| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[216] 6. мажчаж̇аад̇агаван̣н̣анаа
[216] 6. Macchajātakavaṇṇanā
на мааяамаг̇г̇и д̇абад̇ийд̇и ид̣̇ам̣ сад̇т̇аа ж̇зд̇аванз вихаранд̇о бураан̣ад̣̇уд̇ияигаабалобханам̣ аараб̣бха гат̇зси. д̇ан̃хи бхигкум̣ сад̇т̇аа ‘‘сажжам̣ гира д̇вам̣, бхигку, угган̣тид̇осий’’д̇и бужчи. ‘‘сажжам̣, бханд̇з’’д̇и вуд̇д̇з ‘‘гзна угган̣таабид̇осий’’д̇и будто ‘‘бураан̣ад̣̇уд̇ияигааяаа’’д̇и ааха. ат̇а нам̣ сад̇т̇аа ‘‘аяам̣ д̇з бхигку ид̇т̇ий анад̇т̇агааригаа, буб̣б̣зби д̇вам̣ зд̇ам̣ ниссааяа суулзна виж̇жхид̇ваа ан̇г̇аарзсу бажид̇ваа каад̣̇ид̇аб̣б̣ад̇ам̣ бад̇д̇о бан̣д̣ид̇з ниссааяа ж̇ийвид̇ам̣ алад̇т̇аа’’д̇и вад̇ваа ад̇ийд̇ам̣ аахари.
Na māyamaggi tapatīti idaṃ satthā jetavane viharanto purāṇadutiyikāpalobhanaṃ ārabbha kathesi. Tañhi bhikkhuṃ satthā ‘‘saccaṃ kira tvaṃ, bhikkhu, ukkaṇṭhitosī’’ti pucchi. ‘‘Saccaṃ, bhante’’ti vutte ‘‘kena ukkaṇṭhāpitosī’’ti puṭṭho ‘‘purāṇadutiyikāyā’’ti āha. Atha naṃ satthā ‘‘ayaṃ te bhikkhu itthī anatthakārikā, pubbepi tvaṃ etaṃ nissāya sūlena vijjhitvā aṅgāresu pacitvā khāditabbataṃ patto paṇḍite nissāya jīvitaṃ alatthā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса бурохид̇о ахоси. ат̇згад̣̇ивасам̣ гзваддаа ж̇аалз лаг̇г̇ам̣ мажчам̣ уд̣̇д̇харид̇ваа ун̣хаваалугаабидтз табзд̇ваа ‘‘ан̇г̇аарзсу нам̣ бажид̇ваа каад̣̇иссаамаа’’д̇и суулам̣ д̇ажчим̣су. мажчо мажчим̣ аараб̣бха барид̣̇звамаано имаа г̇аат̇аа авожа –
Atīte bārāṇasiyaṃ brahmadatte rajjaṃ kārente bodhisatto tassa purohito ahosi. Athekadivasaṃ kevaṭṭā jāle laggaṃ macchaṃ uddharitvā uṇhavālukāpiṭṭhe ṭhapetvā ‘‘aṅgāresu naṃ pacitvā khādissāmā’’ti sūlaṃ tacchiṃsu. Maccho macchiṃ ārabbha paridevamāno imā gāthā avoca –
131.
131.
‘‘на мааяамаг̇г̇и д̇абад̇и, на сууло саад̇худ̇ажчид̇о;
‘‘Na māyamaggi tapati, na sūlo sādhutacchito;
яан̃жа мам̣ ман̃н̃ад̇з мажчий, ан̃н̃ам̣ со рад̇ияаа г̇ад̇о.
Yañca maṃ maññate macchī, aññaṃ so ratiyā gato.
132.
132.
‘‘со мам̣ д̣̇ахад̇и рааг̇аг̇г̇и, жид̇д̇ам̣ жуубад̇абзд̇и мам̣;
‘‘So maṃ dahati rāgaggi, cittaṃ cūpatapeti maṃ;
ж̇аалино мун̃жат̇ааяираа мам̣, на гаамз хан̃н̃ад̇з гважий’’д̇и.
Jālino muñcathāyirā maṃ, na kāme haññate kvacī’’ti.
