Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
10. мажчарааж̇ажарияааван̣н̣анаа
10. Maccharājacariyāvaṇṇanā
83. д̣̇асамз яад̣̇аа хоми, мажчарааж̇аа махаасарзд̇и ад̇ийд̇з мажчаяонияам̣ ниб̣б̣ад̇д̇ид̇ваа госаларадтз саавад̇т̇ияам̣ ж̇зд̇аванз богкаран̣идтаанз валлиг̇аханабаригкид̇д̇з згасмим̣ махаасарз мажчаанам̣ жад̇уухи сан̇г̇ахавад̇т̇уухи ран̃ж̇анад̇о яад̣̇аа ахам̣ рааж̇аа хоми, мажчаг̇ан̣абаривуд̇о д̇ад̇т̇а бадивасаами д̇ад̣̇аа. ун̣хзд̇и ун̣хагаалз г̇имхасамаяз. суурияасанд̇аабзд̇и аад̣̇ижжасанд̇аабзна. сарз уд̣̇ага кийяат̇аад̇и д̇асмим̣ сарз уд̣̇агам̣ кийяид̇т̇а чиж̇ж̇ид̇т̇а. д̇асмин̃хи радтз д̇ад̣̇аа д̣̇зво на васси, сассаани милааяим̣су, ваабиаад̣̇ийсу уд̣̇агам̣ баригкаяам̣ барияаад̣̇аанам̣ аг̇амааси, мажчагажчабаа галалаг̇аханам̣ бависим̣су. д̇асмимби сарз мажчаа гад̣̇д̣̇амаг̇аханам̣ бависид̇ваа д̇асмим̣ д̇асмим̣ таанз нилийяим̣су.
83. Dasame yadā homi, maccharājā mahāsareti atīte macchayoniyaṃ nibbattitvā kosalaraṭṭhe sāvatthiyaṃ jetavane pokkharaṇiṭṭhāne valligahanaparikkhitte ekasmiṃ mahāsare macchānaṃ catūhi saṅgahavatthūhi rañjanato yadā ahaṃ rājā homi, macchagaṇaparivuto tattha paṭivasāmi tadā. Uṇheti uṇhakāle gimhasamaye. Sūriyasantāpeti ādiccasantāpena. Sare udaka khīyathāti tasmiṃ sare udakaṃ khīyittha chijjittha. Tasmiñhi raṭṭhe tadā devo na vassi, sassāni milāyiṃsu, vāpiādīsu udakaṃ parikkhayaṃ pariyādānaṃ agamāsi, macchakacchapā kalalagahanaṃ pavisiṃsu. Tasmimpi sare macchā kaddamagahanaṃ pavisitvā tasmiṃ tasmiṃ ṭhāne nilīyiṃsu.
84. д̇ад̇од̇и д̇ад̇о уд̣̇агабаригкаяад̇о абарабхааг̇з. гулаласзнагаад̇и гулалаажзва сзнаа жа. бхагкаяанд̇и д̣̇иваарад̇д̇им̣, мажчз убанисийд̣̇ияаад̇и д̇ад̇т̇а д̇ад̇т̇а галалабидтз убанисийд̣̇ид̇ваа галалаг̇аханам̣ бависид̇ваа нибаннз мажчз гаагаа ваа ид̇арз ваа д̣̇иваа жзва рад̇д̇ин̃жа ган̣аяаг̇г̇асад̣̇исзхи д̇ун̣д̣зхи годдзд̇ваа годдзд̇ваа нийхарид̇ваа вибпанд̣̇амаанз бхагкаяанд̇и.
84.Tatoti tato udakaparikkhayato aparabhāge. Kulalasenakāti kulalāceva senā ca. Bhakkhayanti divārattiṃ, macche upanisīdiyāti tattha tattha kalalapiṭṭhe upanisīditvā kalalagahanaṃ pavisitvā nipanne macche kākā vā itare vā divā ceva rattiñca kaṇayaggasadisehi tuṇḍehi koṭṭetvā koṭṭetvā nīharitvā vipphandamāne bhakkhayanti.
