| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༥. པཔཱཏཝགྒོ
5. Papātavaggo
༡. ལོཀཙིནྟཱསུཏྟཝཎྞནཱ
1. Lokacintāsuttavaṇṇanā
༡༡༡༡. ལོཀཙིནྟནྟི ལོཀསནྣིཝེསཔཊིསཾཡུཏྟཝཱིམཾསཱཝ། ‘‘ལོཀཙིཏྟ’’ནྟིཔི པཱཋོ, ཏཾཏཾལོཀཔརིཡཱཔནྣཾ ཙིཏྟནྟི ཨཏྠོ། ནཱལི༹ཀེརཱདཡོཏི ཨཱདི-སདྡེན ཨཝུཏྟཱནཾ ཨོསདྷིཏིཎཝནཔྤཏིཨཱདཱིནཾ སངྒཧོ། ཨེཝརཱུཔནྟི ཨེདིསཾ ཨཉྙམྤི ཏཾཏཾལོཀཙིཏྟཾ།
1111.Lokacintanti lokasannivesapaṭisaṃyuttavīmaṃsāva. ‘‘Lokacitta’’ntipi pāṭho, taṃtaṃlokapariyāpannaṃ cittanti attho. Nāḷikerādayoti ādi-saddena avuttānaṃ osadhitiṇavanappatiādīnaṃ saṅgaho. Evarūpanti edisaṃ aññampi taṃtaṃlokacittaṃ.
ཝིགཏཙིཏྟོཏི ཨཏྟཏྠཔརཏྠཏོ ཨཔགཏཝིཏཀྐོ ཨདྡས ཨེཝཾ ཨདྷིཊྛཧིཾསཱུཏི སམྦནྡྷོ། སམྦརིམཱཡནྟི སམྦརེན ཨསུརིནྡེན ཨུཔྤཱདིཏཾ ཨསུརམཱཡཾ, ཡཾ ‘‘ཨིནྡཛཱལ’’ནྟིཔི ཝུཙྩཏི ཨིནྡསྶ མོཧནཏྠཾ ཨུཔྤཱདིཏཏྟཱ། སམྤརིཝཏྟེཏྭཱཏི པརིདྷཱཝེཏྭཱ། ཡཐཱ ནེཏི ནེ ཨསུརེ ཡཐཱ སོ པུརིསོ པསྶཏི, ཨེཝཾ ཨདྷིཊྛཧིཾསུ། ཀསྨཱ པནེཏེ ཨེཝཾ ཨདྷིཊྛཧིཾསཱུཏི? ཏཾ པུརིསཾ ཏཏྠ ཏཐཱནིསིནྣཾ དིསྭཱ ‘‘ཨཡཉྩ དེཝོ’’ཏི ཨཱསངྐནྟཱ ཏཐཱ ཨདྷིཊྛཧིཏྭཱ བྷིསམུལཱ༹ལཚིདྡེཧི པཝིསིཏྭཱ ཨཏྟནོ ཨསུརབྷཝནཾ གཏཱ། ཏེནཱཧ བྷགཝཱ – ‘‘དེཝཱནཾཡེཝ མོཧཡམཱནཱ’’ཏི།
Vigatacittoti attatthaparatthato apagatavitakko addasa evaṃ adhiṭṭhahiṃsūti sambandho. Sambarimāyanti sambarena asurindena uppāditaṃ asuramāyaṃ, yaṃ ‘‘indajāla’’ntipi vuccati indassa mohanatthaṃ uppāditattā. Samparivattetvāti paridhāvetvā. Yathā neti ne asure yathā so puriso passati, evaṃ adhiṭṭhahiṃsu. Kasmā panete evaṃ adhiṭṭhahiṃsūti? Taṃ purisaṃ tattha tathānisinnaṃ disvā ‘‘ayañca devo’’ti āsaṅkantā tathā adhiṭṭhahitvā bhisamuḷālachiddehi pavisitvā attano asurabhavanaṃ gatā. Tenāha bhagavā – ‘‘devānaṃyeva mohayamānā’’ti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡. ལོཀཙིནྟཱསུཏྟཾ • 1. Lokacintāsuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡. ལོཀཙིནྟཱསུཏྟཝཎྞནཱ • 1. Lokacintāsuttavaṇṇanā
