| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
10. лид̇д̇аваг̇г̇о
10. Littavaggo
[91] 1. лид̇д̇аж̇аад̇агаван̣н̣анаа
[91] 1. Littajātakavaṇṇanā
лид̇д̇ам̣ барамзна д̇зж̇асаад̇и ид̣̇ам̣ сад̇т̇аа ж̇зд̇аванз вихаранд̇о абажжавзгкид̇абарибхог̇ам̣ аараб̣бха гат̇зси. д̇асмим̣ гира гаалз бхигкуу жийвараад̣̇ийни лабхид̇ваа язбхуяязна абажжавзгкид̇ваа барибхун̃ж̇анд̇и. д̇з жад̇д̇ааро бажжаяз абажжавзгкид̇ваа барибхун̃ж̇амаанаа язбхуяязна нираяад̇иражчаанаяонид̇о на мужжанд̇и. сад̇т̇аа д̇ам̣ гааран̣ам̣ н̃ад̇ваа бхигкуунам̣ анзгабарияааязна д̇хаммим̣ гат̇ам̣ гат̇зд̇ваа абажжавзгкид̇абарибхог̇з аад̣̇ийнавам̣ д̣̇ассзд̇ваа ‘‘бхигкавз, бхигкунаа наама жад̇д̇ааро бажжаяз лабхид̇ваа абажжавзгкид̇ваа барибхун̃ж̇ид̇ум̣ на ваддад̇и, д̇асмаа ид̇о бадтааяа жад̇д̇ааро бажжаяз бажжавзгкид̇ваа барибхун̃ж̇зяяаат̇аа’’д̇и бажжавзгканавид̇хим̣ д̣̇ассзнд̇о ‘‘ид̇ха бана, бхигкавз, бхигку бадисан̇каа яонисо жийварам̣ бадисзвад̇и сийд̇асса бадигхаад̇ааяаа’’д̇иаад̣̇инаа (ма. ни. 1.23; а. ни. 6.58) наязна д̇анд̇им̣ табзд̇ваа ‘‘бхигкавз, жад̇д̇ааро бажжаяз звам̣ бажжавзгкид̇ваа барибхун̃ж̇ид̇ум̣ ваддад̇и, абажжавзгкид̇ваа барибхог̇о наама халаахалависабарибхог̇асад̣̇исо. бораан̣агаа хи абажжавзгкид̇ваа д̣̇осам̣ аж̇аанид̇ваа висам̣ барибхун̃ж̇ид̇ваа вибааганд̇з махаад̣̇угкам̣ анубхавим̣суу’’д̇и вад̇ваа ад̇ийд̇ам̣ аахари.
Littaṃparamena tejasāti idaṃ satthā jetavane viharanto apaccavekkhitaparibhogaṃ ārabbha kathesi. Tasmiṃ kira kāle bhikkhū cīvarādīni labhitvā yebhuyyena apaccavekkhitvā paribhuñjanti. Te cattāro paccaye apaccavekkhitvā paribhuñjamānā yebhuyyena nirayatiracchānayonito na muccanti. Satthā taṃ kāraṇaṃ ñatvā bhikkhūnaṃ anekapariyāyena dhammiṃ kathaṃ kathetvā apaccavekkhitaparibhoge ādīnavaṃ dassetvā ‘‘bhikkhave, bhikkhunā nāma cattāro paccaye labhitvā apaccavekkhitvā paribhuñjituṃ na vaṭṭati, tasmā ito paṭṭhāya cattāro paccaye paccavekkhitvā paribhuñjeyyāthā’’ti paccavekkhanavidhiṃ dassento ‘‘idha pana, bhikkhave, bhikkhu paṭisaṅkhā yoniso cīvaraṃ paṭisevati sītassa paṭighātāyā’’tiādinā (ma. ni. 1.23; a. ni. 6.58) nayena tantiṃ ṭhapetvā ‘‘bhikkhave, cattāro paccaye evaṃ paccavekkhitvā paribhuñjituṃ vaṭṭati, apaccavekkhitvā paribhogo nāma halāhalavisaparibhogasadiso. Porāṇakā hi apaccavekkhitvā dosaṃ ajānitvā visaṃ paribhuñjitvā vipākante mahādukkhaṃ anubhaviṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о ан̃н̃ад̇арасмим̣ махаабхог̇агулз ниб̣б̣ад̇д̇ид̇ваа ваяаббад̇д̇о агкад̇худ̇д̇о ахоси. ат̇аабаро гуудагкад̇худ̇д̇о б̣од̇хисад̇д̇зна сад̣̇д̇хим̣ гийл̣анд̇о ад̇д̇ано ж̇аяз вад̇д̇амаанз гзл̣иман̣д̣алам̣ на бхинд̣̇ад̇и, барааж̇аяагаалз бана агкам̣ мукз багкибид̇ваа ‘‘агко надто’’д̇и гзл̣иман̣д̣алам̣ бхинд̣̇ид̇ваа баггамад̇и. б̣од̇хисад̇д̇о д̇асса д̇ам̣ гааран̣ам̣ н̃ад̇ваа ‘‘ход̇у, ж̇ааниссаамзд̇т̇а бад̇ируубагааран̣а’’нд̇и агкз аад̣̇ааяа ад̇д̇ано гхарз халаахалависзна ран̃ж̇ид̇ваа бунаббунам̣ сугкаабзд̇ваа д̇з аад̣̇ааяа д̇асса санд̇игам̣ г̇анд̇ваа ‘‘зхи, самма, агкзхи гийл̣аамаа’’д̇и ааха. со ‘‘саад̇ху, саммаа’’д̇и гзл̣иман̣д̣алам̣ саж̇ж̇зд̇ваа д̇зна сад̣̇д̇хим̣ гийл̣анд̇о ад̇д̇ано барааж̇аяагаалз згам̣ агкам̣ мукз багкиби. ат̇а нам̣ б̣од̇хисад̇д̇о д̇ат̇аа гаронд̇ам̣ д̣̇исваа ‘‘г̇илаахи д̇аава, бажчаа ид̣̇ам̣ наамзд̇анд̇и ж̇ааниссасий’’д̇и жод̣̇зд̇ум̣ имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto aññatarasmiṃ mahābhogakule nibbattitvā vayappatto akkhadhutto ahosi. Athāparo kūṭakkhadhutto bodhisattena saddhiṃ kīḷanto attano jaye vattamāne keḷimaṇḍalaṃ na bhindati, parājayakāle pana akkhaṃ mukhe pakkhipitvā ‘‘akkho naṭṭho’’ti keḷimaṇḍalaṃ bhinditvā pakkamati. Bodhisatto tassa taṃ kāraṇaṃ ñatvā ‘‘hotu, jānissāmettha patirūpakāraṇa’’nti akkhe ādāya attano ghare halāhalavisena rañjitvā punappunaṃ sukkhāpetvā te ādāya tassa santikaṃ gantvā ‘‘ehi, samma, akkhehi kīḷāmā’’ti āha. So ‘‘sādhu, sammā’’ti keḷimaṇḍalaṃ sajjetvā tena saddhiṃ kīḷanto attano parājayakāle ekaṃ akkhaṃ mukhe pakkhipi. Atha naṃ bodhisatto tathā karontaṃ disvā ‘‘gilāhi tāva, pacchā idaṃ nāmetanti jānissasī’’ti codetuṃ imaṃ gāthamāha –
91.
91.
‘‘лид̇д̇ам̣ барамзна д̇зж̇асаа, г̇иламагкам̣ бурисо на б̣уж̇жхад̇и;
‘‘Littaṃ paramena tejasā, gilamakkhaṃ puriso na bujjhati;
г̇ила рз г̇ила баабад̇худ̇д̇ага, бажчаа д̇з гадугам̣ бхависсад̇ий’’д̇и.
Gila re gila pāpadhuttaka, pacchā te kaṭukaṃ bhavissatī’’ti.