85. ат̇а махаасад̇д̇о мажчаанам̣ д̇ам̣ б̣яасанам̣ д̣̇исваа махаагарун̣ааяа самуссаахид̇ахад̣̇аяо ‘‘табзд̇ваа мам̣ имз мама н̃аад̇агз имасмаа д̣̇угкаа можзд̇ум̣ самад̇т̇о наама ан̃н̃о над̇т̇и, гзна ну ко ахам̣ убааязна д̇з ид̇о д̣̇угкад̇о можзяяа’’нд̇и жинд̇знд̇о ‘‘яам̣нуунаахам̣ буб̣б̣агзхи махзсийхи аажин̣н̣асамаажин̣н̣ам̣ маяи жа сам̣виж̇ж̇амаанам̣ сажжад̇хаммам̣ ниссааяа сажжагирияам̣ гад̇ваа д̣̇звам̣ вассаабзд̇ваа мама н̃аад̇исан̇гхасса ж̇ийвид̇ад̣̇аанам̣ д̣̇ад̣̇зяяам̣, д̇зна жа сагалассааби аахааруубаж̇ийвино сад̇д̇алогасса махааубагааро самбаад̣̇ид̇о маяаа’’д̇и нижчаяам̣ гад̇ваа д̣̇звам̣ вассаабзд̇ум̣ сажжагирияам̣ агааси. д̇зна вуд̇д̇ам̣ ‘‘звам̣ жинд̇зсаха’’нд̇иаад̣̇и.
85. Atha mahāsatto macchānaṃ taṃ byasanaṃ disvā mahākaruṇāya samussāhitahadayo ‘‘ṭhapetvā maṃ ime mama ñātake imasmā dukkhā mocetuṃ samattho nāma añño natthi, kena nu kho ahaṃ upāyena te ito dukkhato moceyya’’nti cintento ‘‘yaṃnūnāhaṃ pubbakehi mahesīhi āciṇṇasamāciṇṇaṃ mayi ca saṃvijjamānaṃ saccadhammaṃ nissāya saccakiriyaṃ katvā devaṃ vassāpetvā mama ñātisaṅghassa jīvitadānaṃ dadeyyaṃ, tena ca sakalassāpi āhārūpajīvino sattalokassa mahāupakāro sampādito mayā’’ti nicchayaṃ katvā devaṃ vassāpetuṃ saccakiriyaṃ akāsi. Tena vuttaṃ ‘‘evaṃ cintesaha’’ntiādi.
д̇ад̇т̇а саха н̃аад̇ийхи бийл̣ид̇од̇и маяхам̣ н̃аад̇ийхи сад̣̇д̇хим̣ д̇зна уд̣̇агабаригкаязна бийл̣ид̇о. сахаад̇и ваа нибаад̇амад̇д̇ам̣. махаагаарун̣игад̇ааяа д̇зна б̣яасанзна д̣̇угкид̇зхи н̃аад̇ийхи гааран̣абхууд̇зхи бийл̣ид̇о, н̃аад̇исан̇гхад̣̇угкад̣̇угкид̇од̇и ад̇т̇о.
Tattha saha ñātīhi pīḷitoti mayhaṃ ñātīhi saddhiṃ tena udakaparikkhayena pīḷito. Sahāti vā nipātamattaṃ. Mahākāruṇikatāya tena byasanena dukkhitehi ñātīhi kāraṇabhūtehi pīḷito, ñātisaṅghadukkhadukkhitoti attho.
86. д̇хаммад̇т̇анд̇и д̇хаммабхууд̇ам̣ ад̇т̇ам̣, д̇хаммад̇о ваа анабзд̇ам̣ ад̇т̇ам̣. гим̣ д̇ам̣? сажжам̣. ад̣̇д̣̇асабассаяанд̇и маяхам̣ н̃аад̇ийнан̃жа абассаяам̣ ад̣̇д̣̇асам̣. ад̇игкаяанд̇и махаавинаасам̣.
86.Dhammatthanti dhammabhūtaṃ atthaṃ, dhammato vā anapetaṃ atthaṃ. Kiṃ taṃ? Saccaṃ. Addasapassayanti mayhaṃ ñātīnañca apassayaṃ addasaṃ. Atikkhayanti mahāvināsaṃ.