д̇ад̇т̇а на мааяамаг̇г̇и д̇абад̇ийд̇и на мам̣ аяам̣ аг̇г̇и д̇абад̇и, на д̇аабам̣ ж̇анзд̇и, на сожаяад̇ийд̇и ад̇т̇о. на суулод̇и аяам̣ суулоби саад̇худ̇ажчид̇о мам̣ на д̇абад̇и, на мз согам̣ уббаад̣̇зд̇и. яан̃жа мам̣ ман̃н̃ад̇зд̇и яам̣ бана мам̣ мажчий звам̣ ман̃н̃ад̇и ‘‘ан̃н̃ам̣ мажчим̣ со бан̃жагаамаг̇ун̣арад̇ияаа г̇ад̇о’’д̇и, д̇ад̣̇зва мам̣ д̇абад̇и сожаяад̇и. со мам̣ д̣̇ахад̇ийд̇и яо банзса рааг̇аг̇г̇и, со мам̣ д̣̇ахад̇и жхаабзд̇и. жид̇д̇ам̣ жуубад̇абзд̇и манд̇и рааг̇асамбаяуд̇д̇агам̣ мама жид̇д̇амзва жа мам̣ убад̇аабзд̇и гиламзд̇и вихзтзд̇и. ж̇аалинод̇и гзваддз аалабад̇и. д̇з хи ж̇ааласса ад̇т̇ид̇ааяа ‘‘ж̇аалино’’д̇и вужжанд̇и. мун̃жат̇ааяираа манд̇и мун̃жат̇а мам̣ сааминод̇и яаажад̇и. на гаамз хан̃н̃ад̇з гважийд̇и гаамз бад̇идтид̇о гаамзна нийяамаано сад̇д̇о на гважи хан̃н̃ад̇и. на хи д̇ам̣ д̇умхаад̣̇исаа ханид̇ум̣ анужчавигаад̇и барид̣̇звад̇и. ат̇а ваа гаамзд̇и хзд̇уважанз бхуммам̣, гаамахзд̇у мажчим̣ ануб̣анд̇хамаано наама на гважи д̇умхаад̣̇исзхи хан̃н̃ад̇ийд̇и барид̣̇звад̇и. д̇асмим̣ кан̣з б̣од̇хисад̇д̇о над̣̇ийд̇ийрам̣ г̇ад̇о д̇асса мажчасса барид̣̇звид̇асад̣̇д̣̇ам̣ суд̇ваа гзваддз убасан̇гамид̇ваа д̇ам̣ мажчам̣ можзси.
Tattha na māyamaggi tapatīti na maṃ ayaṃ aggi tapati, na tāpaṃ janeti, na socayatīti attho. Na sūloti ayaṃ sūlopi sādhutacchito maṃ na tapati, na me sokaṃ uppādeti. Yañca maṃ maññateti yaṃ pana maṃ macchī evaṃ maññati ‘‘aññaṃ macchiṃ so pañcakāmaguṇaratiyā gato’’ti, tadeva maṃ tapati socayati. So maṃ dahatīti yo panesa rāgaggi, so maṃ dahati jhāpeti. Cittaṃ cūpatapeti manti rāgasampayuttakaṃ mama cittameva ca maṃ upatāpeti kilameti viheṭheti. Jālinoti kevaṭṭe ālapati. Te hi jālassa atthitāya ‘‘jālino’’ti vuccanti. Muñcathāyirā manti muñcatha maṃ sāminoti yācati. Na kāme haññate kvacīti kāme patiṭṭhito kāmena nīyamāno satto na kvaci haññati. Na hi taṃ tumhādisā hanituṃ anucchavikāti paridevati. Atha vā kāmeti hetuvacane bhummaṃ, kāmahetu macchiṃ anubandhamāno nāma na kvaci tumhādisehi haññatīti paridevati. Tasmiṃ khaṇe bodhisatto nadītīraṃ gato tassa macchassa paridevitasaddaṃ sutvā kevaṭṭe upasaṅkamitvā taṃ macchaṃ mocesi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи . ‘‘д̇ад̣̇аа мажчий бураан̣ад̣̇уд̇ияигаа ахоси, мажчо угган̣тид̇абхигку, бурохид̇о бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi . ‘‘Tadā macchī purāṇadutiyikā ahosi, maccho ukkaṇṭhitabhikkhu, purohito pana ahameva ahosi’’nti.
мажчаж̇аад̇агаван̣н̣анаа чадтаа.
Macchajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 216. мажчаж̇аад̇агам̣ • 216. Macchajātakaṃ
