| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૧૦. મધુરાસુત્તવણ્ણના
10. Madhurāsuttavaṇṇanā
૨૨૦. દસમે પઞ્ચિમે, ભિક્ખવે, આદીનવા મધુરાયન્તિ એકં સમયં ભગવા ભિક્ખુસઙ્ઘપરિવુતો ચારિકં ચરમાનો મધુરાનગરં સમ્પાપુણિત્વા અન્તોનગરં પવિસિતું આરભિ. અથેકા મિચ્છાદિટ્ઠિકા યક્ખિની અચેલા હુત્વા દ્વે હત્થે પસારેત્વા જિવ્હં નિલ્લાલેત્વા દસબલસ્સ પુરતો અટ્ઠાસિ. સત્થા અન્તોનગરં અપ્પવિસિત્વા તતોવ નિક્ખમિત્વા વિહારં અગમાસિ. મહાજનો ખાદનીયભોજનીયઞ્ચેવ સક્કારસમ્માનઞ્ચ આદાય વિહારં ગન્ત્વા બુદ્ધપ્પમુખસ્સ ભિક્ખુસઙ્ઘસ્સ દાનં અદાસિ. સત્થા તસ્સ નગરસ્સ નિગ્ગણ્હનત્થાય ઇમં સુત્તં આરભિ. તત્થ વિસમાતિ ન સમતલા. બહુરજાતિ વાતપહરણકાલે ઉદ્ધતેન રજક્ખન્ધેન પરિયોનદ્ધા વિય હોતિ. સેસં સબ્બત્થ ઉત્તાનમેવાતિ.
220. Dasame pañcime, bhikkhave, ādīnavā madhurāyanti ekaṃ samayaṃ bhagavā bhikkhusaṅghaparivuto cārikaṃ caramāno madhurānagaraṃ sampāpuṇitvā antonagaraṃ pavisituṃ ārabhi. Athekā micchādiṭṭhikā yakkhinī acelā hutvā dve hatthe pasāretvā jivhaṃ nillāletvā dasabalassa purato aṭṭhāsi. Satthā antonagaraṃ appavisitvā tatova nikkhamitvā vihāraṃ agamāsi. Mahājano khādanīyabhojanīyañceva sakkārasammānañca ādāya vihāraṃ gantvā buddhappamukhassa bhikkhusaṅghassa dānaṃ adāsi. Satthā tassa nagarassa niggaṇhanatthāya imaṃ suttaṃ ārabhi. Tattha visamāti na samatalā. Bahurajāti vātapaharaṇakāle uddhatena rajakkhandhena pariyonaddhā viya hoti. Sesaṃ sabbattha uttānamevāti.
અક્કોસકવગ્ગો દુતિયો.
Akkosakavaggo dutiyo.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧૦. મધુરાસુત્તં • 10. Madhurāsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૩-૧૦. સીલસુત્તાદિવણ્ણના • 3-10. Sīlasuttādivaṇṇanā