87. сад̣̇д̇хамманд̇и сад̇ам̣ саад̇хуунам̣ б̣уд̣̇д̇хаад̣̇ийнам̣ згассааби баан̣ино ахим̣санасан̇каад̇ам̣ д̇хаммам̣. ануссарид̇ваа. барамад̇т̇ам̣ вижинд̇аяанд̇и д̇ам̣ ко бана барамад̇т̇ам̣ сажжам̣ авибарийд̇асабхаавам̣ гад̇ваа жинд̇аяанд̇о. яам̣ логз д̇хувасассад̇анд̇и яад̣̇зд̇ам̣ б̣уд̣̇д̇хабажжзгаб̣уд̣̇д̇хасаавагаанам̣ згассааби баан̣ино ахим̣санам̣, д̇ам̣ саб̣б̣агаалам̣ д̇ат̇абхаавзна д̇хувам̣ сассад̇ам̣ вижинд̇аяам̣ сажжагирияам̣ агаасинд̇и самб̣анд̇хо.
87.Saddhammanti sataṃ sādhūnaṃ buddhādīnaṃ ekassāpi pāṇino ahiṃsanasaṅkhātaṃ dhammaṃ. Anussaritvā. Paramatthaṃ vicintayanti taṃ kho pana paramatthaṃ saccaṃ aviparītasabhāvaṃ katvā cintayanto. Yaṃ loke dhuvasassatanti yadetaṃ buddhapaccekabuddhasāvakānaṃ ekassāpi pāṇino ahiṃsanaṃ, taṃ sabbakālaṃ tathabhāvena dhuvaṃ sassataṃ vicintayaṃ saccakiriyaṃ akāsinti sambandho.
88. ид̣̇аани д̇ам̣ д̇хаммам̣ махаасад̇д̇о ад̇д̇ани виж̇ж̇амаанам̣ г̇ахзд̇ваа сажжаважанам̣ баяож̇зд̇угаамо гаалаван̣н̣ам̣ гад̣̇д̣̇амам̣ д̣̇вид̇хаа вияуухид̇ваа ан̃ж̇анаругкасаарагхадигаван̣н̣амахаасарийро суд̇ход̇алохид̇агаман̣исад̣̇исаани агкийни уммийлзд̇ваа аагаасам̣ уллогзнд̇о ‘‘яад̇о сараами ад̇д̇аана’’нд̇и г̇аат̇амааха.
88. Idāni taṃ dhammaṃ mahāsatto attani vijjamānaṃ gahetvā saccavacanaṃ payojetukāmo kālavaṇṇaṃ kaddamaṃ dvidhā viyūhitvā añjanarukkhasāraghaṭikavaṇṇamahāsarīro sudhotalohitakamaṇisadisāni akkhīni ummīletvā ākāsaṃ ullokento ‘‘yato sarāmi attāna’’nti gāthamāha.
д̇ад̇т̇а яад̇о сараами ад̇д̇аананд̇и яад̇о бадтааяа ахам̣ ад̇д̇абхаавасан̇каад̇ам̣ ад̇д̇аанам̣ сараами ануссараами. яад̇о бад̇д̇осми вин̃н̃уд̇анд̇и яад̇о бадтааяа д̇аасу д̇аасу ид̇игад̇д̇аб̣б̣ад̇аасу вин̃н̃уд̇ам̣ виж̇аананабхаавам̣ бад̇д̇осми, уд̣̇д̇хам̣ аароханавасзна ид̇о яаава маяхам̣ гааяаважийгаммаанам̣ ануссаран̣асамад̇т̇ад̇аа вин̃н̃уд̇аббад̇д̇и зва, зд̇т̇анд̇арз самаанаж̇аад̇игаанам̣ каад̣̇анадтаанз ниб̣б̣ад̇д̇оби д̇ан̣д̣улаган̣аббамаан̣амби мажчам̣ маяаа на каад̣̇ид̇абуб̣б̣ам̣, ан̃н̃амби ган̃жи баан̣ам̣ сан̃жижжа хим̣сид̇ам̣ б̣аад̇хид̇ам̣ наабхиж̇аанаами, баг̇зва ж̇ийвид̇аа воробид̇ам̣.
Tattha yato sarāmi attānanti yato paṭṭhāya ahaṃ attabhāvasaṅkhātaṃ attānaṃ sarāmi anussarāmi. Yato pattosmi viññutanti yato paṭṭhāya tāsu tāsu itikattabbatāsu viññutaṃ vijānanabhāvaṃ pattosmi, uddhaṃ ārohanavasena ito yāva mayhaṃ kāyavacīkammānaṃ anussaraṇasamatthatā viññutappatti eva, etthantare samānajātikānaṃ khādanaṭṭhāne nibbattopi taṇḍulakaṇappamāṇampi macchaṃ mayā na khāditapubbaṃ, aññampi kañci pāṇaṃ sañcicca hiṃsitaṃ bādhitaṃ nābhijānāmi, pageva jīvitā voropitaṃ.
89. зд̇зна сажжаваж̇ж̇знаад̇и ‘‘яад̣̇зд̇ам̣ маяаа гассажи баан̣асса ахим̣санам̣ вуд̇д̇ам̣, сажз зд̇ам̣ сажжам̣ д̇ат̇ам̣ авибарийд̇ам̣, зд̇зна сажжаважанзна баж̇ж̇унно мзгхо абхивассад̇у, н̃аад̇исан̇гхам̣ мз д̣̇угкаа баможзд̇уу’’д̇и вад̇ваа буна ад̇д̇ано барижааригажздагам̣ аан̣аабзнд̇о вияа баж̇ж̇уннам̣ д̣̇зварааж̇аанам̣ аалабанд̇о ‘‘абхид̇т̇анаяаа’’д̇и г̇аат̇амааха.
89.Etena saccavajjenāti ‘‘yadetaṃ mayā kassaci pāṇassa ahiṃsanaṃ vuttaṃ, sace etaṃ saccaṃ tathaṃ aviparītaṃ, etena saccavacanena pajjunno megho abhivassatu, ñātisaṅghaṃ me dukkhā pamocetū’’ti vatvā puna attano paricārikaceṭakaṃ āṇāpento viya pajjunnaṃ devarājānaṃ ālapanto ‘‘abhitthanayā’’ti gāthamāha.
д̇ад̇т̇а абхид̇т̇анаяа баж̇ж̇уннаад̇и баж̇ж̇унно вужжад̇и мзгхо, аяам̣ бана мзгхавасзна лад̣̇д̇ханаамам̣ вассавалаахагад̣̇зварааж̇аанам̣ аалабад̇и. аяам̣ хисса ад̇хиббааяо – д̣̇зво наама анабхид̇т̇анаяанд̇о виж̇ж̇улад̇аа анижчаарзнд̇о бавассанд̇оби на собхад̇и, д̇асмаа д̇вам̣ абхид̇т̇анаяанд̇о виж̇ж̇улад̇аа нижчаарзнд̇о вассаабзхийд̇и. нид̇хим̣ гаагасса наасаяаад̇и гаагаа галалам̣ бависид̇ваа тид̇з мажчз д̇ун̣д̣зна годдзд̇ваа нийхарид̇ваа каад̣̇анд̇и , д̇асмаа д̇зсам̣ анд̇огалалз мажчаа ‘‘нид̇хий’’д̇и вужжанд̇и. д̇ам̣ гаагасан̇гхасса нид̇хим̣ д̣̇звам̣ вассаабзнд̇о уд̣̇агзна бадижчаад̣̇зд̇ваа наасзхи. гаагам̣ согааяа ранд̇хзхийд̇и гаагасан̇гхо имасмим̣ махаасарз уд̣̇агзна бун̣н̣з мажчз алабхамаано сожиссад̇и, д̇ам̣ гаагаг̇ан̣ам̣ д̇вам̣ имам̣ гад̣̇д̣̇амам̣ буурзнд̇о согааяа ранд̇хзхи, согассад̇т̇ааяа бана вассаабаяат̇а, яат̇аа анд̇ониж̇жхааналагкан̣ам̣ согам̣ баабун̣аад̇и, звам̣ гарохийд̇и ад̇т̇о. мажчз согаа баможаяаад̇и мама н̃аад̇агз саб̣б̣зва мажчз имамхаа маран̣асогаа баможзхи. ‘‘ман̃жа согаа баможаяаа’’д̇и (ж̇аа. 1.1.75) ж̇аад̇агз батанд̇и. д̇ад̇т̇а жа-гааро самбин̣д̣анад̇т̇о, ман̃жа мама н̃аад̇агз жаад̇и саб̣б̣зва маран̣асогаа баможзхи (ж̇аа. адта. 1.1.75). мажчаанан̃хи ануд̣̇агабхаавзна бажжад̇т̇игаанам̣ гхаасабхаавам̣ г̇ажчаамаад̇и махаамаран̣асого, махаасад̇д̇асса бана д̇зсам̣ анаяаб̣яасанам̣ бадижжа гарун̣ааяад̇о гарун̣аабад̇ируубамукзна согасамбхаво взд̣̇ид̇аб̣б̣о.
Tattha abhitthanaya pajjunnāti pajjunno vuccati megho, ayaṃ pana meghavasena laddhanāmaṃ vassavalāhakadevarājānaṃ ālapati. Ayaṃ hissa adhippāyo – devo nāma anabhitthanayanto vijjulatā anicchārento pavassantopi na sobhati, tasmā tvaṃ abhitthanayanto vijjulatā nicchārento vassāpehīti. Nidhiṃ kākassa nāsayāti kākā kalalaṃ pavisitvā ṭhite macche tuṇḍena koṭṭetvā nīharitvā khādanti , tasmā tesaṃ antokalale macchā ‘‘nidhī’’ti vuccanti. Taṃ kākasaṅghassa nidhiṃ devaṃ vassāpento udakena paṭicchādetvā nāsehi. Kākaṃ sokāya randhehīti kākasaṅgho imasmiṃ mahāsare udakena puṇṇe macche alabhamāno socissati, taṃ kākagaṇaṃ tvaṃ imaṃ kaddamaṃ pūrento sokāya randhehi, sokassatthāya pana vassāpayatha, yathā antonijjhānalakkhaṇaṃ sokaṃ pāpuṇāti, evaṃ karohīti attho. Macche sokā pamocayāti mama ñātake sabbeva macche imamhā maraṇasokā pamocehi. ‘‘Mañca sokā pamocayā’’ti (jā. 1.1.75) jātake paṭhanti. Tattha ca-kāro sampiṇḍanattho, mañca mama ñātake cāti sabbeva maraṇasokā pamocehi (jā. aṭṭha. 1.1.75). Macchānañhi anudakabhāvena paccatthikānaṃ ghāsabhāvaṃ gacchāmāti mahāmaraṇasoko, mahāsattassa pana tesaṃ anayabyasanaṃ paṭicca karuṇāyato karuṇāpatirūpamukhena sokasambhavo veditabbo.
звам̣ б̣од̇хисад̇д̇о ад̇д̇ано барижааригажздагам̣ аан̣аабзнд̇о вияа баж̇ж̇уннам̣ аалабид̇ваа сагалз госаларадтз махаавассам̣ вассаабзси. махаасад̇д̇асса хи сийлад̇зж̇зна сажжагирияааяа самагааламзва саггасса бан̣д̣угамб̣аласилаасанам̣ ун̣хаагаарам̣ д̣̇ассзси. со ‘‘гим̣ ну ко’’д̇и ааваж̇ж̇знд̇о д̇ам̣ гааран̣ам̣ н̃ад̇ваа вассавалаахагад̣̇зварааж̇аанам̣ баггосаабзд̇ваа ‘‘д̇аад̇а, махаабурисо мажчарааж̇аа н̃аад̇ийнам̣ маран̣асогзна вассаабанам̣ ижчад̇и, сагалам̣ госаларадтам̣ згамзгхам̣ гад̇ваа вассаабзхий’’д̇и ааха.
Evaṃ bodhisatto attano paricārikaceṭakaṃ āṇāpento viya pajjunnaṃ ālapitvā sakale kosalaraṭṭhe mahāvassaṃ vassāpesi. Mahāsattassa hi sīlatejena saccakiriyāya samakālameva sakkassa paṇḍukambalasilāsanaṃ uṇhākāraṃ dassesi. So ‘‘kiṃ nu kho’’ti āvajjento taṃ kāraṇaṃ ñatvā vassavalāhakadevarājānaṃ pakkosāpetvā ‘‘tāta, mahāpuriso maccharājā ñātīnaṃ maraṇasokena vassāpanaṃ icchati, sakalaṃ kosalaraṭṭhaṃ ekameghaṃ katvā vassāpehī’’ti āha.