д̇ад̇т̇а лид̇д̇анд̇и магкид̇ам̣ ран̃ж̇ид̇ам̣. барамзна д̇зж̇асаад̇и уд̇д̇амад̇зж̇асамбаннзна халаахалависзна. г̇иланд̇и г̇иланд̇о. агканд̇и г̇ул̣агам̣. на б̣уж̇жхад̇ийд̇и ‘‘аяам̣ мз г̇илад̇о ид̣̇ам̣ наама гариссад̇ий’’д̇и на ж̇аанаад̇и. г̇ила рзд̇и г̇илаахи арз. г̇илаад̇и бунаби жод̣̇знд̇о вад̣̇ад̇и. бажчаа д̇з гадугам̣ бхависсад̇ийд̇и имасмим̣ д̇з агкз г̇илид̇з бажчаа зд̇ам̣ висам̣ д̇икин̣ам̣ бхависсад̇ийд̇и ад̇т̇о.
Tattha littanti makkhitaṃ rañjitaṃ. Paramena tejasāti uttamatejasampannena halāhalavisena. Gilanti gilanto. Akkhanti guḷakaṃ. Na bujjhatīti ‘‘ayaṃ me gilato idaṃ nāma karissatī’’ti na jānāti. Gila reti gilāhi are. Gilāti punapi codento vadati. Pacchā te kaṭukaṃ bhavissatīti imasmiṃ te akkhe gilite pacchā etaṃ visaṃ tikhiṇaṃ bhavissatīti attho.
со б̣од̇хисад̇д̇асса гат̇знд̇ассзва висавзг̇зна мужчид̇о агкийни баривад̇д̇зд̇ваа канд̇хам̣ наамзд̇ваа бад̇и. б̣од̇хисад̇д̇о ‘‘ид̣̇аанисса ж̇ийвид̇ад̣̇аанам̣ д̣̇аад̇ум̣ ваддад̇ий’’д̇и осад̇хабарибхаавид̇ам̣ ваманаяог̇ам̣ д̣̇ад̇ваа вамзд̇ваа саббипаан̣ид̇амад̇хусаггараад̣̇аяо каад̣̇аабзд̇ваа арог̇ам̣ гад̇ваа ‘‘буна зваруубам̣ маа агаасий’’д̇и овад̣̇ид̇ваа д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
So bodhisattassa kathentasseva visavegena mucchito akkhīni parivattetvā khandhaṃ nāmetvā pati. Bodhisatto ‘‘idānissa jīvitadānaṃ dātuṃ vaṭṭatī’’ti osadhaparibhāvitaṃ vamanayogaṃ datvā vametvā sappiphāṇitamadhusakkarādayo khādāpetvā arogaṃ katvā ‘‘puna evarūpaṃ mā akāsī’’ti ovaditvā dānādīni puññāni katvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ‘‘бхигкавз, абажжавзгкид̇абарибхог̇о наама абажжавзгкид̇ваа гад̇ависабарибхог̇асад̣̇исо ход̇ий’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа бан̣д̣ид̇ад̇худ̇д̇о ахамзва ахосим̣, гуудад̇худ̇д̇о банзд̇т̇а на гат̇ийяад̇и, яат̇аа жа зд̇т̇а, звам̣ саб̣б̣ад̇т̇а. яо бана имасмим̣ гаалз на бан̃н̃ааяад̇и, со на гат̇ийяад̇зваа’’д̇и.
Satthā imaṃ dhammadesanaṃ āharitvā ‘‘bhikkhave, apaccavekkhitaparibhogo nāma apaccavekkhitvā katavisaparibhogasadiso hotī’’ti vatvā jātakaṃ samodhānesi – ‘‘tadā paṇḍitadhutto ahameva ahosiṃ, kūṭadhutto panettha na kathīyati, yathā ca ettha, evaṃ sabbattha. Yo pana imasmiṃ kāle na paññāyati, so na kathīyatevā’’ti.
лид̇д̇аж̇аад̇агаван̣н̣анаа батамаа.
Littajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 91. лид̇д̇аж̇аад̇агам̣ • 91. Littajātakaṃ
