ саран̣ад̇о бавараа уд̇д̇амаа д̣̇звад̇аа жа саммад̣̇зва аараад̇хид̇аа самбад̇и ааяад̇ин̃жа хид̇асукаавахаад̇и ад̇т̇о.
323.Sutaṃnu taṃ bhāsati yaṃ ayaṃ latāti ayaṃ latā amhākaṃ jeṭṭhabhaginī yaṃ bhāsati, taṃ tumhehi sutaṃ nu kiṃ asuta’’nti itarā tisso bhaginiyo pucchati. Yaṃ noti yaṃ amhākaṃ saṃsayitaṃ. Noti nipātamattaṃ, puna noti amhākaṃ, avadhāraṇe vā ‘‘na no samaṃ atthī’’tiādīsu (khu. pā. 6.3; su. ni. 226) viya, tena akittayiyeva, aviparītaṃ byākāsiyevāti attho. Patino kiramhākaṃ visiṭṭha nārīnaṃ, gatī ca tāsaṃ pavarā ca devatāti anatthato pālanato patino sāmikā nā amhākaṃ nārīnaṃ itthīnaṃ visiṭṭhā gati ca tāsaṃ paṭisaraṇañca, tāsaṃ mātugāmānaṃ saraṇato pavarā uttamā devatā ca sammadeva ārādhitā sampati āyatiñca hitasukhāvahāti attho.
324. бад̇ийсу д̇хаммам̣ бажараама саб̣б̣аад̇и саб̣б̣аава маяам̣ бад̇ийсу ад̇д̇ано саамигзсу буб̣б̣удтаанаад̣̇игам̣ жарид̇аб̣б̣ад̇хаммам̣ бажараама. яад̇т̇аад̇и яам̣ нимид̇д̇ам̣, яасмим̣ ваа бад̇ийсу жарид̇аб̣б̣ад̇хаммз жарияамаанз ид̇т̇ияо бад̇иб̣б̣ад̇аа наама бхаванд̇и. лажчаамасз бхаасад̇и яам̣ аяам̣ лад̇аад̇и аяам̣ лад̇аа яам̣ самбад̇д̇им̣ зд̇арахи лабхад̇ийд̇и бхаасад̇и, д̇ам̣ самбад̇д̇им̣ бад̇ийсу д̇хаммам̣ бажарид̇ваад̇и лабхиссаама.
324.Patīsu dhammaṃ pacarāma sabbāti sabbāva mayaṃ patīsu attano sāmikesu pubbuṭṭhānādikaṃ caritabbadhammaṃ pacarāma. Yatthāti yaṃ nimittaṃ, yasmiṃ vā patīsu caritabbadhamme cariyamāne itthiyo patibbatā nāma bhavanti. Lacchāmase bhāsati yaṃ ayaṃ latāti ayaṃ latā yaṃ sampattiṃ etarahi labhatīti bhāsati, taṃ sampattiṃ patīsu dhammaṃ pacaritvāti labhissāma.
325. баб̣б̣ад̇асаануг̇ожарод̇и баб̣б̣ад̇аванасан̣д̣ажаарий. махинд̇харам̣ баб̣б̣ад̇амаавасид̇ваад̇и махим̣ д̇хаарзд̇ийд̇и махинд̇харанаамагам̣ баб̣б̣ад̇ам̣ ажалам̣ аавасид̇ваа ад̇хивасид̇ваа, д̇ад̇т̇а васанд̇од̇и ад̇т̇о. ‘‘аавасид̇ваа’’д̇и хи бад̣̇ам̣ абзгкид̇ваа бхуммад̇т̇з жзд̇ам̣ убаяог̇аважанам̣. басаяхаад̇и абхибхавид̇ваа. куд̣̇д̣̇зд̇и б̣алавасзнанихийнз бамаан̣ад̇о бана маханд̇з хад̇т̇иаад̣̇игзби миг̇з со ханд̇иязва.
325.Pabbatasānugocaroti pabbatavanasaṇḍacārī. Mahindharaṃ pabbatamāvasitvāti mahiṃ dhāretīti mahindharanāmakaṃ pabbataṃ acalaṃ āvasitvā adhivasitvā, tattha vasantoti attho. ‘‘Āvasitvā’’ti hi padaṃ apekkhitvā bhummatthe cetaṃ upayogavacanaṃ. Pasayhāti abhibhavitvā. Khuddeti balavasenanihīne pamāṇato pana mahante hatthiādikepi mige so hantiyeva.
326. д̇ат̇зваад̇и г̇аат̇ааяа аяам̣ убамаасам̣санд̣̇анзна сад̣̇д̇хим̣ ад̇т̇аяож̇анаа – яат̇аа сийхо ад̇д̇ано ниваасаг̇ожарадтаанабхууд̇ам̣ баб̣б̣ад̇ам̣ ниссааяа васанд̇о ад̇д̇ано яат̇ижчид̇амад̇т̇ам̣ саад̇хзд̇и, звамзва саа сад̣̇д̇хаа басаннаа арияасаавигаа гхаасажчаад̣̇анаад̣̇ийхи бхаран̣ад̇о босанад̇о бхад̇д̇аарам̣ бад̇им̣ саамигам̣ ниссааяа васанд̇ий саб̣б̣ад̇т̇ааби бад̇ианугуулад̇аасан̇каад̇зна вад̇зна д̇ам̣ ануб̣б̣ад̇аа бариж̇анаад̣̇ийсу уббаж̇ж̇анагам̣ год̇хам̣ вад̇хид̇ваа баж̇ахид̇ваа бариг̇г̇ахавад̇т̇уусу уббаж̇ж̇анагам̣ мажчзрам̣ абхибхуяяа абхибхавид̇ваа ануббаад̣̇зд̇ваа бад̇иб̣б̣ад̇аад̇хаммасса жа убаасигаад̇хаммасса жа саммад̣̇зва жаран̣ад̇о д̇хаммажаариний саа саг̇г̇амхи д̣̇звалогз мод̣̇ад̇и, бамод̣̇ам̣ аабаж̇ж̇ад̇ийд̇и. сзсам̣ вуд̇д̇анаяамзва.
326.Tathevāti gāthāya ayaṃ upamāsaṃsandanena saddhiṃ atthayojanā – yathā sīho attano nivāsagocaraṭṭhānabhūtaṃ pabbataṃ nissāya vasanto attano yathicchitamatthaṃ sādheti, evameva sā saddhā pasannā ariyasāvikā ghāsacchādanādīhi bharaṇato posanato bhattāraṃ patiṃ sāmikaṃ nissāya vasantī sabbatthāpi patianukūlatāsaṅkhātena vatena taṃ anubbatā parijanādīsu uppajjanakaṃ kodhaṃ vadhitvā pajahitvā pariggahavatthūsu uppajjanakaṃ maccheraṃ abhibhuyya abhibhavitvā anuppādetvā patibbatādhammassa ca upāsikādhammassa ca sammadeva caraṇato dhammacārinī sā saggamhi devaloke modati, pamodaṃ āpajjatīti. Sesaṃ vuttanayameva.
лад̇аавимаанаван̣н̣анаа нидтид̇аа.
Latāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 4. лад̇аавимаанавад̇т̇у • 4. Latāvimānavatthu