со ‘‘саад̇хуу’’д̇и самбадижчид̇ваа згам̣ валаахагам̣ ниваасзд̇ваа згам̣ баарубид̇ваа мзгхаг̇ийд̇ам̣ г̇ааяанд̇о баажийналогад̇хаад̇уабхимуко багканд̣̇и. баажийнад̣̇исаабхааг̇з каламан̣д̣аламад̇д̇ам̣ згам̣ мзгхаман̣д̣алам̣ удтааяа сад̇абадалам̣ сахассабадалам̣ худ̇ваа абхид̇т̇анаяанд̇ам̣ виж̇ж̇улад̇аа нижчаарзнд̇ам̣ ад̇хомукатабид̇ауд̣̇агагумбхаагаарзна виссанд̣̇амаанам̣ сагалам̣ госаларадтам̣ махогхзна аж̇жход̇т̇ари. д̣̇зво ажчиннад̇хаарам̣ вассанд̇о мухуд̇д̇знзва д̇ам̣ махаасарам̣ буурзси. мажчаа маран̣абхаяад̇о мужжим̣су. гаагаад̣̇аяо абад̇идтаа ахзсум̣. на гзвалам̣ мажчаа зва, мануссааби вивид̇хасассаани самбаад̣̇знд̇аа жад̇уббад̣̇аад̣̇аяобийд̇и саб̣б̣зби вассуубаж̇ийвино гааяигажзд̇асигад̣̇угкад̇о мужжим̣су. д̇зна вуд̇д̇ам̣ –
So ‘‘sādhū’’ti sampaṭicchitvā ekaṃ valāhakaṃ nivāsetvā ekaṃ pārupitvā meghagītaṃ gāyanto pācīnalokadhātuabhimukho pakkhandi. Pācīnadisābhāge khalamaṇḍalamattaṃ ekaṃ meghamaṇḍalaṃ uṭṭhāya satapaṭalaṃ sahassapaṭalaṃ hutvā abhitthanayantaṃ vijjulatā nicchārentaṃ adhomukhaṭhapitaudakakumbhākārena vissandamānaṃ sakalaṃ kosalaraṭṭhaṃ mahoghena ajjhotthari. Devo acchinnadhāraṃ vassanto muhutteneva taṃ mahāsaraṃ pūresi. Macchā maraṇabhayato mucciṃsu. Kākādayo apatiṭṭhā ahesuṃ. Na kevalaṃ macchā eva, manussāpi vividhasassāni sampādentā catuppadādayopīti sabbepi vassūpajīvino kāyikacetasikadukkhato mucciṃsu. Tena vuttaṃ –
90.
90.
‘‘саха гад̇з сажжаварз, баж̇ж̇унно абхиг̇аж̇ж̇ияа;
‘‘Saha kate saccavare, pajjunno abhigajjiya;
т̇алам̣ ниннан̃жа буурзнд̇о, кан̣зна абхивассат̇аа’’д̇и.
Thalaṃ ninnañca pūrento, khaṇena abhivassathā’’ti.
д̇ад̇т̇а кан̣зна абхивассат̇аад̇и ад̣̇анд̇хааяид̇ваа сажжагирияакан̣знзва абхивасси.
Tattha khaṇena abhivassathāti adandhāyitvā saccakiriyakhaṇeneva abhivassi.
91. гад̇ваа вийрияамуд̇д̇аманд̇и д̣̇звз авассанд̇з гим̣ гаад̇аб̣б̣анд̇и госаж̇ж̇ам̣ анаабаж̇ж̇ид̇ваа н̃аад̇ад̇т̇ажарияаасамбаад̣̇анамукзна махад̇о сад̇д̇анигааяасса хид̇асуканибпаад̣̇анам̣ уд̇д̇амам̣ вийрияам̣ гад̇ваа. сажжад̇зж̇аб̣алассид̇о мама сажжаанубхааваб̣аласанниссид̇о худ̇ваа д̇ад̣̇аа махаамзгхам̣ вассаабзсим̣. яасмаа жзд̇ад̣̇звам̣, д̇асмаа ‘‘сажжзна мз само над̇т̇и, зсаа мз сажжабаарамий’’д̇и махаамажчарааж̇агаалз ад̇д̇ано сажжабаарамияаа анан̃н̃асаад̇хааран̣абхаавам̣ д̣̇ассзси д̇хаммарааж̇аа.
