Library / Tipiṭaka / തിപിടക • Tipiṭaka / മഹാവഗ്ഗ-അട്ഠകഥാ • Mahāvagga-aṭṭhakathā

    ലിങ്ഗാദിദസ്സനകഥാ

    Liṅgādidassanakathā

    ൧൭൯. ആവാസികാകാരന്തി ആവാസികാനം ആകാരം. ഏസ നയോ സബ്ബത്ഥ. ആകാരോ നാമ യേന തേസം വത്തസമ്പന്നാ വാ ന വാതി ആചാരസണ്ഠാനം ഗയ്ഹതി. ലിങ്ഗം നാമ യം തേ തത്ഥ തത്ഥ ലീനേ ഗമയതി; അദിസ്സമാനേപി ജാനാപേതീതി അത്ഥോ. നിമിത്തം നാമ യം ദിസ്വാ തേ അത്ഥീതി ഞായന്തി. ഉദ്ദേസോ നാമ യേന തേ ഏവരൂപപരിക്ഖാരാതി ഉദ്ദിസന്തി; അപദേസം ലഭന്തീതി അത്ഥോ. സബ്ബമേതം സുപഞ്ഞത്തമഞ്ചപീഠാദീനഞ്ചേവ പദസദ്ദാദീനഞ്ച അധിവചനം, യഥായോഗം പന യോജേതബ്ബം. ആഗന്തുകാകാരാദീസുപി ഏസേവ നയോ. തത്ഥ അഞ്ഞാതകന്തി അഞ്ഞേസം സന്തകം. പാദാനം ധോതം ഉദകനിസ്സേകന്തി പാദാനം ധോതാനം ഉദകനിസ്സേകം. ബഹുവചനസ്സ ഏകവചനം വേദിതബ്ബം. ‘‘പാദാനം ധോതഉദകനിസ്സേക’’ന്തി വാ പാഠോ; പാദാനം ധോവനഉദകനിസ്സേകന്തി അത്ഥോ.

    179.Āvāsikākāranti āvāsikānaṃ ākāraṃ. Esa nayo sabbattha. Ākāro nāma yena tesaṃ vattasampannā vā na vāti ācārasaṇṭhānaṃ gayhati. Liṅgaṃ nāma yaṃ te tattha tattha līne gamayati; adissamānepi jānāpetīti attho. Nimittaṃ nāma yaṃ disvā te atthīti ñāyanti. Uddeso nāma yena te evarūpaparikkhārāti uddisanti; apadesaṃ labhantīti attho. Sabbametaṃ supaññattamañcapīṭhādīnañceva padasaddādīnañca adhivacanaṃ, yathāyogaṃ pana yojetabbaṃ. Āgantukākārādīsupi eseva nayo. Tattha aññātakanti aññesaṃ santakaṃ. Pādānaṃ dhotaṃ udakanissekanti pādānaṃ dhotānaṃ udakanissekaṃ. Bahuvacanassa ekavacanaṃ veditabbaṃ. ‘‘Pādānaṃ dhotaudakanisseka’’nti vā pāṭho; pādānaṃ dhovanaudakanissekanti attho.

    ൧൮൦. നാനാസംവാസകാദിവത്ഥൂസു – സമാനസംവാസകദിട്ഠിന്തി ‘‘സമാനസംവാസകാ ഏതേ’’തി ദിട്ഠിം. ന പുച്ഛന്തീതി തേസം ലദ്ധിം ന പുച്ഛന്തി; അപുച്ഛിത്വാവ വത്തപടിവത്തിം കത്വാ ഏകതോ ഉപോസഥം കരോന്തി. നാഭിവിതരന്തീതി നാനാസംവാസകഭാവം മദ്ദിതും അഭിഭവിതും ന സക്കോന്തി; തം ദിട്ഠിം ന നിസ്സജ്ജാപേന്തീതി അത്ഥോ.

    180. Nānāsaṃvāsakādivatthūsu – samānasaṃvāsakadiṭṭhinti ‘‘samānasaṃvāsakā ete’’ti diṭṭhiṃ. Na pucchantīti tesaṃ laddhiṃ na pucchanti; apucchitvāva vattapaṭivattiṃ katvā ekato uposathaṃ karonti. Nābhivitarantīti nānāsaṃvāsakabhāvaṃ maddituṃ abhibhavituṃ na sakkonti; taṃ diṭṭhiṃ na nissajjāpentīti attho.







    Related texts:



    തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi
    ൧൦൧. ലിങ്ഗാദിദസ്സനം • 101. Liṅgādidassanaṃ
    ൧൦൨. നാനാസംവാസകാദീഹി ഉപോസഥകരണം • 102. Nānāsaṃvāsakādīhi uposathakaraṇaṃ

    ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ലിങ്ഗാദിദസ്സനകഥാവണ്ണനാ • Liṅgādidassanakathāvaṇṇanā

    ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ലിങ്ഗാദിദസ്സനകഥാവണ്ണനാ • Liṅgādidassanakathāvaṇṇanā

    ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ലിങ്ഗാദിദസ്സനകഥാദിവണ്ണനാ • Liṅgādidassanakathādivaṇṇanā

    ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧൦൧. ലിങ്ഗാദിദസ്സനകഥാ • 101. Liṅgādidassanakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact