| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[34] 4. мажчаж̇аад̇агаван̣н̣анаа
[34] 4. Macchajātakavaṇṇanā
на мам̣ сийд̇ам̣ на мам̣ ун̣ханд̇и ид̣̇ам̣ сад̇т̇аа ж̇зд̇аванз вихаранд̇о бураан̣ад̣̇уд̇ияигаабалобханам̣ аараб̣бха гат̇зси. д̇ад̣̇аа хи сад̇т̇аа д̇ам̣ бхигкум̣ ‘‘сажжам̣ гира д̇вам̣ бхигку угган̣тид̇осий’’д̇и бужчи. ‘‘сажжам̣, бхаг̇аваа’’д̇и. ‘‘гзнааси угган̣таабид̇о’’д̇и? ‘‘бураан̣ад̣̇уд̇ияигаа мз, бханд̇з мад̇хурахад̇т̇арасаа, д̇ам̣ ж̇ахид̇ум̣ на саггомий’’д̇и. ат̇а нам̣ сад̇т̇аа ‘‘бхигку зсаа ид̇т̇ий д̇ава анад̇т̇агааригаа , буб̣б̣зби д̇вам̣ зд̇ам̣ ниссааяа маран̣ам̣ баабун̣анд̇о мам̣ ааг̇амма маран̣аа муд̇д̇о’’д̇и вад̇ваа ад̇ийд̇ам̣ аахари.
Na maṃ sītaṃ na maṃ uṇhanti idaṃ satthā jetavane viharanto purāṇadutiyikāpalobhanaṃ ārabbha kathesi. Tadā hi satthā taṃ bhikkhuṃ ‘‘saccaṃ kira tvaṃ bhikkhu ukkaṇṭhitosī’’ti pucchi. ‘‘Saccaṃ, bhagavā’’ti. ‘‘Kenāsi ukkaṇṭhāpito’’ti? ‘‘Purāṇadutiyikā me, bhante madhurahattharasā, taṃ jahituṃ na sakkomī’’ti. Atha naṃ satthā ‘‘bhikkhu esā itthī tava anatthakārikā , pubbepi tvaṃ etaṃ nissāya maraṇaṃ pāpuṇanto maṃ āgamma maraṇā mutto’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса бурохид̇о ахоси. д̇ад̣̇аа гзваддаа над̣̇ияам̣ ж̇аалам̣ кибим̣су. ат̇зго махаамажчо рад̇ивасзна ад̇д̇ано мажчияаа сад̣̇д̇хим̣ гийл̣амаано ааг̇ажчад̇и. д̇асса саа мажчий бурад̇о г̇ажчамаанаа ж̇аалаг̇анд̇хам̣ гхааяид̇ваа ж̇аалам̣ барихарамаанаа г̇ад̇аа. со бана гаамаг̇ид̣̇д̇хо лоламажчо ж̇аалагужчимзва бавидто. гзваддаа д̇асса ж̇аалам̣ бавидтабхаавам̣ н̃ад̇ваа ж̇аалам̣ угкибид̇ваа мажчам̣ г̇ахзд̇ваа амаарзд̇ваава ваалигаабидтз кибид̇ваа ‘‘имам̣ ан̇г̇аарзсу бажид̇ваа каад̣̇иссаамаа’’д̇и ан̇г̇аарз гаронд̇и, суулам̣ д̇ажчзнд̇и. мажчо ‘‘зд̇ам̣ ан̇г̇аарад̇аабанам̣ ваа суулавиж̇жханам̣ ваа ан̃н̃ам̣ ваа бана д̣̇угкам̣ на мам̣ гиламзд̇и, яам̣ банзсаа мажчий ‘ан̃н̃ам̣ со нууна рад̇ияаа г̇ад̇о’д̇и маяи д̣̇оманассам̣ аабаж̇ж̇ад̇и, д̇амзва мам̣ б̣аад̇хад̇ий’’д̇и барид̣̇звамаано имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto tassa purohito ahosi. Tadā kevaṭṭā nadiyaṃ jālaṃ khipiṃsu. Atheko mahāmaccho rativasena attano macchiyā saddhiṃ kīḷamāno āgacchati. Tassa sā macchī purato gacchamānā jālagandhaṃ ghāyitvā jālaṃ pariharamānā gatā. So pana kāmagiddho lolamaccho jālakucchimeva paviṭṭho. Kevaṭṭā tassa jālaṃ paviṭṭhabhāvaṃ ñatvā jālaṃ ukkhipitvā macchaṃ gahetvā amāretvāva vālikāpiṭṭhe khipitvā ‘‘imaṃ aṅgāresu pacitvā khādissāmā’’ti aṅgāre karonti, sūlaṃ tacchenti. Maccho ‘‘etaṃ aṅgāratāpanaṃ vā sūlavijjhanaṃ vā aññaṃ vā pana dukkhaṃ na maṃ kilameti, yaṃ panesā macchī ‘aññaṃ so nūna ratiyā gato’ti mayi domanassaṃ āpajjati, tameva maṃ bādhatī’’ti paridevamāno imaṃ gāthamāha –
34.