91.Katvā vīriyamuttamanti deve avassante kiṃ kātabbanti kosajjaṃ anāpajjitvā ñātatthacariyāsampādanamukhena mahato sattanikāyassa hitasukhanipphādanaṃ uttamaṃ vīriyaṃ katvā. Saccatejabalassito mama saccānubhāvabalasannissito hutvā tadā mahāmeghaṃ vassāpesiṃ. Yasmā cetadevaṃ, tasmā ‘‘saccena me samo natthi, esā me saccapāramī’’ti mahāmaccharājakāle attano saccapāramiyā anaññasādhāraṇabhāvaṃ dassesi dhammarājā.
звам̣ махаасад̇д̇о махаагарун̣ааяа самуссаахид̇ахад̣̇аяо сагаларадтз махаавассам̣ вассаабанавасзна махааж̇анам̣ маран̣ад̣̇угкад̇о можзд̇ваа ж̇ийвид̇абарияосаанз яат̇аагаммам̣ г̇ад̇о.
Evaṃ mahāsatto mahākaruṇāya samussāhitahadayo sakalaraṭṭhe mahāvassaṃ vassāpanavasena mahājanaṃ maraṇadukkhato mocetvā jīvitapariyosāne yathākammaṃ gato.
д̇ад̣̇аа баж̇ж̇унно аананд̣̇ад̇т̇зро ахоси, мажчаг̇ан̣аа б̣уд̣̇д̇хабарисаа, мажчарааж̇аа логанаат̇о.
Tadā pajjunno ānandatthero ahosi, macchagaṇā buddhaparisā, maccharājā lokanātho.
д̇асса хздтаа вуд̇д̇анаязнзва сзсабаарамияоби нид̣̇д̇хаарзд̇аб̣б̣аа. д̇ат̇аа ад̇д̇ано самаанаж̇аад̇игаанам̣ каад̣̇анадтаанз мажчаяонияам̣ ниб̣б̣ад̇д̇ид̇ваа д̇ан̣д̣улаган̣амад̇д̇амби мажчам̣ аад̣̇им̣ гад̇ваа гассажиби баан̣ино акаад̣̇анам̣, д̇идтад̇у каад̣̇анам̣ згасад̇д̇ассаби авихзтанам̣, д̇ат̇аа сажжагаран̣зна д̣̇звасса вассаабанам̣, уд̣̇агз баригкийн̣з галалаг̇аханз нимуж̇ж̇анавасзна ад̇д̇анаа анубхавамаанам̣ д̣̇угкам̣ вийрабхаавзна аг̇ан̣зд̇ваа н̃аад̇исан̇гхассзва д̇ам̣ д̣̇угкам̣ ад̇д̇ано хад̣̇аяз гад̇ваа асаханд̇асса саб̣б̣абхаавзна гарун̣ааяанаа, д̇ат̇аа жа бадибад̇д̇ийд̇и звамаад̣̇аяо г̇ун̣аанубхааваа вибхаавзд̇аб̣б̣аад̇и.
Tassa heṭṭhā vuttanayeneva sesapāramiyopi niddhāretabbā. Tathā attano samānajātikānaṃ khādanaṭṭhāne macchayoniyaṃ nibbattitvā taṇḍulakaṇamattampi macchaṃ ādiṃ katvā kassacipi pāṇino akhādanaṃ, tiṭṭhatu khādanaṃ ekasattassapi aviheṭhanaṃ, tathā saccakaraṇena devassa vassāpanaṃ, udake parikkhīṇe kalalagahane nimujjanavasena attanā anubhavamānaṃ dukkhaṃ vīrabhāvena agaṇetvā ñātisaṅghasseva taṃ dukkhaṃ attano hadaye katvā asahantassa sabbabhāvena karuṇāyanā, tathā ca paṭipattīti evamādayo guṇānubhāvā vibhāvetabbāti.
мажчарааж̇ажарияааван̣н̣анаа нидтид̇аа.
Maccharājacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 10. мажчарааж̇ажарияаа • 10. Maccharājacariyā