| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. логааяад̇игасуд̇д̇ам̣
8. Lokāyatikasuttaṃ
48. саавад̇т̇ияам̣ вихарад̇и. ат̇а ко логааяад̇иго б̣раахман̣о язна бхаг̇аваа…бз… згаманд̇ам̣ нисинно ко логааяад̇иго б̣раахман̣о бхаг̇аванд̇ам̣ зд̇ад̣̇авожа –
48. Sāvatthiyaṃ viharati. Atha kho lokāyatiko brāhmaṇo yena bhagavā…pe… ekamantaṃ nisinno kho lokāyatiko brāhmaṇo bhagavantaṃ etadavoca –
‘‘гим̣ ну ко, бхо г̇од̇ама, саб̣б̣амад̇т̇ий’’д̇и? ‘‘‘саб̣б̣амад̇т̇ий’д̇и ко, б̣раахман̣а, ж̇здтамзд̇ам̣ логааяад̇ам̣’’.
‘‘Kiṃ nu kho, bho gotama, sabbamatthī’’ti? ‘‘‘Sabbamatthī’ti kho, brāhmaṇa, jeṭṭhametaṃ lokāyataṃ’’.
‘‘гим̣ бана, бхо г̇од̇ама, саб̣б̣ам̣ над̇т̇ий’’д̇и? ‘‘‘саб̣б̣ам̣ над̇т̇ий’д̇и ко, б̣раахман̣а, д̣̇уд̇ияамзд̇ам̣ логааяад̇ам̣’’.
‘‘Kiṃ pana, bho gotama, sabbaṃ natthī’’ti? ‘‘‘Sabbaṃ natthī’ti kho, brāhmaṇa, dutiyametaṃ lokāyataṃ’’.
‘‘гим̣ ну ко, бхо г̇од̇ама, саб̣б̣амзгад̇д̇а’’нд̇и? ‘‘‘саб̣б̣амзгад̇д̇а’нд̇и ко, б̣раахман̣а, д̇ад̇ияамзд̇ам̣ логааяад̇ам̣’’.
‘‘Kiṃ nu kho, bho gotama, sabbamekatta’’nti? ‘‘‘Sabbamekatta’nti kho, brāhmaṇa, tatiyametaṃ lokāyataṃ’’.
‘‘гим̣ бана, бхо г̇од̇ама, саб̣б̣ам̣ бут̇уд̇д̇а’’нд̇и? ‘‘‘саб̣б̣ам̣ бут̇уд̇д̇а’нд̇и ко, б̣раахман̣а, жад̇уд̇т̇амзд̇ам̣ логааяад̇ам̣’’.
‘‘Kiṃ pana, bho gotama, sabbaṃ puthutta’’nti? ‘‘‘Sabbaṃ puthutta’nti kho, brāhmaṇa, catutthametaṃ lokāyataṃ’’.
‘‘зд̇з д̇з, б̣раахман̣а, убхо анд̇з анубаг̇амма маж̇жхзна д̇ат̇ааг̇ад̇о д̇хаммам̣ д̣̇зсзд̇и – ‘авиж̇ж̇аабажжаяаа сан̇каараа; сан̇каарабажжаяаа вин̃н̃аан̣ам̣…бз… звамзд̇асса гзваласса д̣̇угкагканд̇хасса самуд̣̇аяо ход̇и. авиж̇ж̇ааяа д̇взва асзсавирааг̇анирод̇хаа сан̇кааранирод̇хо; сан̇кааранирод̇хаа вин̃н̃аан̣анирод̇хо…бз… звамзд̇асса гзваласса д̣̇угкагканд̇хасса нирод̇хо ход̇ий’’’д̇и.
‘‘Ete te, brāhmaṇa, ubho ante anupagamma majjhena tathāgato dhammaṃ deseti – ‘avijjāpaccayā saṅkhārā; saṅkhārapaccayā viññāṇaṃ…pe… evametassa kevalassa dukkhakkhandhassa samudayo hoti. Avijjāya tveva asesavirāganirodhā saṅkhāranirodho; saṅkhāranirodhā viññāṇanirodho…pe… evametassa kevalassa dukkhakkhandhassa nirodho hotī’’’ti.
звам̣ вуд̇д̇з, логааяад̇иго б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама…бз… аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. адтамам̣.
Evaṃ vutte, lokāyatiko brāhmaṇo bhagavantaṃ etadavoca – ‘‘abhikkantaṃ, bho gotama…pe… ajjatagge pāṇupetaṃ saraṇaṃ gata’’nti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. логааяад̇игасуд̇д̇аван̣н̣анаа • 8. Lokāyatikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. логааяад̇игасуд̇д̇аван̣н̣анаа • 8. Lokāyatikasuttavaṇṇanā