34.
‘‘на мам̣ сийд̇ам̣ на мам̣ ун̣хам̣, на мам̣ ж̇ааласми б̣аад̇ханам̣;
‘‘Na maṃ sītaṃ na maṃ uṇhaṃ, na maṃ jālasmi bādhanaṃ;
яан̃жа мам̣ ман̃н̃ад̇з мажчий, ан̃н̃ам̣ со рад̇ияаа г̇ад̇о’’д̇и.
Yañca maṃ maññate macchī, aññaṃ so ratiyā gato’’ti.
д̇ад̇т̇а на мам̣ сийд̇ам̣ на мам̣ ун̣ханд̇и мажчаанам̣ уд̣̇агаа нийхадагаалз сийд̇ам̣ ход̇и, д̇асмим̣ виг̇ад̇з ун̣хам̣ ход̇и, д̇ад̣̇убхаяамби санд̇хааяа ‘‘на мам̣ сийд̇ам̣ на мам̣ ун̣хам̣ б̣аад̇хад̇ий’’д̇и барид̣̇звад̇и. яамби ан̇г̇аарзсу бажжанамуулагам̣ д̣̇угкам̣ бхависсад̇и, д̇амби санд̇хааяа ‘‘на мам̣ ун̣ха’’нд̇и барид̣̇звад̇зва. на мам̣ ж̇ааласми б̣аад̇хананд̇и яамби мз ж̇ааласмим̣ б̣аад̇ханам̣ ахоси, д̇амби мам̣ на б̣аад̇хзд̇ийд̇и барид̣̇звад̇и. ‘‘яан̃жа ма’’нд̇иаад̣̇ийсу аяам̣ бин̣д̣ад̇т̇о – саа мажчий мама ж̇аалз бад̇ид̇асса имзхи гзваддзхи г̇ахид̇абхаавам̣ аж̇аананд̇ий мам̣ абассамаанаа ‘‘со мажчо ид̣̇аани ан̃н̃ам̣ мажчим̣ гаамарад̇ияаа г̇ад̇о бхависсад̇ий’’д̇и жинд̇зд̇и, д̇ам̣ д̇ассаа д̣̇оманассаббад̇д̇ааяа жинд̇анам̣ мам̣ б̣аад̇хад̇ийд̇и ваалигаабидтз нибанно барид̣̇звад̇и.
Tattha na maṃ sītaṃ na maṃ uṇhanti macchānaṃ udakā nīhaṭakāle sītaṃ hoti, tasmiṃ vigate uṇhaṃ hoti, tadubhayampi sandhāya ‘‘na maṃ sītaṃ na maṃ uṇhaṃ bādhatī’’ti paridevati. Yampi aṅgāresu paccanamūlakaṃ dukkhaṃ bhavissati, tampi sandhāya ‘‘na maṃ uṇha’’nti paridevateva. Na maṃ jālasmi bādhananti yampi me jālasmiṃ bādhanaṃ ahosi, tampi maṃ na bādhetīti paridevati. ‘‘Yañca ma’’ntiādīsu ayaṃ piṇḍattho – sā macchī mama jāle patitassa imehi kevaṭṭehi gahitabhāvaṃ ajānantī maṃ apassamānā ‘‘so maccho idāni aññaṃ macchiṃ kāmaratiyā gato bhavissatī’’ti cinteti, taṃ tassā domanassappattāya cintanaṃ maṃ bādhatīti vālikāpiṭṭhe nipanno paridevati.
д̇асмим̣ самаяз бурохид̇о д̣̇аасабаривуд̇о нхаанад̇т̇ааяа над̣̇ийд̇ийрам̣ ааг̇ад̇о. со бана саб̣б̣аруд̇ан̃н̃уу ход̇и. д̇знасса мажчабарид̣̇званам̣ суд̇ваа зд̇ад̣̇ахоси ‘‘аяам̣ мажчо гилзсавасзна барид̣̇звад̇и, звам̣ аад̇уражид̇д̇о ко банзса мийяамаано нираязязва ниб̣б̣ад̇д̇иссад̇и, ахамасса авассаяо бхависсаамий’’д̇и гзваддаанам̣ санд̇игам̣ г̇анд̇ваа ‘‘амбхо д̇умхз амхаагам̣ згад̣̇ивасамби б̣яан̃ж̇анад̇т̇ааяа мажчам̣ на д̣̇зт̇аа’’д̇и ааха. гзваддаа ‘‘гим̣ вад̣̇зт̇а, саами, д̇умхаагам̣ ружжанагамажчам̣ г̇ан̣хид̇ваа г̇ажчат̇аа’’д̇и аахам̣су. ‘‘амхаагам̣ ан̃н̃зна гаммам̣ над̇т̇и, иман̃н̃зва д̣̇зт̇аа’’д̇и. ‘‘г̇ан̣хат̇а саамий’’д̇и. б̣од̇хисад̇д̇о д̇ам̣ убхохи хад̇т̇зхи г̇ахзд̇ваа над̣̇ийд̇ийрз нисийд̣̇ид̇ваа ‘‘амбхо мажча, сажз д̇аахам̣ аж̇ж̇а на бассзяяам̣, ж̇ийвид̇агкаяам̣ баабун̣зяяааси, ид̣̇аани ид̇о бадтааяа маа гилзсавасиго ахосий’’д̇и овад̣̇ид̇ваа уд̣̇агз виссаж̇ж̇зд̇ваа нхад̇ваа наг̇арам̣ баависи.
Tasmiṃ samaye purohito dāsaparivuto nhānatthāya nadītīraṃ āgato. So pana sabbarutaññū hoti. Tenassa macchaparidevanaṃ sutvā etadahosi ‘‘ayaṃ maccho kilesavasena paridevati, evaṃ āturacitto kho panesa mīyamāno nirayeyeva nibbattissati, ahamassa avassayo bhavissāmī’’ti kevaṭṭānaṃ santikaṃ gantvā ‘‘ambho tumhe amhākaṃ ekadivasampi byañjanatthāya macchaṃ na dethā’’ti āha. Kevaṭṭā ‘‘kiṃ vadetha, sāmi, tumhākaṃ ruccanakamacchaṃ gaṇhitvā gacchathā’’ti āhaṃsu. ‘‘Amhākaṃ aññena kammaṃ natthi, imaññeva dethā’’ti. ‘‘Gaṇhatha sāmī’’ti. Bodhisatto taṃ ubhohi hatthehi gahetvā nadītīre nisīditvā ‘‘ambho maccha, sace tāhaṃ ajja na passeyyaṃ, jīvitakkhayaṃ pāpuṇeyyāsi, idāni ito paṭṭhāya mā kilesavasiko ahosī’’ti ovaditvā udake vissajjetvā nhatvā nagaraṃ pāvisi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзси, сажжабарияосаанз угган̣тид̇абхигку сод̇аабад̇д̇ипалз бад̇идтааси. сад̇т̇ааби анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа мажчий бураан̣ад̣̇уд̇ияигаа ахоси, мажчо угган̣тид̇абхигку бурохид̇о бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsesi, saccapariyosāne ukkaṇṭhitabhikkhu sotāpattiphale patiṭṭhāsi. Satthāpi anusandhiṃ ghaṭetvā jātakaṃ samodhānesi – ‘‘tadā macchī purāṇadutiyikā ahosi, maccho ukkaṇṭhitabhikkhu purohito pana ahameva ahosi’’nti.
мажчаж̇аад̇агаван̣н̣анаа жад̇уд̇т̇аа.
Macchajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 34. мажчаж̇аад̇агам̣ • 34. Macchajātakaṃ
